2004 年 3 月 10 日 星期三 【晴】

很悶的一天..
對住d 數, 好悶,
對住部電腦, 都好悶..

所以約人聽日出街玩...

仲有就係睇左佢日記...
errh..........

>>March 13, 2004 at 9:58:55 AM GMT+8

2004 年 3 月 9 日 星期二 【晴】

今日係魚子生日, 生日快樂~


=================================
所以我一早就去了莫記... 他們未放lunch 我就已經到左..
搵下熊sir, 搵下ck (好耐無同佢傾過計..)..
又收到好多風, 包括下年又改F.4 CE 個計劃..
不過又係一個屌字(唔講粗口唔得..) 結果CIT (前稱CS) 又唔可以同電腦一齊讀.. 痴膠線..
伍庭朗果屆已經係咁, 搞到佢而家唔神唔鬼.. 而家又搞到咁o既樣.. 陳黃唔該快d 去仆街之後收皮..... 我要令到佢街都仆唔切..
話晒我地係到果陣, 係電腦科都俾左少少光彩佢呀.. 估唔到佢都唔重視呢科.. 害死幾多人...
等我讀完大學之後就會番去收佢皮..
仲有呀, 電腦科果個panel 春和.. 我真係就黎打爆佢.. 結果唔幾多個technican 因為佢走左.. 自己又無料喎.. 記得有一次我仲未走果陣.. 佢靜靜雞捉我入電腦室, 我仲以為係咩事, 點知佢連linux 下點裝phpNuke 都唔識.. 佢仲有大把瘀野.. 包括passwd 變左password... 真係...
等我返去取代左佢呢個陳sir 啦... 起碼我一定教得好過佢.. 起碼唔會兩堂之內講829次"right".. (p.s. 真係有人數過係佢兩堂講左829次right...)
點解829次"right"? 因為係佢講英文果陣的口頭禪.. 例如: What are the input devices? Keyboard, right? Mouse right?....... 從略827次right...
所以假使某日我真係出左名, 問我邊間學校培訓我出黎, 我最多只會搭圓玄二中.. 起碼佢慧眼識Juno.. (哈哈~ 報紙係咁寫的... 原句係慧眼識英雄..) 或者答我係以前間中學的師兄/師長同朋友..

我地成班friend, 係學校開發好多野, 例如莫記個mac 我諗大埔區之中用得最多, 用得最盡同埋數量唔少的一間.. 我走之前, 我地研究點樣用linux server 做mac print server, 走之後, 我班frd 繼續努力, 開發校園對外的視訊廣播.. 但係陳黃對電腦科1d 都唔重視.. 簡直就係痴孖根! 睇下幾時天收佢....

好啦... 鬧完人啦..
今次魚子生日聚餐的主菜就不是怎樣, 只是街買的炒麵..
但係甜品卻甚有睇頭.. 係魚子女友的咖啡味Tiramisu.. 好正, 只不過係苦左d 同咖啡唔夠香.. d 咖啡唔靚, 導致一種苦味, 同一種少少酸味..
但係真係好正... 如果d 咖啡用靚d 一定更加好食 ..

我今年的生日將會怎過? 溫CS 吧.. 因為之後一日要考CS III...
同ck 傾左一陣, 我就返屋企.
死人ck, 話我有愛情滋潤, 唔同左.. 我話: 乜你咁out 架....d 消息.... 如果我真係掂左, 我就同佢一齊返黎啦...

之後搵腦世紀個老闆, 佢今日同我講話想搵我幫佢上門整電腦..
整電腦? 我自己都接唔晒, 搵人整.. 而且我今年專做network, linux server..
不過我同佢講, 我有班frd 會做...

返到而家呢間學校, 就係考中化oral.. 算係咁, 有7分.. 但係阿sir 話我太激動, 要禮貌d.. 嗌交當然要激動啦! 我無用英文已經係好少事... 尋日三打一呀, 得我一個做反派...

返到屋企就繼續上網.. 天呀.. 又有人壞機...
又要我做... 考試啦, 唔係我唔想做, 只係我老豆老母唔俾我做...

==========================
回賤咀:
我只係睇唔過眼.. 唔通我走埋去打鍋佢咩..
只不過呢個遊戲, 唔係淨係感覺就玩晒.. 感覺, 係main course, 但係不足以單一決定...
當然我唔贊成係拍拖階段因責任勉強繼續關係.. 我只係慨嘆一向我覺得是好好先生的人會做出這樣的行為, 而這樣的人可以有資格去被愛而已..

我覺得感情係一件好複雜的事.. 或者只係我諗得複雜..
而且我睇唔過眼呢個遊戲規則, 所以我唔會再玩落去..

>>March 11, 2004 at 6:26:53 AM GMT+8

2004 年 3 月 8 日 星期一 【晴】

我都唔知應該點講, 我都唔知應該講咩..

呢件事已經搞左幾日, 但係....
============================
雖然我講過要Silent All these years, 唔想再講呢d 野,
但總會有d 野睇唔過眼.. 而且是我的朋友, 不可能不出聲..

今天其實我半天出了去...
一出去就收到一個客的電話, 要話砌機.. 但係我而家邊有可能砌呀.. 諗住叫人砌囉..
點知.. 搵人都咁難.. Wong J? 未試過P4.. 基哥? 唔得閒.. 我徒弟? 我第一個搵佢啦.. 但係.. 佢都未試過砌P4.. so does 蝗蟲... 點算....

最緊要係改CLC Oral 個日期.. 因為要就旅行時間..
原本係5月18號, 但係老表話12號至六月一號..
所以改囉.. 反正只係銀紙問題... 無野的.. 一個俾錢就可以解決得到的問題.. 何樂而不為?

之後幫潔慈姨搵部iPod 4G Mini, 其實未有貨, 不過我卻見到有一間櫥窗有野, 我一入去問, 原來入錯舖頭. >_<" 瘀爆... 後尾問番正確果間舖頭, 要四月先有貨, 可以預訂...

之後我去深水埗攞quotation..
而家d LCD Mon 勁貴.... 真係好貴..

返到屋企好早, 只係四點..
但係我未試飯.. 因為窮嘛!

返到屋企.. 已經知道件事可能發展得好快.. 係呢到我唔方面講件事出黎, 但係,
越來越多breaking news.. 好多人都知...
如果件事真係的話, 我會好睇唔過眼.. (不過我都仲係相唔係真..)
佢已經有一個咁好的女友.. 淨講樣已經係數一數二.. 唔講樣, 脾氣又好, 又體貼..
真係仲想點... 仲唔知足.. 仲要搞呢搞路..
係.. 佢係靚仔(係呢班), 成績好.. 係有本錢..
但係, 我估唔到佢對感情真係咁爛.. 咁差..
但係佢居然有另一半對佢咁好, 咁緊張佢.. 咁愛佢..
睇黎我o既真心比佢更加爛, 更加唔掂, 先至會無女仔鍾意我.. 無話可說..

幾米都有講: 愛情花兒, 有人接應不暇, 有人終生漏接.
上天係咁公平.. 吹佢唔脹.. (呢個係我其中一個唔信西方宗教的原因, 因為佢往往認為主係完美, 我係最接受唔到的.. 因為個世界仲係咁樣.. 好爛呀.. 而中國卻講因果.. 呢個我好同意.. 好多野都係人自己造成的.. 包括現在的社會, 現代人的感情觀, 學賤咀話齋....)

原本真係諗住silent all these years, 但係發現我對感情都仲係有一定的執著...
感情對我黎講, 係一樣expect to be forever, 就算唔forever 都要係long-lasting o既野..
但睇到呢件事之後, 我.......
始終唔可以徹底放下感情o既issue...

雖然件事已經平息, 男方已經否認...
但係我已經激動左...

始終做人, 唔化都要化... 繼續silent all these years, 繼續無話可說...

>>March 10, 2004 at 4:12:09 PM GMT+8

2004 年 3 月 7 日 星期日 【晴】

嘩.. 婦女節喎今日...
不過我唔係婦女.. 所以..... 一樣咁過...

==================================
今日一起身, 溫左一陣pure maths (vectors),
幫佢攞d 數碼相去晒... 之後就俾張晒相單佢... 我亦都要去睇中醫.. 因為仲咳緊..

返到屋企食完飯, 就開始人天交戰Sendmail - POP before SMTP...
簡單解釋少少啦...
寄電郵大家都知有來源地址同目的地址.. 上次set 起個mail server 之後, d 人就經我個server 係咁寄 來源同目的地址都唔係我個server 管轄範圍.. (i.e. 我個server 負責 abc.com, 可是大家的來源既不是abc.com, 目的也不是abc.com, 明顯他們要寄垃圾郵件, 要找一部server 夾硬寄..)
所以就要用POP before SMTP, 即係你要用password 收左信, 先俾你寄俾人.. 如果唔係, 你好難分得清寄俾人地的信, 係由自己人定係街外人寄啦..)
Setting 如下: (唔想睇就飛左佢...)
After setting sendmail:
Install popbeforesmtp script (perl), from www.sourceforge.net
Make sure you have following package installed: Perl, Perl-CPAN, Perl-Net-Netmask(might need to search Fedora I RPMS), Perl-TimeDate.
Modify the config file: 1. Search for sendmail text, add # 'hash' sign in --Send mail cut begin-- and --Sendmail cut end---
./pop-before-smtp --configfile='filename' --dumpconfig
./pop-before-smtp --configfile='filename' --debug --nowrite --reprocess (to try out) (see if /etc/mail
Add hack in sendmail.mc (hack(`popauth')) (http://www.sendmail.org/~ca/email/roaming.html)
Install as service: (http://www.technoids.org/freebsdpopb4smtp.html)

Done..
p.s. 無一份notes 寫得咁齊...
=========================
結果好開心, 睇到/var/log/maillog 係block 左好多垃圾mail~ 心都涼埋..
睇下你班spammer 仲點relay mail!
=========================
今日收到一個雖然未必係真, 但係真係好shocking 的一個消息..
我聽到第一個反應係: 吓!? 唔係呀嘛..
如果係真, 我諗我第一個反應係講粗口... 希望係假啦...

>>March 9, 2004 at 1:37:55 PM GMT+8

2004 年 3 月 6 日 星期六 【晴】

今日做左好少野,
溫左一陣書, 去左遊車河(榮哥8389@71k)..
去到太和, 佢食飯, 之後我發現我係太和商場出錯出口.. 去左神召康樂果面..
結果我決定將錯就錯.. 開發下呢面..
結果就真係竹林深處人家.. 錦石新村.. (唔知有無記錯..)
我以前從來未行過呢到..
我無行到入去, 只係在外圍行了一會兒.. 那裏真的沒有煩囂.. 很寧靜的感覺.. 好似桃園咁..
很有一種世外的感覺.. 只是對我來說交通不太方便 (其實某程度上係好矛盾.. 靜中帶旺.. 真係..)
我仲係好鍾情於馬灣同愉景灣....

一路行, 一路enjoy 果種感覺..

但係一路行, 我一路諗, 其實我都係一個幾du o既人 (du = dull)
越來越du.. 惡性循環..
但我而家真係唔想出咁多聲, 講咁多野...

>>March 10, 2004 at 1:00:50 PM GMT+8

2004 年 3 月 5 日 星期五 【晴】

今日.. 唉.. 俾人話..
因為起唔到身.. 原本諗住番運動場一轉.. 不過起身已經太遲..

============================
結果就係俾屈機請食飯.. 不過唔係太傷, 絕對無問題...
我同李卓安同郭先生去扒皇食飯.. 居然係等佢地的同時見到佢....
結果今日的日記就會環繞住佢....

佢無參與我地的飯局..
但係果兩個人的話題卻有一段時間停留係佢到..
佢地兩個講左佢一樣野.. 一樣我一定唔會留意, 但係佢又好似講過俾我知o既野.. 所以我並沒有多大的興趣討論... 當矛頭指向我果陣, 我支吾以對.. 不過無咩感覺, 可能真係太突然, 我只係感到surprising..

返到屋企, 睇到佢日記(無聊得濟..)
吓!? 唔應該記得的就要忘記? 不過無論如何, 回憶係美麗又好, 醜陋又好, 都係自己從前的一部份, 都必需給予承認... 我唔會忘記任何一點一滴, 因為對我黎講, 每一個人給我的回憶都係好寶貴.. 係我人生中不可分裂的一部份(.. 學中共話: 台灣係中國不可分裂的一部份... 唔好干涉別國內政 .. 勁串.. 我鍾意~)
其他野全部都同都我無咩關係, 所以只係走馬看花地看了一眼就算. 沒有仔細睇落去..

之後老豆話要scan 本書, send 去美國..
但係本書d 紙勁薄, 太易透底, 所以落街影印一份先.
所以同ling 姐吹左一陣水... 睇緊佢對會考都係旨在必得..

之後返到屋企, 用影完的copy 繼續scan.. scan 到我頭都痛埋..
突然間佢話俾番d 野我.. 我落左去一陣攞番, 同埋等埋佢影印完少少野,
突然鄭太打電話黎, 佢個細仔係同學屋企整緊機.. 搞唔掂(如果搞得掂就真係驚驚地..), 與其你打電話問我, 不如我親身上去整好過.. 唔係好遠, 只係大元邨.
我用左三個字的時間就走人啦..

返到屋企繼續上網...
============================

>>March 7, 2004 at 6:49:33 AM GMT+8

2004 年 3 月 4 日 星期四 【晴】

再續尋日變態搞gap... 不過呢次得我一個搞, 咁....
話說尋晚stephy 問係唔係真係食飯.. 我話係, 因為我都真係要搵學校, 頂呢個考試局.. 唔係粉嶺就上水, 再唔係就石埉尾.. 痴線!
============================
結果今日真係出左去, 亦都真係出左去同stephy 食飯, 當然唔係淨係得兩個人啦(如果唔係就好對唔住Wong J) , 仲有amy 同兆興.. 一行四個人.. 不過呢個組合真係有d 怪怪地~
四個人, 係上水中心地下有間麵檔.. 不過食就真係麻麻... 好咸.. 好明顯係有意迫你叫野飲(因為無跟野飲的..)
但係我無叫到野飲.. 因為好貴... 唔值.. 仲好屈機... 所以我去左第二到買野飲..
食完野佢地話行下先.. 行左去石湖墟果面, 老實講我都係第一次去果面, 所以完全唔識路..
只係跟住佢地行, 見到一間華潤, 就入去買野飲..
兆興同amy 仲話要買野食.. 佢兩個真係大食.. 我就反而覺得好飽下.. 真係...... 定係我細食左!?

佢地繼續自修, 我就繼續我的行程.
下一站係粉嶺東院李嘉誠中學... 可惜我見唔到李嘉誠..
不過果到真係無咩野好食.. 祥華, 得一間茶樓.. 果陣仲邊有時間同閒情去飲茶?
大排檔囉, 但係.. 再唔係就要走番去粉嶺中心或者名都先有多d 野食..

之後再下一站就係沙田聖母無玷聖心書院..
呢個要睇地圖先知係邊...
係火車站搭車入去.. 其實我都知可以行入去, 但係好熱.. 加上果d 集體遊戲已經搞到我腳軟..
所以轉車入去.. 81k.. 3.7 搞掂..
入到去之後, So Man 打電話黎, 問我做緊咩.. 之後見到82k 去火炭車站就咩都唔理照上.. 其實係蠢左, 因為去九龍, 火炭上車仲遠左.. 同埋貴d.. 不過我未搭過82k, 咪是但上囉..
上到火車... 突然間聽到"下一站沙田", 連英文報站都無.. 已經知唔對路.. 突然間聽到個speaker 係乘客同TO (車長)講野, 唔知講咩, 但係聽到686車卡.. 686? 咪我搭緊呢卡? 之後見到有一大班人圍住睇唔知咩.. 我睇唔到.. 之後沙田站一開門就知道咩事, 原來有一個女仔嘔.. 仲暈得好緊要... 結果呢班車就delay 左好多... 有條友仲要睇唔到有灘野係到, 一腳踩左落去, 嘩.. 好嘔心! (名乎其實白鴿眼...)

去到九龍塘/石峽尾, 正值其他學校放學, 所以好多人搭地鐵.. 好迫.. 幾乎出唔到地鐵....
去到搵左一陣.. 不過比起粉嶺, 呢到更加難搵野食.. 我有一日係到架.. 有兩份paper... shit.. 要行到去南山/大坑新邨先有野食... 好慘..
慘還慘, 之後去左黃金睇野, 吹水.. Raymond 哥仔好似唔係咁開心.. 原來俾人搶客, April 姐又話Raymond 點點點.. 有點複雜...

之後搭車返大埔.. 嘩.. AMN5 呀.. 終於一嘗坐MAN 24.310 返大埔的滋味.. 一上車仲諗住重拾當年Benz O305 的感覺.. 點知... 幾乎俾前面果架81的豬扒放到影都無...
其實問題唔再於引擎, 而係波箱唔提供鎖波行車, 導致成日轉波, 例如1->2->3(無力)->1->2->3... 咁梗係慢啦..
MAN太有信心.. 扮晒野.. 以為好勁.. 咁係勁, 但係ZF 一定最少有一粒3掣.. DNR.. 搵笨咩..
結果勁慢.. 同236 吹水.. 佢係榮哥架AMN10到遊緊河.. 因為8389 今日出走72, 我係AMN5 上到見到架8389..
不過架MAN 真係好德國feel, 比起Neoplan 更加德國.. 因為MAN 聲係好德國(compare to benz..)
不過從乘客角度, 我寧願豬扒.. 因為雖然無力, 但係起碼舒服先... MAN.. 會左搖右擺...

返到屋企都七點... 之後icq 同其他人講番今日的情況..

================================
回 速龍:
其實我地都無話傷心, 不過真係有一種離別的感觸.. 人來人往.. 世事真的玄妙..
但我相信我地會再見的.. 我們的友誼是不會失去的.
so does 3Cers, 7Sers and my primary school mates.

>>March 6, 2004 at 3:17:24 PM GMT+8

2004 年 3 月 3 日 星期三 【晴】

今日好搞笑.. Wong J繼續開口夾著脷..
今日呢, 其實係同家豪整機.. 但係就同Wong J, So man 去.. 真係笑死得一日..

==========================
我地係大學火車站等家豪, 家豪部機壞左隻Hard disk..
我攞左隻新買的4.3G (新買唔代表一定係一手) 硬碟去俾佢用住先..
一行四人, 去到家豪屋企.. 但係我今日好失敗.. 居然唔記得帶Windows 碟.. 但係卻造就左So Man....
四個人, 去到家豪屋企.. 去佢屋企的確要過五關, 斬六將.. 點解? 因為佢個屋苑保安極為嚴密..
要過成四個閘.. 中間兩個地方要用智能卡, 一個門有保安員.. 唔怪得唔使裝鐵閘...
不過佢屋企就唔係好大, 裝修亦只係好簡單.. 但係好多房.. 感覺上.. 我無仔細去睇, 因為佢屋企好多人..
因為無windows 碟的關係, 所以整左一陣就要搵辦法搵Windows 碟..
Wong J居然話有方法喎... 哈... 就睇佢有咩辦法....
只見佢攞左個電話出黎, 打左個電話俾"阿冰".. 阿冰? 邊個黎架.. 最初我以為係佢朋友..
但我地三個人都意識到果個係一個女仔.. 因為我覺得佢把聲好......xxx....

之後我地一行四人出左去市中心, 順便去食埋飯..
結果我地係頌安商場等Wong J o既阿冰.. 後尾佢先講番, 原來係佢表妹(我地仲以為Wong J收埋條女..)
當so man 見到Wong J個表妹, 即刻問wong j 攞人地個電話號碼..
嘩.. so man, 你咁樣唔得架...你對唔住阿sa 呀你!!!! 不過老實講佢表妹係幾得..夠白... 不過仲高過Wong J..
結果佢到食飯果刻, so man 話如果俾佢個電話號碼o黎, 咁就請食飯.. Wong J就話.. 30蚊想買起佢個電話號碼? 你開胃...
跟住四個人坐低之後仲變態... 玩打電話..
先打俾阿sa, 叫佢出黎, 如果佢肯出, Wong J請食飯.. 點知阿sa 唔出黎..
再打俾stephy.. 如果佢出黎, so man 請wong j 食飯.. 點知.. stephy 約聽日食飯.... 仲好似鬼咁死認真.. Wong J 見唔對路.. 之後話: 我唔要stephy, 要thersa.. 點知尋日未衰完, 今日又講錯野.. 原來我地真係有個同學叫thersa.... 跟住又打電話啦我地.. 之後佢又改口話叫milky.. 但係已經太遲, 已經俾我地屈晒機...

結果Wong J到最後話"keep slient...."
啤晒..
跟住我行開左, Wong J繼續努力.. 我趕左落去大角咀整野.. 大角咀果到好少事o者, 不過攞埋上次整機錢同埋負責食野...(tea time...)
原本佢地話去踩冰, 我又唔多想去, 因為尋日果d 遊戲已經玩到腳軟... 仲踩冰..?
所以最後落左沙田打機... 居然有人係新基地開片, 不過我地見唔到精彩的情形..
今日試玩沙田的劈友機, 同新港果隻唔同, 呢個係要用把劍跟方向去擋.. 難玩好多.. 結果我連第一排都過唔到.. 玩到手都軟..
仲有見到一個女人玩東京巴士, 佢男友做乘客.. 好勁! 都唔知係唔係女司機o黎...

之後八點幾就返到屋企啦..
當然係車上繼續串人啦.. 我都未搞清聽日stephy 話食飯單野係真定假..

返到屋企, so man 同stephy 先同我講番係真.. 不過wong j 去唔去, 就another story la...

>>March 5, 2004 at 4:08:49 PM GMT+8

2004 年 3 月 2 日 星期二 【乍雨乍晴】

終於都到了Last day...
諗起兩隻歌.. 一隻係"友誼萬歲(肥媽成日唱果隻)".. 好應景..
"人生於世上, 有幾多知己? 多少友誼能長存.. 今日別離共你雙隻兩握手, 友誼常在你我心裏.. 今天且要暫別, 他朝定能聚首.. "
還有就係"陳奕迅 - 人來人往".. 因為真的是人來人往..
朋友, 起碼我有三批, 一是小學, 二是3C班.. 三是現在7S... 人來, 人往... 真的..

今日做的事, 無非是影下相, 玩下遊戲.. 因為今日一別, 真係唔知幾時先再見到咁多人..
最快我估都要係謝師宴.. (好似話暫定6月25/26日..)

今日跟老趙踢波..
死老趙簡直係矛到七彩.. 明明入都變唔入, 勁推人.. 連我同佢係同隊都無野好講..
清泉腳傷, 所以就做左一個坐係到的龍門.. 真係俾佢吹到脹晒..
Wong J同老趙做前鋒.. 老趙成日都話唔俾波佢.. 鬼咩.. 俾波佢, 個位又俾人封晒, 佢起腳又唔準..
俾個波佢咪浪費.. 連我都入左一粒.. 老趙幾乎連一粒都入唔到... 我呢個跑到上前的後圍.. 結果都係導致大量失波的一個主因.. 唉...

踢波踢到身水身汗.. 原本都唔諗上堂.. 但係有基sir 話要講下數, 所以我地今日係上左一千零一堂..
之後英文堂, 我就繼續努力影相... 特別搵1d 平時都好少溝通的人影相.. 當然自己frd 都有影相啦..
佢地lunch 話成班一齊出去食飯, 但係我返左屋企食, 因為屋企已經煮左我飯..

食完飯之後, 影完相, 就玩呢個益智集體活動..
包括 數字球, 黐紅豆同埋劈手..
我今日.. 玩黐紅豆果陣唔覺意"空襲"左一個人.. sorry 呀.. 無心架.. 只係玩得太放而已..
唔知點解, 我突然間有一個感覺就係, 所有遊戲都係建基於矛盾 (All games are based on contradiction..). 因為總會係一個被捉, 一個捉人.. 被捉的人有逃離的機會.. 我覺得所有遊戲的玩法都係矛盾.. 一方面有人要被捉, 一方面有人要捉人.. 被捉的要逃離, 捉人的要防止人去逃離...
可能唔只係遊戲, 世事也全都是互相矛盾的..

玩數字球果陣, 我永遠都係接唔實個波, 不過好彩無咩人叫我個號碼.. 18號咁簡單都唔叫.. 真係..
好可能因為大部份男仔係到, 而男仔大多數係20號打後, 所以無人夠膽叫1x號.. 因為叫錯號碼會輸. =)

之後玩劈手.. 呢個遊戲, 講到尾就係拖手跑圈..
有兩個人(可以兩個男, 兩個女, 或者一男一女, 但係當然實力差別可以好大.. 但實際上, 兩個男未必一定嬴.. 兩個女嬴兩個男都見過.. 特別係清泉.. 蒙下蒙下咁.. 人地劈佢隻手都唔知... 仲要跑錯方向...)先拖住手跑, 就要在外圍去劈拖手圍圈的人群.. 被劈的兩隻手(因為拖住手, 所以一劈就會劈到兩隻手)的兩個人就要跟劈他們的反方向跑, 然後鬥快跑回原位...
我跑的次數不算太多, 因為不是最弱, 也不是最強.. 不會太多人選擇以我做對手..
有時當我搭上一些實力較弱的人, 難免要作出犧牲 - 跑圈..
有一次卻遇上了一個超弱的女生.. 嘩烈... 結果我連續三次輸了被罰做二十次掌上壓..
不過我的確沒有所謂.. 玩之嘛.. 何必認真?
不過有一樣野我會覺得幾諷刺, 就係以前可能真係會好想同amy 拖手跑.. 但到呢一刻, last day,
有呢個機會, 但無果種感覺.. 不過值得一提係同另一個女生拖手跑的次數就多得很.. 有點誇張.. 連我也不禁問她我們是第幾次跑....
我卻想起我跟某個人拖著手行街的那一刻...(我想也有兩年前..)
會不會因為這種感覺/回憶再次尋覓愛? 我可以答你不會..
因為我根本沒有任何感覺.. 我只當這個是遊戲.. 如果要談論到對人的感覺.. 我根本沒想到這些..
別忘了我今年的目標 - 四萬元.. 以及入大學..

結果我們玩到七點多..
最後的1 round 是我跟isaac 跑, 但我卻以極速撞到兆興的女友.......
好彩我同佢都無咩事..

晚上他們到明星食火鍋, 我無去到, 因為返屋企食飯..
但係我食完飯同佢地去太和果面食甜品.. 同埋係昌運影貼紙相..
果間叫做好好甜品店.. Wong J再次中招..
果間野的招牌甜品係x精靈, x 係唔同顏色.. 有黃, 有紅, 偏偏就係無藍精靈..
Wong J無詳細留意餐牌, 烏下烏下咁就叫藍精靈.. 我幾驚個店員講"我地無毒品賣架!"
店員問佢要唔要椰汁同西米.. 佢居然問: 咩野黎架... 救命...
咁之後佢就做左中矢之的.. 俾我地勁串..
結果我地食到十二點幾...

>>March 5, 2004 at 1:43:59 PM GMT+8

2004 年 3 月 1 日 星期一 【寒冷】

一曝十寒, 來形容今天的天氣是最適合不過.
昨天還是暖得很悶熱, 可是今天已經是覺得清涼..

========================
昨天還以為今天AMN10會返回某條路線, 可是今天返校在路口已經見到它繼續在71k..
開心嗎? 榮哥終於有機會駕駛這款巴士了.. 或許他可以回味一下駕平治巴士的滋味..

今天第一件事就是派准考證, 真是你他媽的考評局..
我明明住在大埔, 卻中英文都在粉嶺的東華三院李嘉誠中學去.. 純數在鄧顯(這個問題不大, 因為很多人都是這樣..), 還有最遠的就是電腦科的九龍石埉尾銘賢書院(很遠啊!)去...
可是住上水的同學卻派到大埔考試.. 真是太奇怪了... 考試局明明是知道我們的住址.......

今天最開心是派了一份蠻滿意的物理卷2 (MC), 32/45, 還不錯..
這就是我努力下的成果... 這科物理, 可花費了我不少補習的金錢、時間和精力...
幸好換來不錯的成績..
一樣很有趣的事... 其實我們的成績根本就是補習名師的鬥法.. 我和J都是補MC Chan的; 坤, isaac, amy, 清泉 還有不少人都是CW Sham的學生.. 可是他們幾個, 除了清泉外都是29分, 我有32分, J有29分... 看來MC Chan 還是厲害一點.. 因為畢竟他的學生過了30分大關.. ^_^"

但對住這個純數卷, 真的無話可說.
始終很多都是自己大意... 例如左右等數大家乘8, 我居然忘記了右面去乘8..
原本可以拿到6分左右, 現在只有一分(同情分)...
高考如果是這樣的話, 我想.....

今天是我們最後一次的集會,
還有明天是我們最後一天正式上課日..
再明天會怎樣? 我也不知道..
面對這個轉捩點.. 我心情很怪.. 一方面覺得很有盼望.. 但另一方面就是迷茫... 有點不知如何是好.. 還有入大學也可以是一個問題: 中大的INE (Internet Engineering), 也就是我最想入的那一個學科居然快將取消.. 可能我要面對更多的競爭, 原本的預算CDD 看來也要提升一點, 變成CCD.. 才有機會轉入科大/港大.. 中文, 光是電腦科學(BSc Computer Science)的Median 也有一個A.. 真是.......
很愁, 不過我這次會用全力的, 就等於我面對物理的mock 考試一樣... 要來一個高分!

我的人生過了四分一.. 面對這個轉淚點.. 我也開始想人生的問題..
人生究竟意義在哪? 我不懂答一個很實際的答案..
我想人生在每一個時段都會有一個不同的答案.
現在我的答案很可能是: 滿足自己的需要 (To fulfill my needs)
辛苦一點也不要緊, 最緊要是自己滿足, 快樂..

做人還是簡單一點可以了..

=============================
今天出了深水埗, 發生了一件極之可笑的事..
話說我要買一本Sendmail 的書, 我早就打算買O'reilly的書, 由於沒錢的關係, 就到了賣大陸版圖書的店去找.. 花了一會兒就找到了.. 我想也不想就買了下來.. 當我很滿足的行去乘巴士, 巴士也很快就到站了.. 心想, 真好, 很快就回到家, 還有就是幫榮哥買80G的硬碟..
可是.. 一上車, 一打開書.. 第二卷??? 那麼第一卷呢? 可是又急著用... 結果就想也不想, 在爾登華庭下車, 走到對面馬路乘車到深水埗..
第二次到深水埗就得買了卷一... 唉..花了我十元的車費和時間...

之後等72就用了很長的時間, 等車, 和乘車的時間幾乎看了一大半Sendmail 卷一..

之後找找榮哥, 因為要把硬碟交給他.. 但我聽到一個驚人的消息.. 就是他的字軌車由HZ8389(ATR111)轉為JM3537(AMN10).. 換句話說, 榮哥每天都要駕這架車了.. 他就開心了.. 因為車子的馬力夠, 加速快, 還有就是感覺似從前的平治巴士.. (他很懷念....), 他給那架車的評分高達七分... 就知道他有多喜歡這架車..
我在大埔中心上車, 新興下了車... 看來找天有空要找這架車子錄音...

==================================

>>March 2, 2004 at 2:42:09 PM GMT+8