2004 年 8 月 8 日 星期日 【晴】

再咁落去我呢個日記遲早變成周記.... 或者月記, 季記甚至年記...
不過呢幾日真係無咩值得好寫, 來來去去都是打機, 出去食飯,
係尋晚好d, 同淫友兩條友出左去睇戲, 免費飛喎... 係 Tom Cruise 的同行殺機..
睇戲前約左幾個男仔出去isaac 屋企又打牌又打機.. 我第一場"處女牌"就係呢到開始..
好彩無出沖.. 只係俾人自摸殺晒... 咁就輸左一蚊啦.. 哈哈..

落左新港打兩舖機, 之後入場睇戲lu..
睇完戲就搭車走, 無咩特別, 只不過兩條友係到係咁吹晒水啦...
========================
同行殺機 Collateral
就咁睇呢個戲名我真係以為係同行(業)殺同行, 原來係一齊行就起殺機..
故事入面Max 係一個的士司機, 故事其實只係得一晚咁長, 就係由Max 想溝條女, 個女人係司法部(!?)的主檢控官, 坐左佢架的士, 之後好好傾咁啦.. 之後上車的, 原來係一個殺手, 周圍去殺指證一個毒販的人, Max 最初都唔知, 但係當佢殺左第一個人之後佢就知道, 但係Vicent (殺手Tom Cruise)已經用槍指住佢個頭, 要載佢連續去殺其他人.. 殺到最後一個果陣, Max唔想Vicent 再去殺人, 製造交通意外, 當警察到果陣, Vicent 已經走左去殺人, 但係Max 無意中發現原來Vicent要殺果個女人.. 佢知道之後即刻搶警槍去救人, 救人之後就走落地鐵, 係地鐵到Max 射死左Vicent 咁啦...

故事好簡單, 一晚搞掂晒..
但係卻好有人生哲理.. 例如Max 鬧佢"你有無人性..." 之後Vicent 係有反醒...
但係就鬧番阿Max 成日得個夢想, 唔實際, 之後Max 就發癲製造交通意外....
Tom Cruise 簡直係型啦...
睇睇下, 我諗起全職殺手, 不過當然唔會攞黎做比較啦.. 根本就兩回事....(當然係全職殺手低好多皮啦...)
==========================

>>August 11, 2004 at 9:39:14 AM GMT+8

2004 年 8 月 4 日 星期三 【晴】

今日美國有朋友黎香港,
其實就係我地去LA 住的那家人.. Helen, Diana 加上佢阿姨一家人黎香港玩..
Helen 同Diana 就成日黎香港啦, 但係另一家人就只係五年前黎過..

我老豆好早就搭車出去機場, 12:00 , 班機係13:15 先到, 使唔使咁早呀!
我就醒過佢.. 12:20先上車.. 結果13:30 到都仲要等半個鐘先出黎..

接完機, 我都無同佢地去維港灣就直接搭E42 去大圍meet 我老表.. 都係搞linux,
話說今次係要將舊linux server 做samba 同print 同scan.. 頭兩樣好簡單, 但係第三樣絕對係問題.. 所以我地好努力咁試.. 原本果部scanner 係Microtek 4800, 但係sane-backend 已經講到明係無人support 佢.. 咁唯有打部Brother MFC的主意... sane 係搵到佢呀, 但問題係我想scanimage 就話我錯誤呢.. 我已經照足佢指示去做.. 但係都無辦法踢得佢"郁"..

所以七點幾就走人仲要搭的士(我而家已經絕少咁做)去柏景灣食飯...
當然都係遲啦, 幾乎無野食, 但係有人仲遲過我囉..

結果食完飯就各散東西lu~

>>August 8, 2004 at 11:10:07 AM GMT+8

2004 年 8 月 2 日 星期一 【晴】

一條有出左去睇戲, 呢齣戲想睇好耐架啦.. 一日都係蝗蟲衰....
搞到我一條友睇..
=======================
大極旗飄揚: 生死有情
故事係以韓戰做背景, 兩兄弟係誤打誤撞的情況下俾人屈機入左軍隊..
大哥為左攞到medal of honor 之後送個細佬返去屋企, 簡直係搵命博, 搵命搏不特只, 大佬仲因為搏上位搞到成個人變晒, 變左做一個為權利不擇手段的人.. 導致兩兄弟感情有破裂...
突然間, 大佬條女俾南韓軍隊話係共黨, 要拉去打耙.. 大佬即刻去救人(p.s. 個女人為左攞糧食咩野都走去簽名, 所以結果入左共黨35次, 仲俾人話同共黨高官上床), 但係聽到話自己條女同人地上床即刻手軟軟, 結果條女俾人射死左, 大細佬一同俾人捉入監倉..
大佬俾軍方捉左去照肺, 大佬要條友放左個細路, 大佬唔忿氣, 攞槍威脅佢, 結果條友放火燒監倉...大佬以為細佬死左, 所以變節做左北韓人. 細佬知道即刻上前線搵佢大佬, 大佬最初唔認佢, 仲想搵野隊死佢, 但講講下, 打打下佢大佬認得番佢, 之後就叫個細佬走先, 自己搵支機槍係咁掃班北韓人... 當然最後俾人射死啦...
50 年後, 搵番佢條屍得位置, 果一幕真係好感人.. 睇到我流眼淚...
======================
睇完戲之後同淫友落黃金, 佢隻notebook hard disk 死左...
買完野就搭車返屋企啦..

>>August 6, 2004 at 10:40:49 AM GMT+8

2004 年 8 月 1 日 星期日 【晴】

我還是懶.. 一天寫兩天日記吧..

話說自從果日睡唔著之後(其實都有睡三個鐘咁多), 精神就當然麻麻.. 但係心情都可以, 因為我一睡覺就沒有問題.. 哈哈但下午都係出左去支援我老表..
呢個係我第二個老表, 佢公司係大圍, 我去到四點, 等佢等到四點幾,
但係開唔到公司到門.. 佢公司d 保安真係巴閉.. 我地好成功咁開到兩個外置的鎖, 但係門鎖就用鎖匙都開唔到, 結果要做賊.. 破門而入... =.=' 幾無奈...
呢次又係Fedora Core 1.. 我仲未玩熟SELinux, 所以唔想掂Core 2 住... 或者下次啦.. haha..
不過Fedora Core 1 永遠都係"新增/移除程式"到出現問題, 反而Redhat 9 無問題... 怪..
不過今日工作得很順利.. 只係用左五個鐘左右就又頭起番晒成個linux router.. 不過configure file係copy and paste.. 我真係唔係咩英雄好漢..........
anyway la, 搞掂就得啦... 遲d 搞埋第二部linux..
結果我老表居然訓著左....... 原本九點三個字就搞掂晒, 俾佢訓多陣, 訓到九點九先叫醒佢去食飯.. 落到沙田市中心去左意粉屋食飯, 結果搞到十一點幾, 返到屋企十二點....

星期一, 天氣睛, 我同wong J 兩條友去左游水..
原本邊到咁慘呀.. 原本marco, 家豪, 香蕉都黎架, 但係.. 一個就純話唔黎, 一個撞親(咁唔黎係應該o既).. 結果佢入場先, 我照入去游水.. 老實講, 我覺得大埔呢個池真係麻麻地..
我同wong j 兩條友浸水浸左一兩個鐘, 見唔到咩靚女... 所以走人..

之後兩條友走左去太和食野, 食完野原本諗住搵榮哥, 但係佢架JG249 水滾, 榮哥係大火等師傅到, 所以我地兩個搭火車去大火... 估唔到係太和站見到macro!!!! 佢話去黃大仙, 我地大埔落車, 不過我地到果陣榮哥要運番架249 返去上水.. 所以無見到佢~

原本諗住同wong j 行街買衫, but at the end of the day 佢又要開工...

>>August 3, 2004 at 1:48:36 PM GMT+8

2004 年 7 月 30 日 星期五 【晴】

近排日記寫得咁疏, 同埋咁短(相比起我以前果d 千字文..),
除左忙, 仲有個主要原因.. 就係呢排個心情都好平靜, 無咩野諗法,

呢排我都訓得好差, 雖然訓覺鐘數睇落好似好多,
但係其實我起碼係床到"look"個幾鐘先訓到.... 硬係好多野諗, 好多野煩...
工作, 呢期唔興諗感情, 但係換來的就係人生..

人生!? 無錯..
好多人話算係好命.. (即係又係命運問題)...
有一技旁身, 又起碼衣食無憂..
係... 又無講錯... 但係其實背後有幾多野大家唔知o既o者...
如果要講好命, 我第一個會話係水雲兄.. 可能未必事實同我諗的一樣, 但係我聽番黎好多野, 佢係可以"一分耕耘, 一分收獲".. 咁就已經好好命...
就算成日話我好命的二老表, 佢成日都覺得我好命過佢.. 傻啦, 雖然表面上佢條路好似好多彎, 但我感覺就係佢仲有貴人幫助, 係某d 時候, 咁即係無命都有運...
我就連運都無...
唔使講其他野, 就咁事業.. 雖然你可能話我咁早諗事業好似真係太早,
但係.. 其實中間有好多野, 我諗住有機會發圍(或者只係想搵下食), 但結果往往總有外因導致我會失敗..
2001年, 當年我銳意發展酒樓的會計系統, 應我阿姨要求咁做.. 當年因為酒樓仲有利可圖, 所以如果要賣俾多家酒樓完全唔係問題, 但係可惜, 再過一段時間就係酒樓結業高峰期同埋香港經濟下滑的時期.. 結果當然係無疾而終...
2003年, 有個老細想拍我一齊搞Karaoke 電腦點播系統.. 我當年有的係技術(已經係網路同埋Streaming 有一定認識), 所以佢想同我一齊搞.. 但係連第一個客都已經搞唔掂, 而且唔係因為我唔夠專業, 係老細同個客之間的溝通問題導致呢個結局.... 簡直係Drawing a complete blank..(抽到不中獎的彩票, 比喻白忙一場, 見Dilbert - Scot Adam)...
今年, 我阿姨叫我幫佢搞靈芝果d 野, 佢叫我幫佢係網上賣... 要寫一個網頁, 或者佢叫我自己賣都得.. 老實講, 我呢次真無咩期望, 連靠呢樣野搵到錢的期望都無.. 老實講, 有幾多人會打"靈芝"兩個字去search, 仲要係芸芸相關公司網頁之中搵到我地公司, 仲要俾佢信一間連廣告都未賣過, 聽都未聽過的靈芝買番去擺落口食!? 我就真係唔樂觀.. 或者我而家唯一的工作動力已經唔係錢, 因為呢樣野係無可能搵到食, 而係報答我阿姨... 呢個阿姨其實無血源關係, 但係佢真係對我好好, 佢好鍾意細佬仔, 但係可惜身體有d 事所以唔可以生細佬.. 雖然未至於當我係佢個仔, 但係佢都對我好好, 生日又請我出去食自助餐, 得閒又會搵下我, 而且佢生活經歷, 好多野佢都識安慰我同埋俾到意見我... 而且令到我可以從唔同觀點睇一件事... 所以而家佢無野做, 想靠呢樣野搵食, 亦都所以我想用呢個機會報答佢, 唔理最後成功與否, 總叫幫番自己人...

所以唔好以為我真係好命.. 由始至於我係靠自己死番黎的..
我父母係咩都無俾過我, 除左discouragement.. 雖然當初係佢俾我學電腦, 但到最後佢係最反對我學電腦.. 佢地硬係覺得讀書的知識係梗要過人生經驗, 智慧同把握時機起義.. 所以佢地潑過我唔少冷水... 如果我係出生於外國, 我諗我已經出左名(但未必有利)..
莫講話好命, 往往連運氣都無....橫財運就算啦, 我無所謂, 但係事業都........
往往萬分耕耘, 都未至於一分收獲..

所以你而家會成日聽我講, 是但啦, 求其啦..
與其好努力咁做, 同埋求求其其咁, 分別唔大, 只係一分同半分收獲..
咁做咩要出盡全力.. 以前唔會出盡, 而家更加唔會.. 留番啖氣暖肚好過... 去盡反而對自己做成好大傷害.....

感情, 算啦, 呢樣野我已經認命, 我都唔想多講..
而家諗番起呢樣野, 唯一係我心中只剩下心痛..

一晚訓唔著, 可以得出咁多結論....

雖然話, 有算命話過我而家的努力係中年成功的基石.. 我都覺得唔出奇..
但係, 我頂唔頂到去中年呢...
老實講, 而家已經成日失眠(七晚有六晚都係訓唔到), 食又食唔落... 我諗我都擺唔耐...
或者我應該自己試下d 靈芝係唔係真係咁有效..... =p
============
雖然覺得係命苦d, 但係, 我總會係4月16日的人 - 笑看人生..
我試過俾人話我講"cheap jokes"... 我覺得, 如果講出黎大家笑下又何況...
我自己唔開心, 搵d 開心野講下有咩所謂... 大家笑下咪算囉...
============
心情不好, 所以又有好多野寫了...
為何心情不好? 我都唔知.. 或者訓得唔好掛...
或者....

============
呢期鍾意左一隻歌, 孫燕姿的一隻真係舊歌...
我要的幸福大碟入面的<<相信>>:


相信 孫燕姿

作詞：吳依錚　作曲：小碩　編曲：吳慶隆

突然覺得　我只是一個人　有點孤單　淺淺的憂鬱
我不知道明天　會不會　很美麗
雖然今天天很藍　而雲很白　風很涼

今天日記　空白　沒有關係　不必每件事情　都在意
不想工作　不想困擾自己　不必刻意想你
該是我的總會來　就算挑戰　我不走開

一點點你的微笑　已經讓我覺得溫暖
我還不懂堅持　正好讓我　學會去愛
我曾經看見困難　變得膽小　不夠勇敢
但還是要相信　相信感覺　相信簡單
(我還是會相信　相信感覺　　相信簡單)

有一天　等我懂得事實　也許更灰心
至少現在讓我去相信　哦
==============
p.s. 雖然我想法同歌詞係相違背....

>>August 1, 2004 at 6:52:02 AM GMT+8

2004 年 7 月 27 日 星期二 【晴】

呢幾日的生活都可以用"枯燥乏味"來形容..

不是返公司, 就是在家坐了一整天,
兩樣工作都是對住電腦的.. 返公司就整呢整路,
係屋企就繼續努力寫網頁...

簡直是不分天昏地暗..
連我也就來發癲...
不過還是那兩句說話..."努力工作, 熱愛生命", "辛苦也滿足"來形容現在是最貼切的..

不過還有激氣的事...
我想那個人, 我呢一世都唔會同佢做partner...錢又唔還, 仲要又呢又路...
原來係佢食左人地錢, 之後我去佢個客整, 我唔知又收錢.. 我真係一個屌字...

======================
回 : 豪
呢排多野做嘛.. =)

>>July 29, 2004 at 3:58:54 AM GMT+8

2004 年 7 月 22 日 星期四 【晴】

2themax.. cheap 板就係cheap 板..
======================
今日其實我係出左九龍兩次.. 雖然係真係有d 誇張, 但有必要的...

第一程去九龍係去長沙灣, 個客話要搬ADSL modem 同router o既位,
話時話其實真係唔關我事, 因為呢d 野係香港電訊o既事, 但係一搬位, 我要諗過router同switch 連線問題, 所以照收錢lu.. 反正呢排窮到燶....
係長沙灣食埋飯就返去大埔啦, 仲要走三架72... 因為入銀行的關係.... 你話而家d 銀行工作效率幾低...
因為淫友今日話佢個frd 壞機, 叫我去整, 錢可以照收,
咁我咪收囉... 所以咪去囉....
去到, 機都開唔著(正確d 講應該係, 開到一秒都唔夠又熄返...),
咁一係就牛, 一係就板.. 我帶左塊舊板上去試, 我塊板無事.. 咁即係佢塊板有事啦..
哈.. 之後就仆街啦.. 我望一望錶, 見時間尚早, 出去2themax 代理(九龍灣)都好快o者,
出埋去攞去整, 點知, 整左勁耐, 後尾話..... certified... 可能d 南北橋死.... 唉...
唉... 仲要收80蚊咩檢查費.. (個客過左保養).. 仲有呀, 同場見到勁多人整板, 全部都係死兩粒電容... 唉.. 我出咁多部華碩同intel, 未試過咁差.....
呢塊2themax EP4BEA, 我諗佢係因為設計可以唔使用P4 牛, 就咁用P3 電input 就搞掂, 所以超易隊死電控組件....
無咁大個頭, 唔好帶咁大頂帽.. 人地華碩都有類似設計, 不過要插多一組CDROM/硬碟電俾佢.. 醒過你啦起碼..... 收得皮..

結果個客話買過塊, 之後撲出黃金搞埋塊板..
係"呢樣無貨, 果樣唔掂"的情況下, 買左塊Intel D865PERL.. 咁點都算似樣o既... 690蚊, 算係咁啦...

返到大埔, 並未完喎..
去左阿四屋企整埋佢部頹機... 擺番粒新U之後又搞掂啦.. 不過佢部機, 七勞八傷.. 勁中spyware.. 又可能中毒.. 唉.. 要整番唔係一朝一日的事..

=====================

>>July 24, 2004 at 7:30:04 AM GMT+8

2004 年 7 月 21 日 星期三 【晴】

尋日內碼問題仲未解決到, 今日繼續努力..

係呀,
今日努力呀..

首先試用iconv 工具, 但係convert 到中途就同我瓜柴 .......

之後睇睇VCard 其實係咩來的, 後尾發現如果只係文字檔,
結果我用windows 記事本, 將佢save as UTF8格式,
再import... .. 頂.. 都係有問題, 問題係仲亂....
無理由架.. 明明咪utf8 囉.. 有咩問題...

之後睇下Ximian Evolution export 出的VCard file 有幾唔同...
原來佢係多左個charset tag 指明係utf8... 唉.......
之後搞一大輪, 終於成功!!! hahahaha...

不過搞完address book, 到email...
呢個就比較順利, 用mozilla 的thunderbird email client import 左outlook express d 野之後, 再用Ximian import 番就搞掂, 不過都搞左我勁耐.. 結果今日放工時間仲衰過尋日.....

不過今日有一個好消息, 就係我表姐終於出糧俾我.. !!!

>>July 25, 2004 at 3:44:00 AM GMT+8

2004 年 7 月 20 日 星期二 【晴】

前圖書館人員聚餐日...
==================
咁多日無返工, 今日都應該要出現下o既..

今日都可以話算係埋尾, 只可惜..
只可惜今日出現左問題.. 就係部linux client 呢, 我想轉address book 同埋 email 過去果陣出現問題..
問題一, 我諗住linux d program 好醒, 會自己識食outlook//outlook express d 野, 點知唔識,
結果上網搵一大輪先叫做搵到個方法..

點知..... 惡夢先至開始...

工作都好順利, 一import 落番去linux 到, 大鍋, 亂碼..
linux 用utf-8, windows 用big5.. 問題係到啦..
結果試左好多方法都係唔得, 諗住人手打過晒, 又勁多唔知點算.. 都係聽日先搞...

結果約七點鐘明星等, 我就六點八先開始搭171..
....

今日見番好多人呀.. 大家都係吹吹水, 飲飲食食咁啦,
都無咩特別野好講..... .....

>>July 25, 2004 at 3:35:34 AM GMT+8

2004 年 7 月 19 日 星期一 【晴】

失眠, 心煩, 朝熱汗出..
死啦.. 唔通我"更年期"? (由少年-->青少年-->成年)

===========================
呢排失眠率極高, 有一晚試過訓訓下醒, 之後個腦就好多野諗, 停唔到...
不過呢次多野諗remind 左我一樣應該係時候開工做的野 - 賣靈芝.. 係呀.. 你無睇錯呀..
連保健產品都賣呀我.. 無錢就咩都要做架啦.. 反正應該幾好搵..
不過都係幫我阿姨o者..

所以今日去完大埔個客到俾番部機佢,
之後就打俾潔慈姨...

搭車去深水埗整第二單... 呢單就順利d, 只係個WinXP 個driver 炒左, 當然裝多張8139落去, 佢就detect 到原本果張.. 但係都搞到四點先食lunch.. 不過一向都係咁遲先食lunch架啦, 如果唔係返工...
之後想買番粒"高科技電子零件, 每粒一百蚊"果d.. 但係無.. 唉.. 睇黎隻火牛都係整唔番多...

之後搭車返屋企啦....

=================
回: 豪
數碼港!? 厲害啦..
佢位於香港的南端, 集天地之靈氣, IT界的人才.... (下略一億字)
其實係香港仔再落, 華貴//華富邨果邊...
如果要搭車, 你可以係香港仔搭小巴, 或者係中環搭巴士去..

>>July 24, 2004 at 6:44:40 AM GMT+8