2006 年 10 月 26 日 星期四 【清涼】

花盡精神

今日真係好倦，直踩14個鐘。學校既事，已令我疲憊不堪。
落堂之後仲要忙班會旅行既事，最後搞到4點30分先完成。
決定了去赤柱...算係完滿解決。其實我都知班房充滿火藥味...
但係我只係想全班同學開開心心有一個回憶，就係咁簡單！
南Y島要自己搭車去中環....而且比赤柱更悶。海洋公園要早兩個禮拜訂團體票...都已經訂唔切。
選定了地點，好像還要諗到時既活動...班會職員不易做。

因為班會既事，遲了很多先去到團契...感恩既係我今日咩都唔洗帶。
主題係「金錢」，錢對我不太重要，因為我不追求貴野，只要夠用便OK。
同阿余分別了後，去左肥豪屋企補數。嘩！8個人...真多=v="
由6點補到9點30，身心靈開始疲憊不堪......死忍！死忍！肥豪都問左我幾次係咪好倦。
勉強將我唔太明既野搞番清！A.Maths & Maths不太有信心...只好盡我所能做多d練習。
THANKS 肥豪既幫助......=]我會盡力測好個UT...

夜晚番到屋企實在太倦，一食飯唔理自己會變肥，去左Sleeping。

>>October 29, 2006 at 3:32:44 PM GMT+8

2006 年 10 月 25 日 星期三 【清涼】

「SHOWHAPPY」 VS 「XANGA」

越黎越多人由Showhappy轉去用Xanga...雞翼啦MICMIC啦...
成日都有人問我點解唔用Xanga，或者用耐左呢個，唔捨得轉。
而且用左兩年半多，好多感情好多事都記錄左係呢個日記，用Xanga會冇晒。
Xanga太容易俾人搵到別人日記，Showhappy冇咁易......
人用耐左某d野，就唔想轉。老友！要你地花時間Kick入黎我日記，辛苦晒=]

我花左好耐時間設計既綠社社衫，不過有點兒女仔Feel~~算吧！多數都唔會被選中。


>>October 26, 2006 at 3:17:30 PM GMT+8

2006 年 10 月 25 日 星期三 【酷熱】

意見？決定？

放學為左旅行日而開班會，好唔開心！班會主席...唔易做。
想自己4S1班去旅行，22個人；想同其他班去旅行，19個人。
最討厭投票人數一半一半......總會有一半人唔滿意決定。
想自己班去既又諗唔到有咩地方去，想同其他班去既就去海洋公園。
我同Walter講野講到冇氣，叫極靜d總係冇咩人聽。
好啦！有人提出意見去其他地方~d人又唔滿意，又話海洋公園最好！
一路開會一路就講海洋公園有咩唔好？班會職員都咁講......
咁依家投票人數有22個人想自己一班去旅行ma！咁自己一班實唔會去海洋公園架！
到底你地想點？我地都係根據投票結果去開呢個班會？你地想我地難做ma？
最後話去大尾篤，不滿聲音隨之出現...有冇理過我同Walter感受架？
總有人唔滿意結果，但都唔洗咁大反應？我地兩個都好難做架！
俾人反問點解要去大馬篤......點解唔去海洋公園。我已經唔想再答...這刻感受不好！
好想喊......好唔開心......或者聽日班主任堂再傾既時候，結果會係去海洋公園。

我唔想去海洋公園......根本就係自己一小組既人玩.....我想4S1一班人玩得開開心心。
不過或者呢個只係我自己感受，其他人唔係咁諗，我何必迫佢地？
海洋公園就海洋公園吧......既然係你地決定，我地班會冇權反對！
I DON"T KNOW HOW TO DO......THZ Walter...好彩今年你都係主席，起碼你夠影響力。

>>October 26, 2006 at 11:40:38 AM GMT+8

2006 年 10 月 24 日 星期二 【清涼】

願與主立約？

今日係2006-2007年度領袖生就職禮，有點驚。
早左番到學校預備，冇當值，因為忙於練歌。
練左「呼求耶穌」，練左「十架的冠冕」。
首先係團契就職禮，比上年更加驚。因為要司琴+唱詩。
未開始之前，狂祈禱。感恩！彈既時候滿有平安！AMEN~~
第一首彈團歌，好易彈，所以冇彈錯到。(P.S：首團歌...真係頗沉悶)
跟住其他職員係Hall門口抬十架既時候，彈第二首「十架的冠冕」。
呢首彈既時候要同MISS梁+MISS鄧夾，雖然都有彈錯少少音，不過已經比平時好好多。
第一次係禮堂上既週會司琴，勁驚。因為怕彈錯，怕俾人知道我彈錯...幸好都順利完成。
下次唔洗驚LU>V<呵呵！之後校長同我地宣誓，就將一個「愛」字既大塊鎖匙扣分俾我地。
個鎖匙扣比我想像中細左，不過都好靚！呢個係我第一次收到咁既鎖匙扣，會好好Keep住。
跟住宣誓完就唱「呼求耶穌」，原本我唔洗自己拎一枝咪架！陳芷莉要我拎......
我又怕其他男職員唱得細聲，所以我比平時唱大聲左...雖然都有少少走音，不過算唔錯=v="
一路唱一路望住某一d人某一d野，因為我驚！=]不過最後順利唱完「呼求耶穌」。
完左團契就職禮，落番台下坐。完埋學長就到PREFECT，好彩MISS冇再讀錯我個名。
最後校長講左成20分鐘無聊野先完，我已經去到半睡半醒。Zzz...Zzz...
問阿聲拎番我個鎖匙扣就番課室，好倦......仲未驚完TIM。
問左好多人，問佢地我彈成點唱成點，原來都好多人聽到我有少少走音！記住！係少少！
仲有話我彈得唔錯=]太好啦！THZ MY GOD~~I LOVE YOU~~~!

之後上中文堂，阿LO教。又係作文...好彩係作投訴信......
到基教堂，太好啦！唔洗聽書，睇電影。今次睇「我的馬拉松」，好好睇呀=]
(上網再睇完呢套劇既簡介，我怕下一次再係基教堂睇我會喊......)
LUNCH同KATHY去食椰林=0=K.C呀！要改下啦~~唔好成日唔鍾意人啦！包容多d！
好煩呀！PREFECT成日都要巡樓，小息又巡食飯又巡...一d休息既時間都冇啦/_\"討厭！
BIO堂真係好倦呀......邊聽邊烚眼訓，好彩今日唔係教左好多野！
ENG堂MISS WONG冇番，上堂研究社衫點畫，好似畫極都唔靚既.....

團契既鎖匙扣......點解團契職員冇職員章既？四社學生會PREFECT都有，點解團契冇既=0="？



我的馬拉松---簡介：

《我的馬拉松》根據真人真事改編，靈感來自患有自閉症的青年裴享珍以及其母親樸美京。自從得知兒子患上自閉症後，樸美京不斷四出尋訪名醫，嘗試各種治療方法。經過多次失敗後，她最終將希望放在馬拉松上，自此與兒子展開艱苦的訓練。沒想到，長跑訓練為裴享珍帶來了生氣，在馬拉松比賽上跑畢全程，取得驕人的成績。這個感人故事後來結集成書，並成為一套電視紀錄片的主題，觸動了萬千心靈。

《我的馬拉松》就像一本母親的日記，訴說著養兒育女的喜與悲。二十年過去了，小男孩在體格上已變成一個正常男子，不過心智上仍舊停留在五歲。自閉症患者通常都無法有效地表達出自己的感覺或想法，所以他們沒有可能交到朋友，沒有跟誰建立任何形式的關係… 結果呢？就是苦了父母。普遍來說，父母都終生照顧患病的子女，不離不棄；但事實上，這種關係沒可能持續到永遠。所以在離開世界之前，他們都會盡力教好子女，至少，學懂照顧自己。

片中的母親美淑正身處這一個階段。她想給予兒子一個生存的意義，最後選擇了馬拉松。她眼見兒子在跑步時的樣子與別不同，所以希望透過馬拉松比賽，讓兒子重拾失落已久的自信及成功感… 然而，兒子是否有同樣的想法？還是當母親的一廂情願？電影提供了答案﹕兒子衷心感謝母親的支持，但無法表達自己的感受；他唯有用雙腳跑畢全程，去報答偉大的母親。

「十架的冠冕」

路是難走　但比起你的十架路
我今天算什麼　來起身再走過
遇著痛苦　你亦經過世間苦與樂
你的救贖愛海　我得勝和釋放

＊凝望著十架的冠冕　仰望你度過每天
你體恤我的軟弱　明白我親身處境
無論遇著困苦憂愁　你亦會在我身邊
你興起我的生命　我今得到信心面對挑戰

>>October 25, 2006 at 11:04:00 AM GMT+8

2006 年 10 月 23 日 星期一 【清涼】

足印

某天晚上，我造了一個夢，夢見我與主漫步沙灘，又見到我的一生的每個片段在空中掠過。每個片段裡面，我都看見沙上有兩對足印，一對是我的，另一對是主的。看過最後的一個片段，我再回頭一望沙上的足印。怎料我發現有許多時候，沙上只有一對足印；並且是在我最低沈和難過的時候，每每就會這樣。

這真令我困惑，於是我質問主道：「主啊，你曾經應許過，當我立志跟從你，你便一生一世與我同行。可是我卻發現，在我最受困擾的時候，沙上只留下一對足印，我真不明白，為何在我最需要你的時候，你卻偏偏要離我而去。」

主就這樣回答我說：「我所寶貝的兒子，我愛你，我絕對不會在你受痛苦和被試練的時候離開你，當你看見沙上只有一對足印的時候，其實那時是我保抱著你。」

>>October 25, 2006 at 11:04:42 AM GMT+8

2006 年 10 月 21 日 星期六 【清涼】

一公升眼淚...

夜晚唔溫書都要睇「一公升眼淚」。
真係好好睇>v<我怕我好快就會忍唔住喊啦！
好想睇呢套劇既小說，一定好感人......=]

「一公升的眼淚-亞也轉學時同學合唱」


P.S只要按重新整理旁邊既停止，背景音樂就會停止。=]

「跌到又有什麼關係，還可以再站起來。」

>>October 24, 2006 at 11:31:21 AM GMT+8

2006 年 10 月 20 日 星期五 【清涼】

頹廢啦！

考琴既時間越黎越近，今朝出去學琴既時候，越彈越多錯處。
好擔憂，我冇信心。我怕唔合格，要重新再學考試歌.....
我都唔知點解自己咁小信，咁唔相信神既能力。

學完琴好倦，唔想係葵芳Hea，搭巴士番左屋企烚陣先。
跟住休息左一個鐘再搭輕鐵番教會，心情欠佳。
祈禱會既時候，慢慢放低呢件事。之後多謝OME個破冰咁好玩，令我投入。
到敬拜，真的放低了，輕鬆左。我信係聖靈工作了......=]
今日分享講既係組員既事，傾左好耐。冇左平時既講道分享，幾特別。
我講番Unitform Test & 琴試將近，好擔憂。講左之後舒服晒>V< I LOVE 天作之組。
感謝神，我唔會再唔相信你。UT...琴試，我會信靠你......以喜樂黎溫書，練琴。
17日時間好長，依家咩都唔好耐，盡好所能練好琴，呢個係我本份！

>>October 24, 2006 at 10:04:12 AM GMT+8

2006 年 10 月 19 日 星期四 【清涼】

身心有疲累了......

今朝早Pro.5，寫遲到。冇咩特別，只係傾計俾人鬧=0="
之後上中文堂，又係對答案...跟住分組研究三字經，邊個作架！咁鬼難。
小息俾團長叫左出去訓話，越訓話越冇Mood。唉/_\今日將會倦死我啦！
跟住上A.Maths，兩年數花左兩堂，一路聽一路個腦轉緊。
幸好都明白，不過考試果陣出呢d題目，死梗！>"到英文堂，又係Listening.....真係好悶，悶到想訓...快d完啦！唔想再聽。

LUNCH小聖堂，開會+食飯。俾團長鬧，鬧我地唔做野，鬧我地唔上心。
唉！唔係我地唔想做，我地真係好倦！自己果塊Board都未搞掂呀！
而且「自我」呢個主題又唔係我地去諗先，我地對呢個題目都冇認識。
點解唔叫番提出呢個題目既人去俾意見我地？好苦惱......團契之間合作十分艱難。

跟住又上A.Maths堂，阿Sir再用一堂講多條例題，今次明白多d！
一上完呢堂，即刻收拾包袱！衝去仁愛堂打波~~最後一次去打lu~~
同Kathy打左15分鐘兵兵波，好悶/_\一路打一路傾計，我打兵兵波進步左bor！
之後叫miss代為開聲，終於有得打羽毛球啦！我發覺我呢排打羽毛球+兵兵波+籃球都有進步。
打打下，有機會同Miss打，雖然最後都係輸左，不過已經打得唔錯=v="

一完左P.E堂，換好衫衝番團契。又一次證實！準時係冇必要的！
由三點放學，去到三點半左右先開始團契。今日阿余都黎左，我終於唔洗咁悶啦！
破冰...真係好悶，一d都令唔到人投入。敬拜ok，今次唔係彈錯好多音。
今日既主題，又係「自我」呢兩個字。唉/_\！分組分享傾傾下，好驚阿余會悶。好彩佢冇~~

完左團契，仲未走得......成班職員留低整Board。冇法子，交貨日子不能延期。
釘槍得一把！唯有輪左黎用，煩！同牛子兩個人上六樓釘Board！嘩！成層黑晒好恐怖。
上年都話有Winson陪我，佢咁大舊，有事都唔洗驚。但係今次牛子仲帔過我=0="有事點算...
拿拿臨釘晒可以釘既野，最後都係釘唔晒。冇法子！Miss Print野次次都Print唔晒...
係六樓釘釘下...係校長宿舍冇拉拉有人行出黎，原來係詩雅=0="嚇死我！
最後整Board整到7點幾先走得，好倦......成個人都冇晒力。

呢排媽咪好倦，成日都落大快活食。因為得我同佢食飯，佢唔想煮。
不過我幾Enjoy！今晚食左什扒飯+M記脆香雞翼>v<好好味呀！
食完飯之後，太倦啦...10點幾就去左訓。連琴都冇練，好失敗！

>>October 21, 2006 at 2:15:53 PM GMT+8

2006 年 10 月 17 日 星期二 【清涼】

忙碌...I am so tired

學校換新校褸，我想買架！不過我冇信心升上中六...驚會浪費左件校褸。
唔買新校褸，就一定要著舊既，凍都唔可以著其他外套。
咁咪即係強迫d學生怕凍既要花錢買校褸？好過份呀！=[......
好彩神創造我既時候天生唔怕凍，所以唔買都唔驚凍死Wakakak！

第一二堂要上Phy，幸好我還有精神。
今堂教對流，唔太難=]我識！我諗UT應該應付到呢科！
之後上Chem，我都冇訓>V<好勁呀！伍Sir教左元素週期表既野，都ok！
A.Maths真係想死......教左個新符號「！」，好難/_\大飛講得好快，我聽唔切。
我已經冇烚眼訓架啦！我已經好俾心機去聽啦！好驚UT呢科唔合格呀！

Lunch我同Kathy冇Mood食飯，皆因唔識A.Maths。
算吧！既然入左4S1，寧願開心去讀。我信神會賜智慧俾我去讀=]
英文堂冇咩特別，還是Listening，好悶呀...幾時先可以完呀？
到中文堂，兩堂都係到狂笑......許俊浩對Donald有意思？Bee鋒有人鐘意？
好鍾意呢兩堂=]因為Miss成日同我地一齊笑埋.....我份閱讀理解有19/20，第二名高XD！

今日仲係學生會選舉日，放學同阿余去左Hall投票。
原來侯選幹事都可以投票架？有點兒O嘴唷！.................
跟住去搵大飛問番今日教既A.Maths，佢話唔洗記d公式點黎，記住點用。
之後同阿余番屋企lu..........搵日一齊去打籃球。

夜晚倦死我啦！預備壁報既心心，溫CHEM，溫英文。
好驚CHEM唔合格......碳酸鈣好難記呀d文字方程式。

>>October 19, 2006 at 2:10:03 PM GMT+8

2006 年 10 月 16 日 星期一 【清涼】

琴試...UT...Alas

朝早有週會，同阿余帶3E上Hall，特登選班乖d=v="
今日係第十七屆學生會咨詢大會，一如以往，d人問既問題都係串人為主。
正常既=0="今年呢個OHANA，真係不太深入民心呢！
之後上阿Lo既中文堂，作記敘文「記一次看病的經過和感受」。
我作我係一個醫生但患左沙士，不過我始終覺得自己作說明文/議論文會好d！
跟住基教堂，莫Sir又講左一大堆唔知咩野，跟住又要寫野...人的價值？呢四個字唔太明。
LUNCH要Pro.2，成組得四個人黎堂值，唔夠人用。
一路食，一路傾計。傾左組長既野，綠社既野，家政既野，總之咩題目都有講過。
之後BIO堂冇派卷，唯有上堂。好倦呀...忍得好辛苦唷......幸好烚左一陣就精神晒。
英文堂又係LISTENING，同一個問題d人可以問三次，專心d啦！

夜晚又落左大快活打邊爐=v=''好味，好飽，好滿足！
雖然唔係一家人食飯，差大哥佢，不過已經好開心...I LIKE IT

距離UNITFORM TEST尚餘：14日
距離六級琴試尚餘：20日

好擔心/_\特別係琴試......我不想有心無力！
我想盡我所能考好呢個試，盡管我醒覺得遲。
主呀！幫我渡過呢個難關，我需要從你而來的信心+力量。

>>October 18, 2006 at 12:13:18 PM GMT+8