2004 年 6 月 27 日 星期日 【晴】

星期一．天氣晴．我要離開你

一隻孫燕姿幾年前的歌(大碟:我要的幸福)
歌詞也是我日記簡介所填的東東..

可是我沒有這種豁達..但卻很適合形容今日的天氣..
=============================
今日出去執留, 收錢, 同埋陪frd..

話說大角咀果到有人又印唔到落個printer 到, 我又r 晒頭, 結果只好又上去,
但係我都只係可以刪晒所有printer 再裝過driver..

Wong J 幫我手去整長沙灣果到, 一個忽左的Windows ME.. 用得ME就死直架啦..
結果我完成手頭上工作, 行去黃金買野(for 聽日用),
之後仲可以去長沙灣搵去一齊搞... 其實係一齊吹水.. 話時話, 佢由今朝十一點坐到六點一齊走..
其實問題係出左間公司無一部機個CD-ROM係用得的.. so, 上次我都搞唔掂..
不過上次搞唔掂果部機出奇地俾其它人整番仲整番Win 98 tim!! 車.. 咁使咩我地整..

結果就係我地兩個六點鐘走人... 但居然有人仲遲過我地走..

>>June 29, 2004 at 1:11:22 PM GMT+8

2004 年 6 月 26 日 星期六 【晴】

公司周年慶.. 開心一整天!!
======================
早說過我訓醒之後, 傷心事通通不記得... 我還是喜歡現在的我自己..

今天我7:45 得要起身, 因為9:00 在西貢公眾碼頭集合..
今日的agenda 係遊船河, 公司請.. 我叫埋徒弟去陪我, 因為一來佢尋晚打電話俾我(剛係公司同表姐講遊船河的事), 二來, 他遲早都會是我的接班人.. 當我雲遊四海, 不願工作的時候.. 哈哈...

我打算八點鐘上74x, ""理論上"" 9:00 一定到.. 點知..
我八點十分先上74x (遲左.....唉....), 仲要轉左架爛車... 勁爛.. 死左兩次火.. 仲要係西貢塞車.. 結果船也走了... 怎算!? 結果佢地其實去大浪西灣, 有其它辦法去的...
結果我地兩個先坐小巴去"西灣亭", 之後行半個鐘(應該係暴走半個鐘)到目的地.. 最初去到, 死啦, 收唔到電話, 佢地又唔知係邊.. 原來行山係快過坐船好多, 結果其實係我地到先..

西灣簡直係水清沙幼.. 風景如畫.. 再加上今日天晴, 但不熱, 是郊遊的好日子..
我很久也沒有郊遊了.. 游水我想也有兩年未試過.. 阿媽仲叫我唔好落水, 我一於少理.. 哈哈..

真係好舒服, 心情開朗, 兩師徒很少咁寫意.. 如果人生多幾日這樣的日子, 你說多好...

我地係沙灘執左好多貝殼, 好多仲好靚tim..
食午飯果陣, 我地由海灘游番上遊艇到.... 哈.. 好累, 好彩有浮泡捉住, 如果唔係一定游唔到咁遠..
鬼叫我兩年都無游過水咩.. 今日都可算係好大運動量...
午餐沒有別的, 只是杯麵..(-.-") 可是夜晚果餐就好唔同.. 係海鮮餐.. 可是同枱的人食量很大, 我基乎沒有吃飽... 真是.. (註: 總共三圍)
不過我徒弟似乎有意外收穫.. 坐佢隔離果個, 同佢特別投契... 原因係大家都有一部Sony CLIE..
始乎大家都係到beam 東西.. 哈哈哈...
不過一看那仁兄的卡片, 真的打了大突... Project Manager, 雖然唔關電腦事, 但的確係一個勁人..

結果等92 等左勁耐(無車..), 等車加搭車用左個半鐘...

>>June 29, 2004 at 11:15:24 AM GMT+8

2004 年 6 月 25 日 星期五 【晴】

心情也是很差, 老實說..

以前心情差可能只得一個原因, 就是感情..
但而家, 事情已經變得很複雜.. 但好運的是, 我訓一覺就會像沒事發生過一樣.. 所以即使痛苦也不會帶過下一天..

感情事, 別提, 因為根本就是一片空白.. 但唯一要提及的, 就是"曹叔"五年前的一個""預言"", 我到現在還記得, 到現在還有衝動想打破這個""預言"".. 可是五年來, 我根本打破不了這個預言, 而且他也只是依書直說, 所以不是""他的""預言.. 問題只是我如何接受這個現實...

工作上, 未試過有一年像今年這樣差.. 不是沒有工資, 就是拖久, 又或是工作太細碎... 沒有像上年的"一大單"工程.. 所以今年根本賺不到錢, 充其量只可說是"收支平衡".... 有時根本就是倒帖..

所以嘛, 其實今年比之前環境更差, 心情怎好... 真正的錢又無, 女又追唔到.. 唉.. 天..
不過, 認命不認輸...

所以今晚找了同學出來飲飲食食.. 原本就是After 5 借酒消愁..
可是, 一個說沒錢, 一個更說會耍醉, 還是免了...

結果一行到到rainbow 食甜品..
不過我還是想喝酒.. 心情不佳...
結果一行人到了7-11買東西去吉之島外面邊吹水邊飲..
我買了jolly sandy, Wong J佢是diamon green.. 他居然飲一支4.7% 酒精的酒也醉得不能動彈..
唉.. 是我錯...

幸好沒有After 5.. 否則我真的千古罪人..

===============
還有是, amy 生日快樂..

>>June 27, 2004 at 3:10:48 PM GMT+8

2004 年 6 月 24 日 星期四 【晴】

今日, 一個我日記上消失了一段時間的人物重新出現..

============================
一朝早就搭車去葵涌把手頭上的電腦裝好軟件..
其實2.8E 是很快的, 只是我昨天的死人碟不知所謂地死了... 媽的..

今日結果非常順利而且極快地完成.. 當然事情沒有真的那麼順利..

今日不知吹什麼風.. 小月居然打電話找我, 說要買LCD Mon..
因為我今日也要到黃金取貨, 也是LCD Mon, 是Sony X73..
結果我居然比她還遲才到深水埗地鐵站..

她行了一會, 我跟她行了一會, 我是要取mon, 她是要買mon.
爭扎很久, 結果也是Sony, 不過這次是S53..

我問她, 重不重, 如果重就今晚再幫她抬回大埔, 結果我比她更重.. 天, 我手上的是17吋..
送了她到車站, 到我自己在暴曬的情況之下等31B.. 如果車再晚一點來的話, 我想我已經中暑而死了.. 我還未試過這樣辛苦的工作... 到三點幾也未吃午飯...

結果一上到阿姨處, 我就執不及待問有沒有東西吃...

一個很簡單的問題, 可是我就是卻留意不到...
只是set 了 read-only... 就是這樣..

之後送貨到客方, 我早就說過事情沒有這樣順利..
裝了手寫板後, 每次開windows 時也彈出要入Windows XP碟片的視窗,
結果我不插手寫板, 就沒有問題.. 幸好客人不急, 所以星期二再戰..

>>June 25, 2004 at 1:12:34 AM GMT+8

2004 年 6 月 22 日 星期二 【晴】

簡直是痴孖gun 的一天..

今日很燥火.. 第一大的原因當然時天氣熱得很啦.. 我覺得自己越來越不能抵熱了..
第二就是這貨沒有, 那貨又沒有, 天, 我明天要交貨的...
今日在黃金一直悶了兩個鐘, 為左一隻Seagate SATA Hard Disk..

仲有, 今日鬧了一個大笑話..
就是我今天幫公司和同學買東西, 結果銀行戶口只淨下$13.7... 身上只有30蚊, 而且仲有15蚊唔係我的.. 真是.. 人又老, 錢又無, 女又追唔到.. 唉~~~

幸好, 除了今天咁黑仔之外, 這幾日的工作還算順利.....

=======================
回 水雲.
我只會說, 人對你""說話""的感覺, 同對我""說話""時的感覺是完全不同囉.
你不會明白..

回 凱軒.
我同你咁熟, 你緊係唔會咁覺得啦.. 我同你識左咁耐, 你會知我咩性格..
但係, 識我兩年的人根本就唔知發生過咩事..
你覺得如果而家識我的人會知道我以前有過痛不欲生的感覺嗎!?
佢地唔會知道的..

>>June 24, 2004 at 2:25:36 PM GMT+8

2004 年 6 月 19 日 星期六 【晴】

我唔開心係因為我做左十幾年人, 性格作出很大的轉變, 之後仲要俾人話太多野講同埋need change in personality... 無野o既...

=========================
唔開心, 一個人走左去遊車河..
3678 條淫友, 明明係七點七個字, 佢就寫成17:35, 超.. 搞到我要擺低 3.9, 不過坐番JG2524, 別有一番滋味..
坐到去火車站, 增值張八仔(因為果程3.9 用晒), 之後行番屋企..
咁就一日啦..

>>June 23, 2004 at 3:59:06 AM GMT+8

2004 年 6 月 18 日 星期五 【晴】

真係唔使吹晒水, 我諗我都係時候封口..
只因為講多錯多...

1) 今日一起身就同我老豆嘈.. 阿媽有個朋友間廠請文員, 要識英文, 識打字, 識電腦, 我老豆係都話要去做, 吹咩水先.. 佢又唔識英文, 又唔識打字, 電腦最多咪識上網.. 我直接同佢講你做唔黎架啦, 不如介紹我d 朋友做, 之後佢反晒面, 又話我自己老豆都唔幫, 呢呢路路, 我唔可以容忍有個咁o既硬膠人做我老豆. 最多第日咪住hostel, 或者一個人走去外面住...

2) 我發現7S人都覺得我太多野講, 所以係時候""係佢地面前""收口.. 無他的, 因為佢地唔會諗到五年前的我係一個咩野人, 佢地唔知我原本最初最真的性格係點樣.. 因為我一入6S 已經係一個好唔同的人, 唔係同我一齊經歷F1~F4 的人唔會明白的. 所以還是少說話為妙.. 還是不做任何決定為妙, 還是一言不發為佳..

當然, 3C人, 和我的幾個摯友還得要繼續聽我吹水, 繼續受罪.. 哈哈!

光是想怎樣寫今日的日記也想到我睡不著..

==========================
還有, 清泉生日快樂.

>>June 20, 2004 at 2:39:01 AM GMT+8

2004 年 6 月 17 日 星期四 【晴】

今日我又睇戲.. 哈哈哈..

今日成十個人走去睇troy..
而且我終於發現我果班原來唔係得我一個One2Freer..
你知唔知用One2Free 有一個係好痛苦, 就係自己人時間係唔知同邊個用,
so far 我只係得我老豆, 我老表係One2Free, 而家終於搵多個lu..

Troy, 其實得三個元素,
開片, 吹水, 同上床.
無論greece定係troy, 兩面的人都係做呢三樣野, 其實幾悶..
但係有深度o既, 特別係畢彼特果句: 天上的神都羡慕我地, 因為我地會死, 所以就會有""最""美好的一刻...

之後走左去食飯..
果間酒樓, 我真係唔滿意佢d 服務態度! 吹晒水咁..

之後我就一個人去會展參加MCP Summit (又係 seminar)
我去果陣已經遲晒架啦.. 只不過為左攞件t-shirt, 所以都入去聽一陣咁啦..
結果我覺得佢係吹晒水.. 咩Exchange Server 2003 新anit-spam feature(Sender/Recipent Check, RBL), 人地Sendmail 8.9 都已經有啦.. 吹咩水.. 吹晒水咁..

不過走果陣, 除左t-shirt 原來仲有本書書.. 勁..
貴野黎架, 如果買都要400蚊港幣..

之後原來佢地一早己經散band.. 咁悶架..

>>June 18, 2004 at 1:39:25 PM GMT+8

2004 年 6 月 16 日 星期三 【晴】

今日我破左個紀錄..
=====================
今日原本isaac 話同我一齊去果個ACW VPN Seminar o既,
突然間又放晒飛機咁.. 吹咩水... 佢直頭係吹晒水啦...

個seminar 主題係SSL VPN, 睇個名都知係用SSL (Secure Socket Layer)去做encryption方法的VPN(Virutal Private Network)
以前d VPN都係行IPSec 多(或者PPTP啦..), 但係呢個方法, 要係用戶端set 一輪啦, 但係新技術主要係用網頁做中介層, 方面囉, 但係新技術, d 廠商都認為IPSec 之後都主要係做Site-to-Site, 而SSL VPN就會係client -> site.

聽完之後, 一個人, 又唔想返工喎(我都唔知點解會唔想返工..)
之後就一個人睇戲..哈哈哈(第一個破紀錄).. 第一次一個人睇戲,
一個人搭地鐵走左去奧海城睇野蠻師姐, 順便食野..
去左奧海城個food court 到食左個拉麵..

結果第二個破紀錄就係半日內用晒一粒電話的電..

講番野蠻師姐先.. 諗住係真係笑片, 點知, 第一幕就係全智賢跳樓.. 好慘呀..
之後就會記得呢個結局.
中間已經有伏線話男主角要死, 點知唔係第一種死法(淹死), 原來係俾人開槍殺左(睇唔到係女主角錯手殺佢定係果兩個茂利'fei"佢..).. 不過呢個死法都仲可以估到, 因為女主角做警察..

跟住我以為女主角會自殺, 的確會, 但係死唔去.
跟住我估個女主角實唔要命捉賊.. 真係呀, 但係都俾人"fei"唔瓜..
最後係男主角去世後49日, 鬼魂返去佢身邊同佢講: 你會遇到一個好似我的人, 你要努力活落去..
點知果個人就係 - 車太賢...
我睇完之後啞晒... 不過都少少感動o既, 我都睇到眼濕濕..

行去72x站途中居然俾唔識的女聊... 我唔係咁樣衰o者.... 吓話..

>>June 18, 2004 at 1:14:51 PM GMT+8

2004 年 6 月 15 日 星期二 【晴】

其實今日係阿媽身份證上寫的生日, 但佢話佢只係亂作..

結果我今日都係有去isaac 屋企..
今朝打電話問人有咩人去先, 如果太多人就費時,
但其實又唔係好多, 佢又叫我去, 我咪去囉....

返工又係天黑黑, 真係出奇, 又係當我返到公司就會出太陽, 幾過份...
今日呢, 半日市, 試番個server d 野..
好過尋晚囉.. 尋晚好壞, 佢直頭係好慢, 好慢, 個msg 我基本上係網上找過, 之後居然成個internet 係無人知道點解會壞... 我只好換左佢張lan card 試, 效果卓越...... =)
不過都有一d setting 問題啦.. 例如netatalk, ftp 之類啦..

食完飯(都係祥興), 之後就搭車上港大去EEE Interview..
我諗住搭小巴, 一上車, 咪問個司機幾點開囉.. 點知佢話: 上滿人先開, 趕時間就唔好坐..
我之後話: 好, 我就唔坐, 之後就落車啦....

結果行返出去香港仔大道等巴士... 好彩最後都順利準時到港大.
我約左一個師兄, 佢同我傾左一陣.. 佢真係好人~
個interview 好無聊, 吹晒水咁, 傾得好開心..

interview 完 就搭103 落isaac 屋企...
我上車果陣, 一個乘客都無...

落到isaac屋企, stephy 失驚無神個"迷你"籤筒我, 叫我玩下..
舊野係isaac 屋企o既, 呢個""玩具""係擺明玩野多.. 只係求感情..
我居然求好多次都係成堆籤跌晒落地下... 最後求左十幾次先跌到一知..
解籤話: 有個異性係背後默默咁支持我... 吹晒水咁, 果個咪我阿媽囉! 吹咩水...

之後佢地有人打麻雀, 我就打下機, 打下大Dee 咁啦..
吹下水.. 六點鐘, stephy 同另一個同學先走, 我地一行人落左去機舖打機.. 哈哈..
好耐無打過機啦, 超正..
當然係水準的表現啦..
今日玩東京巴士案內好叻仔.. 玩都last 3 個站先輸.. =)

>>June 16, 2004 at 3:32:53 PM GMT+8