2004 年 1 月 22 日 星期四 【乍雨乍晴】

今日... 年初二... 真係我都唔知點講的一日...


=======================================
今日都十一點先起身,
十二點出門口去表哥屋企(尋日個日記就係佢屋企打的...)
值得一提係我第一次搭到新短Trident (ZF波箱果批).. 真係好勁.. 仲勁過榮哥架戰車(鐵甲將軍..)
話晒都短d 嘛.. 不過咁o既車行46x 真係浪費左少少..

去到佢屋企就係食盤菜.. 同埋寫日記, 仲有吹水...
佢問左條好好的問題, 如果有一間屋俾我地三老表, 我地究竟會擺幾多部電腦呢..?
我諗min. 5 部.. 因為一部workstation for each one, 兩部server (一部Win + 一Linux..)

之後去北角向一眾姨婆拜年...
姨媽佢地講番尋日我未到時, 客人的對話... 點解連我都有興趣知? 一來我八卦囉.. 二來就係...
我係日記都已經提及過呢個人, 就係我阿媽朋友個老公, 極級晒命王...
果條友仔.. 繼續吹水... 當講到我老豆要留錢俾我讀書之際, 佢話: 我d 仔女自己搞掂架啦..
最初我聽以為係攞船(scholarship)咁勁, 點知... 原來係講暑期工.. 好彩我老豆唔係到, 否則一定世界大戰... (p.s. 幾乎有人想出聲, 不過俾我就會唔出聲..)

拜完年就去銅鑼灣打機...
中間發生左段小插曲, 就係我老表覺得我老豆好煩, 煩住晒..
係, 我都知.. 我老豆的確係好煩.. 但係如果我唔習慣的話都做唔到佢個仔啦.. 對左十八年.. 實有方法去面對o既, 例如支吾而對地混過去, 扮聽唔到, 實有一招見效... =)

真係年紀大, 機器壞...
連搖鼓機都玩唔掂.. 炒係隻Can you keep a secret..
今日有試新機 - 三味線(日本三弦琴), 都ok好玩.., d 歌不少係識的(i.e. Sakura Drops)
仲有東京巴士案內, 我玩左算多站啦呢次.. 不過仲未見到彩虹橋.. 我老表玩到.. 唉.... 好似玩碰碰車咁...
World Combat, 真係唔好提, 支槍奇差... 指左面射到右面.. 唉... 夾硬打到第二關..
太鼓.. 太鼓.. ok 啦.. 仲有玩過未試過咁難玩(第一次玩hard) 的沙槌... 話就話d 歌係識(e.g. Limbo Rock, Marcaina)

之後去左World Trade 門口企左一陣睇煙花, 由於太多人一齊走的關係, 所以我地又上番Namco World 打多一陣機..
仲有一定要講的就係十蚊隻必定夾到的Winnie The Pooh.. 好可愛..
所以我都去試下.. 不過俾個節目主持串我手震.. 仲有.. 唉.. 真係夾唔到.. 不過反正夾唔夾到都有得送o既... 要我講五句賀年說話, 一時間口快快講錯左"一本便利" instead of "一本萬利".... 啤啤聲..

等307時, 有人想影我同我老表!? 身後的廣告, 但係又無叫我地離開, 我地以為想偷影我地.. 我無舉中指, 但.. 做左個花面俾佢~

===================================
之後vvvf 打電話, 同我話等左好耐都上唔到車(74x, 75x).. 架架頂閘..
結果佢等左18架車先上到... 幾慘... 不過只係半個鐘的事..
明天佢就會上廣州搭廣州地鐵二號線新車...

===================================

>>January 24, 2004 at 9:13:45 AM GMT+8

2004 年 1 月 22 日 星期四 【乍雨乍晴】

其實果個故事仲有下文, 只不過無係屋企抄出黎..
下文係: 我是一隻HD, 但不太好看....


=================================
尋日.. 發生左一件事係靈魂兄身上...
我覺得好無奈.... 佢... 又反而無咩野...
發生得, 仲有咩野呀? 又咪係果d...

只不過好奇怪, 當佢想搞果野, 我就會唔想, 反之亦然...
所以當我有事, 佢就會安慰我, 但當佢有事的時候, 我就會用番同樣的說話同佢講....
次次都係咁.. 所以我而家都唔係咁想搞.. 但賤咀... 你唔好收手住呀.. 我仲唔想搞住呀..

我同佢其實都受過唔少苦, 係感情路上..
好似我同佢都一直追求著甚麼, 一直都無奈, 一直地等下去.. 等咩? 等運到...

真係上天安排我同佢做到兄弟啦~ =) 有今生無來世.. =)

===============================
今日朝早無任何的拜年活動, 最多只係老豆的親戚來,
還有我的好朋友一家(基哥)來拜年, 我沒有甚麼招呼他們, 只是一套"我的野蠻女友"...
之後銓打電話給我, 說到了老表家...
我就立即搭這個72A 去了 (FY1970).. 發現除了等巴士, 其實大元到車站都只不過是40分鐘.. 比火車慢少少而已... 到了那裏都已經是六點...
那裏很多人, 兩個表哥, 四個表姐, 一個表姐夫, 還有兩個姪女... 兩個阿姨, 兩個姨丈...
數學問題==> 究竟有幾多個人? 原來是十四個人... 我未來的時候還有四個客人..
即是這間屋可以容納17個人... 我表哥真有錢.. 有一間可以容納這麼多的人的屋.. :-)

銓少... 唉.. 我也不知怎說, 他也是我的表哥,
在我和我大表哥的中間...
他居然年初一和二還要返工... 說也奇怪, 我們三老表都是幹同一行業的...
銓少繼續問他的網路問題... 說實話, LAN對他來說不是太過... 可算是一個LAN的Administrator...
除了問LAN問題, 還有是一件很神奇的事...
三老表一起做黑客.. 嘿嘿..

話說銓少公司有個員工離職, 居然把全部excel 檔案加了密碼..
結果三個人... 團團轉, 也想不到任何被夾硬爆的方法更快...
但結果就... 爆7個字的密碼要一整年.. 媽呀...
居然被一個不太懂電腦的人考起.........

返到屋企已是十二點..
(p.s. 這篇日記是在我老表家打的... 怕未...)
========================
回 凱軒
thx.. 新年快樂..
好的好的..

回 我個妹你:
嘩.. 不如試下一至十咁講一次, e.g. 一本萬利, 二xxx, etc la...
無錯.. 新一年, 新開始!

>>January 23, 2004 at 6:18:38 AM GMT+8

2004 年 1 月 19 日 星期一 【晴】

羊年最後一個留言..


==================================
今日好早就起左身出去..(都成九點鐘先起身)..
第一件事係去攞搭Jerry 兄買的kimchi (泡菜)...
第二就係同班世叔伯飲茶.. 佢地今日下午就走, 去一去應該o既...

返到屋企都係例行公事啦, 有咩好做..
不過有d 野想講..

1. 收到一個轉載故事email, 內容如下:
我是一條RAM，我在一台PC裡工作，但我不記得我從哪裏來，什麼牌子，因為我健忘。
我的BOSS是CPU，他是我們老大。說他是PC的首腦，可是我看他腦子實在太小，
比我還要健忘。
每天他總是不停問我，某某page某某address存的是什麼？
我總是不厭其煩的告訴他，可是不出一秒鐘他又忘了，又要問一遍

一次我說老大你煩不煩，你就不能記住點有用的東西嗎？
他說“RAM兄弟，我有苦衷啊，每天不停地算，頭暈眼花的，我也很難過啊。”

其實我不想跟他計較，因為他腦子小沒記性。
雖然說他是我的BOSS，可是每次覺醒來，連要幹什麼都不記得，
都急急忙忙地找BIOS兄弟，“嘿，哥們，今天幹什麼來著”。

BIOS總是很不耐煩地把每天做的工作說一遍，然後就去睡覺。
接下來就輪到我和Cashe哥瞎忙。

在機殼裏的弟兄中，我最喜歡HD(Hard Disk)
他腦子大，記的東西多又記得牢。
他說話速度慢，而且很少說錯，這說明他很有深度，我這麼感覺。

CPU也這麼想，不過他很笨，每次都忘了HD是誰。
開機的時候總要問：嘿，那傢伙是誰？

"st380021a！"我總要重複一遍。

HD很憂鬱，我覺得像他這樣容易讓螢幕blue的人不適合做快速運算的，
遲早會精神分裂，但是他不信。
其實睡著的時候我都把所有的東西都忘掉，但我從來都不忘記朋友。

有個夥伴叫做CMOS，他記憶深處，保存著HD、Device的Data。
有些東西該很快忘掉，有些東西該永遠記得。
我是這麼想著。

BIOS是一個奇怪的傢伙，他老睡覺，卻總是第一個醒來。
叫我們測試，啟動，然後去睡覺。
我知道如果在CMOS把BIOS SetUp選項清掉，他就睡不成，但是看他昏昏沉沉的樣子，
也就不忍心這麼做。
他對人總是愛搭不理，沒有什麼人瞭解他。

但是這次HD戀愛的事件，使我重新認識他
那是很久以前的事了，曾經來過一個USB型HD，很可愛，說實話我也喜歡她。

不過現在除了記得他可愛，別的都忘記了。
這就是我比HD幸運的地方，我把所有該忘記的都忘記了，但他卻什麼都記得。

自從USB型HD走了之後，HD就變得很不正常。
每次他的磁頭經過一些地方時，我們都能感覺到電流很不正常。

“HD怎麼了？”我問CPU。

“誰是HD？”

我就知道和CPU沒辦法溝通，倒是BIOS沒好氣地說：“那個傻瓜戀愛了”。

我不知道什麼是戀愛，因為我記不住東西，似乎有一些人或者事情在我生命中留下痕
跡，
但我都輕易地把他們忘記。

BIOS對我說：“對你來說記憶太容易，所以你遺忘的更快，
生命中能夠永遠記憶的都帶著痛楚。”

我不懂，但我知道BIOS曾被over write，那時他很痛苦，像要死了一樣。
我的記憶是輕浮的，不像他們...
我羡慕他們，因為他們有回憶，而我沒有，從此我也學會憂鬱，
心情不好，我就把螢幕變成“blue”。

HD一天比一天不對勁，終於有一天，CPU對我說：下條指令是什麼來著？

我一看，嚇了一跳：“FORMAT”

“是什麼？”

CPU很興奮，沒腦子的傢伙。

我還是告訴了他。
我不知為什麼這麼做。
HD猶豫了很久，終於說了一句track 0 bad, disk unuseable。

電停了，很久很久，我在黑暗中數著時鐘。

一個月後HD回來了，也許最後的掙扎沒有使他擺脫殘酷的命運，
他被Low Level Format了。
他什麼也不記得，如同一個嬰兒，我們很難過，但這未必不是一件好事，
他以後不用痛苦了。

為了恢復Data，USB型HD回來了。

"Hi，HD"，

她說，
"你不認識我了？”

HD沒有說話，

似乎Low Level Format對他的傷害很大。

過了一會，他說：“對不起，好像我們沒有見過吧...”。

USB型HD顯得很傷心，我能感覺到她帶淚的電流。

“想不到你也這麼健忘”。

“哦...”。
HD沒有回答。

我很難過，USB型HD心裏依然記著他，而他把一切都忘了，但那正是他最不希望忘記
的。
究竟是幸運，還是痛苦，我說不上來，只是覺得造化弄人，有一種淡淡的悲涼。

這時從BIOS傳來一陣奇怪的電流，我感覺到HD的表情在變化，
由漠然到興奮，由興奮到哀傷，由哀傷到狂喜...

“ USB HD，你來了... ”

後來BIOS對我說，其實他並沒有睡覺，自從HD被Low Level Format後，
他就料到會有這樣的結局，偷偷地把一些Data放到了備份裏。

“幸好我是DUAL BIOS，雖然藏得不多，還足夠讓他想起來...”。

我想BIOS保存這些東西的時候一定很痛苦，

“為什麼這麼做呢？”

“呵呵，我們是兄弟嘛”。


PS.
翻譯修改,出處不明
cpu,cmos,bios 電腦零件
RAM 記憶體
cache 快取
HD(Hard Disk) 硬碟
st380021a 希捷牌 80G IDE HD
USB型 HD IBM牌 2.5" IDE HD
Low Level Format 低階格式化
DUAL BIOS 雙bios
預設 OS windows 98
螢幕變成“blue”藍色畫面 當機

=======================
唔知係唔係因為讀電腦的關係, 我覺得好震撼...
心裏有一種無名的感覺, 唔知點形容, 係有點辛苦.. 好似將我的感覺挖出咁..
第一段就係讀CS的人都識架啦, paging, cache 果d ... 好好笑..

但中間果段: BIOS對我說：“對你來說記憶太容易，所以你遺忘的更快，
生命中能夠永遠記憶的都帶著痛楚。”
究竟是幸運，還是痛苦，我說不上來，只是覺得造化弄人，有一種淡淡的悲涼。

好感動, 好一個矛盾... 好一個無奈.... 睇到我好傷感..
今日我突然間放下了理智, 再去思考她這個人... 剛巧佢又icq 我..
講番1 d 野.. 佢仲問我攞利是.. 得, 你要遲過我結婚同埋唔係同我結婚囉...
係到諗, 如果而家可以同佢一齊你話幾好呢... <--得個諗字囉..

但我知道我唔想再諗.. 所以好直接, 我叫佢搵個好d 的人, 言下之意其實係搵個比我好的人.. 起碼唔會發佢脾氣... (話時話, 果件事我到而家都仲未原諒我自己, 我只係體諒我自己做呢件事o既衝動, 但唔會原諒囉...) 大前提係我知佢早就對我無感覺啦... 比我好喎, 大有人在啦.. 容咩易搵...
所以我唔會再有要求囉.... 佢可以免我的罪? 可以嗎? not sure... 係我過唔到自己果關.. 唔關佢事..
二來, 佢真係會搵到o既, 我自己都可以放心將感覺擺番落個心度.... 咁我就可以安心考好個AL 佢.. 唔使諗咁多..

其實諗起呢件事, 真係好荒謬... 仲好白痴..
果陣就苦無方法點樣去令到佢可以安心咁忘記對一個人的感覺同慾望..
到而家, 居然佢突然間咁就忘記左... 所以就係咁無奈.. 這就是人生... 啤啤啤啤啤....
吹啤唔吹啤?

算啦...
學我話齋, 等個天去決定啦...
佢會搞掂架啦.. 唔使我去煩..

講完好舒服.. 好開心.. =)
我知佢會睇我日記的, 但無所謂啦..
我將最真果面俾佢睇, 起碼我會舒服d.. 何況佢返左大陸, 都唔知幾時先會睇到.. 嘻嘻..

明天一醒來, 我會把我的感性overwrite...

============================
回 Someone:
真係估唔到你係邊個..

>>January 21, 2004 at 4:32:02 PM GMT+8

2004 年 1 月 19 日 星期一 【乍雨乍晴】

終於可以放下假啦..
(頂... 呢個日記我已經打左第二次... 真係過份.. 上一個居然落唔到.. 不過再寫過有再寫過的好...)

================================
今日只係返半日..
但絕對唔值得返...
半日時間, 只係做左一樣野, 就係UEA 2003 past paper 連對答案... 真係無聊到啤啤聲...
原本有中文堂... 不過d 人去左測chem.. 數埋都唔夠10個人.. 算吧...
不過今日最有建設性係完成phy TAS report... TAS呢樣野可以永遠都唔再係我生活出現啦!!!!
係圖書館見到小月, 見到佢為scan野頭痕... 死人然十成九係到搞三搞四, 如果唔係點會向我投訴.....

之後同壞人, 然, 景衡行去大埔廣場.. 仲話去打機.. 影都無..
兩點鐘, 食完飯就出去, 係電梯口見老豆同成班朋友(包括一個鬼佬)上黎, 不過我街照出...

首先去香港寬頻到交錢.. 頂.. 上次諗住係櫃員機交.. 點知無HKBN呢個option.. 後尾發現係恆生卡唔得, 匯豐卡先得.. 我真係啤一聲... 又要我排隊.. 其實可以係7-11交, 問題係要兩個工作日.. 佢cut 我線都似... 排都咪話唔耐... 一開始上到去, d 人只係答客戶問題(另一條隊的), 後尾有個大叔嘈先開始收錢... 我都幾乎想爆句: 而家唔係我唔俾錢, 係我俾你唔收.. 我吹你唔脹.. 呢個月就我交左.

之後搭地車落深水.. 搵下april 姐, raymond同阿豪哥.. 落埋新高登.. 最後我都幫小月買左Acer 機果塊面板(頭幅組件).. 不過要做少少手術先真正用得..
去埋永盛搵電容... 都係未有貨.. 唉..

落長沙灣搵檸少(第一次見佢ja..) 買年鑑, 可以有板主價$160買(因為我係ushb.net 第30板板主)..
見到BL15. 不過話時話, 咁多人夾錢開巴士檔.. 真係會好多問題.. 我企左一陣已經好覺呢樣野... 好似各懷鬼胎咁...

之後BL15 送左我上巴士... 同小月傾左一陣電話, 突然發現我忽略左佢一樣野.. 真係... 原來我真係好唔了解佢.. 對唔住呀.. chonman mianheyo..
不過真係要睇住你自己呀你...

居然今日撞到兩個小學同學.. 一個係架72上.. 不過佢見我唔到. 另一個係街到見到, 打左個招呼..
返到大埔去海港食飯, 同埋屋企人同老豆d 朋友去.. 不過好早就散場..

返到屋企繼續例行公事啦..

早知今日返圓玄睇下d 人搞咩啦, 加上Toto姐又返去...

==============================
回 Toto:
of coz i remember u la.... really suprising u leave me a msg now...
well.. for me, i dunno... i dun want to think about love affair, as, i have been thought too much of it..
the god/sky will lead the way.. no use to think much or less...
isaac? well.. i dunno.. maybe he thinks that ... he had a girlfriend b4, now he should have another one without any problem... so .... actually he is better than me in love stuff la...

回 靈魂:
咁我無你咁勁.. 點玩FF....
得閒玩次黎睇下.. =) XDDDDDDDDD
我地玩表情符號o者.. 例如^.^, ^_^, =.=' 之類啦..

>>January 21, 2004 at 1:58:22 PM GMT+8

2004 年 1 月 18 日 星期日 【乍雨乍晴】

好多日都無打日記lu~ 呢幾日都好忙..
我遲d 先補番前幾日日記...
呢幾日, 簡直係天黑黑+冷得我騰騰震...

======================================
返埋兩日學就搞掂啦...
又放假, 但係呢個假應該唔算係假...
雖然尋晚飲左d酒, 但對我都無咩大影響..
今日最慘係要[手羅]1363張紙返學...
死蝗蟲.. 鬼死咁豪氣咁話要影單面, 但佢自己[手羅]就唔關我事o者..
單面, 一來又唔環保又麻煩又重.. 只係為左貪個少少利益(因為影印價錢一樣,但用多左紙就會令影印舖成本上升)就唔理環保... 唉.....
就咁[手羅]都唔係問題, 最慘係加埋落雨.. 簡直想死.. 但我係班會物流(庶務一課).. 無計啦.. 責任所在..

返到去, 飛快咁就進行Phy TAS 實驗... 唔知係唔係個實驗太簡單, 所以好似怪怪地, 硬係覺得唔多妥... 之後因為有基sir 去左日本玩, 所以pure maths 又係空堂, 不過o黎左個miss.. 都係讀maths的, 不過無教過野, 只係同佢傾下計, 玩下計數機咁啦... (機神推介:Sharp 506V)

之後食完飯就係一中文, 兩堂空堂.. 空堂都無時間入306啦.. 只係在圖書館趕TAS Report (上星期五果個)...

放學... 真係唔習慣咁早走... 所以係學校留左一陣... 無野搵野做下...

之後就要返屋企準備一陣補習d 野, 例如notes 啦, 同埋幫Wong J印野...

補完習, 成個人散晒.. 好累.. 仲以為真係一堂講晒In數tim..
返到大埔, amy 打電話問我TAS 結果.. 老實講, 我都唔係好sure 我地一定o岩..

=========================================
唔記得左講..
今日小月同我講佢Account 攞Champion...
佢係掂o既.. 不過矮東瓜實跌眼鏡跌到成地玻璃碎.. 居然俾一個F.5 無讀過account 的人攞到第一... 雖然佢一向有讀LCCI o者.. 但係都係誇張左少少...

>>January 21, 2004 at 9:30:05 AM GMT+8

2004 年 1 月 17 日 星期六 【雷雨】

今日發生左好多事...


===========================
首先第一位...
吹到啤一聲o既剪頭髮事件..
我洗緊頭果陣已經見到洗剪衫加 30 呢句野, 只不過一時間無留意... 覺得只係染髮再加洗剪就加30... 點知.. 剪完, 原本都唔係幾滿意, 點知走果陣, 我俾張100蚊佢, 佢居然找番6蚊俾我... 吓.. 得六蚊咁少? 我問佢剪頭髮幾多錢... 佢話加左三十蚊係94蚊...
我一出門口, 暗想到... x街....
如果唔係我老豆死都要我剪, 我真係得鬼閒... 不過無所謂啦.. 錢又唔係我俾的, 又唔係我話要咁做的... 我咩都唔知..
佢話如果唔剪頭髮過年會行衰運.. 超.. 怕咩呀.. 我都夠晒衰啦.. 最多咪bad同worse的分別... 但係佢一意孤行都無法...

之後約Wong J借notes 影印.. 順手攞蝗蟲叫我幫佢攞的影印.. 最初見UE 一向都唔係好多, 最多咪兩袋.. 點知... 痴線.. 一箱.. 仲要係單面印.. 點攞呀? 今日得Ling姐係到, 我話: Ling 姐, 你玩我咩.. 單面? 佢話: 阿may 姐叫我咁做.. 唔係呀嘛.. 老闆娘乜咁大整估呀.... 算啦.. 身為班會物流(庶務一課)主管...... 無法..... 頂硬上..
原本諗住借單車, 借? 借鬼到.. 沾叔志豪兄果d 飛車之人, 點會裝尾架? 裝定風翼就差唔多...
所以.. 最後都係要食自己...

之後同Wong J入投注站買波... 佢.. 上次曼聯對狼隊佢就真係中晒招... 買左曼聯, 仲要一次七十蚊... 呢次.. 祝佢好運啦..

六點半左右同沾叔, choice 佢金栢食飯(太和), 原本諗住食完飯就算..
點知佢兩隻野話要落pub.. 我其實無咩mood 去飲酒.. 又唔係好開心,又唔係好傷心, 飲得多都傷身啦... 不過佢地叫到, 算啦..
大埔d pub 無咩正野.. 瑪加利特都無..連shooter 都無... 最後叫左Vodka Lime.. 飲多兩野你都咪話唔勁.. 呢次真係wing... 可能無果種心情, 飲酒會易d 中招... 幾乎出事...
不過再加半杯啤酒同半杯cocktail 都.. 未有事.. 仲識得行一條直線... 返到屋企...

不過自始以後, 開始對cocktail 有興趣, 我意思唔係話要成日飲, 做酒鬼.. 只係鍾意研究下... 有咩得意野.. cocktail 其實好得意架.... 有好多種.. 好多古靈精怪...
(p.s. 呢期發現Vodka 係好多變化... 其中有Vodka Lime, Black Russian, Screwdriver (螺絲批, 據說第一杯Screwdriver係用螺絲批搞暈的..), 長島冰茶 - 去到pub 千祈唔好見到Tea 唔係酒就亂叫Long Island Ice Tea.. 唔係真係會死左都唔知咩事, 原來係Rum+Gin+Vodka+Tequlia+Triple Sec.. 小心小心... 好勁架.. 再加糖漿同可樂.. 下次我會試下...)

返到屋企沖涼上網訓覺..

============================

>>January 21, 2004 at 9:23:07 AM GMT+8

2004 年 1 月 16 日 星期五 【雷雨】

今日最值得講o既係 無奈的靈魂..


===========================
佢今日打俾我.. 話佢好無奈.... 又呢又路..
唔知點解, 我反而無左感情上的無奈感覺..
可能習慣左.... 世事本來就無奈架啦.. 都無咩好講..
但係佢真係好怪激動呀.. 好少見佢咁唔冷靜......

又或者可能係我太冷靜..
我同佢角色倒轉左...
佢由以前偏向冷靜同理智化 變為 少少激動同感性..
我就剛剛相反......
佢以前同我講果d野, 例如: 搵過第二個啦, 算啦.. 係無奈架啦.. 之類的說話居然一字不漏咁講番晒俾佢聽.. 真係.... 世事無絕對就係呢種......

我點解會咁?
可能真係睇化晒.... 雖然"閉起雙眼我最掛念誰"... 咁總會係佢...
但係"眼睛張開身邊竟起誰"... 就會係路人甲...
"感激車站裏, 尚有月台能讓我(們)滿足到落淚"..... 我會將個感覺同回憶擺番係心入面就算..
無謂搞... 好累....... 咁車站月台可以滿足o既都唔少.. 例如旺角站, 九龍塘站...觀塘線, 荃灣線.. 東鐵..

突然間, 覺得呢d 野, 你就算點搞, 都係天注定.. 係你o既就會係你, 唔係你o既, 就點都唔會係你..
等於冬戀咁... 惟珍都係俊尚架啦.. 無論相奕點追都係無用... 整定架啦.... 無法.. 所以而家唔會去諗..
你可以話無奈o既, 但倒轉頭諗, 就係唔使煩, 自有安排, 因為都無得煩....

等天安排啦... 慢慢黎, 唔使急.. (最緊要快..)

=============================
今日仲有就係上葵涌整埋d 手尾..
上次整完之後都仲係有問題.. 不過... 最終都係決定重裝晒所有野.. 唔好煩..
其實部機都幾順呀... 只不過係舊少少o者..
之後行左陣深水...

值得一提係而家買翻版碟真係好玩..
首先你要去買飛, 咁邊度大家都知啦....
之後等十至十五分鐘, 收貨地點呢, 居然唔係買果到, 係某個地方(例如某個住宅單位, 地點我都唔知會唔會轉)等叫號碼..例如970到980, 咁你係975 就排隊攞, 攞完係返果到check 有無俾錯你.. 之後就走人...

最後都係落將軍澳... 個客話部機入唔到windows, 但去到, 原來係set 錯外頻...
今日原本諗住係ATM交香港寬頻錢.. 點知, 係無HKBN的, 其它公司就齊晒.. 頂.. 明明話可以係ATM交... 幾麻煩!

九點鐘左右就返屋企啦....

=================================

>>January 21, 2004 at 12:41:24 PM GMT+8

2004 年 1 月 15 日 星期四 【晴】

1月16日...
上年的1月16日... 是一個很傷感的日子...
所以今日一返到學校, 有一種不安的感覺....

===================================
但今年一月十六日並沒有發生任何事.. 很好.. no news is good news.

尋日無補課, 今日就一定要去啦... 連續兩堂Pure Maths 加補課.. 人都癲..
中間時間同有基sir 打波.. 咁先無咁悶..

老實講, 事隔咁耐. 我都唔係好記得發生過咩事lu...

>>January 21, 2004 at 2:02:18 PM GMT+8

2004 年 1 月 14 日 星期三 【晴】

今日唯一做最有建設性就係去左葵涌整機...


=============================
講番隻發瘟企鵝先...
今日空堂落306 試SSH.. 又連到線喎, 打去問佢地有咩問題,
佢地又真係話無問題喎.. 真係啤一聲...
唉... 俾鬼整呀呢期真係... 撞鬼.... 最慘係睇log 又無野睇.. 一切如常... 呢個真係完全啤啤聲..
唯有立即裝隻tethereal去mon住個server... 睇下有咩古怪traffic.. 睇左一兩堂.. 又無咩事..
最後就無理到佢啦..

所以原本諗住放學去柴灣check 機, 而家唔使啦.. 最後葵涌話有事...
又唔多想去補課(唔知點解無咩心機...)
整到七點鐘就番到屋企.. 主要係換左隻mouse, 同埋刪左同裝左d 野...

今日好唔好彩.. 追巴士番屋企(46P)果陣跌左個電話出街... 唉.. 好彩電話無事, 只係花左少少.. 但係加上又追唔到架車.. 唉.. 早知唔追架車...

以前一上46x就會傾電話傾到屋企門口, 而家就聽巴士聲聽到吉之島..

=============================

>>January 20, 2004 at 2:42:26 PM GMT+8

2004 年 1 月 13 日 星期二 【晴】

好多日都無寫番日記lu~ 因為生活真係好忙.... 見諒.. (last updated 15/1/2004)
原本諗住先清後補.. 寫左以前果d 先, 但發現真係無咩可能...
只係今日可以叫做有少少時間咁啦...
===========================
星期一, 最大件事當然係補習啦...除左幫人補習, 自己都要走去俾人補習... 幫人補就係F.4 maths.. 俾人補係MC Chan... 要用我幾個鐘時間加上睡覺時間架喎..
MC Chan 今日有發功... 佢話:
有d 同學一開始就保留實力, 博攞進步獎, 其實呢d 人都好卑鄙! (佢自己都笑)...

估唔到星期一遲入隊, 星期二就遲到.. 唉.. 已經係第二次啦..
撞鬼... 點會咁架.. 一日比一日累.. 年紀大, 真係有少少機器壞..
都唔緊要, 今日最大件事係體能測驗... Sit up, 掌上壓都仲好ok,
但係跑圈就真係出出地事... 會唔係好夠氣咁.. 真係要練番跑海濱... 4分半鐘得11.75圈..
文sir 今日走lu.. 而且係無聲無色咁走, 走到無影... 唉....
一個老師搞左一個學期多少少就走, 你話係唔係有用意?
唔知聽日會黎個咩人過黎啦... 點都好, 我記都會記住man sir 的, as well as 葉sir...
Phy TAS.. 我諗都無咩好講架啦...
一返到屋企, 老銓就問我mail server 問題.. 老實講, 如果佢俾我set 果隻係Linux 我會快手好多囉...
Windows 2003/2000, 我都好唔熟下... 始終Command mode 的人會用番Command mode 的東西..
我居然係Win2003 唔識點restart 個IIS, 但係在linux, well, service httpd restart.. 幾方便!
Linux 下都有Promail 同 Sendmail啦.. 使鬼用要俾錢的咩!!!!!

今日星期三, 最主要都係見到新來的張sir, 代man sir 的．．
是一個好有氣勢的老師.. 今朝先來見面禮.. 一份極似補習notes 的notes.. 似到我都唔多信佢只係一個普通阿sir 寫的..
今日佢唔可以來上堂, 但係放學同我地補課... 佢講野拍得住補習社intensive course 的速度... 真係好快, 好流利, 但係唔似man sir 會睇住我地的進度, 但始終第一日... 佢都幾nice o既, 睇落..
佢叫我地唔好叫佢張sir, 叫佢有基sir, 因為佢叫張有基... 有基(organic)?? 幾得意喎!!

返到屋企, 今晚真係處理左好多野,
首先就係, 呢期禽流感太勁, 搞到連我d 企鵝(linux server)都出左事.. 柴灣果到其中一部同時係firewall/router的server 病左! (點會咁架..) 上唔到網, 但係內聯入去又無問題喎.... 真係啤一聲, 連我都估唔到係咩事... 又入唔到SSH... 聽日如果仲有事就要放學去走一轉....
仲有老銓問DNS 的問題啦...
仲有宇宙黃太果到, 話一部機mouse 失控...
係唔係撞鬼呀... 明顯係俾鬼整!!!!!!

結果我好晚先有得訓...
===========================
回 Someone,
I think i might figure out who u r.. ^_^
ya.. long time no c, well, i feel quite good in these period la...
hope you also feel good la...

回 我個妹你,
如果我無估錯, 你應該唔識佢...
A. maths? 當時我都讀到趴左係到... 好難!
做人, 點解唔做番自己呢...

>>January 15, 2004 at 4:16:41 AM GMT+8