2007 年 4 月 13 日 星期五 【微冷】

努力突破


俾兩張相大家估下，估下到底呢d圓形真正係咩黎呢？P.S估中有小禮物一份=v=

今日行程好緊密：守望>>小組>>生日會
朝早做守望，oh！好耐冇做過tim！要打開我既屬靈眼睛！
跟住小組有點灰左！其實只係因為第一次帶敬拜氣氛咁淡...
不過如果永遠一帆風順，就唔會經歷到神既大能=]
下次再係小組帶領任何事奉，都要多d考慮每個組員既需要唷！
但今日好感恩！因為同家燕熟左。多謝Fafa不斷俾機會我去突破自己！
冒死同家燕講出真心話，多謝你唔嬲我XD！唔會再過份擔憂同唔熟既人既關係Lu！

之後去屏山舅父屋企慶祝情情生日=v="好開心唷今日！
一個超特別既蛋糕，當中既蠟燭可以放出煙花&播生日歌...好神奇！
跟住玩Wii既Bowling，Tennis，Boxing...好好玩，不過玩到好倦！
影左d好得意既相，原來快門可以咁好玩XD！
情情生日快樂唷=]你要快d學識點樣玩Bowling唷！

2007 年 4 月 12 日 星期四 【炎熱】

無聊的一日

之前Cherry & Winki黎左我屋企做左一陣Bio Project...
跟住我個頭就俾Cherry搞左一粒鐘...搞咩？咪用直髮夾夾左成粒鐘。
不過夾果陣，真係好眼訓Zzz...夾完之後，竟然鍾意左咁直既頭髮XD
或者係因為未試過，覺得幾靚。不過實在太傷d頭髮，所以都唔會成日咁做。
就算夾，都絕對唔係夾一粒鐘(果一粒鐘寧願Zzz)。

左：久違的長髮，想不到我既頭髮可以去到呢個長度...(P.S：爬爬實話我背面睇好肥！)
右：直至夾完頭髮果刻，差唔多過左5個鐘，仲可以咁直=v="太好！XD

早幾日媽咪整左芒果大菜糕...比想像中好味=]
甜甜地，但係又冇芒果布丁咁甜。口感仲要係爽口的XD
親愛的天作之組組員=v="如果有機會，等我星期六拎盒請你地食。


>>April 13, 2007 at 12:17:15 PM GMT+8

2007 年 4 月 8 日 星期日 【微冷】

天作之組之復活節慶典之BBQ同樂日

今日既節目就係復活節慶典，感謝神為我地預備一切。
我地會去龍鼓灘BBQ，好多人去唷！仲要係人數唔多唔少=]
Fafa~Ome~Joey~Joyce~Ling~美思~Money~蛇明~阿鋒~我~阿余~家燕~阿忠
今日BBQ傾左好多野，同阿余&家燕關係深入左...
感謝神讓我有勇氣同家燕傾計...因為之前真係好擔心佢唔鍾意我...不過呢個擔心係多餘。
Ome&Ling&我預備既破冰，睇黎唔錯！好多笑話出左黎。Joey既見證簡而精。

多謝阿余願意抽出時間黎呢個慶典，我真係好感恩有你呢個朋友。
因為你係我係學校唯一一個最Friend既基督徒朋友，我願意與你分享更多。

左為BBQ既大合照，右為復活節戶外崇拜既組相(我對眼被太陽導致爭不開)。

>>April 11, 2007 at 3:06:25 PM GMT+8

2007 年 4 月 8 日 星期日 【炎熱】

真的擔心你

第一次感受到唔聽人電話會幾擔心...
大妹妹「失蹤」左四日，我完全唔知發生咩事...
突然之間先覺得，好似呢段守望既關係...從來只有我自己會主動分享某D野...
我唔想你係我守望者，只會單單去聽我分享。雖然好多野你講既我都未必明白，但我唔介意。
因為我想呢段關係，可以變到好好既朋友，甚至係好好既姊妹。
今日終於收到大妹妹既SMS+電話，第一刻好想喊...因為終於知道佢平安無事...
下次唔好啦T_T"我會好擔心的！唔好再收收埋埋啦！你係我所關心的人。


>>April 9, 2007 at 1:17:54 PM GMT+8

2007 年 4 月 7 日 星期六 【微冷】

特別崇拜

朝早7點幾起身，嘩！好眼訓...XD
跟住9點3係教會樓下上車去大棠渡假中心崇拜=]特別！
雖然有點眼訓，不過今日敬拜+講道都唔錯。
Lunch係Canteen食，都唔錯！起碼食得飽，食完仲有好多笑話聽。
最開心係，第一次咁大班人(包括青年牧區+成人區)一齊玩破冰...
有火燒後欄，火星撞地球，指顏色，捉衣因，糖痴豆等！好開心=v="仲有好多Gag位。
雖然之後番到屋企好倦，再出去學琴已經冇咩精神......
夜晚去食飯，第一次食象拔蚌，生+熟都一d都唔好食...我唔識欣賞！Zzz...

「基督若沒有復活，你們的信便是徒然，你們仍在罪裡。(林前 15:17 )」
感謝耶穌為我地釘死在十字架！用耶穌的寶血清洗我們的罪。=]~I LOVE YOU！
因為復活節，所以將背景音樂轉做「Unreserved Love」

愛是不保留=]

常聽說世界愛沒長久，哪裡會有愛無盡頭？
塵俗的愛只在乎曾擁有，一刻燦爛便要走！
而我卻確信愛是恆久，碰到了你已無別求；
無從解釋、不可說明的愛，千秋過後仍長存不朽！！

誰人受痛苦被懸掛在木頭？至高的愛盡見於刺穿的手；
看！血在流反映愛沒保留，持續不死的愛到萬世不休！
惟求奉上生命全歸主所有，要將一切盡獻於我主的手；
我已決定今生再沒所求，惟望得主稱讚已足夠！

Unreserved Love (英文版)
I've always been told, love won't endure.
Nowhere can one find love long and true.
The world just thinks love comes and passes through.
“Don't make promise” is the rule...
But I still believe love can last.
Your unfailing love has made me strong.
You are there when I needed you more.
Come what may, you'll love me all along!
Who died on the cross and took away my curse?
Great is your love, I don't think I should deserve.
Your bleeding hands proved your love unreserved.
You're my only joy and treasure on the earth...
Giving everything to you is all I pray.
Use my life to serve you truly every day.
I'll hold your hands and give you all my praise.
Let the whole world know your love and grace!

>>April 9, 2007 at 12:54:43 PM GMT+8

2007 年 4 月 5 日 星期四 【微冷】

長洲之旅

發覺好似屋企有假期可以去下街，都會去長洲。
好處就係有得食，有得買，有得行。
搭巴士去中環，因為走左一班船，所以過左隔離商場既City Super行街。
嘩！終於可以試下果到出品既麵包--丹麥藍梅酥。不過貴野唔等於好味=0="just普通。
之後上船，嘩！假期多人到嘔...係架船到Zzz...訓得好舒服XD
去到長洲多人多到想死，行步路都難。食唔到魚蛋麵，唯有食粥。
多人導致間粥店超混亂......唉！跟住行街...順便去左間甜品店買30多粒糯米滋\_/d售貨員態度超差！
再行去食魚蛋，手卷，仲有甜品...飽死左...=]不過好Enjoy！！
搭船走既時候，仲多人！我差d上船果陣俾個肥仔撞落海\口/媽子發火鬧佢...
番到屋企散左......之後再去洪水橋慶祝姨媽，超飽。

>>April 9, 2007 at 11:45:11 AM GMT+8

2007 年 4 月 4 日 星期三 【乍雨乍晴】

復活節假期Start

11日假期，不可以再與以前的假期一樣。
發覺自己A.MATHS & CHEM & PHY都有必要花多時間溫既時候，就唔可以再懶。
因為一d既Quiz，對自己信心動搖。好驚UT...好驚EXAM。
確實清楚已經知道會考失敗，我唔會有機會升中六，因為屋企唔會俾我重讀。
咁樣唔係一種推動力，反而變左壓力。唉！有點悲衰..........
不過，要係呢11日重建信心。要完全將呢次UT交俾神！NEVER GIVE UP！

>>April 5, 2007 at 3:10:01 PM GMT+8

2007 年 4 月 2 日 星期一 【颳風】

04年-07年，信主三周年=]
這不是一個轟烈的見證，但這是一個真實的見證

04年4月3日，第一次確實被神感動了我。終於三年，時間過得很快。
若沒有了信仰，那現在的我會變成怎樣呢？

從前初信的我，一直認為自己的信仰經歷絕不艱辛，一點也不刺激。
但現在的我，十分感恩神為我安排這生命。因為現在的生活太美好....
從前初信的我，一直認為自己在教會是要被愛的人，不願愛人。
但現在的我，確實知道我需要起來侍奉別人。「我們愛，因為神先愛我們。」
從前初信的我，不認為自己需要於教會侍奉神。
但現在的我，祈禱會破冰敬拜，一一我能做到的，也嘗試了。
最重要的是，從前初信的我，對神的缺乏充足的信心。
但現在的我，不再過份擔憂，學會放下自己的學業生命等...一一交給神，相信神。

三年的時間不是很久，但我確實知道神正慢慢改變我。
剛剛過去的星期日，在崇拜時，整個敬拜也是為著三年的罪及感恩作禱告。
很久也沒有被神觸摸我的內心，今日輕輕的落淚了，是喜極而泣。
因為我回想起神在我未信之先，已看顧著我的生命。
即使我常犯罪，但神對我的愛卻沒有減少。
而在敬拜當中，我立志了...因為上一年我實在太浪費時間。
四月起，我要重新對我在年初寫下的目標實踐，而且要靠神來實踐！
現在於金錢上的奉獻雖然多，但我亦要學習憑信心生活，神必定祝福我必不缺乏。
我亦要以神對我們的愛，愛每一個我曾經對她們印象不好的人。
更加要於家中不輕易發脾氣，要愛家人。
我要為明年的洗禮預備自己！

多謝大妹妹，多謝天作之組每一個姊妹。
我知道自己好幸福，有一班咁傻咁可愛既姊妹陪伴我行人生最重要的時刻。
大妹妹，多謝你！你送的羊咩咩跪下祈禱，提醒我要常常禱告及我身邊有你這位守望者陪伴。
阿Fa，多謝你提供好多意見於我學校及信仰生活！I LOVE YOU ALL！

「神愛你原本的模樣，但他不願就這樣放著你不管，
他要你擁有耶穌的心，他要你完全像耶穌。
神要改造你的內心，這過程不見得輕鬆愉快......也可能帶來痛苦。
有時候你甚至會忘記在你生命中工作的是誰，以及他的最終目的。
但你要記住，你是神手中的工作，你是他最偉大的作品，他的「曠世鉅作」。
無論你多辛苦，多悲傷，神也不會離棄你。因為神愛你！」

祝福各位這篇日記能令你對神有更多認識。=]


>>April 3, 2007 at 4:09:07 PM GMT+8

2007 年 4 月 1 日 星期日 【微雨】

Feli>>>File生日快樂=]

OH！朝早濕漉漉，好辛苦唷！尋晚唔知搞咩搞到好夜先訓，今朝超眼訓。
頭兩堂Phy用晒黎對之前派果份功課=]唔洗教書既日子真係唔錯。
之後Chem堂教新一課，嘩！開始頂唔順伍sir沉悶的聲音...忍忍忍！
Maths堂大飛俾數我地自己試下做，係部分變...好努力做=0="
雖然最後做得好慢，仲要兩堂都做唔晒，不過對於做到好滿足=]
LUNCH食飽飽練習左一陣星期三週會既戲劇。
突然收到個壞消息...今日因為天雨關係，濕地公園之旅取消/_\
枉我仲咁期待可以仲有一線機會見到小黑(表哥所指的黑臉琶鷺)...唉！要改期到放完假之後...
之後上ENG堂，Vocab Quiz...5成合格差一分先pass...=0="upset...
因為冇得去濕地公園，照上中文堂...兩堂爛Gag堂。
Miss經常性唔知佢講既野有何等的「爛」！！真係笑死人！
放學又係練戲...好煩呀！我已經讀經文讀到好慢啦！仲要嘈\_/！


>>April 2, 2007 at 2:02:10 PM GMT+8

2007 年 3 月 31 日 星期六 【炎熱】

Limit of Love海猿

今日崇拜既經歷，留待星期二日記先。
因為星期二係特別日子，各位等等吧=]XD

想不到香港竟然會上映「Limit of Love海猿」，好期待。
雖然可能得百老匯或UA先有得睇，不過幾貴都要去戲院睇！
已經好耐冇入過戲院睇戲，之前「地海傳說」都冇去...為左一套「海猿」，要破例唷！
徵求一名同性好友於5月一起到戲院欣賞XD！


海猿：終極海難(10-05-2007 上映)

故事簡介：
距離鹿兒島三公里處，一艘巨型郵輪觸礁。升任海上保安官的仙崎大輔(伊藤英明飾)帶著隊員趕到現場，驚見巨輪已大幅傾斜，大部分浸入水中。九層高的船艙內裝載了195輛車，汽車漏油促使大爆炸一觸即發，船上的620名乘客即使不沉入深海，也會隨時葬身火海！更甚者，仙崎的女友環菜(加藤愛飾)，亦在船上！巨輪整艘沉沒之際，一直堅持搶救的仙崎與哲也(佐藤隆太飾)，卻與兩名乘客一起，被困在沉入深海的船艙中......