2006 年 8 月 2 日 星期三 【驟雨】

膝蓋。痛楚。疑惑

今日全日都係排舞，女仔果幾Part學晒，只差未同男仔夾。
今日除左腳踝痛，連左右膝蓋都超痛。救命呀！未On Show就周身傷......點算？
為南哥辛苦而無奈。。。反映過後，我到底係因人定係因事而喊？我真係唔知......
或者從來冇聽過你會講d咁既野......大妹妹，果一刻真係好想攬住你。

三日，過埋呢三日我可以唔需要見住你。你眼神你說話，都令我好反感。
今年排戲，真的不能與上年相比。Good Show？神呀！我想盡情休息。

「所以弟兄們，我們在一切困苦患難之中，因著你們的信心就得了安慰。(帖前 3:7 )」

多謝邦邦，你果然係我既澆灌者。I LOVE YOU>V<感謝神讓你在我生命中出現。
「最緊要做既事榮耀到神，最好既野俾神就ok了~之後要做既，神會幫你做~~神做八成，你做兩成~」
「每件事睇番，睇下合唔合乎神心意，神又會點做...你就知點面對架啦~」
之後，我要做每件事，包括排戲都要榮顯神！

>>August 3, 2006 at 3:59:40 PM GMT+8

2006 年 8 月 1 日 星期二 【寒冷】

痛。倦。燥

今日排舞冇增加，但腳踝好痛。
今日排戲Run Full，但喉嚨&身體都好痛。
今日某人某事令我好燥，你唔鍾意我出聲！唔好處處針對我！
唔識側手翻有罪？唔識跳舞有罪？唔識對白語氣有罪？我做到既一定做！哼~

「神要改造你的內心，這過程不見得輕鬆愉快......也可能帶來痛苦。
有時候你甚至會忘記在你生命中工作的是誰，以及他的最終目的。」

>>August 2, 2006 at 1:25:04 PM GMT+8

2006 年 7 月 31 日 星期一 【清涼】

頹廢。疲累。生病

今朝一起身，手臂 & 背脊 & 腳踝，極痛............
等排舞 & 等排舞 & 等排舞。成朝都係等等等............
改排位 & 改對白 & 改語氣。成日都好倦倦倦............
唔係冇心機排，但對腳真係好痛，而且喉嚨唔舒服，講幾句就要咳一咳。
真係好想講，不斷坐完係地下又再企番起身，我對腳會好痛的。

「因為你是神手中的工作，你是他最偉大的作品，他的「曠世鉅作」。」
好感動，即使我有幾對唔住神，但係神對我既愛從未改變。

CONGRATULATIONS浩然！恭喜晒你入到Poly U~感謝神唷！上帝真的聽了我的禱告......>V<

>>August 1, 2006 at 4:31:58 PM GMT+8

2006 年 7 月 30 日 星期日 【清涼】

排舞。分享。得著

今日朝早番去排戲，下午番去排舞。中間空餘時間睇書，好充實。
排舞果到都ok，到依家都仲跟到。呢隻比賽舞跳得開心過練習舞，因為跳得較靚。

多謝阿Fa你送左本「我的秘密領袖」呢本書俾我，不過我真係怕羞架=0="
每一個主題都提醒左我好多野，感謝神俾我有機會睇呢本書。
感受就遲d先講吧......等我睇完成本書，好得閒既先打吧......

「神愛你原本的模樣......但他不願就這樣放著你不管，他要你擁有耶穌的心，他要你完全像耶穌。」
睇到呢句，好感動，亦俾左推動力我去改變&更新我的靈命！

>>August 1, 2006 at 12:32:31 PM GMT+8

2006 年 7 月 29 日 星期六 【清涼】

頗悶。聚會。討厭

今朝早可以遲少少先番教會，因為唔洗做守望。
成個崇拜最唔投入係講道，因為佢講既野令我好眼訓-0-"......
完左之後跟阿Wing學完講就出去荃灣同阿婆佢地飲茶。
跟住去左阿婆屋企，見到情情呀>v<好可愛呀！佢已經識行啦，仲識講爸爸媽媽。情情點都可愛過良仔-0-"
上次表哥去日本，買左個Keroro軍曹既電話繩，雖然我唔鐘意Keroro，不過照殺！

夜晚，呢餐晚飯，真係令到我嚴重O嘴！
Aunt竟然話唔好係阿婆屋企食飯，去葵芳警局Canteen食。點解唔搵間酒樓食呀？
去到Canteen，俾成班差人望住晒。d野食又唔係平，又唔係好味，唉....
小B狂同我講：表姊，d野食好難食呀！真係超級討厭係警局食飯，簡直係Kai.........

「幸好你平安回來。」

>>July 31, 2006 at 1:48:12 PM GMT+8

2006 年 7 月 28 日 星期五 【颱風】

無奈。鞋子。匆忙

今朝早，一心諗住佢地唔會遲到。但我呢個諗法係錯架！
我8:30去到西鐵站，加埋d男仔買早餐及遲到，足足等左成個鐘先上到車！
好離譜！早到=傻仔，準時=冇用，遲到=合理？點呀！遲到仲要覺得合理？！
我火都黎埋呀！排戲你地已經成日遲到啦！今日係出去綵排呀，咁都要遲？
綵排既事冇咩特別，只係好多對白唔記得，下星期地獄式排練。十萬個唔該，準時啦！

跟住搭車番去教會，真係好倦。而且我對鞋勁濕，搞到我對腳好唔舒服！
一到屯市，行去輕鐵站經過間賣襪既店，即刻買左3對襪番教會換。
番到教會齊齊除鞋換襪坐係地下開組，好掛住小組呢！成兩個禮拜冇番啦~~
好Enjoy敬拜既時候。到信息分享果陣，傾到邊個係我地既栽種者及澆灌者，即刻諗起四個人，KaKa！
跟住完左小組同Joey依君食野，之後番屋企lu！
原來我對鞋既鞋底爛左，唔怪得點解我對襪係全濕啦..........原來入水。
好！經過我要求底下，媽咪俾左錢我買鞋lu！今次想買波鞋，我諗我會著得舒服d+冇咁易爛，買邊款好呢？

栽種者：我諗係浩然掛，起碼佢係我中一既時候有叫過我番團契&教會，增加左我興趣。
阿安都係，起碼冇覺得帶我番教會係一件麻煩事，WAkkakak！

澆灌者1：第一個係大妹妹.....一來佢係我守望者，二來佢真係好關心我。最深刻既係之前團契發生左d事搞到我好唔開心，佢除左陪我喊之外，仲叫我唔好將所有野攬上身，除左交俾神之外，仲要俾團契既職員知道我既感受。

澆灌者2：第二個係阿Fa，同佢既關係我覺得係同行者。之前榮基鬧我果次，佢不斷去安慰我既時候，真係好感動。
而且，佢教左我好多野，點樣去將心思意念教俾神等。

澆灌者3：我一定唔會忘記邦邦你既>V<每一次我遇到困難既時候，佢總係會俾左好多意見&安慰我，每一次都可以幫到我。我覺得我地之間既關係好特別，因為大家從來都未見過面，只係靠網上維繫，但都可以成為好朋友，真係好感恩！神安排你係我生命出現，我好鍾意！

THANKS A LOT & I LOVE YOU ALL

深藏國度 (魔幻王國--主題曲)
作曲：西伯｜填詞：西伯｜編曲：褚鎮東、金培達
http://www.media.org.hk/narnia/main.asp?pg=17

超乎想像 豐盛真相
仿似童話夢 等你來探訪
現實的心找不到深藏無邊國度
要用你純愛 童真的角度 體驗探討

誰料現實的心一早已受到百千冰封
仇恨每被濫用 愛被錯用 如何能解封
全地若夢的冰封境界需要你當先鋒
來破解困惑與操控

無窮力量因基督把愛埋藏人心坎中
能力已在發動 愛在躍動 蓋滿了星空
奇妙十字架犧牲的愛 使世界亦動容
塵世得再現這國度

因這份愛 無數奇蹟發現
因這份愛 軟弱謙卑必會升高
因這份愛 恨怨全給驅趕
得進入這永恆國度

>>July 29, 2006 at 10:41:15 AM GMT+8

2006 年 7 月 27 日 星期四 【清涼】

感恩。完成。疲倦

一大朝早，約左大妹妹係M記做守望。
我地傾左暑假 & 中四既時候我做既事會點樣排位，我諗學懂左。
但要完完全全跟足排位而去決定做咩事，都幾難。
不過好感恩！因為做完守望，我冇覺得好倦，起碼未想去烚眼訓。

跟住同Kathy最後一次番去天水圍十八鄉中學集合。
上到車同媚一齊坐，好想訓好想訓。差唔多十一點幾先去到中文大學，又再一次黎到。
十二點入到去唔知咩室到參加畢業禮，同番Group 3既人最後一次既活動lu！
成個畢業禮大多講背後搞呢個活動既人既感受，有點悶。
坐我後面個青蛙王子+男巫狂搞爛gag，不過好好笑。上台相影，不過唔係頒證書俾我地，係一早頒定俾我地，有點無聊。
完左之後影相，我冇食到野，同3E人影完之後就走lu！

搭車番到屯市，跟住同阿余衝番去良景。
番到屋企食左d野又衝去葵芳學琴，我就死啦！
今日學琴都ok既，不過真係好倦！好彩暑假完之唔洗再出黎學.........感恩！

原來我日記copy既文章，朋友睇完會有感動架>V<感謝神！
岩岩又係邦邦日記睇到篇文章，好岩基督徒去睇~~好有反思呀篇文。

「I Miss You So Much！」
-------------------------------------------------------------------------------------------------------------------------------------------------------------------------
你想知道如何天天勝過罪和撒旦嗎？你想知道如何擁有得勝的保証？
火焰佈道家──布永康在非洲一個佈道會中說了這樣的一個故事：

有一位年輕人，他擁有一棟極漂亮的房子，這棟房子有兩層，上層有五個房間，
下層有五個房間，總共十個房間。他非常高興擁有這棟房子，而且引以為傲。

有一日，有一個人輕輕敲門：咯咯，咯咯.............
他開門，驚訝地發現原來是主耶穌。
耶穌對他說：我敲門想要進來，你要讓我進來嗎？
年輕人十分高興，說：歡迎你主，我要把最好的房間給你住，請進，請進。
耶穌是個紳士，他說：謝謝你。
年輕人說：這棟屋子最好的房間在樓上，裡面有最好的傢俱，是最大，最好的房間。
於是他走到樓上說：主耶穌，這是你的房間。
耶穌是個紳士，他說：謝謝你。

第二天早上，有人急急地敲門：咯咯咯咯咯咯............
年輕人心想誰敲門敲得這麼急.........他打開門，看看是誰...........是魔鬼．．．．．．
年輕人立刻叱喝：走開魔鬼！
魔鬼說：不！我已經進來了！
年輕人說：我不要你！
魔鬼說：我已經進來了！
於是兩人便開始扭打成一團。
魔鬼整天都在年輕人心中注入污穢的試探，情況危急...............

到了晚上，年輕人才勉強把魔鬼推出去，將門鎖上。他筋疲力盡。
然後，他說：等一下，耶穌住在我家，他為什麼不幫助我，他難道
沒有聽見我在喊叫，需要幫忙嗎？他為什麼不來幫助我？
於是，他走到樓上，說：我得問耶穌為什麼不幫助我，我給他最好的房間。
他走上去，對耶穌說：主耶穌啊，難道你沒聽見魔鬼整天在煩我嗎？你為什麼不幫我？
耶穌說：孩子，在這十個房間中，你住了九間，我只住了一間。

年輕人好像被敲了一下，說：噢，主啊，我知道我犯了錯誤，我們一半一半好了，你住樓上，我住樓下吧。
耶穌是個紳士，他說：謝謝你。

到了第二天早上，你猜有什麼事發生........又有人急急地敲門了：咯咯咯咯咯咯........
年輕人說：糟了！魔鬼又來了！我不想開門........可是，萬一是別人呢？我怎麼知道不是別人呢？我只要開個小縫就好了；
偷看一下，如果是魔鬼，我就趕快關門。於是他把門只開了一小縫，從裡面偷看一下........是誰？又是魔鬼............
他趕快想要關門，但魔鬼的腳很瘦，牠用腳擋住門縫，於是他們又扭打了一整天，情況實在激烈.......

到了晚上，年輕人才勉強把魔鬼推出去，將門鎖上。他筋疲力盡。
然後，他說：等一下，我給耶穌一半的房間，包括最好的房間，耶穌為什麼不來幫助我，我一定要問問祂。
他走到樓上說：主耶穌啊，魔鬼又來找我了！你為什麼不幫我？我給你五個房間。
耶穌說：孩子，我們換個做法好了，你把十個房間都給我，然後你來住我家，而不是我
來住你家。把十個房間都給我，你來住。
年輕人跪了下來，他把前門的鎖匙拿出來，
他說：主耶穌，我現在把整棟房子交給你，從今天起我要住在你家，這樣做好嗎？

可是..........到了第二天早上，太陽出來之前，有人用力敲前門：咯咯咯咯咯咯...........
年輕人還在睡覺，他嚇得跳下床，哭喪著臉，說：魔鬼又來了..........
當他哭時，突然不敢相信自己的耳朵，他聽見房子裡有腳步聲：踏....踏....踏...踏....
他說：我曉得了！我不再是房子的主人，擁有房子的主人必須去開門。
他看見耶穌走下樓梯，以萬王之王、萬主之主的姿態；耶穌不只開一個小縫而已，他把門大大的打開；
年輕人躲在耶穌後面，他想看會發生什麼事。當魔鬼看見是耶穌站在門口，牠就恭敬屈膝。
魔鬼說：對不起，我敲錯門了！

Are You Happy ?

讓耶穌為你爭戰，耶穌會打擊魔鬼，你站在耶穌後面。
有些基督徒給耶穌九個房間，但在第十個房間的門口貼了一張特別的告示：「閒人勿進」。
為什麼？因為他們在第十個房間放了污穢的雜誌，放了酒，他們在那裡犯罪，他們不要耶穌進去，因為祂會看出不對勁。
你騙得了太太，但騙不了耶穌；你騙得過先生，但神的眼睛像火。我督促你因為我愛你，把整棟房子給耶穌吧！把整顆心都給耶穌吧！我用房子比喻做心，我將整個心都獻給主，甘心樂意事奉主，所有全奉獻。

>>July 28, 2006 at 3:21:15 PM GMT+8

2006 年 7 月 26 日 星期三 【乍寒還暖】

精神。努力。面對

右面最新留言，由「讓我高飛」原創人所留。
第一眼望到，有點兒O嘴。不過呢首歌真係對我有啟發，發夢都唔會諗到佢黎留言-0-"
好彩佢冇鬧我仲咩用左佢首歌做背景音樂.......希望睇我日記既人聽呢首歌都會被感動！
今日排戲終於有番精神，狂排舞，跳到對腳好痛。不過已經排好果part舞啦！
各位買左飛去睇「戲劇馬拉松」既朋友們，請作好心理準備，你將會見到我平日一定唔會做既野。
仲差Ending果part！貓婷！辛苦你去諗啦。仲有一星期，努力呀！
番到屋企鋼琴Miss打黎，無奈！要我成個暑假都出去荃芳學琴，車錢好多呢！好煩好煩..........

「你出你入，耶和華要保護你，從今時直到永遠。(詩 121:8 )」
-------------------------------------------------------------------------------------------------------------------------------------------------------------------------
一件事情的好與壞不可單憑表面的判斷，否則錯誤的判斷可能令你一生遺憾。

幾年前，有一位兒子的母親去世了，他回故鄉去奔喪，他一直不喜歡母親，因為她一直不斷向兒子要錢，只要他一個月沒有寄錢回家，母親就打電話給他破口大罵，而且他的事業越有成就，她索取的錢就越多。
　　
待辦完喪事後，他正要離開家的時候，他的大哥把一個小包袱給了他說：「這是媽媽叫我一定要交給你的。」於是，他便小心翼翼地打開小包袱，看到一本存摺與一封信，存款是用他的名義開戶，存款金額高達百多萬。
　　
信中母親寫道：孩子，在這幾個兒女當中，我最擔憂的就是你，你從小就不喜歡唸書，又亂花錢，對朋友太慷慨，當你說要到外地闖一闖，我就很擔心你會變成一個「窮光蛋」，因此我每月從不間斷地要你寄錢回家，一方面可以刺激你去賺更多的錢，另一方面也為了替你儲蓄；你給我的錢，我一毛都沒有花，你大哥一家把我養得好好的，你的錢就是你的錢，現在就拿去好好利用吧！

有時，我們可能不明白父母為何要這樣對待我們，甚至引起我們的反感和誤解。當你冷靜下來，去想清楚時，世界上有哪些父母是不痛愛自己的子女，不過，有些父母在這方面的表達較為含蓄，如果故事中的母子能夠互相溝通，這便不會發生悲慘的結局。其實媽媽是很了解兒子的需要，又為他設想，就是因為欠缺溝通，引致兒子的誤解而導致無法彌補的關係。

>>July 27, 2006 at 2:48:31 PM GMT+8

2006 年 7 月 25 日 星期二 【綿綿細雨】

疲累。不適。搏殺

「當你感到孤單無助時，神總會在你左右。」
尋晚，好對唔住老豆。雖然唔知道係唔係我整，但同老豆講左個大話。
因為冇拉拉魚缸死左4條魚，好驚真係我整成咁，又唔想老豆唔開心，所以話d魚熱死。
不過其實個魚缸既水竟然有成30度........真係高得很。原因係咩唔會知，但希望d魚唔好再死。

今朝起身頭暈暈，Kathy既媽咪車我同佢去天水圍上堂，不過唔識路。
所以最後係天富放低我地兩個，衝去搭輕鐵，遲左成15分鐘。不過算吧！早到遲到唔太重要-0-"
最後一堂，ok開心。作左篇類似俾意見既信，仲有寫左對呢五堂既活動有咩感受。
我地有幾個女仔都畫左隻青蛙！Kaka！因為我地班既青蛙王子實在做得太出色。
Miss叫我地互睇對方既日記，睇到有篇個女仔寫錯左班上3個男仔既其中2個，變左做3T男孩。
星期五完lu！So Good！唔洗再早起搭輕鐵去天水圍，Yeah！

下午原本要番去排戲，不過實在有點發燒，傷風，仲有喉嚨痛，所以今日都係休息。
聽日我會努力d架啦......休息左一日，點都會好番少少既。希望On Show唔會病啦！
夜晚落左去京都酒家食飯，麻麻地，仲要我覺得幾唔抵食下。


「幸好有你們陪伴我走過我的人生。」

>>July 26, 2006 at 3:24:08 PM GMT+8

2006 年 7 月 24 日 星期一 【清涼】

感動。落淚。希望

今日係屋企都係休息，整日都係同媽咪一齊，THANKS GOD！
感謝神！讓我能用文章去感動未信的人，求神你開他的心，讓他能因這些文章而落淚。

主唱：ETERNITY GIRLS 作曲、填詞：李健達 編曲：Johnny Yim

步伐是否感覺疲倦了 現實令你感到無奈
只懂每日每夜忙碌裡 兜兜轉轉 似沒了沒完

但願讓你知道 神是愛 在路上每一秒同在
可否接受這份純真愛 一生歡欣 快樂精彩

回家 將傷痛放下 看透俗世謊話
迷失漆黑中 祂總把你念掛
回家 即使新世代 全然皆冰冷
在這屋裡 有主的愛 別再怕

「為你們的生命而禱告！為你們的短宣而禱告！」
-------------------------------------------------------------------------------------------------------------------------------

我睇完呢篇文章，又再次落淚。原因係咩？我都唔知，不過真係好感動。

有一位老婆婆個子唔高，但係好肥，行路既時侯需要拐杖支持。
每隔兩個月老公公都會陪老婆婆到醫院覆診，因為老婆婆患有高血壓。
某夜，老婆婆左邊身麻痺入院，經過電腦掃描顯示右腦出血。
我如實話比老公公知，佢無出聲，只係無奈咁望住我&淚水已經湧現。
第二朝，意料之外，老婆婆既情況唔係想像中咁壞，而且頭腦清醒。
入院之後既第五日，老婆婆問我：呢兩日伯爺公點解無黎探我既 ?
一個實習護士話比我聽，早兩日老公公突然心肌梗塞，住左響對面既男病房。
兩老無兒無女，最親既都只係姪仔。今日，姪仔帶左兩樽果汁黎醫院，先去探老公公。

過左幾日，老公公既病情剛剛穩定，就嚷住要出院照顧老婆婆，
經過一番溝通之後，主治醫生諗左一個折衷辦法：
首先老公公換番自己既衫，坐住輪椅，由工友推到女病房門口，
而為左安全起見，醫生護士都要跟埋老公公一齊.........
老公公蹣跚地企起身，手執果汁，走到老婆婆床邊：買比妳飲嫁。
老婆婆嗲起黎：呢幾日唔見你既伯爺公，咩事呀？病左咩？
老公公微笑：唔係呀伯爺婆.........姪孫結婚啦！我要幫佢打點一下嘛。

呢一個，係我咁耐以來聽過最動人最感動既一個謊話。
人生就好似變幻莫測既天氣，雖然可以預料，但往往都出人意表.......
老公公既心臟日復日咁康復，準備出院那天，病情突然惡化，撒手塵寰。
姪仔辦理完死亡證明之後就黎搵我，要求暫時唔好話比老婆婆知，
因為老公公死前遺言：照顧伯爺婆，唔好話佢知我既事，唔想佢受剌激。
呢個時候，無一個在場既人唔感動唔流下眼淚，包括我.....

當日我巡房既時侯老婆婆又問：伯爺公D果汁喝晒啦！點解佢又不見人?
護士強忍眼淚：妳唔記得左咩？姪孫過兩日結婚啦！老公公要幫手嘛。
第二朝清早， 我發覺老婆婆床頭多左樽瓶果汁，聽到護士同老婆婆話：
老公公剛黎過，佢見妳訓得咁甜，唔捨得叫醒妳，放低果汁就走左啦。
當護士一轉身發覺我企響度既時候，立刻雙頰通紅。
我微微一笑，拍左佢膊頭一下，慶幸佢果顆愛心不為歲月冷卻。

當日下晝，護士長察覺坐響梳發對住窗望風景既老婆婆無左呼吸，
我迅速跑去一手抱起老婆婆，再聯同護士將婆婆放上病床急救......
搶救二十分鐘之後，我宣布失敗......
我一邊寫報告記錄，一邊諗起「陪著你走」既一句歌詞：
如果，走到這世界邊端，我倆已是無力前行跟我一起飛去.....

護士長走過黎同我講：估唔到妳咁大力一手就可以抱起老婆婆。
我只係報上微笑，因為我已經唔想講任何野，我怕我忍唔住眼淚......
老婆婆的確好肥，但係好輕，因為佢既靈魂已經跟老公公飛走左啦.....

愛--雖然只係一個字
但係無人亦都無野可以具體咁解釋呢個字 .....
正如糖好甜，花好香......
根本無得解釋，要用心同親身體會先可以感受。
真正既愛--應該係堆藏響心裡面，去體會，去感受，去領悟.....　
即使天會變，月會圓，花會枯，人會老......
有生之年，請珍惜你所愛以及愛你既人。

>>July 25, 2006 at 1:24:22 PM GMT+8