2009 年 7 月 9 日 星期四 【晴】

今日係學校都冇咩特別，哈，都幾hea下．．．

食lunch後，去左吉吉島行，買左條運動褲，for我去攸gym時用既，哈．．．好抵，吉吉島有特價，一條addias都係$159，正．．．之後仲買左兩條毛巾，係置樂買，超平，$12條囉，真係太抵了．．．媽媽都叫我下星期幫佢買兩條for屋企用添．．．

放工後，去左A仔度，入元朗同左佢食板長，好飽呀！不過今餐好早食喇，五點就食，六點零就食完了．．．之後上左百佳行，買左一盒生果，好想食生果，因為個人好熱氣呢．．．返到屋企好早，仲可以睇到碧血既大結局，哈．．．

A仔佢聽日出發了，所以今日都忙於執野．．．我唯有從訪提醒佢，睇下佢有冇帶漏野啦，哈，我都知我好氣吧！今晚同A仔佢又玩左MJ個GAME，好攪笑．．．令我想番起佢MV內既情境，哈，exactly一樣架，yo~

在此，祝A仔既旅程愉快平安順利啦．．．

>>July 12, 2009 at 12:00:06 PM GMT+8

2009 年 7 月 8 日 星期三 【晴】

嘩，呢幾日好鬼熱呀，今日新界地聒仲有成三十五度添，發出左今年第一個酷熱警告添！不過，好似比起近年已經遲左少少熱喇，往陣好似六月中已經有成三十幾度喇．．．不過好在呢幾日熱得黎都有風，唔會好似先排谷颱風時，又熱又局，真係想死．．．

今日放工之後去左A仔中心，因為要去比D野佢，同埋搵佢幫我開CHEQUE．．．點知去到佢中心唔見人，等左大約五分鐘後再打比佢，原來佢出左去食飯．．．心諗，有冇攪錯，明知我黎，都唔打比我話我知你出左去食飯，要我係度白等左一陣！好激氣！去到餐廳，佢仲表現到我好阻住佢咁，係咁同個同事傾計，一句都冇問我過任何野，連望都冇望過．．．心想，大家已經成個星期冇見喇，點解可以一眼都冇望我一眼，一句都唔問下我一句？我知你工作好忙，但係．．．係咪就可以咁對待每一個你認為當刻唔重要既人和事呢？當刻好心傷．．．當刻真係好嬲，你話我黑面都係咁話！

返到屋企，好激心，於是係咁做運動去發洩情緒！做左足足一粒鐘運動．．．睇住MJ既MV做運動，感覺舒服了，良好了．．．之後訓左陣，因為好累．．．食左藥真係好累！好想唔再食藥，因為食藥帶比我太多問題！熱氣啦，生飛滋啦，去唔到便便啦，爆瘡啦．．．唉！討厭！

>>July 10, 2009 at 3:07:05 AM GMT+8

2009 年 7 月 7 日 星期二 【晴】

今日起身好累，d藥太勁了，所以個人好眼訓．．．所以即刻沖番個熱水涼醒一醒神，果然有效！

今日同左學校老師傾來年既合作！好似有點衰，未同阿頭講．．．鬼叫佢今日唔係中心咩，點講？！不過，都多謝同事，知道我琴日病左冇返工，都問候下我情況！唉，都係自己唔好彩，跟唔到呢個同事，哈．．．不過，我阿頭都有打過電話比我既，但係佢讓我感到似check我多d囉，又係度問我係咪一向身體都咁差，好似想裝我有冇講大話咁．．．感覺好差！

今日超眼訓，下午食完飯之後更加眼訓．．．所以出左去行左陣，咁又買左野，唉．．．好在有特價，哈．．．之後返到去頂唔順，訓左陣，A仔突然打電話來，話佢出左灣仔做野，哈，真係突然！跟住個傻豬就八點幾打比我話，原來佢今日係返下午一節，唔係返下夜．．．哈，傻豬仔！不過好擔心A仔呀，佢琴晚又訓唔到覺喇，因為成日就係諗住D工作．．．好擔心佢，佢太大壓力了．．．唉！咁樣對佢身體唔好架嘛，真係好擔心佢，佢今個星期六就要出發去帶交流團了．．．我唯有為佢祈禱，祈求天父賜予A仔健康既身體，順利同平安．．．

>>July 8, 2009 at 2:17:36 PM GMT+8

2009 年 7 月 6 日 星期一 【晴】

今日真係．．．唉！琴晚成晚係冇訓囉，點解？因為成晚都小便果度痛，自己諗住飲多點水，去多點小便會好點，所以最後都係訓左係梳化，出出入入怕嘈醒妹妹．．．不過，後來都係唔得，入返房訓，唉，好可憐呀！！！果刻已經係差不多朝早了，波波睇住我，佢覺好古怪，點解姐姐會係梳化度既，阻住我訓？哈．．．

最後，今朝都係頂唔順，冇返到工，因為一來好痛，二來好累好眼訓呀！唉．．．後來，十一點去左睇醫生，今日都唔知咩事，個個醫生都唔得閒咁，最後只有一個係度，等左個幾鐘先睇到，唉．．．真係辛苦死！而家食左兩次藥了，好似好了一丁點，只係一丁點！醫生話我，叫我一定要多飲水，唔好忍尿．．．我夠知啦，次次出事個個醫生都係咁講架啦，唉．．．真係試過一次，以後都好容易再有，唉．．．好可憐呀！！

今日回家前，同左媽媽買盒frontline比波波用，因為近日發現佢好多有d蚤．．．點知一幫佢滴，唔夠一陣，嘩，嚇死，見到d蚤走晒出黎，死左好多，係晒佢藥水果個位度，好可怕！真係辛苦了波波呀！唉．．．我覺佢好辛苦喇，佢都好乖，自己知道媽媽幫佢滴藥水係為佢好，自己都乖乖地唔入房房訓．．．佢都好痕架，成日見佢抓，真可憐！希望佢快點冇事啦，擔心佢呀．．．

返到屋企，我食左藥，之後聽住MJ既CD，一路做運動．．．真係好正，因為MJ既歌真係好聽，而且好有節奏，聽住黎做運動真係一流，隨住節奏跳舞，唔錯，出左好多汗，哈．．．媽媽成日話我傻，成日一聽到音樂就好鍾意隨意跳舞！係架，真係好愛跳舞，自小就好愛，唔止芭蕾舞的，哈，即使亂跳一通也可以！哈．．．好開心，好enjoy呀．．．出左汗，一身鬆左，不過磅一磅，都係同樣磅數，well．．．之前實在係好三重打擊啦，先係mimi姐話我肥左，之後星期六就一班師奶不斷品評我，再問A仔，佢就坦白地話．．．"唔係呀，邊係肥o者，只係手臂肥左少少，肚腩大左少少，同pat pat大左少少咁o者．．．”well．．．夠喇．．．天呀！好灰好心傷呢．．．好大打擊！所以，決心要減到肥呀！

今日同媽媽行超市，買左盒馬玉山既"多蔬黃金胚芽E"．．．營養師都高度推介這個食品，可以代替正餐．．．或者，我都會考慮嘗試，以佢代替我既午餐．．．希望work啦．．．要加油！星期一都買多左盒易纖諾可可粉，希望可以keep住再飲多d，而家已經飲左差不多十日了，初時飲都覺一飲左個體內係有點虛咁，我感到d可可粉度work緊的，不過唔識形容！希望真係飲到有成效啦．．．

>>July 7, 2009 at 1:16:12 PM GMT+8

2009 年 7 月 5 日 星期日 【晴】

哈，今日天氣好番D喇，起碼見到太陽了，太好！今朝好早，七點起身了，因為一朝早要去到筲箕灣中心開會．．．不過真激氣，今朝塞車，未到西隧口已經開始塞喇，好討厭！一直塞到去上環我先可以落車，落車已經係九點二了，頂．．．趕到我丫！去到中心已經係九點九，真係．．．好唔好意思啦！

今日好攪笑，我有份拎生日金，因為我八月生日嘛，不過因為我黎左唔夠一年，所以個生日金唔足一百蚊，只有七十五蚊，哈哈！好攪笑．．．完左之後，同同事去左一間叫權發既地方食，呢間野係好似D大排檔既野，D野好平又大碟，我地呢台人十二個人，每人最後都係食左廿三蚊，仲平過你食麥記，真係食到個個飽飽呀！哈．．．食完飯，同同事一齊搭地鐵返灣仔，點知係筲箕灣上車時，唔知係個司機問題定係咩原因，明明見到我地上緊車，都係閂門，最後得番我，JOYCE，KA YAN同巧兒係度．．．都好，四個女仔一個墟，大家差不多年妃，其實係佢地三個差不多o者，我大佢地幾年呀，哈．．．不過，大家談到扮靚，減肥呢類話題，就會滔滔不絕了，哈．．．大家都立志要在巧兒完成實習期之前，即係八月中前，要減到幾磅！哈，我都好想呀！最好起碼減到四至五磅！

返到屯門喇，行左陣，買左d野，返到學校，都冇咩特別，雖然今日學校要interview申請毅進既學生，不過暫時冇野需要我幫手，哈．．．順利五點放工！放工時，同個朋友，son son傾電話，又講起減肥，哈．．．佢好叻呀，兩個月已經減左七磅，要加油呀！我都想呀！唉．．．今個星期要努力呀！

今晚唔知咩事，十一點幾時無啦啦覺得小便時痛．．．唔通又常作尿道炎？唔好卦？立即狂飲水，可能今日真係少飲水，而且都忍過尿幾次，唉．．．唔好啦，求求你呀！

>>July 7, 2009 at 1:00:58 PM GMT+8

2009 年 7 月 4 日 星期六 【乍寒還暖】

嘩哈哈~ 今日去左好多地方．．．朝早十一點幾起身後，A仔家姐打黎話約我地去荃灣飲茶，所以我地兩點就到左愉景新城間聯邦，飲完茶後，我地本來係果度行街，不過發覺冇咩好行，於是我同A仔兩個就出左深水步，因為A仔有野要買，之後我地仲一人買左一條快乾褲，我難得買到條係有得長褲變短褲架，所以十分開心呀！

行完深水步，我開始覺唔太妥，有點唔太舒服，唔知咩原因，個人有點頭尺呀！可能鼻敏感卦！跟住，我地去左旺角，上左朋友間店舖度hea左陣，跟住就搭火車去沙田了．．．去到沙田join左佢地成班人，跟住去左搵食，等待期間，我同A仔買圍行街，好似好耐冇好好行過沙田，不過今日都係好快咁scan，冇咩時間睇野．．．後來，我地都係去左美心酒樓度食．．今餐好fat，大部分都係肉，得一碟菜．．．well~ 真係食到我丫，too much肉喇，真係好肥好肥．．．已經就住就住食喇．．．唔得，下星期要努力減減減．．．．

今晚好好彩，有A仔姐夫車我返屯門，可以快好多返到屋企，唔洗又搭263再轉車，真係感恩呀！返到屋企十一點喇，好累，不過有好多野想同媽媽分享，所以傾計傾計．．．

>>July 7, 2009 at 12:52:22 PM GMT+8

2009 年 7 月 3 日 星期五 【乍寒還暖】

今日第一日返新OFFICE，感覺麻麻地，可能仲要時間去適應吧！好早，九點八未夠就返到中心，得一個同事返左咋，哈．．．跟住同果個同事吹左陣水，阿姐就返黎喇．．．

半日係OFFICE，一時做下工作，一時又上下網咁，我估係今日先可以咁輕鬆，因為兩個阿頭都唔係度，而家我個位係正佢地兩個前面，咩都睇到晒啦，頂！想有時HEA下都唔方便添，呵．．．

放工後，本來枇去市中心，因為琴日A仔送左份禮物比我，但係冇貨，所以要去屯門拎．．．但係當我去到豐景園時心想，一陣又去番市中心，不如一陣先至拎啦，無謂走來走去喇．．．所以，落車再轉輕鐵，去左海趣同媽媽仲有佢既朋友食野，去食滾滾紅茶，好死肥．．．唉，本來諗住琴日放工可以做下運動既，不過因為出左去，仲食左餐好肥既野，真係有點失敗既感覺，因為．．．琴日個朋友咪咪，佢話冇見我兩個月，做乜肥左咁多？唉，好灰呀！今日，又有人係咁話我好肥．．．真係又灰又DOWN呢．．．好心淡！我真係咁肥嘛？但係，我發覺減極都減唔到，WHAT'S GOING ON？

呀，今朝我JOIN左一個計劃，叫做天灸治療，係政府攪既，呢個治療法係幫D有哮喘同鼻敏感既人而設，幫助佢地係夏天時做定預防，唔洗到左秋冬天時就容易發作．．．呢個計劃係廣州已經有左一段時間，所以今次黎到香港並唔係做白老鼠的．．．不過，全港得13間政府中醫診所有得做，而且每日得一百至百五個位，我好好彩，後來佢加左位，我可以拉到埋位，哈！黎緊13/7會做第一次，佢為期三年既計劃，話可以斷尾．．．真係希望WORK啦，我唔想哮喘跟住我一世！每年只係做三次，都係貼D膏藥上身o者，係有副作用，會令皮膚敏感生泡，不過，我估唔會太嚴重卦？！佢收$120-$200一次，視乎病情而定，講明一年收不超過$600，我至認為明碼實價，好事！希望work啦．．．

之後，去左市中心join阿A仔，佢今日去講TALK，好順利，恭喜佢呀！．．．

跟住返左元朗，去左食上海野，又係好肥，唉．．．我估我冇得救架喇，好灰呀，係灰到爆果隻，心情都差晒呀！！！好DOWN．．．

>>July 4, 2009 at 2:50:18 PM GMT+8

2009 年 7 月 2 日 星期四 【陰】

天氣開始陰喇，真係衰，不過好在冇點落雨，咁樣A仔個camp就可以順利完成．．．

今日在學校都冇咩特別野做，到左下午收到A仔既電話，就決定今日放工出去旺角拎介子，同埋陪個朋友買袋．．．我去左山景接A仔放工，之後一齊出去旺角，我地去左久未去過既金太郎度食，點知完全令人失望，又唔抵又唔太好食．．．可能，近日食得太多好野喇，真係比下去喇．．．哈！食完就同個朋友去左金SIR度買袋，連流左好一段時間後，同左朋友分別，我同A仔就過左朗豪坊拎介子．．．介子好靚，好期待帶上佢既一日！

今日同A仔四圍去搵草泥馬既扭蛋，但係完全冇佢既消息，好失望．．．網上既資料流既，又話旺角，元朗，屯門有．．．有鬼？！呃人既．．．可惡！最後失望而回！

>>July 4, 2009 at 2:38:11 PM GMT+8

2009 年 7 月 1 日 星期三 【晴】

哈~ 今日真係好眼訓，因為琴晚訓得唔好，成晚訓下醒下咁，又咳喎，唔知想點，好令人討厭！

今朝早同個好姊妹傾電話黎，大家講起我準備婚禮既事宜．．．唉，真係好令人心煩同頭痛，尤其係錢既問題．．．好似睇住d錢飛走咁，真係好鬼死肉痛囉，天呀！！！真係希望可以慳得就慳，無謂既野就唔好整咁多了．．．唉！仲有，要搵日約個朋友試妝同頭喇，因為仲未買頭飾呢．．．shit！

由於眼訓到爆既關係，成日都冇心機做野．．．好hea！返到屋企，已經累到只想走上床訓．．．訓到七點，妹妹打黎話返緊黎，但係媽媽仲未打返黎，因為佢今日又去左深圳玩一日團喇．．．後來七點半媽媽話佢剛在落馬洲過關，所以，最後我同妹妹兩個自己落左去大家樂度食．．．真係發覺大家樂冇野好食，而且又唔好食添，真係好失望．．．不過又唔想行得太遠去海趣，所以．．．食住先啦．．．真係唔抵，加杯野飲都要成八蚊，傻架？！食水真係深囉．．．

食完返左屋企，係度睇電視，因為無聊．．．唔知A仔點呢？順唔順利呢？有冇落雨呢？希望佢順利平安．．．掛住佢呢．．．今日J's果度打黎話對介子已經ready喇，好想星期六快點去拎呢．．．

>>July 3, 2009 at 2:02:43 AM GMT+8

2009 年 6 月 30 日 星期二 【晴】

今日訓到十二點半先起身，爽呀！不過仍然個人好似好累咁，真係老喇，訓得多都補唔番之前失去左既精力！訓醒後食左D野，之後再同A仔一齊博殺，做到四點幾，之後上左佢一個朋友既屋企度參觀．．．

今晚我地去左板長度食，比較左屯門同元朗兩間，我覺質數都係差不多，都係唔錯的．．．好味呀！不過，近日冇做運動，好怕會肥番囉，而且又食番多左野添，唉．．．想點呀？好想減呀！唔通，真係要去必瘦站？琴日son son打比我，話佢而家減肥成績有良好進展，呢個幾月黎已經減左七磅，真係羨慕！不過，佢本身就肥我好多，要減既只要食少d野，做下運動，要減唔難事．．．最慘係我呢類．．．唉！好灰！要加油呀！！又唔想食減肥丸，因為怕有副作用喎，唯有用食物方面同運動去減啦．．．已經用左好多方法，但係，係我心急定咩原因？好似冇效果咁囉．．．唉，又好灰喇．．．

食完野，我就回了屯門．．．明天要繼續返工，感到好累！唔得，明天要積極做番運動呀！！要決心呀！！唔可以咁落去．．但係，一返到屋企，又好想食野呀！好想對自己好點，吃一點自己喜歡既野，但係．．．好矛盾呢．．．

咁過左一日假期，好似冇做過咩咁．．．不過，當休息下啦．．．

>>July 1, 2009 at 2:19:34 PM GMT+8