2009 年 6 月 19 日 星期五 【驟雨】

嘩~ 今日有一號風球呀，不過都冇咩影響，只係個天氣悶熱d咁啦．．．今朝係中心都係開會，今日開會講左好多行政野，包括我地七月開始會由返五天半變做返五天．．．但係，我就係最大影響果個，因為我平時都唔會開OT的，而家變相我個個星期都有一日要返三節囉，感覺好差好差．．．即使我向我既上司再建議什麼，佢都係用D好官腔既說話去答我．．．最後我都同左個副經理去講，反而可以得到我想要既答案．．．唔理喇，既然副經理都話可以既野，我冇理由唔跟住去架，唔可以咁傻仔的．．．而家越來越發覺跟著我呢個上司，除左可以講不幸之外，都唔知講什麼好？！不過，我而家唔會再好似以前咁架喇，我而家好明白到天下烏鴉一樣黑既道理架喇，合理既我會聽會做，唔合理既我必然會據理力爭．．．

完左個會，同左同事去飲茶，本來都唔太想去，因為飲茶好肥，不過經同事再三邀請都係去左．．．飲完茶就返左屯門了，因為都見未出糧，冇錢洗呀，都係返歸啦．．．返到去陪左媽媽去買野，返左屋企一陣又再出門口入元朗．．．同A仔係西鐵join左先再一齊踩單車返去．．．今餐我煮啦，終於都係我出手既時候，再唔出手就會比人鬧死架喇．．．琴晚已經整嬲左人，仲敢咩？哈哈．．．

聽朝返教會，聽日係我人生中第一次做司事，心情有點緊張，呵呵．．．希望順利啦．．．

>>June 20, 2009 at 3:16:15 PM GMT+8

2009 年 6 月 18 日 星期四 【晴】

今日係學校都好靜局，好似返來考試既人又少左d咁．．．而家面對住被停課既情況，真係麻煩，今日都要同d老師傾下跟住d服務有冇特別既野要去協調．．．幸好，學校都prefer所有服務係維持不變的，唯一既係行業簡介會取消．．．都好既，唔洗做，哈．．．不過就會有段時間好悶下囉．．．

今日上司打比我，問我有關中心轉做五天工作制既問題．．．其實我一向都建議長短周的，但係唔知點解套在我度就只有兩個選擇，一就係維持現狀，即係冇五天工作，星期六照返半day；二就係一個月裡面四個星期，其中第四個星期六我就必定要返中心on duty，而其他星期六我就會off，但係呢三節既星期六我就要係番果個星期裡面虭番，即係我有一日要返三節．．．我唯一得星期二返中心，所以我一個月裡會有三個星期二要返三節．．．我覺好死囉，我同上司反映可否我一星期四天每日返多一小時，但係上司又話因為同學校份計劃書度講明我係返9-5，所以暫時冇得改，直至新既計劃書再寫時先至可以改．．．即係我點都要捱咁既狀態幾個月囉．．．唉！我覺得完全係冇得揀底下，都係揀左第二個方案，因為我都想有時星期六可以休息！好無奈．．．

放工後去左元朗A仔度，之後我先兩日係屋企執再D相出黎，於是就係咁入相．．．入得好開心！不過有樣仲開心既事，就係一黎到A仔度，發現A仔將我地D結婚相放左出黎，真係好sweet，真係多謝佢既細心呀！

>>June 19, 2009 at 1:20:43 PM GMT+8

2009 年 6 月 17 日 星期三 【晴】

hehe~ 今日都冇咩心機做野，不過都努力準備下星期二的talk．．．雖然心知下星期應該會中學開始停課，不過都準備定先啦，費時到時麻煩．．．

今日放工後同左媽媽去左海趣坊，我之前拎去整個袋，足足等左一個月，終於可以整番好，太好了，感覺好似又有個新袋用咁，返到屋企急不及待就換袋用了，呵．．．拎完袋，同媽媽去左大快活度食tea，哈．．．五點幾先黎食，真係．．．好肥．．．所以我地只係兩個人share一個餐算，同埋今晚八點半先至食飯！

返到屋企，我堅持繼續做運動，媽媽都話出奇地見到我咁勤力．．．做完運動磅左一磅，唉，都係怪之前個tea啦 ，又重番差不多一磅，唉．．．激氣！唔得，要努力呀！呢兩日已經開始感到周身骨痛，可能太用功去做運動了，真係好累，而且肌肉開始疼痛了，shit！但係，要堅持到底呀．．．唔可以鬆懈的！！！

今日A仔出發去CAMP了，希望佢順利及平安啦．．．突然．．．好掛住佢添，hehe~

>>June 18, 2009 at 2:33:12 PM GMT+8

2009 年 6 月 16 日 星期二 【晴】

今日d天氣好左，起碼見到太陽．．．今日起身有點不妥，又開始咳了，而且仲有點周身骨痛．．．真係討厭！我估計可能係琴日做呼拉圈做得太落力了，所以d肌肉一時之間唔習慣，令到我周身骨痛．．．好煩．．．

返到學校，睇到報紙話，教署可能最快下星期一會將中學停課．．．我心諗，千祈唔好呀，因為咁樣我就要返中心工作，而且跟住d試後活動分分鐘要泡湯？！不過，一d去參觀既活動，我都仍然好想攪呀！唔好浪費d資源嘛．．．

食lunch之後，因為要堅持要行／企三十分鐘才可以坐，所以我就出左去行左陣，點知就出事，咁就買左兩件特價衫，呵呵．．．真係死得！令我要檢討下應唔應該再每天堅持行／企三十分鐘才坐呢．．．之後放工返左屋企，因為太累了，唔想過A仔度gym，真係當刻好累，周身骨痛到好辛苦，仲有點想作病咁，真係煩．．．所以，打左電話比A仔話唔去佢度，佢當刻好忙，我之後都唔敢再打比佢了，即使佢今日係應該放早！

跟住係屋企，我又唔想躲懶，所以都堅持做左半小時運動，包括十五分鐘呼拉圈，同埋一d收手臂，肚腩同腳的運動仔．．．唉．．．做完超累．．．不過，出左一身汗，感覺又幾正！今晚再磅左一磅，真係唔知係咁神奇丫，定係個磅壞，我又比起前兩天磅輕左兩磅度．．．how come？

今晚打比A仔，知道佢好累好多野做，明天同後天仲要去CAMP，希望佢順利同平安．．．

>>June 18, 2009 at 2:06:35 AM GMT+8

2009 年 6 月 15 日 星期一 【綿綿細雨】

今日繼續留守係學校．．．其實都唔錯，起碼唔洗周車勞頓丫．．．不過，我相信好快中學都會要停課了，因為而家豬流感情況嚴重左，加上，而家唔停中學課，都係想佢地考埋個試先，所以，我估計好快架喇，之後我跟住d活動都唔知點攪了．．．相信都會同時地夭折吧！唉！

今日係學校都算free，因為考試期間，大部分時間都係清靜的，可以好好的工作！平日？哈，一轉堂或者小息真係嘈到丫．．．有時d學生都會玩得好癲架！今日打左幾個電話，目的係為跟住既試後活動而工作！不過，而家開始擔心活動是否攪得成了！

隨後，因為小毅進班學生已經離校，所以都要狂add番晒佢地既msn，以便可以聯絡佢地，順手做埋輔導，哈，一舉兩得！不過一add左就忙過不停，可能佢地都悶，冇野好做啦．．．同佢地傾到放左工返到屋企開msn都仲要繼續，哈．．．

今日老細同我講，下星期二要我晨早去炮台山一間中學度講talk！傻架，8:45am開始囉，即係我8:30am就要到．．．即係，我果日要六點幾起身？shit．．．想死！不過老細好好，話果日請我飲杯starbucks．．．都有點安慰吧！

放工返到屋企，本來真係累到要死的，不過都"的"起左心肝，拎起左個呼拉圈，玩左二十分鐘！過程真係好累，係個人本身好累，而且玩果陣發現，個肚既位置好似有點痛咁．．．唔知咩事？

本來今日放工會去一個好姊妹屋企度整我結婚既裝飾，但係好姊妹佢話唔舒服，所以取消左！姊妹同我講，話佢去睇醫生，醫生話佢成日話累同唔舒服，原因就係因為佢over weight！嘩，真係有點意外？！好姊妹佢身高同我差不多，但我都一向知道佢體重都唔太少的，但係卻冇諗到佢被醫生要求佢去減肥囉，醫生話佢如果佢再唔減，可能有更多既病痛會出現．．．真係好可怕！聽完之後，我個心都好唔舒服，好為姊妹擔心．．．我知佢而家決心要減肥了，我都係呀，大家一齊努力啦．．．好姊妹打算吃減肥藥去減，而我就未有咁既打算，雖然效果會快同大點，不過．．．一來太貴了，二來我怕有什麼副作用，三來自己身子一向都唔太好，如果食藥我怕對身體唔好．．．所以，都係用一點較健康既方法去減！都係總論要做運動囉．．．所以，明晚放工後要去做gym呢！

>>June 17, 2009 at 2:20:25 AM GMT+8

2009 年 6 月 14 日 星期日 【乍寒還暖】

今日訓到七點九先起身，真係好！而且，最好既係，可以同A仔一齊出門口返工，因為佢今朝都要出去做野，所以一齊搭西鐵．．．我好開心呢，因為A仔佢陪我去到南昌，仲送埋我上車先走，之後仲再打電話比我，真係甜到爆，哈．．．錫死佢呢．．．

返到灣仔，遲左十分鐘先返到去，今朝上staff training，內容都幾好，唔錯！上完堂，同同事去左飲茶，哈．．．其實唔太想去，因為好肥，而且又想慳錢，不過，因為今日有新同事黎，所以都要去歡迎下個同事既，而且又有同事就走喇，所以都要請佢食下飯啦．．．食完飯兩點就回屯門了，真係好累，係車訓左，都唔想落車．．．返到學校，三點二喇，哈，做多兩粒鐘野都放工了，哈．．．

放工返到屋企，突然好餓，今日好胃食咁食左點零食餅，不過，我都有睇卡路里架，雖然係朱古力，不過係麥餅，所以都ok既，呵呵．．．跟住就訓左陣，因為太累了．．．跟住就食飯喇，而家又坐係度對住電腦了，你話個肚腩唔勁就其了，呵呵．．．

>>June 15, 2009 at 2:44:10 PM GMT+8

2009 年 6 月 13 日 星期六 【乍寒還暖】

今日真係激死，已經遲左出門口架啦，趕到死死下，最衰就係妹妹，哼！之後搭左架962搭到中途停左車，司機話有機件壞左，怕我地頂唔順冇冷氣，之後大部分乘客都叫司機開車，一於堅持落去．．．頂到去上環，怕架車頂唔順，所以同爹地決定落車搭地鐵，點知．．．唉，仲慢詔媽咪同妹妹返到教會囉，真係多x餘添今次．．．做左傻仔！唉．．．趕到我丫，我跑度咁返去，成身都係汗，上氣唔接下氣咁，真激死我，樣衰到爆！最後準時去到著袍，準備崇拜！

嘩，著住件袍真係唔少野，熱到我丫，我完全聞到自己d汗臭味囉，哈，真係好熱好辛苦！不過最後都捱過．．．跟住，幫左手數左陣錢，跟住我同A仔出去搵到方食野先，等媽媽同妹妹再出黎，而爹地今日就要開會．．．我地去左北海道活壽司食，正呀，好味！四個人食都係食左二百幾蚊，好似抵過我地兩個人食，哈！之後，就同媽媽妹妹分手了，我同A仔就搭巴士去左旺角．．．剛好天突然落雨，所以有車就上了！

去到旺角就第一時間去左朗豪坊，因為今次主要都係去睇婚介！因為朋友話我知，近排J's duet有特價，所以都走去睇下，希望可以慳番d嘛．．．最後都買左喇，仲刻埋名，價錢比我之前預計的平左成千蚊，好開心呀！

跟住同A仔返元朗了，返到去，一齊上網搵左點結婚COCKTAIL既資料，仲有結婚蛋糕．．．嘩，d結婚蛋糕好貴囉，下下都成千幾蚊，真係唔知點攪！希望可以搵到d平d架啦，唔想太貴呀！

今晚晚餐由A仔負責，好GOOD~ 多謝佢呀！

>>June 15, 2009 at 2:32:36 PM GMT+8

2009 年 6 月 12 日 星期五 【晴】

今朝返工好眼訓呢．．．成日都係中心度，都係冇點做野，同同事傾計既多，哈哈．．．

放工後，就回了屯門，同左媽媽去大家樂食tea，真係唔知食乜好，因為太多野都好肥了．．．最後都揀左食雞翼，蒜蓉包，麥皮，凍檸茶少甜．．．哈．．．食完之後回家了，等爹地電話再出去市中心！今晚去左市中心食飯，同爹地預祝慶祝爸爸節．．．我地join爹地後，去左5cm行，我送左件恤衫比佢，成$480．．．好貴！不過難得爹地鍾意，唉．．．跟住，我地去左流金歲月度食飯，好豐富呢，又係食左$480，不過就妹妹同媽媽夾份請喇．．．食完都成十點了，之後去左行best電器，因為屋企部吸塵機死左，順手買埋部風筒，我地係最後走既客人，成十點九先至走，哈．．．

明天要一早起身，因為聽日要做讀經員呢．．．要早到呀！

>>June 15, 2009 at 2:10:54 PM GMT+8

2009 年 6 月 11 日 星期四 【雨】

唉，琴晚又喘黎喇，真係．．．可能因為食雪榚既問題！A仔已經警告過我架喇，一來怕我肥，二來怕我咳啦，點知都係照食，真係．．．抵死！

今日全心冇晒心機喇．．．

之後入左元朗，見到A仔後心情先好番好多咋，呵呵．．．

A仔好好，送左件衫比我，THX呀~

今晚食左A仔煮既炒米粉，好味！

今晚可以早點訓，真係好喇．．．

>>June 13, 2009 at 9:35:55 AM GMT+8

2009 年 6 月 10 日 星期三 【雨】

嘩~ 今日天氣都係麻麻地，落雨真係令人心情麻麻的．．．琴晚A仔心情都唔好，我今日都好擔心佢，後來好在佢今日出左街，去左mountain hardware度掃貨，心情好番好多，我都安心一點了．．．

放工後回家，之後就出街街了，今晚約左個好姊妹愛麗斯去葵芳．．．可能近排買得太多衫了，所以行左一陣都冇咩心機行，之後走左去食飯，食上海野，我都唔敢食太肥既野，都係食左個什麼豆腐卜碎肉泡飯，d飯冇食晒，怕太heavy了．．．之後又走左去行，都係唔太大收獲，好似冇咩o岩咁，所以走左去一間食雪榚既地方坐，食左乳酪雪榚同傾計．．．咁就個半鐘，哈．．．好多野傾呀，而且發覺真係要開始好好計劃我既wedding了，真係時日無多喇．．．好煩呀！一來係$，二來係好多細節野，三來係冇人幫我．．．唉．．．頭痛死！

>>June 13, 2009 at 9:27:00 AM GMT+8