2007 年 7 月 4 日 星期三 【清涼】

一言難盡

由於之前幾日，實在太忙啦！連打日記既時間都冇，所以夾埋一篇打吧！
星期一，回歸補假。去左青彼參加職員去Camp前一個訓練。
簡單教左點樣諗一個新既破冰，點樣一齊合作，點樣做De-briefing等。
雖然時間唔多，不過呢日學左好多野=]希望到時係Camp到用得著。

之後星期二至四都係對卷日，每科成績尚算OK，只係每科都應該可以考好d！
中文：Reading：41/60 Writing：24.2/40 Listening：36/50 Oral：61/100 綜合能力：55/100
P.S：中文除左Reading滿意外，其餘都唔太滿意。冇諗過Oral佢會俾我咁低分，連朗讀都咁低...
英文：Reading：36/59 Writing：18.5/34 Listening：86/95 Oral：42/60
P.S：英文Reading & Writing比想像中低，果然Writing唔鍾意學生寫愛情=0="
Listening第一次咁高.......不過只係呢份卷較易=v="會考就唔會咁簡單。
Maths：LQ：69/99 MC：32/54
P.S：Maths LQ不錯，只係MC真係好失敗=0="我由第44~54題全錯，一題都撞唔岩。
A.Maths：53/110
P.S：之後A.Maths，雖然諗住可以過到60分，不過依家都幾好，只係微分暑假要狂做。
Phy：LQ：57/100 MC：29/45
P.S：Phy好多人都問我LQ點解咁低=0=我都唔想，一時失手！下次唔會。
Chem：LQ：39/90 MC：27/50 總分：52/100
P.S：CHEM，我都知我LQ差左d，暑假我會惡補架啦/口\MC好俾心機做，不過都係衰左！
Bio：LQ：49/96 MC：40/60
P.S：Bio唔知點解今次LQ做得好差，我已經溫左好耐....
可能有d地方溫得唔夠仔細。至於MC，雖然都係差左20題，不過冇錯多過50%，已經有進步。
成績定左，只係中文令我有點失望。亦知道自己每科邊部分唔太掂，會暑假追番。

而且Confirm左整個Summer Holiday，會有超過14日既補課，好彩冇多過一個月。
到Choir伴奏，今日既畢業禮綵排，令我+雞翼一同Down左！
Miss俾幾多時間我去練，我可以俾番幾多成績俾你睇。
你6月中前d先俾新譜我，我考試前唔洗溫書既？何來咁多時間練？
好啦！考試果陣，我連自己7級琴試既歌都冇時間練，仲邊有時間練Choir伴奏？
跟住考完試，得番一星期俾我練，我已經盡晒力，每晚都盡量練耐d，練夜d，希望彈得好d！
之前做伴奏既人，起碼都有2個月以上練，我地呢？當計埋考試，一個月都冇...
你一下子話，我地彈得唔夠順，唔洗我地幫手，OK！你開到聲點敢唔鍾意。
只係我覺得，有種俾老師玩既感覺。平時我都唔會坐係部琴前面練咁耐......
為左兩次伴奏，我改變自己練琴習慣，依家唔洗我彈，或者輕鬆左。
只係以後唔敢再做(不過佢都唔會再搵番我)。起碼我證明自己呢一星期練既冇白廢......
未試過彈一首有8版紙既歌，可以一星期練到出到個樣。就當為我考試培養練琴習慣！

依家既然唔洗我再幫手伴奏，咁我就將全部精神放係Fashion Show。
雖然就暫時整得好少，而且整得麻麻地靚。不過我地把抱住only參與既心態，所以冇咩所謂。
星期六完左小組活動，衝去Michael屋企車衫！要一晚搞掂！

之後尋日知道Miss Wong會教埋我地今年就離職，會轉去教統局做野。
都ok突然，只係出年先黎轉老師，仲要有可能係Miss Chan既時候，有點愕然。
佢幫我地Group.6暑假補埋英文，就唔再教我地！不過都好，一個機會轉下環境令自己開心d。
不過就要忙於整張卡+買份禮物送俾佢。佢點都係我地4S1班主任Ma=]

接著，最開心既事係，終於買到小池徹平既新碟：「Pieces」
不過唔知點解，訂呢隻碟既CD店話供應商冇提供Poster/口\
明明買「Pieces」有Poster送，有點點失望，算吧！遲d上網搵！
隻碟入面既歌詞簿So Good>v<"有勁多寫真，而且d歌好好聽！



>>July 5, 2007 at 7:55:10 AM GMT+8

2007 年 6 月 30 日 星期六 【晴】

恭喜香港回歸十周年！I LOVE HK

由1997年至2007年，話咁快香港就回歸十年。
由小一至中四，原來已經讀左咁耐書=0="。
對於d人成日問，到底認唔認自己係中國人，我認XD！
每個國家都有自己既優點缺點，中國好多優點，只係d人成日將焦點放係缺點到。
不過，我都幾自豪可以生於香港。信仰自由，語論自由，冇戰爭，冇天災，生活安定。
香港更加俾我地每個人選擇自己既信仰，完全冇逼迫。
係，香港可能有好多政策令市民唔滿意，但始終覺得官員已經努力中。
算吧=v="打左咁多怪野出黎。第一次咁期待7月1日呢日來臨=]
願香港繼續繁榮安定，有更多更多十年，安安佳佳盈盈樂樂係香港開開心心！

「香港特區成立十周年紀念主題曲《始終有你》歌詞」

點點燈火彷彿流螢　照亮百家姓　
成全這小島變巨星 東方跟西方的文明 邂逅了衝勁　
繁榮這裡 遇上安定 明艷紫荊風中爭勝 找對了路徑　
花瓣開得繁盛 人人能力大小也力拼
任誰留下血汗 就是個精英
香港始終有你 (香港始終有你) 讓萬眾掌聲響一世紀

香港始終有我 (香港始終有我) 十萬個驚喜多一世紀
感謝你 小天地 創天地 盛夏冷冬各種天氣　不捨不棄　
才會了不起　香港始終有你

獅子山觸得到長城 血脈裡感應 和諧靠你 賦予生命
明艷紫荊風中爭勝 找對了路徑　
花瓣開得繁盛 人人能力大小也力拼
任誰留下血汗 就是個精英
香港始終有你 (香港始終有你) 讓萬眾掌聲響一世紀
香港始終有我 (香港始終有我) 十萬個驚喜多一世紀
感謝你　小天地　創天地

盛夏冷冬各種天氣 不捨不棄　
才會了不起 香港始終有你 (國︰因為你在這裡)
讓萬眾掌聲響一世紀 香港始終有我 (國︰因為我在這裡)
十萬個驚喜多一世紀 感謝你 小天地 創天地
盛夏冷冬各種天氣 不捨不棄　
才會了不起 香港始終有你

>>July 1, 2007 at 1:27:43 PM GMT+8

2007 年 6 月 29 日 星期五 【清涼】

主已為我預備最好的一切

二哥，生日快樂！希望你既前路，不再迷茫！
努力去實現你想做設計師既夢想吧！

由於Miss去左俄羅斯旅行，今朝早可以休閒地Hea下。
當搭輕鐵既時候，自己一個諗野，夢想帶一個小組會發生既問題。
越諗越多擔憂，越諗就越唔信神！Oh！我要stop啦！
番到教會，暫時放低呢d憂慮！喜樂地面對呢個小組先吧！
大妹妹啦！Money啦！芷「玲？」啦！小文啦！好多人番左黎！
今日破冰我帶，玩「海陸空」，好搞笑唷！特別係Money講浮屍XD
敬拜，感恩神既預備！詩歌對我適合無比=]好Free咁大聲唱！
分享時間清楚知道呢個暑假，唔要游手好閒！要努力更新自己！
特別係學業，係神裡面！要快d養成做靈修既習慣，免得係HKCEE咩都放棄晒！
完組之後，多謝OME家燕Fafa大妹妹你地為我既Camp禱告。
每次遇到問題，果一刻縱然我好多擔憂，好多不知所措既時候...
但總會好快主你就幫助我，安慰我。今日既敬拜，甚至整個小組也Support緊我。
最後那個禱告，確實俾我知道，我將要行既路係窄既，係佈滿荊棘。
但係那條路，唔係冇出口。主必安排一條路讓我走過，而且我絕不孤軍去行！
好！\口/努力面對呢次Camp，一切擔憂組員會有咩反應既，都留到Camp既時候先諗！
今次就全然交俾神！讓我，讓佢地知道神既心意係咩！讓我有突破！

番到屋企，訓左陣就落樓等Michael拎d衫。
夜晚，先發覺拎呢d衫係冇用。好頹呀我！
突然又知道Fashion Show原本既男Model係做番...
咁點呀？要我做多次醜人同Michael講呀...
次次有親呢d活動，都總會出現類似問題。
到底係我呢個班會主席冇用，定係唔關我事？
唉！/口\多謝Michael你既諒解，多謝你一心為4S1。
多謝Kathy你既關心=]我呢個好朋友，多謝你成日係呢d事上既支持。
算吧！忘記吧！我想今次呢個Fashion Show可以留下開心既回憶。

當我以為一切好灰既時候，主出現在我面前。
見到係Camp呢件事，不再充滿憂慮，反而充滿盼望。
可能呢班組員未必好聽我講野，未必可以好投入呢次活動。
不過我要盡力去令佢地團結，盡量融入佢地。
或者我做組長會做得唔好，不過既然已經安排左，接受吧！

「你們所遇見的試探，無非是人所能受的。
神是信實的，必不叫你們受試探過於所能受的；
在受試探的時候，總要給你們開一條出路，叫你們能忍受得住。(林前 10：13) 」
「我豈沒有吩咐你麼？你當剛強壯膽！不要懼怕，也不要驚惶；
因為你無論往那裡去，耶和華你的神必與你同在。(書 1：9)」

>>July 2, 2007 at 12:52:44 AM GMT+8

2007 年 6 月 28 日 星期四 【清涼】

。疲累的一日。

一朝早好忙碌，忙碌到死！唉！同爬爬食早餐，一食大快活佢就肚痛。
之後同Zoe~爬爬搭58X去深水埗買布，原來去深水埗係好麻煩架\口/
等埋陳仲就周街行，基隆街北河街南昌街，條條街都未開！
之後去左一間不知明店買布，象筋，雖然感覺上好似平過置樂...
不過最後都買左百幾蚊，仲要差一塊布+一d繩+一d裝飾未買。
之後去左間珠仔店，買左一堆閃亮亮的珠片+圈圈。
因為時間關係，我要趕番學校開會，所以今日深水埗半日遊就到此完結。

搭地鐵去美孚，再轉搭西鐵。原來美孚西鐵站有間麵包店幾好味=]
係西鐵把握時間休息下，真係好倦呢！不過架西鐵好鬼凍...
番到學校時間岩岩好，準備開會=]個會係關於團契福音營。
OH！睇到分組名單，頹了一段長時間。那刻，我確實冇信心去帶呢個小組。
仲要知道得我呢組冇副組長一齊去面對既時候，更頹！
我知可能神有神既心意，我亦知安排我係呢組亦有目的，但我未過到自己果關。
最後開會由3點開到7點幾，我就快倦到訓著Zzz...
Oh！星期一要去青彼訓練=''=懶得番去唷！仲諗住把握果日快d整多點Fashion Show件衫。

主呀！請你將你的心意清楚告訴給我知吧！

>>June 30, 2007 at 3:34:45 PM GMT+8

2007 年 6 月 27 日 星期三 【清涼】

再見了，期考！

最後一日考試，考完今日算係一半自由。
今朝早3點幾唔知邊個衰人打黎\口/嘈醒我！人家已經夜訓...仲要咁玩野。
6點幾再起身溫書，對眼腫晒啦！好倦唷！！
番到去考Bio(卷一)，死左！做做下好頹，好眼訓！
入面既內容，範圍太大！咩都問d......好鬼難答/口\PHYCHEMBIO死晒！陰公！
之後休息時間，見到大飛，問佢我A.Maths考成點。佢話唔錯，咁即係合格啦-v-"
到考Bio(卷二)，嘩！60條MC=口="點解會有咁多題......
咁多科之中，Bio既MC卷係最差，因為個個答案都太相似，唔知邊個先岩=''=
算吧！考完就考完，死就死吧！最煩就係之外要考SBA！
同Winki+Zoe去添活力，冷氣好鬼凍......食飽飽番去203室寫定d point準備小組討論。
由1點30呆等到2點30先到我考..........浪費時間！\口/
今次小組討論同某姓張+某姓梁的一男一女同組，傾6-10分鐘！
一開始由某姓梁開頭，點知佢一講，講足接近3分鐘...搞到我同某姓張既呆坐！
又唔插得嘴，因為佢過份流暢！話明只可以寫Point，佢就寫成篇文出黎=0="
最後我盡量講多d野+做埋結尾="=分數：18/24！算係ok吧！冇咩點準備都有咁樣，算吧~~

過左考試，又有一大堆野要忙。
忙Fashion Show~忙Choir伴奏~忙團契Camp！

考左兩個幾禮拜試，朝早集隊熱到狂流汗.........
點知上到Hall就俾部冷氣吹到凍死人！一冷一熱，我仲未病，真的太好了！
終於考完所有科！今次期考係就係冇咁大壓力，不過總係覺得溫得唔上腦！
下次要花多d時間溫書，而且今次考試好多地方都有主的恩典！感謝你與我同在！

>>June 28, 2007 at 4:43:37 PM GMT+8

2007 年 6 月 26 日 星期二 【清涼】

最後開通車

今日考Eng Listening，之前仲好擔心會好難。
不過考果陣都仲應付到，只係一路考Lawrence一路做埋d搞笑野。
老毛病又黎啦！做做下Listening又烚著左.../口\
好彩都做得切+有多餘時間剩......XD
之後番到屋企為左死人SBA，睇多次「命運自選台(CLICK)」
又喊Lu。我諗係因為當有d劇情關於要珍惜家人既，我先識喊=v="
好！最後趕功！聽日考Bio+SBA(即會考英文校外評分)
可惜，最後凌晨兩點都未溫完已經頂唔住，晚安了。

嘩！小池徹平隻新碟「Pieces」今日出啦>v<

>>June 28, 2007 at 4:14:27 PM GMT+8

2007 年 6 月 25 日 星期一 【微冷】

父母不在港：第三日

因為今日Only下午番去考Eng Oral，所以尋晚好夜先訓=]
爬爬呀！你千萬唔好係謝師宴之前對我有Feel呀！XD
一朝早就勁多人打黎，唔係搵二哥就搵阿媽老豆...
次次都係佢地唔係屋企，先勁多人搵佢地....................\口/
跟次番學之前又俾媽咪個同事係到摧我拎到荔枝去樓下俾佢，煩！
考之前咁燥底，一陣千萬唔好發火！XDXD
番到去見到Eng Oral個題目，唔太難明，不過有點難講。
最難係有個字好多人都唔識解：Backpacking...完全唔明白！
之後開始小組討論，陳同學開頭開左30秒...開唔到，打眼色叫我幫佢...
第一次咁樣幫人開頭，好古怪...之後另外果兩個同學趕野...好多停頓位。
最後6分鐘Only傾到兩個Point，而且結尾都由我草草End左佢算！
第一次小組討論英文文法錯到七彩...........////////////////////
之後一分鐘講野，問完條問題唔夠3秒就要人講一分鐘，唉！
都算答到佢想我答既野，剩番3秒，都唔算太多啦！希望Amanda唔好俾到我Fail啦！

考完撞到Zoe，去左柏麗同佢還書+食Lunch。
過程中傾埋Fashion Show會買d咩布...其實都唔算要好多種布，冷繩or棉繩就要多！
希望最後唔會買多個$200！我呢個主席會盡量幫4S1慳錢架啦/口\
不過我到依家都未將個設計俾Miss Wong睇=0=又未同佢講用班會錢買布...
聽日要記住同佢講，如果唔係買左先俾佢知，分分鐘俾佢殺左！XD

夜晚阿媽老豆番黎，即刻俾人鬧/口\
話我唔洗碗，搞到好臭！一早講左二哥洗Ma！次之都鬧左我先！
之後黑面冇Mood，點知落街食飯同佢地兩個自己鬧交！
感恩！最後大家都冇事，冇再黑口黑面=]！下次態度要好d先！

>>June 27, 2007 at 5:22:11 AM GMT+8

2007 年 6 月 24 日 星期日 【清涼】

父母不在港：第二日

朝早6點半醒左，好眼訓Zzz......今日考Chem，又死左！
LONG Q比想像中難，已經好努力去做，冇法子！下次再努力。
MC 較為易少少，而且有一條，都唔知算唔算伍Sir俾貼士XD！
希望總分可以合格啦！如果唔係我會好傷心/////////////////

夜晚得我同二哥煮飯，原本煮雞皇飯，點知煮果陣先發覺屋企冇忌廉雞湯。
只係得番粟米蓉湯......算吧！依照煮！點知當切開d青椒T_T"入面爛晒！
好恐怖！以後唔買平野！還是惠康對有一點信心！嚇死小知！
雖然唔太好味，不過冇食到我地兩個肚痛，即係唔會食死人！XD

今朝早當值既時候，俾一隻惡蚊咬！
搞到考果陣超痕！係冇祈禱既情況下，半個鐘唔洗冇再痕=]感恩！

>>June 26, 2007 at 10:25:26 AM GMT+8

2007 年 6 月 24 日 星期日 【清涼】

補充2007年6月24日既日記：

Levine=V="隻蛋係我二哥扮醒係個洗碗盤附近打蛋...
諗住一列開就放落個煎Pen到...點知一打就成隻蛋原好無缺跌左出黎......
由於個洗碗盤感覺上太唔乾淨=0=所以最後呢隻蛋係俾我沖走左.......

>>June 26, 2007 at 3:06:59 AM GMT+8

2007 年 6 月 23 日 星期六 【清涼】

父母不在港：第一日

唉！老豆媽咪番左內地「大朗」間算係祖屋摘荔枝...
跟住聽日佢地又跟團番內地，兩日一夜...即係有三日冇人煮飯俾我食。
真係可憐！一朝早好燥！因為佢地又唔寫低d錢放係邊，電話係咩\口/

星期日既朝早，都好耐冇同大妹妹做守望。
係屯門泳池行番去教會，嘩！流晒汗！朝早都咁曬/口\
今日傾左好多野，感覺唔錯。要突破同朋友+家人間一點唔願多分享自己信仰=]
崇拜有點倦，不過仍然支持得到。果首希伯來文既詩歌...有點難唱=''=
下午自己食飯...冇Mood！！好悶好悶好悶！Hea得太耐，所以溫CHEM溫到好夜！
原本以為今晚大哥二哥都唔番黎食，點知最後二哥番左黎。
煮通心粉食，簡單，卻一點也不難吃。
夜晚老豆媽咪番黎，有點火仍存在。態度不太好呢！SOR>"<



我怕自己一個人食飯，太孤單寂寞。
但感恩唷！主知我的感覺，最後二哥都番黎食。
雖然好普通一件事，但夜晚我好開心。

>>June 25, 2007 at 2:14:00 PM GMT+8