2007 年 4 月 23 日 星期一 【颱風】

迷惑

過去：
「今日發現自己多左個問題需要去解決...就係帶領敬拜呢項事奉。
首先係小組帶既時候，唔知係咪呢排多左新組員...
好多時會憂慮佢地會唔會唱...會唔會唔投入...應該幾時Stop呢d問題，令到自己投入唔到。
到團契...問題仲大。每次選詩歌既時候，要選d佢地識唱or易學識既歌...唔同教會真係有咁大分別？
本身我想帶既歌，又因佢地唔識唱or時間關係試唱唔到而唔選得...
有點Down...每次領詩，知道佢地唔識唱...我自己又唱得唔準既時候，真係唔知點教佢地。
特別係唯一一個同我認識詩歌差唔多既Miss Tang唔係到既時候，問題仲大。
到底係我係事奉上尋找神帶領唔足夠，定係我冇心帶呢？...」

現在：
「同邦邦係Msn傾完之後，明白更多了。
敬拜對我黎講既目的係將榮耀歸俾神，讚美神，認罪以及同神說話。
敬拜既主角係神，而唔係人。神要感動一個人，一定感動到。
明白到自己需要花更多時間去禱告，為自己預備，亦求神感動每一個人及預備每人的心
唔再Down，反而要積極改善。要每次帶敬拜，重心放係神，用心靈誠實去拜祂」

「時候將到，如今就是了，那真正拜父的，
要用心靈和誠實拜他，因為父要這樣的人拜他。(約 4：23)」
「我要天天稱頌你，也要永永遠遠讚美你的名！(詩 145：2)」

>>April 24, 2007 at 4:29:51 PM GMT+8

2007 年 4 月 22 日 星期日 【乍寒還暖】

結束奪命UT

尋日冇太大心機溫書=v="可能就係因為最後一科...keke！
今日測PHY，文章分析唔太識做，其實係因為冇諗過要測呢d野。
之後LQ一題分好多細題=0=如果錯一題...oh！其他都會錯！
所以希望千萬唔好錯第一Part......MC好多題謝Sir都曾經俾過我地做...所以我識！
其中一題MC好多人都唔識，包括我！不過我記得個答案=v="如無意外應該撞岩左！
好Yeah！終於測完啦！d成績唔理啦！死就死啦！
跟住番到屋企睇完成套「交響情人夢」既動畫，Oh！超好笑+好感人T_T"
等緊電腦有得睇呢套野既電視劇，肯定仲好睇！



呢幅圖係我夜晚做CHEM既Poster畫既，有點低B...=]


>>April 24, 2007 at 12:34:44 PM GMT+8

2007 年 4 月 21 日 星期六 【炎熱】

掛住你唷蓉蓉>v<

今朝早做守望，好簡單咁敬拜+祈禱+分享。好Enjoy...
之後崇拜，蓉蓉番左黎唷！又唔知幾耐冇見過...
雖然依家同阿蓉分隔兩地，而且相處+交談時間短...不過係主愛裡仍是一體。
仍然會掛住你，小組仍然會為你禱告！祝福你係事奉+學業能得到平衡。

>>April 24, 2007 at 12:05:39 PM GMT+8

2007 年 4 月 20 日 星期五 【炎熱】

冷清的時候，就讓它冷清吧！

呢排花左太多時間係溫書到...搞到今日學琴冇精神。
唯有扮靜盡量唔出聲，免得講多錯多，俾Miss鬧更多。
之後番小組既祈禱會，一半都唔夠落去接阿余=0=""
OH NO！佢竟然仲識得自己上黎12樓...白行了。
今日阿Ling帶破冰，玩「貓捉老鼠」，好好玩呢！起碼有得狂笑XD
最後果次差d就唔會俾人捉到架！OME太仔細啦搵人！
敬拜OME姐帶，好開心今日呢個氣氛，連阿余都有唱=]太好了！
到分享時間，突然覺得今日新組員破冰左自己。
斯娜願意講野+笑=]Joyce乖了=]阿余願意分享自己既事=]感恩！
最後幫手整埋d窗簾布就完組，落左樓下食Tea，好飽唷！

今日好開心阿余再次番黎教會，希望你能係小組入面認識更多神。
讓我們成為大家的同路人，一齊面對生活既事吧！
「凡勞苦擔重擔的人可以到我這裡來，我就使你們得安息。(太11：28)」

>>April 23, 2007 at 11:02:27 AM GMT+8

2007 年 4 月 19 日 星期四 【炎熱】

日記很寂寞！

尋晚原本好想溫晒Bio先訓...不過2點啦！真係頂唔住！
所以唯有靠今日測完Maths之後既1個鐘休息溫！
朝早起身對眼朦晒...極度唔夠訓！係輕鐵不斷背緊Maths公式。
今次UT既Maths好多MC好少LQ，雖然MC大部分都識...不過LQ最少已經冇左20分。
死爬爬！你今次死梗！果題MC我一定岩>V<等定請我食朱古力啦！
雖然Maths LQ唔太識做，不過真的不可以再擔心，大局已定！
之後果一果鐘不斷溫Bio，其間吳泉同爬爬係咁問我上冊既問題，大部分都識答。
不過就係因為幾個人一齊溫書，一齊努力緊，仲要全班好多人都溫唔切既時候...
一d都唔孤單，因為一大班人一齊搏殺，仲要笑住黎溫！
今次BIO卷又係MC多LQ少，我100%有必要做下BIO會考既MC題...真係好弱。
MC竟然問左好多上冊既野，連第十二課講消化牙齒都係問左幾題...好彩冇花好多時間溫。
不過LQ除左有d關於食物成份&咩食物岩素食者，同埋畫圖唔太識之外，其他都OK。

雖然今日測既野都有唔識，不過起碼冇CHEM+A.MATHS咁衰...總算測完笑得出。
終於有得休息下，今日完全唔溫書，俾個腦放鬆下。放學同阿余去左屯市食野+買野。
行左好耐諗左好耐，最後都係決定食M記=]至尊漢堡...好掛住MOS BUGER既漢堡唷！
之後去左買禮物俾某人，再去左柏斯琴行彈琴琴...突然見到有一公升眼淚既琴譜...
有點想買，又唔係好貴。仲有好想買番CANON IN D既琴譜...因為我果份冇好好keep住...好殘！
呀！一公升眼淚都有琴譜......唔通遲d會有海猿琴譜買？好想會出呀！>v<
最後去食雪糕！今次食士多啤梨......甜左少少，不過好好味=]

PHY要努力！最後一科！只要完成埋佢，就算成績點都好，都可以輕鬆架啦！

>>April 20, 2007 at 3:09:20 PM GMT+8

2007 年 4 月 18 日 星期三 【炎熱】

捱不住了

今次既UT，有種奪命既Feel...一日測兩科，仲要兩科都好多野溫。
尋晚一直溫A.Maths，點知溫到11點發覺唔掂！中文未溫...
所以快快脆溫下中文先再溫A.Maths，最後成兩點幾先訓得...熊貓眼出黎lor！
第二日好倦，不過仲頂得住！第一科測中文...其實比想像中易。
不過有一題班班都唔明佢要我們寫d咩，「黃」老師的解釋好到爆！講完=冇講。
實用文差d唔記得寫：「特此通告--全體同學」，希望老師唔會介意我寫左係格左外面！
d人好早做完，但係因為我實用文不斷覺得作得唔好...最後一分鐘仲做緊=v=""
之後好努力咁溫A.Maths。測既時候好努力去試做...
雖然好多都用錯方法...不過起碼我有努力過，所以算吧！

夜晚仲辛苦...總共要溫十一課半既Bio...仲有十課Maths...頹廢啦！
點解同一日要測咁多野...點解同一日要測兩課！SO UPSET...
好多同學都話放棄BIO要Maths...我去到11點就發現死火，未溫Maths...
最後又係要2點先訓得......今日一訓落床已經訓著左...太倦lor！

「但那等候耶和華的必從新得力。他們必如鷹展翅上騰；
他們奔跑卻不困倦，行走卻不疲乏。(以賽亞書 40：31 )」

>>April 20, 2007 at 2:09:02 PM GMT+8

2007 年 4 月 17 日 星期二 【微冷】

常與我同在

溫A.maths溫得開始有點乏力......腦中好疲累。
主呀！唔好要我一個人面對咁多數字...與我同在吧！
我乏力時，你絕不離開我。

「你同在 就似恩雨澆灌我 充滿我這生裡 時刻呼吸氣息
你同在 就似恩雨澆灌我 每一處我所到 求傾倒你同在澆灌我
你的愛 難述說喜樂 在我心靈內湧入 容讓我心 得更新與安穩 在你裡面 在你裡面」

>>April 18, 2007 at 1:59:42 PM GMT+8

2007 年 4 月 17 日 星期二 【微冷】

看見自己的不足

今日正式開始UT，英文+Chem也失敗了...
先測英文，唔知點解醒唔起d字點串點解...好彩最後作文都俾我撞中個題目...
之後Chem簡直測到想喊，一個鐘考10頁紙，真係唔知點做。
計數係識識地計，但係d化學方程式大部分都唔識寫。
合唔合格都係一個大問題...根本冇人做得切咁多頁...
有點傷心！溫左咁耐，但係有咁多唔識做。

但我唔想俾呢兩科影響到之後既科目。
我確實明白自己完左UT，有必要努力搞好Chem，有必要努力串好d英文生字。
我要將今日既失敗完全交俾神，因為我帶住呢d唔開心既心情，只會影響到自己。
縱使今次真係唔合格，但我卻看見自己的不足。
「弟兄們，我不是以為自己已經得著了；我只有一件事，就是忘記背後，努力面前的，
向著標竿直跑，要得神在基督耶穌裡從上面召我來得的獎賞。(腓 3：13-14)」

「你們要將一切的憂慮卸給神，因為他顧念你們。(彼前 5：7)」

>>April 18, 2007 at 9:55:56 AM GMT+8

2007 年 4 月 16 日 星期一 【酷熱】

「行步見步」而非「見步行步」

聽日開始Unitform Test，今次異常壓力大。
呢兩日不斷諗起之前榮基講既四個字：行步見步
我亦深信呢四個字唔係冇拉拉彈出黎，係神讓我醒起！
我想因著呢次UT，學著憑信心面對。
不擔憂溫唔切；不擔憂測果陣唔記得晒；不擔憂會測得差。
我要學習唔好見到條路係點樣，先去行。
要唔理條路係點，只要係神俾我，就去行。
好似好難，不過一定得既=v="

雖然依家仲係學習中，但想係今次UT建立番信心。
請各位弟兄姊妹為我禱告吧！為著我的精神及讓神與我同在...
最重要的是，讓我帶著喜樂及平安的心去溫習&測驗。
「在指望中要喜樂，在患難中要忍耐，禱告要恆切。(羅12：12)」

>>April 17, 2007 at 10:58:49 AM GMT+8

2007 年 4 月 14 日 星期六 【炎熱】

遍傳

今日崇拜感覺唔錯，雖然有點倦，不過講道其實好吸引。
完左為Joey祈禱，忍唔住喊左出黎。因為第一次聽到Joey咁深入既說話。
頓時覺得自己一d都唔著緊某d組員，睇黎要努力關心組員先得。
之後饑饉一餐，好簡單咁唔食Lunch，再睇左一d依家第三世界國家既兒童&為佢地祈禱。

最後就係遍傳，今次同阿泰+Kayi家姐一組。多謝兩位好組員不斷鼓勵我去同人分享+派單張。
呢次同左幾個人傾計，最深刻係其中兩個伯伯。一個好簡單傾左d計。
另一個伯伯分享左好多，其實佢對信仰好有認識(睇星火飛騰知的)。
當知道佢有病，退休之後就冇咩野做，突然感到好多老年人都缺乏愛既關懷。
最後為佢祈禱...好想佢被神感動，好想佢有機會感受更多愛。

夜晚去左盈豐一間算係新開既基督教餐廳「密室」食飯...其實都ok既。
不過好想親身去「五餅二魚」試下=v=""............

>>April 17, 2007 at 10:23:59 AM GMT+8