2004 年 6 月 4 日 星期五 【晴】

孫燕姿 年輕無界限2004中國巡迴演唱會 - 廣州

你覺得我會唔去咩!?

前幾日買左飛, 諗住好近啦, 睇到張圖.. 點知..
去到D區都係有一段距離先到舞台... 咁大個仔, 第二次去演唱會..

呢次演唱會, 真果句就真係差過預期.. 雖然係孫燕姿暫別樂壇約一年後的個唱,
但, 唔知點解我覺得佢把聲唔同左, 好似無以前咁實.. 特別係一開始果幾隻歌,
好似把聲尖左, 無以前咁勁..
當然越後就越勁...

今晚佢唱左呢幾隻歌:
超快感、Venus、愛情証書、愛情字典、很好、Someone、Hey Jude、風箏(Remix)、Dream a little dream of me、開始懂了、遇見、Leave me alone、我要的幸福、年輕無界限、威姿的世界(內地威姿汽車廣告歌)、真的、害怕、直來直往、隨堂測驗、零缺點
Encore 歌係綠光同天黑黑
係唔係好熟口面呢.....

因為我幾乎係睇住Start 巡迴演唱會照打.. 點解!? 我都想知點解咁似Start 演唱會..
一開始 Opening、Hey Jude、Dream a little dream of me 、Encore 的編排簡直係照抄...
只係有幾隻新歌: 年輕無界限(未完成) (統一冰紅茶係主辦..), 直來直往(leave), 遇見(the moment)加左...同埋多左一隻廣告歌.. (因為威姿汽車係其中一間贊助商).

對一個睇左Start 演唱會VCD不下十次的人來說, 似乎唔係好多新鮮感..
不過真係想搵番呢次隻VCD, 因為聽番係唔係佢把聲真係唔同左.

等我遲d upload 相上黎先....

話時話, 今日都幾險, 我係深水埗做野都做到3點先走, 仲要先搭87A去到柏景灣再轉72x.
中間見到起碼走左兩班72x.. 所以好晚先上到去..

>>June 6, 2004 at 2:04:04 PM GMT+8

2004 年 6 月 1 日 星期二 【晴】

今日發生左一樣好瘀的事..

話說個客叫我幫佢砌部機, 咁佢就入錢俾我, 佢係以現金票的方法入的..
點知.. 大家都諗唔到現金票入戶口都係要隔日先攞到, 唔係即刻用得..
搞到我買完晒野, 走去碌EPS 果陣俾人彈... 我都r晒頭.. 去到銀行一check..哎呀.. 仆左街tim...

結果我只係幫個客(但另一到地方)買左部laser printer 先..
呢個laser print 只係1300蚊, 而且係一分鐘20張 .. 好快! 呢部就係EPSON EPL6200
呢部係GDI printer, 理論上唔可以係linux到用, 但係我搵過linuxpriting.org, 居然有人reverse-engineering 搞掂左.. 真係神奇..

我老豆今日同我講, 孫燕姿係廣州開演唱會.. 咁即係唔去唔得啦..

>>June 3, 2004 at 5:10:29 AM GMT+8

2004 年 5 月 24 日 星期一 【晴】

為左唔好俾人刪account,
唯有寫少少野..

回 徒弟:
我;而家唔溝女架啦..

>>May 25, 2004 at 2:00:35 AM GMT+8

2004 年 5 月 15 日 星期六 【晴】

今日行左成日Disneyland.

原本話有人陪我地入場, 超, 一個二個唔想去. 咁無所謂,
當我地兩個好似好想有人陪入場咁o既.. 超.. 我夠去過啦.. 又有地圖, 我先無咁乞兒... 你班乞兒...

講起又係把幾火.. Helen 條仔, 我會話佢好古惑... 潔慈姨見到佢, 話佢好好人, 今日一見, 簡直係變晒面... 唔緊要.. 因為唔關我事~

講番開心o既野,
其實我已經係第二次去加州Disneyland, 所以幾乎係識路,
只係唯一的遺憾只係睇唔到個巡遊.. 對於我老表第一次睇來說.. 是一個可惜..

Disneyland 有咩玩? 有機動遊戲, 有野睇咁囉.. 即係等於海洋公園果類, 但當然大好多啦.. 起碼入面有一條鐵路去circular走的... 而且Disneyland 外圍還有一個downtown.. 真的問你怕未....

我地一日幾乎玩晒所有遊戲, 當然多人排隊果d 就算鬼數啦..
不過佢有得攞Fastpass, 即係可以早少少去攞張飛先, 到時再返來玩... 呢個簡直係好方法..

呢晚我地係Disneyland 入面食dinner, 好貴, 一塊pizza 係要成幾十蚊...
不過入得去就預左..

>>June 3, 2004 at 4:30:24 AM GMT+8

2004 年 5 月 14 日 星期五 【晴】

我想現在是時候寫旅行時的日記了..

今日係5月15日, 我表哥另一個朋友的畢業禮.. 我有無去?
當然無啦.. 經尋日一役之後, 好睏..
所以今日我反而咩都無做, 出下街, 食下野, 飲下茶就算..

出去邊? 今日去左一個好靚的地方 - Santa Monica.
其實呢到係海邊地區, 有沙灘.
而首先我地去行Santa Monica大街.. 一個很有歐陸風味的地方.
果到居然有Apple Pro Shop...
而係一間叫做Brookstone的店舖(我幾乎以為係Bookstore),
係主要賣1 d 奇奇怪怪的物件, 例如奇怪的鐘... 結果我買左一個波型的dot matrix 數字鐘..
大約港幣400左右, 但係好過癮..

之後去左個海灘行左一陣就返去住所.
阿姨病左... 所以食飯時也是深沉沉的氣氛...

最好笑係, 我同老表雖然分頭行事, 但係大家都係去左同一到地方 - Santa Monica..
而佢同佢班小學同學去唱K, 其中居然有人扮William Hung.. 救命..

最後我老表零晨三點先返...

>>June 2, 2004 at 4:47:17 AM GMT+8

2004 年 5 月 13 日 星期四 【晴】

今日就係老表去美國的戲玉之一.. 就係去佢一個朋友的畢業禮..
地點是USC (University of Southern California)
呢間大學好靚, 好大, 似足一間大學, 夠大...
仲有就係呢間大學種左好多紫色花的樹.. 好靚架.. 我影左幾張返黎..

我老表朋友的典禮係幾informal, 連上台人仕講o既野都唔正唔經..
不過都有正經parts 的..

可是有悶有累, 悶不要緊, 最慘是累, 而且大陽很毒...好曬...
所以都幾辛苦.. 好彩, 我認得表哥個朋友, 一眼就望得出, thatz why 最後都可以完成任務..

離開USC之後,就去接我老豆另一個frd 的仔, 過左去美國讀書無耐.. 其實我都識佢的,
之後我都幾乎訓著左...

去到住的地方, 就見到Helen 男友, 同果個留學生一齊打三國無雙3, 我就同老表係到彈琴..
居然見到本孫燕姿的琴譜, 嘩.. 正, 不過真係好難彈, 特別對我呢個咁耐無睇琴譜的人, 又sharp又flat, 仲要超多...

上網+吹水結果去到3 點先訓...~

回 賤咀
架死人飛機最快試過1009km/h, 我以前見過最多都係9xx,
車點會咁快呀.... 激鬥戰車都唔得1000km/h 啦..

>>May 16, 2004 at 9:23:13 AM GMT+8

2004 年 5 月 12 日 星期三 【晴】

到左美國之後的第二天..

早上鬧著玩的煎蛋食.. 哈.. 少做家務, 真的出了問題... 打蛋打散了...
還要Helen 幫我埋尾.....

我老表卻非常成功地煎到半邊, 但係起碼賣相好得多...

今日的工作係, 居然係走左去研究我阿叔間公司的電腦, 同埋試圖整佢屋企的電腦, 最諷刺係, 有三部機, 得一部用得.. 真係吹啤...
佢公司個網路簡直係一絕, 絕對仆左係到...
兩部Windows 2000 Professional 做Server, 只係Share幾個加埋到唔到200M的folder...
同埋share print.. Windows 2000 仲要兩部? 原來一部做左File Share, 另一部係print share..
用咩windows 呀. 但最大問題都唔係呢到... 最大問題係佢用老闆部機去share internet...
都唔緊要, 佢居然用proxy, instead of level 3 routing.. 簡直係r 晒頭.. 仲有我記得Win2k 本身都有rounting.. 使唔使咁得意?
我打算同佢轉linux....... very soon.. =)

之後去左一個非常特別的meeting..
就係西門子的一個solution showcase, sell 工廠/home/office自動化系統, 其中西門子就係賣detect 同control (電子)部份.. 簡直係一睇就知係勁野啦...
最得o既係佢居然係一抽十卡左右的火車做展場.. 所以去到長灘咁遠..
之後仲有免費船河.. 仲有一個cocktail 會, 而且影左好多相相.. =)
how nice it is... 不過好累...

>>May 15, 2004 at 9:39:01 AM GMT+8

2004 年 5 月 11 日 星期二 【晴】

我係唔係應該用番美國時間去寫日記呢?

今日去搭飛機...
其實都幾倦..

首先就係三個鐘多d....去韓國的飛機...
呢程機又唔係好難過, 問題係咩entertainment 都無, 電視又無野睇...
不過過關上飛機卻是出奇地快... 唔使點等, 但係到候機室就真係等左一陣..
飛機比原定早左到,
但係點都要等下一轉11個鐘由韓國去 LA的飛機..
最少要三個鐘.. 點算!?
非常好彩, 我地搵到一個KAL Lounge, 入面有Internet Plaza.. 兩老表簡直係搵到新天地... 簡直係以色列人見到摩西, 難民見到國際救援組織一樣咁緊要... 三個鐘喎, 點搞.. 上完網, 原本仲可以去打機, 但係無咩o岩我地玩, 所以大家都無搞到..

十一個鐘真係好長, 最慘係我一向都唔可以係交通工具到訓得到,
雖然, 有呢個Lord of the Rings : The return of the king 睇, 但係好眼訓.. 結果我都訓左半個鐘..
係飛機上面, 食完訓, 訓完食, 好容易肥.. 唔得掂..

結果等左好耐先到, 架飛機又幾快, 不過都係遲到(個display 寫100x km/h)..

估唔到韓國飛機有漢字, 不過...
機師d 普通話簡直係...... 我都講得好過佢...
而且譯到不知所謂.... 唉.. 算啦, 明就得...

結果我阿叔接我果陣, 都係訓著左....
仲有少少jet lag 地...

>>May 15, 2004 at 7:21:11 AM GMT+8

2004 年 5 月 10 日 星期一 【晴】

聽日飛lu..

睇下有無機會寫日記啦..

>>May 11, 2004 at 3:06:26 PM GMT+8

2004 年 5 月 7 日 星期五 【颱風】

終於有一日比較得閒..

都唔知點解, 尋日仲好好天, 今日就倒晒水.. 真係痴線...
行雷閃電搞到無覺好訓...

下午先出去, 就係去家豪屋企搞埋d 手尾...
係隻NAV 同NIS 真係怪怪地.. 裝唔到.. 算啦, 要做手腳o者..
之後就搞掂晒啦!

其實去家豪屋企之前, 因為要開始研究有一間廠的考勤系統..
咁見到人地大陸用指紋來打卡咁鬼high tech, 之後我咪落黃金兩間專造呢d 系統的公司問..
點知.. 好睇啦.. 第一間rcp computer: $9998
第二間vic 仲驚: 過萬..
兩間公司都話.. 唔值得呀.. 用IC 卡咪得囉.. 使唔使呀.. 仲有, 試過有個地盤用指紋簽到, 點知部機一個月就打柴. 因為d 人隻手指又沙又泥又水.. 咩都死啦..
我同vic 果個話大陸有指紋機係幾千蚊? 之後佢就哈哈哈大笑啦..

但係ic 卡inplement 真係平.. 部機一千都唔使, 卡, 20蚊一張.. 抵到爛啦..

之後先坐架86c 落馬鞍山.. 最好笑就係追到前一班冷.. 太勁啦! 人勁車勁!

整完之後就走啦..

返到屋企俾左20隻CDR 俾劉年.. 似乎佢而家讀書都讀得幾好!

>>May 9, 2004 at 7:14:58 AM GMT+8