2006 年 9 月 7 日 星期四 【清涼】

無聊。開會。虛脫

今朝早頭兩堂真係超級無聊.....上Hall聽阿Sir講上年做問卷既數據。
T_T講足一個鐘，想唔烚眼訓都難啦！好彩有Maggie係隔離KukuKu......
跟住Maths堂黎Sir又冇番-0-"...唉！一堂變左中文堂，一堂變左自修堂。
到Chem去化學室既時候，分組坐....同K.C&暐&陳仲文2號。真係好好笑-v-"

Lunch去左小聖堂開會，今日懶得出去買飯，買左份三文治食。
傾左今年既主題，9-12月既週會主題，9月兩次既迎新日。
我算係被人逼左要諗10月其中一個禮拜既週會...其實我想11月先做，因為考完6級試。
但係好快俾人搶晒11/12月既週會，想唔做10月都唔得/_\"算數！我討厭樣樣野都要做得咁「急」！
主題好似係：你最著緊的是什麼？我可能會用上次小組慶典睇果隻「戀愛，亂愛，真愛」VCD掛。

跟住上Chin堂，時間過得極快-0-"......不過真係好悶Zzz...
到Phy堂，謝Sir教得唔錯，只係真係講得好快。我同K.C都唔停抄+聽，真係一落堂就虛脫。

>>September 11, 2006 at 11:51:54 AM GMT+8

2006 年 9 月 6 日 星期三 【清涼】

Today冇咩特別，Only想提團契開會。
今日Lunch去小聖堂開會，傾左職位&其他活動。
呢一年職位唔同左，變左做司琴+聯絡，有點失落，不過我信係神既安排。
或者我唔適合做副團長，但再次係司琴......點學點練，我都未做到可以見譜即彈。
突發事件要唱詩歌既時候，又要清唱？希望跟阿Wing學琴可以再學多d野。
只係老師&同工都好著重青彼職員Summer既訓練......我唔知點解有點唔開心。
好似搞到我特別唔同，特別註明冇上過呢d訓練。難道是難堪？
Anyway，我好愛依家既小組&教會，即使我冇參加呢d訓練，唔代表我負擔唔到團契既工作。
因我信神話得俾我聽，要繼續係團契工作，我一定負擔到。

呢d感受，我唔想再係我腦海中浮現......想快d投入+主動，想同職員熟d。
相信神的工作，一定會保守我的。或者呢d就係之前阿Fa話團契會睇到我另一d性情...好！我要改變+更新生命！
雖然係就係有一d感受令我唔開心，不過我唔想同上年一樣，一d進步都冇。>V<"THZ MY GOD！

>>September 7, 2006 at 2:43:19 PM GMT+8

2006 年 9 月 5 日 星期二 【清涼】

困難。尚且。感覺

朝早真係好熱/_\可唔可以唔集隊呀...？
頭兩堂上Bio，做完走火警練習之後Miss又係教做筆記。我想快d教書...-v-"
Bio之後係Maths，今日教一元二次方程。真係教過咩？不過依家都尚算識做，唔錯！
English堂上Mrs.Patter既Oral堂，佢真係想同我地Close d！呢堂幾Engjoy！

Lunch同Kathy去左奇昌，係M記洗手間見到恐怖野=0="驚驚唷...
跟住中文上左幾日堂，始終中文係令我覺得最眼訓既堂。
最後兩堂係Chem，今日伍Sir講化學係學d咩.....
一路講就一路提出一大推我唔識既詞語，E.g負離子，離子化合物...咩黎架T_T"
放學之前我對佢寫既化學式唔明，阿Sir講完都係唔明，不過佢話遲d教就會易明d。

「縱然我知道這感覺不屬於神，但這感覺卻想想浮現在我腦中。
害怕 / 主動 / 感覺...，很多問題我需要去解決。我應如何面對？」

>>September 7, 2006 at 2:02:28 PM GMT+8

2006 年 9 月 4 日 星期一 【清涼】

感覺。重聚。元素

今朝早朝有週會，又冇得上Phy堂！仲要禮堂好熱.....
週會都係講下新一年有咩課外活動...戲劇組/_\點解會改左星期五上堂架？
雖然唔會玩戲劇，不過我都係鍾意佢地星期一上堂...kaka！
班主任堂之後上Chem，伍Sir真係唔錯！不過Chem真係好似好難讀咁！Levine呀！點算呀？
雖然未正式教書，不過就要開始背元素週期表......有咩方法易d記熟呢？
之後Maths堂，原來第一個印象不能作準。黎Sir話到明我地HKCEE MATHS Pass唔難...
不過佢不停話唔好浪費佢既時間=0="唔識都唔敢問佢啦......I Think佢會教得OK既。

Lunch去左小聖堂同新舊職員食飯，感覺好怪。咁多職員，Only我同佢地唔同教會...
好似傾計多數About自己教會活動......而且「點解要作出比較呢？冇得比架喎！」
今年連福音周都CUT，咁遲d咪連團契都CUT埋？「我要投入點吧...」
之後懶得衝上六樓拎筆，直接去左202室上Eng。今堂基本上冇教過野...聽日先Start！
最後Chinese，冇咩特別，好快過左1個鐘！番屋企！
搭輕鐵遇見Shirley & Feli，今年你地讀Eng辛苦啦/_\
去到良景同Shirley一齊去影學生相>>買File>>買Notebook>>買麵包>>番屋企！

氫>>氦>>鋰>>鈹>>硼>>碳>>氮>>氧>>氟>>氖>>
鈉>>鎂>>鋁>>硅>>磷>>硫>>氯>>氬>>鉀>>鈣......

>>September 5, 2006 at 2:51:07 PM GMT+8

2006 年 9 月 3 日 星期日 【乍寒還暖】

酷熱。主席。生物

今朝出門口番學校既時候，勁大雨，有遮都濕晒。
雖然唔洗集隊，但係上到班房真係熱死人。部冷氣+風扇都係冇用的......
上年603使用者太過份啦！搞到班房locker爛晒，依家都係隨便用住一個ja！

跟住選班會成員，無奈......
Walter男主席，我要做女主席T_T"我討厭！
天台...要做財政kaka！文書Sam Hui！其他自己估！
班主任話，今個禮拜開會諗下Christmas Party有咩活動...唔係ma！依家先9月ja！

之後正式上堂，首先中文。個TOY老師冇咩好感，亦唔覺得差。
只係佢第一次上堂就狂講中文會考，我唔太鍾意而已。
跟住基教堂，莫Sir又講電視劇啦...今次係「女王的教室」。
佢講點解要讀書，為左d咩！之前有諗過，依家冇諗。雖然值得反思，不過佢講到我想訓！
LUNCH同KATHY食椰林，好耐冇去，服務差左......算吧！
到Biology，個Miss我覺得唔錯！起碼佢叫我地上堂自己做筆記，真係想做。
而且佢俾我感覺會教得幾好，仲話跟住佢既讀法+上堂聽書，會考Pass唔難......=v="
English同4C Group6既同學上，都係講下會考點考+點樣學好d英文，冇咩特別......

「要努力...=v="唔要懶惰！」

IVY ：Happy Birthday！

>>September 4, 2006 at 3:59:16 PM GMT+8

2006 年 8 月 31 日 星期四 【微冷】

2006-2007年度開學日

9月1日，我都唔知我今朝咁早起身做咩。
食完早餐仲有時間係屋企呆下呆下，跟住就同Shirley番學。
番到學校見番好多人，個個都好似唔同左樣。Kathy呀！你要食多d補血既食物啦~~

袁Sir照舊講廢話，又係到教我地點樣睇升旗禮，救命！
係操場曬足半個鐘先上得Hall..........熱死左。今日有崇拜，「天地讚美」好好聽。
不過有點兒悶.......特別係校長講野，包保全校都冇三分一人係聽緊！

之後上得班房，仲悲哀......603室！行死人Lor！學號，第一次去到39號！好似同貓婷一樣。
班主任王逸韻+蔡xx，Miss Wong都話ok，個蔡Sir成日係到講咩First Impression，好煩！
再悲哀d既係，全班41人，31個男仔+10個女仔，陽盛陰衰。第一次極度不平均......
而且俾Miss篇到我同Kathy坐門口邊既位，好焗呀！好想坐番窗口邊。

睇番d時間表......仲令到我想死..../_\
PHY=TCY=謝從意？Maths+A Maths=LMS=黎敏生？化學=NGG=伍展強？
Phy同化學如果真係呢兩個老師都OK既，但係如果Maths+A Maths.....係LMS教，我想死！
冇法子，First Impression俾我係極差=0="......好驚呀！千奇唔好係佢教呀！

不過算數！新開始笑住黎面對......忍！

「新開始，新感覺。」

>>September 1, 2006 at 1:58:16 PM GMT+8

2006 年 8 月 30 日 星期三 【清涼】

心碎。完結。開始

暑假最後一日，好唔捨得=0="開學啦！開學啦！
今日竟然係我覺得係完左Drama之後，算係好充實既一日！
因為今日除左做暑期作業，我仲一次過包晒所有書，係咪好勁呢？
新學年開始，諗下新學年既目標先.........
好掛住同學，好掛住學校，好掛住....屋企張床>"<！

「心碎了，但心仍舊會跳，日子總要面對。」

做唔到你既知己朋友，都想做個會關心你既朋友！

>>August 31, 2006 at 3:18:43 PM GMT+8

2006 年 8 月 29 日 星期二 【清涼】

換領。將近。形象

今朝早去左換智能身份證，又再一次證明.....肥人影相唔好睇T_T
又要對住張唔靚既身份證四年，算！等我成人影張靚d既-V-"
跟住出去學琴，得番兩個月就要考琴試，開始驚驚地......
學完就搭車番盈豐剪頭髮，今次都剪得唔錯，希望D頭髮長快D啦！

唉！暑假完啦，7月好忙碌，8月好得閒。

「突如其來的失落感！」

俾邊個TAG中：Winki

A. 5個理想伴侶既條件
1 )成熟既基督徒=v="即刻...愛神大過愛女朋友
2 )一心一意，絕對唔花心Kaka...
3 )應玩既時候玩，應認真既時候認真
4 )考順父母
5 )我開心Or唔開心既時候，都會好關心我

B. 10個會令你憎1個人既理由
1 )經常性爆粗.....
2 )亂講是非...
3 )暴力狂
4 )串嘴
5 )做出一d無聊事
6 )嘩...10個太多，我諗唔到啦

C. 對傳呢份問卷比你既人既印象 (5個)
1 )大喊包
2 )成日唔同我講唔開心事
3 )唔夠我高Kaka
4 )幾可愛
5 )好多事煩

D. 你覺得身邊既人覺得你係1個點樣既人 (5個)
1 )認真掛
2 )識關心人掛
3 )肥！T_T"
4 )情緒化掛
5 )成熟=v="

E. 自己喜歡既個性 (3個)
1 )開朗掛
2 )成熟掛
3 )認真掛

F. 相反，討厭既個性是: (3個)
1 )情緒化掛
2 )勁懶......
3 )懶訓.....>"<

G. 自己想成為既理想類型:
勤力既人........

H. 給關心自己既人大喊1句吧：
Thanks A Lot！無論開心唔開心，總有你們在我身旁。Kaka！

I. 那麼,把問卷傳給你最想知道他們對你的感覺的10個人:
傳完，都唔係個個做T_T唔傳啦！

>>August 31, 2006 at 8:17:05 AM GMT+8

2006 年 8 月 28 日 星期一 【清涼】

眼訓。休息。相片

今朝好遲先起身，因為尋晚夜訓。食左個麵就出去.......
下午番教會上暑期最後一堂既基要班，今日講完祈禱同埋開左課新既聖靈。
呢課對我黎講，實在太多問題。因為我對聖靈真係唔太認識，原來聖靈=神自己。
要學習下祈禱由聖靈帶領 & 聆聽下聖靈溫柔既聲音！仲要試下日常生活都試下求神。
傾傾下，我問榮基點解教會之間要分靈恩派or福音派or其他派，神想教會要咁樣分咩？
『我的意思就是你們各人說：「我是屬保羅的」；「我是屬亞波羅的」；「我是屬磯法的」；「我是屬基督的」。
基督是分開的麼？保羅為你們釘了十字架麼？你們是奉保羅的名受了洗麼？(林前1:12-13)』
其實，無論係咩派，都係屬基督。我幾鍾意今日傾既野.......

之後去左搵彤彤上我屋企，整番之前去camp果d相。跟住落左樓下晒相 & 買野。
做功課。做功課。做功課。做功課。做功課。做功課。做功課。做功課。

「想放棄對你的感情。」

百事可樂福音營---相片後補

Get Your Own! | View Slideshow

2006 年 8 月 27 日 星期日 【清涼】

解決。功課。多情

今朝左約左Fafa陪我買書+買背囊，辛苦你啦=v=要陪我呢個煩人！
去左元朗光明書局買書，依家差一本未出版既英文書就買齊啦！
點知去到元朗廣場Laosmiddle間野未開，所以去左KFC食早餐。
今日好開心，因為第一次咁樣同Fafa去街。而且感恩既係佢真係Open左，知多左佢好多野！原來阿Fa你咁為食架！
之後去左馬拉松睇背囊，見到個紅色既Outdoor，個款幾好，不過驚唔襯我。
但最後Fafa話要果斷d，所以買左lu=0="不過我都幾鍾意，而且價錢ok ma！

番到屋企網上行既人黎左整上網既野，好快搞掂！有得上網啦>V<"
夜晚得我同二哥食飯，佢整既飯...生既！我煮既菜湯...冇咩味既！兩個都咁失敗，哈！
我今日好勤力做下D功課，希望做得切啦-0-"........兩點幾先訓，好倦呀T_T



>>August 29, 2006 at 11:04:37 AM GMT+8