2006 年 8 月 16 日 星期三 【清涼】

To：我所愛既所有人

我們一起笑過，哭過，努力過！如果沒有你，笑容不再一樣，日子不再一樣。

係邊個點你的!? Winson

001.佢係一個點既人!? 太高 & 有點兒自大XD
002.你會唔會中意佢!? 絕對唔會=v="
003.點解會中意佢同唔中意!? 因為我唔鐘意咁高既男仔，呵呵
004.如果佢生日你會比咩佢!? 玩具熊二世
005.佢有咩優點『講五樣出黎』!? 英文oral勁，都幾樂於助人既，愛神......諗唔到
006.佢有咩缺點『講五樣出黎』!? 太高！！有點自大，俾我感覺唔太相信人......諗唔到
007.如果佢做左你愛人你會點!? 要求佢陪我增高，如果唔係高度太大距離=0="
008.如果做左你愛人會中意佢咩!? 英文太掂，可以教我！
009.佢死左你會點!? 有一日天堂相聚，到時拎埋隻玩具熊三世俾你
010.記住傳比5個人.."唔係你會死得好慘**

浩然XD(我真係想知..ka)，Winson，Ivy，Szeyu，Micmic

>>August 16, 2006 at 4:46:45 PM GMT+8

2006 年 8 月 14 日 星期一 【清涼】

靈修。足夠。答案

今日番教會上基要班，呢課係「與主同行的第一步--靈修」。
第二次聽呢一課，感受有所不同。做靈修頻密程度=花多少時間學習聆聽神的聲音。
呢一次，唔會再聽完就算。因為我真係想嘗試聽到神親自同我講野，同神傾心吐意，好想...好想...。
以後我要認認真真咁對待靈修......&.......逐漸習慣番每日都做靈修先。
「每一日逐漸尋找自己未完全認識神的樣式。」

休息足夠了，聽日開始會做番一個學生暑假應做既野。
我諗15日會做到四分之三既暑期作業...&...盡自己能力練好d琴。

「那感覺應到此為止。」
-------------------------------------------------------------------------------------------------------------------------------------------------------------------------
Choice of Life on U..........

Jerry是美國一家餐廳的經理，他總是有好心情，當別人問他最近過得如何，他總是有好消息可以說，他總是回答『如果我再過得好一些，我就比雙胞胎還幸運囉！』當他換工作的時候，許多服務生都跟著他從這家餐廳換到另一家， 為什麼呢？因為Jerry是個天生的激勵者，如果有某位員工今天運氣不好，Jerry總是適時地告訴那位員工往好的方面想。

看到這樣的情境真的讓我很好奇，所以有一天我到Jerry那兒問他：『我不懂沒有人能夠老是那樣地積極樂觀，你是怎麼辦到的？』Jerry回答：『每天早上我起來告訴自己，我今天有兩種選擇，我可以選擇好心情，或者我可以選擇壞心情，我總是選擇有好心情， 即使有不好的事發生，我可以選擇做個受害者，或是選擇從中學習，我總是選擇從中學習。每當有人跑來跟我抱怨，我可以選擇接受抱怨或者指出生命的光明面，態度。我從他身上學到：，每天你都能選擇享受你的生命，或是憎恨它。這是唯一一件真正屬於你的權利 我總是選擇生命的光明面。』我抗議地說：『但並不是每件事都那麼容易啊！』Jerry說：『的確如此，生命就是一連串的選擇，每個狀況都是一個選擇，你選擇如何回應，你選擇人們如何影響你的心情，你選擇處於好心情或是壞心情。你選擇如何過你的生活。』

數年後，我聽到Jerry意外地做了一件你絕想不到的事：有一天他忘記關上餐廳的後門，結果早上三個武裝歹徒闖入搶劫，他們要脅Jerry打開保險箱，由於過度緊張，Jerry弄錯了一個號碼，造成搶匪的驚慌，開槍射擊Jerry， 幸運地，Jerry很快地被鄰居發現，緊急送到醫院搶救，經過18小時的外科手術，以及密集照顧， Jerry終於出院了，還有塊子彈留在他身上?

事件發生6個月之後我遇到Jerry，我問他最近怎麼樣，他回答：『如果我再過得好一些，我就比雙胞胎還幸運了。要看看我的傷痕嗎？』我婉拒了，但我問他當搶匪闖入的時候，他的心路歷程。Jerry答道： 『我第一件想到的事情是我應該鎖後門的，當他們擊中我之後，我躺在地板上，還記得我有2個選擇： 我可以選擇生，或選擇死。我選擇活下去。』我問他：『你不害怕嗎？』Jerry繼續說：『醫護人員真了不起，他們一直告訴我沒事，放心。 但是當他們將我推入緊急手術間的路上，我看到醫生跟護士臉上憂慮的神情，我真的被嚇到了，他們的眼好像寫著－他已經是個死人了，我知道我需要採取行動。』我問：『當時你做了什麼？』Jerry說：『嗯！當時有個碩大的護士用吼叫的音量問我一個問題， 她問我是否會對什麼東西過敏。』我回答：『有』。這時醫生跟護士都停下來等待我的回答。我深深地吸了一口氣喊著：『子彈！』 聽他們笑完之後，我告訴他們：『我現在選擇活下去，請把我當作一個活生生的人來開刀，不是一個活死人。』Jerry能活下去當然要歸功於醫生的精湛醫術，但同時也由於他令人驚異的是沒有人能夠控制或奪去的東西----就是你的態度。

如果你能時時注意這件事實， 你生命中的其他事情都會變得容易許多。現在你有兩個選擇：
1 )你可以遺忘這故事 2 )將這傳遞給你關心的人

天父給予我們自由選擇權，藉著選擇正義的道路，任何問題都會迎刃而解。與之共勉 ！。

>>August 15, 2006 at 3:17:59 PM GMT+8

2006 年 8 月 12 日 星期六 【清涼】

喜悅。定位。休閒

今朝早同大妹妹做守望，又開一本新lu！
跟住就崇拜，敬拜果陣有點兒眼訓=0="......但講道係講關於天國裡誰是最大，當然係小孩啦！
但係有一句說話令我好深刻：十字架代表你是可愛，被神愛及寵愛。
完左之後就同阿Wing學琴，越學越深。跟住去左屯市買麵包就去商務，點知搵唔到我想要既書，白行！

「夢境日和」：多啦A夢 - 大雄的貓狗時空傳 片尾曲
http://www.sendspace.com/file/7qp504

金色的節奏敲響在耳邊
劃過兩眼　艷陽和暖閃現
綠茵茵的樹林　在我生命饗宴
起舞　就惦起腳尖

跟清風當老友　手牽手地散心
若倦透了　摘雲霞去洗臉
讓一顆心振翅高飛　我舊日童夢沒有變
從未怕路遠　從未怕遇上驚險
望向藍天空　七色那彩帶在搖曳
原來是光的小禮物想討好你心
願意和你發個夢兒共同地希冀
和平世界　人人歡欣　總會步近

青草地充當軟墊可以睡半天
若悶透了　摘雲霞舔一舔
問清風怎樣來　劃過山坡上梯田
教小鳥　兩臂可擴展
影子很快比我身體尚要高
日夜褪變　艷陽來到西面
未驚恐漆黑那珠簾　有月亮投射在髮線
全夜抱著我　全夜也在我身邊

望向藍天空　七色那彩帶在搖曳
原來是光的小禮物想討好你心
願意和你發個夢兒共同地希冀
和平世界　人人歡欣　總會步近
讓一顆心振翅高飛　我舊日童夢沒有變
從未怕路遠　從未怕遇上驚險
望向藍天空　七色那彩帶在搖曳
原來是光的小禮物想討好你心
願意和你發個夢兒共同地希冀
和平世界　人人歡欣　總會步近

和平世界　人人歡欣　總會步近

>>August 14, 2006 at 2:07:50 PM GMT+8

2006 年 8 月 11 日 星期五 【清涼】

熱愛。過程。喜悅

「戀愛、亂愛與真愛」小組慶典
好開心呢今日！小組既暑假慶典，好多人番黎唷！總共有8個新朋友番黎，感恩呢！
破冰真係笑死我......第一個Game選自己既性格，第二個game係拾金錢。
好笑既係第二個game中間果個人要保護50蚊，仲可以用紙棒打人。
最後一次我做中間人，係又打唔係又打，好好玩，Kakakaka！
跟住敬拜，唔知點解特別興奮，唱都唱得特別大聲。突然阿Fa望住我，我仲以為我影響左佢tim。
感恩既係新朋友都願意踏出唱詩既第一步，最特別既係果句「阿們！」

敬拜完之後睇左林以諾牧師既「戀愛、亂愛與真愛」佈道會。
佢以棟篤笑黎帶出年輕人所謂既戀愛其實係好荒謬，只係會諗點樣先可以浪漫d！
跟本唔算真愛，但神既愛卻係永無止境，真正既永遠的愛。
睇完好想拍拖呀XD！不過我相信神會為我安排既=v="唔知幾多年之後呢？kaka！
＊＊渴想神與我們同工！！一齊建造神的家(天作之組)＊＊

愛是不保留

常聽說世界愛沒長久，哪裡會有愛無盡頭？
塵俗的愛只在乎曾擁有，一刻燦爛便要走！
而我卻確信愛是恆久，碰到了你已無別求；
無從解釋、不可說明的愛，千秋過後仍長存不朽！！

誰人受痛苦被懸掛在木頭？至高的愛盡見於刺穿的手；
看！血在流反映愛沒保留，持續不死的愛到萬世不休！
惟求奉上生命全歸主所有，要將一切盡獻於我主的手；
我已決定今生再沒所求，惟望得主稱讚已足夠！

>>August 12, 2006 at 3:10:24 PM GMT+8

2006 年 8 月 10 日 星期四 【清涼】

充實。眼訓。起動

今日上基要班感覺唔錯，知道好多神愛世人既經文。
「不要為明日自誇，因為一日要生何事，你尚且不知道。(箴言27:1)」
人好多時都想掌管自己生命，但可以嗎？ 你會肯定你一出門口唔會發生意外？
你會肯定自己一定活得過七老八十？人冇可能掌管生命，唯獨神才可以~~
你又會肯定自己冇犯過罪？唯獨神係我地未犯罪之先，派耶穌為我們受死。
天上既父一直都等緊你，每分每秒都期待緊你相信佢。

「明天一定有，但明天未必有你、有我。要是明天沒有我，沒問題，我已得到主耶穌的救恩，
祂必接我回天家。但假若你還沒接受耶穌基督，明天沒有你時，你去哪兒呢？」

上完基要班衝去葵芳學琴，好倦呢.......
死lor死lor！再練唔好，6級琴試真係會唔合格呢！暑假仲有3個禮拜，發奮-v-"
狂練琴+趕暑期作業=餘下的日子所做既事，發奮工程起動！

雞翼：你知唔知我好愛你架！我唔想見到你唔開心唷......我所相信既神都一樣咁愛你架！
-----------------------------------------------------------------------------------------------------------------------------------------------------
令你的生命100%表現出來~

如果 A,B,C,D,E,F,G,H,I,J,K,L,M,N,O,P,Q,R,S,T,U,V,W,X,Y,Z 係等於 1,2,3,4,5,6,7,8,9,10,11,12,13,14,15,16,17,18,19,20,21,22,23,24,25,26

Hard Work = H+A+R+D+W+O+R+K
= 8+1+18+4+23+15+18+11 = 98%

Knowledge = K+N+O+W+L+E+D+G+E
= 11+14+15+23+12+5+4+7+5 = 96%

Love = L+O+V+E
= 12+15+22+5 = 54%

Luck = L+U+C+K
= 12+21+3+11 = 47%

Money = M+O+N+E+Y
= 13+15+14+5+25 = 72%

Leadership = L+E+A+D+E+R+S+H+I+P
= 12+5+1+4+5+18+19+9+16 = 89%

到現在為止，沒有甚麼能令我們生命100%表現出來~但還有一樣，加起來是100%的...這是
Attitude = A+T+T+I+T+U+D+E
= 1+20+20+9+20+21+4+5 = 100%
只有態度，先可以令我地生命，工作做到100%~態度就是一切...只有改變我們的態度，才能改變我們的生命！

>>August 11, 2006 at 2:28:08 PM GMT+8

2006 年 8 月 8 日 星期二 【清涼】

放榜。結果。愛你

放榜啦！我二哥升唔到中六，不過感謝神俾佢係IVE讀到設計。
神呀！希望你安慰佢唔開心既心情，雖然會考成績唔好，但你俾佢係IVE可以發奮。
雖然會考好似唔多關我事，但我大哥二哥都考完，兩個都升唔到中六......
除左老豆媽咪，仲有舅父阿婆都俾好大期望我=0="救命呀！搞到我未讀中四就已經驚...
不過放心吧，我會盡全力架啦！發奮發奮發奮發奮發奮發奮發奮發奮！>v<

知道身邊其他中五朋友既會考成績，好似都唔太理想。
「你們當剛強壯膽，不要害怕，也不要畏懼他們，因為耶和華你的神和你同去。他必不撇下你，也不丟棄你。(申 31:6 )」
你所相信既神，無時無刻都咁愛你！即使你今日唔順意，但都係神愛你先咁樣安排！神會陪伴你~

「應當一無掛慮，只要凡事藉著禱告、祈求、和感謝，將你們所要的告訴神。
神所賜出人意外的平安，必在基督耶穌裡保守你們的心懷意念。(腓 4:6-7)」
神係一個聽禱告既神，你所諗既，所希望既，唔好擔心神會點幫你，只要祈禱便足夠。

「愛，只可建基於愛。責任、條件都都是藉口。愛，始於愛、終於愛。神，是對我們有始有終的神。」
神對你地既愛唔會減少架！佢無時無刻所做既野都係為你地著想，笑住面對生命每一刻！

「記住！無論神定我定你身邊既所有人都係咁愛你架>v<笑~~」

>>August 9, 2006 at 2:27:54 PM GMT+8

2006 年 8 月 7 日 星期一 【清涼】

空閒。祝福。平安

終於完晒所有Drama活動，由忙碌轉為空閒。
雖然可以休息，不過生活又變回沉悶。
睇完貓婷XANGA，到底我何時再有機會接觸Drama？

何時再會踏大會堂文娛廳台板？？
何時再會於學校禮堂演出成果匯演？？
何時再會代表呂明才參加戲劇馬拉松？？
何時再會演出令每個觀眾都大笑既Good Show？？
何時再會接觸戲劇呢樣課外活動？？
何時再會世上有奇情 & Good Show？？

原來呢個日記，已經陪住我玩左三年戲劇馬拉松。
我再次睇番，我所打既感受一次比一次深。再後一次，真係唔捨得。
而每一次戲劇馬拉松前夕排戲，一次比一次倦，但一次比一次演得好！

三年所演既劇：
愛在非典的日子>>>手錶停了>>> (中一)
Shall We Talk>>> 三隻小豬>>>世上有奇情>>> (中二)
新聞報導>>> 轉死性>>>Good Show>>>Good Show加長版 (中三)

我最愛既劇：世上有奇情 & 轉死性 & Good Show加長版！
呢三年戲劇組，是我喜愛的！
雖然今年演出完亦令我有所迷戀，但為左專心讀書，只好放棄戲劇。
但唔會忘記三年學過既野，演出既劇.....................一生難忘！
台上一分鐘，台下十年功

明天放榜，無論結果如何，都是神所安排的！放下憂慮，帶著笑容去面對。
他是我們的主，保障，力氣，福分，盾牌，避難所及所需要每刻幫助依靠。

>>August 8, 2006 at 3:23:59 PM GMT+8

2006 年 8 月 5 日 星期六 【清涼】

戲劇馬拉松V--《Good Show》

「一」間沒有希望的病房，
「齣」現了一班只有失落的病人，
「好」在遇上一個人，一個比賽，
「戲」的結果會是如何？

辛苦排戲既結果，今日要一次過表演出黎。
由一點到文娛廳綵排，由三點到文娛廳門口排戲，由六點半到後台化妝，由七點半正式開始。
過程由輕鬆失敗，變到緊張成功。由辛苦變到興奮，感謝神！

正式表演！呂明才中學---《Good Show》
我地順利講對白，Ming順利彈結他唱歌，輝爺順利扮基佬發姣XD，我琦琦南哥高佬文順利玩大富翁，
我地順利跳「美少女戰士」，我地順利唱「紅日」........到我地順利跳「Uptown Girl」。
雖然演出前好緊張，但俾d燈光搞到我睇唔到d觀眾邊個打邊個，所以演出既時候除左覺得好熱之外，都唔係太緊張。
跳「Uptown Girl」係我最驚既地方，雖然我有到跳得快左，不過都算順利。

頒獎！呂明才中學--《Good Show》--《最受觀眾歡迎整體演出》
呢個獎，我認為值得拎的。
呂明才中學Drama Club一大特破！由固有既喜劇變到加左跳舞，有點悲傷既劇情。
多謝阿阮呢！雖然我唔太覺我演戲有咩進度，不過多謝你既讚賞。

呢個月黎，對唔住各位呢！因為自己既疲倦成日發脾氣......
多謝貓婷你忍我呢-v-"多謝彭彭琦琦你地成日聽我訴苦！
Sorry輝爺，我都唔知自己嬲你d咩。Sorry Ming，上次誤會你唔理南哥感受，今次誤會你唔明我。

Congratulations Drama Club拎左《最受觀眾歡迎整體演出》
Congratulations Ming拎左《最受觀眾歡迎男演員》

感謝神！呢個月我俾自己既情慾影響左，對唔住呢。
但你保守你我，除左使我們順利演出之外，其他事都幫助我。
多謝浩然~Winson~阿進~阿余~依君~Joey~Ome~Mother~Brother黎支持我，「台上有戲，全因台下有你」。
更加要多謝浩然你既男人風度，Kaka...... 好彩有你先冇發生意外XD！希望你鍾意份禮物啦！
大妹妹，你因為趕黎睇我表演而發生意外，我個心唔好受呢！你要快d冇事呀！

三年啦！玩左戲劇三年，今年係最辛苦既一年，亦係最值得既一年。
戲劇馬拉松玩左三年，由第一年好悶既Show變到今年咁受觀眾歡迎，真係好開心！
呂明才最後一年Good Show？唔會既！出年戲劇組唔夠人而需要我幫手，無限歡迎！



>>August 7, 2006 at 4:36:52 PM GMT+8

2006 年 8 月 4 日 星期五 【清涼】

最後。堅持。面對

最後一日排舞，熱到冇心機。做得太少運動啦我，一時間對腳受唔住，好痛。
因為我唔知道下午都要排舞，所以一早應承左同大妹妹做守望。
點知突然男仔果邊話我地排得麻麻，想我下午唔好番教會繼續排。
但，唔知點解果一刻我好堅持。或者係因為之前自己決定左要實踐將小組聚會既排位放先過排戲。
好想你地明白信仰對我黎講好重要，我唔想再錯過同神親近既機會。
不過卻引黎不滿。多謝大妹妹你呢！我有心理準備面對聽日......神會保守我的。
雖然可能影響左聽日演出，但今日番守望&小組都讓我重新得力，所以我冇後悔我所作出的堅持。
Ming：對唔住！

聽日On Show，但我今日選擇左堅持，聽日幾倦都唔會有怨言。
神呀！明天整日求你保守帶領，順利表演。好驚跳舞果到唔記得呢.........
GOOD SHOW！

「你最大的觀眾是耶穌，你願意從心底笑著演出嗎? 他坐在第一排中間最好的坐位上，你願意掉下辛苦的心情，全心投入嗎 ? 」

P.S各位聽日有時間，同我講聲努力ar>v<"無論電話，信息定其他野我都鍾意聽架！Kaka

>>August 5, 2006 at 3:35:06 PM GMT+8

2006 年 8 月 3 日 星期四 【酷熱】

練舞。痛楚。眼光

今日也是練舞 & 練舞 & 練舞。但我要早走，勉強夾晒成part舞。
Sorry呢大妹妹！呢幾日諗野都諗得咁負面，但多謝你支持我。
聽日又要練舞，希望On Show之前連戲+舞Run Full可以順利。
雖然疲勞，仍需努力！距離戲劇馬拉松尚餘兩日...........

之後出左去葵芳學琴，俾Miss叫飲左一大碗藥材湯，好飽...
跟住又係俾佢訓話，唉！仲有3個月，好驚考琴試。

夜晚約左浩然陪我買鞋，行晒屯市鞋店，原本想買Puma，不過最後都係買左Converse。
浩然呀...你d眼光真係"好"到爆！Kaka！多謝你今晚冇拉拉陪我買鞋呢>V<"...不過你d gag真係好爛！哈！

「你最大的觀眾是耶穌，你願意笑著演出嗎？」

>>August 7, 2006 at 5:00:09 AM GMT+8