2006 年 7 月 23 日 星期日 【清涼】

失敗。腳痛。不同

昨晚我好享受我們的對話，不知何時再有機會？
今朝不值一提，跟住下午番學校排戲，我對腳真係好痛T_T。
我唔係唔想排得好點，但對某d野我真係覺得不滿。

節 目 名 稱 ：戲劇馬拉松V
主 辦 機 構 ：無限傳說主辦
日 期：6/8/2006 (星期日) 19：30
地 點：荃灣大會堂文娛廳
票 價：$ 35
類 別：文化表演 - 戲劇
呂明才中學參與劇名：GOOD SHOW

有興趣睇我表演嗎？再唔睇冇機會架啦！！$35抵睇呀>V<"

「面對你，竟失去從前的勇氣。」

>>July 24, 2006 at 2:42:47 PM GMT+8

2006 年 7 月 22 日 星期六 【清涼】

酷熱。沉悶。跟隨

天氣真係好熱，就快溶啦！
今朝同大妹妹做守望，雖然好熱，不過好Enjoy。
突然好感恩我既守望者係大妹妹，神既安排真美好。I LOVE YOU>V<
跟住崇拜，唔太投入。下次要早d訓！專心點！若果唔係神唔鍾意的呢！
不過講道一聽到：
「若有人用金、銀、寶石、草木，禾楷在這根基上建造，各人的工程必然顯露，因為那日子要將他表明出來，有火發現；
這火要試驗各人的工程怎樣。(林前 3:12-13)」我同大妹妹即刻互望，因為呢句經文提醒我。


番到屋企好悶好熱，終於睇晒本「飛鳥的歌聲」。
真係好感動......或者係真人真事既關係，好有親切感，睇完之後好想即刻聽「回家」呢首歌。
「人生畢竟是一場漫長的鍛鍊和學習，雖然辛苦，還是值得，還是甘甜！」

夜晚煮雞斬件，以後都唔煮啦T_T竟然煮第一次係唔熟，仲要係咬左落去先知。
搞到我又要煮得次，好討厭煮雞。睇黎我d煮食天份......都幾低下。

「不遠看將來，不憂慮前面的道路，不自己選擇道路，不把理想的重擔壓在背上，只是默默地一步一步緊跟著牧人。」
牧人=神 / 組長 / 守望者。「不憂慮前面的路！」
點解我要為我將要經歷既事憂慮呢？既然神俾得我經歷，一定會保守我的。

>>July 23, 2006 at 4:26:48 PM GMT+8

2006 年 7 月 21 日 星期五 【清涼】

◤ζCaNon ζ◢ ---小知*// Diary 兩歲生日快樂！！

話咁快就用左Showhappy兩年，兩年間見到自己真係成長左。
特別係信仰方面，有一個咩都唔識既變到開始熱切尋求神既基督徒，真係好感恩！唔知可唔可以成為大家既見證呢？
當中記錄左好多野，喜怒哀樂盡在呢個日記中，好想永遠都用呢個日記去俾大家知道我既生活！
仲要...多謝各位成日都睇我日記，雖然有時記事長左少少，不過當中包含左我真正既感受。
多謝各位一路既支持，I LOVE YOU ALL！要繼續睇我日記唷！>V<

你！你！你！仲唔快D同我個日記講句Happy Birthday？

>>July 23, 2006 at 12:24:57 PM GMT+8

2006 年 7 月 21 日 星期五 【清涼】

冷清。完結。開始？

尋晚老豆終於買左個直髮夾俾我啦！不過俾我預期中貴左少少....有點唔好意思！
跟住今日番左去青彼參加重聚日，係唔係我冇祈禱呢=0="除左職員之外，得四個學生番......
搞到有點兒冷清，不過都成個活動進行晒！2005-2006年度最後一次同團長帶敬拜，一如以往，好多錯音！
睇番去Camp既片，好懷念呀T_T特別睇番流水柱，如果再有機會同密組既組員再玩就好啦！

好啦！今日係成個Camp完滿結束，亦即係本年度我團契副團長既工作完結lu！
由9月開始成為職員既時候，真係好緊張！因為得我一個女仔係新職員既時候，感到好孤單。
起初對團契都幾有期望，不過之後唔知點解冇晒Heart，越做越冇心機。
但聽到「流淚撒種的，必歡呼收割。」，好想做好團契，好想令更多人相信神。
好似印象中，去到4月團契職員既BBQ先開始同職員熟.........
但係團契中發生兩件大事，令我好傷心。終於到左百事可樂福音營既時候，先算係真真正正冇左心中條刺。
要好好思考出年會唔會留任，或者好似阿滔咁講，冇女職員既唔好做！
不過咁咪變到成個團契都係得男職員，會嚇親d女同學架喎！點算呢呢呢？

其實，真係好多謝阿珊，阿滔 & 秀程你地。成日要你地聽我訴苦，但又冇覺得煩，反而支持我。
仲要超超超多謝浩然你！！好彩你成日都番黎團契，我先冇覺得咁孤單>v<感恩！
成年啦！感謝神讓我可以係團契學習「忍耐」呢樣功課，唔知神滿唔滿意我今年既事奉呢？

P.S: 希望你鍾意份禮物，最好就去到邊帶到邊！Kaka
「希望可以令自己的生命沒有半點後悔，在最有限的時間做最精彩的事情！令到自己百年歸老後都有著美好的回憶！」

>>July 23, 2006 at 12:18:29 PM GMT+8

2006 年 7 月 20 日 星期四 【清涼】

疲勞。煩惱。懷念

今日，又去天水圍十八鄉中學上Summer Writing Festival。
不過今堂一d都唔悶，因為我地Frog Prince & The Sleeping Princess混合版之Drama！
好好笑！我地果group幾男仔反串做公主，巫師同埋Frog Prince。
今堂仲學左寫英文劇本=v="難到爆。用中文諗到，不過用英文做好多字都唔識點寫。

之後食完飯就番學校排戲，有點燥！早到係唔好的.......
我同琦琦排排下都開始冇晒心機，唉！要提起精神，好難呢！
番到屋企太倦，所以訓左陣，點知訓到唔知醒，差d唔記得去學琴。
我要俾心機啦！因為我已經知道幾時考琴試，再唔努力....實唔合格！嗚.........
7/11.........荃灣Happy Sound Music LTD等我考六級琴試！為我祈禱吧！

「他朝七老八十時，我可以說句「我對青春無悔！」嗎？」

2005-2006校園生活......



>>July 21, 2006 at 3:20:13 PM GMT+8

2006 年 7 月 19 日 星期三 【清涼】

戲劇馬拉松綵排 VS 小組

堅持定放棄？信仰定戲劇？
此時此刻，我感覺了一種無形的壓力。好疲累......
對戲劇組來說，綵排重要。對小組來說，參加小組聚會重要。
雖討厭處於十字路口，但一生人要面對二選一的事卻太多。
到底是因為我成長了，所以面對的問題多了，還是大家的關係改變了？
神呀！我畢竟不能以直覺為準，你想我怎做？最後，我一定要二選一，可否教我怎推別人？

誰錯誰對？今日再次為信仰而落淚，但不是因感動，而是因傷心。
「慶幸有你結伴 共攜手走過 生命中的每刻 」辛苦建立為大家的同路人，會改變嗎？
逃避定面對？到底我應如何解決？為何近來要面對這麼多問題？

>>July 20, 2006 at 12:42:38 PM GMT+8

2006 年 7 月 18 日 星期二 【清涼】

逛展。疲累。肚痛

今日朝早番去天水圍十八鄉中學上Summer Writing Festival 2006。
今堂個中大Miss黎監堂，有點壓力。冇法子，我英文唔好，佢講英文又深，唉！
不過呢堂幾好玩，因為我地將十個同學既Fong Prince & Sleeping Beauty既Ending夾埋左一齊諗個新故事。
下一堂仲要玩埋Drama，我諗呢個都唔係Writing班=0="......應該改做創作班。

跟住番完呂明才交書單之後，就番屋企換衫同Kathy & 爬爬去書展。
去之前仲以為要排隊等入去，點知唔洗，多左成個鐘去行。
今年都幾多野睇，不過我搵唔到我想睇既台灣 & 日本小說......有點失望。
行左大約4個鐘，買左兩本書...一本係Q版特工--M殺令，一本係飛鳥的歌聲。
想睇飛鳥的歌聲係因為我略睇書入面既內容時，見到有「回家」既歌詞，亦知道「回家」係書中既主角唱既，就好想去睇。
去到基督教展區果陣，見到以琳書房有隻Shout to the lord既碟好想買，不過都係放棄左。
差唔多七點幾就走人lu，去左尖沙咀既Citysuper食飯，貴！
搭巴士番屋企果陣.......肚痛，一路狂祈禱，感恩俾我捱到番屋企=v="

「轉移目標，因為已對你失去從前感覺，但我認為是好事。」

>>July 20, 2006 at 12:46:27 PM GMT+8

2006 年 7 月 17 日 星期一 【清涼】

內疚。解決。感動

某事件已困擾了我幾天，今天終於能解決，感恩！
幾天以來，當我獨自一人時，總會煩惱這事。
害怕親自解釋，會失去好朋友。害怕親自道歉，會得不到原諒。
但你卻大方的原諒，不但沒有生氣，反而安慰我不要自己嚇自己。以後我會小心點！
多謝你更說朋友要經過挫折才能成為好朋友。
多謝你原諒 & 安慰我！感謝神讓我有你這位好朋友！
Thanks A Lot......My God

日記轉歌了，因為我實在太喜歡「讓我高飛」這首詩歌，十分觸動我的心靈。
感謝神讓我在網上尋找到詩歌原作人唱的Mp3，多謝呢！
或許遲下才轉回Song For Lover，但短期會用這首。朋友們，細心聽下吧！
「讓我高飛 高高的遠飛 不惜翅翼斷 不安於低地」

P.S：2006 年 07 月 15 日 星期六，那篇日記在中段加了一段有引號的小段，請留意！

>>July 17, 2006 at 5:08:51 PM GMT+8

2006 年 7 月 15 日 星期六 【清涼】

百事可樂福音營---感想 & CAMP 相

呢三日兩夜自己做副組長時，雖然唔係做左好多野，但見到密組既組員成長了。
組員真的改變與更新了，佢地學習了忍耐~聆聽別人意見~服從等。
第一次係團契事奉時，深深感受到「流淚撤種的，必歡呼收割。」這句經文。
神為我預備的，一切也是美好。我冇諗過係Camp到會經歷到經文的內容，但神卻為我安排了。
而且，係福音晚會到，我感覺到神的手在安慰我的心靈。神明白我既心情，令我聽到「讓我高飛」呢首詩歌。
雖然我好想係團契中能有同行者，但我已沒有再後悔為神在團契事奉。
Camp完畢同時，我就要開始為出年會唔會繼續做團契職員而擺上禱告。
但我在思考時候，唔會好似之前咁冇留空位去俾神帶領，自己決定做唔做。
感謝神！你讓我經歷了你的恩典！

「主，感謝你給我會追尋夢想的本性。
有人說夢想令人變得積極進取，更加懂得珍惜生命，閱歷也變得豐富。
對呀！然而，我的夢想有你支持及祝福，那會是最美。
主，真的！我不想辜負你給我的生命，不想平庸度過，我想高高的遠飛。」

「幾好阿，起碼我冇覺得整係我自己一個人做xia所有野，但你都可以再主動d同其他組員溝通。」By施予
睇黎我都唔係做得太差bor！不過還需改善下-v-"！



>>July 17, 2006 at 4:44:42 PM GMT+8

2006 年 7 月 14 日 星期五 【清涼】

百事可樂福音營---第三日

今日就要走，好唔捨得......整理晒d野，就要落下集合食早餐。
呢餐既早餐都係中式，不過好食左少少。食完之後，就早左去到日營中心預備一陣既敬拜。

最後一個活動：必有所得
破冰既時候玩大風吹，勁好笑！阿滔同秀程輸左，要跳舞......不過跳得好差。
跟住玩人肉UNO，施予同另一個男仔輸左，要出去做一幕一對情人係沙灘慢鏡相遇，勁傻。
最後一次帶敬拜，今日唱左色彩人生~尋著您的那天~愛裡重圓~千般波浪。
雖然都有彈錯，但比第一日帶既時候好左，起碼學生會唱。
之後到分享得著，好多都話識多左朋友等，好行=v="
我就話今次既Camp得著最大既係同團契職員關係好番少少，已經好感恩！
跟住要成組出去分享呢個Camp既得著，我地做番BBQ同埋流水柱果幕，最後由施予帶住我地成組唱「友共情」。
到彼此欣賞/鼓勵行動，大家互送自己覺得想欣賞/鼓勵既學生一罐附送卡既百事可樂。
我送左俾煒琳，因為佢比第一日見到佢既時候態度好左好多。
而且見到佢收到差唔多六罐既百事可樂，開心既樣真係好感謝神！我收到Feli果罐，多謝你呢~~

之後番去宿舍整理好自己d野&間房，對左3日2夜，唔捨得=0="影左幾張相就落番去集合。
最後午餐，狂俾阿滔同施予玩。組員講番對我地既感覺，都話第一次帶得唔錯。
跟住派左d鼓勵卡俾佢地，希望佢地可以知道自己既優點。我寫多左張俾施予，寫左我對佢既感覺。
「食食下Lunch，提醒左阿滔同施予Zoe聽日生日。之前諗住佢地最多係自己果組人唱生日歌啦！
點知佢地兩個帶頭勁大聲唱生日歌，全場冇人聽唔到，全場冇人目光唔係望住我地=v="
雖然有d尷尬，不過好開心！感恩既係Zoe開心&感動到想喊！事後先知佢地兩個成日都咁做，真"變態"。
不過好都想試下係呢d場合有一大班人會大大聲聲咁唱生日歌俾我，唔知有冇機會呢？」
我地影埋組相之後，就去日營中心出面影大合照，跟住就上車lu！
番到去青彼之後，冇咩野做，因為得幾個學生未走，影左幾張相。
之後同家敏傾計.....好驚呀！點算呀？點算呀？
番到屋企好倦，上左陣網已經頂唔順，去左Sleeping。

總括呢三日福音營，雖然一開始有點唔鍾意呢組，但之後我好感恩係呢組既副組長。
不過點解我對密組五個男仔入面既四個男仔都冇印象係學校見過佢地既=0="
第一次同施予合作，起初好驚，因為我地互相都唔認識，驚合作失敗。
雖然呢三日我地兩個都唔係傾左好多野，但合作得唔錯。Anyway，好開心識到施予你&與你合作。

友共情

下雨天 總掛念從前 球場上那可愛片段
突然又已一年 祈望再會面 舊朋友
就算心永未遙遠 但這刻渴望見 即使重聚再短

時光可變 世界可變 人情亦許多都變遷
友共情不變 那種真找不到缺點
妳我再次相見 隨年和月 身心雖秏損
友共情從難扭轉 心內那熱暖 仍是純真未變

(Half Rap):
Now and then think of you and me
Forever friends forever we'll be
Time is changin' but nothing's to be blamed
cos our heart forever sing

>>July 19, 2006 at 3:40:08 PM GMT+8