2006 年 9 月 19 日 星期二 【酷熱】

綵排。問題。答案

今日Lunch去左Hall綵排，好驚呢/_\
依家敬拜果Part咁唔夾，點算呀？第一次係Hall到彈，好驚。
放學再練，好左。不過始終都係仲要好好改下先.......
夜晚同Winson msn，唉=0="問你條Phy問答你答錯左Lor！
不過都麻煩你-v-"......混合物/化合物？要好好研究下點分！

>>September 21, 2006 at 1:24:42 PM GMT+8

2006 年 9 月 17 日 星期日 【酷熱】

眼訓。無奈。方法

好眼訓...好眼訓...好眼訓....死啦！我要早睡。
一早就上兩堂ENG，好倦。Miss強迫我地買英文報紙睇，我又冇咁多時間日日睇。
所以同貓貓一星期一個拎三日一個拎兩日報紙，不過我地都係買左young post。
跟住Maths，計下數，聽下爛Gag，好快過。Zzz......
CHEM堂，對唔住伍sir呢！我唔係想烚眼訓......不過真係好悶-0-"

LUNCH真係搞到我同K.C發脾氣！去左富來食...既唔好食，又貴。
服務態度亦不好......最大問題T_T俾我感覺間野好唔乾淨。我同K.C講過，以後都唔去！
早d番學校上Bio Lab澆水！我既薯仔高左少少，唔錯唔錯！
Stella既哈密瓜高得嚇親人！差唔多5cm以上......好驚>"<
之後上中文堂，Miss教書極慢，極浪費時間=0="不過多左個機會我地「仁義兩全」組傾計！
最後兩堂Phy，都勉強明。不過堂堂都要問番阿Sir問題，理解能力唔掂Tim！

放學去左小聖堂開會，為左星期五既中一迎新。
有點兒驚，因為「讓我高飛」唔易彈，而「詩歌」呢首我都唔識唱......
「詩歌」唔太難彈，只係d拍子我唔多記得。真的要練練Lor！
開會前Miss梁同我講，轉番我做副團長+司琴。冇開心亦冇唔開心，只有無奈。
我已經樂意去做聯絡+司琴，何必再轉。而且總覺得2個團長+2個副團長，有必要嗎？唉

THZ WINSON，傾MSN變左學英文，麻煩晒你！那件事是我們二人的秘密-V-真的難忘！
「我不想失去你與你這好朋友關係，但我可以怎做...？」

愛上了「愛是不保留」英文版，真的很好聽+觸動心靈呢！

愛是不保留(英文版)
「Unreserved Love」

I''ve always been told love won"t survive
Promises will turn into lies
The world just think love comes and passes through
It never lasts pure and true

But I still believe love can last
It"s your unfailing love that gives me rest
You were there when I needed you most
I"ll never walk all alone

On the cross you died and took away my curse
Love so wondrous no one ever could deserve
Your bleeding hands proved your love unreserved
You"re my greatest joy and treasure on the earth

Make my life a fragrant offering I pray
Help me Lord to serve you truly every day
Through tears and joy I"ll give you all my praise
Let the whole world know your love and grace

>>September 19, 2006 at 2:16:18 PM GMT+8

2006 年 9 月 16 日 星期六 【酷熱】

Szeyu Kwok：Happy Birthday！

Today Is A Nice Day！
尋晚我極度無奈，因為兩個阿哥夜晚係間房到打PSP。
本來佢地打機就唔關我事既，我有我訓佢地有佢地打！
點知佢地兩個四點幾兩個好嘈...仲開住房燈，嘈住我訓！起身鬧佢地都冇用。
兩兄弟關係咁好，應該開心T_T但係都唔好連累個妹冇得訓啦......

朝早起身，好彩都夠精神！唔夠唯你地兩個衰人是問！
番崇拜，我覺得今日既敬拜+講道都好配合我>v敬拜最次唱「呼求耶穌」，或者係預備弟兄姊妹下午派月餅行動既心。
不過我覺得神預備我有兩日都有機會唱呢首詩歌，係想我盡我使命去傳福音！
仲有「主你多麼美」...頌讚你，永遠頌讚你，頌讚你永遠沒止息.........
到講道，今日我好專心=v="或者今日既題目我好需要聽！

「有遠見的人生」(提後 4:6-8)
「我現在被澆奠，我離世的時候到了。那美好的仗我已經打過了，當跑的路我已經跑盡了，所信的道我已經守住了。從此以後，有公義的冠冕為我存留，就是按著公義審判的主到了那日要賜給我的；不但賜給我，也賜給凡愛慕他顯現的人。」

一)人生要無愧：「全力以赴所做的事，便沒有遺憾。」
a )信仰上奮鬥(仗)：「要得著耶穌，也是被耶穌得著。」
b )行走主心意(傳道)：「行走主給我的道路。」
c )堅守所信的真理
二)人生的盼望
三)人生有信念(永生)：「以神的應許成為我的信念。」
「神已預了我將得到的冠冕，當我臨死前那刻，能對眾人說我能得到冠冕嗎？」

呢篇講道真係好岩我>v下午食完飯，就去我地教會既隔離既新界神召會屯門堂briefing。
敬拜完，祈完禱，簡介完就出發去探訪兩個家。
今次我同Ome+以抵一齊行動，我同Ome都即刻諗番第一次去傳福音都係呢個組合，I LIKE IT！
搭輕鐵去到屯門碼頭再行去蝴蝶灣，都要行幾遠下......

去到蝶舞樓既第一個家庭，有一個媽媽+兩個仔仔。個媽咪都幾健談。
雖然我唔係講左好多野，不過已經比上年派月餅行動進步左。
個媽咪都幾大壓力下......金錢仔仔學業等，都煩住佢。
最後我地三個一齊為個媽咪祈禱，感謝神佢冇抗拒，願主祝福你呀！
探訪完第一個家庭都已經成五點，用左近一小時，真長呢.....
之後去第二個家，係一個獨居長者。仲感恩=v=佢都好健談。
聽到婆婆話有糖尿病+高血壓，令我諗起我媽咪/_\好驚佢越黎越嚴重。
最後亦都有為呢個婆婆作祝福禱告，願主醫治你的身體！
探晒兩個家庭都已經成5點8，所以冇番到教會做debriefing。
係屯門碼頭同Fafa+依君一齊搭輕鐵番屋企，去到豐景園見到一大班弟兄姊妹，好熱鬧。
或者中秋節前，我+Ome+以抵會再去探訪呢兩個家庭="=到時會買兩個燈籠俾果兩個小朋友。

番到屋企，真係好驚T_T原來媽咪+爸爸因為青山灣冇爐BBQ...係屋企廚房BBQ.......
會唔會俾隔離鄰居以為我地燒炭架？好驚唷！不過好特別-0-"......

「呼求耶穌」
求主加倍充滿我心 求主加倍釋放生命
願你復興來臨 燃燒靈魂 來讓我多一點愛火
求主加倍充滿我心 求主加倍釋放生命
為你盡得靈魂 興起全民 投入你國度全心獻
祈求主 讓我心更愛靈魂 成就你的心意 令我更堅穩
祈求主 讓我可作你僕人 燃盡我的所有 求主愛盛載
呼求耶穌 呼求耶穌 請再度熾熱我 在靈裡宣告
呼求耶穌 呼求耶穌 請你用愛 來充滿我心
請你 釋放 豐富 我裡面情義 去愛

I LOVE TODAY！


>>September 21, 2006 at 1:24:57 PM GMT+8

2006 年 9 月 15 日 星期五 【晴】

早上。壞了。改變

朝早又要8點起身，因為10點要出到去葵芳學琴/_\。
搭車去葵芳+搭車番屯門，我都差d唔知醒。我諗係聖靈叫醒左我！感恩！
雖然好倦，不過仲有得學琴，有進步都唔錯架啦！樂觀點=v="
番到屯門未夠1點鐘，去左柏麗既書軒Hea！買左本「可可！」就番教會lu~~
係輕鐵俾我撞到Fafa，睇番我既直覺都唔錯！Wakakak！

番到教會，先發現個電子琴壞左，連電線膠都好似熔左少少。
Oh！短期都冇得係小組司琴Lu.....難道神唔鍾意我練詩歌唔夠多="=Sor...
多左半個鐘既時間，同Fafa+Ome傾下計，時間好快就過~~
祈禱會完左之後，就開組。破冰玩唔知咩遊戲....分組玩，我果組玩3個輸2個，唉！
敬拜雖然冇左琴聲，不過都唔錯。我少左發呆既時間，多左反思祈禱既時間。
異象分享講到現在缺少公義，誠實&仲有一個唔記得。
我諗我缺少公義，因為對某d人我好有偏見(Maybe樣既問題+性格+行為)。
真係要改lor-0-"再係咁.....唔洗合作。而且神都唔鍾意我咁樣啦！

番到屋企休息，MSN傾得好開心Keke！
「On the cross you died and took away my curse！」

>>September 17, 2006 at 11:53:05 AM GMT+8

2006 年 9 月 14 日 星期四 【酷熱】

辛苦。討厭。疲倦

真係好討厭Day4，整日上既堂都係苦悶。
中文堂冇咩特別，講書依舊的慢，遲下補課在所難免。
A Maths依然轉為Maths，一元二次方程...真好啦="=我竟然識做。感恩！
到Eng堂，Hea下Hea下，呆下呆下好容易過。
Lunch午間敬拜祈禱會Again，「呼求耶穌」對我好大感觸。
再上多堂Maths，跟住就去仁愛堂上P.E。好煩......特登行過去打一個鐘都冇既羽毛球兵兵波。
未陪四點換衫走人，因為要趕住番學校開團契會。
今日都係傾番22號既中一迎新，29號既全校迎新同埋新一年週會內容。
22號+29號都係我司琴，有點兒驚。驚既在於要同兩個團契夾，我怕。
傾到5點半，真係好倦。同秀程搭751再轉505，比搭507更慢=0="......

「到底你是否有心想做得更好？」

>>September 17, 2006 at 11:31:40 AM GMT+8

2006 年 9 月 13 日 星期三 【炎熱】

忙碌。疲倦。完成

今朝6:45起身繼續整份生日禮物，都係整唔切，唯有番到學校先整。
唉！今日唔涼啦/_\好想快d冬天呀！咁就唔洗驚流汗。
第一二堂上Bio，呢兩堂主要係種野=v="我拎左屋企個薯仔番去，因為出左芽。
唔知個薯仔會唔會死呢......會唔會唔夠水呢......會唔會遲d有薯仔食呢......
之後小息...真係好炆呀>"<俾人煩住要我清Locker！遲少少死得人既？
跟住D Locker門又開晒，搞到我起身唔小心撞到，個頭多左個瘤呀！
到Maths堂教「一元二次方程(二)」，阿Sir點解好似d基本野唔多識既......？
Eng堂都係上Oral，奈何我真係太眼訓...第一堂都話有聽Miss講咩，第二堂真係半聽半烚！

Lunch同阿余食豆漿大王，佢屋企人係我地食之前已經食完，所以好早走lu！
好耐都冇同阿余食lu，好開心>V今日仲算左食飽飽唔俾錢行出餐廳=v=因為阿余屋企人俾左錢先！kaka！食霸皇餐~~
到中文堂真係好好笑......個個係到分享詩-v-一係話唔識解，一係講得唔清楚。
Chem堂一心二用，好彩都冇俾阿Sir發現Kaka！好彩今日教既野唔難J！

放學.....趕去西鐵站送份禮物俾神秘人。
不過見面都唔夠一分鐘......真係咁趕時間？
份禮物唔靚，不過心思搭夠。希望你鍾意啦！
「有你呢個朋友我都覺得好榮幸！」

>>September 15, 2006 at 3:56:58 PM GMT+8

2006 年 9 月 12 日 星期二 【溫暖】

紅雨。禮物。趕工

今日Phy堂教熱的內能，-0-"我知道內能係指=所有粒子的動能+所以粒子的勢能。
不過內能有咩用="=......之前上yahoo知識到問粒子勢能係咩，有人答左不過我都唔多明！
之後Chem堂，由於隔左一日先打日記，唔多記得。不過都係講基本野J=0="
到Maths，終於教完「一元二次方程(一)」。幸好暫時都明白......

Lunch同左K.C去奇昌食飯，好唔公平呢！佢本凍檸水檸檬多過我！
佢碟飯大過我！連湯都多過我！唔通個老闆唔鍾意我？
食完到Eng堂，分組討論！我同K.C被遺下，唔鍾意咪唔好同我地兩個一組！
最後係Chin堂，兩堂都係講結構段既大意+全文主旨=0="差點兒烚著......Zzz

放左學同Zoe去左柏麗，遇埋小肥就去遵理報補習班。
三百幾蚊四堂，補得好咩？Notes好？唔知wo-v-因為報名果個係Zoe！
係遵理竟然遇到徐偉盛=0=原來你都係讀理科架？我地會考見面啦！Kaka！
之後上左美門買左份禮物就閃人lu......

番到屋企成晚都趕製份生日禮物...抄抄抄...諗諗諗......
雖然顏色筆太淺色，搞到我隻手要出力寫，寫左三個鐘之後隻手已經痛到爆！
點知1:30都仲未做完，頂唔順之下去左Sleeping！唯有聽朝+小息果陣整埋佢。

>>September 14, 2006 at 12:52:08 PM GMT+8

2006 年 9 月 10 日 星期日 【微冷】

適應。秋天。懶惰

嘩！今朝起身好涼呀>v<真係好....I LIKE IT！
原本諗住著背心冷衫，點知俾媽咪洗完一次變到超細件...冇得著。
朝早原本上A.Maths，點知黎sir話教多幾個禮拜Maths先上A.Maths...無奈！
最大問題係，佢講得唔太清楚/_\或者我個腦轉得慢，花左點時間先明佢跳左Step會變成點。
Levine呀！你又話佢教得好既>"<點算呀？I am so WORRIED！
之後到Bio，終於開始提小小關於生物既野，不過下一堂先會再教書掛...
到Eng堂真係有點辛苦呢/_\或者我英文真係唔好......要下多d苦工！

Lunch同K.C&FELI食椰林閣食，d食物出得勁遲，食得好趕！
到Phy到，真係有點亂。謝Sir講得快，我科學基礎唔夠好/_\粒子勢能係咩黎？
又到Maths，又係用腦時間.........
放學同Shirley買背心冷衫，聽日有得著>V<最好再凍D！

「如果你無法改變環境，唯一的方法就是改變你自己。」

>>September 12, 2006 at 3:00:22 PM GMT+8

2006 年 9 月 9 日 星期六 【炎熱】

請代禱

唉！點算呀！鋼琴Miss想我以後都係葵芳學琴/_\
但係媽咪又話會浪費時間+車費怪......可能要轉老師。
不過我唔想呀！我唔想學左咁多年先轉，神呀...我真係唔知點做呀！

>>September 12, 2006 at 2:31:40 PM GMT+8

2006 年 9 月 8 日 星期五 【乍寒還暖】

保良局莊啟程第二小學上午校

已經差唔多...兩年冇番過小學啦！好掛住老師...
所以今日就算唔係同自己Friend一齊番，都要番一次！同左二哥+佢既Fd！
小學依然冇變，改變既只係我長大左，樓梯感覺上矮左。
依家同老師企埋一齊，好多我都已經高過佢地。只係老師真的老了+身子差了。
今次終於可以同Miss張傾下計啦>"<已經有四年冇傾......真係好掛住佢，五年級班主任。
另外見到容老師都好開心，四年級我英文真係好左-0-"只係之後又差番...kaka！
雖然唔係好多老師記得我，不過認得我個「貓樣」已經好開心>V<"
見番小學既老師，真係好和藹可親。相比中學老師，有d笑都唔笑下/_\"
之後同校長傾計，好yeah！遲d係下午校搬去黃金海岸果邊既新校舍！上年校留番係大興！
下一次番小學，一定要係我放榜知道成績之後！！我係莊二上呢間小學，感到好自豪-v-"

跟住同埋Miss張&二哥+佢既fd一齊去酒樓食飯，不過我冇食到...
搞完d野就番教會，麻煩左二哥借左把遮俾我，好彩佢都冇咩點濕到。
開組開組，又係我帶敬拜！今日帶「來頌讚」&「主愛大能」&「深得主恩愛」。
今次俾上一次帶得好左，要改善既就係自己要將第三生轉做第一生。
完左小組就落樓下食Tea，跟住番屋企Hea......



>>September 11, 2006 at 12:06:58 PM GMT+8