2009 年 5 月 30 日 星期六 【微雨】

今朝九點起身，已經係成個星期訓得最多既一日，太好了，有十個鐘，yeah~ 跟住同A仔一齊返教會．．．今日教會請左一班來自黑龍江既教會既人黎宣道，魯牧師既國語都唔係好難聽o者，反而幫手翻譯果位教友就麻麻地了，呵呵！可能冇佢翻譯會好少少．．．

完左之後，我同左A仔趕去NOKIA維修中心度整電話，是關A仔部電話琴日跌一跌就冇左聲，真係麻煩！好在，只係放係度一粒鐘就可以拎得番，咁我地就去左食野，去左一間叫北海道活壽司度食．．．我知道係屯門都有間，不過從來都冇入過去食，今次係第一次食．．．嘩，佢D野好新鮮，咁當然價錢就會貴少少啦．．．今餐係A仔請，要佢大出血了，兩個人食左成二百蚊！不過食得好開心，多謝你！！食完野就趕番去NOKIA拎電話喇，好在只係個喇叭壞左，唔洗換底板，如果唔係咩野都冇晒就慘慘喇．．．都好，可以咁順利攪番掂，真係感恩！初頭仲以為要我星期二放工後去CWB幫A仔拎番個電話添．．．

跟住，我地就去一個好重要既約會，就係896420-遊行．．．其實，初頭幾年都有去，不過後來又停止左冇再去，而剛好今年20周年，真係好想去一次，因為真係發覺個感受好深！89年當年，我只係一個五年級生，但係我記得老師同我地分享左好多有關6.4既事，而且係學校都有帶我地參加好多悼念既活動，可能因為我地學校有宗教背景卦！所以，印象好深．．．我仲記得果時細個，係屋企睇電視既新聞報導，勤力到好似追劇集咁，成日係咁睇住．．．我仲親眼第一次見到婆婆佢為呢件事而喊．．．我記得當時我都有喊埋一份．．．回想起都心傷！到左大個，尤其識左A仔後，對於6.4既概念就更深了，仲會同佢一齊去遊行，燭光晚會咁．．．到左近排，我再次睇番好多當時既片段，圖片，報導．．．聽番好多人物講番果時既事件，同埋而家既想法．．．真係好大感受！

曾經同屋企人討論過有關事件，屋企人既回應係："都爭取左咁多年啦，係平反到既一早平反到啦！" "下~ 我果時好細個咋喎，鬼知發生咩事咩？" "嘩，你去遊行呀？你去還去，唔好攪大件事出黎呀，我唔想你新聞見到你！" ．．．總總既回應，真係令我更加心傷．．．點解，你身為香港人，係中國人既一份子，都可以係咁樣？可以係香港呢個叫做幾自由既地方出世，我已覺自己好幸運好幸福！而且，睇住一班只係為左正義而犧牲左既學生時，我真係會覺得自己做得太少，而且人生係幾咁渺小添．．．唉！尤其對住我個妹妹，而家呢代所謂Y世代既人，就係永遠話自己唔知唔想知，而去逃避去了解．．．真係好心傷！

我唯有決定，在自己有生之年，都要努力爭取下去，要為一班白白犧牲左既學生同人民去討番一個公道！要中國政府知道，佢地當刻係做錯事，所以罵就要坐定，打就要企定．．．

>>June 1, 2009 at 4:46:23 AM GMT+8

2009 年 5 月 29 日 星期五 【微雨】

琴晚夜訓，加上唔係太訓得好，半夜醒下訓下咁，唔知咩事？！所以今朝超累．．．本來想搭西鐵，諗諗下都係走去搭968好d，因為可以訓下，哈．．．太好，去到總站都未夠九點就有車，出到去買埋面包返到中心都係九點十，太good了~ 之後都可以選擇咁樣既行程．．．

今日都有工作架，因為都要準備黎緊學校個day camp既野．．．本來今日約左阿姐一點做apprasial，我12點8已經打比佢了，一路搵佢，搵到一點半我覺唔對路，走來走去問d同事佢既下落，點知．．．有同事話我知阿姐傻傻地1點半時同佢講佢冇野做，想早少少走咁話．．．我當刻呆佢囉，我地只係星期三約左，點解可以咁快忘記？不過，d同事造呢個係阿姐既慣例，就係成日唔記得d野囉．．．唉！我會好無奈咁原諒佢架，人地一心諗住快手攪掂個apprasial架嘛，可以快d將d野交比中央快d批番d$$比我架嘛，真係．．．頂！

之後放工就回屯門，見住架9632走左，於是見到有961都上車了，在豐景園落車再轉小巴返去，因為都唔想等同唔想搵架死人962，好憎！返到屯門同左媽媽同佢d朋友食野，媽媽佢無啦啦牙肉發炎，半邊面腫晒，於是都係勸佢去配d燒炎藥食好d．．．之後，返到屋企，媽媽係到幫朋友車衫，我就準備明天去6.4遊行既工具，哈哈~ 整到七點，我見媽媽唔舒服，我就做乖乖女，整左個愛心通粉比媽媽，係粟米湯午還肉通，媽媽話好味，真係開心，hehe~ 真係少整野比媽媽食，反而爹地同妹妹佢地就食得多我整既野喇，因為有時媽媽去左旅行都係我煮野架嘛，哈，所以今次好特別．．．好在d野都唔難食o者，哈．．．

跟住九點，我就孤身走我路，去左元朗．．．去到元朗睇住miss左班村巴，所以就行返屋企．．．好累，途中經過7仔，見d朱奶有平就買左盒諗住一陣飲，點知返到去見到A仔已經訓左覺．．．唉，總知唔過黎啦，仲一心諗住比佢睇下我下午好比心機同精神整既紙牌添．．．頂，嬲嬲呀！！！！初時又係佢好緊張咁，又話要著咩衫，準備什麼什麼咁．．．等我而家好似皇帝唔急太監急咁，激氣？！．．．哼！

>>May 30, 2009 at 3:19:40 PM GMT+8

2009 年 5 月 28 日 星期四 【晴】

今日天氣終於好番少少，起烈冇成日落雨丫，睇天氣報告都話跟住幾日都會有太陽，真係thanks god呀！今日起身無啦啦氣喘，唔知咩事，真係想死，唉！其實琴晚都有少少架喇，可能係媽媽同波波剪毛關係啦．．．今朝聽妹妹講，佢琴晚都無啦啦咳左成粒鐘，之後頂唔順才開冷氣．．．唔怪之得我半夜feel到有人開冷氣啦，哈．．．

五點九才去找A仔，佢今日放假，真係開心．．．佢就好啦，而家可以隔個星期連放三日，星期五六日咁放，真係羨慕死我呢d返一至六果d人囉，唉．．．真係狠都狠唔到架喇！去到元朗，本來今日約左戈幾個朋友上黎玩同食野，點知一個又一個咁放左飛機，真係．．．好慘！最後得一個有義氣既朋友出席，真係感謝佢！我地最後既節目係．．．一齊食野一齊睇巾幗梟雄大結局．．．真係唔錯喎．．．之後就係度傾計，傾到差不多十二點呢．．．

>>May 30, 2009 at 3:06:49 PM GMT+8

2009 年 5 月 27 日 星期三 【乍寒還暖】

今日係端午節，不過都留在家中，因為A仔今日要返工呢．．．今朝九點唔夠醒左喇，可能平日早起身返工，所以都慣左早醒．．．之後都繼續訓，直至十點點都係起身，因為個肚好餓，打鼓了，所以都係起身．．．

之後，同左波波剪毛同沖涼涼．．．真係可憐！波波咁就爭扎左半日，真係花盡力氣了，所以夜晚都冇食過野，我只係請佢食過兩粒糖糖，哈，其實係兩粒魚粒粒！佢好開心，不過，可能剪毛關係，波波既鼻塞問題又嚴重左．．．其實睇黎都真係要帶佢睇睇醫生，因為都唔知佢咩事鼻塞，好擔心佢呢．．．話晒波波都差不多人既七十五歲，好老架喇，真係要小心身體！

下午同左爹地媽咪落街買送，買左好多野，我地仲去左好多地方，又超市又街市咁，哈！好開心．．．今晚好豐富呀，有虎蝦，有魚，有燒味，有菜，仲有皈後甜品雪榚，GOOD~ 真開心！近日個肚開始痛了，可能每個月的親人又來探我了，唉．．．辛苦晒喇．．．

>>May 28, 2009 at 1:55:13 PM GMT+8

2009 年 5 月 26 日 星期二 【乍寒還暖】

今日係學校都係輕鬆咁渡過，主要都係要準備黎緊一個比較大既prog既野，真係頭痛，而家我地個team又唔夠人手，而且今次又成七十個人，所以都幾麻煩！希望可以順利攪得掂啦．．．

另外，關於我仲未有得加人工既問題．．．已經clarify左係咩事，而家臨時星期六要做apprasial了，真係有點急，不過，對我來講都唔係咩野問題，哈，因為我都對自己有一定信心既！希望可以下個月加番比我啦，hehe~

放工之後約左A仔，本來約左食飯，不過後來今朝A仔打比我話不如去佢中心度食韓燒．．．因為之前買左個韓燒既鑊，真係好正喎．．．我地買左好多材料，有牛扒，豬扒，雞扒，雞翼，紅腸，魚片，茄子．．．實在太正了，好好味呢．．．不過唯一既係，食到成頭都係油煙，哈．．．但係太好氣氛了，成班人圍住咁，不過唔可以多人囉，因為會整唔切，哈！食完之後，同左A仔行左去市中心，係吉吉島行左一陣，之後收到A仔媽媽既電話，話屋苑突然爆左水管，成個屋企冇晒水．．．即係今晚冇涼沖！本來我都計劃今晚去佢度既，點知而家咁，A仔都叫我返屋企了，沒計啦！難為A仔佢了，佢聽日一早仲要返工呢，真係麻煩！

>>May 28, 2009 at 1:50:04 PM GMT+8

2009 年 5 月 25 日 星期一 【乍寒還暖】

今日既心情低落到極點．．．


Without You - Air Supply


No I can't forget this evening
Or your face as you were leaving
But I guess that's just the way
The story goes

You always smile
But in your eyes
Your sorrow shows
Yes it shows

No I can't forget tomorrow
When I think of all my sorrow
When I had you there
But then I let you go

And now it's only fair
That I should let you know
What you should know

I can't live
If living is without you
I can't live
I can't give anymore
I can't live
If living is without you
I can't give
I can't give anymore

No I can't forget this evening
Or your face as you were leaving
But I guess that's just the way
The story goes

You always smile
But in your eyes
Your sorrow shows
Yes it shows

I can't live
If living is without you
I can't live
I can't give anymore
I can't live
If living is without you
I can't give
I can't give anymore

I can't live
If living is without you
I can't live
I can't give anymore
I can't live
If living is without you
I can't give
I can't give anymore

>>May 26, 2009 at 11:46:19 AM GMT+8

2009 年 5 月 24 日 星期日 【颱風】

唉~ 真係超級矛盾．．．因為一件事，大家價值觀不同，而攪到大家而家好似不歡而散咁，我真係好無奈，好心痛，好唔知點咁．．．心想，好想將自己既想法話比對方知，令對方知道自己唔開心既原因係咩野．．．另一邊，又知道對方為到咁樣而嬲左自己喎．．．唉，我真係好心煩呀！究竟點先可以做到兩者都滿意呢？可唔可以搵到一個平台，係大家都可以互相協調得到架呢？可唔可以搵到個方法唔會令大家關係破壞或者感情變差架呢？．．．真係無啦做左問題老女？！

今日心情真係唔好，因為知道對方為左我而嬲左我，亦都知道件事係需要解決！但係又心知，我如果太過堅持既話，亦只會有反效果．．．但係，如果唔做番一d令自己可以接受既解決問題方法既話，個心又好似唔多開心同舒服咁．．．唉，真係好矛盾，完全做唔到忠義兩全！好煩呀！！！！！！！一方面好想平息件事，因為唔想大家為左件事而唔開心，破壞關係！另一邊，自己又好想可以找到解決問題既方案！曾經想什麼都唔理了，什麼都唔管了，什麼都唔想要了．．．但係，又好像．．．太過對自己唔住吧！唔通，真係連自己想點都唔可以被受認同或者被接受？已經提出退一步的方案，但係又唔知對方會否接受？又唔知對方會否覺得我大開殺界咁去迫佢？．．．真係好無奈同矛盾！唔知點算好呀！！

好煩．．．．．．．．．．．．．．．．．．．．．．．．．．．．．．．．．．．點樣先可以令大家冇事呀？？？？？？？？我知可以點做呀？？？？？？？我今日要做既都已經做左了，可以點先平息到對方既憤怒呢？？？？？？？唉．．．．

>>May 25, 2009 at 3:23:42 PM GMT+8

2009 年 5 月 23 日 星期六 【溫暖】

今日仍然繼續落大雨，難為A仔一朝早仲要冒住風雨返工呀！真係心痛死我．．．今朝我都送佢出門口，因為真係唔捨得佢．．．琴晚我知佢好夜訓，所以今日一定唔夠精神了，唉．．．我本來想陪佢返工的，不過佢都唔想我辛苦，叫我訓多陣，最後，我九點十起左身，之後就返左屯門了．．．

返到屯門，妹妹都未起身，而媽媽出左去同朋友食早餐了．．．過了一會，大家決定去市中心食野行街，我於是就決定請大家吃個LUNCH，因為本來我係今個月出糧應該係加人工的，因為入職前講過，過左三個月PROBATION有人工加，點知．．．今日CHK番見到仲係原數出糧囉，冇加到．．．我睇番CONTRACT佢都冇寫到過左PROBATION會加人工，究竟係咩一回事？我星期二返中心一定要攪清楚件事囉，因為咁樣好唔有問題！如果係人事部攪錯左，我都覺可以原諒，但係只係一個騙局，我會好唔接受囉．．．而家個心都梗住梗住，唉！

我地去左甘味度食烏冬，本來想去自家制度食，但係同板長一樣，各要等五十幾張台囉，真係等得黎餓死左囉，所以最後去左甘味食算．．．食左二百蚊，都幾OK丫！下次要同A仔去食先至得．．．食完後，今日好似陪妹妹SHOPPING咁，又幫佢手睇禮物比朋友，又陪佢走來走去睇護膚品，真係想死，最後行到六點幾先買到．．．天呀！好累好累．．．

回到家都好累，之後CHK左EMAIL，A仔佢SEND左一D關於帶結婚介子既資料比我睇．．．我都有REPLY佢．．．其實，我覺得真係視乎當時人對於帶介子是否抗拒囉．．．我比了點建議，真係希望佢會接受啦．．．

>>May 24, 2009 at 2:07:47 PM GMT+8

2009 年 5 月 22 日 星期五 【溫暖】

嘩，今日既落雨情況更加嚴重呀，真係都冇點停過咁囉，成日都落呀落，好煩呢．．．今日本來以為一個人返工係中心，點知原來話放ot既同事都返左黎，有人陪都開心好多，因為可以傾好多野，哈哈．．．成朝都冇點做過正經事，除左將我h/d內既野想過落去A仔比我隻手指之外．．．不過速度實在太慢，過左三粒幾鐘都係過左2GB左右．．．

放工之後就去左銅鑼灣行街，是關今朝食左個好豐富既早餐，所以都唔肚餓，故此就係咁行喇．．．最後，買左要買既野，真係超開心呀！真係滿載而歸呢，hehe~

之後4點半過左去牛頭角join左A仔同佢爹地媽咪，跟住一齊係茶餐廳食野，食完野上左A仔舊居坐左陣，玩左一陣好無聊既野，例如用軟呎度三圍，同埋用藤條打pat pat咁，好好笑．．．跟住，我地一齊過左去藍田，因為今日計劃去探A仔個阿公，佢早前入左醫院，近日出左院喇，所以都想再探下佢老人家！見佢老人家精神都唔錯，而且都食到野，真係安心喇．．．祝福阿公佢可以老如松柏啦．．．

跟住，我地去左啟田商場行左陣吉吉島，之後，因為A仔想買一個韓式燒烤個鑊，所以決定去左沙田行一次．．．最後我當然就陪佢去啦，哈，因為我要做個好女友！去到沙田即刻去左city super睇，好在有呀，不過得番最後一個，但係都要左啦，因為太抵了，$89個呢．．．跟住我地去左食野，本來諗住去沙田中心果間吉野家食，點知中途見到burger king，所以去左食啦．．．我地都食得好滿足呢．．．食完就回元朗了！途中，我地見到間J's deluxe，睇左陣介子，突然A仔講起唔洗買咁靚，因為佢都打算結婚後唔會帶．．．我果刻真係好唔開心同嬲，我唔明點解會唔想帶囉？同A仔討論左一輪，大家都冇結論，我好唔開心同好嬲，決定係車上唔想講野，一來我知再講只會嘈，二來都想自己好好思考下．．．當刻係有點心痛的呢！

回到家，我知A仔有點想逃避我，所以夜夜都唔願訓．．．不過，我想佢知，我唔係有心要同佢作對，亦都唔係想搵野黎破壞關係，我只係都想佢知道我既想法！

>>May 24, 2009 at 2:00:27 PM GMT+8

2009 年 5 月 21 日 星期四 【雨】

嘩~ 今日d天氣開始壞了，雨不時都會落，真係麻煩！

今日朝早就返左灣仔，因為要見總幹事，其實都冇講d乜野，都係講d好普通既野，哈哈！原來總幹事至愛聽一d私人事囉，哈！咁第二次知道同佢傾什麼了！好快完左，十分鐘左右啦．．．之後就繼續在中心工作！到左十二點就回屯門了，因為都唔想太晏．．．

回到屯門，本來想去爹地蕃薯度食，不過後來去到又唔係好想食，所以就走左去隔離既自家烏冬同板長．．．不過超多人囉，所以都係唔好喇．．．再走落一層睇，都最後去左mos burger買外賣，因為都係好多人囉．．．都好好味呀！同出邊既質數一樣既．．．

食完野係學校繼續工作！睇見班小毅進就走自己都有點唔捨得添，呵呵．．．

放工後回家，努力咁休息！

>>May 24, 2009 at 12:50:42 PM GMT+8