2007 年 2 月 26 日 星期一 【炎熱】

四六盃：4S1 VS 4A男子四人足球

放學後，第一場四六盃。今次四立盃足球排球籃球都係對4A...
抽籤結果令我有點無奈=0="不過都冇所謂吧！盡全力...
今次男子四人足球，我地4S1代表係Walter&Max&Kai東&輝&高進~
睇得好High...即使有冇入波都大叫。最好笑係高進同4A守龍互扔個波去對方龍門=0="
最後Walter入左一球...Max兩球...Kai東一球...輝一球，而高進則盡力守龍門。
而比賽結果係5：2，4S1勝出。下一場唔知對邊班，8/3...
雖然唔知仲有冇機會勝出，只要盡力，好好合作已經Perfect。
第一次感受4S1有團結既精神，太喜樂唷！

>>March 2, 2007 at 1:09:34 PM GMT+8

2007 年 2 月 24 日 星期六 【微冷】

再見！Rita & Tammy

今日番教會，有點倦。好似好耐冇做守望，掛住你呀大妹妹！
崇拜既時候，敬拜唔算集中精神。講道請左位牧師黎講道！
之後去景峰食飯，好酸呀個飯.....不過都ok既。
食飽上左新生命教會敬拜~之後就同肥翁+Joey出隊。
最深刻係同3個小朋友傳福音+講福音故事。
呢3個小朋友其中有2個已經知道耶穌係邊個，我地3個就講故事+教佢地祈禱。
第一次同小朋友決志禱告，好緊張...雖然唔係講得好暢順，不過係一個新嘗試。

之後早走，係何福堂等舅父黎車我出婆婆到。
先去左熊貓酒店影貼紙相，今年終於可以同Rita & Tammy & 施施 & 小b影張靚既啦。
影完上婆婆屋企hea左陣，就出發去機場...嘩！總共差唔多7個行李袋=0="3個人ja wo...
好耐冇去過香港國際機場，真係好靚。仲要途中經過青馬大橋+汀九橋。
仲要夜晚去，真係靚到爆燈！係機場Rita佢地買左d零食，影左d相...
佢地就要走啦=[好唔捨得。「難離難捨想抱緊些....」
下次再見，一定要係暑假...唔可以留一個禮拜咁少。

夜晚去番洪水橋食飯，今晚餐飯超有水準。
個冰梅骨好好味，仲食左2隻+3款雞，蒜蓉波菜。嘩！真係食肥我lor！
今晚趕功課...趕到1點幾，太好=v="2點前訓到。

>>February 27, 2007 at 10:49:28 AM GMT+8

2007 年 2 月 23 日 星期五 【微冷】

長洲一日遊

今日去長洲一日遊，主要食+訓+行。
朝早同二哥搭西鐵去荃灣碼頭，笑死我...
我地唔知係咪太似情侶，對面個男生成日望住我地兩個。
之後16個人就上船出發去長洲，可惜船頂冇厚墊俾我Zzz...
今日小B病病，我做左佢看護，成程船俾佢訓係我大脾，因為多肉XD
到長洲之後，先行左一陣，再去左間酒家食飯...唉！一d都唔好味！浪費錢錢唷！
跟住去買野食，先去買半斤蝦餅半斤魚蛋。好多唷......
再行去食糖水，最好味果間冇開，轉食第二間...
總共買左+食左33粒芒果糯米滋，好好味=v=''不過好似叫得太多！
再行去間日本小食店，買左個蟹子沙律手卷，雖然唔係個日本婆婆整，不過都ok好味=]
好滿足呀！一日間可以食到咁多野食~~~~~~
之後因為某種關係，要上船走人lu！係架船終於可以俾我影下相！

番到婆婆屋企，食左個經歷風浪既生日蛋糕！
因為一開始諗住係船上食蛋糕，但最後冇食。放左係船既雪櫃，點知溜水...
搞到個蛋糕濕左，所以經歷左好多風浪先食到.......不過仲好味！
訓左一陣，夜晚係大窩口食飯，麻麻地，還接受到。

太好啦！等左兩個星期終於等到「海猿」啦~~
今集好好睇！去到個男仔要求男主角大輔送樣野俾佢，大輔送左隻手錶果段...
好想喊唷！點解？單單兩個字：感動！好期待下集+電影版唷！
再睇埋Naruto (火影忍者)，今日真係好滿足！

由於近日放得太多相片係日記，所以今日係長洲影既相遲d先放！

>>February 27, 2007 at 10:33:26 AM GMT+8

2007 年 2 月 22 日 星期四 【微冷】

功課日

今日出去學完琴，過屯市搵Winki做功課。
食左個薯蓉餐，好味>V<"跟住抄功課XD
之後去市鎮公園做Bio project~~行到腳痛...
仲要刮腳>"<不過最後都勉強做完呢份功課...
只要晒埋相就ok了~~最好笑就係夜晚同Zoe一齊落良景晒相！
個晒相店有隻腳...一開門即刻俾佢閃走...
搞到個老闆娘拎埋Zoe張記憶卡出去追...O嘴了~~
等左超耐先番黎......不過真係好好笑。

感恩既事：自己一個人係屋企好孤單，不過感謝神與我同在。

>>February 26, 2007 at 12:27:35 PM GMT+8

2007 年 2 月 21 日 星期三 【乍寒還暖】

《秒速5センチメートル》


知道嗎？...櫻花凋落的速度...是每秒5釐米。
那麼，我要以怎樣的速度生活，才能與你重逢？(From秒速5厘米)

故事簡介：
遠野貴樹和筱原明里在小學畢業的時候同時亦分開了。二人間只把存在著的特別的感情放在一旁，時間亦不知不覺流逝。終於到了一個下大雪的日子，終於貴樹約了明里見面。
描畫了貴樹和明里的再見的日的「櫻花抄」，從第三者的角度寫了此後的貴樹的「kosumonauto」，並且以他們內心徬徨做主題的作品「秒速5厘米」。3單元個連續的動畫片作品。

畫面與新海城上一套作品「雲之彼端 約定的地方」一樣咁高水準，讓人非常舒服。
音樂亦是天門負責>V<每一首背景音樂都咁觸動人心。
主題曲啟用11年前山崎正義的One more time，One more chance。超好T_T"

俾我上網搵到第一話「櫻花抄」，07年3月3日日本上映/_\好想睇...快d啦~~
官網：http://5cm.yahoo.co.jp/

















>>February 22, 2007 at 9:35:15 AM GMT+8

2007 年 2 月 19 日 星期一 【微冷】

年初三...拜訪姑媽家

舅父車番我番屋企之後，冇幾耐出姑媽到。
嘩！好耐冇飲過茶=v="好好味......食得是福！
之後上姑媽屋企坐左陣，食左幾粒糖就走人~~
仲出埋朗豪坊食Mos burger=V="請左個俾媽咪食~~
不過太多人，冇之前咁有超水準！=]

感恩既事：夜晚景色好靚，神創造左一個好靚既地球！
而且俾人有咁多智慧，發明咁多幫助人既野。創造的神...

>>February 26, 2007 at 12:15:45 PM GMT+8

2007 年 2 月 18 日 星期日 【微冷】

年初二...拜訪婆婆家

年年新年最期待就係去婆婆屋企，因為最開心=]
下午去到之後，食左一餐超飽既午飯...
有由美國黎既蜜糖豬手/腳?，鮑參翅肚...仲有好多野食。
跟住打機啦~影相啦~玩啦~逗利是啦~
最開心係一班表兄弟姊妹影左張大合照，雖然少左兩位BB：情情+良仔~
而婆婆亦同左佢既8個兒女影相相>v<因為咁難得齊人！
之後食生日蛋糕，因為小B+Rita26號生日，提早慶祝=]藍莓芝士蛋糕，Good！
食飽飽去荃灣行街，買左好少野就走人~~因為影唔到貼紙相，所以係黑夜中影相補數！
番到婆婆屋企又食左另一餐豐富既晚餐，好味好味！
夜晚去舅父屋企訓，好耐冇見過波波+Gigi呢兩隻松鼠狗，So cute！
原來Rita都鍾意睇Bleach~~搞到差唔多成接近3點先訓...
仲要訓訓下小B走左上黎張梳化訓，隻腳頂住我條腰=0="O嘴！

感恩既事：一班親朋戚友聚集一齊，好難得！感謝神~~
保佑人既神，讓我地平安地有機會相聚。

2007 年 2 月 17 日 星期六 【晴】

年初一...拜訪「女麻」x2家

朝早番教會參加崇拜...嘩！好少人=0="
第一次自己坐一行，有點孤獨。不過諗左好多野...
跟住番屋企Hea...等到成4點先出去「石蔭村？」既「女麻」x2屋企。
去到佢地租左「父子」呢套電影...粗口多，劇情悶，睇到我真係訓著。
夜晚出去食飯...同上年一樣，總係個套餐會有一兩道菜餚冇既...
今次冇大蝦，轉為蝦仁，點知連蝦仁都冇，最後要扇貝...一樣比一樣野平。
之後番屋企.../_\真係好眼訓...始終都係去婆婆屋企開心d！

感恩事：今年去果間差酒樓食飯，竟然冇肚痛or嘔。感謝神為我預備...
神既樣式：為人預備的神，不用我擔憂！

2007 年 2 月 16 日 星期五 【炎熱】

年三十--團年飯

太好啦！今日Rita & Tammy番黎H.K啦！
下午番完教會之後搭車去洪水橋。
去到施施屋企，點知佢地成班表妹出晒去行街=0="
唯有打住PSP先啦~~表哥借左佢果部俾我，因為有太鼓達人玩。
夜晚出去食飯，太過份啦！後面檯既阿伯坐到咁後，搞到我企唔到起身夾食物。
唔小心掂到佢，就係到鬧我\_/太過份啦！年三十俾個阿伯話，哼！又唔知自己霸左好多位！
算數！但今次間飯店超多蚊=0="...冇咩謂口食飯！
食完再番去施施屋企玩，影左好多相=]同情情+良仔玩，好可愛>V<
不過因為Rita & Tammy搭左好耐飛機，又行左好耐街，所以番到去就訓左LU！

2007 年 2 月 15 日 星期四 【炎熱】

旺角一日遊

今日俾Winki拉左去旺角行街，好耐冇同朋友去街，真係好多人唷！
Winki又遲到啦！下次要提早約佢啦XD！搭巴士果陣傾左好多野，好耐都冇傾心啦！
首先去左新之城，點知太早間間都未開，連旺角中心都係。
最後決定左行朗豪坊先，對上一次行，好似係上年同K.C去...嘩！差唔多成年冇行街=0="
突然俾我係朗豪坊見到一間我超想試既Mos Burger，原來已經係呢到開左間啦=v="
即刻同Winki去試，好彩我地買果陣唔係好多人，排左5分鐘到就買得。
我試「元氣漢堡」，Winki試「脆雞漢堡」。嘩！100%好味！
我個「元氣漢堡」蕃茄超甜，d醬汁勁match，塊牛肉好香，最good就係個包脆架>V<
雖然個飽$20，不過點都要試下...貴都咁話！實在太好味！食完個口仲存有陣陣香味。
Winki仲話個「脆雞漢堡」舊雞同M記果d超大分別，香好多+冇咁多油！好想試呀......
之後逐層逐層行，原來Winki怕高=v="好可愛呀佢驚驚個樣。
最後花最多時間都係無印良品，買左d筆，食物，飲品就閃人。

之後已經成2點，跟住過番去旺角中心+新之城，多人到嘔...
行步路都難T_T"好彩最後Winki都買到對鞋+裙。
臨走之前再過番去朗豪坊，點解？因為要食多次Mos Burger！Wakkakka！
今次試左個「海鮮珍珠堡」，呢個係米飯漢堡，比M記好食。
不過始終都係鍾意係漢堡飽！而Winki都係食番「脆雞漢堡」，佢太專一啦！
我仲買多個「元氣漢堡」俾老豆食，當係多謝佢買左部Canon相機俾我。

之後就搭車番屯市換番兩年T-shirt就番屋企......已經倦死左。
P.S Winki，同你行街好開心=]！