2004 年 10 月 5 日 星期二 【晴】

結果我到最後, 終於完成我塊14x15的電子牌...
順利咁出到大字71k 同埋走馬字"太和".. 而且可以直接讀入bmp file 做顯示...
只不過scan rate 仲係太慢, 某d 點會閃, 而且點都係太暗...

下次整塊16x32 特光橙色o既.. hea.hea.....
(而且唔夠bit 的問題, 已經可以用8-bit counter + decoder 解決...)
但係造呢塊板, 結果一個測驗無溫..

又唔可以話無溫過o既..
只係搭火車果陣叫做睇過下囉, 叫做識填d 格仔囉, 叫做填晒d 野落去囉..
唔知o岩唔o岩之嘛....

我簡直係一個頹讀的學生...
聽聞我媽有朋友個仔今年入到科大, 就走去上莊仲係大莊打算做阿head...
唉.. 呢d野咪預我.. 有時間搵多兩個錢好過...

而且呢期都搵番唔少, 到時食飯睇戲預埋我啦... =)

>>October 6, 2004 at 3:43:17 AM GMT+8

2004 年 10 月 2 日 星期六 【晴】

聽日測驗......
但係咩書都無溫過...

因為呢幾日好努力咁整電子零件.. 但又唔係功課, 又唔關我讀書果d 野事..
一切都係為左"興趣"..
呢次係打算整一個電子牌.. 其實原先諗住係"有機會開到舖", (但係後尾影印舖個老闆諗清楚之後發現佢唔住數所以turn down左個計劃, 另一個計劃要$3500 一個月, 不過咁樣睇, 而家的確未必係一個開舖的好時機.... 因為我呢排都忙得幾過份)....
所以係舖面整塊電子顯示牌.... 但係料又買晒啦, 咪繼續努力做囉..
最初諗住用 8051做, 因為夠多i/o, 但係後尾為簡單同埋我隻8051 burner 壞...
所以用parallel port... 8-bit 輸出... 用decoder的話可以控制到一塊16x16點的板...
結果我暫時砌到一塊7x15, 聽日先砌埋另外7x15.....

哈哈.. 到時攞上榮哥架車到... 膠豬都變電豬...
仲唔玩到"71k"-->"太和"... 側塊都出到中文字!!
(唯一條件係我要帶notebook!)

仲有, 今日真係好燥.. 其實我應該話呢排真係燥...
最大關鍵係: 天氣..
一踏入秋天, 天氣乾燥, 人都燥火d..
第二就係 - 秋天的溫度同埋氣味....
當然做野唔係咁順利都係一個燥火的因素...

秋天.. 雖然係秋高氣爽, 但係... 往往另到我回想番從前秋天的感覺...
回想番從前的感覺.. 從前感情有所寄托的感覺同回憶,
雖然有開心的回憶, 但係開心的回憶會帶來傷心的感覺...
唉... 唔知點解.. 一天氣涼果陣呢, 可能因為從前的回憶, 所以好想有一段""感情""
當然啦, 想同做係另一回事... 我做唔出..

或者另一個原因就係... 秋天凍d, 想搵d 溫暖..

唉.. 好燥火...

========================
回 淫友:
咁張韶涵係矮d... 整體都ok gei....
把聲唔錯...

>>October 4, 2004 at 5:54:42 AM GMT+8

2004 年 9 月 30 日 星期四 【晴】

嘩嘩嘩.. 終於寫得返日記啦.....

大把野想講, 但係死人showhappy 死下死下,
好多野都唔記得晒..

其實呢排已經無前一段時間咁忙, 起碼仲有時間寫日記..
仲有, 就黎quiz, 不過未溫過... 死就死啦...

加上中秋節, 人不團圓... 因為家父去左美國發展(.....)
雖然以前唔係咁鍾意老豆, 但係始終係骨肉, 如果分隔異地, 始終難免會有不捨之情...

仲有, 呢排我認識的人之中, 有兩pair 散左...
所以呢排我更加體會咩叫做"人來人往"同埋"緣起緣滅"...
無o既, 再睇得化d 囉.... 人生總可以要求d 咩?

========================
Journey
歌手：張韶涵 | 作曲：Corrinne May
填詞：Corrinne May | 編曲：陳飛午

It's a long long journey
Till I know where I'm supposed to be
It's a long long journey
And I don't know if I can believe

When shadows fall and block my eyes
I am lost and know that I must hide
It's a long long journey
Till I find my way home to you

Many days I've spent
Drifting on through empty shores
Wondering what's my purpose
Wondering how to make me strong

I know I will falter I know I will cry
I know you'll be standing by my side
It's a long long journey
And I need to be close to you

Sometimes it feels no one understands
I don't even know why
I do the things I do
When pride builds me up
till I can't see my soul
Will you break down these walls
and pull me through

Cause it's a long long journey
Till I feel that I am worth the price
You paid for me on calvary
Beneath those stormy skies

When Satan mocks and friends turn to foes
It feels like everything is out
to make me lose control
Cause it's a long long journey
Till I find my way home to you to you

>>October 2, 2004 at 3:47:55 AM GMT+8

2004 年 9 月 21 日 星期二 【晴】

好多日都無寫日記lu~

值得一講就係九月十九日星期日,
我用九月十八日的方法, 照版轉碗地係第二個地方做番同一個工作, 裝promise raid,
結果係... 失敗.. 我坐到八點先走人.. 唉.. 點解...
玩到我直晒.. 理論上應該一樣先得架, 睇黎隻kernel 真係好.. 果然係"EXPERIMENTAL"...
結果我打俾CK, 佢話, 佢當年裝係用promise 自己套驅程... 我.....

星期一, 去返柴灣搞掂埋d 手尾, 好彩呢次比較順利..
(係唔係尋晚有人同我講, 今日黑仔, 但係tomorrow is another day 有所幫助呢?)
結果五點就走得..
今日好笑就係今日搭118, 見到架"洗衣機" (洗衣機之所以叫洗衣機係因為架車震到七彩), 唔上, 一心諗住等圓碌碌(AVW), 結果見到架KR 3ASV, 諗住同一款車o者, 唔同樣ja ma, 結果上啦,
架死人車都唔知點tune.. 上斜係咁1波-->1波油壓, 無晒力.. 點知反而俾後面果架圓碌碌係上斜"hum"一聲過左頭, 我真係..... (p.s. 一般黎講呢件事係唔應該發生, 因為就算同一款車, 圓碌碌因為車身重d, 所以上斜應該慢過3ASV)
.....

之後星期二、三繼續返學..
星期三係韓文堂到一嚐韓式"月餅"(其實係米果, 有同學話根本就係茶果...)
好食就算係咁啦, 但係因為落麻油,. 所以好膩... 唔食得多...

星期四, 今日係第一個星期四返全日, 但係五個鐘天地堂, 當然搵野做啦.
今日去左大角咀一間廠(舊客)傾買domain 的事,
結果我係太子地鐵站行過去行到迷失.... 天!

>>September 23, 2004 at 3:16:23 PM GMT+8

2004 年 9 月 17 日 星期五 【晴】

仲有一樣野唔記得左講,
就係今日我搭地鐵果陣現到康民署有個concert, 超想去,
雖然唔係咩大明星, 但係我絕對會去..

Secret Garden + 丁菲菲, 丁薇
雖然我唔識姓丁個兩個,
但係我係好鍾意Secret Garden, 反正票假都唔係好貴.. $120 ~ $380... afford 得起..
(咩話? 你唔識Secret Garden? 但係有一隻歌大家一定聽過 - A song from serect garden..)

我想搞一個團, 126822日記團, 就係去呢個 conert .. 哈哈哈.. 10月19~20日, 香港文化中心..
(其實乜野團呀.. 我意思只係有興趣就一齊訂飛咁解o者..)

詳情可以去www.lcsd.gov.hk, 有興趣可以email 或者msn 我.. =)

>>September 19, 2004 at 9:38:11 AM GMT+8

2004 年 9 月 17 日 星期五 【晴】

918 事件 73 周年.
我永遠都唔會忘記日本人對我地中國人所作的行為..
但係到今時今日都唔肯認錯.. 今時今日有年輕一代的日本人居然唔接受日軍曾經侵華的事實! 可恥! 我都唔明點解咁多mk 仔鍾意日本, 同時間憎恨祖國同其他國家....
我都鍾意日本野 (只限電子產品), 但係我起碼唔會對祖國反感..
雖然我眼前都見到祖國有好多腐敗o既野, 但係我係中國人, 我就要學習其他地方的長處, 改善我們祖國, 將祖國成為一個文明先進的國家.. 就算唔係, 起碼都唔好憎自己祖國之後踩多兩腳, 之後走去崇日崇洋呀....
d 人話睇日本AV係為左幫當年慰安婦報仇......哈哈哈~
係唔係我地都要睇番隻呢... 哈哈哈.. 可惜我無...

除左呢樣野, 今日簡直係難忘...
我成世人, 有兩件事今日係第一次發生...

一就係我未試過整機整得咁無信心..
今日去柴灣到繼續搞埋個 raid o既問題.. 話說前一晚其實已經complie左個kernel, 諗住最多改番grub, mirror 番就搞掂晒, 點知我都未開始搞, 諗住restart 一次, 仆街啦, 係grub 到hang 機... (出左GRUB四個字之後hang 機)
之後諗住重裝黎裝過同set 過隻grub, 但係無用..
結果把心一橫, 刪晒無data 果隻hard disk d 野同新裝過隻Fedora Core 1 (因為mirror 有問題, 所以會有一隻hard disk 係無data). 之後先抄番d data 過去, 但係之後重新complie kernel 之後, 用新kernel 一開機, 又仆街啦.. oops 左.. (kernel panic).. 諗極都諗唔明點解.. 上網找資料又無搵到, 後未睇清楚d 發現佢係在hdc 呢個位死左, 之後.. 把心一橫將所有 硬碟都插晒落將廢raid card 到, 居然開到機(即係話kernel 入面pdcraid 同ata個part 有撞到啦...)..
之後就咩都唔理, 即刻hum hum 聲set 番好晒所有野, mirror 番個raid, 呢個時候已經係五點幾...

好彩, 結果都係整到, 但係一波未平, 一波又起, d client print 唔到野.. shit....
整極都唔得.. 搞錯...
由於之後要去飲o既關係, 所以八點鐘一定要走人.... 其實個老細都好無奈, 已經帶埋個仔一齊係公司到打機消磨時間....... 真係唔好意思...

==================================
今次係我第一次以個人名義去hum.... 以前都係跟屋企人去hum, 通常係屋企人d 親朋戚友辦喜事... 但係呢次係自己同事結婚, 所以第一次以個人名義去.. 其實嚴格上黎講都唔係正式地hum, 只係同事間食一餐飯, 不過都係要做人情, 所以都叫做hum.....
所以我咁大個仔係第一次派利是(因為做人情)..

其實呢, 呢餐飯因為始終唔係真係擺酒, 所以一向係無咩氣氛..
兩圍人, 一圍就賭錢的, 一圍就食飯的... 係中間一段時間氣氛真係緊張...
因為老細宣佈食完飯有人要開工, 但係某個同事唔想去, 理由話好[攰]
咁老細就唔開心, 個伙計當然就更加啦, 一來咁晚, 二來真係掃興... 現得咁開心..
其實呢, 老細同伙計係呢次都做錯晒,
一, 老闆應該未開始食飯就要搵定人, 俾個心理準備人地, 人地可能考慮只去做野, 唔去食果餐,
同埋係呢d 時候咁搵人法, 一來掃興, 二來個伙計唔想去, 老闆口黑面黑, 令到主人家好難做...
就算果個係我表姐同表姐夫我都要話佢地呢次處理得好差..
個伙計就仲更加.... 飲大兩杯之後亂講野.. 話公司對佢點點點... 主人家真係好難做架.. 大佬..

當然唔會同任何公司o既人講啦, 我只係公司的一個小薯仔.... 所以我係無出聲...

不過佢地後尾都玩得好放, 要對新人咀完又咀... 好好笑...

祝佢地可以白頭到老啦 ~

=========================
回四少:
咁你一定唔夠我頹...
我日日都有得訓, 日日都有時間食飯(只係死人頹飯食唔飽o者), 不過女呢樣我都無溝.. 因為我CS系d 女早就俾d mk 仔分晒..
我地呢d, 玩內心o既, 無行架啦~ 鬼叫時下d mk 女淨係睇外表咩...

回淫友
我hi 人一向都係我專長黎架啦.. 哈哈哈~

>>September 19, 2004 at 9:02:16 AM GMT+8

2004 年 9 月 14 日 星期二 【晴】

好開心呀.. 今日係我一生人第一次走堂...
雖然都係咁早起身, 雖然都係搭火車, 雖然都係九龍塘落車,
但係我轉左地鐵去柴灣, 去左整番尋日部server...

你咪話原來搭火車轉地鐵過去, 隨時要一個半鐘.. 好耐...
其實我應該搭74x, 但係我上到火車先打到俾個客, 所以無計..

咁果堂d 野點算? 好彩今日下午有果科的tutorial, 個tutor 簡簡單單數語, 已經將d concept 講得一清二楚.. 所以今日走個lecture 係.... 值得o既!

講番果部死人server 先..

今日一插番隻mon 上去, 咦? 點解係login 畫面.. 天..
不過更加大的問題今日就發生.. 我今日都係試改grub.conf, 點知都係無反應..
呢下我諗我知道發生緊咩事.. 原來我一直以來都係改緊/dev/hdg1果個grub.conf, 同埋刪緊hdg1果個kernel, 但係開機根本就係load 緊hde1果個kernel 同埋grub... 頂.. 咩都死啦,
換句說 話講, 即係兩隻hard disk 根本就唔sync.. mirror 喎....
攞隻Fedora 去check, 完全應驗我所講的說話: 一個hd 有file, 另一個就無file...
同屋企而家起緊果部server 一模一樣.. 睇黎呢次都係..........

好彩今日係lab 叫做搵到d solution, 今晚返去試下啦...

======================
韓文堂之後就返屋企..
今日係一個巴迷朋友236 生日,
結果我同佢一齊跟榮哥車返到太和, 而且今日見到一個圓玄的巴迷frd, 佢同我講左一樣野... 哈哈....
之後236 同榮哥佢地食飯, 我一個人返屋企..

@@死啦, 我真係夜盲架....

======================
回賤健..
我都無咩邊日唔遲到.. 哈哈~

>>September 16, 2004 at 7:32:39 AM GMT+8

2004 年 9 月 13 日 星期一 【晴】

連投票都無講到,好明顯我呢期又忙...

投票呢, 我投左梁國雄(長毛).. 我鍾意佢真小人, 更何況佢都一定贏梗, 所以我咁係為左分薄民賤聯的選票...

呢排兩邊走..
九龍塘同葵芳, 當然仲有深水[土步],
因為葵芳果間廠要搬, 要由頭做過晒d 網線基建, 而且呢次仲起埋server..

所以我今日又出左去黃金買野...

但係, 我而家反而見到一個一年前以為已經搞掂左點知其實仲未搞掂的問題...
就係Promise RAID係linux 低下唔可以自動RAID 同mirror, 反而變左兩隻獨立的hard disk ...
而且一部1 年前的server 同時間係今日壞, 佢又係Promise RAID, 所以應該同時間check1check 佢...
呢部1年前的server, 壞得非常之出奇, 原本諗住intranet入面上唔到網, 咁都應該我係出面入唔到server 啦, 點知又入到喎, 一入到去, 發現隻iptables load 唔到d modules 死左, 但係remote 裝過modules, 重裝埋隻iptables 都係唔得, 我諗我要試下load 第二隻kernel 試試, 點知係呢個時候就出事啦..
我改grub.conf, 係咁改都no change occurred, 無理由架... 最得意係我就咁殺左個bigMEM kernel(註: 我只係remote 入去, 所以只可以改default grub boot 邊個kernel)...
結果... 我刪完個kernel.. 我再入唔番去lu... 嗚嗚嗚....

睇黎聽日要走堂幫佢整....

>>September 15, 2004 at 7:22:00 AM GMT+8

2004 年 9 月 10 日 星期五 【晴】

幾天沒寫日記, 唯有將幾日所發生的事情濃縮成一篇日記...

先講今晚... 同So Man 買左部新電腦,
新CPU, 新板(LGA775 + 915G), 我都係第一次裝, 所以我裝果陣自己都驚驚地..
特別係裝 CPU 風扇....

不過好彩都開到機裝到Win XP.. 不過真係超快.. 入Windows XP條bar load 左兩野就入到去... 癲架.. 我自己果個? 廿野都未load 到入去....

wong j 今日又唔知發咩癲, 係唔係都話"屌佢囉"..... 我同so man 兩條友結果就係咁串佢......

其實呢幾日, 對我自己黎講都發生左1d 心靈動盪,
不過我發現我已經唔似我以前.. 以前可能少少事都要動盪不安一段時期,
但係而家, 訓一覺可能咩事都無. 其實咁都好o既... 起碼而家大個左, 識諗左..

最緊有個朋友問我, 佢話掛住以前果件, 問我點算..
咩點算o者, 無o既, 記住從前的生活, 同時都可以享受現在, 兩者無矛盾..
但係條件係要識得享受而家的生活, 以前的回憶, 咪當做生活點綴囉.. 得閒諗番起開心下都得.

我諗番起以前唔知邊個的icq info,(我諗佢都係引述一本書)
佢話有個人要自殺, "當站立在懸崖邊, 心景突然澄明起來, 竟發現最大的悲觀就是最大的樂觀"
呢句野我諗四年前睇到, 但係我要到四年後我先明白呢一點....
其實簡單d 就係話, 對一樣野悲觀, 當達到對果樣事物不在乎, 或者心如止水果陣, 咁就會對其他事物樂觀..
所以有人話我個人悲觀, 但係我而家就要澄清, 其實我係好樂觀... 起碼我識得享受身邊有o既野!

其實對我黎講, 一生匆匆幾十年, 做人簡簡單單, 開開心心咪算囉,
唔好搞咁多野出黎俾自己煩....

我都幾道家思想....

>>September 12, 2004 at 4:18:11 AM GMT+8

2004 年 9 月 3 日 星期五 【晴】

星期六朝早反而無出街,
反而晚上出左去同前3c 人出去玩...

今晚原本係黎學車發起的, 原本話去After 5.
但係後尾話去買野去海濱飲...

係百佳買完野之後行到海濱幾乎係盡頭先坐底..
邊飲邊講,

都係大學生活, 或者女性動物之類men's talk 話題啦!
結果飲到十一點幾...

>>September 7, 2004 at 7:01:24 AM GMT+8