2006 年 12 月 16 日 星期六 【乍雨乍晴】

是你抹我淚痕，是你揹我經過


靈命已低潮到我不能接受的地步，冇靈修冇禱告！
得不著力量，與神的關係疏遠得像未信者！
在思考會否參加31號的除夕感恩祈禱會，我聽到神的心思！
兩日既教會聚會，使我重新得力。
縱然問題依然存在；縱然我不懂得如何處理。
但我有神揹著我一起面對，已足夠了。

星期六小組慶典，8個新朋友，感謝主=]
破冰我同芝芝帶，都唔錯！只有少少冷場...但已很好。
睇「小麥子」，見到諾諾生命雖短，卻活得比我更豐盛。
我敢於對任何一個人，充滿信心，大聲說：我愛耶穌，因為耶穌愛我。這句說話嗎？
「我實實在在的告訴你們，一粒麥子不落在地裡死了，
仍舊是一粒，若是死了，就結出許多子粒來。 (約 12:24 )」
雖然小食會發生左d事，但感恩神安慰了你...唔好唔開心啦金魚仔！
多謝Vicky讚我整既朱古力石頭蛋糕好味，THANKS A LOT！
夜晚去左元朗食飯，好開心=]見到情情同良仔...一個主動一個怕羞。
同屋企人...弟兄姊妹相處，才可以令我一切擔憂放下。

今日福音主日，有馬來西亞福音歌手張秀梅分享詩歌+講道。
佢既詩歌以輕快+喜樂為主，好多動作。今日敬拜好開心，神與我一起參加。
講道雖有些倦，但當聽到要選擇生命，即刻彈起身=]我要一個豐盛的人生！

感謝神！我知我聽日要面對既野實在太多，如果我冇番黎教會，我得不到能力。
你每一個安排，我從前不明白，但現在明白你的心意。
你沒有撇下我一人，你反而揹著我走...叫我走的路並不吃力。
「對我過去多少的失意，但你每次每次也在旁。是你抹我淚痕，是你揹我經過。
明白到有你居於心深處，我不再是獨行。前路有你共行，留下雙雙足印 …」

我見到神的工作！神工作於Kathy身上，讓她學習禱告。
問題未完全解決，但已有進展。結果如何不再重要，重要的是不要放棄！
「神真美好，您的工作真美好，您至高恩典奇妙，萬有都不可相比！
神真美好，您的工作真美好，您至高恩典奇妙，俗世裡有誰像您！」！

>>December 17, 2006 at 2:04:30 PM GMT+8

2006 年 12 月 15 日 星期五 【乍雨乍晴】

原來我這麼易哭

睇完小肥留言，好唔開心。其實一直以黎我都冇怪過朱天樂...
我知每個人都有佢忙既事，但就算放學練唔到，Lunch只要準時黎練都已經好好。
Miss真係有問過，果陣舉手話唔參加既只有幾個。我一早講過...或者呢d真係我既期望...
但既然參加左，唔通臨時退出？一d體育精神都冇？多謝小肥係某程度上既責罵...Thz
但夠了...一個留言已經足夠。我依家缺乏既，係力量。的確我希望4S1有4C既團結精神...但我知係件難事。
我唔想為我決定既事後悔，但我做唔到。好想喊...好想有人俾我攬住黎喊......
點解所有問題一出現，都要俾我知道...都要我諗法子解決...好倦，我頂唔順...
My Jesus........I need your help！Where are you?你係我背後嗎？

>>December 16, 2006 at 4:25:52 AM GMT+8

2006 年 12 月 14 日 星期四 【乍雨乍晴】

只有一個「忙」字

再一次證明，個人期望不等於全班期望。
歌唱比賽出奇地入到決賽，但入到又點呢？都冇咩人願意練歌。
之前我有叫Miss問你地每一個人係咪肯參加歌唱比賽，如果你係咁唔想參加，點解唔同Miss講？
況且就算有一點兒係強迫，點解唔可以為班付出一點？
你唔日日黎練都算，最低限度都黎一陣先走Or搵幾日黎下。
我承認之前班會開完會，冇同你地講傾左d咩，但我都有略略講下...
唔係班會職員Fd就入得黎開會，係班上活動有需要佢地幫手。
好似Kathy咁，佢要負責訓練你地練歌，佢當然要黎開會傾訓練日期動作等啦！唔好只睇表面！
朱天樂，可能我有時講野態度Or語氣令你不滿，I am so Sorry........
我地職員...同學都肯付出自己私人時間準備班會既野，依家叫你地幫下手練下歌好辛苦？
好倦！好倦！我已經冇力啦...歌唱比賽...班房佈置...Sport"s Day裝飾...Christmas Party...
好多野都令我好煩......我只係想我地預備完既野，會有好結果，會令你地每一個有開心既回憶...

好多野忙，星期一仲要聖誕崇拜。Oh No！要由Hall門口入去台上...進堂呀！好驚=0="
今日放學有團契，Christmas Party...食物出奇地少，但都可以的。
完左落Hall練歌，練到冇氣+走音...我唔想唱歌呀=v="唱歌恐懼症...
太好啦！今日浩然都番左黎團契，好耐冇見佢...So Miss You=]
跟住成7點同浩然行去搭巴士果陣，係添活力見到施予....但好耐冇見過Lu...馬可賓仲未換冬季
好ENJOY同浩然行去巴士站，或者太耐冇咁休閒過...Christmas要好好休息下！

>>December 15, 2006 at 1:08:17 PM GMT+8

2006 年 12 月 10 日 星期日 【颳風】

喉嚨「倦」得要死

嘩！尋晚一公升眼淚+Herry Potter都好好睇=]
但點解我睇一公升仲未喊呢？但好感動Bor...我想喊。
整日也為明天的歌唱比賽忙碌/_\需休息！

朝早先醒起今日要交Bio作業，成朝都忙於補做。
兩堂Bio都係到做實驗，因為今日特別上課時間，所以好快上完堂。
跟住A.Maths=]唔太難...不過阿Sir話依家教既lim會考都唔會考=0="唉！
English上Oral...第一堂罰企，第二堂有點悶...="=最唔鍾意每次上Oral堂都有一堂要企。

Lunch失望透了...要一班人齊晒，真係咁難？Donald Chan...對你死心。
跟住Chinese堂，Miss冇番，鄧Sir代堂！嘩！佢話記得我=v="記性太好！
Chem堂好傷心唷！唔識Test呀！25分滿分...希望有14分啦！
放學失聲！全班廿多人練歌，係就係唔齊，但有進步已經好好！
三個班會職員一齊落操場拉人上去練歌，反被不友善態度對待...Upset！

4S1同學！聽日贏定輸都唔緊要啦~~只要我地盡力便OK！
We Can Do The Best......我相信你地每一個人都可以盡全力！

>>December 11, 2006 at 1:46:06 PM GMT+8

2006 年 12 月 9 日 星期六 【微冷】

心不在焉

突然好像被人孤立了...被愛與愛人，是兩個極端的行動。
OH！兩年半已經足夠，只懂得被愛+被關心的時代需停止。
因我已長大了，我應學習愛別人，要愛人如己。
雖然轉變的過程大，但我的靈命年齡也長大了=]需改變！！

>>December 11, 2006 at 1:30:00 PM GMT+8

2006 年 12 月 7 日 星期四 【微冷】

戀愛。亂愛與真愛

今日最特別既係...團契由我負責。
起初得2個同學入黎小聖堂，原來班班都留住d同學練歌...所以冇咩人黎團契。
神太奇妙啦！我未去禱告，神已經俾左十多個同學入黎=]感謝神！
跟住由善恆帶破冰，玩挪亞方舟，第一次玩...感覺係行到好倦+好頭暈********
敬拜我帶「一首讚美的詩歌」+「愛心可以做橋樑」，原本想帶「我怎麼能沒有你」....
不過教唔到其他職員識唱，唯有轉歌！一路播碟一路唱，帶得麻麻...不過都勉強OK既！
最後睇「戀愛。亂愛與真愛」呢隻VCD，一開始點解決定睇呢隻VCD...
原因就係我睇完覺得真係好好笑+佢帶出既主題「年青人對戀愛的看法」真係唔錯。
由於時間關係，我CUT到得17分鐘，仲要係最唔好笑果Part...
點知反應好好！冇冷場，好多笑位=]最後一齊拖住手唱埋「愛是不保留」就完。感恩！
分享時間...由探討戀愛...變到探討自己控制能力。OH！好沉悶....
好感謝神=0="俾我好單純咁相信神！仲有一班姊妹去解決我既疑問。

>>December 10, 2006 at 12:32:30 PM GMT+8

2006 年 12 月 6 日 星期三 【微冷】

整日也是練歌日

今日全日都狂練歌...就快練到把聲都唔見左。
朝早兩堂原本由Lawrence教I Can，點知佢病左，Miss Wong又病埋。
所以果兩堂空堂俾我地練歌，最感恩既係可以落Hall練。
雖然起初我自己都唔想落Hall，不過有過咁難得既機會，唔係班班都可以係Hall練..要好好把握。
練到9:35就完LU~番上班房狂做功課=0="...因為我唔記得左做中文筆記！
到阿Lo堂，又係作文...仲要作議論文，平時作議論文冇咩問題，今日作梗係作得唔順暢。
基教堂莫Sir講左一半堂佢既經歷...半堂關於聖誕節！
OH~我咁期待佢播「小麥子」...唉！算數！下星期六小組慶典有得睇！>V<"

Lunch叫左添活力做外賣，食飽飽等到好遲先開始練歌......練完又趕住上Bio。
爬爬坐左我隔離，不過因為太倦/_\差點兒訓著左...............
最後英文堂Miss Wong冇番，同Stella研究個Board...一打鐘衝上去封人，但失敗。
但以樂觀方面睇，有19個人留低已經好感恩！Kathy負責訓練班女仔...原來我可以咁「高音」。
Walter講左句說話=0="令我好想喊...佢對住班男仔話「係咪想成班10個女仔一齊喊先安落」
我想喊既原因係...不斷去推動佢地，但佢地佢站立不動。或者係覺得自己做主席做得好失敗。
完左放學既練習，已經倦到想死，所以連班會都冇開。I am so tired..........

放學同Cherry行去市中心，撞到Zoe+吳泉。Zoe話點解要喊...唔開心咪喊Lor...
吳泉話我地實輸，因為唱詩歌果d班實贏。呢個係定律黎架咩？
雖然我地唔係唱得最好...但未唱就已經覺得自己輸，咩信心都冇晒啦！Alas...頓時咩信心都冇晒
同Cherry行左一陣，再行去卓爾居.........番到屋企7點Lu~嘩！把聲沙晒Tim-V-"

>>December 10, 2006 at 12:21:54 PM GMT+8

2006 年 12 月 5 日 星期二 【微冷】

We are the world

之前果兩日，實在太忙，就連發生咩事都唔太記得...
今日朝早兩堂A.Maths，教緊好似係微積分...又好似唔係既野...總之係lim...
開始學果陣唔識，不過問多幾次大飛，依家開始明明地。So Good！
小息計數計數，計唔掂Bio堂同爬爬繼續計=v="Nicky果然勁！一睇就識做...
跟住到英文堂...Paper1 Again，好鬼悶！上上下堂講左班際歌唱比賽...唉！
4C同學自動自覺去練歌，4S1叫都唔去......天差共地。入決賽，難到高！

Lunch麻煩左爬爬幫手買飯=]Kaka！雖然唔係我想食果款飯，不過冇所謂！
1:25分半班多d，練歌練得一陣...果然要有兩個班主任壓場先可以乖d！唉！
之後上Phy堂，爆笑...謝SIr話d零用錢係媽咪俾，唔係某某Miss俾咩？XD
最後Maths堂，今日唔知做咩d老師咁好笑...大飛一路教一路同我地鬥串...
佢問以前邊個教數，我地1B班係波叔教，佢話要從頭學過啦d數學=0=O嘴！
放學...19個人練歌，已經比之前多左。但半班唔過，如何比賽/_\Upset！
練好左，不過唱得太耐，喉嚨痛嚴重左...咳都咳多左.........代價？

夜晚為星期五團契預備，重新睇「戀愛。亂愛與真愛」。
雖然已經冇咩點笑，不過始終佢帶出既主題明顯=]
輝爺：下次唔好再玩我啦......

>>December 6, 2006 at 2:34:02 PM GMT+8

2006 年 12 月 4 日 星期一 【晴】

邦邦：Happy Birthday

生日快樂呀！第二年同你講啦！希望出年後年大後年，年年都可以向你祝福。
由係Showhappy討論區你為我代禱，去到依家咁Friend，真係好奇妙。
你係第一個我網上識既人，我願意毫不保留分享我既事。
你亦都係第一個我網上識既基督徒，我倆互相成長，感謝神！
雖然我地未曾見面，但單單MSN...SMS已足夠。
呢兩年當我遇到問題，我好想同你分享，皆因你用第三者角度幫助我。

今日收到你寄俾我既生日禮物，感動到想喊......
第一次收到一個男仔送一份咁有心思既禮物。
你付出你既時間，付出心思...去學整你唔識既縫紉，縫左一個「知」字...
比我所整既，更加靚。單單呢種關係，我已經好滿足。=]
曾以為你讀左樹仁之後，會忙到連同我傾計既時間都冇，不過我知道我唔應該亂諗野
ECHO....YOU ARE MY BEST FRIEND & I AND GOD LOVE U SO MUCH

>>December 6, 2006 at 2:58:25 PM GMT+8

2006 年 12 月 2 日 星期六 【微冷】

Time Table

朝早同大妹妹做守望，成兩個禮拜冇傾計，好掛住你唷！
今次題目係跟隨主耶穌，所以我地傾左時間表=0="...希望實行到！
或者以前實行唔到既原因，唔肯付出，BUT靠著神實得既...=]
收到以抵送俾我既生日禮物，第一個男仔今年送=v="特別貴重Kaka！
係一條電話繩+書籤，可惜佢竟然寫錯我個名...小知>>小之T_T好傷心
今朝敬拜特別有精神，特別High...或者上個禮拜冇番崇拜，有點掛住與神唱詩既Feel。
年青人果然樣樣野都講Feeling...好定唔好？我唔知Bor！不過有d feel有好過冇。
完左講道之後，原來今日唔洗學琴Bor......跟住同依君去左屯市買野。
我買左個Panda Z既筆袋，好鬼可愛Kaka！依君白行一次，拎唔到部新手提。

搭車番屋企，夜晚出左去葵芳食沙嗲王...
原來呢間野...真係有沙嗲既食物少之有少=0="不過都ok好食。
番到屋企衡去睇The Day After Tomorrow(明日之後)，好彩做左4分之1。
睇左幾次，都係咁好睇，都係咁想喊...都係咁多反思......
個男主角Sam(Jake Gyllenhaal)真係好靚仔+v+可惜佢係斷背山男主角...唉/_\
我都係鍾意佢冇鬍鬚既野，有鬍鬚太..似阿伯啦！


>>December 6, 2006 at 1:56:53 PM GMT+8