2007 年 6 月 13 日 星期三 【乍寒還暖】

中文卷一及二

原來成日話中文冇野溫，當真係去溫既時候...會有好多野要記。
因為太夜先開始溫，唉！一點半先勉強溫完。
點知搭輕鐵先知好大機會出文言文/詩歌，要不斷求救d重點。
再次入Hall考試，有點緊張。不斷祈禱，祈禱，再祈禱。
考卷一既時候，都有少少趕。出左兩篇語體文一篇文言文...一點點難。
竟然有成差唔多廿條「奪命四式」(即要選某一句句子係正確/錯誤/部分正確/無從判斷)。
呢part如果錯超多，肯定唔合格都有份......T_T"
到卷二，唉！三條題目，大部份我都唔叻。
第一：冬夜有感..........依家夏天-0-"完全Feel唔到冬天既氣息，而且作抒情/描寫我要用長時間。
第二：好習慣是否能終身受益......議論文，有諗過作，不過太耐冇做過議論文，信心不大。
第三：公函一篇+續寫文章，因為靠拿手，所以選呢個題目。
上學期又係有類似題目，不過好少人作，點知今次超多人選......OH！超大競爭tim！

好倦呢！聽日英文有點擔心，話晒今年英文都差左d！
不過總算第一日都係一個好開始，感謝神！

>>June 23, 2007 at 2:45:53 PM GMT+8

2007 年 6 月 12 日 星期二 【溫暖】

Exam：正式開始

最後一日上課，太平淡地渡過......
討厭的校長，朝早又黎睇堂，仲要係中文堂！
搞到中四最後一次上都唔可以開開心心咁完結...連一個爛Gag都冇T_T"
之後A.Maths堂，教埋圓方程+變化率，有點混亂。
唯有去補習社果陣順便問問吧！希望到時考A.Maths果兩個半鐘唔好出咁多條數啦！
Eng堂基本上係溫書渡過......冇溫+阿Sir唔讀出個英文生字，連拼番出黎都唔得...
算吧！下次再努力=v="今年Eng好似差左...暑假要惡補先！
Lunch同Cherry+Kathy+比比食，第一次咁既組合。
比想像中開心，因為Kathy同Cherry係到狂用杯珍珠奶茶玩野...笑到收唔到聲。
番到去上Maths，渾噩地上堂(因為真係超眼訓)......搞到有半堂冇聽書。
好彩之後唔洗上P.E，用左果兩堂黎溫番。做2007 HKCEE Maths MC卷，都唔算過難....
阿Lo中途上左黎派番d作文，唉！佢出年又唔教/口\點解唷......
最後好普通地完結中四最後一日上課日.......................
至於對4S1+咁多同學既感受，都係等結業禮果日先打吧！
4S1，努力考好個試=]全班一齊升上5S1

14/6至28/6，連續兩星期十日考試。日子同往時咁耐，慣了。
不同既係...少溫書>>擔憂多左。OH！請為我禱告！
突然好想同各位弟兄姊妹講句，我好想你地用Send sms/msn/打俾我支持我=]
唔知點解好想你地與我同行......keke！要求大左d？
今日太感動，收到一封信。一開始仲以為邊個女仔寄俾我...點知打開一打字跡...
唉！邦邦...你d字快d改善下啦>V<太開心收到你封信，還以為你忘記左我TIM！
十日考試...過種艱辛，但我信主與我同在。


OH！送3段經文給各位考生(多謝邦邦..)
「耶和華所賜的福使人富足，並不加上憂慮。(箴 10：22 )」

「疲乏的，他賜能力；軟弱的，他加力量。(賽 40:29)」

「耶和華必在你前面行；他必與你同在，必不撇下你，
也不丟棄你。不要懼怕，也不要驚惶。(申 31：8)」

P.S：日記音樂：小池徹平---君に贈る歌(獻給你的歌) 鳴謝Edmund。

>>June 23, 2007 at 2:47:41 PM GMT+8

2007 年 6 月 11 日 星期一 【溫暖】

提早慶祝父親節

請求各位朋友T_T"，
如果大家有一個網站可以Upload Mp3變為Link....
請給我吧！我的日記需要唷！

朝早又是炎熱的一天=]令人成身濕晒T_T"
頭兩堂Bio，少左平日既爛Gag...笑聲...傾計聲...
全因那位連笑容都冇既校長...我仲要坐果個位直望住佢...真係可悲！
都唔明白佢成日叫人要有禮貌，但係連禮貌其中一種：笑容都冇...唉！
之後A.maths堂，真係好辛苦-0-""d變化率好鬼難明。
不過都總算勉強明白，希望考試唔好出得咁難啦！
到Eng堂，落左Eng center上Oral堂...終於唔洗再上啦/口\
Lunch最後一次Pro.2，無聊地搞爛gag度過...太好了。
之後既Chinese，派番之前寫濕地公園既描寫文...比Zoe鬧死了。
我都唔想架！冇諗過寫得咁假都有69分的...仲要俾Miss叫出去讀...緊張死。
Chem堂教完一堂書，自由溫書...笑死我！
Bee鋒係到將支筆變軟，俾伍sir發現左，仲要問佢點解會有錯覺。
放學補Bio，其實都係對答案...超眼訓！就快忍唔住了......

番到屋企冇幾耐，出左去食飯。普普通通，又唔算太難食既...
老豆：父親節快樂唷！祝你身體唔好越黎越差...
呢排愛上聽小池徹平+瑛士(Wat)既歌，太好聽=v="


>>June 23, 2007 at 2:47:17 PM GMT+8

2007 年 6 月 9 日 星期六 【綿綿細雨】

祝福糉是晴

好似好耐冇番過崇拜似的......今朝敬拜，少左平時既眼訓。
不過呢排敬拜每次完左喉嚨都會痛...OH！唱得太大聲tim！
之後講道偷走，過左去同家燕坐=]佢真係好傻！
完左崇拜同Fa阿余Ome食Lunch，講左好多爛Gag...特別由阿Fa黎講，感覺好怪XD
呢餐傾左好多野，好Enjoy呢段時間，THANKS MY GOD！
之後上左去16樓某間教會預備出去派糉探訪。起初既敬拜感覺特別唔同，由以抵阿B小丙帶。
總覺得有總係「合而為一」既感覺？好似大家都超投入去敬拜...IT IS SO GOOD！
跟住準備出去探訪，同瀛之小丙一組，有點壓力tim！
一開始以為冇得出去探，因為一家出左街，一家唔得閒，一家原本得又唔知點解打唔到俾佢...
感恩！最後都去到其中一家。第一次探訪可以用自己身為中學生去教女戶主點樣買中學書-0-"
雖然冇機會同女戶主既仔仔講自己學業上既見證，不過比以前講多左野=]
最後再去埋另一家人放低d禮物就走lu...真係好倦呢！
今次既活動，進步左=]就係多左出聲，多左分享，So Good！
而且同瀛之小丙認識多左，過程中好多搞笑既說話=]好開心呢

>>June 12, 2007 at 12:57:50 PM GMT+8

2007 年 6 月 7 日 星期四 【乍寒還暖】

城門水塘半日遊

由於今日係試前假期，休息一日，所以同表哥去左城門水塘。
其實如果唔係得今日得閒，絕對唔選今日去......落超大雨T_T"
因為可觀自然教育中心有一個野生植物攝影比賽，突然興起想參加。
8點30去到城門水塘，唔夠15分鐘就落大雨...足足等到差唔多9點30先停雨。
我都唔知行到邊到，總之係城門水塘既郊野公園果到啦！
不過因為不斷落雨停雨閃電，而且附近冇咩特別既野生植物值得去影。
所以最後選左一種會開紅色既花...叫做赬桐。
植物名稱：赬桐
學名：Clerodendrum japonicum 英文稱：Pagoda Flower 科別：馬鞭草科
特徵：灌木，高 1-3 米。夏天開鮮紅色花，花序大型，有長花冠筒。
結藍黑色近球形果實。葉大，對生，心形或寬卵形。
應用：藥用根葉，可治風濕骨痛、跌打損傷等症。
生長環境：山野、坡地、村邊路旁，亦有栽培。

之後由於真係太大雨，驚之後連走都走唔到，所以影完就閃人lu！
不過對腳好痛呢/口\平時又唔刮腳，今日先黎刮腳。
番到荃灣少有地食Pizza Hut既午餐，都ok好味=]滿足！歸家去，100%疲累！

我既好朋友=v="請係以下既幾幅相選3幅「較好」既話我知。(只係有紅色花果幾張)






>>June 10, 2007 at 11:15:45 AM GMT+8

2007 年 6 月 5 日 星期二 【清涼】

將近熱死！

唉！日日如是...班房長期處於30度高溫，就快熱死啦！
今日中文堂上阿Lo堂，對作文...Oh！
如果今次Exam考新聞稿或公函或會議紀錄就大件事...好難作呢！
之後3-7堂轉課室，去左202。雖然稱不上凍，但總算有點涼爽既感覺。
A.Maths好倦！半堂烚眼訓，之後聽書...好彩都仲跟到XD
Eng做Listening，又嘈又熱，而且一d心機去聽都冇。
Lunch超開心>V<除左同Kathy食飯之外，仲要見到一個好耐冇見既F.7畢業生。
雖然佢唔識我，不過佢真係好型XD！真係太Lucky啦！
Maths堂一路做，一路諗番點做...腦筋轉得慢左。
P.E堂係中四最後一堂，唔玩咩球類活動...玩紅綠燈，麻鷹捉雞仔，狐狸小姐幾多點等。
出汗仲勁過玩球類活動，不過好開心=]完全同袁sir係死，狂大叫XD佢奈我地唔何！
完左P.E仲要Phy補課！第一次咁燥底！咁唔識問阿Sir你唔得咩...
我又唔係冇禮貌....洗唔洗態度咁差呀？紋呀紋呀！\口/

>>June 6, 2007 at 2:47:02 PM GMT+8

2007 年 6 月 4 日 星期一 【清涼】

縱使獨自一人，但不再寂寞

太好呢=]原來咁多人會留意我bor！
以後我有唔開心我都會同你地講架啦>V<"
呢排課室，Phy+Bio+Chem Lab都處於高溫，成30度...
救命呀！點解會咁架！有冷氣=冇用...
係！如果學校話要我地學習忍耐既，我冇所謂！
不過點解要全校得某d班先要咁做呢？熱都算啦！仲要焗T_T"
點有精神上堂呀？好討厭唷！上堂邊流汗邊頭暈暈地...唉！

下星期四開始期考，要努力/_\
縱然好多野未溫晒，不過總會有平安+精神+智慧加俾我=]

>>June 5, 2007 at 12:52:15 PM GMT+8

2007 年 6 月 1 日 星期五 【清涼】

不要讓我獨自一人...

近排，好似多左好多自己一個人係屋企食飯既機會。
我唔鍾意...個個都有野做...唔係番工就係拍拖...
屋企得電視機既聲音，冷氣聲音，再沒有人聲。
今晚，仲要冇拉拉屋企停晒水...係走廊扭極個水喉都搞唔掂...
突然冇一個人可以幫我...感到有點無助。想同人講，但講左又幫唔到...
算吧！各有各忙既時候，總會有呢種冷清既感覺。

>>June 2, 2007 at 2:55:52 PM GMT+8

2007 年 5 月 31 日 星期四 【清涼】

人生的價值和意義是什麼？

OH！眼睛發炎已經好番了=]多謝各位既禱告。
感謝神一直醫治我，縱然我超擔心，但你也使我常得著平安。
不過依家日日都要面對既係：熱+焗！
課室接近28-30度高溫，而且冷氣=廢！我坐近門口焗到就快呼吸困難。
學校又唔係幫我地轉課室！只識得理外評...討厭\口/

感謝神！呢排有咁多影音使團既福音電影係學校播放。
今日既週會崇拜主題About父母，播左「天地孩兒」。
又係第一次睇=]雖然只係睇左當中既一部分，不過已經好深刻。
到底人生既價值同意義係指咩？我相信係主當中我會尋找到。
而且清楚明白到，上帝既Time Table，同人既Time Table係兩回事。
上帝有自己既做法，佢會係最適當既時候應允我地既禱告。=]
「耶穌回答說：「我實實在在的告訴你，人若不重生，就不能見神的國。」(約 3：3)」

放學最後一次團契，簡單而輕鬆=]
今次採用分組大食會，比一大班人一齊食野好好多。
幸好ome教我整既蜜糖丸冇失敗到，都幾好味XD
不過我唔鍾意每次分組...都離題勁多。
我今日好想傾下理想既天國...點知傾傾下去左：創造，罪，法利賽人，三為一體，異端
真係救命lor！我唔係冇探究聖經既精神，不過我唔會鑽牛角尖......唉！
算吧！最後一次，完左就要忙福音營。希望今次，我會得著更多。

>>June 1, 2007 at 11:45:50 AM GMT+8

2007 年 5 月 28 日 星期一 【清涼】

眼睛發炎/口\

唉！至從星期日番屋企之後...左眼就開始腫腫地...
依家仲要發炎/口\睇完醫生，佢話遲d先黎睇可能要用針整爆d膿。
好驚呢！好想快d好番......好想唔洗再痛>"只好單單依靠神的醫治吧..........食藥搞到燥底-0-""對你地發火，對唔住呢！

>>May 29, 2007 at 1:07:22 PM GMT+8