2006 年 8 月 26 日 星期六 【清涼】

甜品。情情。煩惱

尋晚解決左問題，唔洗再煩！
今朝如常番崇拜，不過有點眼訓......好彩冇遲到。

跟住係屋企hea左陣，就搭舅父架車。
起初以為直接出婆婆屋企，點知要去左西貢拎二手電腦先。
好彩成程都有情情陪我玩，好可愛呀>V<"佢係唔係都可以傻笑，拍手。
去到西貢拎完野之後，食tea，再去「滿記甜品」食甜品。芒果班cake果然係出名好味-v-"
跟住去左海濱拎另一部電腦，就上去婆婆屋企食飯。不過搭得太耐車，好頭暈.......

上到婆婆屋企有食膏蟹食，不過對我黎講麻麻地好味......
食完飯走lu，唔捨得情情T_T"番到屋企對住部電腦，上唔到腦.....真係想打爆佢=v="好彩聽日有人黎整。

講番今晚神鵰俠侶，劇情就唔提啦。不過我發覺套劇都幾失敗...唉......
我見到死左既人個頭會動，楊過條「威ya絲」冇後期制作，人物比例唔岩，見到便服人。

>>August 29, 2006 at 10:46:02 AM GMT+8

2006 年 8 月 25 日 星期五 【清涼】

喜樂。輕鬆。解決

今朝早起身，好耐都冇單獨同媽咪食早餐。
雖然佢都係好似平時咁鬧我，不過我好Enjoy呢個早餐。
跟住番教會同大妹妹做守望，兩個同病相憐=0="一個少少病，一個嚴重病。
大妹妹講得岩，我地諗一件事諗左幾多意見，都唔可以唔記得左"神既意見"。

之後小組，小魚番左黎，感恩！希望佢可以更加認識神啦~~
破冰笑死我，玩勞作！阿Fa你實在太愛我啦T_T明明我係女仔就變到我係男仔。
分享時間果陣，我諗依家影響我生命點解唔可以更加豐盛，就係家人既說話，太多壓力。
其實可能仲有更多心門我冇打開，求神將佢地打開晒，讓我生命過得豐豐盛盛。

完左之後，落左教會落下做Gym，第一次做，好緊張-V-"
做Gym既時候，一d都唔倦，反而好感恩！因為阿Fa & Joey同我傾左好多野。
到焗桑拿果陣，佢地同我講番，佢沖涼果陣諗起d野從而諗起前幾日靈修。
佢講到神想我做團契or小組都係100%付出，唔係一半一半。
又講到我係小組生活係一個溫室，因為大家都係有同一個心番到黎，唔需要擔心其他野。
我真係冇諗過小組似「溫室」。所以對比之下，我之前會覺得團契會覺得發生既事都好嚴重。
但係團契會俾我認識到一d神較為特別既樣式，更加係團契睇到一d自己唔知既性情，亦會學到面對事件既態度。
如果真係決定左要係團契事奉，一定要有雙倍付出時間同神親近<<<好重要架！

最深刻一句(Fa)：小知，我「建議」你繼續做團契職員！不過我無論如何都會「支持」你！
上年，你唔建議我；今年，你建議我。神改變左阿Fa你既想法........感恩！

天父，真係好感恩！感恩既係你俾我有小組，先有團契。因為你讓我得了力量，才去事奉。
而且，當我遇到唔開心煩惱既事，父你讓我有一班好好既弟兄姊妹支持我。
你已經為我生命安排好，我單單信靠你。即使有幾困難，你都會為我「包底」。
I LOVE YOU：大妹妹 & 天作之組 & 所以Support我既朋友。

最後決定，十分出人意表，我也想不到。感恩！

Get Your Own! | View Slideshow

2006 年 8 月 24 日 星期四 【乍寒還暖】

疲倦。問題。重要

今日上完基要班之後，出去葵芳學琴，差d唔知醒落車=0="好彩我搭到去總站。
學琴既時候，學埋Oral，好難呢！天生走音，唔想呢Part唔合格........
番到屋企，二哥整既腸仔火腿蛋，好味+好飽！不過佢落得太多黑椒........

夜晚同大妹妹傾電話，傾左出年團契會唔會繼續做職員。
呢個問題，煩憂左我好耐，好想快d解決。神呀！快d講個答案俾我聽啦~~
到底我係想將我係小組學到既野，全部事奉番係團契，定係一半係小組一半係團契，定係全部係小組？
突然好擔心，出年全部職員大部分都係青彼既弟兄姊妹既時候，我會唔會覺得好Lonely....？
不過呢個問題，我都唔知點解要去擔心，關係唔係可以建立架咩？
咁...其實團契需唔需要我？神想唔想我去為佢工作？我自己心意係點？
But...我相信神會幫我解答，一定會............

>>August 25, 2006 at 3:11:28 PM GMT+8

2006 年 8 月 23 日 星期三 【綿綿細雨】

唔好整走冥王星呀！我唔捨得架......>"<

>>August 24, 2006 at 1:55:36 PM GMT+8

2006 年 8 月 22 日 星期二 【清涼】

做。做。做

呢排生活冇咩特別=0="想打日記，但係又唔知打咩好......
今日做英文暑期作業，原來Kathy講得岩，真係唔多難。我諗應該好快做完既......kaka！
夜晚媽咪整左貴妃貝，好好味呀>V<我已經好耐冇食過lu~~

仲有一件事煩緊......就係開學買咩背囊好T_T
Champion？Outdoor？我只知呢兩個牌子我有興趣。BGW？CRAZYROOM？呢兩個唔鍾意。唉...

>>August 24, 2006 at 7:54:11 AM GMT+8

2006 年 8 月 20 日 星期日 【晴】

擔憂。信心。頹廢

今朝俾媽咪嘈醒左，原來係佢叫我落街陪佢睇醫生。
唉！佢又做到隻腳發炎......神呀！我相信你會醫治佢。
仲有十日就要番學，不過d功課......kaka！生活都幾頹廢下，不過唔錯=0="
-----------------------------------------------------------------------------------------------------------------------------------------------------------
2006年8月27號　天空上有二個月亮

八月26日剛好是星期六，那天大家可以到高一點 的地方等到凌晨看月亮！
兩百七十二年後才會再出現一次，機會難得！

請記下這一天並且不要錯過這次難得的機會。
從八月份開始，火星將會在晚上呈現出最明亮的時候。
從肉眼來看，它會像月亮那麼大。
繞著地球走了34.56英里後，它的大小將在2006年8月27號達到最大。
在2006年8月27日淩晨00:30一定要觀看哦！那時天空會看上去有兩個月亮！
相同的景觀再出現將會在2278年。一定要轉發給你的朋友因為一旦錯過這次，我 們沒
有機會再次見到這樣的景觀了

>>August 22, 2006 at 1:33:02 PM GMT+8

2006 年 8 月 19 日 星期六 【清涼】

準時。可愛。擔心

今朝番崇拜，提早出門口，唔洗驚遲到。崇拜呢段時間，全程肚痛...救命呀！
之後同阿Wing學琴，「歡呼頌讚」都差唔多學晒，想快d學「讓我高飛」。

跟住去左舅父屋企，情情同良仔好可愛呀>v<佢地今次竟然肯同我玩，好開心唷！
不過我做左佢地既保母，佢地去邊我就去邊，又要彎腰拖住佢地，條腰斷左！
最得意既係我陪緊情情玩果陣，良仔唔知係唔係妒忌，啤住我=0="...之後小B叫佢啤邊個，佢真係啤邊個。
五點幾一班表弟妹落左去游水，我冇游，做足阿四。不過經常發生鬧交事件......

夜晚食飯，大哥女朋友黎左，表妹佢地係到狂望住佢，睇下係咩人。
食完飯睇埋「女王的教室」就番屋企lu......我要Windows Xp碟呀T_T"...

「或許你不知道我正為你而擔心。」

>>August 21, 2006 at 12:18:41 PM GMT+8

2006 年 8 月 18 日 星期五 【清涼】

嘗試。定位。久違

朝早同大妹妹做守望，傾左神的家庭，我諗我都算係小組入面既核心組員黎掛。
跟住麻煩左你呀大妹妹，好彩你幫我練下唱詩，俾我唱得好聽左kaka！
之後開組，今日我帶破冰，玩「砰嘭嘩」，笑死左我......
你個阿Fa，冇拉拉串我話「嘭」天等於「嘭耶穌」=0="。搞到我都唔知點應你好........T_T
好彩Joey有急才，即刻講「嘭」完天大家一齊講「嘩對唔住！」。雖然得4個人，不過好開心。

破冰之後就係敬拜，今次係我第一次係小組帶敬拜，好緊張呢！
預備左好耐呀d詩歌，好驚唱錯唱到走音=v="......又諗左好耐先諗到詩歌之間應該講d咩祈d咩。
今日我帶「你是彌賽亞」&「一首讚美的詩歌」&「永約的神」。
感謝神！最後我都唔算帶得好差，組員都好投入，THANKS！
跟住分享時候講到自己有咩性格係小孩冇既，我諗我自己係樣樣都驚呢種性格掛...
不過我會改架啦>V<起碼我唔會再諗到底中四讀唔讀得掂，因為我都冇讀KaKa！
完左小組，落左去教會樓下茶餐廳，Oh.....久違既下午茶，真係好好味>O<"

「這種感覺，與上次相比，更加辛苦。」

一首讚美的詩歌

願那讚美的聲音在這空間響遍
願那敬拜的心聲永不休止
願我心中所有意念 此刻都交主的手裏
心中只想獻奉我深心敬拜

人活著原是要歌頌讚揚
創造我的主你是配得榮耀
人活著原是要將榮耀歸你
一首讚美的詩歌 願帶我到寶座前敬拜

>>August 19, 2006 at 2:47:41 PM GMT+8

2006 年 8 月 17 日 星期四 【清涼】

感覺。匆忙。思考

尋晚同阿安傾計，簡直令我O嘴=0="......不過我知升中六一d都唔易，我會努力架啦！
佢考我既呢條問題，我真係答唔到......睇黎我唔應該做理科生，唉！
所謂既Science題目......對我黎講真係難到爆>"<：
「將一公升生水煮沸後等到降至室溫，再加落一公升生水
問：生水同熟水比例是否一比一？」

起身之後，唔知點解有講唔出既感覺。又唔係開心，又唔係唔開心......Maybe係寂寞掛。
唉...呢排朝早得我一個，夜晚又係得我一個，太冷清啦屋企！突然好想番學.......
換好校服番學校拎書，悲哀...原來今日可以唔著校服番學校，累我帶多套便服T_T
等左半個鐘先拎到一本I CAN，服務效率低到爆！我要一本書ja=0="快d手得唔得？
原本2:30可以番到教會，最後搞到2:50先番到，遲大到。上完之後衝去屯市搭車去學琴。
今日學琴終於有番少少進步，要俾心機lu！就快番學，冇咁多空閒時間練琴，6級琴試唔肥得！

搭巴士路途上，諗左好多野。諗諗下，好想你，你，仲有你陪我傾計。
「無論晴天、雨天，都是主祝福的一天」

>>August 18, 2006 at 12:54:50 PM GMT+8

2006 年 8 月 16 日 星期三 【清涼】

悶。悶。悶

今日係屋企十分無聊=v=功課又冇做過lu......不過實做得切既Kaka！
講真，我真係好討厭自己一個人食飯......唉！食完飯個屋企太靜，唔鍾意。

係邊個點你的!? 浩然

001.佢係一個點既人!? 極鍾意搞爛gag！不過都算好人既=v="
002.你會唔會中意佢!? 大家同是弟兄姊妹，梗係愛爆啦！
003.點解會中意佢同唔中意!? 因為佢既gag實在太爛
004.如果佢生日你會比咩佢!? 送年粉紅色衫俾佢
005.佢有咩優點『講五樣出黎』!? 願意付出時間，高度適中，一個基督徒，愛神愛人，滿有傻勁
006.佢有咩缺點『講五樣出黎』!? 勁度串嘴，搞爛gag引人笑，有點自卑，將好多事收收埋埋，太黑
007.如果佢做左你愛人你會點!? 我係唔會嘔架>"<會日日同佢串嘴
008.如果做左你愛人會中意佢咩!? 如果真係，可能係因為皮膚夠黑，kaka！
009.佢死左你會點!? 狂喊+唔捨得佢d爛gag！
010.記住傳比5個人.."唔係你會死得好慘** 唔傳啦~~

>>August 17, 2006 at 2:41:24 PM GMT+8