2006 年 11 月 7 日 星期二 【微冷】

串嘴的一日=0="

尋晚考完琴試好倦，早左訓。所以今朝精神左XD
好煩呀！Prefect個短片製作俾咁少時間\_/唔想寫呀！
第一二堂A.Maths，今日教d野唔難，所以時間唔難過...
跟住Bio，最後一科派卷。35.5/50分，比我想像中高！不過MC出奇地錯得多...岩得15/24。
之後Eng，去左MMLC上。講左陣Paper 1就睇英文雜誌，好快落堂。
好辛苦咁行番上6樓搵Feli同Kathy一齊去添活力食飯，好飽呀......
俾Kathy勸我同Feli唔好互串=v="不過我地真係冇野wo！Just For Fun~~!
Lunch之後去上Phy，教力學......同Cherry一路玩一路聽書，壞學生x2！
最後一堂上Maths，狂鬼坐我後面既兩個變態佬！
因為聽日調位以後都冇得玩=v=所以特登畫左個Cute版Nicky。

>>November 9, 2006 at 1:25:47 PM GMT+8

2006 年 11 月 6 日 星期一 【微冷】

令人緊張起來的...六級琴試

下午早退之後，食完飯係屋企盡量練下琴，因為Scales唔熟...
跟住搭車出荃灣樂韻琴行，一路搭車一路狂祈禱...=]
等考既時候又狂祈禱，我媽咪講佢會點祈禱，笑死我...祈到唱歌咁！
考之前我話過想笑住入琴室，笑住出黎琴室...............

入到琴室，又係鬼佬...印象中好似每次都係鬼佬考官。佢都好似幾Nice咁既...
第一Part彈考試歌先，3首歌係第2首算係滿意，因為另外2首好似彈錯好多音。
第二Part彈Scales，唉...唔開心呀！明明記得，但緊張到彈錯..........=[
第三Part彈Sight-reading，我已經彈慢d，少d彈錯音，盡量做大細聲...點解好似俾我望到佢俾我唔合格既分數？
第四Part Oral...我都知好定唔好！不過有Part唱Do Me So...個考官幫我捉準個音先，不過捉準左之後我搵唔切d音。

考完好唔開心=[原本有信心...但依家好怕唔合格...唔合格既重考要花好多時間...因為考試歌要重學其他歌。
主呀......感恩既係你俾我成程雖然有點驚+緊張，但有平安。可否讓我合格？T_T"
祈禱+祈禱+祈禱+祈禱+祈禱.............求主俾我係等成績其間滿有平安！要合格呀合格呀合格呀！

>>November 8, 2006 at 1:22:09 PM GMT+8

2006 年 11 月 5 日 星期日 【微冷】

明天...可否不要來？

明天六級琴試，請各位為我禱告。
好使我不存有恐懼，帶著平安進琴室。=]

>>November 6, 2006 at 1:04:23 PM GMT+8

2006 年 11 月 4 日 星期六 【微冷】

最後一堂--基要班

今日既崇拜時間好長...首先敬拜>>聖餐>>講道>>洗禮>>嬰孩奉獻
敬拜比平日長左，企到有點兒倦。洗禮今年得一個，不過一樣咁感動。
綺霞真係好好笑容=]每年都係到諗幾時到我...後年？再後年？
嬰孩奉獻係明慧既恩懷，好可愛唷！完左既時候已經差唔多兩點...
跟住即刻衝落去食飯，因為兩點半要上基要班。
今日最後一堂，講異端+極端...=]我鍾意呢課！今日更加明白天主教同基督教既分別。
要認真諗諗「基要班的得著」寫d咩好.......

距離考琴日子：兩日！

>>November 6, 2006 at 1:02:13 PM GMT+8

2006 年 11 月 3 日 星期五 【微冷】

你帶給我感動

尋晚一點幾係張床烚著左，兩點幾起番身...去刷牙=0="
突然覺得自己都幾無聊，特登起身去刷牙，不過證明我衛生XD！
朝早出去學琴，係考琴前最後一次...盡量將考試歌有咩唔好既都改番。
好緊張呀！琴試既Oral要問時期，我成日都分唔清......

因為我倒左d飲品落件衫，所以要番屋企換衫。
突然因為自己既倦，唔太想番小組。咁當然最後都有番...不過卻換來精神。
今日破冰好好笑=v="「智慧爆燈既傻仔？」「滄桑微笑咁飲水？」玩死Joey~
敬拜諗左好多野，將放唔低既野都放低晒。但係唔係真係完全交俾神呢？
分享既時候講擇偶十大條件，呢到係我十大，呢十點，有d都幾無聊=0="kaka！

1)「基督徒+好愛神」 2)「樂於分享自己信仰生命」
3)「專一」 4)「專重我一切」
5)「有耐性聽我講野+有耐性向我講佢自己既野」 6)「冇不良嗜好」
7)「身高高過我！」 8)「年紀唔可以細過我！」
9)「風趣+唔係自閉」 10)「大家都咁傻」

大妹妹！多謝你帶給我感動=] I LOVE YOU

P.S...我係唔會用Xanga架！我愛Showhappy...=]

>>November 4, 2006 at 4:36:03 PM GMT+8

2006 年 11 月 2 日 星期四 【微冷】

Unitform Test---PHYSICS

終於到左最後一科，好勤力咁溫書溫到兩點。朝早唔想起身...太倦。溫多陣就出門口...
份Physics係李Sir出，MC有幾題同謝Sir俾我地既一樣。尋晚有溫過，所以記得d答案！
最後一題問冰既熔解比潛熱，有兩幅圖，一幅係實驗圖一幅係對照圖。
我諗左好耐都諗唔到幅圖有咩分別，直到有人問，李Sir先入黎課室同我地講對照圖係冇開電源！
白痴的！謝Sir同我地講雖然有放舊浸沒式電熱器係d冰到，但唔會插住！俾李Sir玩死！
我衰左係一條五花茶題目...俾佢陰左！算數~~哼！不過我諗唔會太差既呢科！

終於完晒UT啦=]番到屋企鬆晒！下午一次過將我所有唔夠訓既時間補番，訓左6個鐘...
我都覺得太多=v="搞到我諗到頭暈暈......原左UT就要狂練琴，星期二琴試...好驚。Alas...

>>November 4, 2006 at 10:29:18 AM GMT+8

2006 年 11 月 1 日 星期三 【微冷】

Unitform Test---MATHS & BIOLOGY

唉！今朝特登起身諗住溫多d，點知時間只容許我溫Maths。
今日終於有秋天既感覺，快d到冬天啦=]我想著新外套！
第一科測Maths，開頭都ok，大部分都識，到最後果兩題難到爆！
一題計速率(10分)，一題計一元二之方程既圖像(10分)。
第一題用錯方法，希望佢俾少少分我。第二題做都冇做過...唉！
算數=V=大把人唔識做.....我唔識做都算正常人！

一測完好俾心機去溫Biology......溫溫下好倦好想烚眼訓Zzz...
今次份卷Miss俾好多MC...成份卷都出左好多關於生物五大界既野。
合格既，不過唔高分咁解...算吧！測完就算~EXAM唯有努力d！

聽日測最後一科PHYSICS，太好啦...雖然測完再狂練琴，不過起碼唔洗溫書=]

>>November 3, 2006 at 3:35:28 AM GMT+8

2006 年 10 月 31 日 星期二 【炎熱】

Unitform Test---CHINESE & A.MATHS

第二日UT...今朝早終於可以將份禮物俾雞仔，So Good！
第一科係中文=]都尚算ok！得一篇閱讀理解，較輕鬆！
我地教左既實用文的啟事，所以作啟事。如果個個作錯格式，實激死阿Lo...
測測下太無聊，望住Kathy=v="測完俾牛子同Nicky話我地出貓T_T下次唔敢...Wakakak！
第二科係A.Maths，好失望。出左兩條數學歸納法，總共12分...希望都拎到8分啦！
出左7條數，我諗我得4-5條會拎到小部份既分....份卷18/45合格，但求合格便心滿意足。
不竟係我地第一次測A.Maths，個個一完左or Msn個名都話死晒...唉！

聽日測BIOLOGY & MATHS，溫唔切！聽朝早d起身溫吧~~

>>November 2, 2006 at 10:53:43 AM GMT+8

2006 年 10 月 30 日 星期一 【酷熱】

Unitform Test---English & Chemistry

第一日UT...有點緊張。以前F.1-3都係每日測一科到...F.4開始日日都測兩科。
有點辛苦...尋晚溫書溫到點幾，不過發覺溫到咁夜唔係太好的...
第一科係English，Reading都唔算難既，Writing第一篇真係作Complain Letter...早知背熟之前作果篇。
第二篇作如果得到Lucky Draw可以俾你整容，你會點整...=0="我諗都算作得ok既。

第二科係Cemistry，唉...竟然有9頁紙，做到死死下...好倦呢！
高Sir出左勁多定義+文字方程式既問題...唉/_\合格既，不過冇想像中高分。

完左之後原本諗住同Winki去溫書，點知俾肥豪叫左上佢屋企做數。
做A.Maths既會考題...越做越想死...因為真係好難做呀/_\一路做一路放蚊。
期待左好耐既4點終於來臨，可以番屋企，SO GOOD=0="

>>November 1, 2006 at 8:47:13 AM GMT+8

2006 年 10 月 28 日 星期六 【清涼】

Piano...

我開始有點兒迷茫...到底我學琴為什麼？
我的夢想不是鋼琴家，不是教琴老師，任何關於音樂的也不是。
若果我是想有一技旁身，五級已足夠，為何我還堅持學琴？
我好倦...家人給我的不是支持，而是壓力。
什麼不看過程，只看結果。我討厭這句話，神沒有應許收穫與付出成正比。
漸漸我失去自信心...或者從一開始學琴我已沒有。
越學越出現學多問題，考琴日子逼近，我害怕不能解決問題。
為何每一次學琴，我對神失去所有信心？
我現在想聽的，是家人的支持說話...可否不要再加壓力於我身上？
儘管我現在多辛苦，但既然考琴日子逼近這事實不能再逃避，我只可盡力。
我不擔保琴試合格，我只能擔保這九日我會盡力...神呀！我信你會加我力量。

「我靠著那加給我力量的，凡事都能作。(腓 4 :13 )」

>>October 29, 2006 at 4:12:54 PM GMT+8