2007 年 6 月 22 日 星期五 【清涼】

BE STRONG！

又到休息的一天，雖然考試令到自己好倦，不過還能面對=]
朝早如常學琴，雖然今個禮拜得尋日先練過，不過感恩！
因為竟然今日比平時彈得好左，或者尋日練琴既心態先係正確。
不過Miss聽日開始去旅行，我7月8日先學琴///但係我7月6日就要係畢業禮彈琴...
OH！要提早d學先！認真的！原來8版紙既歌，係幾難彈！希望考完試可以練熟d！
學完去左新都會廣場訂小池徹平新碟=v="希望真係訂到啦.......

番到屋企食左d野就番教會。。。
今日帶祈禱會，雖然預備時間不多，不過仍順利。
破冰時，百感交集=0="不過仍有喜樂。
我愛每一個組員=] I LOVE YOU ALL！
敬拜喜樂地唱唱唱！Fafa預備既歌，3首有2首都係我番教會之前想唱=]
主的預備真美好！分享時間講到「感恩」。
好！除左寫感恩簿，日記都要打。要所有人睇到我感恩既事。
小組比以前的確有唔同，我再唔係新組員...開始要做主導。
不過呢件唔係壞事，因為我長大了......XD不過唔係由「小知」變「大知」Bor！

一個星期既勞碌，身心疲累。
冇帶住特別感覺番小組既時候，卻出乎意料。
帶住疲累進來，帶住喜樂離開。
小組完之前，為考試中既姊妹禱告。
真的，二人勞苦總比一人好。
因為即使冇人可以幫你溫書，但過程中唔會孤獨。



Fafa的支持禮物，隨火柴人附送一張搞笑經文卡。
放心！我唔會介意你送錯俾我=V=''不過我會銘記於心Keke！
多謝Fafa，我會學火柴人般，剛強壯膽。
「你們當剛強壯膽，不要害怕，也不要畏懼他們，
因為耶和華你的神和你同去。他必不撇下你，也不丟棄你。(申命記 31：6) 」

>>June 24, 2007 at 11:55:11 AM GMT+8

2007 年 6 月 22 日 星期五 【清涼】

慶祝7月1日香港回歸10周年=]

OH！響應香港今年回歸十周年，日記也要慶祝！
背景轉為熊貓+煙花，因為中國送左「盈盈」「樂樂」俾香港=v="
而煙花就係...回歸Bor！少左佢點得呢？！(好想係7月1日出去睇呢！)
加上依家夏天，還是白色適合點！清新d！keke！
不過到冬天，我一定會轉番夜景。
OH！我親愛的HK~~預祝生日快樂>V<
暫時再見了，我愛的夜景版面！


>>June 23, 2007 at 2:56:23 PM GMT+8

2007 年 6 月 21 日 星期四 【清涼】

A.Maths的困難/口\

兩個半鐘既A.Maths考試，有種想死既感覺=0="
要坐咁耐，又要對住成18條數...仲要咁難T_T"
18條，甲部都算一部分識一部分唔識...
乙部仲衰...有條立體圖我真係唔知會考.../口\
希望合格吧~~！不過今次總算兩條數學歸納法我都識=]
看來要努力再操過.......不過果兩個半鐘，又唔算過到太辛苦既。

>>June 24, 2007 at 11:28:56 AM GMT+8

2007 年 6 月 20 日 星期三 【清涼】

對眼就快倦到合埋啦

本來都算帶著一點信心去考Maths，可惜又俾份卷搞到想死！
卷一LQ，甲(一)&(二)都仲OK，只係有幾題唔識做...
乙部33分，4題選3題。我放棄左做圓證明...(因為尋晚溫唔切)
做左條線性規劃，因為大飛教左唔係好耐，仲記得點做。
不過好驚寫錯約束條件，所以搞到呢條數做左差唔多半個鐘T_T"
跟住有條用羅盤方位，OH NO！我真係睇唔到佢題目有俾時間/口\搞到唔識用速率去搵距離。
最後一題類似圓方程，答案85%錯，希望有一點步驟分吧！

MC我已經好努力，可惜對眼唔聽話，烚左一陣，5分鐘都冇架>"<
點知醒番唔夠時間，我仲要到最後3分鐘先知仲有一版4題我睇唔到...
搞到要撞...個腦果陣又亂，明明有條計到係0.25...手快快填左個答案係四分之一，想自殺=0=
唉！聽日又要考A.MAths，呢2日已經超倦啦.....聽日仲要考成2個半鐘。

>>June 23, 2007 at 2:44:59 PM GMT+8

2007 年 6 月 19 日 星期二 【清涼】

唉！失敗了

努力溫PHY，始終唔夠，下次要做多d數！
LQ竟然連Wave既圖都畫錯，點解會錯埋d kai野/口\
MC難到...俾心機去做，可惜乙部果d唔夠時間+難到要撞。
頹廢了！希望可以合格吧！真的沒有信心......
暑假要努力操番好PHY\口/我唔會因為一次失敗而放棄呢科！

考完PHY倦到番屋企即刻Zzz，因為3點又出去補習。
今日盡量做下d方程，d基本既數學....不過都幾難。
又去剪頭髮=]剪短了dd，薄左dd，舒服晒！XD

>>June 23, 2007 at 2:42:21 PM GMT+8

2007 年 6 月 18 日 星期一 【清涼】

當疲累時，主與同我行

仲有好多好多Phy未溫完，但禱告中重新得力。
「兩個人總比一個人好，因為二人勞碌同得美好的果效。若是跌倒，
這人可以扶起他的同伴；若是孤身跌倒，沒有別人扶起他來，這人就有禍了。(傳 4：9-10)」
雖然呢句經文唔太關事，不過同大妹妹祈禱之後=]有人一齊分擔考試既壓力始終係好d！

「但那等候耶和華的必從新得力。他們必如鷹展翅上騰；
他們奔跑卻不困倦，行走卻不疲乏。 (賽 40：31 )」

「所以我告訴你們，凡你們禱告祈求的，
無論是甚麼，只要信是得著的，就必得著。(可 11：24)」

>>June 23, 2007 at 2:42:43 PM GMT+8

2007 年 6 月 17 日 星期日 【清涼】

Oral驚險記

今日簡直係忙碌的一天！！
朝早一次過考兩個幾鐘既Chinese Listening+綜合能力。
好討厭呢！又冇休息，又做得緊bor！
Listening成份都係講保護天星碼頭，有點難...奪命四式特別難。
之後綜合能力要寫封信俾一個朋友介紹北京既名勝古蹟，做得好趕+選材料可能有錯。
因為太倦，番左屋企Hea陣。兩點九番到學校等考Oral，今次每組都考得咁準時。
首先係朗讀，篇野一個難字都冇...only係抒情+描寫，好彩個老師都話我讀得幾好=]
之後小組討論，想殺左果個出卷老師\口/題目：你是否反對政府官員靠風水來佈置官邸？
好難唷！又唔太知佢想講咩，仲有我諗左好耐都耐唔清到底官邸係咪用公帑起....
點知完左果陣個老師話呢個topic唔重要，唔需要講。點知隔離組個老師話要...o嘴！
討論期間5個反對1個贊成，辛苦晒贊成果個同學呢！不過佢分數唔差=]

完左仲要衝番屋企，跟住再衝去盈豐補習，100%疲累！

>>June 23, 2007 at 2:43:13 PM GMT+8

2007 年 6 月 16 日 星期六 【清涼】

無奈唷/口\混吉？

讀左一年中四......讀左一年A.Maths。
二哥都唔同我講佢有A.Maths書既題解...
搞到我成日唔識計數既時候都好無奈...
今日竟然俾我搵到，有衝動打佢\口/

文達附加數學1，2，3題解，包所有練習(除實習)
樂意外借供同學影印作參考=](P.S：考試過後Bor)
不過有冇人會借，都成問題Wakakakak

>>June 23, 2007 at 2:44:09 PM GMT+8

2007 年 6 月 16 日 星期六 【清涼】

父親節記

平淡的父親節......但仍是主祝福的一天。
今日既崇拜好特別，全男班敬拜隊...請了一隊團契來分享(佢地個名長到我記唔到T_T)
敬拜大部分都係快歌=]唱得好開心...........冇了平日的講道，轉為見證分享。
每一個見證都好真實，好似冇曾聽過一個大男人講見證會想喊既衝動。
而且佢地會全然相信神，將自己既事一心一意交俾神。
睇黎我都要好好學習XD考試仲有8日.........仍需努力。

今年父親節係The Body Shop買左枝夏日沐浴露俾老豆...
雖然怪怪地，但點都係一點心意。希望佢會用啦T_T"
之後Lunch係樓下食，當係慶祝父親節，簡簡單單就過了一日。

>>June 23, 2007 at 2:43:40 PM GMT+8

2007 年 6 月 14 日 星期四 【雷雨】

English(I)Reading+(II)Writing

Today is English Exam.緊張還緊張，始終都係要面對。
今日真係超辛苦......我係Hall坐果個位上面有把大風扇，吹到我肚痛T_T"
考Reading既時候，不斷祈禱，求神快d俾我唔好再肚痛。
感恩，都唔係用左好耐時間就唔肚痛。
第一次考Reading可以有咁多時間得閒.....份卷有點似中二程度。
完全冇LQ，勁多MC+幾條SQ........出得有點怪。
仲要3篇文章都係講節日。我諗出黎既成績都唔會太差既=0=
之後Writing作一篇短文+一篇長文。短文係講寫一封信俾個Friend知生日會做左d咩...
「有一段我寫Birthday Party入面我地唱K，突然有個女性朋友唱歌果陣，發現佢把聲好靚。
之後我Fall in love...到睇Love Movie既時候，佢坐我隔離搞到我好緊張。
最後好想對佢講I LOVE YOU，不過冇機會，所以就咁就算。」
希望改卷Miss唔好話我呢段野寫得白痴啦=0=""...我唔係錯好多文法...最多d內容怪j！
到長文有兩個題目，第一係聖誕節係咪好過萬聖節，對於英文議論文，超冇信心。
所以選第二個題目，就係話如果你生日，可以要世界任何野，會要咩呢？
我寫想要一個Music Box，入面首歌仲要係Canon...之後就好休閒咁作左個故事出黎。
不過考Reading+Writing都成日俾Miss阿sir望住我果邊，好唔舒服。

完左今日既考試，同Winki過左去華都間美心食飯，個學生餐又唔係太貴...都ok好味=]
之後番學校補數學...補得45分鐘，教左2條數就補完，有點晒時間既Feel...算吧！
今日要休息\口/考左兩日已經覺得好倦了。雖然今日英文卷唔太難，但仍然要感恩主的保守>v<

【恩典夠我用】

你的恩典每天夠我用，縱有困難也不會逃避。
有你與我一起，我還懼怕甚麼，賜我勇氣去改變自己。

Woo……耶穌！耶穌！耶穌！奉獻一生皆因最愛是你，
為了你，我願將一切拋棄，耶穌！為要得著你！
（我已決定，我一生最愛是你。）

【敬拜者的心】

此刻已沒有不快樂，亦沒有眼淚與悲傷。
今將一切都已經卸下，在此刻專心親你。

舉起雙手來到你面前，齊稱呼主阿爸天父，
開口宣稱我主偉大，在此刻得到釋放。

是敬拜者的心，不再恐懼，靠著敬拜的主角高聲歡唱。
願我眾一心尊主聖名，盡性也盡意，齊獻上馨香的歌韻。

>>June 23, 2007 at 2:44:34 PM GMT+8