2007 年 6 月 26 日 星期二 【綿綿細雨】

Title：災情嚴重

　　今朝晨早返去開早會，之後去左執書做書展．原定要執三箱 Business + Self-Improvement ，本來諗住執兩箱都比較困難，點知執下執下都幾停唔到手，結果都係執左三箱．所用時間都幾快，原先諗住執成個朝早，點知一個鐘唔駛就搞掂．

　　跟住又走左去後場繼續做外聯，本來諗住眼見都無咩 Order 要做，有時仲要周圍搵 D Order 出黎做，諗住一定清得晒 D 野，等放緊大假既恩慧姐姐返黎開心下．點知做到四五點，收銀處既阿珊， "罕有地" 急 Call 我出去．原來出面有幾籃 Order ，堆住個收銀處，而且仲有 D 老師揀緊書，所以叫我去儸左 D 書入去後場先．

　　結果我成個夜晚都係俾 D 書堆住，不停咁開單，但係當要急既時候，總係有 D 麻煩書搞搞震，假設本來有 10 本書，但係開完單之後竟然會得番 9 本，結果又要 Delete 個 Delivery 等等，總之就係超爆麻煩！！最尾保守估計應該做左 7/8 間學校（因為有 11 箱貨），仲有一單有 1/4 未完成，再加一單大生意未郁過，睇黎都係要等恩慧姐姐返黎跟手尾 >.<

　　收工後同左同事去左旺角唱 K ，當然還有其他門市既同事啦，為數 11 人，但係佢地都同沙商有某程度既關連．席間可以分辨到邊 D 係 "夜鬼" 同埋 "乖小朋友" ，因為有 D 同事唱唱下恰眼訓，情況就好似 "金霸王" 廣告入面 D 兔仔一樣 --- 無電 !!

>>June 28, 2007 at 4:20:53 PM GMT+8

2007 年 6 月 25 日 星期一 【綿綿細雨】

Title：Non-Stop 外聯

　　今日得我同 Davis 係英文部相依為命，但係為左繼續整埋 D 外聯，所以獨留左 Davis 係 Counter ，自己則留係後場．依家發覺對開單既步驟，有少少進步，開始唔駛睇住本 "秘笈" 跟住做，而今日成績應該係 Non-Stop 地做左四五單．但係遇到 D 特別問題，都仲係要搵 Minnie 同阿健幫手，發覺阿健同 Ivan 都係 SAP 既高手，要多多鑽研 SAP 至得 lu ！

　　依家做外聯做到有 D 上癮，開完單 Pack 完箱就會好開心，唔知有無得申請繼續做呢?!~

>>June 26, 2007 at 4:09:16 PM GMT+8

2007 年 6 月 25 日 星期一 【晴】

TItle：精選遊覽團

楊千嬅 --- 化

別離未算久　別漫談如摯友
令清修的我再失守
別凝望太久　令面容如刺繡
像一針一血的引誘

一巴一巴　情感打不化
沒碰著你再愛誰未算假

何必擔心下半生　何苦不信任緣份
談多幾次心　自然就似情人　唯有甘心
無需等的別要等　庸碌一世沒遺憾
人家不費心　亦能恩愛互吻
誰說別人未襯

淚還未轉圈　便被人嫌我怨
扮開心果也夠辛酸
舊情未算短　令別人如副選
像他的衫也該你穿

收得多花　遲早火花都化
未信共對　上百年未愛他

何必擔心下半生　何苦不信任緣份
談多幾次心　自然就似情人　唯有甘心
無需等的別要等　庸碌一世沒遺憾
情不必太深　若能不執著你
誰不懂去互吻

如果戀愛為結婚　如果擁抱為名份
何苦等半生　沒人沒有情人　如果甘心
誰的心可及你狠　誰肯恩愛亦榮幸
難刻骨銘心　亦能找到護蔭
忘愛自然合襯

>>June 26, 2007 at 2:55:10 PM GMT+8

2007 年 6 月 25 日 星期一 【晴】

Title：精選遊覽團

　　　新歌：盧巧音 --- 愛到不能
　　新歌：楊千嬅 --- 化
　　新歌：孫耀威 --- 思前戀後
　　舊歌：容祖兒 --- 愛一個上一課

>>June 25, 2007 at 5:04:15 PM GMT+8

2007 年 6 月 24 日 星期日 【晴】

Title：字典+ Language 書搬屋日

　　今日係英文字典 + Language 書搬屋既大日子，雖然係 "大屋搬細屋" ，但係起碼對於佢地黎講都算係有個新環境．但係我就慘 lu ，要搬一大堆書之餘，仲要為佢地 "度身訂做" 單位既間隔，搞到要將 D 坑架板拆左又裝番．而同時中文部有 D 書亦都要搬屋，為左等佢地可以快 D 做野，我將 D "住客" 擺晒係地下，有如地攤一樣．

　　而當我係度搬緊野既時候，除左要解決讀者 "意料之內" 問中文書之外，仲有 D 讀者問分店另一邊既野，例如 VCD 同 賀卡 ，要行一段長路帶佢地去，又要再行番去自己個架．跟住又繼續執，幸好中途有青媽媽同病緊既 Minnie 黎幫我執左一陣．亦要多謝 Ivan "超快手" 空左一個書架出黎俾我擺書，唔駛咁迫．最後執到收工，仲有 Thesaurus 未執，聽日要繼續了！

ps1. 係執緊架期間，美子同琪琪分別行過都話我個架執得好核突，之後我去左英文部 Counter 搵 Ivan 大佬問下點先可以執靚 D ，我話同事行過話個架好核突喎，Ivan 即刻話："係咪美子同琪琪呀? " Ivan 連人數同邊個都估到，真係要俾 10 個勁至得！！

ps2. 據報係小弟擺地攤期間，大頭目曾經行過望左一陣．聽聞人地擺晒 D 書係地下會受到 "強烈譴責" ，唔知幾時會輪到我??! （驚！！）

>>June 26, 2007 at 2:55:52 PM GMT+8

2007 年 6 月 23 日 星期六 【晴】

Title：喪 Do 男

　　今日係星期日，但係可能因為之前做完大減價，開門時候比平時既星期日較為冷清．之後就想快快手去幫 D 字典同 Language 書搬屋，點知每次有野做既時候，都係有好多野打亂自己既 Schedule，結果搬左 Chinese 同 Spanish 之後就要係 Counter 幫手．

　　跟住食緊午飯既時候，Minnie 問我晏晝有無野要做，反正有客係度都搬唔到架，當然係無野做，於是就同佢去做外聯．食完飯就去 Counter 拎番本 "外聯秘笈" ，入去後場搏殺．一路係度整完一籃又一籃，除左去 Toilet 之外都無出過去前場．

　　今次放棄用 Handheld ，全部用手開單，最多貨既一單都係 50 幾本書，但係半個鐘就開好單，比起上次 130 本書要用半日黎開單，可以話有幾大進步啦！(自己氹自己 >.< ) 而全個下晝不停係度整，應該整左 7-8 單 Order ，可以用潮語 " 喪 Do " 黎形容．

　　食完晚飯之後，先有得出番去英文部幫手，但係都無咩人，加上大頭目今晚去左食鮑魚，所以未夠 9:20 分就去播收市聲帶，有得準時少少收工 lu ！

>>June 25, 2007 at 4:33:42 PM GMT+8

2007 年 6 月 23 日 星期六 【晴】

Title：來不及

（朋友們如沒有看過先前的 "遲來的禮物" ，請先到 2003 年 4 月 27 日日記先觀看！）

274...

女孩在自己桌前的月曆、今天的日期旁邊, 寫上274這個數字, 代表他們分開了274天.

同一座辦公大廈、另一個辦公室裡面, 男孩剛剛病癒上班. 除了樓下的看更之外, 主管便是他今天見到的第二位同事. 男孩心想: "不是一回來就要給他臭罵一頓嘛?"

主管的口部剛張開.

"昨天病得很辛苦, 看了醫生, 服了一帖藥便睡了整天. " 男孩打算先發制人, 轉移話題. 當然, 他同時手上拿著適當的道具 --- 一封醫生證明書. 他也暗自覺得自己很機智, 只可惜他端上 “醫生紙”時, 雙手同時抬高, 頭部向下垂, 看上去只是一個不折不扣的典型懦弱 "辦公室男孩" , 又稱 Office Boy.

"昨天下班時, 有位女孩找你! " 主管一邊接過醫生證明書, 一邊木無表情地說著. 這邊廂也是一位典型的辦公室小主管.

主管說完便離開, 男孩深深的吁一口氣, 慶幸逃過一劫. 回過神後, 猜想一下那個女孩是誰, 他的腦海只有她的形象, 是唯一的形象. 試問像他這樣的 "電車男" 又會有多少女伴?

"她是否都在想我?" 男孩把274寫在惠康收據的背面, 代表他們分開了274天. 作為一個Office Boy, 沒有自己的辦公室房間, 也沒有自己的辦公桌, 更沒有自己的座檯月曆, 這張陳年的惠康收據要算是他的記事本了!

"我沒有英俊的外表, 也沒有過人的才華, 只要妳不嫌棄我便行了! " 男孩當天這番傻氣的表白句子, 到今天還清楚記得. 今天的他, 還是那副不修篇幅的流浪樣子、擁有除了畫畫比較美而其他一竅不通的才華. 他暗笑當天因自己無知而離開了她, 決定與女孩再續前緣. 正當他內心 "火勢不受控制" 之時, 卻被一杯液體淋熄了.

"陳明, 陳明! 拿一杯咖啡到我的房間! " 通訊器傳來某主管的聲音.

"哦! 收到! " 男孩急不及待飛身回答.

原來咖啡都可以滅火.

送完咖啡過後, 男孩又開始想想他的復 "愛" 計劃.

"要找一個有意思的日子! " 男孩心想.

"274...275...300...365...就第找365日那天! " 他看著他獨有的 "記事本".

"還有91天, 有甚麼可以代表這個日子? " 男孩盤算著. 突然他的頭頂上約五吋的空間, 有一個電燈泡亮起: "巴士路線91號去清水灣的, 如果約她到清水灣, 她必定要乘91號去那裡的. 那她不就乘著巴士渡過我們的旅程? " 不愧為一個藝術家, 連想法也有些詩意. "就約她那天到清水灣吧! " 他很興奮, 差點嚷了出來.

有了時間和人物, 還欠節目內容, 男孩日思夜想, 花了兩個多月的設計和修改, 終於定下一個完美的計劃.

364...女孩把這個數字寫在今天的日期旁邊, 打了一個呵欠便睡著了. 夢中女孩與男孩在自己的家中廚房一起煮晚飯, 她提議把牛扒剪成心形, 但男孩說: "牛扒本來就不是心形的, 為甚麼要把它弄成心形, 哪剩下的部分豈不是浪費了? " 女孩一方面埋怨他欠缺浪漫, 但也同時欣賞他的戇直. 他們花了很多時間才把這頓晚餐完成, 正當要坐下享受的時候, 廚房傳出濃煙, 火警鐘開始不停呼叫. 女孩正想找男孩一起逃離火場, 回頭嚇見他向著正吐出火舌的廚房走過去.

女孩大叫: "快逃了, 不要進去! "

男孩傻氣的說著: "進去關了煮食爐不就行了? "

女孩不停叫喊, 火警鐘繼續聲嘶力竭地響著...

女孩嚇醒了! 現實世界中, 有一件東西真的在叫著 --- 是她桌前的電話, 這次女孩的好友剛離開座位, 沒有人替她接聽電話.

女孩剛那起電話, 連 "喂" 也未來得及, 電話筒傳來怪聲: "靚女, 明晚七時清水灣見!" 之後便掛了線. 雖然電話的另一邊怪聲怪氣, 但女孩一 "耳" 就認出是她期待已久的他. 女孩自問不是天姿國色, 甚至連普通相貌也稱不上, 沒有人能夠叫她一聲 "靚女" 而不嘔吐大作的, 除了他.

"終於等到了! " 女孩一邊從座位彈起, 一邊叫喊著, 整個辦公室的人都呆滯地望著她.

365...女孩在桌前月曆、今天的日期旁邊寫上這個數字, 不過這個數字今天並不孤獨, 因為它的旁邊多了一個 “Love”字; 身處香港另一邊的男孩, 這天特地提早起床, 比平日上班還要早, 為的是早些趕到花墟購買價廉物美的 “頭啖花”. 這個早上的天氣不太好, 下著毛毛細雨, 但這也沒有使男孩的興緻減退, 反正無論天氣怎麼, 花墟的地上都總是濕漉漉的. 男孩的詩意又發作起來:“相信連天也感動起來!”

到了清水灣才11時, 雨下得大一點, 可是也不致令人沾濕身體. 男孩望著這個 “背山面海”的雨景, 加上一望無際的海灘, 就像一張巨型的畫紙放左面前. 男孩技癢了, 找來一支樹枝...

一張美得不能再美的生日卡展現在女孩的眼前. 一對小男女互相依偎著, 兩片合一的白雲從他們的腦袋升起, 寫著"Happy Birthday with Forever Celebration" --- 兩年前的女孩生日, 男孩在送給女孩的花內, 埋藏了一張他親手畫的生日卡; 兩年後的分手紀念日, "復合卡" 依然是男孩親手畫, 可它不是藏於花內, 而是在沙灘上.

在沙灘上畫畫並不費力, 只是很難畫得漂亮. 當 "畫紙" 的面積越大, 難度也越高, 尤其是協調各種圖案的比例. 男孩時而蹲在沙上畫畫, 時而站起來以觀察作出修改, 少一點體力都吃不消. 但他深信, 難度越高, 也越能夠顯出他的誠意.

時間到了6時了, 距離計劃的死線還有一小時, 這張復合卡還有十份之一工序未完成, 還欠卡中的男孩.

"要加快速度了!" 男孩心想.

天氣似乎要給男孩多一點難度, 雨越下越大, 毫不客氣. 正當男孩要蹲下來, 天上突然一下閃電, 無情地向著男孩的頭上轟過去. 男孩的頭上一陣痛, 耳邊傳來一聲遲來的雷聲, 把他吵醒. 他慶幸自己沒有事, 繼續埋首於自己的畫上.

不消一會, 有些旁觀者冒著雨走過來, 望著男孩畫畫. 男孩本想詢問他們的意見, 但時間緊迫, 也無暇跟他們談話了. 旁觀者指指點點, 男孩相信他們對他的畫功與誠意都很讚許.

再過一會, 一些身處白色衣服的人, 也從某處走了出來, 在復合卡旁邊蹲下來, 互相竊竊私語, 然後二話不說用布蓋著它. 男孩百思不得其解, 對著這些人大喊: "喂! 你們這樣蓋著它, 我怎能完成?" 可是, 在場的十數人, 都沒有人理睬他. 此時, 女孩來到了, 男孩先不跟他們理論, 一個箭步走到女孩跟前, 可是女孩沒有停下來…

女孩乘坐的巴士將近到總站, 離遠看到前面的巴士總站擺放著警車和救護車. "難道發生了甚麼事? " 女孩心想. 她一下車便一口氣跑下四五十級樓梯, 眼前整個沙灘只有一群人圍在一起, 那群人圍著一塊布指指點點. 那些人, 她一個都不認識, 但這令女孩更為不安, 因為他應該要在那裡的. 如果他不在那群人中間, 哪他只有在布裡…

男孩跟著她, 女孩二話不說掀開那塊布, 一幅熟悉的圖畫呈現在沙灘上, 跟兩年前的那張生日卡一模一樣, 只是那片雲寫上 "Please forgive me and be with me" , 而圖中的男孩也換了一個黑色的背影. 男孩也覺得驚訝, 怎麼他畫的畫除了啡色以外, 還會有黑色. 但這個黑色的背景, 好像有點眼熟, 似乎於甚麼地方看過!

女孩哭起來, 大嚷: "陳明! 陳明..."

男孩覺得奇怪, 明明他站在她的後面, 怎麼女孩會背著他叫喚他? 他醒起來了! 那個黑色的背景, 正是於女孩以前偷拍男孩背面的照片出現過, 哪眼前的背景豈不是他自己?

"怎麼會這樣?" 男孩滿腦疑惑.

1...女孩在自己的月曆上、今天的日子旁邊寫上這個數字. 她今天沒有上班, 呆望著電視機, 正播著新聞報導: “昨日旁晚約六時, 一名男子於清水灣, 被雷電擊中, 當場死亡..."

女孩的嘴也唸唸有詞: "我們來不及再一起了, 來不及了..."

>>June 23, 2007 at 4:14:05 PM GMT+8

2007 年 6 月 21 日 星期四 【晴】

Title：身處後場的一天

　　首先要向新來賓 --- 阿鴻 Say 個 Hi 先~~ ^.^

　　今日由於有英文部兩大巨頭 --- Ivan + Davis 坐陣英文部，加上聽日要放假，所以決定係後場 "閉關" Load 數，一定要將擱置左十日既 PO Send 出去．只不過係補番匯豐期間賣出去既貨，各間門市加埋都有 800 幾種，跟住一路睇一路補，補黎補去都未補得完，搞到食完飯先至補得完．

　　跟住歡天喜地走番出去，去完 Toilet 番黎見到收銀處忙少少，又去收左陣錢．之後就收到一份 "大禮物" ，就係外聯既五籃書．由於恩慧同 Minnie 分別放大假同例休，呢個工作就落左係毫無經驗既我身上 >.< 之後就拎個 Handheld 掃條碼開單，但係 Upload 左上個電腦就開唔到單，問左羅小姐同麗姐都搞唔掂，結果都係要 Ivan 出手，發現通常用親 Handheld 做野都係麻煩過用手開單．

　　跟住就逐本書 Check 價錢同折扣，發現原來有成 130 幾本書，Check 到嘔電，又發現有兩本書係掃漏左．經過成個晏晝係電腦面前 Check 野之後，臨食飯之前終於 Check 好晒，好開心咁 Print 張單出黎，點知本來應該有 130 幾本書，但係得番 1 本書．搞到叮緊飯既時候要走出去英文部 Counter 向 Ivan 求救，原來有本書唔記得 Delete 個日期，搞到分開左兩張單．

　　食完飯就去 Pack 箱，搞搞下都已經收工，出番去差唔多落閘，結果就 "成功" 係後場渡過一天 lu ！

　　ps1. Wanna Say Many Thanks to Ivan!! ^o^

　　ps2.今日有幸同 "神秘人" 阿鴻傾左幾句，發覺雖然係神秘，但係都好親切，又好搞笑既 ^.^

>>June 22, 2007 at 4:03:02 PM GMT+8

2007 年 6 月 20 日 星期三 【綿綿細雨】

Title：工餘節目

　　今晚收工同 King 與何亨去左 SkyBar 飲野，開左支紅酒，飲紅酒既感覺依然好得意，好 Relax！

>>June 22, 2007 at 4:19:05 PM GMT+8

2007 年 6 月 20 日 星期三 【綿綿細雨】

Title：寓工作於道賀

　　今日打去康怡取消轉碟， "借 D 意" 搵 "淑安前輩" （有無 D 似日式卡通片裡面既稱呼??） ，因為佢同 "阿傑前輩" （這樣有點嘔心吧！）終於都升左職，證明這個 "三個月之約" 並唔係 "口旱旱，大隻講" 既！

　　身旁既青媽媽亦都搶左個電話向阿 Ann 道賀，仲叫阿 Ann 快 D 返黎請我地食飯添！

>>June 22, 2007 at 4:18:50 PM GMT+8