2007 年 3 月 30 日 星期五 【炎熱】

愛上了「海猿」

喊了...池澤死既時候，冇咁傷感。
但當今集大輔同尚子既對話既時候，徹底喊了。
或者只單單因為親情既關係...就連大輔同吉岡係訓練學校最後考試既時候...
都喊了...或者再次單單因為友情既關係。真係太好睇=]太Enjoy呢段時間...

>>March 31, 2007 at 3:31:34 PM GMT+8

2007 年 3 月 29 日 星期四 【炎熱】

金魚仔 VS 金魚佬

好掛住你唷芝芝！今日可以同你係MSN傾計，好幸福唷！
咁耐冇傾計，感覺你成熟左。多謝你話我地雖然好耐冇見，但唔會疏遠左。
確實感受到神既愛流通在我地身上，即使分別多久關係都唔會變。
感恩認識到你，總覺得我地兩個性格唔太似，但總一種特別既關係令我同你咁FRIEND。
你要俾心機會考唷！不過唔好俾咁多壓力自己~~金魚仔記住笑住黎面對唷！

>>March 30, 2007 at 1:28:32 PM GMT+8

2007 年 3 月 26 日 星期一 【暴雨】

雲之彼端，約定的地方

日本係2005年11月29日出左「雲之彼端，約定的地方」呢本小說。
由新海城畫既呢套電影轉為小說，等左咁耐，台灣終於翻譯左為中文。
係三聯書店一見到本書，幾乎不加思索就決定買左佢。
或者因為等左好耐終於等到，仲要係出乎意料咁搵到，太開心。
睇左小小，雖然有d詞語因為由台灣翻譯怪怪地，不過都好想快d睇晒成本。
但係我直接飛左去結局，好似同電影有d唔同...男主角同女主角最後分開左。有點唔鍾意Tim=0="


>>March 27, 2007 at 12:45:08 PM GMT+8

2007 年 3 月 24 日 星期六 【炎熱】

全傾出所有

朝早準時起身守望=]今日傾左好多野，朱慧珍，I LOVE YOU>V<
有好多野需要去突破，過程難，但總有一條路讓我行。
今日崇拜全部青年牧區坐埋一齊，好熱鬧。敬拜有dd眼訓！記住！係dd！
何澤天竟然知醒，太好了=]特登起身番黎見榮基，唔知係咪我個sms嘈晒佢呢？
完左講道之後，同歡送榮基。青年牧區...成人區等都各自講出自己感受...聽多左榮基唔同性格。
榮基分享番佢之前兩個禮拜去武漢所見所聞，睇到好多令人思考既相。
佢既離開，係要興起更多弟兄姊妹。
一年之後，榮基如果再番黎，唔要俾佢見到我靈命仲係同依家一樣。

>>March 26, 2007 at 2:01:07 PM GMT+8

2007 年 3 月 23 日 星期五 【雷雨】

BBQ同樂日

朝早既學琴改左係星期二下午，可以訓晏d！
之後番小組，搵歌紙花左好長時間...最後要靠神既帶領背歌詞敬拜。
今日終於見到榮基，離開左香港兩個禮拜...改變既係佢笑容多左。
破冰玩一個頗辛苦既遊戲，不過帶出人有極限呢點！
敬拜四首詩歌，雖然長，不過ok投入。
分享完之後，就出發去蝴蝶灣BBQ。

多謝阿Ling陪我行左一半路，之後某人先黎到...SO LATE！
冇食Lunch，去到得番超少野食...用半粒鐘燒一塊雞扒...唉！
跟住去左打波，著住Converse打......腳有點痛=0="打左一陣已經出晒汗唷！
之後Cherry黎左，冇幾耐買埋野食番黎先有得燒。邊燒邊搞爛Gag=0="有d爛到我冇聲出
玩開口中，次次都俾我好彩中唔到=]爬爬Gigi威少三個中左三次要罰...
一個企高大叫「我係白痴」，一個扮去Toliet，一個跳求雨舞。
10點3同Stella搭輕鐵番屋企lu~~不過佢真係醉醉地......

今集「海猿」，好慘唷T_T"我100%唔鍾意d劇集要主角身邊既人死...NOT A HAPPY ENDING...
不過之前睇左「海猿2：Limit of love」，好好睇......拍得好真實...So GOOD！
如果TVB可以係播完「海猿」劇集版之後播埋套電影，會好完美完結。

>>March 25, 2007 at 11:59:19 AM GMT+8

2007 年 3 月 21 日 星期三 【炎熱】

四六盃--三人女子籃球決賽

完全想不到比賽中包含這麼多傷勢，眼淚，汗水。
第二場VS 6A，是一場艱苦的比賽。或許久不上場，未習慣Mark人接波射波等......
比賽不斷出現隊友被撞跌既時刻，心痛不已。
第一次被對方撞跌+Patpat落地，超級痛...即刻離場按摩下。
第二次被對方成隻手肘撞落我喉嚨，即刻有想嘔既感覺...痛到喊，又離場休息。
我地好多犯規，多到都唔知係真定假。出現多次Down既情緒。
最後以10：16輸左，Cherry+Zoe+Allison+我一齊喊......
我喊既原因唔係因為輸左，係因為點解我或隊友受傷既時候，比賽仍要繼續...點解唔暫停？
或許一直我都唔明白三人籃球既規例，但我討厭呢種事......而且一球都入唔到，對自己好失望。
「為何你不明白？我落淚只因我不服，不服對方犯規也當沒有發生。
還有當場上有人受傷時，比賽仍要繼續。
我哭的那一刻，多麼想你來安慰我，可惜你卻沒有。」
多謝Miss Wong+Miss Sin+各位同學既安慰。
對不起唷神！我忘記了上個星期小組提醒我們要發怒而不發脾氣。
的確比賽期間被對方撞到喉嚨後，我帶住怒火上場...
多謝神你給我們一個禱告時刻，心立刻平靜下來。

第三場Vs 4S2，與上一場一樣這麼激烈。還是不斷被對方撞到手臂，頭，踩腳。
與6A相比，4S2更加火。雖然係咁，但因為那禱告，再沒有怒火於我身上。
犯規行為雙方都咁多，多到我都唔知每次犯規係邊隊犯。
突然俾我一個射罰球既機會，感謝神唷！竟然會兩球都射入...多難得。
雖然比賽導致對方好燥，但也不能理會這麼多了。
最後以8：5贏左，好開心=]或許我喜歡失而復多呢種感覺，或許神給了我一個學習的機會。
比賽過後，希望不要結怨。帶著疲累身軀回家，雙腳雙手Patpat都痛唷...也超眼訓。
「你知道嗎？你的信息，令我多心痛。」

>>March 22, 2007 at 1:30:00 PM GMT+8

2007 年 3 月 19 日 星期一 【微冷】

行街日

今日放學補完Bio之後同阿余去左屯市行街。
首先去左陪佢配眼鏡，笑死我...佢話要唔好既鏡片係佢副新眼鏡...
唔知個Sales有冇O到嘴呢？今日順便Check埋眼...佢話我冇咩近視但有少少遠視...但會好快冇！
遠視會突然冇左架咩=0=？跟住去買錶...冇我心儀的那隻Casio...算吧！買左第二款！
之後去左華都食下午茶...實在太豐富，不過食左d咩唔話你知！免得你話我大食XD
突然之間發覺阿余開始鍾意搞爛Gag...一d笑話爛到爆=0="仲有d IQ題真係好Out...

其實我好鍾意同每個唔同既FRIEND去行街...
例如同Winki行街，佢會俾到好多意見我去買鞋買衫...仲可以俾我狂串佢XD
又好似同阿余行街，會出現超多爛Gag...總之咩都可以笑一餐。
Winki同阿余都可以令我成日食野=]同Kathy行街，會出現好多18禁既話題=0="佢太Open唷！


>>March 23, 2007 at 11:26:14 AM GMT+8

2007 年 3 月 16 日 星期五 【颳風】

法國龍蝦湯

夜晚出左去沙嗲王食飯，慶祝大哥生日。
雖然冇上次咁多人一齊食，可以食好多款食物。
不過都食左好多野，叫左個好味既法國龍蝦湯...隻蝦細隻左。
仲試左由細個睇數碼暴龍1果陣，太一煮左個蛋包飯俾小光。
點知一d都唔好味...影響晒我對太一煮既蛋包飯既形象。
番到屋企，趕得切睇海猿。池澤同大輔最後抱住自己伴侶，好感人T_T"
突然好想有機會咁樣試下，不過都理想化了。
下集海猿我怕我會喊...因為已經知道池澤要死...討厭一d劇集要主角死...
因為我唔鍾意BAD ENDING....../__\"唉！

>>March 20, 2007 at 12:22:34 PM GMT+8

2007 年 3 月 15 日 星期四 【微冷】

生命的馬拉松？

今朝MISS鄧係早會分享，說學業我地係跑緊一場馬拉松...
嘩！呢場馬拉松...真係長得肯。有冇咁多力去支持呢？
「那美好的仗我已經打過了，當跑的路我已經跑盡了，所信的道我已經守住了。
從此以後，有公義的冠冕為我存留，就是按著公義審判的主到了那日要賜給我的；
不但賜給我，也賜給凡愛慕他顯現的人。(提摩太後書 4：7)」

上中文堂笑死左...依家除左聽Listening之外都好難會眼訓！
因為Miss+各位男同學太多爛Gag出黎，雖然爛...不過都ok好笑。
A.Maths堂邊上邊做Bio，好忙，不過阿Sir因為留左d時間俾我地做Project，冇咩點教書。
英文堂Dictation+Reading Again，悶死人......一路發夢一路畫畫一路做，一心三用。
Lunch去小聖堂，第一次去西鐵入面某間店買三文字+蘋果汁...都ok既！不過仲有dd肚餓！
跟住Maths堂超快過.................之後P.E發生一d事，算吧！只係Miss超黑面lor！
碌Ling幾好玩，中左兩次全中=]不過隻右手臂有點兒痛而已。

放學團契辛苦牛子帶敬拜，唔好留有陰影+下次做多d手勢俾司琴知啦=]
跟住有點燥底！個破冰係歷奇，但不斷係小聖堂同Room302室周圍走！
算吧！最後遊戲完左，分享埋信息都成6點lor！
開埋個超短既會，係關於復活節唔洗做戲=]突然有點感恩！
因為呢排實在太忙...由於UT將近，科科都有Test...就快倦死。
希望復活節崇拜可以讀經，唔洗做婦人=]
不過如果真係讀經，要多祈禱求神唔好俾我好似上年咁讀錯字俾人串=0="

完左團契，見到阿琦，所以過左去學生活動室觀堂(戲劇組)。
好Enjoy係戲劇組，雖然已經唔再去團員，不過起碼佢地冇唔記得我。
4月尾既戲劇馬拉松，我一定抽時間黎睇！音響燈光慢慢學習，要努力啦！

大哥~~生日快樂啦！

>>March 19, 2007 at 1:38:31 PM GMT+8

2007 年 3 月 14 日 星期三 【微冷】

淡水溪流---考察日

第一次出外考察，地點荃灣可觀自然教育中心暨天文館。
朝早以特別姿態番學校，被眾人「觀看」。麻煩了雪妍幫我扎髻。
之後搭車出發，聽歌玩手機Zzz...好快就到左。
間中心好大間，設備又新。Sik Sik Yuen真係有錢...如果聖公會都可以咁幾Prefect。
聽阿Sir簡介一陣既考察工作，所用儀器，同埋會見到既生物...
好恐怖=0="千萬唔好俾我見到d恐怖昆蟲，我相信我會大叫。
分組同爬爬，陳仲，Cherry，Winki+雪妍。
去Toliet換衫既時候，俾Miss問點解Cherry做TB LING...仲話唔好當佢Out到連TB點解都唔知=0="
跟住就搭車去淡水溪流，被分到中上游...我想係中下遊多d.....不過冇所謂。
因為我換左白飯魚，但一開始一d想落水既Feel都冇...
突然之間覺得爬爬同陳仲好有男士風度，kaka！因為係溪流企上d石多得兩位扶住。
最後都係落左水，搵到好多生物，不過見到d昆蟲始終令我打冷陣。
個半鐘時候唔夠喉，好想再捉多d生物觀察。完左番中心沖腳食飯。
發覺4S1班係「起哄班」，咩都起哄，雖然有點煩，不過好好玩。
整個考察過程超多爛Gag...笑死人。食飽飯Hea左好耐先開始討論。
最後做埋實驗，再匯報番就完Lu。今日都OK好玩，雖然匯報好悶...keke！番到屋企倦死左.....

>>March 18, 2007 at 2:19:45 PM GMT+8