2007 年 3 月 12 日 星期一 【颳風】

醫生，唔打針得唔得呀？

今日始終成日個肚都痛住痛住。
超多野做今日，CHEM啦~A.MATHS啦~ENG DICT啦~
今晚要努力溫CHEM，雖然唔太識反應質量呢課，不過點都要拎Pass。
放學去左睇多次醫生=0="Coz媽咪朝早又因肚痛而去睇醫生時，同佢醫生講我仲痛。
醫生叫我放學去打針T_T"真係好痛唷...點解唔係打手係打Patpat呢？依家個Patpat仲有d痛唷！
之後去左萬寧，因為Water2既「日本沖繩深層海洋水」有特價，一直都好想試~所以買左枝。
雖然係網上睇到用家評語麻麻，不過我都想試，用左一次都覺得ok ar！=]突然好High...
PATPAT痛......要留番d藥星期四去考察食，免得行行下肚痛咁先死！


>>March 13, 2007 at 11:05:43 AM GMT+8

2007 年 3 月 11 日 星期日 【颳風】

病開有條路？

朝早週會睇關於挪亞方舟既故事+影音使團套挪亞方舟驚世啟示。
其實我覺得唔錯，雖然睇到最後講得神有一日會毀滅大地有點恐怖...不過俾左好多提醒我！
點知基教堂令我o嘴，莫sir話佢雖然相信有挪亞方舟，但認為套挪亞方舟驚世啟示可信性好低。
我唔太鍾意佢咁講......唉！不過佢話呢d係批判思考wo......

自從星期六開始，嘔完一次之後...星期日就整日肚痛=0="
今日係學校捱左成日，痛完成日，仲要成日都覺得好凍，終於睇唔順放學睇醫生。
又係腸胃炎...=0="以前一次都未試過腸胃炎，但試完一次就不斷黎..OH NO！
T_T"好討厭一食完野就肚痛呢種病......SO HATE！
睇完醫生剪頭髮，剪得短左d！有d掛住長長地頭髮果段日子XD！要快d留長番~

>>March 12, 2007 at 11:10:21 AM GMT+8

2007 年 3 月 8 日 星期四 【颳風】

四六盃：混合六人排球

辛苦晒咁多位打氣者既參加者。
辛苦晒田雞 & Hong Hong & 暐 & Mic & Zoe & Cherry & Mandy & 雞翼。
雖然我睇唔到場比賽，但我知道你地每一個人盡左力。
起碼你地願意付出放學後既時間參加比賽，I LOVE YOU ALL=]
依家足球排球都完結左，得番籃球。籃球決賽我地會盡力！！
我要多多努力！練習練習練習X100！爬爬+Hong Hong，記住比賽提多d我去Mark人=0="

「終於將長久以來的誤會，完完全全解開了。不再怕你無視我，那做回好朋友好嗎？=] 」

>>March 9, 2007 at 2:44:33 PM GMT+8

2007 年 3 月 7 日 星期三 【晴】

一切已成過去，以笑臉迎接新一日

不要被昨天所困惑，單單努力以笑臉面對新一日。
的確好多事令我不開心，但我知道神還愛我。
「一宿雖然有哭泣，早晨便必歡呼。(詩篇 30：5)」
我要笑笑笑！要每一日得著更多恩典。

四六盃：男子四人足球

好緊張呀！終於男子四人足球打到決賽啦！
第一場4S1 VS 6S，進攻+防守都睇到我地一班觀眾驚驚。
天氣凍，怕佢地唔夠氣。怕威少又抽筋。怕一班男同學比中六既高大男生撞親。
最後1：0，由Walter入左一球贏左6S。一步一驚心......
第二場係4S2 VS 6S，我都唔知選第三場先對4S2係好事定唔好...
原本4S2領先，不過最後被6S贏3：2，睇得好緊張！突然好想4S2贏。
之後第三場係4S1 VS 4S2，4S2既隊員有點燥！
由一開始不斷去大喊「S1」，因為隔離6S+4C+4A+4S2既同學聯聲叫「S2」。
突然好似被好多班孤立Tim！Never Mind。最搞笑係Walter叫我地喊大聲d...
好緊張，Kai東突然係對方龍門前少少踢入左...O左嘴。
呢兩場我地班踢都幾有運...好多差少少入龍都中柱。
突然俾4S2入左一球，4S1啦啦隊超級大聲打氣。
最後1：1和波。而我地計勝和輸既分，4S1：4分，6S：3分，4S2：1分。
4S1贏左四六盃既男子四人足球，太好啦！
最後影番張大合照就散人，今日好開心=]好Enjoy每一場比賽！
好期待聽日既混合六人排球對4A既比賽+27號女子三人籃球既決賽。
「我不知為何會介意你的話，但我確實介意你每一句話。」

>>March 8, 2007 at 2:44:08 PM GMT+8

2007 年 3 月 6 日 星期二 【晴】

天氣反常=世界未日？

好凍///冇拉拉由廿幾度跌到十幾度...恐怖！
件校褸唔知死左去邊，一心以為唔會CHECK...點知我錯！
樣衰地被HEAD P記名...唉！咁難得KEEP到唔俾人記校服儀容/_\
中文堂=爛Gag堂，不過因為今堂教文言文，再次悶到半班人Zzz...
A.Maths堂大飛發火，之後努力聽書，雖然理解一條數要花好長時間，不過總算最後理解到。
開始明白鏈式法則係咩黎=v="遲就遲左d，不過遲明好過唔明XD
點解班上d男同學見到我凍都唔俾件校褸我咁冇風度架\o/！
英文堂同Winki坐，極速作文，最後趕得切作完，感恩！
Lunch Pro.2，凍死左！之後Walter唔知要去開會about四六盃...臨時由我頂上。
Maths訓左一陣，跟住起身做數=v="唔錯唔錯Wakkaakak！
P.E堂好悶...同Kathy打兵兵球，突然發覺佢勁左！Wooo，好好玩！
之後過左去睇4S1 VS 4C六人混合排球，最後一比一打和。
田雞好勁="=，可以拎去煮田雞粥...(好爛呀個Gag)。
放學上番課室補Phy，好悶///份MC卷得8/19=0="好差唷！

之後同Wink去屯市買禮物，見到鍾意果隻錶係某間錶行因結業四折...
要快d叫大哥俾錢我XD，鬼叫佢應承我呀！呵呵呵呵！

>>March 7, 2007 at 1:09:35 PM GMT+8

2007 年 3 月 6 日 星期二 【乍雨乍晴】

問題再次出現

我以為已經完滿解決既問題，原來係我既錯覺。
我還想以後學習如何不再把過多壓力加給自己...但好似仲未可以。
靈命低潮...取捨...等問題再次出現，好辛苦。
你將我同組長所分享既，再同我講番...我真係好尷尬。
我真係唔識點再答你，再一次「唔...唔...唔」。
最後決定唔跟你補住，我要求要時間去冷靜...
或者呢個決定可能唔係愛神愛人既決定，但...我認為暫時對我來說是最好的。
故事將手提轉為靜音...因為我突然怕再同任何熟人分享...
我怕我所講既，傷害到別人。矛盾......
我想要一個充滿喜樂，神與我同在既中學生活，就係咁簡單。
我唔想將來有一日，我會因為曾經過份著重學業，而令我後悔。

【無悔一生】

讓我欣賞你，青春可愛面容，讓我珍惜你，一生擁有多好；
長夜中寂靜，想起當天某天，甚麼使我們在改變？
細心想：一天、一天的過去，曾開心有幾多歲月？
如果我輕忽了昨日，何不今天看真？

耶穌應許賜生命滿豐盛，還未到盡頭，仍是要儆醒。
人一生總有歡樂與失望，無懼怕悶愁，無後悔一生作證。

>>March 7, 2007 at 12:59:32 PM GMT+8

2007 年 3 月 5 日 星期一 【颳風】

四六盃：4S1 VS 4A女子三人籃球

預備左兩日，終於都要比賽。番到黎好緊張="=俾咁多壓力我...
Lunch之前Cherry & Mic係到傾戰術，好似誇張左d...！
到放學之後，衝落下換衫。今日著左二哥條波褲，怪怪地！
原本以為4A因為SBA由第一場對打變第三場，點知冇改到。
練左一陣射波+傾左一陣mark住邊d人...
不過今日突然凍左，搞到成身凍冰冰，唔夠暖！

開始打既時候，唔多夠力，7分鐘之後換左我入Zoe~
之後到10分鐘後休息，4比2，我地暫時領先。
休息既時候提醒番邊到要注意，跟住第二節開波冇幾耐我入番去打。
打得順左，可能一開始未做熱身唔夠氣。
見到個球證不斷話我地犯規好紋tim...忍忍忍！
之後一度變為6比6，好危險。最後俾Cherry入多球，8比6。
麻煩Hong Hong提評判睇下夠鐘未，好彩Cherry入完冇幾耐就夠鐘。
最後以8比6贏左4A，出乎意料既結果，多謝支持既咁多位4S1同學。
雖然我仲係Mark人未做得好好，接波又有接唔實既時候，傳波又有傳唔到俾對友既時候...
但麻煩晒Cherry+雞翼幫我補救，麻煩晒Zoe係我唔夠氣既時候盡力。
不過俾人話我咁快唔夠氣，好樣衰Tim！記住=v=''我冇做熱身先唔夠氣XD
我入左一球，Cherry兩球，雞翼一球，ZOE精神上入左四球。

27/3將會對6A或者4S2，要努力！6A睇黎難對付，要再抽時間出黎練。
感謝神！今日比賽既時候個腦只係專注於比賽，如果每件事做既時候可以咁專注就好lu！
聽日最後要解決個問題，或者已經開始有點頭緒。
多謝Fafa既SMS支持，已經贏左了！
邦邦，我真係好掛住你！突然好多野好想同你傾~~你快d online啦！

>>March 7, 2007 at 10:13:49 AM GMT+8

2007 年 3 月 3 日 星期六 【炎熱】

十字路口

今日，我更加唔知點樣解決問題。
開始懷疑自己既諗法+行為一直都係錯......
初信既時候，認為所有問題都好容易解決。
但當越信得越久+人越大，問題不但多，而且還要作出取捨。
我討厭呢個世界咁現實，學業成績差就好似俾人睇死及連夢想都幼滅。
我唔想讀書，單單為左會考考好d，中六讀d咩，大學讀d咩，將來做d咩。
「要這個世界不完美，才能顯得神完美。」
多謝組員既意見，但問題始終要由我自己與神一起解決。
最後個決定，一但決意左，不要令自己後悔。
「若有人要跟從我，就當捨己，天天背起他的十字架來跟從我。 (路加福音9：23)」

「不遠看將來，不憂慮前面的道路，不自己選擇道路，
不把理想的重擔壓在背上，只是默默地一步一步地緊跟著牧人。」

>>March 5, 2007 at 1:41:45 PM GMT+8

2007 年 3 月 2 日 星期五 【微冷】

校際音樂節

好似係第三年參加，緊張已減少了很多lu。
今日學完琴，因為唔想係葵芳周圍遊，所以去左婆婆到。
同婆婆飲茶既時候，突然好驚很快婆婆就會離開...
唔知點解好唔捨得，要好好珍惜同佢相處既時間=v=唔可以激咁多佢...
之後帶住戰戰兢兢既心情搭小巴去葵涌...因為怕迷路。
去到YMCA，等左30多個就到我，彈錯好多音=0="...
因為有點緊張，冇放鬆去彈d裝飾音，搞到好多都miss左d音。
算吧！分數不再重要...最後77分，最高84分。對我黎講心滿意足！

之後衝番屋企換衫，落街練波。越練就越怕，我好驚連累自己班輸...
我太眼淺啦！竟然喊左出黎......喊完唯有盡全力練...由6點練到9點半，成身散晒。
未試過練咁耐，周身骨痛！不過有點點進步，已感恩！

>>March 5, 2007 at 1:16:08 PM GMT+8

2007 年 2 月 28 日 星期三 【炎熱】

所有忙碌，暫時完結了

尋晚的確有d事去煩住我，但不想去想住，放下吧！
壓力自己加給自己，呢排好倦，暫時令自己放鬆下。
尋晚忙碌地做Bio既Tree Project，雖然好多人做洋紫荊，不過我好俾心機的。
仲忙住做SBA，即係會考既考本評核。要寫定一篇講稿，聽日有Presentation。

最後今日放學由4點到我果組做SBA，等到成差唔多5點...企到腳軟。
雖然都係睇住篇段落，不過我都幾滿意+v+"希望唔好太差啦！

>>March 2, 2007 at 1:08:57 PM GMT+8