2003 年 12 月 30 日 星期二 【晴】

我居然在寫上一年的日記.. 媽媽呀...


================================
今日係二千零三年的最後一日,
一起回顧一下吧... 當然最緊要是展望一下將來.

首先, 來個業績報告吧.

2003年, 絕對係豐收年. 先黎一大堆數字 --
波拉利思工作室裝嵌電腦五部, 馬利西安工作室一部.
波拉利思工作室建設了三部Linux 伺服器, 供給三間不同的公司, 其中一台使用新零件, 兩台以舊零件運作, 三部電腦到現在皆運作良好, 顯示使用舊零件在Linux系統上擁有一定的效能. 三台Linux 伺服器皆使用Redhat Linux 9, 但隨著Redhat 不再推出新免費Linux, 下年度(2004)將會決定是否轉用Fedora Linux I 或是其它Linux 系統.
今年度新研究的技術有: Sane (Scan Access Now Easy, Linux Remote Scanning), iptables (Firewall, routing), 802.11b (Wireless)
今年營業額係27800, 個數字好似好大, 但實際純利只有四成多, 在服務性行業都唔知算高定底, 但下年度一定會作適當的價格調整, 唔使講就一定係加價.. 唔係點支持大學學費... 收益主要將來自project-work, 少部份來自日常維修工作.
下年計劃主要是繼續專攻SME網絡工作, 而且開始積極考慮使用無線Ad-hoc網路(802.11)建立網絡基建的可能性, 繼續尋找新客源及合作夥伴, 而且將一部份客戶維修交由其他人打理. 2004年, 我們打算將jasonOfficial.net 取得商業登記, 以便日後擴充. 希望下年可以再創高峰.

學業方面, 一個死字可了..
今年經過一次中六學期尾考試, 一次中七中期試..
兩次都係炒Phy, Pure Maths, 言而Pure Maths 有所改善, 睇起上黎無咁差, 囉...
不過都係死架啦~

感情方面,
2003年可謂甜酸苦辣, 百感交集. 由年頭到年尾, 簡直就如過山車, 流下最多眼淚的一年..
經歷三次感情衝擊, 但兩次都係同一個人, 何謂苦多樂少.... 造成不少傷害...
第三次就有苦有甜.. 好壞參半.. 造成傷害不大....
2003年實在太刺激, 唯年尾的時候卻忽然諗通左, 唔再對感情有感覺和要求...
期望2004年平平淡淡地過, 沒有任何感情發生.

2004年將會不惜一切代價務求入到大學, 五月將會到美國旅行, 而六月後將會全力在事業/生意上發展.
=============================
話就話今日係2003年最後一日, 可是我沒有出街玩,
也沒有count down. 係屋企用 MSN 同表哥一齊count down..
今年都無咩新年氣氛.. 可能對2003年無咩好感...

再見了, 令人傷痛的2003年,
2004年將會是全新的一年

>>January 2, 2004 at 1:57:38 PM GMT+8

2003 年 12 月 29 日 星期一 【晴】

係呢度, 我地一齊為梅姐默哀一分鐘..

(默哀完, 提提你十二月二十八日的日記係update左..)
==================================
今日一起身, 就聽到梅姐過身o既消息,
一代天后, 其實呢樣野對我o黎講無咩影響.. 因為我一向都好少聽佢o既歌,
不過佢做人態度的確值得我地學習, 特別係果種對生命的負責, 不單只對己, 而且對人都很好...

(有無留意有今年最多藝人死? 今年過身的有羅文, 張國榮, 小黑, 仲有梅姐.. )

不開心的事別提了,

今日係咩咩phy生日,
一單人擺明都無心機補課架啦, 包括我... 我係到睇緊坤果本陸戰書.. 超好睇...
睇到.. 我呢兩日都無咩點聽書.. 但唔好話我呀.. 我記得講過d 咩架!!

成班人之後去左元祿食飯.. 我無去, 因為要返屋企食...
我之後join番佢地.. 當然呢個生日蛋糕是走不了的.. 還有是佢地班人一早準備好的生日禮物...
最神奇係, 一行十人去影貼紙相... 迫到真係... 透唔到氣.....

搞到成兩點幾先返到學校...

===========================
為左繼續完成我o既"創舉",
我出左去深水埗諗住買電容(1000uF, 10V, 105C)
原本諗住一定有... 點知... 兩間賣電子零件的都無.. 真係啤一聲...
咁就唔見左車費同時間啦...

===========================
我就快有新server用啦!

===========================
回 我個妹你:
好多野, 我唔敢講~ =) XDDDDDD
唔係話你, 只係好多野, 呢一刻講都係太早..
但你真係可以暫時當佢係朋友? 佢知唔知你咩佢架?

============================
在這裏, 我要介紹我兩個認識的姐姐...
一是在蘭心認識的雲姐,
一是在學校認識的Toto 姐,
她們都幫了我很多, 很樂意聽我的訴苦,
在這裏很衷心多謝她們..

>>December 31, 2003 at 6:24:18 AM GMT+8

2003 年 12 月 28 日 星期日 【晴】

鍾泉, 生日快樂!

明天是Stephy 的生日.. Wong J... 知道了嗎!? =) XDDDDDDDDDD
==========================
居然想寫左今日日記先.. 因為發生兩件搞笑事..

1. 我記得前幾日係影印舖, 老闆俾左本電腦雜誌我睇, 話教點樣換底板上的電容... 當時我仲指住本野係到笑, 我仲話, 有無搞錯呀.. 攞番代理換好過啦, 咁危險.. 仲話邊得架.. 換電容...
點知....

我今日就係做呢樣野.. 唉....
我係我徒弟到攞番塊壞版番黎, 一望, 發現九粒1000uF的電容爆晒.. 不過塊板都兩三年, 攞番代理一定要錢.. 仲唔係太值.. 塊板係之前個客, 成日reboot, 當時我已經知道係塊板有事, 但無留意到係電容有問題.. 但睇完本雜誌之後, 諗番起.. 係喎.. 可能真係電容有事喎.. 今日一睇... 見到九粒蕉晒...... 所以把心一橫.. 試下啦! 唉.. 所以做人(或者話人地果陣)唔好咁絕對.. 唔係真係自己指住自己黎笑...
1000uF咁大, 我聽日都要出華輝睇下有無先得.. 我自己得220uF 四大粒...
(咁, 話晒我都係做過下電子野, 話晒都叫機神呀... 玩下o者... 玩壞左塊板咪算囉.. 當買個經驗... 反正只係幾粒電容...)

同樣的道理, 睇番小月的日記...
我話佢, 原來我係話緊我自己.. 又係果種自己指住自己罵的事情..
佢日記所形容的行為.. 我都大部份做足.. 我其實又咪係咁... 係唔係一個有問題的人, 會指住人地話人地有問題, 睇唔到其實自己都有果個問題? (等於一個醉的人不會話自己醉一樣..)
所以....
我以後都唔好再話人啦... 根本就係睇到人地問題, 睇唔到自己問題....唉...

2. 今日... 補課九點...到四點.. 好倦...
走果陣撞到坤叔(係5D果個).. 佢話YY2有個阿sir 同MST有個miss 結婚喎... r晒頭..
諗極都諗唔到係邊個.... 有無人可以話俾我知?????

今日係影印舖吹水吹左好耐...
今晚又撞到榮哥.. hee~ 好開心...
============================
回 大魚:
你唔講我點知..
如果唔係我無聊睇下3C 討論區.. 我完全唔知咩事..
你話.. 唉... 心淡...

回 我個妹你:
超豪, 一款巴士來的...
其實係講, 我當初因為呢款車少見, 所以就好渴望會搭到呢款車...
但而家, 反而因為成日都見到, 所以唔係話咁狂熱..
可能所有事物都係, 有果陣你唔識珍惜, 無果陣... 哈.. 唉.. 所以你自己珍惜啦!
我都無神論架.. 應該係話我信有個主宰, 但未必係聖經或者宗教所提及的神囉...
不過我唔會去話邊個信仰唔好, 除非果個信仰係害人的(i.e. 咩真理教之類呢..)

負氣說話.. 我想起我對佢講錯o既野.. 令佢傷心o既野..
呢件事係我呢一生入面, 第一次感到後悔同內疚...

>>December 29, 2003 at 3:37:17 PM GMT+8

2003 年 12 月 27 日 星期六 【晴】

終於有一日可以寫番自己果日的日記....


==================================
尋晚isaac 打電話同我傾感情問題,
突然間我發現自己已經唔係以前果個自己.. 變左一個極理性o既人..
唔知點解, 我亦唔係咁想知點解..
以前我係一個感性o既人, 想變成一個理性o既人.. 所以呢次轉變, 可以話係求仁得仁..
都好o既.. 理性, 起碼可以諗野清楚d.. 唔使再咁辛苦...
感性.. 都可以話係害我不淺.... 可以脫離到就當然最好啦..

今日係洪海倩走的日子...

大家都有一種好沉重的心情, 送洪海倩的機...
原本十點鐘要係大埔中心等的, 可是.. 我起唔到身.. 唉.. 好攰...
所以遲人地一班車....

去到機場, 很容就找到了他們.. 一行人大約六七個,
後來我們去到機場客運大樓的許留山坐下食野.... 期間很多人打電話作送別...
到了十二點八, 佢終於離開了我們, 離開了香港, 到一個全新的地方去繼續生活..
在這裏, 我祝她生活愉快, 前程似錦..
乾和水雲夫人都很冷靜, 沒有流下一滴眼淚... 但當然有不捨之情啦...

她走了以後, 水雲他們去搭巴士返大埔, marco搭機場快線, 我搭TCL, 要搭S1 先到..
行陣去搭S1的時間, 坤才打電話來... 人都走了, 還有咩用... 算啦.. 等佢到步先算啦...
點知架S1 居然就係我代表車.. 2274...
居然仲撞鬼 - 有個法國人唔知點搭巴士, 最頂係佢唔識講英文...
我諗我都係時候學下法文........ 話晒都係歐洲之中幾大下的語言..
去到東涌搭地鐵到深水埗, 好快就到, 東涌線都係一個幾偉大發明..
期間isaac又問我感情野.. 但係我都係理性的回答.. 已經唔係以前的感性...

去到黃金, 正準備等72返家之際.. 影印舖老闆打電話俾我約我去黃金.. 我咪係黃金囉..
所以我都去食少少野, 等埋老細出黎...
真係好.. 我攞住個咁重的機箱, 佢車我走.. =)
佢買隻80G Hard Disk.. 行左一陣就搞掂... 不過我地.. 行錯路...

之後同一晚將零件暫時放係老闆果到, 之後將會送到徒弟屋企(簡到裝機還要我親自出手嗎?)

返到屋企, 很多東西忙著...

===================================
所謂忘記一個人, 其實這個說話本已經是錯了..
你話, 怎能忘記一個人? 唔通姜俊尚撞車變左李民亨唔記得左鄭惟珍咩...
所以, 我們根本不可能忘記一個人的存在.

那我們要忘記對果個人的感覺嗎? 也不是..
感覺點可以忘記? 很多人到死的一刻還記得初戀的感覺, 很多感覺也會記住...
對情人的感覺喎, 刻骨銘心架嘛... 點忘記? 我到而家仲記得對某一些對象的感覺... (amy 果d 就特別深刻啦..)

那麼是不是要忘記過去, 展望將來? 都錯..
因為發生左的事情, 我諗除非李民亨, 唔係都無咩可能忘記... 如果仲要係咩特別的事, 就更加無可能... 就算我咁大頭蝦都可以記得同每個我追過o既人出街的細節啦...

所以,
我打算忘記的, 不是她那個人, 不是對她的感覺, 不是跟她一起的日子的點滴,
我是想忘記對她的感情的慾望..
原來忘記了慾望, 才是真的所謂放棄..
沒有了那種不必要的慾望, 心情自然會放鬆了很多...
但我會記得這個人, 我會記得感覺, 我會記得跟她相處的時刻.. 日後回味也好, 怎樣也好, 都是一件開心的事...

這個是我今日所發的up 風.. 多謝各位收看.. 下次同樣時間再見...

=============================

>>December 30, 2003 at 3:06:59 PM GMT+8

2003 年 12 月 26 日 星期五 【晴】

因為出左咁多日街,
所以俾人罵, 加上俾人禁去街..

頂.. 諗住係屋企玩下AOE 開心下, 又俾人嘈..
煩! 人生你話幾煩!!!!!

之後落左去, 跟下榮哥車..
照舊係HZ8389... 不過榮哥呢期要數人數..
佢用計數機去計人數.. 我俾個人數counter 俾佢啦.....

返到屋企, 七點幾左右..
食飯, 訓覺...

唉...

==========================
回 老表:
又係喎... 以前最多都係LF2...

>>December 28, 2003 at 2:57:10 PM GMT+8

2003 年 12 月 25 日 星期四 【晴】

同佢地又玩左成日...


============================
今日諗諗下, 好似3c d 活動搞手一個二個拍晒拖之後,
(包括呢個志豪兄, 大魚, 魚子, 鍾泉), 而且智偉又走左去美國...
好似無晒活動咁... 上年話晒都去飛下單車呀...
不過佢地要讀書o既... 係我呢d 人.. 唉...

今日一朝早去左大尾篤燒野食.. 原本佢地話去海洋公園o既, 但係真係好貴, 後尾無去到巴西燒烤食野.. 所以我取消左巴西燒烤個定位...

上到JH1912.. 好有親切感.. 以前要搭呢d 超豪, 要等到有機會過海先專登搭111先會搭到,
第一次坐JH1912 都係o係111坐, 但而家要坐就好容易... 只係75k...
不過始終超豪行呢d 路真係怪怪地.. 覺得好慢...
但而家反而無以前果種狂熱要搭超豪.. 可能因為搭得太多... 剩係計我搭開的路線,
307, 72x(連72x都有...), 72, 111, 98A, 2(AVW都算), 75k, 71k(一時時啦)...
可能人就係咁, 難得到o既野先會狂熱, 珍惜.. 而家.. 無以前果種狂.. 講真, 全香港, 加埋成六百幾架(所有長度都計)... 都唔會發咩癲啦...

入到去, 打俾macro.. 死野點我話燒完野食去左唱K Lunch.. 好彩我行多兩步睇下係唔係o者..
幾乎真係想轉身搭番75k走...

燒到四點幾左右,
我地去左遊船河... 應該係話划船(rowing)先o岩...
因為係一隻四個人的船, 你要一人一隻槳去划... 一個鐘... 手都軟埋..
不過好開心..
原本諗住咁就算, 不過佢地話想出去食.. 咁咪一齊出去囉.. (第二程75k 又係超豪, JH1860)
期間marco 話要去見佢親戚, 要去秀茂坪.. 所以其餘人就去左尖沙咀settle down, 連清泉都出埋o黎, 我就陪同帶marco..你都咪話, 而家秀茂坪都不知幾鬼靚... 好新的感覺.. 完全唔係以前果個秀茂坪...
之後我地搭13x (今日第三程超豪..), 就發現俾九巴厄左.. 係一條完全唔Xpress的X線... 行過晒成個九龍灣先行機場隧道走, 唯一快的地方就係機場隧道同埋紅磡繞道...
結果成九點先落到尖沙咀..
行左一陣, 最後係新港中心的food court內一間意大利餐廳食晚飯.. 食到好晚...

=============================
回 魚子:
我都聽過呢個故仔... 我都有睇教育電視架...!
咁我真係輸架嘛... 輸就係輸架啦...
呢d 野, 無得厄自己, 因為自己唔會厄自己...就算厄得到自己, 又點.. 不過勇敢面對現實好過啦..
最多咪同自己講, 輸人唔輸陣囉...

回 我個妹你:
係囉.. 咁又一年啦.. 你話時間過得幾快..
係架.. 其實越難得到o既野, 就越來珍惜.. 但唔知你會唔會好似我形容的"超豪狂熱"咁,
當得到左就...... 哈~!

作出一切賠償.. 嘩.. 好大件事喎..
我諗割地會好d... 無咩錢架我...
不過你呢個咁o既夢就一定碎梗.. 俾定個心理準備你先... =)

>>December 28, 2003 at 2:03:10 PM GMT+8

2003 年 12 月 24 日 星期三 【晴】

聖誕正日... 好彩都唔係lonely christmas...

答案就係去左老表屋企..
================================
佢都lonely 嘛, 我咪去陪佢囉...
佢係大圍住, 咁去之前去左沙田買左份聖誕(應該係新年)禮物(因為我都未送到..)
估唔到禮物呢類野, 真係可遇不可求.. 行左好耐, 最後居然係一個我最後先去睇的地方找到最合心水的東西, 之前我係完全唔知呢樣野係有得賣....... 見到之後我真係啞晒......

我地的活動好簡單,
就係AOE2.... 唉...=(
不過我都唔係成日同我老表打AOE.....

打到好鬼攰...
成十二點先返屋企...

>>December 27, 2003 at 4:26:55 AM GMT+8

2003 年 12 月 23 日 星期二 【晴】

主題: 當希望化為失望; 當失望重燃希望


============================
marco 番黎之後第一日出街玩. 今日出街兩點出到夜晚...
成日都無上網...

昨晚六蚊問我點解成日都有感情煩惱.. 最初我都唔識答,
但我今日想到了.. 就是主題句....
因為我追求的是那種希望的感覺... 對這種事充滿希望, 失望過後, 總會在另一處找到希望,
可是卻周圍撞釘, 希望又化為失望...
希望沒有再被重燃... 失望還是失望... 不要緊吧....

今天去玩的, 應該開開心心..
=============================
原本只打算在開心樂園打機, 可是卻又去了沙田...
去了沙田, 還不夠....
在沙田新基地玩咗好耐.. 玩左好多野.. World Combat 啦, 東京巴士案內(雖然我係巴士迷, 但係香港巴士始終都係碌車... 邊度會扣時間架...), 還有拍拍機.... 很多很多...
還了.. 我想玩了超過四十元...
World Combat 槍法是準了, 可是... 一次過賠了五條命.. 真過份..

Wong J 繼續成為中矢之的... 比人串得很甘....
So Man 也不太好過, 可是So Man 早走, 換來水雲跟我們一起到奧海城的中菜館食飯..
期間笑料百出.. 笑得眾人也很辛苦.. 我很久也未試過這種中笑傷劍的感覺.. 真是很辛苦.. 肚都痛... 一次過笑番夠本...

你咪話今日都使左幾多錢...

返到屋企都成點鐘....

=========================
回 乾:
多謝你的文章... 很好的To Whose Who Treasure Love..
愛情, 真的很麻煩.. 我也不知以後會否再Treasure Love...
不過全都是事實... gamsa hapnida...

回 龍儒:
.........................

回 我個妹你呀~?
多謝你呀... 其實最幸運的事, 就是有你們一眾的朋友...
進步?? 我諗起巴士迷述語, 增直....(有一款巴士叫超直巴士, Enviro 500, 當某一條線有這款巴士的話, 我們就叫增直, 例如71k..)
我都祝福你同佢可以咩啦.. =)
大利是!? 唔係問我呀嘛... 我... 俾唔到你架喎.. =)

回 小禽獸:
thx n u 2 la.. =)
姓旦塊落.. =)

回 魚子:
imaginary world... 我唔係完全講緊自己..
不過我地有可能真係生活係自己的matrix 之中..
我就... 可能係determinant 之中. =) XDDDDDDDDDDDDDDD
我諗呢次, 我唔係話好傷心, 失望.. 只係內疚, 自責而已...
我會忘記o既.. 如果忘記唔到我都唔會屢敗屢戰(應該係屢戰屢敗...)

>>December 25, 2003 at 1:07:05 PM GMT+8

2003 年 12 月 22 日 星期一 【晴】

今日是聖誕聯歡會...
玩樂倒時有趣...
因為marco 回來了.. 大美好啦~
=====================
一開始是那個音樂比賽...
參賽者的水平... 我也不知怎說... 很參差...
有些很好, 但有些.. 真的走音走到離晒路..
點解我地咁都入唔到圍架...

marco 在音樂比賽時跟我們有說有笑... 後來kitty wong 見到, 跟他打了個招呼...

小息後, 簡直是曝曬... 搞那個我也不知什麼的敬師活動...

回到課室, 食東西, 玩遊戲..
第一個遊戲係Killer... 我做了一回killer(沒有估到我係killer), 一回醫生..
最精彩的就是, 今日有人謀殺親夫......... 蝗蟲死得真慘.........
(哈.. 搞笑ing...)

之後就是洪海倩的farewell... 令很多人喊得一句句...
可是洪海倩同學卻沒有一滴眼淚.. 她說, 至小就經歷了這種痛苦, 習慣了,
反而水雲夫人卻..... 哭得開不了口...
她真是比我還堅強..... 我這陣子面對很多離異, 很迷茫.... feeling lost...

我們到兩點還沒有走.. 還在玩集體遊戲..
可是笑料百出....

在玩這個劈手遊戲時, 那對人常常都走啊走, 走啊走...
他們雖然不是一對, 但被我們唱得很厲害..
他們是Wong J和stephy.... 你別說. 我個人認為他們頗襯的, 外觀上....

第二個遊戲是黐紅豆...
stephy 經我們這樣一說後, 不敢黐到Wong J 身旁....... =) XDDDDDDDDDD
我主要是黐男仔的身旁...
那個遊戲很容易玩.. 就是以一對為單位, 另外一個人捉人, 一個人被捉,
被捉的那個就是黐在任何一pair 上, 可是另一個就要走, 成為被捉的那個..

完了之後, 我乘marco的車走..
是.. 我沒有打錯.. 是 marco 駕車的..
第一次坐同學的車.. =) 因為他有國際車牌...
我們走的時候見到stephy 一個人走.. (奇怪了.. Wong J呢!?)
所以車埋佢一齊走...

=================================
多謝各位的朱古力.. =) 我都很喜歡..
=================================
留言.. 明天日記留吧...

=================================
差點忘了說...
返到家後, 沖完涼, 就到九龍城的那個客人維修電腦...
家裏有兩部電腦, 兩部都是出在我手的...
但...... 真是慘不忍睹... 它們都殘了不少..
一部的螢幕, 不知何解180 度反轉了....
最初以為是病毒作怪... 後來發現... 是設定出了問題..
不過也為他更新了防毒程式...
第二部.... 我不知為何, 用那隻30蚊的Win XP.. 也要我去啟動XP.. 真怪...
而且不是第一次重裝就搞掂... 我足足重裝了三次.. 天.....
不知怎解, 客人給了我一罐啤酒.. 難道他知我喜歡飲酒?
可是, 我喝了之後, 我決定以後也不喝這麼多.... (這個星期, 我喝了很多酒...)
不是因為我醉, 只是因為酒入愁腸, 愁更愁..... 這個是真的..
一上75x, 就感覺到那種愁... 不知從那裏來的愁....
我想...........
===========================

>>December 25, 2003 at 1:12:22 PM GMT+8

2003 年 12 月 21 日 星期日 【晴】

路易兄,

你咁快reply, 咁.. 我即係要寫多個日記黎reply 啦...

其實只係你咁講, 我先會咁講..
你咁講都有問題啦.. 咩'我o既'o者..
所以我咪講笑咁講話我都想囉~
算.. 離晒路...

多謝你 =)
我諗遲d 先慢慢同你交代啦..

==========================
忘了說一件事....
驥叔今天到我家作客...
這位叔叔很好笑, 跟marco 不相伯仲...
他的生活軼事... 足足令我笑了很久....
話說他有一次跟別人喝酒... 喝得人也醉醉地... 還飲, 點知將天拿水當酒, 一口喝下去.. 大件事了..
之後人們想送他到醫院, 他說, 唔使啦, 買兩支"亞洲牌"橙汁(p.s. 還有這個牌子的, 不過在廣州才有..).. 之後第二日又係咁返工... (我聽完之後, 叮叮叮叮叮...)
但他一生中, 也很多失意...
她的第一任老婆勾佬走左.. 可是他仲可以笑面迎人...
我想我要學他的豁達....

=========================
看得起,放得低
世界自然大...

呢句野, 係N年前商台的slogan...
=========================

>>December 25, 2003 at 1:21:51 PM GMT+8