2009 年 4 月 7 日 星期二 【晴】

今日繼續返中心工作，因為學校放假喇，所以都要回中心啦！朝早同左新team leader傾野，其實．．．我都未正式摸清呢個人既底蘊，所以．．．未敢為這個人下什麼評論！唯有既係，小心為上啦．．．而家工作耐左，個人都磨練多左，而家唔會輕易相信人，亦都唔會容易同人講太多真話．．．表面上好似好衰，不過．．．職場上人人都係咁架啦，你唔醒d就會比人有機可承！傾完都12點幾了，所以都係食飯既時間！今日帶左飯，所以好快食完．．．

本來下午約左個青見case黎見，點知呢個case吨S唔識路，又一改再改d時間，攪到最後成5點10先黎到，我仲約左A仔係公司留下等，所以，攪到好趕，好快手咁見完吽A之後6點5就沖落樓搵A仔喇．．．等到妎怚炕I所以，自動請英話請食DINNER啦，哈．．．我地去左食米線，不過好似味道麻麻地！跟住，我地就返元朗喇．．．

元朗架車好死凍，凍到個人冇晒心機，真係好討厭！聽日會返學校，因為班小毅進會返學．．．

>>April 16, 2009 at 2:09:22 AM GMT+8

2009 年 4 月 6 日 星期一 【晴】

今日本來係返學校on duty的，因為學校就黎放假喇，所以打算見晒d學生先放假，但係無啦啦發生左一點誤會，而家我聽日要返去中心教班，仲係ERB添，我完全係冇準備過，所以，琴日忙到飛起就係準備聽日教班既野．．．好在，今日係教下午，所以早上仍有時間可以好好安排一下！朝早時間過得好快，因為我地12點就出發去食飯，因為今日同班實習學生食飯，呇a今日係last day喇．．．我地去左369上海店度食野，真係唔錯，不過好似多左少少味精！一去到就係咁睇想食咩野，是關我都好喜歡食上海野架．．．好開心！

食完飯，飯氣攻心，就要開始教班！今日教班人係ERB既美容班，成班都係女人，而且有D人中年的，所以大家都好易話為，好o岩傾啦．．．完左個班，d同學仲走黎問我野添，仲話想問我拎電話，哈．．．真係好好笑！

放工時已經係六點三，好累好累，幸好又有村巴搭，可以好好咁訓一覺回程車了．．．

>>April 16, 2009 at 2:04:39 AM GMT+8

2009 年 4 月 5 日 星期日 【雨】

嘩~ 今朝出門口時超超超大雨囉，真係好論盡呀，成條褲都濕晒，又多野拎喎，上車時真係論盡到爆呀！今朝好唔願起身，因為實在太累太眼訓了，真係想死！早兩晚都訓唔到覺，所以琴晚一訓就可以訓到大天光了，真係好！

今日係學校都好累，成日都不在狀態，今日仲要見case，而且臨時聽日本來計劃留在學校見case，但係因為發生左點事而我明天要出番灣仔中心，仲要教ERB，真係麻煩！好論盡囉．．．又多一件論盡事，今日做乜事呀？WHAT'S UP？．．．所以，放工前既時間就不斷係度準備教班既內容，真係忙到爆，因為未教過ERB，而且有D資料係我未教過同接觸過，所以有點擔心！真係希望神可以加力量係我身上，讓我可以順利完成任務！

個頭同身都痛到爆，返到屋企只係想即時走上床訓，真係累到要死．．．媽媽今日又去左澳門玩玩，所以好晏先返，今日在家吃水餃面ONLY．．．不過都已經好好！吃完都好累，但係都冇訓到，反而食飯前同好姊妹傾左左兩粒鐘電話，感覺好爽！大家都傾左好多開心同唔開心既事，分享左好多好多．．．好感恩有呢位好姊妹，因為由我地認識至今足足就黎十年，我地之間真係分享左好多好多．．．希望為好姊妹而代禱，希望佢可以OVERCOME到一齊，而且希望小強可以過到去台灣工作順利平安！

>>April 6, 2009 at 3:09:29 PM GMT+8

2009 年 4 月 4 日 星期六 【陰】

hehe~ 由星期五晚已經進行左出走行動！同A仔決定去三日兩夜既廣州之旅．．．

星期五呢晚，放工後就即時回家，之後執好行裝就約A仔係上水等，點知一波三折！先係等唔到上水小巴，我等左五個字都冇架車黎，後來要搭番去屯碼先至上到車，真係．．．原來同一個時間，A仔係元朗都係上唔到車，巴士狂飛站．．．大家再想起，一定係好多人返上大陸拜山！點知如我地所料，去到羅湖多人到死呀，攪左好耐先至過到關！過到去深圳，諗住搭和諧號去廣州啦，點知多人都嘔，我地最後唔想太夜去到，所以無位坐都上！幸好，企既車卡有一個好大既位置可以坐係地度，我地最後都係坐係地度休息啦，唔理喇．．．

幸好，去到就好順利喇，好快手已經搵到間青年旅舍，係近住芳村既珠江長堤旁，環境真係不錯呀，好浪費添，因為附近有酒吧街，又有長堤，我地第一晚就去左拍拖拖，哈哈！仲食左宵夜，正！青年旅舍環境都不差呀，不過附近都有好多旅舍旅館的，下次可以嘗試下其他吧，哈！不過，第一晚我完全訓不到，問題在於A仔的一句說話．．．我唔係疑神疑鬼，反而係．．．怕有賊仔咋！真衰．．．咁就成晚冇訓到！

第二日，我地一早，都十點起身啦，之後就去左上下九路果頭行街，跟住就去左市二宮果頭，進行入貨行動！我地主打係我條婚紗，A仔件禮服，同埋伴娘裙！最終完成任務！我就訂造左條三千幾蚊既婚紗，真係咁大個女第一次買三千幾蚊衫，仲要係著一次咁大把！而A仔買左套踢死兔，亦都買左條米白色既伴娘裙！好開心！行完之後返左旅舍，之後我地嘗試係芳村既碼頭搭船過去對面江既黃沙，之後再行去上下九路行過街，又買左少少野，呵呵！真係滿載而歸喇，YEAH~

第三日，即係今日，九點幾起身了，不過．．．我琴晚又再失眠，可能係．．．琴晚十點幾我地去左洗頭，A仔就剪埋個頭髮，果時我飲左杯奶茶，唉．．．就係呢杯野出事，訓唔到覺，我估都係訓到兩個鐘度咋！好可憐！咁我地就一朝就去左一德路果頭入貨，又入左好多野呀，重到爆，而且問題係D野超大件囉，真係拎死喇！不過，好順利，要買既都可以買晒，仲有意外收獲添，好感恩呀！所以，回程時，雖然廣州火車同樣又係無位坐，不過，我地都感到好開心，因為今次既旅程真係好開心．．．感謝神，感謝A仔！．．．

回到屋企，好累，好眼訓，不過仍然與家人出外食飯，食得好豐富，尤其係條東星斑，超正！食完，妹妹仲請我食雪榚，多謝妹妹！不過，好乏力，當想起要執野時就係乏力既感覺，不過，終於執完，太好了，可以好好休息喇．．．希望今晚可以訓番覺好啦！

>>April 5, 2009 at 3:26:06 PM GMT+8

2009 年 4 月 1 日 星期三 【晴】

今日朝早都係做左自己野，之後食左個車仔面做LUNCH，下午就開始見CASE了，係中四班既人．．．因為都上次同老師傾開，發覺班中四同學仔都有需要去傾下，所以都開始左咁既工作！咁就用左兩粒鐘見左兩個同學喇．．．都好丫！

之後放工，A仔打過比我話想見下，不過真係太累了，所以冇約了！自己一個人行左去市中心果頭，跟住行到去時代廣場，發現佢原來就黎要大裝修，所以好多呢度既舖頭都要搬喇，好多都搬遷大清貨．．．我入左去TREADY LAND度睇野，因為佢話最低1折，我梗係要去睇下有冇我至既高飛產品啦．．．哈，比我買左三件，真係好！好開心呀！真係疲累當中既一點安慰！真係有點孩子氣，不過．．．又好開心喎，買到心頭好嘛！

回到家好累，訓左一陣，之後再起身食飯！今晚同A仔決定左，聽晚就上廣州了，可以時間充足點，玩多一點，安排好一點嘛．．．好期待呢，呢個假期話咁快聽晚就開始了，要恨恨地出走呀．．．

>>April 2, 2009 at 3:39:30 PM GMT+8

2009 年 3 月 31 日 星期二 【晴】

哈~ 今日係愚人節，不過完全冇去愚人或者比人愚過，真係感恩喇，呵呵．．．今日係學校都冇咩做，都係做私人野，又係計黎計去，頭都爆埋喇，人都癲呢！

放工之後約左A仔，去左佢中心等左佢好耐，見佢真係忙到飛起，真係好想幫佢，不過我知道，只要我企埋一邊，唔出聲，默默咁支持佢，佢已經好滿足架喇．．．跟住同佢個同事一齊返到元朗，再JOIN左一個朋友一齊去食壽司，食到好飽，好豐富呀！食完就行返屋企．．．

今日好累，A仔又累，一朝早返工，而且聽朝仲要一早！佢由聽日起，就一連幾日去白田教班，真係辛苦囉．．．而我都好累，因為一個月一次果D真係累到爆呀！

>>April 2, 2009 at 3:34:52 PM GMT+8

2009 年 3 月 30 日 星期一 【晴】

今日因為要教展翅班，所以一朝早七點就起身喇，要九點返到灣仔中心．．．真係好眼訓呢，好耐冇七點起身喇，嗚！今日班展翅真係麻煩，中間發生左件不愉快事件！幸好，同事都好幫我同撐我，所以，最後都可以處理左，good~

今日剛好係每月一次既第一日，真係想死，個人好累，個肚好痛，仲要企好長時間，要好晒氣咁講野，好花精神去處理事件，所以．．．．超累！幸好，放工前，突然聽同事問起我，平日有冇搭村巴返屋企？我突然心血來潮，試下行過去修頓球場果頭睇下啦，點知行左過到家計會門口，就見到架本來去屯門友愛村既村巴，佢而家改左終點站去到屯門碼頭．．．good呀！以後可以有架村巴搭喇！架車好快，我七點零返到屋企了，但開車時間係六點三！而且又平過962，只係$17咋，所以太好了，好感恩！又舒服好多，唔洗搭架死人962，係青山公路轉到頭都暈埋．．．

返到屋企好累，不過都冇好好休息！跟住好快就食飯．．．今晚想好好咁早點休息！不過，知道A仔佢今晚會做到好夜，有好多野要做事，個心又好痛．．．希望佢唔好太辛苦啦！

>>March 31, 2009 at 2:55:22 PM GMT+8

2009 年 3 月 29 日 星期日 【晴】

今日都冇咩做野，呵呵．．．因為星期六已經準備好聽日展翅教班既野喇，哈！聽日要教一整日呀，真係有點乏力咁，好似好漫長既時間咁．．．

今日覺有少少作感冒咁，唔知係咪琴日一冷一熱"ZIP"親呢．．．真係麻煩了！鼻水不時會流下流下．．．我清楚唔係鼻敏感的，因為個頭有少少重！不過，我唔會比自己病的！要加油，好好保重！所以，我仍然KEEP住一朝早食一個蘋果，多飲水，做運動，多飲湯水，要食生果添！加油呀！！好想攪好個身體去！努力．．．

返到黎好累，訓左陣，不過唔係好訓到，因為波波係我張床度訓，D毛毛又係我張床度飛飛下喇，唔係佢死就係我亡架喇，天呀！眼水同鼻水一齊流囉！好在食完個飯好左少少咋，如果唔係死得人！加上，每月一次既野又有點作動著要來喇，真係好辛苦！肚仔痛痛谷谷咁，唉．．．女人最痛，真係男人唔會明白！

>>March 30, 2009 at 2:53:03 PM GMT+8

2009 年 3 月 28 日 星期六 【晴】

今朝訓到九點先起身，都可以叫做訓得夠既，不過個人都仲係好累！今日選擇搭西鐵，點知都可以遲到，當我見到時間就到時，我就打比媽媽睇下佢地去到邊，話比佢地知我遲到，點知，呢一刻我先知道今日得爹地一個出去，而且又唔去拜山添．．．當刻有點被呃的感覺！因為，媽媽唔記得左處知我拜山行動取消左！真係激氣！

返教會沿途，都見到好多去睇七人欖球既人．．．令我想起琴日係灣仔地鐵既情景！琴日係地鐵站度見到六個鬼佬，其中五個就著左中國女裝其袍，又紅又紫咁，仲要一人拎住把紙遮．．．當刻呆左，都唔知講咩好！後來，其中一個鬼佬係唔同，佢係上身冇著衫，下身就用一塊唔知係布定膠既肉色野圍住，前面仲要係有好多黑色既鬈毛囉！頂！我睇到之後都已經唔再敢望多一眼喇，哈！返到教會，覺得好凍，就係呢刻開始有點流鼻水了．．．

之後，同爹地就一齊返屯門，同媽媽妹妹去左飲茶，飲完茶之後就返左屋企，留左一陣之後就出門口，向元朗進發！不過入元朗之前，要同妹妹去屯門市中心攪少少野，跟住先再入元朗！點知A仔佢仲早過我地去到，佢就幫我拎位先！好彩，我訂定位咋，去到見到都爆呀，好在咋！今餐好豐富，叫左好多野食，好好味呀！真係有D眼闊肚窄呀！最後，要打包囉，呵呵！

跟住同爹地媽媽分手後，同左A仔行左陣元朗廣場，跟住就慢慢行返屋企了！行行下落雨，真係衰！之後，A仔傻瓜話試下數下我地餘下要行多幾多步先返到屋企，估下一千步得唔得！哈．．．最後，用左九百步已經返到去了．．．勁！

今晚真係好開心，因為A仔真係好好，佢好錫我，對我好好，仲好乖乖添！所以．．．係抵錫架！

>>March 30, 2009 at 2:47:52 PM GMT+8

2009 年 3 月 27 日 星期五 【微雨】

今日係妹妹生日，在此祝佢生日快樂！心想事成！身體健康！越來越靚．．．

今朝返工都好好天，冇落雨，仲見過下陽光添，都係好．．．可以keep住就好了！今日工作冇咩特別，因為兩位上司都不在，所以特別輕鬆！今日住南丫島既同事請左我食南丫島既特產棉花糖，又真係好好食，聽佢講$12先得四粒．．．佢裡面既花生好脆口架，真係唔錯！唔太甜同膩，我覺小食多滋味架！所以好想有機會入南丫島買黎再試．．．放工之後就搭車回屯門，一心諗住同媽媽飲茶，點知媽媽忘記左，仲話約左人去市中心做gym，即時呆左．．．跟住，唯有約A仔啦．．．

返到屯門，食左個公仔面，做左陣野，就出門口去元朗．．．係元朗行左陣街，之後返屋企．．．食左個飯，響應左全球熄燈一粒鐘行動！不過，眼見四周都冇咩人支持咁．．．元朗係鄉下地方，人都差D，冇計！之後係度睇戲王之王，笑爆咀，好好笑，睇完先至沖涼！

明天早起呀，因為好忙，先返教會，之後去薄扶林拜山，再入元朗食印度野同媽媽妹妹慶祝生日！所以，節目十分緊密架！

>>March 28, 2009 at 4:47:25 PM GMT+8