2007 年 5 月 26 日 星期六 【乍寒還暖】

聖靈降臨節主日---全球禱告日

「我知道他們的行為和他們的意念，時候將到，
我必將萬民萬族聚來，看見我的榮耀。(以賽亞書66：18)」

27.05.2007是全球禱告日，全球不同國家都係同一日為世界禱告。
第一年參加，有點興奮=]因為早兩年都因為考試關係而錯過左...
未去到香港大球場既時候，已經見到教會樓下好多紅衫人。
原本大會係建議著白色T-Shirt，不過屯門區選左紅色做代表...係火熱嗎？
一點幾去到既時候，仲係曬緊。之後開餐，雞翼米粉丸等等...不過唔太有Mood食。
今次坐左係東翼既最低果到，而且都算靠舞台......
點知坐第一行既時候，就開始落大雨=''=oh！第一年黎就咁大雨。
不斷自己祈禱+同組員祈...雖然可以好開心咁唱「恩雨正澆灌」呢首詩歌。
最後太大雨，坐番後面。不過感謝神！3點正式開始前，已經細雨左，不過都好希望可以停雨。
「縱使天氣如何，今天是主祝福的一天，單單清心禱告吧！」
今年有讚美之泉做敬拜隊，雖然好多國語詩歌，不過好幸運有機會聽到佢地既敬拜。
而且今年既主題曲「我們呼求」真係好好聽=]............

「認識耶和華榮耀的知識要充滿遍地，好像水充滿洋海一般。(哈巴谷書2：14)」

先為世界合一去禱告，為到世界唔同種族既合一禱告。
到為18區祈禱既時候，每一個社區都了解到佢地感恩+正面對咩困難。
最深刻既係當為到屯門區禱告既時候，仲有我地一大班屯門既紅衫人坐埋一齊。
祈禱之前，講了句口號：「屯門屯門，屯兵之門，屯門屯門，復興之門。」
縱然叫得唔齊，但感受到當中屯門區既弟兄姊妹既合一，團結。
感謝神令屯門開了一條出路，令呢片曠野開了江河。
係24號既「祝福屯門的一天」活動，開始學習到傳福音唔係咩樣衰事...
以前成日驚撞到熟人或者同人分享會好尷尬，依家慢慢會分享呢d經歷俾人知。

「我不以福音為恥；這福音本是神的大能，要救一切相信的...(羅馬書1：16)」

之後既禱告，一直見到上空有唔知係唔係鷹既雀鳥盤旋，突然諗下呢段經文.....

「但那等候耶和華的必從新得力。他們必如鷹展翅上騰；
他們奔跑卻不困倦，行走卻不疲乏。(以賽亞書 40：31)」

最後就係交棒儀式，讓成人事奉神的棒交給代表年青人的1000人。
雖然我唔係當中，但當佢地圍住草地跑既時候，好似真係正宣告年青人要起黎。
今日既全球禱告日，仲有朝早既崇拜都提醒左我。要起黎，先要為自己的靈命準備。
感謝主今日臨在我們當中=]保守呢段時間，縱使有落雨，但仍看顧我們。
如果出年，可以早d完左會考既時候，真係想試下做詩班=]

【一生愛你】

親愛的寶貴耶穌，你愛何等地甘甜，
我的心深深被你吸引，愛你是我的喜樂。

一生愛你，一生敬拜你，一生愛你，一生榮耀你，
一生奉獻，一生不回頭，一生愛你，跟隨你。


>>May 27, 2007 at 2:38:47 PM GMT+8

2007 年 5 月 24 日 星期四 【清涼】

人生是有淚的，但要笑著堅強地面對

「人生總是笑中有淚，淚中有笑。」
今日團契睇左「隱形鬥室」，之前好想睇了=]
睇既時候，反思左好多野，例如同神既關係及自己既壓力。一邊睇，一邊流淚。
因為神感動了我......過去，我對於自己學業過份執著，唔放手交俾神。
但呢兩年，開始嘗試將學業放下。我明白放下，唔代表神會令我取得滿分，考得最好。
放下，係將我既壓力同時放下，讓神的平安充滿我。
縱使考試唔會一帆風順，但依家每考完一科之後，我唔會再過份執著錯左d咩，分數會係幾多。
而且，我亦係呢套影片入面，睇到自己同神既關係有咩不足之處。
成日話神唔用聲音去提醒我，去鼓勵我。
但我自己係咪有用足夠時間安靜自己，聽下神既聲音？聽下自己既聲音？
靈修時間短，又唔係日日做。禱告時間又祈完就算，連靜落黎既時間都冇，咁點聽呢？
最後，我看見神既大能。神冇放棄任何人，包括非基督徒。神一直愛著我們...等待我們。
好吧！今日更新了自己，要快點實踐早前的目標=]更新自己的靈命。
「神是最重要的，比任何事更重要；我可以放下一切，唯獨怎也不能放下你。」

「因為那在你們裡面的，比那在世界上的更大。(約一 4：4下)」

秋雨甘霖 「人生熱線影院」主題曲

無情歲月看在眼內每一天， 為何每是眼淚，光輝總缺少？
如何痛著、愛著、錯著過一天、一天。 如何生死只一線；錯了有誰在掛牽？
歲月過，我度過，令我痛過的多，祢如何祝福一生載歌？
未見晴朗！我又跌盪過幾多！ 誰料就是在我無言尋問「上帝可有遲？」
神未有一刻轉移，人心可得靠依！ 誰料就是在我咒詛、無助、暴雨灑遍時，
如春雨降，秋天甘霖， 如一首詩，改寫心裡日誌。

原來世事變幻，也在祢手中。 原來每滴眼淚一一都細數。
如何痛著、愛著、錯著過一天、一天， 原來恩典永不變，前途早有祢預見！

為我默默付上祝福，無問代價，不會遲！ 寧代我擔起苦愁，人心不必掛牽！
猶如大地熬過旱天，重遇驟雨天降時， 重新振翅，穿梭星馳， 晴天、陰天，光彩總會遇見！

沿途有祢，為我改寫心底困惱鬱結，再踏我路。沿途晦暗，定會找到新的意義！
相信明天，有著新里程， 重設生命方向，探索心內細情。

為我默默付上祝福，無問代價，不會遲！ 寧代我擔起苦愁，人心不必掛牽！
猶如大地熬過旱天，重遇驟雨天降時， 重新振翅，穿梭星馳， 晴天、陰天，光彩總會遇見！
如春雨降，秋天甘霖， 神的祝福，改寫心裡日誌。

全新的你（國）

你說陰天代表你的心情，雨天更是你對生命的反應；
你說每天生活一樣平靜，對於未來沒有一點信心。

親愛朋友，你是否曾經，曾經觀看滿天的星星？
期待有人能夠了解你心，能夠愛你賜你力量更新？

耶穌能夠叫一切都更新，耶穌能夠體會你的心情。
耶穌能夠改變你的曾經，耶穌愛你，耶穌疼你，
耶穌能造一個全新的你。

兩首詩歌都好好聽>v<要的可以係MSN問我

>>May 26, 2007 at 3:34:34 AM GMT+8

2007 年 5 月 23 日 星期三 【清涼】

「祝福屯門的一天」

今日係《屯門一激》遍傳活動，感恩主的靈叫醒我=]
同組員係教會樓下食早餐，好多笑話出黎。
跟住上22樓參加福音裝備課程，比想像中多野學。
而且冇令到我烚眼訓，即係一d都唔悶XD！
學左好多傳福音既基本技巧，五色珠既用途等...當中敬拜好令我心刻=]
去左安定到金暹羅Lunch，點解d金邊粉係甜架？就連阿祖既黃咖哩都超甜既...
再行去市中心預備遍傳。一方面感恩神安排咁好既天氣，簡直係烈日當空...一方面熱到狂流汗...
先用左一個鐘敬拜，禱告！雖然好曬，不過未至於中暑。不過成身濕晒。
「為主流汗，為主曬黑，為主忍受，為主工作。」
「流「汗」撒種的，必歡呼收割！(詩 126：5)」
之後遍傳同阿泰阿余一組，感謝神！今日好Enjoy傳福音既過程。
縱使有失敗，有被拒絕，但仍有盼望。而且阿余真係好主動，好欣賞你！
途中撞到秀程，總覺得佢係團契同呢一刻見到，好大分別呢！
最後4點鐘走了，因為要趕住學琴。不過今日好開心，好Enjoy呢一日。

縱使屯門好像被遺棄，但主沒有。你興起一班弟兄姊妹的心，為你工作。
讓屯門受到更大的祝福，讓屯門真真正正成為屯兵之門=]=]=]！
感謝神！你讓我今日明白更多，明白屯門需要更多人興起事奉。

「我們傳揚他，是用諸般的智慧，勸戒各人，教導各人，
要把各人在基督裡完完全全的引到神面前。(歌羅西書1：28)」

「齊共去宣告」

齊共去宣告救主已臨在當中！齊共去宣告祂的尊貴與聲威！
齊共去宣告基督將仇敵踐踏！齊共去宣告祂恩手正彰顯！

讓我心自由，讓我得釋放，讓我衝開捆鎖，頌讚著你名字。
願舉起雙手，讓我讚美主偉大！願舉起雙手，讓我傳揚神救恩！

願舉起雙手，讓我讚美主偉大！願舉起雙手，讓我傳揚神救恩！

>>May 26, 2007 at 2:09:29 AM GMT+8

2007 年 5 月 22 日 星期二 【清涼】

OH！生疏了

成兩個幾月冇練過籃球......生疏了！
今晚再打，狂俾人串.../口\又DOWN過。
係！佢地串既成份只係玩野，不過始終都有點唔開心。
我都想練好d接波架，唉！算吧！
技術差就差，自己練唔好俾人串都要接受。OH NO！
不過練完，成身都濕晒！超熱！寶田果到一d風都冇......濕水雞！

>>May 24, 2007 at 1:18:48 PM GMT+8

2007 年 5 月 19 日 星期六 【乍寒還暖】

雖不是天才，但總算有一點毅力

崇拜完左之後，趕住出去學琴...
好耐都冇試過學琴完全唔洗俾人鬧T_T""
Miss話我係佢咁多個學生最冇咩天才，不過最有毅力既一個。
聽到有點O嘴，正式開始發奮既...好似係早一兩年，遲左點。
雖然遲，不過總好過連呢d醒覺都冇XD！
希望伴奏練習既時候，會得到多一點樂趣=]

呢排睇左3套So Good既動畫，好滿足！=]
交響情人夢：

櫻蘭高校男公關：

金色的琴弦：


>>May 22, 2007 at 1:30:59 PM GMT+8

2007 年 5 月 17 日 星期四 【乍寒還暖】

濕地公園遊記
嘩！咁熱既天氣行濕地公園...真係成身濕晒啦/_\
下午搭車果陣同雞翼坐，好似好耐冇咁close。
雞翼呀！始終你唔笑果陣，俾人覺得你唔開心緊架！
係成程車好多爛Gag...笑到收唔到聲！XD
入到濕地公園，嘩！好大=0="...仲要好熱！
同大約7個人周圍行，得9個字，行完d展覽都已經冇時間行出面啦。
仲有好多野想睇，不過唔夠時間。
最好玩就係有個類似超動感影院，係講水既循環...
我將鯨魚變成尼斯湖水怪，Keke！一d都唔恐怖但Kathy就不斷尖叫。
走果陣仲好笑，阿Lo搞笑咁玩自動門，仲要俾我地狂串=]
雖然今日好似咩都冇點行到睇到，不過太多爛Gag...已經笑死左我。




久未重逢

今日浩然番左黎團契，都差唔多好幾個月冇見。相比之下，我又高左=]幸好佢冇倦到殘左。
完左團契既時候，原本諗住走人，點知落勁大雨...唯有係小聖堂Hea住......
同幾個職員一齊傾計。其實我真係唔想同佢地傾計，因為感覺好怪。
之後傾傾下，浩然突然提出番我係團契既感受...一時間完全冇心理準備。
原來我經歷左好多事，令自己好驚係一d冇心理準備下就要面對既事。
後期有點想喊，不過忍！最後聽完佢地講既野，雖然有點O嘴，不過起碼俾佢地知道我既感受。
走既時候心情有點低落，同浩然行去屯市搭車既時候有一段沉默既時間。
我明白要改變一個人比改變一個環境或一大班人易好多...但明白唔等於可以容易去做到。
傾傾下又傾到同大妹妹既關係，要令我地兩個既關係變番以前......唔係靠時間...
係靠自己以另一種角度去睇呢件事。當我冷靜之後，我知道大妹妹講既野出於愛我。
所以我會努力學習放低自己，改變自己。或者我唔可以以咁短時間去改變同職員既關係...
不過起碼令到最後呢兩個月，以笑臉，以喜樂的心來面對，經歷。
THANKS A LOT JEFF & BIG SISTER！

>>May 21, 2007 at 9:08:01 AM GMT+8

2007 年 5 月 15 日 星期二 【清涼】

世界的轉變

「網民投訴聖經不雅千四宗」：
影視及娛樂事務管理裁定中大學生報的情色版為二級不雅物品後，過去兩天，他們收到千四宗對聖經的投訴。一批網民不滿有關裁決，在網上發起向影視處集體投訴聖經，認為內容會扭曲讀者的性觀念。處方兩天內已共收1406宗電郵，現正處理投訴。(Copy By Yahoo!新聞)

真係唔明白，點解依家d人咁鍾意咩都投訴？
睇新聞突然見到連聖經都被人投訴，只有一個反應：無奈。
只知道，世界被太多人或事影響中。

好想沖涼/口\

死人房屋處，搞到我今日唔可以好好咁沖涼，點賠償？
仲要整到我成間屋都鋪晒灰，點訓呀？
火呀！我要沖涼呀！我要沖個靚涼呀！

>>May 16, 2007 at 4:59:16 PM GMT+8

2007 年 5 月 13 日 星期日 【清涼】

愛上顏文字



>>May 15, 2007 at 11:14:09 AM GMT+8

2007 年 5 月 12 日 星期六 【清涼】

媽子：多謝你

一年一度母親節，竟然去左掃墓......超級奇怪lor（・(ｪ)・）
一朝早出左去將軍澳華人永遠墓場，現在對公公既離開再沒有傷心的感覺。
不過出年就要將公公既墓起出黎，因為已經十年了...
若唔係指係掃墓，我幾鍾意去將軍澳華人永遠墓場。因為景色廣闊+靚！
之後去左飲酒，不過好眼訓呢/口\......好想番屋企Zzz...

夜晚同一家人除左老豆之外，去左建生食飯。都幾好味啦！變左搞Gag一家...齊齊邊食邊搞笑。
食完行番屋企果陣，同二哥+媽咪傾到結婚......媽咪話第時我地結婚，要搞到好d。
唔要單單得照片係多謝父母養育之恩...唔通媽咪咁樣我地嫁OR娶？

最後，媽咪，多謝你！

>>May 15, 2007 at 11:07:19 AM GMT+8

2007 年 5 月 11 日 星期五 【清涼】

以永遠的愛愛人

朝早出去學琴，超級眼訓！不過今日出奇地冇俾Miss鬧。
之前受到Edmund所託，幫Choir伴奏一首我諗係二十世紀超快既歌...
一直都好擔心自己練唔練到，同Choir夾唔夾地。
亦都以為Miss會話我自己d野都未搞掂，就係理其他野...點知Miss好贊成。
因為佢話呢d機會唔多，如果依家唔去嘗試，將來冇機會。
其實成日都諗，點解鋼琴唔可以被編入管樂團？好想有機會同人地一齊演出...
既然今次有咁既機會，一於試吧！不過我會做足準備，真係練唔切既，早d搵定幫手=]

或者當中會尋找到長久以來渴想得到的感覺；或者當中我會清楚明白為何要彈鋼琴。

完左學琴，唔知點解今日搭巴士番屋企比平時耐左...
搞到番到屋企唔夠半個鐘又要搭輕鐵番教會，較為倦。
今日祈禱會唔多人，不過多謝Fafa話我自己好知要點樣帶呢個祈禱會，進步了。
縱然人數少了，但喜樂的心並不會變及神不會離開我們這個小組。
破冰又玩朦眼，係咩都睇唔到既時候，不斷「非禮」組員XD！
敬拜雖然有點不能專心，不過領略到有時敬拜，可以以輕鬆既心情去面對，都係件好事。
分享時間邊傾邊笑。提到有關團契既事，Upset固然有......
但逃避唔係一個好方法，笑住面對佢地，笑住去解決呢件事。
的確中四完結之後，有想專心，有想休息既心情。將來會唔會再參與團契，將來先算吧！
單單做好今年要做既事，咁就夠了。希望餘下既日子，充滿喜樂！(〃＾∇＾)

>>May 15, 2007 at 10:56:52 AM GMT+8