2007 年 1 月 7 日 星期日 【乍雨乍晴】

考試，正式開始

中四第一次考試今日開始，沒有預期中咁大既擔憂，感恩=]
第一科考中文卷一(閱讀理解)+卷二(作文)。
卷一都有少少難，有d直情唔太知點答，不過都做晒。
卷二我放棄左作記敘文+說明文，因為兩個題目我都冇把握寫得最好。
最後寫左一封投訴信+短評，除左投訴信格式會被扣少少分之外，都作得幾滿意。
作作下好High...因為隔離Neway播歌播得勁大聲~~有滄海遺珠啦~笑忘書啦~三角誌啦~
如果次次作文都有歌聽住...都唔錯=]聽聽下仲諗下一首幾年前既歌...

每一個明天　－　陳奕迅
(http://www.snapdrive.net/files/115737/7965909.mp3)
結伴創將來　多麼的美 你的路　我的途　再也不分己與彼
有浪有風來　不捨不棄　每一明天也贈你

未懂占卦　也不懂命理 卻可先知我們　同步註定了不起
若我不普通　變得堅毅無忌 幕後有一個最大原因：因為你

每望向將來　都找到你 我所夢　我所期　全部喝彩因你起
你是我將來　不捨不棄　我的明天創自你

沒仰天觀星　看星宿日記 無問獅子雙魚　前面有沒有驚喜
一早知　幾多風吹與飛 活著也很快樂　自尋到你

天佑我的愛人　給她永遠笑聲　並常對她偏愛
天佑我的愛人　有她不再覺得生命無奈　敢愛

未懂占卦　也不懂命理 卻可先知我們　同步註定了不起
(若)我不普通　變得堅毅無忌 並沒秘方這是純因你

*天佑我的愛人　這日　明天　一世　把她寵愛
天佑我的愛人　有她不再覺得生命無奈　敢愛*

Repeat *

你是我將來　不捨不棄
每一明天愛著你

>>January 10, 2007 at 9:54:21 AM GMT+8

2007 年 1 月 6 日 星期六 【乍雨乍晴】

海猿

故事大意：
仙崎大輔（伊藤英明)熱愛海洋，他渴求走到前線對抗海難和保衛日本海上安全。他跟優二（海東健康）、工藤始（伊藤淳史）等14位海上保安士參加了50日的進修潛水技術課程。在艱苦的訓練中，磨練出更強的鬥志及深厚的友情。長官把大輔和工藤始編成一組，工藤始往往為大輔添麻煩，儘管如此，他們仍互相照顧。 在訓練期間，仙崎大輔認識了雜誌編輯伊剺環菜（加藤愛），發展出一段感情。 一日，工藤始因突發的意外而身陷險境……

《海猿第一擊》真係超好睇>v<好鍾意佢個故事...突然好想睇《海猿》既漫畫同動畫！

而且仲想睇佢既第二套電影：《海猿2︰愛之界限》
劇情：危急狀況下愛的救援

海上安全廳潛水員仙崎大輔（伊籐英明飾）在鹿兒島的第十管區作為緊急救援隊員活躍在海難救助的最前線。一邊和他的戀人伊澤環菜(加籐愛飾)憧憬著未來，進行著遠距離的戀愛。在工作中經歷了各種事情而漸漸成長的大輔，深深的理解著困難和痛苦。這也正是他與女友之間產生隔閡的原因，心中搖擺不定。在這個時候，鹿兒島海面一渡口畔大型的觸礁事故發生了，大輔以及隊員吉岡哲也（佐籐隆太）等等急忙趕往現場，看到驚人的一幕——海水已經開始以驚人的速度漫入傾斜著的船體。而相當於9層樓高的船內裝載著195台車輛，一著火就會引起大爆炸，船上緊急狀態用的設備已經全部破損，船上的620名乘客已經開始恐慌，其中竟然還有偶然上船的環菜的身影！四個小時後，船體已經開始沉沒，到最後關頭還沒有死心依然進行著援救的大輔，主動要求前往最危險的界限。大輔帶著勇氣，力量，和愛，以及所有的信念進入將要沉沒的船。於是他的聲音，呼喊著他的名字的環菜和同伴的求救聲，逐漸消失在爆炸聲中……


>>January 8, 2007 at 2:20:06 PM GMT+8

2006 年 12 月 31 日 星期日 【乍雨乍晴】

2006年過去...2007年新目標

2006年曾訂下的目標，只有4分之3能實踐，但當中包含很多開心事=]又回顧下先：

A)人生第一次關於運動既獎牌...女乙鐵餅拎既銅牌
B)情人節=校際戲劇節.....《轉死性》
C)校際音樂節分別取得79及84分
D)欣賞了一套好深刻既音樂劇《橋王闖情關》
E)為左中三班際戲劇比賽辛苦，亦是第一次做導演...最後拎到第一名=]
F)在教會第一次被傳道人指責我的時間管理不好，雖曾忿怒，但後來感恩神讓我改變
G)人生第一次拎獎學金：李沛穎先生獎學金(傑出宗教服務獎)
H)中三全年全級總名次：第五名，以及升上4S1(理一)
I)第一次參加團契Camp及做副組長(密組)：百事可樂福音營
J)戲劇馬拉松V--《Good Show》：《最受觀眾歡迎整體演出》及正式完成戲劇學習，三年總共演出了9套劇
K)人生第一次做了班會主席，責任多多...
L)開心渡過15歲生日，亦開心收到「你」的SMS
M)Singing Con 4S1最後於決賽落敗
N)人生第一次患上腸胃炎
O)於陸運會得到女乙鐵餅銀餅及Prefect 4x100接力銅餅

仲有數之不盡的小事，雖曾有唔開心既事發生，但已成過去，不再想！
「忘記背後，努力面前的，向著標竿直跑 。」
新一年...所訂下的目標，我不知是否神安排給我的目標，但也沒有太大所謂！

有關學校，不論學業or事奉：
1)考試/測驗科科合格及全班12名內
2)於團契中學習為學校禱告及盡力做好副團長這職位
3)在學業上完全交給神及相信神的帶領，即是不在經常擔憂成績

有關音樂：
1)每星期最少有五日練琴及每次最少1小時
2)努力為7級琴試作準備

有關自己：
1)每日午睡不能超75分鐘=]Kaka
2)12:45前要上床Zzz...Zzz...
3)忍耐身邊的人的不好行為，少點火爆
4)每星期抽時間關心組員及新朋友

有關信仰：
1)每日做靈修，而且2007年要完成新約
2)每晚臨睡前15分鐘敬拜與禱告，增加與神相交的時間
3)於小事訓練對神的馴服，亦即是凡事也要神參與
4)切實跟隨早前與大妹妹寫下的Time Table

「神是最重要的，比任何事更重要；我可以放下一切，唯獨怎也不能放下你。」
雖然不能承諾每一個目標也能實踐，但有關信仰的，我會盡全力。
我不再想我的信仰生命渾渾噩噩，以及我想2007年能學習聆聽神的聲音。
「甚願你賜福與我，擴張我的境界，常與我同在，保佑我不遭患難，不受艱苦。(歷代志上4:10)」

>>January 7, 2007 at 10:01:12 AM GMT+8

2006 年 12 月 30 日 星期六 【颳風】

2006年...

2006年最後一個崇拜...講道提到要選擇生命...
2007年我將要選擇一個如何的生命？
最後崇拜完之前，陳牧師提出榮基3月離職宣教既事，十分意外。
雖然同榮基相處時間唔長，但上次被佢當面提醒(係鬧我先岩-v-)...
深深記住了...感恩，我不是一沉不起，而是改變。
還有3個月，時間還在，需要好好珍惜。

之後2點開始係除夕感恩聚餐，第一年參加。
一開始寫了很多感恩的事，但...不知為何好像每一件都很普通。
或者我今年的生活讓神參與的不多，今年過得不太豐盛。
到敬拜...起初有點兒疲倦，但後期頓時變得十分精神=0="
當唱到最後一首詩歌...：
「你同在 就似恩雨澆灌我 充滿我這生裡 時刻呼吸氣息
你同在 就似恩雨澆灌我 每一處我所到 求傾倒你同在澆灌我
你的愛 難述說喜樂 在我心靈內湧入 容讓我心 得更新與安穩 在你裡面 在你裡面」
我安靜去聽...去聽神有否對我說2007年的目標。
可惜，我聽唔到！一句說話，一幅圖片，一段經文，全部都冇。
呢一刻，好想喊。唔知點解今年總係覺得呢個信仰唔真實...
到同阿Fa分享，已經開始忍唔住喊出黎。多謝你阿Fa...我明白的。
我相信神唔會放下我，我相信神會讓我知道07年目標。
先先要改變唔做靈修，懶禱告，要增加與神相交的時間=]

之後睇一套戲《魔幻王國：獅子‧女巫‧魔衣櫥》雖然睇過兩次，但還是咁感動=]
「如果有誰，他本身沒有做過叛逆的事，而願意代一個叛逆的人受死，
石桌就會斷裂，死神也不接受這代替者的犧牲。」
「耶穌說：「正如人子來，不是要受人的服事，乃是要服事人，
並且要捨命，作多人的贖價。」（馬太福音20：28）」

完埋聚餐就番屋企，呢個活動雖然成6個鐘，不過原來一d都唔長...=]

>>January 2, 2007 at 8:10:02 AM GMT+8

2006 年 12 月 29 日 星期五 【乍雨乍晴】

遠方、流盡淚水的地方

一公升眼淚終於完結，一直以為不會哭...
結局令我的眼眶不斷充滿淚水，不斷落下...(但被廣告導致時哭時停)
原來我會感到亞也既悲痛，卻不會落淚。
但我會因為她身邊的人所說的話及行為而哭...
人生，我們不能掌管。但我們能選擇過一個怎樣的人生。
「你要為了自己的人生而努力活下去」
要好好珍惜現有的事物，不要後悔，要無悔一生！
「我們為什麼而生存？」我不知道，只知我要令我人生豐盛。

>>December 30, 2006 at 3:33:52 PM GMT+8

2006 年 12 月 21 日 星期四 【乍雨乍晴】

Sport's Day...2nd

第二日Sport's Day，又係自己搭車！係Sui Hong撞到Vice Head P，同佢一齊搭~~
好像識左佢咁耐，第一次咁樣傾計=v="...媽咪朋友的兒子，關係真複雜。
朝早當值，嘩！周圍行，又要揹住個重重的袋，好倦。
下午要跑Prefect 4x100，同鄺Sir講我第一次跑接力好驚...佢用咪大聲講唔洗驚="=俾佢嚇死左。
我跑第一棒，衰左...重心低左，差少少跌低，感謝神...保守。
由於我跑得慢，要阿媚張暐Micmic狂追，辛苦晒！最後意外地拎到第三...多左個接力銀牌=]
我地G組4個人跑接力，3個人唔舒服.......真係辛苦。感謝神你祝福。
終於完左兩日Sport's Day，今年冇上年咁悶，可能參加左3項活動=]幾充實。

走果陣見到Winson，原來佢特登番黎...之後同佢+蕭羽飛搭輕鐵走人。
一路搭一路肚痛，我諗我既腸胃炎嚴重左啦！打去診所掛號。
睇醫生，醫生話我腸神經好敏感，一食野就肚痛，要俾藥我去放鬆...
睇完買左d野食，食完再食藥。死頂行番去良景...嘩！果段路係我人生中最辛苦
真係好肚痛...行幾步要停下，點解我撞唔到熟人俾我扶下？
番屋企再休息...聽日唔學琴+唔番小組，留力去夜晚既全城同慶聖誕！

>>December 30, 2006 at 11:57:30 AM GMT+8

2006 年 12 月 20 日 星期三 【乍雨乍晴】

Sport's Day...1St

第一日Sport's Day，搵唔到人陪我搭車...自己搭！
去到元朗大球場，好凍=0="朝早唔洗當值...休息休息。
最唔鍾意校長第一日既訓話...無聊+不貼題。正式開始比賽，未夠鐘，休息多陣......Zzz。
跟住到10:30，去左參加女乙鐵餅...今年比上年多人左，11個人。
嘩！幾驚入唔到決寶=]幸好都俾我入到...
好快擲埋3次就走佬去參加女乙鉛球...我想快點知結果！！
你做工作人員="=好大壓力...好想走佬唔玩...但不能！
擲第一次得左...不過遠離其他人既擲點。可惜之後第二擲唔小心隻腳踩出界-0-衰左。
第三擲又係差d隻腳踩界，本能反應用手掂地，又衰左。好彩第一擲遠，俾我入到決賽。
跟住要擲多三次，點知擲完第一次之後，俾司令台Call我番去。我要求一次過擲埋兩次就走佬。
太好啦！我拎到女乙鐵餅銀牌(擲到13米幾)，比上年勁左遠左。Good！至於鉛球得第七，都唔差=0="

下午同Kathy食完飯，佢早退。我要當值...同阿余行來行去，倦死左！

>>December 30, 2006 at 11:46:38 AM GMT+8

2006 年 12 月 19 日 星期二 【乍雨乍晴】

人生第一次腸胃炎

朝早頂唔順，去睇醫生...
Oh！人生第一次腸胃炎，難怪我食咩都想屙啦！
幸好今日係教師發展日，但聽日一定要捱到番Sports Day~~

冇人幫手整班既裝飾，只好我一個人做...班會主席=雜務！悲哀...
整到成點幾先搞掂...今年整左每人一隻翼，代表輕巧...夢想...飛翔=]
雖然冇咩特別，又唔係咁靚~不過總算有我所付出既努力，希望同學唔好咁多聲出。

>>December 30, 2006 at 11:35:58 AM GMT+8

2006 年 12 月 18 日 星期一 【乍雨乍晴】

付出後的結果

早上起身，依舊感到不適。但仍為Christmas Party整朱古力石頭蛋糕...
可惜失敗，應該係我懶，用Double材料整既時候，份量掌握不好。
不敢拎番學校俾同學食=0="免得佢地與我同一命運！肚痛~~~

今日便服日+Singing Con+Christmas Party........好凍=]
社際Singing Con我坐左係樓上，一直肚痛...最後頂唔順去Toliet。
今年水準好高，可惜年年認為會拎獎既，都拎唔到...
到班際，沒有期望，只等奇蹟。全班一齊係台上唱「We Are The World」...
雖然沒有新增甚麼特別動作，只將Solo既大部分轉為全班唱。
不特別，卻終於有一刻齊整。我期待的就是這麼的4S1！
畢業班好努力唱，好努力演出，Good Show...將要與相識的中五中七朋友分別，難離難捨。
最後7S>>7A>>4C，中七真係唱得好好=]只是一完即刻俾人串，感覺不好。

番到班房，仲係肚痛...Miss唔理我話等差唔多齊人先開始Party...
算數！冇心機食野...食左少少就已經Stop左。辛苦Walter帶Game...好搞笑=]
還是喜歡玩扑傻瓜！Sam Hui太掛住潘詠欣...竟然叫左佢個名，抵佢輸！
最後抽獎...係Miss玩野定咩呢...送左份保險贈品俾我。難得抽到我...可惜可惜！
完場得幾個人幫手清理班房...失敗！唉="=識食識玩唔識做野...

夜晚勁辛苦，一食野就想屙......頂唔順=0="唯有頂到聽日去睇醫生。

>>December 30, 2006 at 11:32:19 AM GMT+8

2006 年 12 月 17 日 星期日 【微冷】

誰是這節日裡的主角？

一朝早為聖誕崇拜預備，很累。
雖感到一點點恐懼(因為要由Hall門口進堂)，但也順利完成。
講道...比教會的，更沉悶+更長時間。

Lunch依舊留在課室食那開始感到不好吃的添活力...為的就是把握時間練歌。
怎料在下午開始覺得身體不適，整日不是想嘔就是有點肚痛。
捱到回家，沒有胃口吃晚飯，休息+休息..............

【誰是主角】

在這燈飾璀燦都市中，耀眼燈飾彷似千串夢，
凝視每串夢裡的景緻，晚空裡飄送，
誰是這節日裡的主角？你懂不懂？
他身穿紅衣，還是身穿粗衣麻布？
他靜靜降生人世，還是以雪車到步？

萬闕歌聲喧染都市中，沒有一首可以稱與頌，
旋律佈滿玩笑的音韻，晚空裡飄送，
誰是這節日裡的主角？誰又會懂？
他輕聲溜走，還是應許一生懷抱？
他賜予百千玩意，還是賜與眾恩典到老？

2006年最後一個上課日，由中三變中四，實有太大轉變=]
因為唔可以隨便係堂上Zzz...唔可以隨便係堂上玩，如果唔係聽唔明老師講咩。
太吃力，但仍可面對。06年將過，07年會是一個怎樣的一年？

>>December 30, 2006 at 11:21:34 AM GMT+8