2009 年 9 月 28 日 星期一 【雨】

琴晚成晚冇訓到．．．執野都已經執到點幾兩點，沖埋涼都兩點幾了．．．當我仍然有清醒時，好似係三點幾．．．之後，我都唔知自己幾多點先至叫訓到著一下！好辛苦，今朝七點就起身了．．．因為天氣唔好，都要再早點出門口返工啦．．．不過真衰，最後都遲到，出到上環先黎塞車，仲要塞到車都唔行，真係衰．．．所以，即時打比老細話改返十至六，咁先至唔洗遲到咁多啦．．．我寧願係咁安排啦．．．

返到中心，九點八．．．唉，真係想死．．．已經好累啦．．．今朝好好，請左個好有資歷既舊同事黎我地同事sharing，講左一d佢既工作心得．．．感謝主！

完左個sharing，我就食飯了，是關兩點要去筲箕灣教班．．．今日班同學仔幾好，好合作，呢班人都幾funny．．．完左堂，我就快手回中心，因為今日約左阿姐傾final apprasial．．．點知，唉，同類事情再次發生！上次我做probation時阿姐已經試過唔記得約左我，點知今次又係．．．提左都係冇用，最後都係忘記．．．我都唔知講乜好了．．．所以返到中心五點半，冇得做apprasial，而且我30/9個合約就完喇，咁即係點？我之後仲洗唔洗返工？中心仲續唔續我架？其實我真係可以唔返工架喎，唉．．．頭痕到爆！！

放工搭左村巴，都坐得唔舒服，兩邊都坐住大肥佬，真係迫死我，我做左夾心人．．．返到屋企，已經累到爆，訓左係床唔識得郁．．．連媽媽叫我食飯都要叫左幾次先至起到身！好累好累．．．身心疲累！！所以，今晚唔去A仔度執野喇，太累了，明晚繼續吧．．．

>>September 30, 2009 at 4:06:25 AM GMT+8

2009 年 9 月 27 日 星期日 【颱風】

今日天氣開始變，好壞既天氣，落雨落狗屎咁．．．濕到丫．．．

今日把聲唔係好開咁，沙沙地，所以教書果陣都好辛苦，盡量都令自己唔洗講咁多野，比學生做多點野啦．．．哈！

放工後，返屋企，但係天氣好壞，落好大雨，所以好論盡，濕到死死下，又等左好耐車先至上到架962x．．．返到屋企好累，本來想訓陣，但係都冇，做左陣野，叫左媽媽早少少煮飯，跟住就食埋飯就出發去元朗．．．

好努力咁執野，中間同A仔又發生左件不愉快既事，我真係好傷心，好唔開心，好心痛，灰爆．．．我曾經真係度問自己，點解？．．．點解我可以咁樣？點解我會成日做錯事？點解成日都係咁？點解我可以接受到？點解．．．其實，我唔敢forsee將來了．．．我真係好驚，因為過程實在太可怕了．．．男人發既威力真係可以叫人感到懼怕！！我曾經想放棄，因為唔知日後會點，但係，當刻我有把聲叫我，唔可以放棄．．．

後來，我不斷祈禱，求神比啟示我．．．我知道了，我將會知道我應該如何做，我知道神會為此事而作一定既事工，所以，我會繼續堅持同努力！天父神呀，我願意，我願意為了你去改變．．．

>>September 30, 2009 at 3:53:22 AM GMT+8

2009 年 9 月 26 日 星期六 【清涼】

嘩，今日既天氣超局超熱呀．．．琴日都已經係酷熱天氣警告，今日同樣都係，好似話都成三十幾度囉，SHIT！今日一早十一點半就去到中環公眾碼頭，我搭西鐵出去，順手係IFC間麥記買埋早餐食，哈．．．D同事都叫我快手係碼頭未上船前好食左去，因為怕我暈船浪喎．．．其實，我又唔係好怕，因為細個都有搭開飛翔船係屯門出中環，所以，都OK既．．．

不過，最正既係．．．係上船之前，我地發現左TVB係碼頭果頭拍野．．．原來，係馬國明同楊怡係度拍戲．．．嘩，好開心呀！我好鍾意睇馬國明同楊怡架，今次見到佢地真人，真係開心到爆呢．．．可惜搵唔到佢地映相同簽名啦．．．馬國明好高大靚仔，塊面仲靚左好多；而楊怡就好瘦，都幾靚架，唔錯！我地上船果陣，有個同事話好想叫馬國明，於是我地就大叫馬國明個名，果時馬國明四圍望，之後知道係我地叫佢，佢就好尷尬咁同我地打招呼同揮手．．．哈，好開心呀！佢真係一個怕羞仔！

係船度，我同幾個同事玩UNO，嘩，真係激，都咪話，諗住玩可以分散注意力唔容易暈，但係其實都容易暈架，哈．．．我有個同事，長平公主，咪頂唔順囉，even佢食定暈浪丸都唔得，嘔到個人面都青埋呀，好可憐！我最後都冇事，感謝主！

到左海窩，我地去左麥記坐陣，比長平都可以抖下．．．點知係果度撞到個展翅學員，真好笑．．．個細路好好人，佢陪住我地上山去衛理園，仲幫我地拎野添，真係乖仔！嘩，行去衛理園條路，都因為今日既天氣問題，令到好似好難行咁，好熱，係咁出汗呀！剛好呢個時間，A仔佢打比我話佢係深圳返緊黎，佢今朝一早上左去，買左個晾衫架同方便衣櫃返黎，for我地個新居用．．．真係辛苦佢喇．．．感謝佢．．．

今日個fun day都冇咩特別，都係主要認識下唔同部門既同事咁啦，都ok啦．．．不過d食物就麻麻地，好多煎炸野，都唔好食既，都食唔飽．．．算啦，當減肥吧！

食完個所謂晚餐，我同同事行番出碼頭，最後我同自己部門2個都係住新界西既同事決定搭巴士出番東涌走，唔跟船出中環了．．．之後，兜兜轉轉下再搭多左2個唔同部門既同事一齊走；本來想搭巴士，點知架3M要等成四個字，而剛好有五個人，所以決定打的．．．THANKS GOD呀，最後八點三出到去了，慳番成四個字等車既時間呢，而且價錢同搭巴士一樣，每人都係廿蚊，好GOOD~ 跟住就搭E33返屯門啦．．．我返到屋企都係九點三咋，好GOOD~

今日好累呀，咁就一日了．．．想起明早又要返工，真係好死既感覺．．．

>>September 30, 2009 at 3:31:03 AM GMT+8

2009 年 9 月 25 日 星期五 【晴】

今日要返工，不過，哈，冇點做過野，真係好hea咁過．．．其實真係好冇mood做野囉．．．

放工後，A仔話佢要遲d先出到黎，咁我就一個人行．．．最後，同A仔join左，去左灣仔間板長度食．．．出奇地係唔洗等位喎，太good了．．．食完野，我地就打丁丁去左聖光堂，因為今日約左牧師傾婚禮既野．．．

去到聖光堂，原來有一對新人借左場地行婚禮，當時我地都有點衝動想去睇下人地係點，不過最後冇啦，好似好怪咁．．．之後等左陣，等婚禮完左牧師先落番黎．．．我地傾左成粒鐘，知道左好多野我地仲未做，包括做婚前輔導，做教堂紙，準備好多好多．．．．o屋．．．好多野要做呢．．．

跟住攪掂後，係cwb行左陣，跟住就回元朗了．．．返到去，係屋企食野．．．．明日，大家都要忙．．．我就要參加機構既康樂日，而A仔就要幫佢媽媽搬屋既事．．．大家都要努力呀！

>>September 30, 2009 at 3:08:32 AM GMT+8

2009 年 9 月 24 日 星期四 【晴】

今日放工之後，就要去上調解員既第一課．．．．放工果陣，順手去對面麥記買左個煙蛋包同粟米；返到屋企，就即時食左個粟米，之後，執好野就出門口．．．上到車，好開心，A仔打電話比我，陪我渡過左一段車程時間！好景不常，一路都好順利，點知出到去上環，就開始塞車，攪到我最後七點二先返到去．．．好在係車度已經有食定個包，如果唔係就餓死左！

今晚上堂前，比我撞番一個故人，呢個人，就係我以前係一間中心工作時既老細，大舊SIR！我地係搭lift果陣見到既，我初時見到佢，就同佢HI左一聲，之後佢有點咢然，好似有D唔係好認得我係邊個咁．．．之後，我問佢點解黎呢度，佢話上堂，一問之下，佢原來同我上同一個課程，咁我又快口講左句：O伊，同學仔喎．．．當時，大舊好ought．．．我唔知我係咪講錯野呢？其實，以佢既學識，我都唔明佢點解會黎上堂，哈，仲要係同我做同學？！我諗佢有點奇怪咁啦．．．哈！

今堂我覺都幾ok，都唔係太難明白．．．雖然manual內容都係英文，但係都seems to be都唔係太難．．．可能自己之前做勞工服務時，都大概知道調解既過程同內容係有咩野啦，加上其實都好似我地平日社工做case咁做，我相信應該唔太難卦．．．當然，今堂只係第一堂，仲有好多知識同細節上都要學習．．．要虛心學習呀！反而我個partner，長平公主，因為佢話自己英文唔太好，而我見到既都係，佢既英文係好差，所以，佢都好辛苦下．．．成日要問我d英文點解．．．真係好擔心佢既情況！

落堂時已經係十點二了，唉．．．好累．．．仲要搭架死人962走．．．初時有諗過求其有咩車返到屯門既都搭，最多轉車，不過點知最後都係搭左962．．．好累．．．

>>September 30, 2009 at 3:02:48 AM GMT+8

2009 年 9 月 23 日 星期三 【晴】

先感謝神，因為今日身體狀況因吃了藥而好了很多．．．好感恩！加上，今日工作都唔係特別繁重，都係處理一些文件及行政工作，所以來得輕鬆，可以令自己好好休息，做下其他的工作！

今日曾經同好姊妹討論過有關以狗狗作花仔花女事宜．．．姊妹覺得以狗狗做花仔花女很特別，亦覺得是可行的．．．十分鼓勵我嘗試！不過．．．我自己心中仍有很多懷疑，尤其係場面控制問題，同埋無啦啦有兩個人係我後面拉住兩隻狗行出黎，而隻狗又function唔到花仔花女既工作，例如剎花花咁．．．加上，我又擔心有些嘉賓會怕狗狗，令人感到不安或尷尬！所以，最終以大局為重，放棄呢個方案！其實，冇花仔花女都應該唔係太大問題既，我估．．．

放工回家，被媽媽徵召，幫手去超市掃貨，我地兩個女人，四隻手都拎住野之餘，膊頭各自仲有一袋／兩袋，想死．．．難怪媽媽要徵召我喇．．．返到屋企，好累好眼訓，訓了一會兒，直至食飯．．．今晚，同A仔講起搵搬屋公司報價既事，我覺得如果唔識野既，或者太容易信人既話，真係好容易被人昆水．．．最後，我都尷尬咁打去搵左我之前打去QUOTE價間公司問，其實當時已經近十點，我都極度唔好意思，但係又見事情咁急於處理，無奈都要打去．．．幸好對方沒有話我，而且亦好樂意為我分析及解釋情況．．．最後，我都係決定搵呢間，好似可信性高D．．．

唉，咁就完左一件事，又可以暫時鬆一鬆．．．近排太忙了，好多野要處理，包括自己既工作，同埋私人事．．．

黎緊呢個星期，由星期一至下星期三都冇假放，日日都要返工；加上，星期五晚仲要返學，星期六放工後仲要見牧師傾結婚既事；下星期二仲要見阿姐傾埋個final apprasial同埋新合約定我生死．．．跟住下星期開始要續一開始清同執"舊屋"，十月頭要開始抺"新居"．．．加上其實結婚既野仲要開始有點工作要開始handle番架喇．．．唉，真係身心靈都在極度tension既狀態呀！真係totally exhausted！不過．．．我要努力，捱埋佢啦！你得架．．．

十月開始，我就有一個新既返工模式了；以前一星期返四日學校一日半中心既日子已經過去了，換來既係一星期返兩日學校，三日中心．．．我又要重新習慣新既工作模式，要學習同同事相處，不再是獨立的工作！我向來喜歡獨立工作，因為彈性大，可以自由決定工作！但係十月開始光景不再了．．．所謂有咁耐風流就有咁耐折墮囉．．．哈！我都唔敢去forsee跟住既情況係點喇．．．唉！

>>September 25, 2009 at 2:27:48 AM GMT+8

2009 年 9 月 22 日 星期二 【晴】

唉，今日好唔舒服呀，今日成個人冇晒心機，好冇動力，好冇精神．．．總知，一個字，衰！樣衰，身體衰，精神衰，衰運．．．唉．．．

連今日A仔叫我入元朗都唔想，因為太累太病了．．．嗚．．．好慘慘呀！唔鍾意病病呀．．．SHIT！

頭先，同A仔傾開我地結婚時應唔應該有花仔花女．．．其實，有，當然會好，因為可以令過程看得來完美一點．．．但係，如果沒有既，我亦唔會特別覺好需要一定要有！但至於講到可否比兩隻狗狗做花仔花女既問題．．．始終係外在環境因素既問題，教堂是否容許狗狗入來呢，我真係唔知．．．而且，亦都擔心到時難以控制，會令場面混亂吧．．．唔知呀，要好好考慮下吧．．．

>>September 23, 2009 at 1:45:46 PM GMT+8

2009 年 9 月 21 日 星期一 【晴】

近日真係有點疲於奔命咁，今日又要奔波了，一朝早出去筲箕灣中心度教班．．．真係好累，不過，幸好班學生都好正，好有互動，好好玩，好好笑．．．所以，一日好快就完成，而且係開心既時間下完成，好感恩．．．

完左堂後，同左兩個實習生一齊返灣仔，因２今日約左個青見CASE，點知，最後等左半粒鐘都搵唔到佢，最後決定放棄，走人喇，因為太累了．．．

在車上訓到傻左，幸好係坐村巴，好舒服，好快就回到家了．．．

今晚感到有點唔舒服，好似感冒還未好咁．．．定係自己貪吃之過呢？

>>September 23, 2009 at 1:27:35 PM GMT+8

2009 年 9 月 20 日 星期日 【晴】

WOW~ 今日早起呀，因為一早要入烏溪沙個CAMPSITE．．．今朝搭59X，好黑仔，我冇位坐囉，要企到出美孚先至有位．．．不過，都幸好，有得坐番15分鐘！而且，都好順利去到烏溪沙，哈．．．

今朝內容都幾悶，都係講TALK，題見同正能量有關．．．仲係個RETREAT度撞番我同A仔既一個舊同事，佢而家係楊震做，佢仲話我知已經結左婚，真係恭喜佢．．．食完飯，下午時間好開心，因為分左三個WORKSHOP，我參加其中一個叫心靈舞蹈！呢個WORKSHOP係透過舞蹈，讓人心靈得到RELAX同解放．．．完全正確，完左堂之後真係好舒服，好開心呀！真係GOOD到爆呀！最後，唔洗五點就可以走人，SO GOOD~

返到屋企，快手執野，之後就出發入元朗．．．好開心，終於見到A仔喇，因為同佢足足一個星期多冇見過喇，都好掛住佢呢．．．而且佢近日病病，都好想睇下佢點．．．今晚同佢過左晚開心既時光，好多謝佢呀！

>>September 23, 2009 at 1:24:07 PM GMT+8

2009 年 9 月 19 日 星期六 【晴】

今日早起呀，因為要返教會，今日要幫手做司事．．．完左崇拜，我地去左飯堂，哈，別府，度食．．．今日食左好多正野，包括牛舌，係我至愛之一！食完飯，我地同爹地媽咪分別，我同妹妹去左行街街，因為我想去買本記事簿，是關已經有好多2010年既野要PLAN喇．．．

我地先去左利舞台行，去左UNIQUOLO同MUJI，我係MUJI順手用埋我恆生卡既CASH DOLLAR，不過仲有$16，遲D要用埋佢，哈．．．跟住，我地再去左TIME SQUARE行CITY SUPER，我終於買左本記事簿，GOOD~ 終於有得用喇，唉！跟住就走人回屯門了．．．

好累呀今日，本來A仔叫我今日過去既，不過太累了，而且聽日要一早去烏溪沙RETREAT呀，好似屯門出發近點，所以今晚要早點訓了．．．

>>September 23, 2009 at 1:19:10 PM GMT+8