2009 年 5 月 9 日 星期六 【晴】

今日係媽媽節，在此，祝媽媽佢媽媽節快樂！．．．

今日好眼訓，一早起身就返教會了．．．返完教會，因為爹地要去開會，所以得番我和妹妹同媽媽慶祝媽媽節，於是我地去左食一個特別大餐，同媽媽好好慶祝！我地去左一間在世貿對面新開既一間北海道pizza店度食，佢出名既係米pizza！其實即係個pizza底係用飯焦做，味道都唔錯，好特別下．．．不過媽媽話麻麻地，佢都係喜歡傳統那種，而我同妹妹就好喜歡新口味！另外，我地又要左個大板燒，係妹妹至愛，我自己就麻麻，因為唔太喜歡吃林bad bad既東西！仲有，叫左個北海道牛扒粒咖哩意粉，又真係唔錯，好特別，不過我就略嫌d意粉林左少少囉，不過味道又真係唔錯架！大家都食到好飽，之後就過對面世貿行左陣，而家世貿裝修晒好唔同，比起以前好行好多，不過都係d名牌店，我地都係主攻muji同uniqulo啦，哈哈！行完之後就回屯門了．．．

在車上訓到落車，都唔願落車，好眼訓好累呀！之後媽媽去買送，我一個人先回家，而妹妹早就在三聖落左車過市中心，約朋友食tea！返到屋企，快手執左野，之後五點鬆出門口了，過去屯門西鐵站join阿A仔，約左佢一齊入元朗！入到元朗，同左A仔媽媽去食壽司，食完就回家了！今日好累，唔太想說話，亦都唔知有什麼好說，可能近日心情不太好吧！希望A仔唔好怪我唔講野啦！

一星期冇見佢了，感覺．．．唔知，有點怪！唔識得形容！又好似有點．．．

>>May 10, 2009 at 1:05:11 PM GMT+8

2009 年 5 月 8 日 星期五 【晴】

嘩哈哈~ 今日基本上返工都唔係返工，成間房夾埋我得三個人，上司又唔係度，我地三個就作晒反喇，成日係度玩facebook，傾計，做無聊野，哈．．．咁就半日了，好好笑！好好玩！

放工後就返屯門，之後同左媽媽，仲有佢既朋友，去左市中心食元氣，我都冇點食呀，因為搭巴士時買左個熱狗食，都飽飽地！去食元氣之前，就去左行左十五分鐘，比我快速地shop左兩條裙，仲買左一條scraf比媽媽做禮物．．．我都好孝順架呢，hehe~ 媽媽都好鍾意份禮物呢！之後同媽媽返屋企附近，本來想買個天使蛋糕架，點知賣晒，唯有買個其他媽媽節蛋糕啦！好開心！

返到屋企，同媽媽傾左好野，跟住夜晚出左去食飯，冇點食野，因為酒樓d野好似好肥咁．．．食完野返左屋企食蛋糕了！要祝媽媽佢媽媽節快樂！要媽媽永遠健康快樂！

近排喜歡了一首陳eason的新歌．．．

”今天只做一件事”

發覺這世界永遠太少空間
因此花一天支配一切時間
發覺這世界永遠太嘥心機
因此花一天思索一切道理

消失太快 捉得到太少
因此花一天感覺一切是愛
茫茫人海 或有幾多漂泊與淹蓋
人人尋找愛 或有幾多爭鬥與比賽
越覺得剩低幾多未變的愛

慢慢地合作新詩
靜靜地同床午睡
再發現歲月換來幾次厭悶幾多親愛
有各樣劫災 和充滿意外
因此我要努力繼續能戀愛

慢慢地邁向聽朝
靜靜地懷念昨日
再決定今天只要相信愛
叫皺紋散開 喚青春歸來
因此我喜歡花一天感覺一切是愛

發覺這世界永遠太少深刻
因此花一天改變一切習慣
發覺這世界永遠太多蹺蹊
因此花一天擁有一切運氣

消失太快 捉得到太少
因此花一天感覺一切是愛
茫茫人海 或有幾多漂泊與淹蓋
人人尋找愛 或有幾多爭鬥與比賽
越覺得剩低幾多未變的愛

慢慢地合唱K歌
靜靜地同遊網上
再發現歲月換來幾次厭悶幾多親愛
有各樣劫災 和充滿意外
因此我要努力繼續能戀愛

慢慢地邁向聽朝
靜靜地懷念昨日
再決定今天只要相信愛
叫皺紋散開 喚青春歸來
因此我喜歡花一天感覺一切是愛

喜歡花一天跟你一切是愛

>>May 9, 2009 at 4:07:32 PM GMT+8

2009 年 5 月 7 日 星期四 【晴】

今日唔錯，因為學校做左會考場地，所以極free地完成我今天的任務！good~ 之後6點就出門口，因為約左班city既舊同學食飯，去左旺角新世紀，一間叫做金善食韓式料理！味道就真係唔錯，不過都幾貴，每人食左百六蚊！嘩．．．過程都好愉快，比我相像中ok啦！不過佢地大多傾生仔同湊仔經囉，實在唔太o岩我口味，哈哈．．．約好左遲d又再約去某人屋企燒野食，good~

>>May 8, 2009 at 3:59:18 PM GMT+8

2009 年 5 月 6 日 星期三 【晴】

唉~ 今日總係唔多順利咁．．．首先係我個harddisk．．．朝早一開，發現冇晒d野，之後再研究下先知道係中左毒．．．shit！梗係之前教班時插過其他notebook出事啦，頂！好激氣，而且又好心煩，因為我所有既工作data都係裡面，而且我冇做過任何backup囉，真煩！後來整到半路，我2個 supervisor又到左喇，於是同佢地傾啦，見埋校長同老師，最後十二點完．．．

過程中，都知道學校方面，完左個小毅進之後都未必再有錢再做同類型服務，亦即係我個post都會隨住小毅進離開而離開．．．其實個心都有點失落！不過，我都好坦白同我既supervisor講我都希望可以即使呢度完左，我都可以繼續留係中心工作！兩個supervisor都好好，雖然佢地唔可以promise我乜野，因為始終話事果個係中心唔係佢地，不過，佢地都好好，比我感受到佢地都會盡力去做，希望可以讓我可以繼續留係呢度．．．真係感謝佢地！真係希望神可以繼續使用我，在這裡繼續工作落去，好好咁服務有需要既人！

另外，下午時間收到妹妹既通知，知道佢公司決定裁佢．．．我果刻都幾shock下，不過我相信妹妹個心仲難受！唉，妹妹佢喊到傻左，我都知道，對佢黎講真係好大既打擊！不過，相反黎睇，我覺得未必唔係好事，因為妹妹都係時候好好感受下挫折，嘗試面對困難吧！佢一向都太幸福了，都應該好好成長吧！所以，這件事，唔多唔少對佢黎講都係一件好事！希望妹妹可以好快面對到逆境，而且希望佢快些重拾自信同勇氣，重新振作過來！我明白而家搵工困難，但係都要努力呀！加油！要相信神，佢一定會為你安排更好的，佢必定會使用你在更合適既地方！要懂得交託呀！

呀，講番個harddisk，後來我食lunch時趕到去山景找A仔幫手攪，好在佢整到可以開番，不過都係中緊毒，要搵日清左佢！真係煩死呀！好想買部新notebook，哈，真係承機！後來趕番去學校，一點四，醒起約左個老師一點半前傾野，頂！好在個老師見到我飯都未食，所以約左我兩點先再傾！我食飯都趕住半粒鐘內食晒，今日唔知咩事，總係趕黎趕去．．．不過，都感謝神，起碼個harddisk而家開得番先啦！開唔番就死得人囉！所以一開得番我就過左d野去我部notebook度先，起碼多個backup嘛！不過A仔話比多隻手指我做多個support穩振d喎！又係既．．．

聽晚約左city既舊同學食飯，因為有個同學結婚派帖．．．坦白講，我唔多想去，因為真係唔太熟，不過又走唔甩，唉．．．好慘！

>>May 7, 2009 at 3:17:56 PM GMT+8

2009 年 5 月 5 日 星期二 【晴】

唉~ 今日最4都病倒了，好可憐！琴晚成晚都咳，仲喘起黎，真係討厭！成日都係咁，d痰真係多到死，又咳唔出喎，同死冇咩分別，條氣管好辛苦囉．．．抖唔到氣呢！所以今朝都係要請病假喇，一定要去睇醫生！

十點幾起身同左媽媽落街，佢班朋友話去飲茶，其實都唔太想，不過算吧，橫掂都要去果頭睇醫生！十二點幾睇完，醫生話我鼻敏感同氣管敏感發作，令我又喘起黎．．．唉！d藥又係多到嚇死人，次次都見到都驚驚，死到個人都麻木晒喇，唉．．．最唔鍾意既係，食完d藥係會勁心跳同手震囉，真係好辛苦架．．．

下午媽媽去左做gym，所以一個人乖乖在家休息！不過唔知點解唔太訓到，所以最後等媽媽回來，買左麥記比我食，食埋藥，跟住五點先可以好好訓一覺，一訓訓到七點！果刻A仔打比我，我知我又令佢擔心我了，真係唔知講咩好！不過，見佢已經好番好多，我都安樂d．．．頭先講起我地原本打算honeymoon去黑龍江，但係A仔好擔心以我既身體狀態係去唔到！其實，我都知係有問題，不過，難得佢咁想去，我唔想成日令佢失望，而且作為人地未來既老婆，唔通連陪個老公做少少願意都做唔到？我容許唔到自己咁失敗囉．．．但係，我真係好怕，我到最後都係會失敗，去唔到，令到佢失望！我知我要努力壯健個身體，但係，我發覺，我已經用盡好多方法，點解都係唔得？好氣餒！！！唔通個病真係要跟我一世？！．．．我唔要呀！！

明天我個team leader同team阿頭會黎我學校，話同我做supervision，順手見下老師！其實真係唔太想entertain佢地，好怕煩囉．．．仲係要晨早十點入到黎屯門，真係麻煩囉．．．唉！

>>May 6, 2009 at 3:13:40 PM GMT+8

2009 年 5 月 4 日 星期一 【晴】

今日好累，一朝早出到去灣仔了，準備好今日全日教班．．．幸好，班細路都ok聽話，而且都好好傾，所以結果感覺唔錯！愛死班細路呢．．．不過因為好病，所以好辛苦！我地有個規定，導師而家開始要帶口罩教班，所以真係好焗，已經病病地，仲要帶住口罩，真係超辛苦囉，所以帶帶下都唔想再帶了，死就死啦．．．

食lunch時去左買飯盒食，買左盒肉醬意粉食，返左中心食，點知d人出晒去，所以自己一個食！之後返番去教班！今日比預期時間快完成，所以最後時間都係同d細路係度吹水，都唔錯丫，可以建立下d關係！四點半就完左，跟住返番中心！返到去都冇做野，都係同同事係度吹水，上下網咁．．．個頭真係好痛呀，好累好累．．．

放工上到村巴就訓，訓到唔想落車，好累！返到屋企，食左藥，好想訓，不過最後都冇．．．好累好辛苦好病．．．唔想病呀！！

想起星期四我上司同上司個上司要入黎學校同我做supervision同埋見學校個輔導老師，個心就覺好叉麻煩！又要entertain佢地了！其實唔係怕什麼，只係覺好麻煩！

>>May 5, 2009 at 1:25:13 PM GMT+8

2009 年 5 月 3 日 星期日 【晴】

嘩嘩嘩~ 今日一個字，趕呀！朝早出到去灣仔上orientation，好早出到去喇，九點八去到，所以等左一陣啦．．．今日個orientation都幾悶下，因為都係講下d歷史背景咁，真係．．．想死！後來好在十一點九完左，可以快點走人！先返左中心拎少少野，之後再回屯門了．．．

返到屯門好快，九個字車程就到喇，返到去十二點九咋，快呀！之後去左越棧，買左個外賣香茅雞翼檬食，好味！都係時候對自己好一點了！食完野，剛好個好姊妹打黎，同妎犮狙t不多50分鐘，哈．．．跟住就開始我今日既工作，就係準備明天展翅全日既課程內容．．．

一方面想d野pro些，唔想太馬虎，二來又唔想d野太悶，唔係d細路又話悶就煩喇，所以都花左心思去準備．．．點知，攪到五點三都未攪完，但係學校又就黎閂門，所以，都係決定拎晒d野返屋企整，要準備既物資同影印既都整好，唯有回家先做ppt啦．．．真係好疲於奔命的感覺！

回到家，點知媽媽又做腦霸，唉，唯有比吤峞A我就承機訓番陣啦，訓到七點先再起身做野！食完飯又繼續，直至剛才十一點就完成！點解咁多野要整架？！how come？就係想pro咋嘛，呵呵．．．希望d野o岩用啦，希望明天順利啦．．．

A仔今日好似比起琴日把聲開了點，不過個肚仔就唔多爭氣，又痛番．．．唉，好心痛呀！真係煩了．．．希望囮祡I好番啦．．．好擔心囥O！囥凑悀S要返工了，希望吤i以好番，唔好辛苦啦！要早日康復呀！

>>May 4, 2009 at 2:58:12 PM GMT+8

2009 年 5 月 2 日 星期六 【晴】

真係感恩，A仔今日精神比起琴日好了，肚仔已經因為琴日既一針，已經好番好多．．．好感謝神呀！！我都安樂一點呢！

今朝同A仔訓到十一點幾先起身，反而我今朝唔太舒服，唔知咩事，個胃同肚一齊痛．．．好在食左藥之後冇咩事，唉！琴晚陪A仔食粥，今朝都係陪岉~續食．．．就當同自己清下腸胃吧！好事丫．．．試多次件婚紗，順便比A仔媽媽睇下，唔錯卦？！哈哈．．．

三點幾在元朗走了，一心想去到屯門後再去市中心間麥記買野食，點知去到．．．下，間麥記冇左囉，HOW COME?．．．好唔開心咁走左，返去碼頭！打比媽咪，原來呇a仲係海趣坊，所以叫呇a幫我買KFC，點知我去到呇a仲未幫我買到，最後自己買左．．．真係餓到傻左！最後成五點先食野，死左．．．

A仔好可憐，喉嚨痛到出唔到聲，好心痛囮r！希望呇迨敼d復啦．．．岒奶曈ㄜn放埋病假，醫生要呇n好休息！希望妘ㄞu係可以把握時間好好休息啦．．．我應承左吽A呇n番之後就同吤h食大嶼[，所以要快點好番呀！乖豬．．．

>>May 3, 2009 at 11:41:09 AM GMT+8

2009 年 5 月 1 日 星期五 【晴】

yeah~ 5.1同5.2呢兩日，同左A仔，仲有另外一男一女既朋友，一齊上左廣州玩玩．．．呢兩日既旅程十分之好！本來，今次既旅程係有成八個人去架，點知後來經過一D野之後，剩番我地四個，簡直係一個無敵既組合呀．．．GOOD~ 好玩到爆！

我地5.1一早九點幾就去到上水喇，跟住就向廣州出發！去到羅湖買飛，要成十一點先有火車，所以係火車站既書店行行，點知咁都買到書！發現有好多做手工，尤其係布藝既書，下次有機會要帶個好姊妹去睇下，包吨@定掃書掃到傻左．．．

去到廣州，就開始行街，先去左烈士陵園站，係我建議去架，是關我記得有次表嫂帶過我去，果頭有幾個商場，仲有吉吉島，所以第一站就黎左呢度．．．先左好耐吉吉島超市，大家都好有收穫，哈哈．．．仲食埋我地既LUNCH添．．．之後，我地搭巴士去左北京路行，一直行到去上下九果頭．．．真係人頭湧湧呀！冇計，5.1必定多人，大陸放假丫嘛．．．跟住一直行，行到去黃沙果頭既中藥街同埋寵物街，見到D動物幾隻迫埋係一個細籠度，好心UP！唉！D大陸人真係冇愛心，而且係視動物如糞土咁，好激氣！跟住就行到去黃沙碼頭，搭船去芳村，入住YHA！本來打算試下BOOK兩間雙人房，點知超貴，呢幾日假期既價錢比平日貴左好多，今次住六人房都要$90一個人！雙人房要成三百幾，太貴了！大家都覺有點睡意，於是乎大家決定睡一睡，最後都係我最知醒，哈，叫醒晒呇a出食野！

我地出番去芳村附近既一間購物中心，又係行左間超市，好大，有幾層，又買左好多野食了！之後係購物中心既一間曙U度食，覺得好唔抵！不過冇計，已經九點幾了，都要食飯！之後行番去途中，經過好多街檔，試左新鮮既燒生蠔同茄子，超正同超抵！

我地呢晚同左一個樣似中國人，但係同我地講英文既男人同房！好古怪！

5.2我地成十一點先起身，又係我最知醒！起身時，A仔囧{痛到傻左，燧咁痾，我真係擔心到死！好在，後來妧諯囿牯A都未到最差，可以捱得到返香港！我地先去左萬菱玩具批發中心度行，咁就行左好幾粒鐘，跟住就去左拎婚紗，好開心，好靚呀！好FIT，係FIT到．．．覺得自己近日肥左，要減肥了！跟住再去多次長壽路果頭行街，行完就走人回香港了．．．當刻已經七點了，買埋野上火車食返香港！

返到香港元朗，之後決定都係要同A仔去醫院一次，因為怕吤b夜又肚痛就大件事！去到博愛，真係好嚴，嚴到令人有點驚！好在，都唔係十分多人，醫生話A仔妐z炎同超過喉嚨發炎．．．可憐的A仔呀！我真係心痛到暈低！！睇完醫生，同左吤h買粥食，希望囮淗好番啦．．．

>>May 3, 2009 at 11:34:18 AM GMT+8

2009 年 4 月 29 日 星期三 【晴】

今日真係唔太妥，最後都係走左去配一配藥食，穩震d嘛．．．好煩，今日要準備放假後返去教展翅既內容，雖然都有好多野係個腦度，但係都唔想太hea既，要有個好效果架嘛！

之後努力執野，為左跟住兩日既行程．．．去左接a仔放工，好好笑，本來由八人行既旅程，而家變做四人行！係我地理想既人數，哈！爽呀！可以玩得好放了，yeah~

希望跟住兩日行程平安愉快啦！

>>April 30, 2009 at 5:03:50 PM GMT+8