2009 年 10 月 23 日 星期五 【晴】

今朝好早起身，因為今日要去家計會度做婚前檢查．．．九點已經到左元朗，諗住同A仔食左早餐先，點知A仔遲左到，所以最後都趕趕地咁係美心食左個早餐．．．去到家計會，原來先知道，A仔係有個特別既任務要做，哈，係乜？唔講啦．．．今日主要係抽血，係我其中一樣好驚既動作．．．是關以前第一次抽血時，懶係大膽咁望住個姑娘抽，點知睇住D血爸爸聲咁流出黎時，自始就驚左喇，哈．．．好痛痛呢，嗚．．．

之後，我地係元朗掃左一D日用品，跟住就返新居喇，決定又黎個整理新居大行動．．．哈，今日好似好多行動咁？！一口氣做左兩粒鐘，哈．．．最辛苦既都係A仔，佢真係好叻仔，係天台度整左好多燈呀，係佢自己一手由整電線到整燈膽．．．好勁，比佢十個叻！今晚仲做左幾次既亮燈儀式添，好好FEEL呢，正！

跟住A仔就趕番出去舊居，因為今日有人黎驗樓，準備交收．．．我就一個人係新居，同個新既燒烤爐博鬥．．．我博鬥左好耐，份死人說明書都睇唔明既，最後都係自己打天才波砌好左．．．整到我丫！之後，嚇人既事件就發生了．．．

話說我當刻打算係天台行番落去時，行緊樓梯，突然FEEL到左邊牆好似有D野郁郁下，果下一望，頂，係一條GEORGE，佢仲係要半透明咁既色，雖然係細條，但係都令我驚到要死喇．．．果刻唔知點好，又得自己一個係度，又唔可以唔理，因為怕佢今晚入黎我張床度同我一齊訓，所以決定整死佢．．．走到廚房，拎左枝殺他死，最後，噴左佢七下先至死左．．．真係還強呀！跟住，諗極都唔知點處理好佢，最後，用左好多張紙巾蓋住佢，再用掃把掃起佢，再用手放入一個膠袋內．．．嘩，今次我都算係大膽囉．．．不過，如果係小強，我一定唔會咁驚，一定好快已經KO左佢喇．．．唉，阿GEORGE，唔該你唔好再攪我喇，我唔想成日都殺生架，唔該你丫，哥哥．．．

係我KO完阿GEORGE之後，A仔就打比我叫我出去食飯，食完飯，返到屋企繼續作戰，去打理屋企．．．發覺呢度好快會有好多塵，而且會有好多小昆蟲添，唉．．．郊外地方就係咁架喇，無計．．．

明天又要早起，因為要返教會，仲要有司事做．．．不過，明天同妹妹會去行街，因為要同佢買定去旅行既野，同埋順手我想去睇下一D關於我部 HOLGA既配件，例如FISH EYE同120轉135既ADAPTER咁．．．本來妹妹話送比我做生日禮物，點知到而家都未送，有點失望，因為好想星期日去映相時用呢，好心急想買呀！

>>October 24, 2009 at 2:48:42 PM GMT+8

2009 年 10 月 22 日 星期四 【晴】

今日係學校返工，終於叫做可以鬆下一口氣．．．因為起碼唔洗狂聽電話，又有case不斷上黎搵我咁，真係唔錯．．．

今朝早終於可以做下結婚既野，我好比心機咁整左個wedding ceremony既流程表，哈．．．而家叫做完成左八至九成啦，係差少少人未confirm我既角色咁．．．希望佢地都ok啦，咁就perfect喇，哈．．．

到左下午，食飯都繼續整份流程表，之後就準備下午教OLE既內容，同左一齊教個阿SIR夾下內容，跟住就去教班喇，哈．．．同阿SIR都好夾，唔錯呀！呢次係大家第一次合作！GOOD~

放工就走人，走左去麥記買野食，原來今日係last一日有買一送一，d人多到丫，我排左成15分鐘先到我，諗諗下都有d傻，就係為左個買一送一，哈．．．返到屋企，快手食野，好似狂吞狂倒落口咁，真係有點消化唔到，是關趕住出門口返學．．．今日返學又遲大到，遲左九個字，因為又大塞車，我已經係上環落車再轉地鐵，但係上堂個地點太衰，係正金鐘同灣仔之間，真係行都行死我，最後返到上課地點時，我氣喘又黎料喇．．．

想起，今朝睇電視，天文台呼籲，話今日既空氣指數極高，叫d有呼吸道病既人要小心注意，盡量避免留太長時間係室外，如果真係要既，都要避免太急速去做野，同埋要多飲水．．．唉，我咪就係因為趕住囉，急步行囉，咁就出事喇．．．

放學後回家，見到走左架962，所以見到有961都上車．．．今日上完堂，發覺真係好大壓力，考試日期越來越近喇，仲要有一日考試係我地因為中心有工作，係可能attend唔到囉，都唔知點攪呀！加上果日我仲要有天使社群既AGM，我而家有可能係都去唔到，真係麻煩到爆呀！唉．．．好多好多野要做呢．．．唉！

>>October 23, 2009 at 4:48:56 PM GMT+8

2009 年 10 月 21 日 星期三 【晴】

嘩哈哈~ 足足有10日冇寫過日記了．．．是關近排真係好忙，無論係關於自己工作上既，或者係私人上既，搬屋呀，結婚呀咁．．．真係忙到飛起．．．仲要日日要keep fit，日計夜計都係為左d卡路里；同埋又要計黎計去，d時間表啦，planning啦，連幾時做得facial都係一個迷！我已經好半年冇做過了，真係就黎爛面．．．而家個樣殘到丫，我真係唔敢望自己！見到自己d頭髮，又長又多開叉，但係又唔可以剪，仲要死忍爛忍．．．我真係唔知道自己幾時會有collaspe既時候呀，因為真係覺個人好tight，好累，有壓力．．．真係狂噴血，狂發癲，狂嘔白泡．．．唔該，搵人黎幫我收一收屍啦，哈．．．

真係有點發癲咁，好想大叫，好想發火，好想去發洩，好想去放肆地食餐勁既，好想去玩餐飽既，好想去做一d自己久違左而好想去做既事，去輕鬆一下自己．．．再唔係，我真係會死！！

近排自從返多左兩日中心之後，我老細好似發左癲咁，又好似失左憶咁，不斷比好多野我做，又跟case，又寫幾個proposal，又要講talk，又這樣又那樣．．．唔方唔"也母"樣啦，好"也母"麻煩囉，好乞我憎呢．．．頂．．．老細好似完全忘記左，我仲有半個人係學校要做野，我仲有70隻case係學校，同埋學校仲有個個星期教兩堂小毅進同埋一堂OLE囉．．．加上佢好似擺明玩針對咁，對我事事都係諸多挑剔，又成日卒住晒咁，我真係頂佢唔順，就連我再頂頭個老細都見到咁既情況，同我講叫我原諒我老細既惡行喎，哈，真係好笑．．．我同自己講，如果老細佢再要我做野，而且再這樣那樣，又卒黎卒去咁，我一定會發火．．．我真係再頂唔落喇！問題係．．．我就做到隻狗咁，我另外同team既同事同我講佢冇野做囉，咁算係咩呢？真係我好蝦d？真係擺明玩野啦．．．好討厭！雖則我都知我係佢眼中係枝頂心參，擺明同佢係世仇！唉．．．只怪我同佢可能前世係撈亂骨頭吧！

結婚果度，仲有兩個月時間咋，真係好急，發覺好Q多野係未做，但係唔明，點解好似樣樣野都係我做咁囉．．．件件要FOLLOW得特別多特別煩既野都係我做架囉．．．講真，大家都係做工作既野，個個都忙架啦，但係點解我要揹既飛咁多架？！再一次證明，原來我係傻架，同埋我太好人喇，點解個個都要蝦我，個個都要我特別做多D野，真係想做死我為止，係咪？人地做既野，就下下都運用權力，叫人幫佢做！而我自己就係傻既，下下都係親力親為，就算係叫人幫手做野，自己都落埋手去一齊整，因為我知道人地幫我唔係老鳳既事．．．唉．．．我可能份人真係太好心地，先攪到自己咁既田地．．．唔通，我真係要學習去做個衰人？

我真係collaspe架喇，damn．．．好想發洩．．．決定黎緊既幾日假期要好好咁去放鬆自己，如果唔係我就黎會死．．．我近日真係zit都唔識得笑，比人打都唔識得擋同還手．．．唉．．．想死呢．．．咁既境地，幾時先可以完結呀？天呀．．．難得今晚可以早點訓，可以聽朝晏點起身，真係感恩到暈呀．．．近日晚晚都係訓得果六個鐘，真係人都癲．．．點解？可唔可以比我訓番夠本呀？好累好累．．．再唔係，我真係死人架喇．．．麻煩我及癲果陣，送一送我入青山啦．．．

>>October 23, 2009 at 2:45:48 AM GMT+8

2009 年 10 月 11 日 星期日 【晴】

唉，今日病左呀，好可憐．．．其實琴日已經無啦啦鼻敏感架喇，可能轉天氣啦，一早都係咁打乞痴同流鼻水架喇，琴晚返到屯門都係繼續咁樣，半夜最後都係喘囉，唉．．．唔知想點呀，有時真係好討厭自己，成日問自己點解會咁？好唔想自己係咁囉．．．我作為我身邊既另一半，我估人地都會幾討厭我／不安我既狀況．．．我真係好唔鍾意自己咁．．．好唔開心呀！而且每次次病，又要令爹地媽咪同埋A仔擔心，我真係唔想再係咁？！如果有人話我知，世上有野可以完全醫治我既情況，我無論如何都必定會去試一試，即使係做白老鼠我都願試架．．．唉．．．

今朝最後起身就SICK LEAVE左啦，我都唔想，因為都怕有閒言閒語啦，先幾日先至放左假黎，今日第一日返工就話病左喎，真係令人難相信既，所以，必定要睇醫生去為自己澄清啦．．．因為好累，訓到十二點先至起身，過左一陣，同左媽媽落街食野，食完就去睇醫生，睇完醫生就做左好多野，又去配CON又去買野又要去配 KEY比媽媽咁．．．上星期太忙了，完全自己既事都冇時間去做一做呀！唉．．．而家終於叫做SETTLE DOWN左好多啦，所以都可以開始FOLLOW番其他野喇．．．但係今日個人好累，所以連明天教班既野都冇去好好準備，加上我明天好似要交份"功課"比我老細我都未整，SHIT！真係唔想整呢．．．

明晚決定入一入新居，繼續幫A仔手整下野執下野咁．．．今日大家都好心靈相通．．．本來我去左日本城，想幫佢買點東西，不過後來我停左手諗左一諗，怕佢又去左買，而且又睇唔O岩，所以最後冇買到．．．點知剛才A仔話我知佢都同時間去左日本城買野喎，哈．．．真係夾，我停佢買囉，哈．．．希望自己快點好番啦．．．今日睇醫生時，醫生叫我吹果個CHK我每啖氣又幾多氣既TEST時，我又差左好多．．．以前有喘時都點都有200-250度，其實正常應該係400度．．．但係今日係差到得160度，我都嚇左一驚呀！唉．．．真係唔想咁呀．．．天呀．．．

>>October 12, 2009 at 2:58:48 PM GMT+8

2009 年 10 月 10 日 星期六 【晴】

yeah yeah yeah~ 努力左一個星期，不斷保持住每天平均睡覺時間係4-5個鐘既日子，終於可以完結喇，哈．．．

呢個星期成日都為左新居而努力同作戰．．．不斷在舊居pack野啦，新居清潔啦，找配套東西啦咁．．．真係累到要死的！每天都係平均睡4-5個小時，第二日仲要返工喎，真係死左都冇人知呀，個黑眼圈大到我都差點認唔出自己呢，呵．．．個人日日都好似行屍走肉咁呢．．．不過，而家終於完成左喇，真係好呀！而且都認為之前既努力係值得既，yeah~

9/10星期五，一朝早就搬屋了．．．本來係約左果朝既九點到既搬屋公司，點知最後佢八點四就打黎話已經係屋企留下？！真係唔知講咩好了．．．前一晚已經好夜訓，不過都好努力執好野d野，最後都係三點幾訓，朝早八點起身，其實十萬個唔想起，因為實在太累，但係又唔可以唔起身，真係矛盾到爆，哈．．．最後，十一點就清晒間屋，出發搬野去新居了．．．最後，十二點半前完成所有搬運，都好讚賞是次搬屋公司既效率同服務，真係好滿意呀！我覺呢四千幾蚊係值得比既．．．我地都比左三百蚊tips比佢地呀！當日媽媽都有黎幫手，我地執左幾個鐘野，我同媽媽都回屯門，之後我再出去灣仔返學，真係疲於奔命呀！想死．．．幸好今堂唔係好辛苦，都係請左speaker黎講野o者，ok喎．．．之後返新居，感覺好凍，一落車好寒好黑，好在有A仔黎接我返入去，哈．．．

第二朝，其實都唔想好早起，不過，因為一早要整窗花同等寬頻，所以都要十點起身，真係累到爆呀！因為9號晚都好夜先至訓呢．．．第一晚既感覺都唔錯，我訓覺個位望上個天見到月光同星星．．．我吸收晒D日月精華喇，哈．．．10號呢日做左好多野，都辛苦A仔啦，佢又整電視天線，又裝燈，係裝燈，佢冇水電牌架，係唔識架，但係最後都整到晒喎，哈，真係要比十個叻佢呀！真係叻仔呢．．．而且都感謝謝生既協助，同埋寬頻哥哥既協助，我地終於完結幾日與時事斷絕既生涯喇．．．是關已經幾日冇睇電視冇電腦用喇，哈．．．真係十分感恩！我地可以咁順利完成，真係感謝神呀！是晚我地仲出左去市中心，去左千色又入貨，買左好多家品呀！真係有點肉赤，近日為左新居做左購物狂，不斷買野，獲獲都千千聲，真係有點驚．．．哈！

到左今日，我地最後都訓到十一點半喇，真係鐵人都有倒下既時候了，真係累到想死．．．最後決定出去沙田行IKEA又再入貨．．．點知出到去詔沙田呢間分店要裝修，所以好多貨都冇，真係．．．唔知講咩，總知出去九龍灣OR銅鑼灣啦．．．不過，最後我地都買左幾千蚊喇，有梳化，餐桌餐椅，其他家品咁．．．真係好肉赤，件件都係A仔比，真係為佢肉痛呢．．．但係又真係好開心，因為為左屬於我地既新居而花時間精神金錢，我覺得係值得既．．．哈！最後，我都係沙田宜接返屯門了．．．今日天氣突變，無啦啦落大雨．．．希望快點好番天啦！

>>October 12, 2009 at 2:46:52 PM GMT+8

2009 年 10 月 3 日 星期六 【晴】

今日繼續同新居作戰．．．同樣同琴日一樣既行程，先出發去食個正既早餐，之後再入元朗．．．今日入到元朗，感謝妹妹都十分落力去做．．．哈，當然，鬼叫佢琴日食左我餐咁豐富既一餐，食左就要出勞力了．．．講笑吧！妹妹真係好幫得手既，只要我地request，其實佢都係願意幫手既．．．哈！值得一讚！

媽媽今日同樣落力，先係幫我地換toliet個板，勁呀！之後再換洗手盤既格，又係勁！再洗多次個toliet既每格磚縫，又洗廚房呢．．．辛苦晒！而我同妹妹就做其他既工作！終於，我地五點半完成晒所有既工作喇，真係辛苦呢．．．A仔佢去完CAMP出黎打左電話比我，我都話佢知情況，佢都好滿意呀！真係好．．．其實，我份人一係唔做，一係就要做到最滿意，加上，間房我都有份住架喎，梗係唔可以求其，一定要靚靚，咁樣人都開心健康D啦，YEAH~ 而家成間屋好似煥然一新咁呀，同一間新屋冇分別．．．GOOD~ 雖然辛苦，但係值得！

攪掂晒後，同媽媽妹妹六點走人，因為大家都在新居抖左陣，因為太舒服了，呵．．．坐住涼涼風食下野飲下野，不錯吧！GOOD~ 出到去元朗，仲買左盒老婆餅，哈．．．好似以前入親元朗既指定動作呢！返到屋企，爹地已經準備好晒今晚既晚餐喇，真係開心，可以大吃一頓了．．．哈，近日可能花了太多卡路里，所以又食番多左野．．．琴晚係板長，我已經食到FULL晒，我地共食左四百幾蚊呢，係幾傷架，不過．．．最緊要既係慰勞番家人既努力呢．．．

今次真係好感恩，終於可以順利完成個清潔行動喇．．．一定要KEEP住落去呀，唔可以整糟糟呢，哈．．．因為這裡有著每個人的汗水係度架！我會好珍惜呢個黎緊既新居每一個角落！感謝主，感謝大家呀！！！好期待一日入住既一天！

A仔同我講，佢今朝睇左個好靚既日出．．．我都好想同佢一齊去分享，雖然我唔可以係佢身邊同佢一齊分享，不過．．．來日方長呢，我地只要珍惜未來一齊既每一天，幾時鍾意去睇日出都可以啦．．．第二時鍾意既，可以係自己天台睇日出都可以呢，哈．．．

>>October 4, 2009 at 3:07:08 PM GMT+8

2009 年 10 月 2 日 星期五 【晴】

wow~ 今日我地舉家一齊入左新居呀！我地十點就係屋企出發，先去左商場食個豐富既早餐先，之後去左買一點清潔必須品，跟住就出發入元朗喇．．．

入到元朗，又先去左蝶翠峰拎key先，之後再入去新居．．．真係有點周車勞頓，辛苦晒爹地媽咪喇．．．又要幫手拎野，又要熱同晒．．．

入到新居，大家好快就開始分工合作去做野喇，就連平日唔多做野既妹妹都願意幫手做下野，雖然佢中途走左，不過真係感動．．．而同樣令我感動既係，爹地佢真係好努力去幫手，平日佢都好少做家務架，但係今次真係咩都肯做，高空工作，至爬地工作，無一會拒絕！真係感謝！另外，亦都極度多謝媽媽，我地果個超級污糟既露台，真係多得媽媽幫手，續條磚縫，由黑黑的變成白白的．．．我都有幫手刷架，真係刷到手都痛埋，因為d磚係好細既磚，所以縫位係特別多架囉．．．而家諗番起都驚驚呀！不過，最後我同媽媽，爹地三個人，都合力攪掂晒個露台，勁呀！真係辛苦晒各位．．．

之後大家三點幾再坐低食左少少野，好在先前入到元朗後去左百佳入左點食物貨，如果唔係餓死左喇．．．

最後，我地差不多五點半先走人．．．出番去新元中再join番妹妹，我決定請大家食板長．．．一定要請啦，因為真係辛苦晒大家．．．而且明天仲要繼續，因為發覺好多問題，係之前1/10未做得好的，所以媽媽決定明天再同我同妹妹三個人再入新居一戰．．．要加油呀！仲計劃晒明天有咩要買．．．

回到家，十級累，真係訓左落床都唔想起身果隻，四肢散晒．．．想死．．．

>>October 4, 2009 at 2:56:51 PM GMT+8

2009 年 10 月 1 日 星期四 【晴】

o．．．琴晚好累，不過都冇話有好多時間休息下，真係好慘．．．今日又要一早起身返工了，今日係星期五，所以返學校．．．係喇，我新既返工模式開始左喇，由十月一日開始了．．．今日係學校，都冇咩野做，因為今日學校冇學生，是關係教師發展日，反而老師就返晒學．．．

我lunch時間買左個麥記，之後就返左一返屋企，抖左一陣，之後再出門口返灣仔喇，因為今日約左阿姐做我既contract．．．哈，係，終於有得傾下喇，真係等到頸都長埋，而且仲唔知我續約情況係會點，真係攪笑．．．返到去中心，同阿姐傾左大約半粒鐘，聽落阿姐都滿意我既工作情況既．．．咁而家中心話會續我約到出年31/7，即係學校合約完結日．．．當然，會唔會再有得繼續，就真係要睇番到時有冇funding去養我喇．．．唉，我都化囉，而家真係只希望可以順利完成結婚既事，跟住之後我要慢慢搵工都唔怕嘛！

跟住五點放工，由於今晚七點要係灣仔返學，所以同左個會一齊上堂既同事，先去左cwb行左陣，陪佢去睇下生日蛋糕，（因為佢想買比女友），跟住去左茶軒食飯．．．真係貴，而且唔太好食．．．跟住就返去上堂．．．今日內容都幾充實，不過我本身好累好眼訓，所以冇咩心機．．．要靠同事支撐住我精神，哈．．．

可以準備放學，真係件好事．．．一上車，就係咁訓，直至落車．．．好累呀！

明天又要早起，因為要同家人入去新居繼續清潔．．．我覺得自己好幸福，身邊有好支持自己既爹地媽咪．．．佢地義不容辭話幫我，真係好感動呢．．．十分感恩呀！

>>October 4, 2009 at 2:45:59 PM GMT+8

2009 年 9 月 30 日 星期三 【晴】

今日係國慶六十周年，不過，都冇咩感覺，可能自己對於國家既觀念仍唔係好重卦．．．今日既假期，主要都係花左係清潔新居方面．．．我地十點半起身，因為呢幾日都冇點訓，好累呀，難得琴晚叫做可以有八個鐘訓下，唉．．．訓醒後食左個簡單早餐，就準備入去新居開工喇．．．

我地都清潔左大部分架喇，只係淨番少少野，我會同家人3/10再入去執埋d手尾咁啦．．．

之後我都五點走人喇，留番A仔同佢媽媽繼續．．．我就返左屯門！今晚要同表哥佢地食飯呀，要做節．．．表哥就好啦，又有得去日本喇，工作後自己STAY BEHIND．．．好羨慕呢．．．希望佢會買手信比我地啦，呵．．．今餐飯十分好味，去左二宜樓，真係好豐富！肥死了，哈．．．

好累呀，四肢發軟了．．．哈．．．返到屋企有點累到唔識形容．．．想起今日只係一個開始，真係有點驚呀！！

>>October 4, 2009 at 2:48:30 PM GMT+8

2009 年 9 月 29 日 星期二 【晴】

哈~ 其實今日係我contract既last day喇，不過仍然係未有結果知道我份約係咪繼續架囉，真係．．．唔知可以講咩好喇！不過其實中心都有同我講過會續我既，問題係未正式有時間去傾下咁o者．．．哈．．．

今日繼續係學校返工，因為今日學校係假期，因為琴日係學校旅行，所以今日學校好靜，可以做下野啦，唔會好嘈囉，幾正架！

放工之後都快手返屋企，跟住食完個飯都去左山景join阿A仔一齊入元朗，因為今晚都要繼續　PACK野啦．．．今晚pack左唔太多野，因為大家其實都開始好累了，早點一點前好休息下喇．．．明天要入去新居度開始清潔了，要加油呀！

>>October 4, 2009 at 2:34:35 PM GMT+8