2004 年 10 月 16 日 星期六 【晴】

我唔想再講任何野.

"你咁嬲佢可想而知你自己有幾愛佢又有幾重視佢"
我心入面唔想講果句都俾人睇穿.. 算...

>>October 17, 2004 at 1:17:30 PM GMT+8

2004 年 10 月 16 日 星期六 【晴】

反正事情已經過去,
我都不妨攤牌..

其實我咁激動, 因為我太在乎..妳..
我諗妳千萬都估唔到, 其實我鍾意左五個月果個人就係妳自己...
無錯, 呢次我收得好密.. 因為就係想睇得清楚d 先..

你可能覺得我好小氣, 咁小事有咁大反應.
但係就係從咁小事就可以睇得出, 就算我有幾咁在乎你, 幾對你有感覺, 但我係你心入面, 同一條蛋散無咩分別.. 如陌路人一樣... 或者可能連人也不如...
我地根本就無可能發展落去. 與其長痛, 不如短痛, 我不如轉身奔走, 到一個無人認識我的新世界...

算啦,
已經過去了, 唔開心又好, 憎我都好,
隨便你... 我不是一個好男仔..
我有我生活, 然後你再愛別人.

無人估到事情終點會係咁, 包括我在內.
我已經唔係以前過份感性o既我, 我只係一個理性o既logic-thinker.
唔好意思...

我諗我已經做左一個決定, 唔會再返轉頭..

>>October 16, 2004 at 5:52:47 PM GMT+8

2004 年 10 月 15 日 星期五 【晴】

有d 野, 太遲就係太遲.
過左去就係過左去
呢一刻發生, 就係呢一刻發生.
我並唔係無俾機會, 盡量令到件事唔好搞到遲晒, 但係 -
遲左, 事情已經過去, 再討論已經沒有意義.

有d野, 過左去就點都唔可以挽救.
決定已經做左, 就算之後點樣, 我唔會好似以前咁心軟.

好似好玄, 但係件事好簡單.
我只係希望係適當時後, 對住適當o既人講適當o既野..
但係事情已經過晒氣, 我完全仲係被人冷落.

太可怕啦, 你信唔信我搵一個人搵左六個鐘(由六點到十二點)我係可以完全搵唔到? 香港呀呢到.. 唔係無里求斯呀..
我由兩點三開始搵都唔計啦, 佢唔得閒算啦咁..
之後六點鐘, 無人聽, 七點, 又無人聽..
順時間次序: 18:33, 18:57, 18:58, 19:06 唔會聽唔到電話響呀嘛.. 我已經轉登好密咁打...

如果我係真係有咩事想搵人幫拖, 死左啦我.. 或者約實左係邊o既, 又白等啦....
好彩我都有搵其他人, 都好, 三個鐘之內都有人回覆仲要係立即得閒就搵番我...
六個鐘, 死左人條屍都凍埋啦.... 我懷疑佢有無當過我係"朋友"囉. 我未試過有人咁對我囉.. 仲要係, 我已經係msn同icq 等見住佢上網之後成唔知幾多個字之後先問我係唔係搵過佢....
加上呢幾日, msn 同icq 呢個人都係無反應咁濟 - 不過呢個係佢有野做, 咁算啦... 咁無得講架嘛..
但係出街就會搭車, 搭車就好可能會無野做, 咁望一望個電話, 唔過份呀嘛..
咩事都變無事啦.... 一日都過左囉(12點呀嘛).

希望知道我講緊佢果個人 - 好自為之.

p.s.
不過其實都唔係得一個人唔理架啦.. 唉.. 心淡...

p.s.
我太著緊呢個人 - 或者...
不過就算或者"..." 係呢一刻已經唔重要, 已經係過左去..

>>October 16, 2004 at 5:21:42 PM GMT+8

2004 年 10 月 14 日 星期四 【晴】

無咩心情.
無話好開心或者好唔開心.

今日lunch 同小月(嘩.. 好多年無出過場呀...)走去圓6食lunch, 佢生日, 所以我請.
但係呢, 我地又食唔夠100蚊, 我身上又真係得番張Credit Card, 所以.. 結果係佢出住先.. 好瘀呀...
之後唯有行番富善攞錢先俾得番佢..

接下來就係飛火車地鐵出去銅鑼灣交埋剩下的195隻CDR (p.s. 尋晚燒e-blue 果陣, 50隻中發現有11隻係壞碟..天...), 同埋約左家豪落黃金幫佢做佢IT 科project..
佢個project 係幾頂癮o既.. 假設有80000蚊之後要買五台電腦一部printer.. 要make decision..
阿文哥仔話: 車.. 整多部俾自己打機都得啦! 我非常同意.. 哈哈哈...
我地兩個就厚著面皮係咁問人攞price list 同quotation..... 笑死..
我地兩個係software 舖俾女[手豆].. hahaha....

今日一路搭車一路同frds 吹水....
佢地一個二個都話: 你去大學搵番條女啦.. 好易ja ma..
我心諗: 如果我真係為左溝而溝, 咁我大學都有"溝able"o既女, 但係我根本, 只係有一個人係我心入面... (big clues here... haha..)
咁... 觀點與角度唔同...

===========================
回魚子
我地係到講緊曹宏威點樣係火星見到火星人, 之後話: 咦, 個樣有d 似魚子喎...

>>October 15, 2004 at 4:57:23 PM GMT+8

2004 年 10 月 13 日 星期三 【晴】

孫燕姿終於肯出新碟啦.. 真係等到頸都長埋..
變左長頸人...

新碟: 孫燕姿Stefanie 同名大碟 (搞錯, 又係叫同名大碟)
主打歌: 我的愛; 奔; 我也很想他
十月二十九日先出.. 唉.... 又要等... 真係傷心...

=================================
我的愛 明明還在 轉身了才明白
該把幸福 找回來 而不是各自緬懷
我會在沿海地帶 等著潮汐更改 送你回來
你走路姿態 微笑的神態 見你是匆匆過的 真愛
莫非這是上天善意的安排 好讓心更堅定 彼此更接近 真愛
=================================
今日上左兩粒鐘lecture 好悶, 不過開始講OO.. 真係得大驚..
我頹到notes 都無印就上堂.. 再咁落去我都覺得唔係好得..
上完走落沙田搵一個兩年幾個見過的朋友食飯, 出面識的..
其實原本係尋日, 但係我有野做所以無去到..
佢好想寫一隻game 之後揚名立萬.. 好偉大o既志向...
比起我只係想做一個唏噓的server佬實在差得遠..
佢其實幾年前識我果陣已經話想寫game, 如今仲讀埋game design 課程實現理想, 好野..
你可以話佢傻, 但係佢起碼朝住自己目標前進... 已經比我好好多...

當然我對game design係全無能力啦.. 淨係graphic 呢一關我已經可以收手...

之後落左新基地一陣就走返屋企..
繼續燒250隻碟碟.. 唉.. 咁搞法遲做部CDRW機都要報銷...

======================
回 淫友:
請受硬膠仔一拜..
咪住.. 大家同級o者, 我又係神, 佢又係神.. 哈哈哈哈~

回 賤健:
係呀, 我有打架.. 都唔得o既, 好心你就咪鬼用全形字咁騎呢啦!

>>October 14, 2004 at 3:52:46 PM GMT+8

2004 年 10 月 12 日 星期二 【晴】

遲早有一刻我終忍唔住會表白...
對住我最心底唯一一個人... 但係.. 幾時!? 這是一個話埋的事情.. 可能寫完日記即刻就講,
可能.. 下世啦...
=================================
今日返學又放學, 人生重重覆覆都是做這些事情..

今日lunch 天地三個鐘又出走大角咀做野.. 其實我去到都已經咩事都無.. 好彩o者..
之後返返城大果陣終於係九龍塘地鐵站見到一個又係7S又係City的同學..
嘩.. 自從我8月30日見過佢一次, 佢仲要見我唔到之後, 就無見過佢啦.. 佢今日主動走黎篤我背脊... =.="
同佢行番城大之後, 我落lab 搞革命.
我走去高登到問, 如果我要同人表白用咩歌好... 死淫友... 搭咀搭到九唔搭八..

不過呢, 淫友都叫我不如講俾佢知..
但係其實, 真係講完就隨時連朋友都無得做..
我認真係鍾意佢, 而家在乎佢.. 我想保護佢...
但係, 佢根本諗都唔會諗到我會鍾意佢.... 所以佢根本唔會接受我.
而且佢實在太正.. 大把人都想追佢(我覺得).. 我咁o既頹樣7頭? 下世啦, 或者走去整下容啦....
或者我走去洗腦改性格啦.. 唉... (所以我都唔想講俾佢知...)
不過有d 跡象睇到佢.... 咩o既... 所以conclusion 係追唔過.. 但係講, 我諗我始終有朝一日都會講..

唔係咁開心, 搵個開心o既人令到我開心...
今日走去跟肥仔聰車, 第一次, 頂.. 好瘀呀我..
係九龍塘等左一陣, 咦, 係70號喎, 見個司機又係肥肥地, 之後同佢講, 我係邊個邊個個frd.
之後佢居然啤q 住我.. 我望望個name tag, 一望, 大件事.. 唔係肥仔聰... 中晒招..
原來肥仔聰係佢後面果架車.. 瘀到爆!
....
結果係佐敦總站等佢..

肥仔聰呢, 簡直係一個串友.. 搞到我好開心... 佢居然將落車"叮叮聲"同埋報站叫做"升國旗"同"奏國歌".... 暈..
但係講野好有point, 特別係果句: 就算你心地幾好都會變得差...

>>October 13, 2004 at 3:32:10 PM GMT+8

2004 年 10 月 11 日 星期一 【晴】

發完癲, 總算回復正常...
突然間想學藍蝎子咁.. 雖然有人知佢鍾意邊個.. 但係又真係唔會追又唔會行動..
一切留番係心入面 (當然又係暗戀啦..)

或者我應該唔用"愛(Love)" 呢個字,
因為呢個字係好睇雙方的.. 愛要兩方面一切先叫做愛..
而家最多只可以叫做"鍾意(Like)", 或者"有感覺 (Have feeling)"...

自從尋晚同家豪落after 5 飲酒黎, 心情好似好d..
因為飲完酒之後其實會好眼睏... 同埋講d 野出黎好過屈係心入面..
當我唔開心我就會飲呢隻酒: Margarita..
點解? 因為佢同感情很相似..
1. 兩者都係第一啖甜, 但之後就會拿心拿肺..
2. 兩者都係會令人沉醉
3. 兩者都有人歌頌 (有本小說叫做:露台上的瑪嘉烈特)..
呢次比第一次飲佢落酒的份量更加厲害... 更加拿心拿肺...
但係佢之前就有salt rim (係杯邊加左d 鹽花係到), 所以先頂得住Tequlia 果種味...

所以之後一覺訓到大天光.. 好舒服..

今晚同一個"人地ex-gf"傾左一陣(其實都成兩個鐘)
咁當然八下野, 同埋傾下我自己d 私事..
我同佢雖然好少接觸, 但係講到呢d 無聊野... 吹左好耐好耐水..
結論就係: 好惡搞喎... 我都知...
佢係第一個人叫我遲d 先表白...
之前呀, 一個二個叫我講呀... 唉.. 你地班係唔係想"食住花生等睇戲"o者!
無把握我唔會講, 講左雖然都係死梗, 但係... 我都唔想俾對方咁大壓力囉.. 或者等自己淡d 先囉...

====================
回 淫友
嘩.. 小丑神光臨我日記呀!!

回 賤健
用戶不存在....

>>October 13, 2004 at 4:18:48 AM GMT+8

2004 年 10 月 10 日 星期日 【晴】

當我心情唔好,
或者有野想講, d 日記就會寫得好密..

話就話一訓醒就無事..
但係今日搭車果陣都有d 行屍走肉的感覺..
自己實在太頹.. 連講都唔敢講...
或者其實已經知道講完之後, 結果將會係俾人拒絕..
咁與其要人開口講, 不如就咁算...
但係我發現我已經唔可以厄得到自己,
我知道我自己對佢係有野... 雖然未到話要生要死的地步, 或者根本未稱得上係愛, 但係起碼係鍾意..

愛? 我未咁偉大住.. 我仲未識得"因為佢開心所以我開心"..

唉.... 苦... 煩...

今日同一個大學唔算好熟的同學icq,
佢(係女仔)居然話我無用... 唔夠膽講....

...........
天......

俾人咁串法, 算啦..
都係落canteen 搵野食暖下肚好過, 今日我太遲先落到去canteen食飯.. 結果頹飯賣晒.. 唉.. 頹..
結果隻特價燒鴨瀨... 頂.. d 肉"媒"架... 10蚊.. 唔值!

之後落去CS Lab 繼續hea, 無心情自然咩都唔想做, 聽下歌, 不過我account 入面只係得三隻孫燕姿album 的存量.. 好快就聽到悶...

16:30 去聽CCIV talk.. 今次ok 喎, 無訓著到喎!
不過.. 真係太累... 太累...

嘩.. 搭K17 果陣見到條龍長到我都無打算排隊, 結果轉搭K12..

>>October 11, 2004 at 12:55:54 PM GMT+8

2004 年 10 月 9 日 星期六 【晴】

人生 -
就算今天有幾唔開心,
就算今天飲到幾醉,
明天都得要繼續工作,
就像無事發生過一樣

這就是人生.

>>October 10, 2004 at 8:32:42 AM GMT+8

2004 年 10 月 8 日 星期五 【晴】

The Terminal - 機場客運站
導演： 史提芬史匹堡
演員： 嘉芙蓮薛達鍾斯 , 湯漢斯
Panasia Entertainment
CJ Entertainment
Dreamwork SKG

故事講述Victor 來自歐洲小國, 係到美國之後, 語言不通, 但因祖國政變而護照不獲接受. 因此就係機場等左9個月, 期間有種種事情, 佢又結識到好多朋友...
而期間認識UA空姐, 雖然有感情, 但最後無矢而終...

故事其實環繞一個主題: 等 (Wait) - 為咩等 (Waiting for what)
因為Tom Hanks 係機場無了期等, 仲要係唔知等咩..
女主角同樣等一個有婦之夫, 又係唔知為咩去等....
所以等之前.. 最好都係諗清楚... 或者可能為左心入面的一種信念或者承諾(片入面Tom Hanks 多次提及承諾 - 難怪o既, Tom Hanks 扮一個唔識講英文的人, vocab少, 自然係咁講同一個字啦..). 最後Tom Hanks 係可以入到New York 完成佢的心願 - 為父親集齊57位Jazz 樂師的簽名(其實只係仲差一位).
好故事.. 結尾男女主角始終都唔可以係一齊(我覺得咁先好睇 - 唔好意思, 我係信"悲劇較為接近人生")..... 係Tom Hanks 眼中睇到佢所演繹的悲傷... 真係大師級!
女主角.. 我覺得好靚喎... =)

今日呢, 發現身邊仲有人係唔知城隧轉車站係唔知到轉車落荃灣區係唔使俾錢.....
如果唔提佢... 又俾九巴呃$4.7....

今日後尾同老表去打機, 真係打到手都軟...
嘩嘩嘩.... 銅鑼灣打PM(擊鼓王)只係3蚊舖ja....

仲有今日搭巴士去表哥屋企果陣係"獅子山隧道"前塞車塞左好耐耐耐耐耐....

總算叫做有今日同聽日兩日假可以做無聊野.. yeah!

>>October 9, 2004 at 2:32:24 PM GMT+8