2004 年 7 月 18 日 星期日 【晴】

下了一場給時雨..
=================
除了天真的下了一場雨, 令到天氣涼快了一點之外,
今天有一個新客(其實早就認識的).. 公司係大埔, 上去佢公司整整部機.. 等於一個飢民收到國際緩助咁緊要...
部機無咩野, 只係個ME 入唔到去o者.. 不過個老細都好有""誠意""想大搞特搞..
set 一部linux server, 同埋想一次過換三部電腦... 我諗呢單都有得執..

只係今日部機, 我諗都無諗就唔format 情況下upgrade windows xp home...
我的確有咁做.. 原本都好鬼順利, 仲諗住可以走埋深水埗果轉..
仆街啦.. 裝唔到隻Anti-virus, 而且越搞越耐, 裝完隻anti-virus, 佢居然話有其它prog 搞到佢auto-protect 唔到, 但check過又唔係病毒.. live-update 又有問題.. 頭都痕埋...
結果抬左番屋企整............................... 唉..

返到去, 將要的data 抄去d 到(好彩上一手分兩個partition),
之後就起勢format 隻C, 再裝番d 野, 又無事喎... 叮晒.........

.......

==================
回 淫友:
矮我半個頭, 重我無問呀, 但係都係"不怕艱辛, 減多廿幾斤"果種..
我係打電腦:Need for speed 2.. 我先無你咁淫呀... 淫友....

>>July 22, 2004 at 3:12:27 PM GMT+8

2004 年 7 月 17 日 星期六 【晴】

第二天, 廣州
==================
言則唔習慣人地張床, 但係, 我都訓到好遲先起身..
直至我表妹入左黎, 撞到個風扇我先醒, 不過真係訓得唔好,
訓下醒下, 搞到勁大個黑眼圈..

不過一起身居然唔係擦牙洗臉.. 係打機.. 鬼叫我表妹開左部電腦咩..
隻game 係就係舊d, 部機係就係慢d, 算啦, 好過無...

之後居然唔係食飯, 係行街, 因為要等我媽, 佢去睇醫生(其實佢上廣州的目的都係睇醫生..)
咁我地仲有一段時間先約到另一個阿叔食飯,
所以就去行街.. 今次我終於買到個袋袋啦... 開價90蚊, 我表妹居然一個唔該: "50蚊"...
之後佢叫我走, 我走人之後, 居然個老闆話"你俾錢啦"... 啞晒.....

之後去利園酒家食飯.. 媽....
居然仲貴過香港的價錢, 點心又細碟.. 又貴... 我諗香港都可以食得好好了...

食完飯, 就搭番車返香港, 返到屋企五點幾..
聽日開始開工!

>>July 19, 2004 at 2:09:26 PM GMT+8

2004 年 7 月 16 日 星期五 【晴】

廣州, 自遊行..
=========================
最初我仲諗緊去唔去,
但係阿媽呢次居然話去, 無理由唔支持下架.. (加上老豆阿媽都去左, 我唔去, 無飯食咪要食蕉... 何況家下d 蕉咁貴...)

我呢個起唔到身的人, 最終都起左身, 大約十點幾就上火車, 大約十二點幾就到廣州..
都係架"爛箭"出事... 勁爛.. 又唔好坐, 又唔係快, 仲要"誤點"....
係深圳火車站係咁廣播:"車站接車o既公作人員, 等車o既女仕們, 先生們, 班次特xxx 列車因故誤點x小時x分鐘, 將於x時x分到達..." 不如倒轉廣播有邊班車可以準時到達啦, 我諗會簡單好多...
我今日見到最驚果個誤點消息係廣州車站: 海南島, 未知誤點時間..... - 啞晒...
如果我去等車都唔知點算..
之後見到大堂班次顯示板, 最好笑係走左d 班次仲顯示黎做乜Q... 我都搭唔到果班架啦.. 俾d sense 黎好唔好...

所以大陸人, 起碼仲有十年都唔使追過我地香港人.. 因為我地有sense...

講番呢次旅程, 其實有d 搞鬼.. 又唔買得書同碟, 因為先果排有條友買左十碟引進版DVD,
居然返香港果陣俾大陸海關打六皮野稅.. 痴線.. 我係香港買外國版一定唔使呢個價!!! 人都癲...
不過我都有野買..

首先去食飯(.....)
食完飯行街.. 呢次我買左一條電話繩(係South Park 的, 仲要識講粗口.., 似足我...)
其實仲想買個出街的袋, 不過今日未有睇o岩的....
結果又要去食飯(......)
之後就去左我表妹屋企暫住..

上次表妹去香港, 我做導遊, 呢次佢做番我導遊.. 呢個表妹都算唔話得..
其實佢都幾靚, 只係矮d (我諗矮我未夠一個頭) 同埋肥d o者.. 淫友有無興趣呀... 哈哈哈...

>>July 19, 2004 at 1:53:18 PM GMT+8

2004 年 7 月 15 日 星期四 【晴】

半天假.

點解而家d 颱風名越來越別緻!? 圓規.. 天!!

不過唔知而家d 颱風差左, 定係而家香港高樓大廈多左, 總係覺得以前八號波會好有威力, 倒晒水同埋打大風, 而家打八號波都仲係感覺到風平浪靜..

原本今日要去睇徒弟鋼琴表演, 不過打風取消左..

想話係屋企寫日記, 點知.. 唉...
又down 左... 呢次睇黎係php 問題..., 見到forum d 人講..
所以webmaster 抽走左黎試, 因為見到server error msg 指出apache 版本係1.3.27, 唔係之前的2.0.40... (你估有無人會針對1.3.27的漏洞去打個forum 呀o拿????)

早就講過有問題架啦, 又唔信...

================
我都係果句, 收得人錢就應該要做得好好睇睇..., 呢句永遠係我做人格言,
d 客信我, 仲介紹其它客俾我, 絕對唔係因為我收得平(其實我收得好貴 - 所以你地唔好成日話我做爛市...), 只因為我執住呢個宗旨..
雖然showhappy 無收我錢, 我仲未係VIP 會員, 曾經有一排我想做VIP, 但係而家咁我一定唔會, 反而考慮hkflash 或者同樣免費的xanga (我有account 架啦..)
但係呢次server 問題, 都同樣影響其它VIP user 的使用權.. 咁即係俾錢都晒gas 啦...

如果showhappy 唔係一個基督徒的community, 而係一個full commerical 網站,
我諗佢都已經俾人complain 左N咁多次, 個forum 上面有N^N咁多句粗口...

成日話神有佢自己安排.. 吹咩水.. 神只會賜你力量, 賜你智慧, 但唔會幫你整server....
你唔做野, 神都唔會幫你啦.. 我就算唔係基督徒我都明呢個道理啦..
五餅二魚到今時今日, 係一個寓言, 唔係一個呢一刻現實可執行的事件.. 唔該搞清楚先..

所以server 一壞, 千祈唔好用上帝做擋箭牌, 唔好失驚無神搬個約櫃出黎, 多謝合作..
以自己的力量, 務實地解決問題, 包括裝番晒server d patch 同埋試清楚仲有無bug....
......

>>July 18, 2004 at 1:43:07 PM GMT+8

2004 年 7 月 14 日 星期三 【晴】

今日返工,
不過話就話返工, 實際上今日最最最緊要係睇戲...

一支公!? 成日架啦, 呢樣野唔需要多講.. 唔通我call 淫友去到咁遠咩..

呢個遠方就係連我都係第一次去, 但係同我公司又只係無幾遠路的.. 數碼港(Cyberport)
放工搭小巴入去其實都好方便, 只係入到去, 老實講都唔係好cyber o者..

不過一去到戲院門口見到有人係到拍戲, 不過我估係拍廣告片.. 因為佢拍的內容唔似係拍戲,
係一個女人, 係個車頂到行去車頭, 再用wire 令到個女主角可以凌空行.. 不過咁簡單的特效, 用電腦做出黎都得啦, 我見到佢NG左無限咁多次..
======================
今日睇的戲係 - Spiderman 2..
Spdierman 1 我無睇, 但係我都大約知道個故仔講咩..
故事內容就唔多講,
但係我好鍾意Spiderman 2 可以從令一個角度去睇一個英雄..
因為好多電影都好英雄主義咁去睇一個英雄, 即係好unbreakable, 同埋prefect 的一個人或者生物..
但係spiderman 2 就講個蜘蛛俠其實都有生活上的問題, 例如為左做spiderman 搞到溝唔到女, 心情唔好果陣會無左能力搞到仆街.. 或者讀書都唔可以好好咁讀(掛住救人)之類啦..
佢有諗過放棄做spiderman, 只係想過一個平凡人的日子, 連件戰衣都丟埋.. 咁樣生活起碼都過得去, 有錢交租, 而且有機會溝番果條女(Mary Jane)番去自己身邊.. 但係內心佢不忍, 加上佢阿嬸同佢講, 人要為正義放棄一d 野.. 即係果種""現實v.s. 理想"" 之類的問題, 要做一個""魚與熊掌"的決擇..所以的確係好好睇..
當然啦, 俾我拍個結局一定係Mary Jane 同第二個結婚, 之後Peter Parker 就繼續孤單地做spiderman, 類似"The spy who shagged me"入面 Dr. Evil 講果句, "Save your girl, or save the world..." 唔會俾佢兩樣野都有先合理..... 或者我真係一個鍾意睇悲劇, 認為悲劇先至係夠現實的人...

========================
結果因為睇戲, 唔記得打俾果個去韓國的同學,
我話教佢講 "廁所係邊到" 的韓文.... sorry 呀..

>>July 18, 2004 at 10:22:37 AM GMT+8

2004 年 7 月 13 日 星期二 【晴】

原本今日要上廣州, 但係, 始終都無上到去,
因為有野做嘛..

今日約左一個即將去大韓民國的同學出黎,
當然唔係教佢韓文啦, 我講佢都唔會肯聽同記得架啦..
我只係俾底d 上次用剩的won 佢去幫我買這個泡菜...

我約係太和M記等, 諗住好醒, 可以睇到有無72走左(我之後要搭72). 仆街.. 點知係連架車走左都唔知, 搞到遲晒到(如果明知走左可以搭火車地鐵)...

結果等加搭72, 用左一個幾鐘頭..
約左一個阿sir 俾電池佢搞到遲晒大到.. (我約左我阿sir 係長沙灣), 之後上去做野又遲埋...
間公司話想唔到網喎, 其實我都估到壞咩架啦, 係網上行隻router 有問題,
我一restart 個router 就無事啦.... 不過整埋少少野之後走人..

約左淫友去沙田打機,
去到沙田, 食飯打機, 去埋玩員反斗城行左一陣就走人啦..

>>July 18, 2004 at 10:01:39 AM GMT+8

2004 年 7 月 12 日 星期一 【晴】

淫友今日終於返黎...
不過呢, 我感覺上好似無上年返黎咁熱鬧...
好似各有各忙咁.....

========================
我當然係無去接機啦... 六點鐘, 我咪即係五點鐘要搭車.. 攞命咩..
不過我已經早一日叫做志豪兄幫我搞活動...

佢返黎我就約佢係莫記一齊返去, 因為今日係莫記last day..
我.. 唉.. 好遲先起到身.. 佢話呢程飛機好穩定.... 好準時到香港...

返到去都不外乎見下CK, 熊銘同埋其他老師.. 只可惜唔可以一齊食飯,
結果幾個人落左去大埔墟食""焗蜘蛛""...(嘩.. 焗蜘蛛食, 真可怕.. 不過如果明我講咩就會無感覺..)
食完野四條友(計埋立仁兄)走左去旺角綠盒子唱K..... 我都真係好耐無唱, 因為上次有人約果陣, 我聲沙無去到.. 今次仲唔唱番夠本!?

不過我而家反而鍾意唱下rap.. 唔使出聲嘛...

之後淨番我同淫友返大埔....
佢真係係咁問我有無女介紹俾佢.. 我點會有呀...

>>July 18, 2004 at 9:16:34 AM GMT+8

2004 年 7 月 10 日 星期六 【晴】

淫晒, 真係淫晒..
我真係吹到啤啤聲, 呢個showhappy down 率都真係好高, 呢d 野容後再講..
========================
結果因為日記系統有問題,
我已經唔記得左上個星期日發生左咩事..... 哈哈哈~

>>July 18, 2004 at 9:07:38 AM GMT+8

2004 年 7 月 9 日 星期五 【晴】

今日是基哥生日.. 生日快樂.. 19歲啦~~!

===========================
因為尋日太早起身, 今日要訓番夠本.. 不過越訓越頭痛.. 唉.. 唔知咩事..

食完午飯就去同基哥慶祝生日了..
其實也沒有甚麼活動的, 只不過是落了開心玩了兩舖photo-hunt (p.s. 而家photo-hunt 居然有av相.. 真係.....) 之後就去佢屋企, 食蛋糕...
我後尾聽番佢個妹講話有d 唔開心野發生過, 始終基沒有我這麼開朗.. 整天也好像心事重重的.. 找天一定要找他傾傾... 佢今日講番上年生日不開心的原因.. 說真的, 要是我生日那天發生""此等事情"", 我也會很不開心...

之後另一個小學同學凱軒又去埋佢屋企, 食完蛋糕坐左一陣,
三個人落街, 打左幾個圈.. 居然撞到另一個小學同學.. 真係o岩!

之後坐係平台花園到傾心事.. 好開心, 好少機會我地幾個會咁傾..
不過天氣好似就快變壞, 所以食埋個M記2蚊雪糕就走人啦~

返到屋企, 試試新game - 富甲天下4.. 其實都唔算新, 只不過我遲買黎玩o者~
===========================
原本諗住幫人幫到底, 送佛送到西..
問多幾個師兄師姐, 幫人攞多d 資料, 問多句o者...
結果俾人話"none of your business".. 唉.. 心淡...
其實我係想同果個人講, 你聽番來的資料始乎好似同我得到的資料有出入, 想叫佢真係要問清楚d.. 不過算啦, 佢都講到出口, 免得枉作小人.. 佢的事, 留番俾佢閣下自理..
幫人啦, 下場就會是這個....

我諗以後唔係熟的朋友, 我是會袖手旁觀的, 我要開始識得行使唔出聲及支吾以對的權利..

>>July 10, 2004 at 3:01:41 PM GMT+8

2004 年 7 月 8 日 星期四 【晴】

終於放榜啦, 死啦, 死啦, 死啦..

不過其實同預計之中的成績差唔多,
只係原本諗住篇排唔係咁o者...

Phy - C
Computer Studies - D (唉..)
Pure - F (灰....)

CLC, UE - C

如果呢個config 讀business 就好o者.. 但係讀Computer Eng 就死梗, 呢次都要揀番Computer Sci. 不過其實我都好求其o既. 而家得番UST 同CityU的CS, 仲有Poly 同BU可以揀, 總之係大學的deg 就得架啦.. 我唔mind cityU. 反正入面我都算知道有咩野可以讀.. 起碼lang. 我可以揀韓文先~

同時, 我都見到我地班都算幾多人喊... 或者佢地要求好高, 你知我一向都好求其, 所以要求唔大..
不過...

Computer Studies 居然得D.. 其餘兩位有C.. 問題唔再於比較, 係我應該C架嘛.. 我真係頂自己唔順..
算唔算自己拆招牌..... (-.-') 何況我係今年學科獎得主.... 唉.... 痴線..
pure 我就預左死架啦, 我都無所謂, 但係中英文C 就真係搞鬼... 我都估唔到呢兩科會C, 情況就等於當年會考點都諗唔到中文攞B一樣...
不過我又唔係讀商科.. 有鬼用..

我又浪費左個校長推薦.. 我覺得對唔住其他申請左但係又攞唔到推薦的人..
或者我應該擺UST CS 先過CSIE 先o岩!

不過算啦...
過左去就過左去..
應該向前望, 珍惜現在的一切一切... and this is for all of you guys.

雖然失望唔只我一個, 但係, 我地都要努力..
特別係, william 兄 (i dunno if you read my diary or not... haha..) 我地都要努力..
======================
放完榜, 大家的心情還是不三不四.. 結果同班frd一齊食完飯之後去睇戲..
去到戲院門口, 淨係睇咩戲都搞左一大輪.. 我又睇過菠蘿油, macro 睇過我要做model, 木馬又大部份人睇過, 史力加2又無場, Spiderman 都有兩個人睇左, Harry Potter 又無人有興趣.. 結果, macro 無入場, 我地其餘人就走去睇我要做model.. 老實講, 除左菠蘿油之外, 呢次真係破晒例.. 我諗大家都知我唔鍾意睇港產片, 特別係呢類片... 不過有時笑下又無妨o既, 如果係一大班人的話.. 我一個人一定唔睇呢d 片, 因為無地方可以思考...
講番呢齣戲, 我可以簡單到話係低級趣味.. d 賤位同笑位好多..... 當然都有純笑不賤的位o既..
粗口仲多過我.. 我已經多架啦..
成齣戲最好睇係林嘉欣.. 超白超索.. 同埋係少有笑得好甜果種女仔囉.. 當然啦, 一開始果個林嘉欣真係嚇親, 所以化妝真係好重要!! 哈哈哈..

唔知我有無同大家講過我俾幾個人話我似鄭中基.. 不過如果有林嘉欣咁正的女友我又唔介意.. 哈哈哈..

叫做落過新基地打機, 居然撞到勳爺, 不過都唔surprise o既.. 佢都係機舖蒲友...
我又一隻手玩fing 手.. 哈哈哈..
沙田又有番搖鼓, 但係頂... 個sensor 又係有問題, sense 唔到右上角, 結果第二隻歌已經炒晒..game over...

結果... 結果走果陣我去太和搵榮哥, 陪佢食飯and then 我番屋企lu~

>>July 10, 2004 at 5:41:57 AM GMT+8