2004 年 7 月 7 日 星期三 【晴】

放榜前一日..
其實根本上係無野做.. 或者係我唔想做o者...

這種心情, 難以形容..
所以成班人夜晚出左去食甜品.. 有我, 乾, Wong J, 蝗蟲(後尾加入)..
首先去打機...都係果句, 開心無咩野好玩, 結果落左去i-game.. 不過真果句i-game 真係雜好多好多.. 好多金毛飛.. 真係怕怕..
結果打左一陣就走人啦.. 大約十一點走左去rainbow 食甜品..
(話時話, 我始終唔係咁鍾意rainbow 的甜品)

食甜品之前走左去影貼紙相...
好似遺照..

食食下居然撞到amy 同香嘉玲....
結果無一齊食呀.. 佢地驚熱, 唔想坐出面喎...

======================
我有好多蛋撻, 仲有好多道理..
有無人想食?

>>July 10, 2004 at 4:23:27 AM GMT+8

2004 年 7 月 6 日 星期二 【晴】

如果我話我唔驚高考放榜, 我擺明就厄你啦...
不過後路都幾多, 而家倒番轉諗, 其實校長推薦其實都幾無謂..
因為如果pure maths 死左, UST同HKU果兩個temp. offer 都係無鬼聊.. 因為UST果個要Pure 合格, HKU仲變態, 3個D...
所以pure maths 死左, 我諗我得番UST CS, PolyU IT或Info. & Multimedia, CityU CS 四樣野...
咁無校長推薦又咪一鬼樣.. 車.. 吹晒水..

今晚同一個識左好耐的frd - 葉公子傾計,
前果排中大Info Eng Camp 見番面.. 其實我的確係同佢幾熟,
佢係非中大不入, 因為佢sit 左一年堂, 而且佢的目的唔係讀書咁簡單, 係要技術性擊倒一班考高考A考B的人... 不過對我呢個講實際的人, 簡直係無聊.. 俾我的感覺唔知為咩.. 好唔現實..
但我卻諗番以前的我自己..
由細到大, 原來我都有好多好多遠大的理想, 好多夢想..
只不過初中的生活, 初中的經歷實在太可怕..
可能我沒有跟太多人說過, 要是沒有那幾個朋友, 我早就死掉了...
許多許多的夢想都未能實現, 一切一切都變成現實主義..
我這位朋友還有夢想, 而我!?
我只想讀完大學就出社會做事, 每日返工放工就好了.. 最緊要是穩定....
對於感情, 我已經沒有想過會有一段任何形式的感情..
生活就是一個人, 安安靜靜的就算了..

看來我是一個行屍走肉.....或者是一個機械人...

>>July 8, 2004 at 5:38:58 AM GMT+8

2004 年 7 月 5 日 星期一 【晴】

由於尋日公司野大部份都搞掂左,
所以今日無返公司..

唔記得左講, 尋日等我個frd 果陣見到條友係始創中心商場果到,
一路行, 一路聽住個walkman 都唔係驚..
最驚係條友一路行一路聽walkman 一路hiphop... 果下問你怕未!? 仲驚過周街見到cosplay girl...

今日反而去左整潔慈姨部機.. 維港灣果到.
去之前同尋日果個frd 食lunch.. 其實呢個係我一千零一個見過面又唔係巴士迷的net frd..
佢係一個今年考完會考的女生, 不過我覺得佢性格好男仔, 老實講連樣都似男仔... =p

我去到維港灣仲以為間機舖執左, 後未走先發現, 有一條秘密通道入去的.. 哈哈哈..

只係裝返d software 之類工作啦.. 不過好笑在CorelDRAW 11 係開唔到CorelDRAW 9的CDR檔..
我真係r 晒頭..
send 番公司叫基少幫我開開, 點知又係唔得, 反而攞隻Adobe Illusatior 居然又開到喎..
你話corel 係唔係要收皮.....

結果我都係七點幾先走..
返屋企搭72x, 等左超耐先有車.. 唉.. 好心九記係呢個時段就係荔廠出S 車啦..
旺角道d 客話等左20分鐘.. 哈... 司機(魏先生, 上月HF3094 司機)話塞車返唔切車..
吹咩水.. 旺角道日日都塞架啦....
反而我覺得係前車司機開早左先會搞成咁...

不過九巴應該真係要係荔廠派至少兩班S字軌先掂..

>>July 7, 2004 at 3:36:45 PM GMT+8

2004 年 7 月 4 日 星期日 【晴】

今日都返左公司一日咁多..

原本今日我係同7S班友入camp o既,
但係我病鬼左, 費時啦, 三晚唔訓喎, 我驚又病番..
但係家豪又去... 真係奇怪..

結果返工, 整埋個fax server..
呢幾日其實一路都有整, 但係就對住隻mgetty+sendfax 就老鼠拉龜..
結果今日把心一橫, 夾硬裝metamail 行hylafax.
呀車... hylafax 正好多, 完全o岩晒路.. 一裝落去正晒..o岩晒咀形, 仲可以自動email-to-fax 轉做pdf format, 真係掂一掂都無咁掂.. 正合吾意.. =) 結果唔使一日就做到, 真係撞鬼.. 早知早d 做呢樣野啦..

其實今日都幾好笑, 話說marco 下午打左個電話俾我, 話佢打算[手查]車去西貢入去個camp site 到探佢地o既, 最初我都應承左, 但後果根本就去唔切, 再加上我仲要早d 返屋企, 所以結果都無去..
幾乎累marco 要做司機.. sorry 呀!!

我首先要去太子俾野一個朋友, 仲有就係大圍俾野我老表..
返到屋企都七點幾... 去鬼去馬咩!?

============================
放榜期近, 其實我都好驚,
因為pure maths 十成九都會fail, paper 1同2 咁o既分數, 真係無眼睇..
如果pure maths 唔 fail 就好啦, 我揀大學..
但係十成九就係大學話唔收我, 結果又唔使死o既, cityU都ok gei, 我無所謂..
有U就算啦..

>>July 6, 2004 at 2:39:03 PM GMT+8

2004 年 7 月 3 日 星期六 【晴】

今日留係屋企打機..

不過阿媽叫我落街一陣喎..

結果係大埔中心行左一陣已經撞到三個YY2同學, 1個MST同學..
分別係兆興同佢女友, 同埋肥B.. 不過佢地都見我唔到..

返到屋企又係打機... -.-"

>>July 7, 2004 at 4:48:13 AM GMT+8

2004 年 7 月 2 日 星期五 【晴】

因為病, 結果走去食成藥..
其實係上次病餘下的藥, 再配而已.. 你咪話都好貴.. 百幾蚊.. 同睇一次醫生差幾十蚊....

不過我真係唔食得西藥.. 結果就手震震震震震..
====================
話說尋日無出到去, 今日要走兩轉..
原本只係走早上果轉長沙灣就得, 果到就好快搞掂o者..
set 番部notebook d outlook express 諸如此類啦...
跟住一條友走左去食飯..

但係公司server 有病.. (同我一樣)... netatalk service 有事, 所以要開全日工..
結果我重新complie 過netatalk 一樣無用..
原來問題係... .AppleDB 炒左.. 唉.. Apple 野都係好怪架啦..
Windows 就簡單直接好多.. SMB, 不過linux 仲正.. NFS 走天涯.. 哈!
或者可能係netatalk 衰 o者.....

我老豆都有去, 因為要整電箱..
但係走果陣, 佢舊同事約左佢食飯,
我自己一個返屋企..

>>July 5, 2004 at 3:50:29 PM GMT+8

2004 年 7 月 1 日 星期四 【晴】

原本今日要開半日市,
結果..

今日東主有病, 休息一天

結果成日係屋企打Battlefield Vietnam.. 仲要係一間冷氣房.. 正到爆!

=======================
回 兩位:
唔使咁激動..
我正常係一年病一次, 但係因為呢排操勞過度加上天氣的錯..
所以半年就病..

>>July 3, 2004 at 2:19:48 PM GMT+8

2004 年 6 月 30 日 星期三 【晴】

香港回歸七周年!! 不過同時係遊行..

好老實講, 今日天氣咁很熱, 真係唔知訓低幾多件..
呢期d 天氣唔指係熱咁簡單, 係焗.. 今日雖然紅假, 但係我都要幫一個新客上門整機..
其實都係frd 介紹, 不過佢d 時間好難約.. 所以結果今日都要開工..

開工前去睇中醫, 因為身體不適..
我都知鼻水流到七彩, 只係向內流, 無流出黎o者..
尋晚食左藥就好訓左...

今日只係出左去半日, 下午同個客同佢個frd 一齊食飯,
之後兩點幾已經返到屋企..

食完藥, 鼻水開始向前流.. 天!!!
============================
今日有一個frd 同我講佢去左遊行.. 我問佢為咩?
佢俾個reason, 居然係而家所謂右派的所作所為..
thatz why 我唔會去遊行囉, 因為係呢個所謂的右派發起... 我係中立, 所以唔會做任何野..
加上我係中間偏左的..

============================
回 凱軒:
ok 啦.. 病囉.. 無野o既..

>>July 2, 2004 at 12:04:56 PM GMT+8

2004 年 6 月 29 日 星期二 【晴】

又是返工的一日..

我都話左今年我好黑架啦..
今日只係想一部600E換一部533,
頂.. 一換完之後上唔到網, 仲要係上到d 唔上到d, 但係我明明測試過晒先搬去人地o既位到...
原來係cable 太長... 咁就仲奇.. 因為原本部機又唔會有事!
結果我cut 短左cable, 居然又真係無事... 真係... 明乎其實:痴線.

原本諗住早d 去太子另一個客到, 點知搞夜左先放工..
話時話, 今日咁o既天氣, 等無咁熱先走都好合理.. 好彩放工果陣無落雨,
我又無帶傘.. 所以落大雨都幾麻煩..

最慘我又病左呢.. 尋晚因為鼻水倒灌落喉嚨到, 搞到成晚訓唔到, 所以今日好累..
結果今日朝早食一次藥, 所以返工更加累, 但係又無咩效..
訓前食勁d 的藥, 叫做訓得好d 囉..

>>July 1, 2004 at 8:51:20 AM GMT+8

2004 年 6 月 28 日 星期一 【晴】

原本尋日話去睇戲, 但今日先都一樣無壞..

大角咀果到又印唔到野啦.. 仆街.. 不過今次只係cups 要我按一個print 掣.. 吹脹左..
不過下次真係唔好係linux 用host printer .. 要等好耐先會有print out..

============================
之後落葵涌俾野個frd, 食飯, 之後就一個人搭車落奧海城睇戲..

呢次係: 麥兜．菠蘿油王子
我覺得呢齣絕對唔係小朋友睇.. 勁串, 勁政治feel.. 例如: 做AO要識詐死, 撒瀨..
社交活動係:"咁o岩o既!? 食左飯未呀!? 得閒call我呀..." 超賤..
當然果d 問非所答今次都有啦..

睇完戲, 諗住搭車返屋企... 都唔知咩人黎o既, HC8726已經係廢架啦.. 個司機仲廢..
我落車果陣扮睇佢職員編號嚇鬼佢(p.s. 我無帶眼鏡, 所以睇唔到).. 哈哈哈..

>>July 1, 2004 at 8:26:22 AM GMT+8