2009 年 9 月 7 日 星期一 【晴】

今朝遲左到，好激氣．．．已經早左出門口，但係落到去，痴線架，等村巴條挛長到丫，我最後搭唔到我想搭果班，要遲多十分鐘．．．加上，又塞左陣車，所以遲左到，遲左十分鐘．．．好在今日十點先開班，哈．．．

唉．．．今日展翅終於攪掂，但係，只係完左一次咋，陸續仲有得黎，哈．．．只不過暫時完左份報告，可以鬆一鬆一口氣咁，但係工作陸續有黎呀，想死．．．完左個班，五點幾仲要再返番去中心執埋D手尾，最尾雖然好累，但係都要攪埋佢，最後五點八都頂唔順走人了．．．一上村巴係咁訓，真係醜怪，隔離個男仔要落車，叫左我兩次我先知，哈．．．樣衰到爆！

返到屋企都好累了，真係訓左係度咩都唔想做，只係覺好餓，所以食左好多飯，哈．．．肥死！近日，磅數終於又輕左D，而家都係AROUND 94-95磅，SO GOOD呀！希望繼續KEEP住落去啦．．．

>>September 8, 2009 at 3:18:30 PM GMT+8

2009 年 9 月 6 日 星期日 【晴】

wow~ 今日想死，係做到想死．．．一朝早就繼續做我既報告，之後，報告都未做完，就要準備我下午果兩堂既小毅進生活教育堂既野，唉．．．同一時間，又要準備明天展翅教班既野，仲要係全日兩個topic囉，痴線架，人都癲呀！想死．．．唔係，係死左．．．

lunch時，同左A仔傾電話，講番琴晚賣樓既事．．．其實，我覺得係一種恩典，真係好感恩，因為能夠賣到樓，真係一件好事，至少A仔既負擔唔洗再係咁大，加上，難得而家好價，又賣得出，當然係好事啦．．．所以，真係好感恩！而家心情有點大起大落咁，又驚又喜．．．琴晚無啦啦成晚發夢，夢境好零零碎碎咁，不過所有片段都見到自己同A仔一齊，但係場地就好陌生，而且中間亦見到好多識既朋友出現．．．A仔話我可以日有所C，夜有所D喎．．．我唔要C同D得唔得呀？哈哈．．．

完左兩堂生活教育堂後，把聲開始好沙，真係發覺要有個咪先至得喇，如果唔係點捱足一年？跟住就要趕住整我明天展翅既教材，想死，什麼MANUAL等如無用，咪又係我自己做過晒？！搵笨．．．垃圾！跟住學校都唔比我留得耐，唯有回家繼續．．．做到八點幾，終於完成左報告同埋展翅教材．．．唉，好吃力的感覺，好累．．．差點連飯都沒力吃．．．哈．．．媽媽今晚買左粥返黎食，都食到少少既．．．

跟住，九點半又出門口去接A仔放工，一齊入元朗，原本諗住計劃下D家私點攪，點知最後咩都冇做，哈．．．都好，我好累了，無論PHYSICAL同思想上都想死，太累了．．．什麼都唔想做同諗喇．．．

>>September 8, 2009 at 3:09:59 PM GMT+8

2009 年 9 月 5 日 星期六 【晴】

今日好早起喇，八點鬆已經起身，好在都早返到教會準備，唔洗好似上次差點遲到，論盡到爆，又熱又趕，想死．．．

完左崇拜，就係教友大會，真係好悶，哈．．．我不知幾想走，不過．．．算吧！完左之後，爹地留係教會點票，我同媽媽出左去食野．．．我地先去左行一陣，我地行左去禮頓道間AGNES B，我見到A仔送比我生日禮物條頸錬，原來好貴的，我真係好感動之外，亦都為A仔個荷包肉赤．．．其實，真係唔洗送咁貴既野比我，不過．．．真係好開心，感到佢好錫我！之後順手問埋AGNES B FLORIST整結婚花球既價錢，仲有有冇可以整鮮花頭飾，點知係冇我心目中想要既野，而且價錢都好貴，所以決定都係去番花墟果度整囉，慳番D嘛，雖然媽媽話佢送個花球比我，不過都唔可以咁貪心，我相信花墟果度都應該做到我想要既質數既，得閒要去睇睇先得．．．

跟住，我地再行左去食野，去左利舞台附近一間越南野，好似叫香葉？！都唔好食既，而且間野又殘又舊，員工服務又差．．．真係食一次夠喇，唔會再去食．．．跟住，同左媽媽行左去IKEA，因為媽媽想拎佢本2010年介紹．．．順手睇左好多野，因為個心成日諗住如果A仔賣得成層樓就要買家私，而家睇定都係時候，哈．．．真係而家D野好平，心目中已經有想要既新屋企模樣，哈．．．

跟住，真係唔知係咪恩典來臨，今晚A仔就話我知，今日有個第三次黎睇樓既人決定買層樓，最終A仔賣左層樓喇，而且價錢尚可接受，真係好感恩呀．．．我都有點又驚又喜既感覺，亦有一點失落咁，哈．．．好CONFUSE呀而家．．．不過我相信A仔都係．．．ANYWAY，真係好感謝神．．．哈利路亞．．．

>>September 8, 2009 at 2:59:59 PM GMT+8

2009 年 9 月 4 日 星期五 【晴】

嘩~ 今日訓到十一點半先起，好爽．．．之後就陸續人黎我地度睇樓，因為我地之前放左盤嘛．．．一睇就係幾個，哈．．．之後，我同A仔都兩點半出左街，最後決定左去下白泥，要去行下同睇日落，映相相．．．

下白泥呢個地方真係好正，D相都映得好靚添，今次係我地兩個既合力傑作，好GOOD呀，哈．．．雖然有點晒，但係都唔太熱，因為近海，有海風，都好舒服呀！決定要再黎多一次，要在九月再黎，要真真正正咁映多次個日落，我要帶埋部HOLGA黎玩玩呀．．．之後，我地六點度走人了，睇唔到完全既日落，打的去左流浮山，行左一陣，再回新元中．．．

回到新元中，MEET左A仔屋企人係喜宴度食飯，今次我第一次黎，D食物質數都幾OK，有機會同屋企人黎食下先．．．今餐我都好放肆，食左片皮鴨，燒肉呢類肥野．．．之後，就狂食冬瓜盅，哈．．．食左好多好多冬瓜呢，好飽．．．跟住就回屯門了．．．

明天要早起，因為要返教會讀經呢，幸好都唔係太難讀，都OK長啦，哈．．．

>>September 8, 2009 at 2:48:07 PM GMT+8

2009 年 9 月 3 日 星期四 【晴】

今日係學校繼續努力做我既報告，真係完全想死的感覺，好苦好苦呀．．．

最後，都係做唔晒，因為有太多資料未可以做，而且，我仲要準備下星期其他既工作，所以．．．唔理喇，拖得就拖啦，呵呵．．．

放工之後，趕左返屋企，之後，再去左市中心，因為今晚約左朋友食飯．．．好耐冇見朋友了，佢真係越來越瘦，點解可以keep得咁fit架，有咩秘訣架．．．我都好想好似佢咁fit囉，唉．．．

之後同左A仔回元朗，聽日放假，係大家都放假，真係好．．．可以諗下聽日去邊好喇，GOOD~

>>September 8, 2009 at 2:42:54 PM GMT+8

2009 年 9 月 2 日 星期三 【晴】

今日係學校繼續趕呀趕，就黎嘔血．．．今日有隻麻煩case，攪到我一頭煙，真係嘔白泡呀！好想打死佢．．．我懷疑佢精神狀態有點問題．．．我仲要跟到佢去到30/9，所以點都要follow下喇．．．學校個年度report只是開左少少個頭咋，點死？仲有好多隻case未聯絡到，好多野未跟未寫未做．．．shit！仲有下星期一既生活教育科第一堂未準備，加上下星期二又要教展翅，仲要帶住兩件旦散實習學生．．．頂！我嘔晒血喇．．．仲要已與副經理約好做appraisal既時間，要搵時間準備定appraisal report同supervision既野．．．我就黎痴線！！下星期仲要同總幹事做supervision，仲有d青見case未得閒約，之後我極少時間返中心，點見呀？！damn！

放工之後，行左一陣華都，跟住就去左山景搵A仔，希望抱有誠意同佢講聲對唔住！佢今日好忙，最後都成七點幾先走人，即係我等足佢粒幾鐘．．．唔緊要啦，講對唔住係要有誠意既！點知．．．唉！今晚大家開了火，最後，比我知道左好多佢唔想HURT我而唔同我講既說話．．．真係超超超級．．．．HURT到爆！好內疚！真係HURT到有點想死，好想崩潰！！！我真係超超超憎聽到什麼："我會負責任"，"你想點咪點囉"，你鍾意啦"，"我最壞打算都諗埋"．．．我以後唔想再聽到，好憎好憎．．．我唔要呀！！我真係就黎發癲喇．．．

最終，唔知點再形容．．．同A仔詳細傾過，唔識得講而家既情況同感受．．．好似好虛無縹緲，好唔踏實咁；覺得自己好傻，點解可以繼續／接受到；有精神分裂感覺，要勤加練習變變變，隨機應變；要練習放下，放下所有執著，放下自己，放下佢．．．唔識講喇．．．天父神呀，我雖知日後應該怎樣做，但係．．．我好擔心，自己會又做得唔好呀！damn！好大壓力．．．唔通真係神你既安排？？？我可以做的，係咪就將一切交托予神你呢？再次有點精神分裂咁，真係．．．開始唔知自己做緊D咩．．．

PS，今日係學校，無啦啦聞到好臭既煙味，覺好古怪，之後，校務處就宣佈，話出邊有火警，要視乎情況而定，睇番需唔需要疏散，叫大家唔好驚慌！我即時就望出窗外啦，嘩，好大煙呀，黑色架，原來有部車無啦啦著火，d消防員已經到左，係咁射水，咁我部冷氣就係咁吸晒d濃煙入我房，所以都係熄左佢睇野．．．哈！消防員好快就整熄左d火，而學校最後都冇需要疏散喇．．．我都等d煙過左陣先再開冷氣囉．．．我初時仲以為要走火警添，幾想即時執晒d行裝呀，因為我部電腦，harddisk，文件，全部都相當重要架，唔可以冇左．．．點知虛驚一場，大難不死，感謝主．．．

>>September 4, 2009 at 7:44:13 AM GMT+8

2009 年 9 月 1 日 星期二 【晴】

今日學校回復番之前冒樣貌，好多學生走來走去，嘈嘈閉咁，有時都覺幾煩，尤其而家衝緊report既時間．．．好忙，好多資料要入番晒，想死．．．份report頭都未開過，而家都係努力入data同case recording，仲要續個case聯絡番了解情況先至可以做recording．．．我點可以星期六前交到呢？我不敢想像．．．

我阿頭仲提我，話我九月尾合約完之前要約我個副經理做個appraisal，我心諗，我邊有時間呀？個個星期二返親中心既都要去左教班，我都唔知點傾野？！唉．．．好無奈！仲要做份評核報告，頂．．．我唔知點死呀！不如殺左我一了百了算喇．．．

好心煩，好似d野做極都唔完咁，what's going on？．．．

做到五點已經唔想再做，好想即刻走人，離開呢個鬼地方．．．同A仔為左一點小事有少少爭執，不過，我認為可以處理，我個人都有點問題的，所以，最後我選擇唔再發火，收一收啦！但係，都決定同佢講番個問題，希望佢明白！

加上，個口生左兩粒痱茲，好可憐，簡直係食又冇味，完全冇晒MOOD，好痛好痛呢．．．好灰好灰呀．．．DAMN！！

>>September 2, 2009 at 3:17:04 PM GMT+8

2009 年 8 月 31 日 星期一 【綿綿細雨】

今日返灣仔，好在爆水管事件冇影響到我，今朝返工都好順暢！好彩．．．

今日都好辛苦去計劃我黎緊中五小毅進兩班生活教育課既課程內容．．．好煩，因為又要夾d校曆，但係我又冇係手，而且又唔可以同ole既課程內容撞，真係想死．．．度左一個早上，終於叫做完成啦．．．lunch同左同事去左一間韓國餐廳食，我第一次黎咋，今日仲同一個第二個部門既同事farewell．．．雖然同呢個同事唔太熟，不過都算啦，呢d野係要做下既．．．不過都唔太貴，而且食得好飽，每人都係$45，ok啦．．．我地都係食set lunch，所以平d．．．

下午時間繼續咁過，真係好無聊，好唔想做野，不過都係照做．．．set左黎緊展翅既time table，想死．．．黎緊9-10月逢星期二我都要教班．．．what's up？真係完全好似唔洗做其他野咁．．．唉．．．最死既係，頭兩個星期係灣仔教，之後兩個星期係筲箕灣，最後時間係鴨利洲．．．shit！（粗口講埋今日好喇，睇報紙話，鬼節果晚唔好講粗口，因為d鬼會以為你話佢，哈．．．）講起鬼節，今日d同事係咁講，因為我地office呢度成日有d鬼故事，都因為呢幢大廈既背景故事．．．聽日返夜既同事真係慘喇，哈．．．跟住大家又講起一d鬼片內容，發覺大家原來都好愛睇鬼片，但係又要驚喎，哈．．．

好經辛苦到左夜晚，淨番我同一個社工同事，一個文職同事．．．我同文職同事一齊在office食飯，大家都帶左飯，之後一時做野一時傾下計．．．當然實質大家都唔會有心機做野，都係上網多．．．其實返晚我都唔太相信會有人有心機做野，成個office冷清清咁，又冇老細係度，真係鬼先會做野．．．哈！

九點放工了，一去到車站，轉個頭就有車黎到開埋門，哈，好在我見到咋，如果miss左就有排等．．．返到屋企10點鬆d，比平日早呀，真係好．．．

今日蝴蝶村爆水管，攪到無食水同咸水．．．我地呢個屋苑就仲有食水，因為有水箱，不過都怕會好快冇晒，所以爹地一返到屋企就快手沖涼．．．後來，媽媽都叫埋我快手沖埋佢，以免聽朝冇水用（本來我真係想第二朝先沖，因為好累！哈）最後沖得成，冇話沖到成身泡就冇水，哈，咁戲劇化呢？

>>September 2, 2009 at 2:49:15 AM GMT+8

2009 年 8 月 30 日 星期日 【晴】

今日係學校主要想快手攪一攪份report，但係．．．當我一見到d case時，我真係即時成個人down晒，即刻進入左52k運行．．．超唔想做呀，頂．．．．

最終，都係虛渡左成大半日，哈．．．

今日灣仔告士打道果度爆水管，好似攪左一日．．．好在我今日唔洗返灣仔呢，如果唔係就好麻煩了．．．

放工之後返左屯門，真係冇咩心機同心情呀！係度無啦啦打開左平日裝手飾既櫃，無啦啦係度執野，是關，生日又多添了兩位手飾新成員，要搵地方去安置佢地架嘛．．．

今晚好早就食飯，因為媽媽由今晚八點半開始至聽朝八點半內唔可以食野，是關佢聽日要去醫院抽血呀！今晚早左食飯，所以夜左就有點肚餓，不過都要忍口．．．近排生左痱茲，條利超超痛．．．好大粒呀！而家前下咢近前排牙肉後面，又好似想爆痱茲喇，how come？點解係咁生，我真係咁熱氣嘛？頂．．．！

聽日又要一早起身返工了，仲要返三節呢．．．早點訓吧！

>>September 2, 2009 at 2:37:47 AM GMT+8

2009 年 8 月 29 日 星期六 【綿綿細雨】

haha~ 今日同A仔上左深圳玩呀．．．我地約左11點係上水等，天氣睇住佢變，我搭小巴時無啦啦都落左雨，不過之後又停左．．．我地上左深圳後，先去左火車站附近既書店，仁和書店度睇書，咁就比我買左兩本書，GOOD~ 跟住，我地去左醫肚，去左火車站內既味千拉面，呢餐真係食得好唔開心，因為呢度既服務態度好差，D野又上得耐，真係好討厭！最尾攪到A仔好火滾，都係要痛痛咁罵左個經理一餐，而且仲要食唔飽咁走，真係掃興，令我地個旅程未開始就發生咁唔開心既事．．．

後來，我地都回復番好心情，繼續我地既行程．．．我地去左話說新開既羅湖書城，什麼盛佳美？真係唔好行既書城，書又唔夠多，又唔齊，所以都好快手行完了．．．跟住，決定步行去東門．．．沿路行，我地竟然行經左兩間買戶外用品既公司，A仔竟然分別在兩間店都買到野，都係露營用既物品，真係厲害！！不過確實係好抵買既．．．

跟住去到東門，嘩，超多人，行左陣，買左少少野，之後都唔想再行了，太多人了，所以走人，搭地鐵去左科學館站，行左吉之島同深圳購書中心．．．又買左好多野，尤其係即食面，哈．．．因為平靚正嘛！A仔成個袋FULL晒呢．．．我係購書中心又買左書，哈！

跟住，我地繼續行，去左會展中心既家樂福度行，仲去左KFC食野．．．係家樂福又掃左好多貨，YEAH~ 大家都滿載而歸呢．．．好開心呀！走人時已經九點幾了．．．

返到屋企都十點半了，不過算係快手，係福田過關真係方便好多架！多謝A仔佢比個咁好既行程我呢．．．錫晒佢！

>>August 31, 2009 at 2:30:55 AM GMT+8