2004 年 5 月 6 日 星期四 【晴】

呢個日記我居然打左3次.. 幾過份..
每次都係因為唔覺意按了Ctrl+W 所以要打過... 結果把心一橫用記事本打左先..

今日係長沙灣工作Day 4 (last day)
同埋中文Oral 考試..

一落72, 家豪就打電話黎.
話說我地o既一級工程師Wong J 尋日打波又整親舊患, 所以就要我去幫佢砌起部機佢..
好彩長沙灣的工作唔多, 一點就走得, 搭車落馬鞍山只係兩點.. 兩條友,
食飯, 之後開工..

部機砌又唔難呀, 問題係ATI Driver 有d 事, 如果用setup 就會拖到部機勁慢,
結果要用system restore 之後再用裝置管理員裝......

5點9去搭車, 諗住大把時間剩..
點知架85k 鬼死咁多人上, 幾乎連車都落唔到..
去到諗住o岩o岩好, 點知報到室已經點晒名, 我因為係改期的, 個主任仲要話: 改期仲咁遲?

個人短講題目: 中學生最憎恨的一個人, 我話係學校訓導老師, 講得唔係咁好, 剩1分鐘.. 危險..
但係小組討論呢, 幾好就係個題目: 為政者不在多言, o岩晒咀型.. 係咁吹..

識到個恩主教同group的人,
佢都識Wong J, 同兆興. 不過佢係d 勁人, 目標係要攞A果d 人, 使我望塵莫及.. 等於一架3ASV睇住架法拉利遠去仲食晒塵一樣....
我有佢icq 架, 但係我icq 壞左add 佢唔到ja...
佢真係勁, 目標係精算.. well.. what can i say...

同呢個人一齊搭車返大埔, 我就返屋企啦...

>>May 9, 2004 at 9:37:00 AM GMT+8

2004 年 5 月 5 日 星期三 【晴】

長沙灣工程Day 3.

今日工作就係裝一部新電腦, 聽落唔難, 但實際都唔難..
今日成班frd 走左去打波, 1 來無人叫我, 2 來我有野做.. 3 來我唔識打, 所以無去啦..

今日簡直係極速裝機皇, 係有人幫手上螺絲, 5分鐘左右就搞掂(只係hard disk 同cdrom, 無卡就當然快啦..), 因為要就果間公司搬屋拜神... 所以要快就整完..
午餐其實就係拜神燒味... 哈.. 算吧... 對我來說還可以的... 只不過四點幾先有得食, 餓到有點腳軟..
之後整下等下睇下, 大約七點幾走.. 原本諗住可以聽日唔使黎, 但係.. 佢少一條Printer 線.. thatz why...

之後搭6c 落旺角同老表去睇數碼相機, 佢終於要買lu... 因為同佢都快將要去美國影相....
佢都係買Canon A80 架啦, 係我sales 一輪之後..
不過同場, 有另一個人買A80, 另一個就A75.. 無計, canon 數碼相機係勁...

之後吹一陣水就番屋企啦.. 唉.. 又十點先有飯食..

講起今日都幾得意..
72第一程係trident, 最後一程72x都係trident (HX6550)
真果句, 我唔鍾意trident, 雖然好力, 但係好嘈, 好震.... 我都係鍾意超豪...
俾番d 3ASV我......

唔記得左講, 由佢地開始拜神果一刻起, 我簡直係辛苦到想走..
因為最真切咁明白到咩叫做:

感情像在車裡漂浮空中的煙灰
越是揮手想凐滅
越是薰得人忍不住掉眼淚　掉眼淚

因為拜神燒香, 果d 煙真係太厲害啦..

>>May 9, 2004 at 6:13:55 AM GMT+8

2004 年 5 月 4 日 星期二 【晴】

今日係體驗multi-tasking 的一天...

長沙灣工程Day 2.
很有趣的是, 尋日我係坐同一架72(老虎蘭, 應該係原73A的), 同一個司機..
車又勁, 司機又勁.. 好快到.. 不過可惜塞車... 大佬ben 係咁吹我.. 無法啦...

去到, 今日的工作就更多更密了..
要插好d switch, 插埋隻router, print server..
好彩尋日做的socket 問題不大, 但係工作又多又繁複..

似乎ben 只係想我幫佢今日之內完到晒所有野.. 但係, 有d 野根本係唔需要做的... 例如有一部機係講好聽日會換過部, 我認為就不如唔好理佢, 等佢聽日換機先搞埋.. 但係ben 就因為要為左做晒俾客先, 叫做完左單工程先為由, 點都要我整埋佢, 果部機個pci slot 有少少事, 簡直係多舊魚..

最頂係佢地起碼有兩部機係無lan card, 睇黎佢以前跟本就無網路...
唉... 唔怪得有四部printer 咁多啦! 但係買張卡去裝, 咪就係投先所講, 有一部機個pci 有事囉!

算.. 結果俾人追殺的情況之下極速上左2F 去黃金... 跟住就係multi-tasking 啦..
點解? 家豪要quote 一部新機, 志豪兄+賤健又quote 機, 我自己都要quote! 嘩.. 不得了..
april 姐發死啦真係呢次....

raymond 都俾我搞到r 晒頭, 因為過去搵機箱果陣, 佢地兩位都係4602 機箱, 我果部就聽日先..

wong J 個死仔包, 行行下講話: 如果呢個時候見到架72, 你估會點呀? 我答: 咁就仆街啦..
點知就即刻見到架72! 呢次真係仆街啦..

返到屋企, 成十點先食飯.. 唉..

回: 你係邊個??
得啦~ 家豪兄..

回: 賤健
係呀.. 所以firewall 係好重要的..

>>May 8, 2004 at 5:40:11 AM GMT+8

2004 年 5 月 3 日 星期一 【晴】

今日開始要返長沙灣開始搞一單網路工程..
呢個地方我都係第一次去, 而拍擋就係Ben哥(係大角咀果單野認識的..)
佢係考pure maths 果日已經搵我, 但係結果到今日先去跟...

今日的工作就係去考察環境.. 線呢, 就已經拉好.. 我去到只係打頭,
跟番d 電腦的工作.. 但係今日見唔到電腦, 所以做下線d 工作先..

今日都算早收工.. 四點幾... 家豪要買hd, wong j 又出黎, 所以我就要等佢地落黃金..
我放工果陣佢地先係大埔(家豪當然係馬鞍山啦!)
所以我去左搵一間好有冰室風味的茶餐廳坐底.. 真果句, 好有果種拍黑社會電影, d 人坐底講數果種冰室. 加上原來我做野果到(麗新商業大廈) 係有機舖架!!! 正.. 不過只係得Time Crisis 2 o岩我玩.. 不過我好快就瓜左啦...

之後再慢慢行去搭地鐵落深水埗... meet 家豪 and wong J.. wong J又遲到...

我地將近俾錢果陣, 阿文(sales)居然話IBM Pentium 3 好大機會用唔到120G咁大... 所以最終, 今日係變左行街街... wong J 雄心壯志地想考MCP.. 好.. 不過本本英文教材都貴到仆係到... 唔緊要啦.. 等下臺灣譯本啦.. 平好多架...

>>May 8, 2004 at 4:14:28 AM GMT+8

2004 年 5 月 2 日 星期日 【晴】

今日終於考完晒AL, 只係仲差CLC Oral..

第一份卷, 炒炒地.. 好難, 做唔晒..
搞到我一路食飯一路狂爆粗... 好頂呀.. 都唔知點解會搞成咁..
第一條, ANSI C, 完全唔知發生緊咩事... 只可以撞.. 唉...

第二份卷仲諗住好難, 但係呢個CS Paper II 居然係我AL 第一份可以做得晒仲要有時間剩的卷.. 哈哈哈.. 不過都係好大意呀.. 有野做錯左.. 不過算啦...

為左賀一賀佢, 三個北區同大埔代表(哈哈哈!因為得我地三個係北區同大埔讀電腦) 去左黃金行街.. 呢次係第一次, 我地三個咁玩法.. 但係坤要走先, 我就約左ben 哥去買聽日果單野的用料.. 包括router, switch 仲有其他網路野啦..
之後返去大角咀間公司之後, 坐一陣就返到屋企啦..
返屋企係架72x到, 我終於見到架LJ7006 (九巴最新型號巴士 - Volvo B9TL)..

返到屋企, 有一個3c 同學仔部機壞左(唔使問.. 仲左呢期果隻新毒... )
所以抬左部機返屋企...
我老豆又係嘈.. 我真係唔明, 又唔使佢做, 佢都係要嘈, 又話我蝕底又呢又路... 我對朋友一向都好架啦.. 吹咩水o者.. 佢朋友叫佢整個抽油煙機又咪仆到去... 我已經費事回應...

只係重裝windows.. 頂.. 部機都唔知係唔係o既.. 佢阿媽,
千瘡百孔... x! (粗口) 都唔x明, 用咩magic pro.. 機箱d 燈都壞9晒.. 連 display card 上的風扇都唔識轉, 搞到張GF4 MX440 chips 勁熱..
連floppy 條線都倒轉插.. 想用得個floppy 都幾難..
最好笑係分partition, 唔fix disk 就想分.. 唉...

結果今晚諗住收工.. 點知隻死人Norton Inet Security 搞到我要裝多次個XP (因為同我撞左..)
我諗聽日都要做一段時間lu.....

>>May 6, 2004 at 10:36:39 AM GMT+8

2004 年 4 月 30 日 星期五 【晴】

大家有無聽過呢隻歌呢:
When I was more, and chirstmas tree were tall, we used to love while others used to play.
呢隻歌就係BeeGees 的 First of May (應景....)

今日又玩左大半日... 哈.. 我諗CS 都係打天才波多lu...
今日同阿wong J 去打機, 原本唔只我地兩個, 但係stephy 同amy 無去到, 但係兩個男人去打機就可以玩得放d...
去完開心, 去埋i-game..
打完機去行一陣大中, 睇下電腦野.. Wong J成日話想換display card.. 換囉.. ATI Radeon 9600 =) XDDDD

今晚居然有人話我好人... 我心腸唔係差, 只係口臭d o者...

=================================
小心有病毒呀... 我見到我個Norton Internet Security 已經係咁彈" ! "
係關於新LSASS 漏洞的.. 小心小心.. 做好安全措拖.. 夜夜應切防~!

>>May 2, 2004 at 4:56:06 AM GMT+8

2004 年 4 月 29 日 星期四 【晴】

今日好瘀呀... 唉.. 點解會咁架...


瘀野一陣先講.....

話說今日一起身就返左學校, "諗住" 坐定定溫電腦.. 點知..
一入306, 成班人坐晒係到笑, 望住個電視機, 我仲r 晒頭, 諗緊發生緊咩事..
點知係到睇William Hung.... 好彩唔係"She Bangs".... 仲要聽佢d 歌... 救命... 真係唔知佢地發咩鬼癲..
結果係圖書館託一個中六女生幫我借了三本書來溫習..
估唔到呢個女生都知道蝗蟲同邊個d 野, 仲話見到tim~
最勁就係佢話: 我唔鍾意拍拖. 好煩, 俾人排斥咁.. 我問佢: 你係唔係試過先? 佢又唔認.. 之後當然比我串啦~! 我話: 你呢世都唔好拍囉!

返到屋企之後都無咩建設性o既野做過,
之後知道成班人(四個爛賭婆.. ^^" 我諗果四個人都唔介意我咁講笑...) 係蝗蟲屋企打麻雀, 我正想俾番d 野蝗蟲.. 結果去到蝗蟲屋企打個轉.. 睇佢地打麻雀.. amy 應該打得最多年.. 因為手勢好熟手咁, 但係輸得最甘係佢... 大贏家居然係stephy... r 晒頭....

跟榮哥車返去.. 榮哥部機好似中左毒......

返到屋企, 有人約我食飯.. 瘀野出現啦..
其實係蔡生佢地... 我諗住去厄酒飲.. 點知第一個提出飲酒, 十蚊三支啤酒...
結果飲得太急... 飲到"湯"肚.. 真係仆街地瘀....
所以我係飲cocktail 多.. 唔會咁飽... 嗚嗚嗚....

>>April 30, 2004 at 3:14:03 PM GMT+8

2004 年 4 月 28 日 星期三 【晴】

今日... 原本諗住係屋企打機, 不過尋晚一個電話, 我又再臨危受命..
返工.. 返黃竹坑set mail server..

所以今日特意早d 起身(10點.. >.<") 之後就返工..
送一班K12 車尾走, 不過順便打電話俾Ben, 問番長沙灣遲d 果單工程o既野...
之後又係234呢架車.. 好悶.. 今日見到架火車, 好多自遊行.. 不過, 唔係我歧視, 佢地有時真係..
例如今日去到九龍塘火車站咁, 成堆人企係黃線外, 似乎係個車仔有問題, 但係都好心佢地推番埋先, 站長係咁叫佢地, 佢地好似聽唔到(我諗佢地唔識聽廣東話..) 搞到勁耐先開得車..

返工公司都要11點幾, 一check 之下, 上一手已經裝左postfix(我仲以為係sendmail), 咁睇番configure 問題唔大, 只係個DNS 無指番黎o者.. 都係用zoneedit 之類做番, 好快搞掂.. 不過要等幾日先試到啦.. 因為轉DNS 要72小時..

一個人去香港仔食飯.. 食飯之後一個人搭車返公司..
兩點幾就走, 落九龍城幫個客睇下個printer 做咩唔印野.. 不過最頂癮係佢印左去一個唔存在的printer... 唔怪得啦!
仲有一樣野, 呢個就係果間酒樓, 個會計就係我阿姨o既"敵人".. 但係當然, 我係唔鍾意果個人但係我係同佢間公司做生意, 所以無咩砥觸... 只係佢叫我俾我寫的程式佢, 我又唔想.. 因為阿姨話: 佢地實會雞蛋挑骨頭, 仲會抄幾份俾人...

返到屋企好早, 六點幾搞掂...

=====================
回 四少:
咁high 呀..... 使唔使一次咁盡..

>>April 29, 2004 at 3:18:21 PM GMT+8

2004 年 4 月 27 日 星期二 【晴】

嘩... 鬆晒... 好開心..
雖然唔係真係考晒試, 但係而家得番CS o者, easy job 啦~
聽日去玩lu~ 不過都要返一返學校搵阿sir 篤下手指o既...

今日份phy.. 唔係非常難.. 只係paper I 第1題實在花太多時間, 搞到16分做唔到.. 好彩就係點都叫做到第一題... 我諗錯10~20分左右.. paper 2 就麻煩啦.. essay, 返抄就識囉, 新野就唔係好識囉.. MC麻麻地啦..

聽日去玩啦.. 唔理啦..

回 龍儒:
仲有5月3... 我同你都係..

回 大魚
無計啦...

>>April 28, 2004 at 11:34:15 AM GMT+8

2004 年 4 月 25 日 星期日 【晴】

大魚, 生日快樂~
不過禮物就無啦~

============================
呢幾日係咁溫, 係咁溫, 更係入唔到腦...

仲有呢幾日係到睇notes.. MC Chan 的.. 有d 係影印人地... 一個係wong J, 但另一個notes 來源, 就係佢.. 有時睇番自己notes 上佢的字跡.. 就會諗番起以前的日子..... 雖然, 追極都追唔到, 佢亦都唔係我女友, 就算而家我對佢無晒感覺.. 但係睇番佢的字跡, 總會諗起佢, 同埋諗起同佢的日子, 有開心(一齊補習), 同埋果種傷感的感覺... 掛住佢? 點會.... 更加唔會再有感覺... 只不過, 我會更珍惜回憶囉.. 但我都好珍惜現在的寧靜.. 所以isaac 講得o岩.. 無女朋友都有一個好的好處... 望靚女唔使就住就住... =)
都好o既...

試就就快搞掂, 但係生活係更加"多姿多彩"....
3/5 最後一科 (唔計oral)
4/5 長沙灣開波
5/5 都係去長沙灣做野
6/5 可能返公司一轉
7/5 考試 (Oral)
8/5 上大陸一轉, 去公幹....
得番三日執行李...

三十日返到香港(不過返到屋企都另一日lu~)
三十一, 可能休息返一日咁多..
六月一日開始返工...

==============================
回 凱軒:
其實我見過一篇仲好, 我都唔係滿意.. 有d point 講唔中..

回 四少
只要用電子郵件, 連同自己姓名, 電話, 地址, 就讀學校同級別, 寄到[email protected] 即可.. 你都可以試下.. 好快就會刊登, 隔日.

回 靈魂
其實我係討論緊香港人, 對民主的要求的來源.. 我完全無否定過民主係呢個世界的好處..
有好有唔好啦, 特別係睇過山城百日呢個故事之後就更加覺得一半半啦.. 就算獨裁都唔係完全無好處..

>>April 26, 2004 at 12:35:43 PM GMT+8