2007 年 5 月 10 日 星期四 【清涼】

觀塘旺角一日遊

尋晚大哭，今朝眼腫...唉！上網睇到將鐵匙放入雪櫃雪凍佢，再放係眼皮到。
不斷做呢個動作，好快就會唔再腫。原來使得的！真係好快就冇事。
朝早約左阿余今日去街，先去左大興北搭車去觀塘。
之前係網上有人幫我係台北買本小說：「戀光明 IV」，太好了。
都唔知幾耐冇過觀塘，久未去既時候，終於可以順便去下APM行街。
原來APM比想像中多野行，由於我地好早去到，入面間無印良品近乎冇人，可以安靜買野。
等左好耐果個賣家終於黎到，差d唔知係佢。佢收我$80，已經很平了，因為本書本身已$73。
之後搭地鐵去旺角，好多人呀T_T""企死我了。

去到旺角，又險些迷路了......搵左好耐，俾阿余帶我周圍行XD
最後去到基道，第一次去，真係好大間。不過今日唔知點解好多學生...
點知係果到聽歌聽到唔知時間，搞到近乎跑咁跑去朗豪坊。
2：40準時去到朗豪坊UA戲院睇「海猿2：終極海難」。
好耐都冇試過睇戲咁緊張，咁Enjoy，完全投入係呢太電影入面。
嘩！真係超好睇！第一次睇到要有點閉氣(因為太緊張)。
d音樂超好聽！而且去到某d位冇晒音樂果陣，全場靜晒，仲更加興奮。
特別係去到後期大輔救起吉岡+下川+傷者後一同仰望個天，真係好感動T_T"
不過最後聽晒成首主題曲果陣，d UA職員好似想趕人走..好阻住。

睇完都接近五點，餓到爆。去左食Mos Buger=]吾！好味。
最後行去新世紀廣場，買埋開信刀就走人lu！今日倦死左...
搭巴士番黎果陣，同阿余一齊讓位俾人坐，點知企左係個吹風位...頭痛了。
今晚阿余上黎屋企食飯，阿媽二哥一齊搞笑。
總結黎講，今日好開心！特別睇左海猿>v<好想再去戲院睇多一次咁多。

2007 年 5 月 9 日 星期三 【酷熱】

誰來理會我的感受？

倦爆了，完了一整日上課，最後兩堂還是P.E堂，接著仍要開會。
討厭開會中夾雜很多廢話，導致呢個團契既會開到7點先走得。
再次被人分別於唔同教會，呢一次一講，真係好想喊...
今日傾福音營既野，傾到個Camp入面要選詩歌，我第一個反應我唔選。
或者係發緊脾氣，真係好唔開心！當時好唔想再接觸任何有關敬拜要選歌既事。
係主內係一家人，點解仲要特別去分大家唔同教會呢？
我選詩歌冇可能次次都就到你地識唔識唱，唔識唱咪去學lor，好大問題咩？
唔同教會當然會唱唔同既詩歌，點解唔嘗試學習接納呢？
去到後期呢個會我已經冇晒心機去開，只係想快d走......

番到屋企原本都已經冇咩事，當大妹妹打黎再去傾番，竟然比之前更唔開心。
一次過俾佢提出太多問題，而且語氣令我壓得我差d透唔到氣。
當時呢一刻，我想得到既，係溫柔既支持。最後呢段對話，我只有「唔」...「唔」。
真係有衝動去CUT線......大妹妹，下次遇到呢d事，溫柔d對待我吧！
讓我個心先先冇咁down先吧！但，我冇嬲你，只係有點點怕你=]"但時間一過，便不會。

>>May 12, 2007 at 2:20:09 PM GMT+8

2007 年 5 月 6 日 星期日 【清涼】

久未踏進的...補習社

今朝100%火爆！太過份了！
我地Prefect要係早會巡完同學校服儀容之後，企係最後一條白線......
如果唔係有同學傾計都唔好周圍行，要整齊Wo！
跟住今日好曬，個個都頂唔住。我地又唔似得其他排隊同學有前面既人阻擋少少陽光。
咁頂唔住咪巡多d，咁樣行前d等對眼同個身冇咁「興」。
點知俾討厭既訓導主任話我地自作聰明，唔專業！平時又唔見我地咁努力巡，怕曬就巡多d！
咁真係曬，我地企既地方又唔同其他同學，太陽既光真係接近直射我對眼啦！
哼！最後佢仲要話一日未諗到點樣重新安排我地企位，都要企死果到。衰呀！\口/

番到班房塊面紅晒......跟住Long FT，傾Fashion Show既野。
好煩呀！之前Singing Con又係咁，依家Fashion Show又係咁！
總係有班人唔幫手之餘，仲要搞破壞！好心你地諗下我地班會既辛苦啦T_T""
好討厭呢班人成日係到嘈嘈嘈！出少d聲當幫忙啦！
早上既堂每堂少5分鐘，上得輕鬆左！Phy+Chem都唔算太倦，仲頂得住。
Maths堂大飛要我地做書既會考題，之後收黎睇。6題識做4題...都ok啦！
Lunch俾人放飛機，同Cherry去左奇昌食。
英文堂默完書，再講少少書都已經夠鐘，有點無聊。
最後中文堂都係一日之中最搞笑最精神既堂，好多爛Gag！
「我條金魚俾水浸死左...」「下星期三係星期幾？」次次Miss Tang都要諗超耐都諗唔到！

放學Stella黎左我屋企Hea到夠鐘去補習......
成幾年冇入過補習社，久未踏入，有種無形既壓力。
一入去管Sir即刻派工作紙俾我做...複角...不斷做不斷做...
兩個鐘除左有個Brake去食下野之外，都冇停過。
雖然每題都做錯左幾次先岩，不過做晒成張好滿足Tim！
番到屋企倦到訓著左，搞到起身之後再訓都訓唔著！

「但那等候耶和華的必從新得力。他們必如鷹展翅上騰；
他們奔跑卻不困倦，行走卻不疲乏。 (賽 40:31 )」

主您降臨 以您光驅走黑暗
使我雙眼看得見 您極美麗
令我心仰慕 願共您同行不變

永活真神 您至高配受頌揚
高天之主最尊貴 卻願虛己
並要棲身這世上 變作卑微顯真愛

主您面前跪下 真心真意敬拜
高聲宣告 您就是我神
噢主您配受擁戴 您最美麗純全
您確是奇 妙也最寶貴 主負贖價
怎可數算 沈重十架 擔我過犯

今可因主尊貴名字獲新生
今可因主尊貴名字得拯救

>>May 8, 2007 at 1:18:41 PM GMT+8

2007 年 5 月 4 日 星期五 【酷熱】

快樂的小組！=]

尋晚整左一堆「白朱古力水果撻」，點知凝結唔到......太慘了！
幸好未算太難食，仲接受到！！不過d士多啤梨真係超甜>V<"

今日小組好開心，完全係充滿著喜樂！
玩番一個好耐冇玩既破冰--曚眼捉人，笑到我肚痛...不過今次玩得差左，成日俾人捉到+估中。
之後又分組用報紙整心目中既教會，我同kayin+Joyce一組，整左一個立體教堂。
敬拜好開心呢！第一首詩歌係「我們相聚一起，同呼求你的名...」，加埋做動作，超搞笑！
好Enjoy呢！特別係唱「全因為你」果陣，好掛住呢首詩歌。
最後就係大食會，好多野食唷！多謝組員既付出，特別係Joyce既麵，好好味=]



夜晚出去荃灣食飯，好多人，個個都黎齊慶祝母親節。
今晚好豐富，多野食到爆。不過今日狂俾表弟妹蝦...
先俾陳治良打面，後俾小B推到我去垃圾桶余左...再俾施施+安安打=0="
救命！還手實俾人鬧...我忍T_T"今日仲收到個二手Patrick Cox...仲要金色！

左：串嘴陳治良 右：食芒果布丁的表哥

>>May 7, 2007 at 9:22:34 AM GMT+8

2007 年 5 月 3 日 星期四 【酷熱】

疲累了

呢幾日忙到連打日記既時間都冇......雖然冇咩人期待=]
之前P.E堂再次打排球=v="我竟然可以連續開到幾次波，So Good For ME。
不過打完之後，右手又腫又瘀......變左豬蹄！
跟住又忙Bio Project匯報既野，雖然做到好紋，不過過去左就算...
太好啦>v<海猿就上映啦！好期待唷！
恭喜南哥！原來你係戲劇馬拉松VI因為點錯票而拎唔到男主角獎！

《穿越時空的少女》呢套動畫真係好好睇>V<"

【簡介】：
《穿越時空的少女》是一套充滿青春氣息，而且故事情節出人意表的清新動畫，電影在日本上*時票房勁破1億，贏盡口碑！日本各方的潮流文化Icon，包括多媒體藝術家村上隆、恐怖小說大師乙一、《日本沉沒》電影導演真嗣等均讚口不絕，《穿越時空的少女》迅即成為日本潮人朝拜聖物！另外在山本二三、青山浩行兩位宮崎駿動畫班底全力打造下，《穿越時空的少女》的畫功細緻淋漓，被喻為媲美宮崎駿作品！
紺野真琴是一個17歲的高二女生，和所有17歲的少女一樣，她以為可以和兩個男同學兼死黨功介和千昭永遠在一起……直至她得到「穿越時空」的能力。對於愛情，真琴本來充滿幻想和希冀，到愛情降臨身上時卻又不知所措 ??尤其是向她表白的人，竟是死黨千昭。為了維持好友關係，她選擇了以穿越時空的能力來迴避。但當發覺這竟令表白不成的千昭轉而與另一位同學拍拖，她又感到不是味兒……穿越時空的能力到底是禍是福？一個可一不可再的十七歲夏天，將為觀眾製造甜密又苦惱的回憶。


>>May 4, 2007 at 1:49:45 PM GMT+8

2007 年 4 月 29 日 星期日 【炎熱】

打機日XD

尋晚做功課做得太夜T_T"搞到今朝好鬼眼訓。
第一二堂上Bio Lag做實驗，兩堂都唔洗聽書......
之後A.Maths，由於太眼訓關係，訓左半堂。
搞起身要狂追番大飛講左d咩，真係抵死！
Eng Oral堂，Pathar成日都要我地做埋d傻野...
呀歐陽就用書，悶到飛起！仲要對住佢好多堂呢！
Lunch首次單獨同阿媚食飯，仲要去雲南過橋米線。
次次d人食完都話好辣，搞到我唔敢試，不過原來小小辣都ok，仲幾好味！
跟住趕番去圖傳室開清潔糾察會，好彩唔係袁Sir負責開，如果唔係實俾佢鬧死。
好無聊呢！學校成日實行d措施...簡直就係對學校冇咩幫助。
開完就衝上去上中文堂，今堂唔夠多爛Gag，Kekee！
Chem好彩講左小小書就俾我地做課後練習，唔算太倦ja！
放左學去中文Oral訓練...極到冇用T_T""爛Gag多過認真討論。
正式考試千萬唔好係d無聊題目+同番d正常人一組。

由於聽日係5月1日，勞動節(一個唔知點解要放假既節日)。
所以今晚同兩個阿哥打機打到3點先訓...Keke

>>May 2, 2007 at 10:24:40 AM GMT+8

2007 年 4 月 28 日 星期六 【炎熱】

敬拜

朝早100%唔想起身...好眼訓唷！尋晚成2點幾先訓Zzz...
番到教會同大妹妹做守望，今日既話題幾輕鬆：敬拜...安全感。
唔知番左教會幾耐，先肯放聲咁唱，將自己真實感情向神表達...因為我害怕。
在神裡，渴想以喜樂的心來敬拜，渴想每次敬拜也能來到神面前。

之後崇拜，今日敬拜So Good>v<雖然都有點點眼訓，不過唱得好開心。
而且講道一D都唔悶，或者今日既外來牧師預備既題目切合我+佢好吸引人去專心。
「信徙在留在世上的目的是繼續推廣耶穌的事，
但人認識父並榮耀他的名。神已為此預備好了一切。」

「你使我滿足」

我心必永久頌讚主 每刻信賴倚靠主
我主常使我心無懼怕　你使我立足主你基石
現穩固是我心　故我要說我主
是你於我心是至寶　世間與在天也如是
是你使我滿足　故我要說我主

是我保障　力氣　我福份　我的釋放
我盾牌　我高台　我所需要每刻幫助靠倚

>>May 2, 2007 at 10:02:31 AM GMT+8

2007 年 4 月 27 日 星期五 【炎熱】

戲劇馬拉VI

今日小組好多人，多左Money~阿余~Joyce~美思等...
破冰玩「拍波」？好搞笑...成日拍到個波天咁遠，搞到人地要衝過去。
仲成日拎塊薄墊打人Patpat...P.S好彩全部都係女仔.....
之後敬拜，好開心Money+阿余你地兩個都有份唱>V<太好呢！
到分享時候雖然發生左好多事，但神與我們同在，令我地不會有難受的感覺。
呢個星期要關心Money+依君。好耐冇同依君傾計...好想同呢位同月同日生既朋友談下天。
完左同阿余去食Tea+買琴書...原來我一d小既音樂知識，令你咁感動T_T""
其實我一直都唔知你係唔善於表達感情既人，但當知道...好感動。
因為神有去改變你=]對住我可以講到Maybe我個樣太可信...哈哈！

夜晚同貓婷+老彭去左荃灣大會堂睇「戲劇馬拉松VI」。
原來咁快又到馬拉松既日子，上三年都以參加者身份...第一次以觀眾身份睇足全場。
感覺太大分別，因為缺乏一種興奮感...好想再次踏足大會堂既台。期待中？
不過今晚既表演其實都唔錯...第一套「戀愛亂到癲」。好似係無限演的
雖然d劇情有d亂，不過做得唔錯，幾搞笑。
第二套平安福音中學既「後悔」......個人感覺：唔鍾意個配角仲出位個主角...
第三套係我地呂明才中學既「嘩鬼校園」，原來阿琦既gag都幾掂！
南哥扮娘娘腔...真係好似>V<""特別佢講果句：「測驗唔合格既同學要全日含住粒朱古力唔準食飯。」
阿鋒扮傻仔都幾似，特別係D行為....不過整套戲有點兒短，長番少少會好睇D！
第四套係「白雪公主的特別嘉賓」，班小學生做得超好！
特別係做「禮貌」，「誠實」，仲有「燈神」。對白動作跨得黎唔算浮跨...而且D小朋友好可愛
第五套都好似係無限演，叫「瘋狂夜」。冇諗過可以係舞台睇到個鬼故。
睇到好High，雖然之後有點拖時間，不過真係做得唔錯！d音樂同燈光都搞到ok恐怖。
最後一套叫「超人歷險記之機械超人」，我真係睇唔明最後結局係咩......

最後到宣佈「最受觀眾歡迎男演員，女演員及整體演出獎」得獎隊伍：
「白雪公主的特別嘉賓」連奪3個獎=]實至名歸！因為真係好好睇！
雖然呂明才今年拎唔到獎，不過唔緊要！出年再努力！再演一套好戲！

>>April 30, 2007 at 1:20:54 PM GMT+8

2007 年 4 月 26 日 星期四 【微冷】

WHY？

今日做Bio Project，對眼十分疲倦。全心多謝Winki一直陪到我5點幾先走......
做左一半了，個頭暈暈地，加埋好似有點點發燒。

點解要打網上日記...原因多了。首先，討厭手寫日記...因為我係懶人一個。
然後，我係日記入面打緊全部都係真實既生活點滴+感受......
當將來去睇番，我會見到自己經歷過咩事，以及成長了多少。
其次，我想讓我既生活經歷，事件都讓別人知道......
至於我話因為冇人去因敬拜既事而surpport我而down...我唔係指冇人留言...
係果刻我確實想得到組員對呢件事既睇法+支持......不過過去了
不再介意別人的回應，100%不再介意。

>>April 27, 2007 at 1:20:18 PM GMT+8

2007 年 4 月 25 日 星期三 【微冷】

FEELING

UT過去，一切如常，唯一唔同的是派晒所有卷。
首先Chinese 52.75/60，有點驚訝，比預期中好好多，還是熱愛中文科。
到Eng 26/58，可以用失敗黎形容，Writing+Reading同時衰左...要努力做多d！
Maths 51/90，LQ死都好慘...要做多d圓既數先得！
A.Maths 29/60，Pass已經好好！不過當見到邊d地方弱既時候，就要狂做T_T"決定左去補習！
Phy 36/55，OH！一心以為MC會錯好少...竟然錯成8題，有點兒DOWN！
Chem 34/80~~Pass到超感恩！因為好多地方都可以執分...但下次冇咁好彩，要快d背好d野。
Bio 47/60，雖然LQ全班第一...不過MC就錯成11題...每一科都好需要Train MC！

派所有卷，再計平均分得50...中學有史以黎既「低」。
雖然見到平均分唔好，不過亦見到神的恩典。
整個UT過程，艱辛但感恩有神的同在+神的大能臨在...
以為自己會Fail既，但最後Pass左。Exam要更加依靠神度過...努力=v="唔可以再死咁多科！

夜晚同大妹妹傾電話...其實我真係有因為冇人因為我上篇日記既事而去支持我而感到失落！
或者我仲係小孩，仲想有多d人去關心，多d人去主動問我既事，多d去依靠佢地...
但小孩還小孩，靈命已經唔再係既時候，好多舊有既習慣都要改變...
要主動同人講自己既事？要到我去關心多d別人？要成為別人的同行者？
大多野需要去改變.....一時間未做到。不過神總會帶領我度過吧！

「耶穌為愛傾流祂的寶血，釋放人生；靈魂；枷鎖！」

聖哉歸我的主宰 全地都充滿您榮美光彩
萬國給您尊貴 頌讚歸於主您名
使您面光照我 俗世始知您活著

這讚頌遍響諸天 我主您確美善
全地也都和應 哈利路亞 向您致敬

>>April 27, 2007 at 12:00:51 PM GMT+8