2004 年 3 月 20 日 星期六 【晴】

台灣大選已經有左結果..
似乎大家都好激, 不過睇定先啦.. 最多咪開片... 要怪就怪當初李登輝居然做出這種行為...

===========================
台灣大事呢, 未影響到呢到.. 不過考試季節,
總會有情侶玩完...
尋日一pair, 今日又一pair..
快d 散, 唔好浪費大家時間.... 如果夾硬一齊咪仲唔好... 係咪?
我要錄低我同一講"散左咪算囉" 呢句, 一來replay 慳力, 二來記念我講呢句的一刻.

星期日, 係屋企繼續抄notes 的一日..

落左街一陣.
諗住去旅行社睇機票要幾多錢..
我個trip 大約行程都plan好了, 13/5 出發, 26/5 返港. 應該是大韓韓空. 經韓國.. 這倒不是大問題, 因為仁川機場我去過, 加上我識少少韓文都應該無問題.. 而且最開心係回程可以係漢城停留一兩日.. 哈~ 當然去玩下先啦! 茂朱/龍平? 可能遠得濟... 我自己又唔係咁想離開漢城咁遠..
但係一切都要睇我老表點樣... 如果佢唔想停漢城, 就無辦法啦.. 怎說這次旅行, 他都是主角, 我只是跟隊..
佢話同我share 一半錢買DSLR.. 不過, well.. 的確唔係幾好意思.. 因為老實講結果都會係我用多(pan 鏡影巴士一流!), 加上一半都唔係細數目.... 而且lens 都係一個花費高的項目...
不過我倒發現好多男人係男仔的時期都會玩攝影.. 點解咁講呢, 因為身邊的朋友, 加上榮哥果日同我講話有部單鏡反光機壞左.. 十幾年前買落...
呢次旅程會去埋LA同SF.. LA 就係落腳同埋探朋友, 而SF.. 當然係為左賤咀啦.... 雖則佢今年都會返香港.... 但去得就當然去埋啦..
去韓國果陣正值夏天.. 有咩好做呢? 滑雪? 話就話有人造雪, 但始終.. 定係在漢城過呢? 值得想想... 反正今年冬會去多次韓國....
之後還要努力工作, 達到今年的目標..

仲發緊夢... 但係好似考試近d 喎.... 嗚嗚嗚..
不過之後的假期是努力的動力... =)

=============================
晚上討論起一個人.. 算吧.. 討論沒有意思的...
反正又不會跟他打交道.. 隨他去吧....

>>March 22, 2004 at 12:50:22 PM GMT+8

2004 年 3 月 19 日 星期五 【晴】

今日係台灣總統大選.. 似乎作為香港人的我, 無得去改變事情的發展,
但可以留意呢件事.. 如果有咩事, 兩岸開片的話, 我一定搭飛機走, 又或者參軍..

========================
呢期想討論一下宗教的問題..
因為有一個朋友每個禮拜都想約我去出席團契, 禮拜等活動.
可是我總把他推掉...
一來是沒有事間, 二來, 也是主因, 就係我信唔到上帝/呢類宗教.

呢一刻, 我係信因果關係, 但又唔係種善因得善果,
我只係信, 今日我做左一件事, 之後就會跟住其他是加埋的因, 就變成明日的果..
種善因, 得唔到善果係因為世界有太多變數, 根本就唔知結果會係點..

但係要我接受所謂完美同仁慈的主, 我信唔到.
"上帝萬歲", 以父之名, 美軍在伊拉克殺了多少個伊拉克平民, 作出幾多侵略.
"上帝萬歲", 以色列人以父之名一支導彈總殺害了多少個巴勒斯坦平民?
上帝明明教導我們要原諒人七十個七次, 可是以色列人呢? 如果你說巴勒斯坦人做錯, 因為他復仇, 那以色列人呢?
假若你信神愛世人, 我最不能接受就是這句說話了.
如果神愛世人, 世人的定義是世界上所有人, 那麼根本就不是啦.. 明顯是偏心啦.. 有些人富得很, 有些人, 連吃的也沒有.. 神愛世人? 世界不公的情況, 神那說過一句說話, 作過一次教導?
可是因果可以完全解釋呢d 事..

如果神存在, 如果神是完美,
這些事根本不會發生, 現實世界很爛, 我相信如果there exist 一個神, 世界一定更美好.

有些朋友為我祈禱, 希望我得到平靜..
是, 可能今日我的冷靜是因為他們的祝福..
但有沒有想過其實我只是走向另一極端, 又極度需要感情, 變成極度逃避感情.
如果是上帝做的把戲, 他沒有改變現實的環境, 我的感情世界一樣是這種爛, 但就改變左我的思想, 你覺得咁樣真係一件好事嗎? 我不認同, 因為我自己也覺得自己的轉變很恐佈. 如果上帝存在, 事情不會發展到這個地步 .
雖然我不否定而家o既我係好開心, 但我並唔係真正幸福, 我只係無奈地向現實低頭, 不去碰到我的需要, 所以我才沒有煩憂..
我只信因果, 因為七年來的經歷, 加上我是一個悲觀的人, 所以才造成今日的我.

我希望我的信仰取向, 不會影響我同我朋友的關係.

======================
今日係神奇的一日, 呢一日我落左幾次街.. 痴線...
阿媽今日一早就出左去, 所以我今日餐lunch 係自己搞掂..

結果我兩點幾, 攞Wong J d notes 落去影印, 去到影印舖問老闆食左飯未..
之後佢又話一齊食喎.. 好啦.. 結果兩條友去左大家樂. 不過計過條數唔係平架其實.. 你咪以為快餐一定平過 restaurant...
之後阿媽返左黎話要去吉之島買野, 叫我幫佢攞野番去, 咁就返左屋企一轉啦.

第二轉係跟榮哥車, 好耐都無做呢樣野..
榮哥今日好順利咁過到好多個燈位, 比平時早到左火車站..
居然係南運路行到三波. 神奇! 榮哥今日講, 上水廠有幾條線都係搵新仔去練習, 包括74K, 74A, 278k... 嘩.. 74A? 好難玩架喎呢條線..
之後去到大火, 3678上車同我一齊跟車.. 返太和..
去到廣福道佢居然打電話俾我話見到我係架車上面.. 嘩.. 佢都好眼利喎.. 仲要係對面行車線..

返到太和, 榮哥食飯, 我地跟另一架車返大中..
攞番影印..
之後第三次就幫人買波(足智彩).. 但我跟本就唔識, 所以捉埋Wong j 幫手..

============================
回 You know me:
係呀, 所以如果要argue 好無謂..
但係我信, 今日做左o既事, 聽日自己會有報應.. 所以我做人而家都要好小心..

>>March 21, 2004 at 3:31:39 PM GMT+8

2004 年 3 月 18 日 星期四 【晴】

今晚早少少寫日記啦.. 因為好累.. 想訓覺..
話時話日日咁訓, 真係幾變態..
十二點訓, 十一點起身...
只不過都唔係咁醒
=================================
今日一起身做左一樣超益智活動: 填表格.. 咩表? 校長推薦計劃是也..
老實講, INE 取消, 入大學對我黎講難左好多..
INE係一科CDE 都入到的一科.. 但而家轉為Info Eng, 咁.. 真係難... 但我都好想入,
而且Info Eng 要In.. 我有信心In, 多過有信心考得好.. 所以我決定報校長推薦..
不過一家學校最多推三個人.. 會唔會輪到我? is another story..
結果落左去街一陣.. 醒起我要買計數機.. 記得富善有一檔有賣, 碰下運氣.. 點知真係踏破鐵鞋無覓處.. 居然有, 不過貴三十蚊.. 算啦.. 好過無得用..

返到屋企, 真係好順喎! 好正~ d 完數條式, 用佢係咁代數落去計, 開心晒, 快好多! 勁鍾意!
爽晒, 好順利就可以sketch 到一條curve.. 開心笑~~~~~~!

之後上網..
睇下咁多個人的日記..
睇到佢個日記...

原本諗住今日好簡單就過今日..
點知有特別野發生左..
黎學車突然間好晚打個電話黎, 話江湖救急, 唔知咩事.. r 晒頭..
只係叫我幫佢去佢屋企攞身份證.. 之後去i-game 救佢...
吓!? 仲以為咩事..
好彩佢阿媽無懷疑我, 我只係叫佢阿媽俾個書包我...
好順利就攞個袋走.. 去到igame門口見到一架警車, 一班差人.. 唔使問, 一定係打機俾人查證點知無証俾人扣查..哈.. 好心佢打機就帶身份証啦!

不過行得咁急, 心口好似唔係好妥.. 休息左一陣好彩無事, 但係睇黎我要練番心肺功能啦!

救左佢之後, 同龜鄰 (佢地兩個一齊打機) 行番屋企... 佢兩條友, 各自打電話同條女報到.. 我就...... 唉.. 哈... 無野好講....

>>March 19, 2004 at 3:25:50 PM GMT+8

2004 年 3 月 17 日 星期三 【晴】

進入深層思考的一日..

==========================

平時很少上一個討論區,
今日卻在呢個討論區吹水... 內容.. 還是果樣野吧... 好無聊呀可..
但係見到有人講, 挑起條引.. 好想插嘴...
不過就發現到自己更加野..
我唔想再掂感情, 原來原因無以前所謂咁少同咁簡單..
鍾意一個人係想佢開心, 但係既然追得咁辛苦, 對方有唔開心.. 為咩..? 不如唔好追, 或者唔好鍾意好過啦... 你話係唔係煩!?
而且就算追到, 開心可能只係一刻; 下一刻, 都唔知邊個會變心先.. 為左一刻的開心, 就要辛苦兩次.. 唔值.. 唔值...
當然我係無信心同心淡啦.. 呢個係一個主要原因..
好多人都叫我唔好放棄, 可能佢地唔識我.. 如果識我就未必會咁同我講...
童話式愛情故事的永遠? 永遠, 究竟在哪裏實現..

我已經plan 好一個五年計劃...
計埋今年, 仲有之後四年,
今年要努力AL, 搵錢, 同埋Year 1 要攞高個GPA.. 仲有今年要為 LPI 努力, 希望完成到Level 3 (唔淨係Level 1), 而且要攞BR (Business Reg.), 成立一間我早就想開的公司, 縱橫網電腦縱合服務公司.. 而英
Year 2 - 3 就要繼續努力, 博高GPA 攞 First Honour.
讀完U之後, 如果到時工作已經多到做唔切, 就唔搵工, 否則就向一d 公司埋手.. (未必會係大公司做, 因為發揮得少..)
我並無係五年計劃assign 任何時間係感情生活.. 因為已經浪費左我七年時間, 我唔可以再俾呢d 野再浪費我五年..

今日一起身, 阿媽就問我收學費有無收埋三月份,
結果我用媽的名義send 左封email 去學校問..
結果我諗聽日就知...

今日只係落過一次街..
就係晚上攞wong j d notes. 睇.

其餘時間都係係屋企上網同de 數..

突然諗起我徒弟,
佢係一個同我性格很似的人, 而且很多事, 在我身上發生, 也在他身上發生.. 可能這就是巧合..
但係我同佢際遇, 命運就完全唔同..
很多事上, 佢條路平過我好多.. 我條路, 雖然唔係大上大落, 但也有不少波折..
但係我認為就是這些不平坦, 使我成長..
我一入莫記, 第一二年, 人緣不好, 雖也有朋友, 但唔係同majority d 人玩得埋..
而且頭一兩年試過俾人排斥.. 仲有d 八婆(我到而家都係想咁叫呢d 人..) 係到搞風搞雨, 所以我中一中二生活並唔開心.. 但係中四開始, 我明白朋友係一班人, 唔係朋友又另一班人...
但係我徒弟, 佢o既初中歲月似乎很開心.....

感情生活方面, 我一開始就追唔到.. 初中三年來都係慘淡..
但係佢, 有得佢揀, 但係佢偏偏就搞到, 有女友又鍾意第二個..
佢永遠學唔到我對感情的執著同珍惜.. 我覺得佢成日變心.. 一時就A, 一時就B, 一時C, 之後又A.. 好亂... 佢以為得唔到先係幸福, 但係珍惜現在先係最幸福..

所以我好多野都覺得佢唔夠成熟,
就是帶佢出去見客, 都俾唔到人地成熟o既感覺.. 唔識係咩位講野, 成日講野, 連1 d 好nice o既客都話佢多野講.. 或者佢條路真係太平坦, 無咩經歷過錯折, 長唔大... 但唔好誤會, 我亦都想佢補留一d 赤子之心.. 唔係好似我咁老餅囉..

所以我可能比佢幸運.. 因為我受過錯折.. 我意思唔係我自己好成熟, 因為自己話自己成熟其實可能就係幼稚.. 我只係想講, 其實我而家已經係好幸福.. 就算受錯折, 可能會幫到自己..

希望我徒弟會明白啦..

>>March 19, 2004 at 11:41:46 AM GMT+8

2004 年 3 月 16 日 星期二 【晴】

今日係坤的Oral 考試大日子..
不過佢當然就掂啦..
今日的題目係Take a leap year, 我一聽都唔知係咩...
=======================
今日傾左我諗都好耐電話, 因為有唔少人問maths 同phy (低form..)
無所謂.. 當溫書囉..
不過唔覺意聽到個關於佢的消息..
原來AV組, 識我果d, 上次已經話佢串..
但係呢次, 有人同我講, 如果佢地連埋阿sir 唔係因為我, 已經還拖串佢..
我幾時咁大面? 俾咁大個高帽我帶..........................
但我唔會不負責任地一句: "你咪串囉, 唔關我事.." 我做唔出.. 因為始終...

下午同媽去食下午茶 (skip左午餐)
京都真係好抵, 我地兩個食到飽都係40蚊.. 真係抵過M記...
之後搵坤, 佢五點鐘考oral, 我同佢行一陣先, 同埋俾兩份卷佢攞番去..

之後等坤考完oral, 我就同j 同坤食糖水, 行左大埔一個圈先返屋企..
不過係太和撞到.. 佢... 我幾乎睇唔到佢.. 因為無帶眼出街..
行到成個人好熱, 沖涼食飯....

========================
回 靈魂:
係, 我知, 但係我而家仲有閒錢, 無必要接呢d 生意做..

>>March 19, 2004 at 12:09:31 PM GMT+8

2004 年 3 月 15 日 星期一 【晴】

話時話, 補KS Ng 其實都幾頂...
一個阿叔企出黎講數.. 你都咪話唔"近"....

=============================
今日原本諗住早少少出去, 去埋九龍城先去旺角補習..
點知一起身已經心知不妙, 所以都係決定遲少少出門口直接去旺角先..
諗住買506V, 但係居然仲係無貨.....睇黎要問人借先得...

上左三個鐘堂, 又唔係特別悶或者累.. 因為d 野我唔係好識, 想學多d..
成班好多人.. 不過老實講而家先黎補, 真係遲左d... 總好過無補到o既....
佢講左好多常用technique 同埋睇題目方法.. 正...
但係我仲未食飯..

之後搭1號去九龍城..
呢程1號都算好快下..$3.5 飛車.. 正!
落去酒樓做埋少少野先食飯.. 果陣係四點幾...
裝番隻Office XP, 手寫板.. (p.s. 呢塊板只係35 蚊.. 你見過咁抵的手寫板未? 我要強調係一手的, 唔係二手的, 雖然我呢排係咁買二手電腦零件...)

之後去九龍城同一條街道上另一個客屋企裝番個WinXP Pro...
最初有問題, 好彩後尾無事.. 果部機真係奇怪!
更奇怪的係, 居然個無線網路卡收到隔離屋的訊號, 收唔到自己的訊號... 黐線..
最後我用番SMC 自己的USB Client Program 就解決問題.. Windows XP, 你去死啦!

上車咁o岩阿姨打電話o黎,
之後...
我最後明白到佢同而家係九龍城酒樓, 我撞見番的吳小姐的恩恩仇仇..
件事好複雜.. 所以我見番佢其實未必係一件好事, 可能係一件壞事....
而且我面對人生交叉點: 錢, 與義氣的選擇...
我阿姨同我講唔好賣個software(我寫的)俾佢, 但係我又唔知的情況下答應左..
我可以反口, 當然... 佢當年害我阿姨.. 我打鍋佢都o黎唔切...
但係錢, 同義氣 - 雖然對我黎講唔係好難取捨, 我一定會揀義氣..
但係眼白白睇住d 錢得唔到, 仲會心有不甘.....................................
我今年目標係四萬蚊, 似乎都真係仲有一大段距離...

>>March 17, 2004 at 12:31:26 PM GMT+8

2004 年 3 月 14 日 星期日 【晴】

今日原本諗住直接去補習, 但係有個叔叔壞機,
叫我去幫手整左先.. 反正都係沙田..

=============================
部機問題唔大, 只係可能一行InCD 就restart 電腦... 無辨法.. 同佢入safe mode 殺左隻InCD就搞掂..
之後check 埋有無病毒..
不過佢部機都ok架啦.. 無咩其他問題..

夜晚果餐都係佢果到搞掂... 我叔係一個廿四孝老公同老豆, 只係... 固執...
佢個仔想讀文科, 但係佢偏偏唔俾.. =.="

今日又聽到佢... 的消息...
係佢係306 入面的消息.. 不過我估唔到Ryan 會講呢句說話..
或許啦, 或許Ryan 無講錯到.. @_@.. 唔知啦..

>>March 17, 2004 at 4:11:38 PM GMT+8

2004 年 3 月 13 日 星期六 【晴】

今日原本唔諗住出街.. 但係尋晚有人問pascal.. 結果我就今日坐左係到,
用左五個鐘寫一份pascal notes, 關於iteration 同埋 array..

======================
今日一起身就二話不說寫notes, 說到可以話廢寢忘食..
不過很多出名的人士都係廢寢忘食.. 所以我絕唔會覺得過份.. 可是我家的兩老卻不是這樣想..
所以我自問EQ 都幾高.. 忍得住.. =) XDDDDDDD
不過份notes 仲未

三點幾, 食完晏即刻搭車..
又係GZ5818.... 點解成日都係呢架車..
呢架車係快, 但係好chok同好dun... VOLVO好少會搞成咁...

教電腦的同時, 要整埋機..
唉.. 死人WinXP.. 原本crack 左, 但係一裝SP1a 之後即刻仆街.. 話個windows expired 左.... shit!

返屋企果轉75x, 一d 都唔好受..
個司機一睇就知新仔.. 好緊張.. 佢個樣話俾我知,
仲有三個細佬女, 一上車嘈到落車, 又坐唔定.. 個司機都話過佢幾次..
個阿媽又唔 理..... 不過而家d 人生仔/生女都只係當係副產品...
架車係GY3832, 都幾勁.. 去到80km/h...

>>March 15, 2004 at 8:39:50 AM GMT+8

2004 年 3 月 12 日 星期五 【晴】

今日又要補習, 原因只係MC CHAN加今日一堂....
不過無佢, 我phy 都無今日..
話時話, 佢都唔知賺左我幾多錢.. 不過我都係賺人地d 錢黎交學費..
======================
今日有Wong J 陪我出去, 因為佢都要補習, 不過佢係去現代...
原本早到, 結果我排隊報KS Ng 搞到遲到.. 你話英皇幾好賺...
原本KS Ng 有沙田架.. 如果我早d 報就夠五個人開得成, 而家只好去旺角....

各位有無睇佗鎗師姐?
陳小生同鄺sir 鬥輸左....
如果呢d 情況發生係我身上... 我諗, 我都會瘀到好傷...
(試諗下我同情敵鬥快砌機, 我居然輸左.... 不過我砌機唔係快, 只係小心...)

今日兩程都係K12, 都係210, 都係果個司機...
補完習同屋企人去京都食飯.. 平.. 味道ok 啦..
不過食到十一點幾...

>>March 15, 2004 at 6:15:24 AM GMT+8

2004 年 3 月 11 日 星期四 【晴】

今日出去玩左成日...
加上整左成日野.. 好爽...

========================
今日原本打算先去九龍城幫個客換磁碟機, 但係佢果面安排唔到時間,
所以落左旺角攞保險送的所以禮物.. 係一部cheap 到你唔信的相機.. 仲係菲林果隻..
只不過跟機果個菲林就幾可觀.. ISO 400..

之後就落深水埗, 幫一間酒樓砌機...
一部連任何卡都唔使插的電腦.. 可想而知個價錢係點.. 最貴係隻LCD Mon, 用到Viewsonic..
因為其它cheap 牌都差唔多價同無貨.. 所以無所謂...
所以我都好輕鬆就可以上到的士.. 一上到去搵老闆(我識的..)
入到去見到個會計文員, 最初係唔認得... 但佢突然間同我講: "阿豐, 你認唔認得我!?"
佢咁講我大約有d 印象.. 原來係豪華柴灣果間做過o既, 唔怪得見過啦, 以前都有幫佢整過機, 同埋食過幾餐飯, 不過計起上黎, 都有成2年無見過.. 佢都變左好多, 所以我真係唔認得佢...
後尾柴灣豪華執左, 之後都無見過佢咁濟... 有一種他鄉遇故知的感覺...

佢問我一條問題: "阿豐拍拖未....."
嘩.... 呢條問題.. 好惡...
咁我始終答: "十八年來未拍過拖.."

我已經唔係第一次咁俾人問.. 大角咀個客陳小姐都成日問我:"阿豐你有拖拍未呀? (問我徒弟就知.. 因為佢成日都聽到佢咁問..)", 佢仲要話:"呢樣野就要你徒弟教你..."
我會話:" 呢d 野, 講天份o既...." 更何況我徒弟係有幾個俾佢揀.. 無法啦...
不過而家俾我都唔想拍拖住...
上次睇中醫仲好笑..
我媽問個中醫:"佢(指我..)塊面咁多暗瘡, 點算好...."
中醫師居然話:"你好似佢(指執藥果個後生仔)咁, 搵番條女囉...."
我心諗: 有關係咩.. 唔係掛.. 唔好搞到我諗斜野先得架...
真係吹到脹晒o既尷尬位...

唔記得左講今日搭72x(HD199)果陣, 聽到個巴士司機同另一個同事吹水, 佢同事問佢: 有無[手查]過"超級鐵甲威龍".... 我一諗就諗到邊款車.. 嘩.. 不過實在太誇張了吧.. 超級鐵甲威龍.. 你估坦克車咩....

砌完機咁濟, 發現少左一條IDE Cable.. (>.<...)
而且佢地要用printer.. 但我又唔知所以無買,
所以又落左去黃金買printer 同攞條cable..
printer, 難免要買一些cheap 貨色.. Canon SP200..算是一部用得的打印機吧....
才$388, 想點...
搞到五點先走得

下一場去黃埔搵isaac, 先去佢屋企打機, 再落街打機..
好正好開心, 好多人...
不過玩左一陣就俾屋企人吹......

=============================
開心的一天.. =)

>>March 13, 2004 at 9:07:35 AM GMT+8