2004 年 4 月 21 日 星期三 【晴】

由於工作需要, 結果我落左去深水埗行街...
但可不是很輕鬆的... 結果一個人抽住一箱幾重的Cat5e線由深水埗行到大角咀..

而且今天總是周身不自在的, 沒有安全感.. 可是深水埗是我其中一處最熟悉的地方...

但今日真的很熱.. 夏天到了...

早幾天在報紙上找到了自己投稿的一篇評論.. 現在post 在這裏.. 其實不是寫得很好..




聽說有一位同學考chem 考到喊了.. 希望佢可以重新振作接受餘下的挑戰..

>>April 23, 2004 at 8:40:29 AM GMT+8

2004 年 4 月 20 日 星期二 【晴】

今日算早起左身, 因為俾個電話嘈醒左...
不過起左身就算...

第一件事就係send fax 俾人, 因為有人叫我幫拖客串去搞長沙灣一檔整網路同電腦, 不過呢次淨係做番d 線同埋set 下電腦, 無得玩server.. 無咩特別... 無咩感覺... ><"

之後落左街一轉, 睇下呢單野其中一樣要買o既野 - Print Server 幾多錢... 不過一間二間都未開門.. 而且而家都係router 送埋print server 功能.. 好少話一隻野係print server, 就算有都係無線的... 我諗搵史前野都係有d 難度..
去到老闆娘果到, 諗諗下, 係喎, 順便去埋28號考試的"萬"慈.. (我真係唔識打果隻字)..
一點返到屋企..

之後四點幾又落街.. 去剪草(自己諗下呢個term點解啦.. 我同榮哥講一估就估到..)
見到KV8572 走左, 我諗榮哥走左啦.. 點知過緊馬路, 見到JM3689 (71k)上的榮哥.. 嘩.. 即刻跑番去個站到上車, 跟到去到新興落車行番去昌運剪早..

返到屋企收fax...

=============================
回 賤咀
好難講, 不過真果句, CityU照入架啦...
有咩事repeat 囉.. 條條大路通羅馬o既.. 到時都係自己做架啦... 邊間學校o既degree 一樣架jei~

回 大魚
30幾.. 我都想有30 "幾"
無做30 分? 超.................................
我.. 唉... 算啦... 打定輸數...

回 水雲
好難講, 呢次, 無運... 做錯數... 第一題唔記得chain rule, 有d 又唔肯定o岩, 特別係paper 2..
成日做錯數... 唉... 30分都無.. 咁..
打定輸數o者, 無野o既.. 做最壞打算~

>>April 21, 2004 at 11:52:50 AM GMT+8

2004 年 4 月 19 日 星期一 【晴】

唉.. 人生所憂所想, 今日, 一次浮現..

原因就係今日pure maths 抄晒..
如果兩份卷攞個mean, 我諗得32~35分... F 就一定F梗, 唔知會唔會U o者... (因為paper 2 好多計錯數)

唉.. HKU, CU, UST 都唔使揀.. 都係老老實實揀CityU... 都好o既.. 有韓文讀....
但係, 我唔係話City唔好, 但係始我想入UST...
唉.. 我都唔知點講....

repeat? 可能啦... 如果真係考得太差... 但係有U都唔理lu, 照入...
考試考到掛住係頸的頸鏈都斷埋.. 唉..... 唔使黑成咁...
所以我d notes 唔可以燒住..

============================
呢排有d 驚我老表... 會.. 我都唔知點講..
似乎佢生活得唔開心.. 不過今日睇到佢日記一句說話, 似乎佢已經有所改變...
============================
呢幾日都係溫書, 溫書, 都係咁講, 無咩好記..
不過溫左, 老實講, 比起mock 呢次係好左d... 起碼long question 都做到3個"半題"
算啦.. 盡左力.. 命運啦....
============================
回龍儒:
而家更加無野好講啦~ 唉..

>>April 20, 2004 at 2:51:46 PM GMT+8

2004 年 4 月 16 日 星期五 【颱風】

今日終於輪到第一科AL科目考試.. Computer Studies Practical (Paper 3)
雖然係自己熟手科目, 但係卻很緊張.. 結果我只能夠訓了兩個小時... 很睏...
一直到看到題目, 最初還以為很難(2001年就是一個難的好例子! 當時我只能做到2/3份), 但實情卻易得很... 唉.. 其實這也是問題.. 因為電腦這一科是困獸鬥.. 會讀電腦的, 都不會太差.. 居然這樣淺, 再加上我和其他人都是只能做到第5題的一大半, 第6題我不能回答.. 這樣可來跟其它人有分別? 唉....

=======================
傷心事, 別提...
今天下午跟徒弟去食飯, 我還是第一次到珊瑚堡...
他的牛扒就真的沒有扒王這樣好.. 沒有好好的處理外面, 導致肉汁沒有鎖緊..
七成熟, 其實有些地方跟本三成熟也不知有沒有.. 算吧...

之後行了大埔一個圈, 到了影印舖, 我返到屋企, 老媽還未返家.. 因為細舅父今天走..

今天原本很想溫習, 可是真的很睏..

>>April 18, 2004 at 7:35:21 AM GMT+8

2004 年 4 月 15 日 星期四 【晴】

祝我生辰快樂... 祝我生辰快樂... 祝我生辰快樂...
(很多年前的一個政府廣告.....)
但係我今日的確係生日.. 咁就十九年啦... 無論係新曆或是舊曆..都係生日..哈哈哈..(不過舊曆呢次係潤二月廿七, 唔係正二月廿七...)
=======================
好開心.. 又生日啦.. 不過今年, 因為要考AL 的關係, 所以邊到都無去玩..
尋晚沾叔已經約好左我同班friend 去食餐飯..
所以我今朝返完學搞搞聽日Computer Paper 3 d 野之後, 就去食飯..
今日返學, 其實自己無咩點溫書, 反而有兩個中五o既師弟就問我maths 同phy..
你咪話, maths MC 我最後果條geometry 通常都搞唔掂... 唉... 仲話pure maths tim......
不過有一個中六的師妹問我一條A. maths 的complex 我就好快手搞掂.. 因為有J. Lau.... =)

食完飯去搵細舅父.. 佢三年前係外國返黎, 而家先再返過..
所以我出左去沙田又食野... 呢次係美心酒樓... 好貴.... @@"
我舅父話今晚去同個工程師(C的工程師)食飯.. 諗住, 好喎.. 見下出面d 高手學下野..
點知.. 佢係去見Winbond 的人同佢地傾數碼decoder d 野.. 好鬼pro.......
所以學到仲多野, 不過其實幾悶... 但係有得見好多人同周圍去.. =)

不過今日真係好黑仔....
同細舅父上左架89x (JV5199, 3ASV107).. 居然第一個位就擺街... shxt! 壞冷氣.. 係一滴風都無果隻壞法... 諗住有超豪坐下(好耐無坐過), 點知跟住黎就係HY1092 (都躉..)
之後仲黑仔, 去到大老山諗住680平時多車, 好快過到海啦.. 點知時間表寫10-14分鐘, 但我足足等到28分鐘... 點做生意架.. 九巴... 搞到我舅父約人遲到..

之後真正食飯之際, 就叫埋我表哥去...
係尖沙咀山林到果間老趙到食(唔係phy 果個老趙...) 越南野.. 都唔錯.. 名不虛傳...

搞到十一點先返到屋企....
死啦.. 無溫過書..
========================
回 大魚:
你的確係今日第一個.. 哈... 不過沾叔佢地尋日己經約左我食飯.. 我仲估你會出現tim...
我而家的確係幾滿足開心o既...

回 魚子:
好... 我請, 你洗碗!
遲d 大把時間玩啦.. 有咩所謂...

回 路易斯:
真係咁難玩!?

>>April 17, 2004 at 9:52:49 AM GMT+8

2004 年 4 月 14 日 星期三 【晴】

徒弟仔, 生日快樂..
聽日到我生日囉..

======================
今日只係在屋企溫書..

>>April 17, 2004 at 10:15:45 AM GMT+8

2004 年 4 月 13 日 星期二 【晴】

成日悶左係屋企... 嘩.. 簡直係人都癲...

屋企兩老咁係到發功.. 言則尋晚幫我係廣州攞左全5隻VCD, 1 隻DVD, 4隻CDA 返香港(全試都係孫燕姿的.. ^_^ !), 但係.. 佢唔使一日講兩次話人地個仔點溫書, 我就點溫書.. 我係擺明頹溫架啦... 我跟本就唔鍾意數學, 只係因為大學要先咁揀(最頂係今日收到個email, 話Math&Stat可以報Info. Eng... 真係....)早知揀Maths & Stat 好過.. 唔使咁辛苦.. 數都簡單d.. 起碼無complex, 無polynomial, 都無matrix.......... 唉...
我呢一世人最憎俾人攞黎做比較.. 無論係細個果陣比較邊個高d, 或者讀書邊個叻d, 我都唔鍾意... 無論我高d 或是我矮d, 我都唔鍾意...
因為我係我, 佢係佢, 佢鍾意點同我有咩關係? 佢仆街果陣, 我係唔係一樣要街都仆唔切呀?

所以我七點鐘出左街吸新鮮空氣..
榮哥今日替4車字軌, [手查] 架ES, 我地去跟車, 我只係跟到去大火之後就搭番71A返屋企... 兩老又係咁打電話俾我.. 我一次都無聽.. 我只係覺得好煩... 我想逃避.. 係.. 佢地係好可愛, 當唔係考試季節或者我要返工的時候...
講起又打幾火.. 你知我白羊座的人係工作狂黎架啦! 我有時要開會, 或者收工收得夜, 就話我唔黐家.. 你吹水o者, 我讀完大學果陣仲黐係屋企到你就唔係咁講啦... 我話我唔使做野呀, 佢就話我一個月搵幾多, 又搵唔到幾多錢.... 我覺得佢地完全唔尊重我的事業發展.. 起碼我而家人際關係網路發展落去的話, 一定唔係我地三個人挨餓!
我諗真係應該做野果陣搬出去住.... 租樓也好, 買樓(馬灣或者愉景灣啦....)也好..

仲有, 今日我問問我自己個心, 我發現我終於放低唔屬於我自己的東西..
呢樣就係唔屬於我的感情... 我想, 還是算了吧... 再這樣下去的話, 我辛苦, 佢都會辛苦..
我和你就算了吧, 不想再為愛而掙扎.

我想這些年來, 都係搵搵錢吧.. 事業上我還有很大發展空間..
LPI, 今年... MCSE 2003? 我都唔知會唔會upgrade..CCNA我會唔會再執起書包? 都仲未有定案..
仲有今年成立縱橫網(jasonofficial.net)... 都幾忙架今年... 拍拖, 遲d 先啦..

讓這個心靈安樂作為今年的生日禮物吧!
==================
離開一個城市
離開一段感情

我們選擇離開的時間
我們學習說再見的方式
是不回頭狂奔而去
還是頻頻回首徐徐前進

這世界沒有一個地方 永遠晴朗
第一道曙光乍泄的那一刻
Leave

孫燕姿 大碟Leave - Opening.
====================
回 大魚, 路易斯
咁呢個只係傳言, 暫時黎講... 未係事實住.. 不過就算搬問題都唔大, 因為我地有i-game.. 不過到時i-game 就勁多人lu.. 而且仲會雜過而家...

如果俾我知到邊個低能師奶組織的話......... 哼....

回路易斯:
咁大埔有i-game... 不過老實講開心越來越少game 種. shit.. World Combat 都搬走..
p.s. 新版World Combat 有卡出架~ 我遲早去出番張!

>>April 15, 2004 at 9:39:00 AM GMT+8

2004 年 4 月 12 日 星期一 【晴】

今日返左去圓二一次... 溫書, 特別係CS.. 因為屋企根本就無書係關於就快考的CS Paper III, programming. 因為果陣買唔到本Pascal Programming, Walls and Mirros.. 順便係返去探下咁多個人囉...

=======================
我十一點幾就到圓二, 之後係圖書館溫書, 答physics 問題..
嘩.. 真係好耐無掂過physics, 因為連momentum always conserved 都要諗點解.. 真係.. 唉...
問題出現在唔記得左"all object are rigid"............ force redistribution... 唉... 真係.. 好彩physics 有時間溫o者~

一點鐘返屋企食飯, 之後返來再戰, 直到等埋Wong J, 見到楊絲簡, 再坐到四點八個字就走.. 因為跟榮哥車輕鬆下... 其間乾打電話黎問過郵輪假期d 野.. well, 我仲未攞到資料....
見到榮哥上車跟左一個來回.

返到屋企都係pure maths...

>>April 15, 2004 at 9:03:21 AM GMT+8

2004 年 4 月 11 日 星期日 【晴】

今日終於叫做好努力咁溫書...
俾pure maths 搞到頭都暈埋....... @@"

不過今日都傾左幾個電話..

咪話icq 少上, 連網都少上, 機都好少開..
今日兩次開機都係應人的要求.. 一次係試excel, 一次係試icq.....
咁就順手打埋日記而已...

所以而家多左時間睇電視...
呢期呢, 當然係八號巴士啦.. 簡直係期待已久.. 入面的巴士術語都很專業.. 例如巴士模型型號等..
唯一似乎有問題係站長講"S"車instead of "蛇"車... 正常術語係蛇車字軌, 即係non-regular 班次.
例如: 72x 的S1 車係HC8927.. 即係話72x 個時間表中, HC8927 不是行全日, 只是行數班車而已(可以說是加班車) 雖然寫就寫S字, 但叫係叫蛇車..
當然, 架KD801 嘈成咁, 如果真係真實引擎聲, 我諗個司機講咩你都會聽唔到... 不過我好希望有真聲聽到....

仲有夏日的香氣, 呢個星期六開始啦...
==========================
8 : 九龍地鐵站<==>尖沙咀碼頭 $4.2

>>April 12, 2004 at 3:55:02 PM GMT+8

2004 年 4 月 10 日 星期六 【晴】

潔慈姨今日同佢出去酒店食buffet... 好開心~


===========================
佢話我生日, 請我食一餐喎, 反正有coupon 同discount...
好呀, 我都好耐無見過佢, 聚餐係一個幾好的主意..
我地約左係城隧轉車站等, 之後去荃灣君悅酒店食lunch buffet..
其間居然見到有人以cosplay 打扮出現.. 不過個女仔的樣貌就真係不敢恭維..

去到遲左15分鐘...
不過今日胃口麻麻地, 食唔到好多野, 做唔到清道夫tim...

之後我上73x, 佢上43x 返屋企啦..
返到大埔, 又唔係好想返屋企住(先3點幾..), 去左影印舖到搵老闆吹水...
吹水都唔夠, 兩條友走左入開心打機.... 打到六點先走...

===========================
講起開心, 個冷氣仲未搞番掂.... 所以超熱..
今日有一個打機界老手勳爺同我講, 佢聽講話開心之所以無開冷氣, 可能話係一班婦女團體之類話機舖係果到會有青少年問題或罪案上升喎.. 所以要迫開心搬喎! 痴邊條線呀, 正一on 99! 你咁醒呀嘛, 最好就首先執晒馬會投注站, 入面好多黑白兩道的人, 之後順手收埋d 網吧, 最多童黨o既果到 (仲黑暗過機舖, 我都唔敢入), 之後立法唔俾打麻將, 因為好容易家破人亡, 子女疏忽照顧.. 睇你班師奶到時有咩聲好出! 有Band 5 的學生, 因為有Band 6 的師奶係背後..
你班師奶吹咩水o者? 機舖有晒法例管住, 危極有限, 何況開心大場黎架嘛, 似得d 細場咩?
網吧就唔係, 無皇管... 你又唔嘈?
打麻將夠多問題啦. 打到天昏地暗, 我聽到唔少師奶呀, 背後指住隔離屋個咩師奶打牌果陣就點點點點.. 呢d 就偽君子啦... 日日扮晒野咁... 咁咪仲教壞細佬? 你覺得一個細佬落機舖危險d 定係學得虛偽危險?

真係谷鬼氣!
============================
回 龍儒:
嘩.. 你做老細唔得掂... =) XDDDD
我驚你會搞到個香港leader 嘔血而死...

咁做人都好假下喎!

>>April 12, 2004 at 3:12:50 PM GMT+8