2006 年 11 月 17 日 星期五 【微冷】

甘心樂意？

今日學琴，一如以往。依家先開始為3月既校際音樂節準備，遲左點！
跟住好倦，番左屋企休息左一陣......仲係OK買左盒肉漿意粉，好好味。
之後番教會，今日我帶祈禱會，好似帶得麻麻。
幸好之前團契成曰唱「十架的冠冕」，記得歌詞。因為原來教會冇呢首歌歌紙...
破冰玩放棄壓力既遊戲，OK好笑=]臨尾阿Fa扮淑女擺動作影相，笑死我！
敬拜Joey帶，每次Joey帶時我都覺得時間覺得好快+好輕鬆。
分享傾左點解要番黎教會？今個禮拜有咩經歷可以支持到組員。

完左小組同OME~JOEY~FA去左屯市，買唔到銀包，買唔到番學鞋...唉！
番到屋企知道左一d野，原來我一直以為了解你，甚至你既心思意念我都了解...
但原來並不是我所想。這一刻的感受，並不好。我正等待你有一天會甘心樂意。

>>November 20, 2006 at 12:47:49 PM GMT+8

2006 年 11 月 16 日 星期四 【微冷】

音樂會.

尋晚同某人鬧了交，雖然不激烈，但我也覺得自己太衝動。
但那一刻的心情的確不好，我不喜歡被放飛機。SORRY
朝早Pro.7，好紋！同樣地，我不「太」喜歡被人指指點點！
之後上A.MATHS，輕輕鬆鬆又上完兩堂。不眼訓而且不太難明白。
跟住BIO，我開始覺得BIO有點無聊。每堂都想烚眼訓...但我知唔可以。
到英文堂又TEST...今次竟然測差唔多野都係得10/20，下次要努力d！
LUNCH去小聖堂，又紋啦=0="點解唔可以每次事奉都有充足準備？
之後衝上去六樓拎書再衝上去五樓，PHY唔太難，好快上完兩堂。
最後MATHS，大飛發火，非同小可！鬧到何生冇聲出。

放學衝去小聖堂，今日主題係「音樂會」。破冰完左之後，到長時間敬拜。
因為係台上帶既職員好似唔夠聲，所以台下職員用盡力唱大聲d！
雖然唔可以話Perfect，但每個職員也盡了力。或者咁樣先係我所期望既事奉。
到我同倩恆帶既愛是不保留，感恩！我冇咩點走音=]
跟住唱唱下一班人一齊拖住手+一齊唱果一刻真係好感動......
完左同阿余睇左陣鞋就番屋企Lu......

>>November 18, 2006 at 1:04:42 PM GMT+8

2006 年 11 月 15 日 星期三 【微冷】

Prefect大合唱

今朝早見到5A去左考察，我已知道今日LUNCH有人放我飛機！
好過份！一早知自己今日會出去考察，仲約我？存心玩我？
早讀睇果本書好好睇！不過唔記得左個名=]特登唔拎番屋企睇，想逐小逐小係學校睇。
英文堂悶到爆...又係Listening...唉！好彩今日係特別上課日，一個鐘唔太難捱！
跟住Maths，Cherry整左個Canon既紙雕，好靚呢！不過好似俾我畫蛇添足了。
Chem堂我識畫電子結構圖架！不過我唔想出去畫，Donald又唔幫我！哼！
Lunch俾人放左飛機，好彩Cherry陪我食。第一次去彩玉食，好飽+OK好食。
跟住上中文堂，好好玩=v="我踢爆左天台，逼左佢出去分享XD
到PHY堂勁好笑=]因為謝Sir講番尋日d功課，有d識做所以冇聽。
張暐狂接花！天台係到玩=0="兩個大細路。成堂係到笑...好快過！

放學去左Hall練歌，練Prefect Day大合唱。我還是喜歡上年Head P...
今年唱壯志驕陽+生命有價，起初唔識唱，Head P都唔教我地唱...
只識話我地唔唱....唔識唱點唱？唉！之後免得俾人鬧，有咁大聲唱咁大聲！
搞到4點9先走得，同Feli+阿余搭輕鐵。番到良景撞到Shirley+Cherry，行左陣商場就番屋企。

13日...13日...13日。「我知你知？算係點？」

>>November 16, 2006 at 2:10:14 PM GMT+8

2006 年 11 月 15 日 星期三 【微冷】

生日剩下：13日>v<

純真傳說

畫公仔　雙眼外只得兩臂 有人說很歡喜　連我也歡喜
換新衫　不理會怎麼叫美 我們已很歡喜

＊童年愉快因太易叫好 期求的多麼簡單自能做到
　數指甲也當嗜好 得一個蠟燭加蛋糕　已想起舞
　人大了沒有快樂隨手到＊

我願我年年都似十四歲那天
別過年　別過年　最多天真不免膚淺
日日都拒絕看見明天 只是我們純真夢中化煙
不快樂　只因充實知識　在成長裡漸變

畫公仔　雙眼外只得兩臂 有人說很歡喜　誰說了不起
換新衫　不過為基本美 太難帶出驚喜

REPEAT＊

我願我年年都似十四歲那天
別過年　別過年　最多天真不免膚淺
日日都拒絕看見明天 只是我們大了要挑戰
憑那蓋掩如何赴戰

只得打爆機　主角那管幾多歲
唯有那個性沒有變 贏是娛樂大概少不免

不似我似十四歲那天
別過年　別過年　最多天真不免膚淺
日日都拒絕看見明天 只是我們純真夢中化煙
不快樂　只因充實知識　在成長裡銳變
只盼望一生不用太深　願純真永未變

OH！過埋生日就冇得再唱呢首歌lu~因為已經過左十四歲...
時間一但飛逝，不能再回頭。=]我想有個開心既回憶！

>>November 16, 2006 at 1:52:58 PM GMT+8

2006 年 11 月 14 日 星期二 【微冷】

短片KO了...=]

朝早由於短片不見了關係，再次早起回校拍片=0="
雖然約他們7:45拍片，7:55先齊人，但竟然可以一Take過，Good！
跟住Pro5...好休閒，因為今日冇咩人遲到。上去上堂，第一二堂係中文=v="
休閒到極。Miss鄧安排既活動係唔錯，不過嘈左d！分組寫出現今學校與私塾的不同...
我地「仁義兩全」寫完太無聊=0="係張紙狂畫公仔，畫到花晒。
之後A.Maths堂，有條數花左一堂黎研究，我勉強識做...不過要做得d先記得。
到英文堂默書......冇咩點溫都俾我岩到12/14=]跟住用Paper1...悶到烚眼訓。

Lunch終於可以同Kathy食，Oh！今個星期唯一一次。去左添活力食...
由於椰林閣關門大吉後，Kathy轉地方狂食添活力，不過真係幾好食。
加上間野對呂明才學生好好+有優惠，去食唔洗驚俾d職員串！Wakakka~~
一路食一路傾，仲記得臨埋單個收銀話坐係餐廳最好既學生真係乖=0="聽到我倆O了嘴！
番到守完遲到上番課室上Maths堂，同Cherry邊上邊傾計。
之後P.E堂唔想提！今日P.E一d都唔好玩。Ar！Sports Day參加左鐵餅+鉛球。
希望今年玩鉛球成績唔好咁差+鐵餅可以拋遠d就好啦！！

>>November 16, 2006 at 1:11:51 PM GMT+8

2006 年 11 月 12 日 星期日 【炎熱】

Prefect 短片好煩呀！

一大朝上Phy，好彩我忍得！未訓著！謝Sir熱到成身濕晒=0="為左形象，熱都唔除冷衫。
嘩！如果Phy派既筆記唔見晒，我一定會喊。因為寫左好多重要既野係上面。
跟住Chem堂，又教番離子鍵。定義都OK，但要背晒最常用既陽離子陰離子...好煩+好難！
到Maths堂，對數函數真係要做多d，我唔太明白。大飛........唉=0="
Lunch係學校食左份三文治就忙於拍Prefect短片，作為導演既我，對佢地要求真的高了點。
或者自己係戲劇組上過堂，對於成日拍拍下係到笑我唔鍾意，不過只係我自己要求而已。
最後拍唔到，唯有聽日放學再拍！唉！聽日放學要練朗誦，我一定會背到架啦！

一拍完衝上6樓拎書，再衝落2樓上堂。好倦呀......一堂英文堂好易過！
中文堂Miss鄧話全班UT中文頭三名都會送一本書作禮物，我全班第一送左本「棋王」俾我睇。
我同Miss講，可唔可以唔要呢本...跟住佢話唔得！因為另外兩本係簡體字=0="
冇法子，之前Miss問我地三個識唔識睇簡體，得我話唔識。(P.s：番屋企睇本「棋王」...真係好悶)
放學去左Bio室聽左陣無聊野，傾住落到去見到阿余，等佢期間上左405室。
因為好耐冇搵個吳穎琦，咁岩佢地戲劇組分左組傾劇本，所以上左去幫下佢地。
佢地依家傾緊戲劇節劇本，諗劇本既範圍係「友情。喜劇。現代」，有點難。
俾左d基本意見之後，只好靠佢地自己諗。好想幫佢地係戲劇節做幕後=]
等埋阿余就去左M記食左個小Tea，好滿足>V<"

>>November 16, 2006 at 1:11:41 PM GMT+8

2006 年 11 月 11 日 星期六 【微冷】

洗禮......？

朝早守望，傾傾下傾到洗禮。我諗都開始預備lu=v="
首先要做好見證，再有番超穩定靈修生活。
跟住崇拜，敬拜有少少眼訓，不過都OK既！
講道完左之後，因為主堂要開領袖月會，所以唔洗學琴。
難道同芝芝一齊走，陪佢行到友愛先搭車，I LOVE IT！

夜晚一公升眼淚...So Good...不過我未喊得出，好想喊呀！
點知邊做功課邊睇電視=0=做唔切，夜晚仲要拿拿臨寫Prefect短片劇本，搞到我1:30先訓...

>>November 14, 2006 at 11:05:02 AM GMT+8

2006 年 11 月 10 日 星期五 【微冷】

委身於神？

一如已往，朝早學琴。考完琴試，學琴都輕鬆點！
不過我有點討厭每次都要搭巴士學琴，好倦...好想訓。
學完番左屋企休息一陣，又搭車番教會。So Tired=[
今日小組破冰玩一個我怕的遊戲...不提了。總之目的就係學習委身於神。
敬拜我帶，雖然準備時間短，不過都OK既。「和撒拉」「藏身在我心」「安靜」。
分享傾信主至今既最大改變，我想是信心吧！從不信神的能力到放心給神的過程，最經歷神！

完左小組原本去做Gym，點知去左食Tea=0="Keep Fit變左Eating......=]
成晚得我一個人，好悶>"<一路睇電視一路做基要班份功課。

>>November 14, 2006 at 10:49:04 AM GMT+8

2006 年 11 月 9 日 星期四 【微冷】

旅行日--赤柱

今日係一年一度旅行日，4個人冇去......
朝早同Cherry衝上課室，因為太多人同我件衫似樣，免得撞衫=]
係課室影相+吹水...突然發覺我呢個班會主席好冇用，人地唔係主席都做得好過我=0="
等到9點45分先上得車，搭車前段聽MP3，後段同爬爬Walter佢地吹水=v="
朱天樂先生！唔好扮Levi's人！仲有你部粉紅色NDS好型=]
去到赤柱先齊齊去Toilet，一入去嚇親我！好多人係到化緊妝..........O晒嘴！
係赤柱廣場影大合照，都唔明d男仔咩心態！影張相都懶.....唉！
4S2又話打友誼賽，點知搵唔到場。有d人去左行街，有部分人去左沙灘玩......
唉！又俾人搶晒d工作...有點火！無無聊聊咁帶左個破冰--糖黏豆就完。
跟住同Zoe佢地係沙灘Hea...oh！曬得太耐，皮膚黑左呀T_T"嗚嗚！
一點左右同吳泉+Zoe行番去赤柱廣場間M記食Lunch，跟住又上左去百街買芝士蛋糕=]好好味！
食食下撞到許俊浩(以下叫Dick)，佢見到外國靚女留晒口水.......OH！太咸濕啦！
兩點半集口番點埋名就散~~影多幾張相就同Dick吳泉Zoe行赤柱大街，冇咩特別，不過行果陣好舒服！
之後搭小巴去左銅鑼灣，點知俾Miss Wong老點！佢話銅鑼灣有960，我一時唔記得信左！
點知係灣仔先有...太過份啦！累我地4個人行到腳都斷...最後搭地鐵去番灣仔再轉960。
搭巴士果陣笑死我！Zoe係架車到換T-Shirt，著左件長袖衫，再係長袖衫入面除左件短袖衫！
隔離個阿叔一直望住佢換衫...好彩冇俾人睇到你走光Wakakakakk！

今日都OK開心既，不過竟然今日既行程都唔係同Kathy一齊，你唔Mind架？
同Zoe一齊好開心，今日可以同你Lunch，太好啦！雖然你有時搞爛Gag，不過好開心！
今日好難得咁可以同Dick一齊行街，對你認識深左太好Lu！唔好咁咸濕啦你！

P.S...相後補！等我收齊咁多人既相先放上網=]

>>November 11, 2006 at 11:15:36 AM GMT+8

2006 年 11 月 8 日 星期三 【微冷】

UT後的成績

今朝週會係15/16聖經問題比賽，有點悶......=]
跟住小息Miss叫人釘左張新座位表，我由第一行第三個位調到去第六行第三個位。
雖然第一行果邊好熱，不過烚眼訓做功課溫書都冇咩人睇到.....
仲有後面兩個變態佬+朱天樂玩野，冇咁悶。
第六行冇咁焗，今次同田雞坐...前面有威少Zoe，後面有Cherry+Mic。
我唔洗驚悶...不過田雞就黎俾我煩到想打我XD

之後阿Lo堂，又作600字說明文...好悶呢...！作唔切，小息狂作。
基教堂終於可以睇埋套「我的馬拉松」，莫Sir狂飛片，冇得睇好多！不過真係好感動，好想喊。
Lunch Pro2......好妏！所以今日的當值---------不予置評！
Bio堂同Cherry+死爬爬傳紙仔~~爬爬呀！你太迷戀啦>v<"wkakakak！
Eng堂俾Miss發現左我成日烚眼訓Tim！下次唔好俾佢發玩到先得！
放學又係補Eng，好悶！不過好彩唔洗上堂，做下小組討論就完~~

聽日旅行日啦！雖然去赤柱冇咩野做，不過都好=]今日我呢個班會主席要幫手買禮物+諗game
Unitform Test....Result......
Chinese：38/50 English：52/78 Maths：72/100 A.Maths：23/45 Bio：35.5/50 Phy：31/45 Chem77/100

>>November 9, 2006 at 2:56:17 PM GMT+8