2006 年 10 月 1 日 星期日 【清涼】

大妹妹：Happy Birthdayfont

我諗第一次係日記同你講生日快樂......
以前都唔知你生日，直至你做左我守望者，我先知=]
多謝你成日係我唔開心既時候支持我，有你陪住我走信仰既路，感恩！
以後既生日，都想係到+親口同你講聲：生日快樂！

唔記得左提下尋日套女王的教室，真係好好睇。
個個都睇到喊，我就眼有淚光XD！好鍾意個故事，雖然有點恐怖....
不過始終故事想帶出既意思都好特別，I LIKE IT！
「人總會遇到好多不安的時候，但不要在不安時失去信心。BY：真矢」

>>October 4, 2006 at 2:15:08 PM GMT+8

2006 年 9 月 30 日 星期六 【酷熱】

靈命低潮？！

信仰生命中，是否一定有靈命低潮的時刻？
愛神，卻不願為神付出時間，很過份...？

靈命低潮的時刻......我所「害怕」的。
守望心情不佳。......我所「致歉」的。
想落淚，卻死忍。......我所「忍受」的。
最後落淚，換來心靈安慰。......我所「放鬆」的。
大妹妹的擁抱，使我放心痛哭。......我所「喜悅」的。
改變？實踐？一直有心無力。.....我所「討厭」的。
神沒有生氣，只是一直等待。......我所「無奈」的。
這個試探，我沒有給魔鬼嚇怕了。......我所「堅持」的。
但這次實踐，需花多少時間？......我所「煩惱」的。
與神的關係，不想再停在此刻。......我所「期望」的。
此時，與神立志，可否不再是假話？......我所「思考」的。
最後，I LOVE YOU MY JESUS！......我所「喜愛」的。

>>October 2, 2006 at 12:22:08 PM GMT+8

2006 年 9 月 29 日 星期五 【清涼】

家人團圓飯

今朝早如常出去葵芳學琴，真係好倦......
去+番都差d唔知醒，聖靈令我撞到牆而叫我起身。
係葵芳食完野再去書店再周圍行，終於差唔多夠鐘番教會。

今日小組有4個人，破冰芝芝自己都唔識玩=v="太勁啦！
完左之後就搭輕鐵過何福堂果邊拎智能身份證T_T"
我竟然係輕鐵站既樓梯跌親....由第四級樓梯跌落第一級樓梯，好痛呀！
拎左張身份證，影得唔錯！比想像中影得好，又比想像中影得冇咁靚=0="

之後等埋媽咪就過洪水橋去我Aunt新屋，真係好大......
連表妹一間房都差唔多等於我地三兄妹既一間房，連個浴室都勁過人。
我同二哥都特登沖番個涼，不過佢個水力按摩太勁，我頂唔順......
夜晚出去食完飯再番去Aunt屋企，影左好多相=v="今次終於影到情情+小輝仔，好可愛呀！



>>October 2, 2006 at 10:02:19 AM GMT+8

2006 年 9 月 28 日 星期四 【清涼】

團契迎新日

第一次團契聚會，中一有兩個，中六有六個，算不算反傳統？
破冰OVERRUN，只玩四龍爭珠，不過佢地玩到好好笑。
敬拜我諗不算失敗，雖彈錯音，但勉強跟得到倩恆。
突破了...倩恆敬拜中途突然Stop左唱詩，原來係帶信息。
係冇心理準備既時候，硬著頭皮與團員一齊夾...下次講俾我知先=0="
分享時間....再次中四GROUP，有點沉悶。祈禱完搵家敏傾左陣計就衝番屋企。

夜晚同二哥+佢班小學同學去蝴蝶灣BBQ，咁都俾我撞到家敏=v=勁！
BBQ冇咩特別，不過親眼見到Miss張女女，都算不往此行！XD
只係成12點先走，搭輕鐵又俾我撞到秀程，今日咁好彩既？
番到屋企沖埋涼.....接近2點先有得訓，聽朝仲要早起呀T_T

朱天樂先生，你畫既畫真係唔錯Bor！XD

>>October 2, 2006 at 8:58:59 AM GMT+8

2006 年 9 月 26 日 星期二 【清涼】

人生真悲哀

A maths堂，真的很難。我天資差，讀唔到...神呀...Help Me Please
一條數，要多位同學教我先明白，辛苦晒/_\"............
Bio堂好俾心機烚眼訓+留心聽書，都算明白...kaka！仲未識做筆記。
Eng堂真的很嘈，完全冇心機上。救命！我忍...我忍...我再忍！
LUNCH同Kathy+琪+某人食奇昌，冇咩感受！只有些許煩！算吧...
Phy堂教潛熱，問完謝Sir之後先明白，我唯有付出多點努力吧！
Maths堂好快過去......Zzz！不過最搞笑係Cherry手提冇拉拉響，跟住Micmic即場唱番首歌。
不過d音樂鬼死咁大聲，我諗黎Sir係聽到，不過冇鬧...Wakkakak！
完左之後，仲要落Hall聽網上閱讀計劃+內聯網，悶到Sleeping！

番到屋企門口，先知到冇帶鎖匙...救命！媽咪八點先番，二哥最快六點半，大哥搵唔到。
冇辦法，唯有落大快活坐到六點半......真係悶死我。食左個下午茶+睇A maths書。
好彩Fafa後期陪我傾電話先冇咁悶，多謝你呢.....二哥六點九番到屋企，突然好愛佢XD！
今日簡直係BAD DAY！唉！......................悲哀！
朱天樂先生，你真係好「可愛」XD！唔好同我講「道德米」，我真係聽唔明T_T"

>>September 28, 2006 at 1:51:38 PM GMT+8

2006 年 9 月 25 日 星期一 【清涼】

WINKI：Happy Birthday！願你每分每秒也充滿喜樂！

Winki生日，為佢六點起身整M&M石頭蛋糕。
呢次好感恩，因為又驚材料比例錯左，又驚唔熟。
THZ神聽我禱告，冇食到Winki肚痛......=V="仲要幾好食！

TO WINKI：唔只想你生日開心，仲想你每一日都開開心心。
朋友更可以為你分擔憂心，我唔介意你搵我傾計的。

>>September 27, 2006 at 1:34:32 PM GMT+8

2006 年 9 月 24 日 星期日 【清涼】

趕功。不憤。勝利

今朝早遲左少少起身，有點兒趕。不過都趕得切搭輕鐵，THZ MY GOD！
第一，二堂中文堂，兩堂用黎講中文朗讀。悶到同Kathy玩...XD！
跟住到A Maths，真的很難=0="...黎Sir教到...我有點聽唔明。唉....要努力點！
上完堂聽到某d人係到串Kathy唔識計A maths...真係令我+佢火都黎埋。
我真係唔知想點lor！走過黎問你識唔識計，又問Kathy有冇諗過補A Maths，仲話依家d題目低B！
唔該唔好恃住自己識少少A Maths就咁驕傲啦！第一日上A Maths堂，唔識好出奇咩？討厭！

TO EDMUND：對唔住！我真係想提醒你！......請你唔好成日做完Maths/A Maths既題目之後，走去問Kathy借本簿黎睇。
跟住佢計錯你又笑佢+話佢計錯，最大問題係點解你話佢錯之後唔教番佢，而走人？你到底係問佢借本簿黎表演自己計得岩還是什麼？
我真係分唔清！只係唔想你每次借完本簿Kathy都要向我訴苦！

之後想英文堂，好嘈呀！完全冇mood聽書.....皆因坐我後面的人傳來很多聲音。
Lunch同Kathy去椰林！笑死我！一路食一路望食坐隔離既Maggie！XD~~
番到學校上Maths堂，時間短，好快講一講函數既野就落堂lu~~
到P.E，好後悔去左椰林食=0="遲早胃痛.....唉！仲要做2次Second Training...我當然又偷工減料啦！
之後Miss將4S1+4C既女仔分社打社際籃球比賽，原來綠社都唔少人....
第一場綠社對藍社，由我啦貓貓啦Winki啦落場=v="估唔到我打籃球進度左wo！最後4比0！
4分當然係我地綠社啦！仲要有3分係我拎，1分係貓貓拎！好開心唷>V<"Winki你傳波好有用架！
第二場綠社對黃社，我太倦，唔落場......最後大比數落敗=0="黃社比比太勁LOR！
下次再下次對埋紅社就打晒，好緊張唷！好想Win唷！
P.E堂之後熱死左......仲要綠社迎新。唉！一年悶過一年！抽獎即年年不中！

聽朝要早起身！為的預備禮物給聽日生日的好朋友......要早d訓唷！

>>September 25, 2006 at 1:54:14 PM GMT+8

2006 年 9 月 23 日 星期六 【酷熱】

連續。疲倦。忙碌

今日真係好倦......崇拜>>學琴>>基要班。連續3樣活動，雖然倦，不過學到野。=]
番到屋企Hea完，食完飯，做功課。邊做邊睇「女王的教室」，真壞呢=0="...
不過好好睇，就快結局啦/_\好想知真矢最後Ending係咩。。。
夜晚做做下功課，爬爬教唔到我，無聊之下同陳仲文傾計果陣，俾佢用MSN黎教我數=0="
估唔到平時堂堂都Sleeping，堂堂發夢，都識計數XD。不過真係教得唔錯，起碼我明。Kaka！
最後，我都係最唔晒d功課。算吧！聽日番到學校先做...wakakakak！
「To Jeff：唔好忙碌過度，給予自己休息時間。祝福你，Add Oil！」

「與詩篇139篇相近。看完這詩篇後，主真的很愛每一個人。」
天父給你的信

我的孩子：
你或許不認識我，我卻認識你的一切。 詩139:1
你坐下，你起來，我都曉得，　詩139:2
我也深知你一切所行的； 詩139:3
就是你的頭髮也都被數過了。 太 10:29-31
你是照著我的形象所造的， 創 1:27
你生活，動作，存留，都在乎我， 徙 17:28
你也是我所生的。 徙 17:28
甚至在你尚未成形以先，我已曉得你， 耶 1:4-5
在創立世界之前，我已揀選了你。 弗 1:4
你不是個錯誤，你所有的年日都寫在我的冊上， 詩139:15-16
我定準你的年歲和所住的彊界， 徙 17:26
你的受造，是極其奇妙可畏！ 詩 139:14
我在你母腹中塑造你， 詩139:13
領你由母腹中出來。 詩 71:6
我被不認識我的人所誤傳， 約8:41-44
我並非冷漠而憤怒，乃是完全的愛。 約壹 4:16
我願在你身上揮霍我的愛，
只因為你是我的孩子，我是你的父親。 約壹3:1
我能給予你的，遠超過地上的父親所能給予的， 太 7:11
因為我是完全的父。 太 5:48
你所領受各樣美善的恩賜，都是從我來的， 雅 1:17
因為我是你的供應者，我必供應你需的一切。 太 6:31-33
我向你所懷的意念是要叫你未後有指望， 耶 29:11
因為我以永遠的愛愛你。 耶 31:3
我向你的意念其數比海沙更多， 詩 139:17-18
我因你歡欣喜樂， 番3:17
我決不停止施恩與你， 耶 32:40
因你是我珍貴的產業。 出 19:5
我全心全意栽培你於此地， 耶 32:40
我要將偉大奧秘的事指示你， 耶 33:3
如果你一心一意尋找我，就必尋見。 申 4:29
以我為樂，我就把你心裡所求的賜給你， 詩 37:4
因為是我在你心裡動工，使你心裡能立志行事。 腓 2:13
我能為你成就一切，遠超過你所求所想的。 弗 3:20
我是你最佳的鼓勵者， 帖後 2:16-17
也是在一切患難中安慰你的父親。 林後 1:3-4
你傷心的時候，我靠近你， 腓34:18
如同牧人懷抱羊羔，我懷抱你在我胸前， 賽 40:11
有一天，我要擦去你一切的眼淚並帶走你在世上的一切苦楚。 啟 21:3-4
我是你的父，我愛你如同我愛我的兒子──耶穌一樣， 約 17:23
因為在耶穌裡，就顯明我對你的愛， 約 17:26
祂是神本體的真像， 來 1:3
祂來是表明我要幫助你，不是敵對你， 羅 8:31
並告訴你：我不追究你的過犯。 林後 5:18-19
耶穌受死，使你可與我和好， 林後 5:18-19
祂的死，是我愛你最極致的表達， 約壹 4:10
我為你捨棄了我所愛的一切，使我或許能得著你的愛。 羅 8:31-32
你若接受了這份禮物，我的兒子耶穌，你就接受了我。 約壹 2:23
無論任何事都不能叫我的愛與你隔絕。 羅 8:38-39
回家吧！讓我為你預備一個天上所見過最大的宴席， 路 15:7
我一直是父親，也永遠是父親， 弗 3:14-15
問題是…，你願意成為我的孩子嗎？ 約 1:12-13
我在等著你。 路 15:11-32
from Father Heart Communication

>>September 25, 2006 at 10:44:43 AM GMT+8

2006 年 9 月 22 日 星期五 【酷熱】

早上。追求。滕草

一朝早又出去葵芳，真的很累呢/_\"距離六級琴試剩下45日，唔長唔短。
神呀！讓我呢45日我真係努力去練琴，唔再偷懶。唔合格的後果，真的很大。
信心......我沒有。原因我冇盡力，但現在先發奮，會否很遲？唉！
之後搭車番教會做守望，罪？某樣罪真的想改=0="因為太煩憂我！
每次做守望係梁生間房，真係焗到我暈啦！真佩服梁生有咁好忍耐力......

今日得Fa&Joey&Yung&Me番黎小組，雖然唔多人，不過唔錯。
破冰我帶「傻瓜？號」，Joey既反應力...要訓練下唷！-v-"
跟住敬拜，Joey帶得唔錯，特別係冇拉拉俾我聽到變左高八度既音...Kaka！
分享時間，用番提後4:6-8，諗番依家我信仰追求緊d咩+需付出既代價。
雖然代價大，但收穫的更大。希望今次寫完，唔會又唔記得左，又冇實踐到啦=0="...
Joey ar！為左將來係天國唔係滕草，而係靚靚既冠冕，比心機啦！XD！

「我現在被澆奠，我離世的時候到了。那美好的仗我已經打過了，當跑的路我已經跑盡了，所信的道我已經守住了。從此以後，有公義的冠冕為我存留，就是按著公義審判的主到了那日要賜給我的；不但賜給我，也賜給凡愛慕他顯現的人。(提後 4:6-8)」


「說離開的，總是你。」

>>September 25, 2006 at 10:19:02 AM GMT+8

2006 年 9 月 21 日 星期四 【酷熱】

迎新。勉強。消失

今朝喉嚨唔舒服，好彩今日迎新我唔洗唱詩，只係司琴。
第一，二堂BIO，睇顯微鏡。唔好玩的，因為搞左好耐先睇到d細胞......搞到小息都冇埋。
到Maths堂，函數好快聽完，跟住同坐我後面既四位男士研究一元二次方程既功課，好難=0=
English堂都係教Oral，好悶+冇咩特別。只係一個鐘上兩位唔同老師，時間好快過。

到Lunch，預備左兩個禮拜，時間緊迫的中一迎新日正是今日。
今年中一活力過盛，特別係男仔！唔係傾計就係玩...叫極都唔停。
勉強拉到佢地玩破冰，不過時間好短，玩左唔夠4分鐘就要停，到敬拜。
鋼琴冇咪，我唯有用力彈，想辦法大聲d！雖然都有錯音，不過已經減少左錯音。
阿聲+Edmund+倩恆+Miss好落力唱，中一就唔知係唔留心定係玩，好多聲音。
BUT THZ A LOT ALL！要配合我既錯音，辛苦大家！
信息牛子講得好辛苦，因為中一唔留心。感恩既最後都順利講完......
希望以後團契聚會熱鬧d，專心d，多d感恩事發生！
江嘉敏呀！得閒番多D黎啦~~呂明才+團契都無任歡迎你的！

上到班房上中文堂，兩個字：無聊。Miss用左一堂講兩題答案，但係只係照書讀。
CHEM堂，我好俾心機上-0-"不過都唔太明。正離子？負離子？點樣分元素屬咩離子？
對唔住呢後面那位男士=0="我冇心講：「數學唔掂，改做變態佬！」不過真係好好笑！kaka放學好倦，番屋企休息。
好開心呀>V<終於睇到「名偵探柯南映畫第10彈《偵探們的鎮魂歌》」IT IS SO GOOD！
平次+柯南+小五郎都為左救自己最著緊既人拚命。等左5個月終於睇到，太好啦！

「禮物雖美中不足，但感謝你不介意。有機會，我一定會補送。Sorry......」

>>September 22, 2006 at 10:25:06 AM GMT+8