2004 年 10 月 28 日 星期四 【晴】

今日成日幾乎係屋企..

今日值得一提: 孫燕姿 Stefanie 同名大碟 終於出
呢隻碟佢似乎已經脫離左一種傷感的味道, 比較以前d 碟黎講多左好多快歌.
而且音樂伴奏都比以前豐富.
雖然我都係鍾意佢以前個style 多d!

今日出左去尖沙咀一轉攞野同俾野一個好少見的堂大佬, 係美國的, 佢黎左香港...
返黎果轉271.. 司機居然無懼"屎眼(車速記錄儀)"的威脅, 踩到架車去85km/h...

之後返到屋企.. 做CCIV 同埋打機,
end of the day.....

>>October 29, 2004 at 4:10:29 PM GMT+8

2004 年 10 月 27 日 星期三 【晴】

呢幾日都係努力地番學放學...

我終於將部MP3機攞到手啦.. 哈哈哈! 一個禮拜前訂, 呢個禮拜三先攞得到, 唔緊要啦, 但最過份係第一部攞的貨居然係壞機! 入電落去唔著, 又成日播播下歌hang 機! 過份, 結果即刻換左第二部, 就咩事都無啦!

第二件值得一提就係, CO 終於有Assignment..
結果尋日三個鐘+今日四個鐘, 可以進利行到個assembly program, 但係有bug... 慢慢o黎, 仲有一日會做晒o既! 係咪!? 唔使驚...

同埋呢期好多同學問我野... 自從tutor杰仔將我的分數公佈天下之後................
原本我係打算入到City做摺友, 但係做左兩個月之後俾人攤番直, 無得摺..
anyway 啦, 大家同學仔開開心心, 明明白白咪得囉, 有咩所謂.... 係少左d 打機時間o者.....
不過事先聲明, 我只係吹晒水, 唔包補我講o既任何內容係正確...
如果有講錯而大家又信, 咁就真係後果自負..... 但最好當然係同我講番我錯係邊到啦.. 大家一齊學習o者, 無話邊個教邊個o既~ 目的都係大家開開心心, 我吹得開心, 佢聽完好似明白左又開心囉...

Assembly.. 我呢劑一定要KO你.. 上次淨係o岩左84%....!
仲有CCIV 搞到好大件事, 話說我地tutor 發現有一直copy 網頁, 結果大發雷霆, 要fail抄網頁友!
佢係咁嘈, 搞到而家人人自危! 我.. 一半半驚啦, 雖然佢只係話只捉直接抄網頁內容人仕...
...........

>>October 28, 2004 at 4:41:07 PM GMT+8

2004 年 10 月 24 日 星期日 【晴】

咦.. 今日係一個舊同學生日喎.. 我都無左印象tim! 真係...

話說今日又要返學..
又係悶蛋MC68000 Assembly.. 大佬呀, 我一向都係學開80字頭的assembly language... 點解....

之後諗住攞落左訂果部MP3機.. 點知賣野間公司話未收到代理批貨喎, 又點點點.
又指代理商好麻煩呢呢路路... 我心諗都唔知係唔係間野無俾錢間agent..

要等高登d 舖頭開門, 只好走去lab 行一轉, 點知見到CCIV 同group d 人, 結果...
都好, 搞左我一個鐘先出得番黎... 起碼唔使諗做d 乜野hea 咁耐.....

臨走見到一個同學, 一齊去深水埗食野同埋電腦書.
之後收埋條數.. 講一樣野先.. 今日好有滿足感.. 話說上次咪趕工燒果250隻碟o既, 我自己本身就覺得擺明係爛碟, 咁趕都做唔靚啦! 但係個客居然話d 鬼佬好鍾意CD Catalogue 仲因為咁搵到兩個新客喎.. 哈~ 你話呢個世界真係幾奇怪!! 搞到我好飄飄然tim!! 勁有滿足感呀真係!!

好啦, 講番正經野.
之後落返黃金幫潔慈姨買隻LCD Mon, 送去佢公司到, 裝埋, then 搬佢一部機返屋企買買整..

又一日...
仲有今日搭到架HE8107@72, 超勁!

>>October 25, 2004 at 3:02:35 PM GMT+8

2004 年 10 月 23 日 星期六 【晴】

終於有一日有覺好訓.... 整!
幾眼睏呀真係... 訓醒d 人都精靈d 呀真係!

今日專登唔安排野做, 聽日先, 一來可以訓夠d,
二來可以做一d 自己想做的野 - 包括今日同埋屋o既電話線路做大手術...

話說我阿媽想將電話機由房擺番出廳..
咁我自自然然將個電話條線插出去就搞掂啦, 點不知, 一插落去, 攞起個聽筒.. shit.. 無聲...
之後換過條線又唔掂! 我大約知道要插個電話線插座出黎睇..
一睇, 睇落又好似無乜野... 再睇埋房入面原本插住電話果個, 咦, 點解條線唔同色o既, 之後諗清楚, shit.. 被騙了... 原來當日換HKBN電話果陣, 佢根本用左我寬頻條線, 咁原本電話黃色果條係無x用, 咁唔怪得咩聲都無啦! 之後要諗辦法...
原本係牆身喉入面有一條兩芯線, 不過唔用得, 因為太粗, 結果.... 大工程在我成條線抽出來換左條四芯幼線, 之後先有得搞, 仲有HKBN個座太cheap, 兩條線一齊打落去係唔過氣.. 咁就搞到我三點鐘..

第二今日就係對住中文科網上練習苦戰... 我勁想炸左個系統佢.... 簡直係遺害人間!
整佢個仔, 資料又係一本e-book, 最慘係我手上果本係out-date, 有資料係無左...
結果點!? 只好用google 找, 不過喜出望外咁樣仲快!

咁就無左一日假期啦..

差d 唔記得講, 我今日買左孫燕姿Stefanie 同名大碟 預購版試聽碟, 其實呢隻係免費, 只係落訂先就可以多呢隻碟, 到時29 號再憑單攞隻正式版.. 正呀!!!!!!!!

====================
回 淫友
嘩, 你勁d.. 用言語淫佢....

>>October 24, 2004 at 3:51:58 PM GMT+8

2004 年 10 月 22 日 星期五 【晴】

唉.. 一屍兩命..
唔解釋點解住.. 遲d 你地自然會知~~~ 有d 野我係唔會講...
=======================
整佢個仔, 今日倒屎咁早就要起身.
CCIV 考察喎.. 8:30 上74x, 9:00到九龍灣地鐵站,9:15到杏花
足足等到9:40先有84 轉車去海防博物館.. 不過咁都唔緊要, 帶隊個老師居然係最遲到.. 過份!

不過海防博物館真係好正, 睇下d 炮呀, 呢呢路路, o岩晒我..
不過越睇就越憎日本仔!! 我都唔明點解d 死mk 咁崇日!!
睇番以前佢地d 告示 - 吹晒水.. 吹咩水先... 又會係為左解放香港市民啦...
又會係大東亞共榮啦... 你殺q 晒我地d 同胞條數點計先? 事情過左咁耐其實我唔係憎日本仔呢樣野, 我係憎佢地唔肯認錯! 吹9晒水...

之後一條友落左去觀塘食車仔麵, 其實都唔係咁衛生, 不過算啦 - 平呀嘛....

之後搭車返大埔, 好眼睏..
之後就一個人係屋企對住部機啦....

今日落到街
見到有d 情侶好甜蜜, 難免有d 感傷..
不過算啦, 既然上天安排我要一個人生活, 總會有原因...
我始終都是適合平淡的生活.. 大風大浪大上大落的, 不要找我..
所以嘛 即使一個人, 就算沒有歡樂, 也起碼沒有悲傷.. 咁都好夠架啦... 算啦..
都係呢句說話(我終於諗番起我想講咩):
理想十居其九最終都會被現實完全消磨
當消磨掉後有沒有人會記起最初的理想?

化啦, 到呢個無得再差的地步, 咩都化晒啦....
====================
話說呢, 有日有人問我一個問題... 人生存在的意義係咩...
我即刻話, 千祈唔好諗呢個問題.. 因為諗完隨時會走去自殺....
做人o既野, 輕輕鬆鬆又一日, 唔好在乎咁多野!
====================
孫燕姿 - 我的愛

繞著上路 走的累了 去留片刻 要如何取捨
前年撿的 美麗貝殼 心不透徹 不會懂多難得

以為只要簡單的生活 就能平息了脈搏 卻忘了在逃什麼

我的愛 明明還在 轉身了才明白
該把幸福 找回來 而不是各自緬懷
我會在 沿海地帶 等著潮汐更改 送你回來
你走路姿態 微笑的神態 見你是曾錯過的 真愛

以為只要簡單的生活 就能平息了脈搏 卻忘了在逃什麼

我的愛 明明還在 轉身了才明白
該把幸福 找回來 而不是各自緬懷
我會在 沿海地帶 等著潮汐更改 送你回來
你走路姿態 微笑的神態 見你是曾錯過的 真愛

莫非這是上天善意的安排 好讓心更堅定 彼此更接近 真愛

我的愛 明明還在 轉身了才明白
該把幸福 找回來 而不是各自緬懷
我會在沿海地帶 等著潮汐更改 試著忍耐

不再怕傷害 不再怕期待
見你時那才是我真愛

你走路姿態 微笑的神態
親你時那才是我真愛

>>October 23, 2004 at 3:46:08 PM GMT+8

2004 年 10 月 21 日 星期四 【晴】

呢排雖然無工開, 但係呢個禮拜簡直係無假放 - 強烈抗議!!!
今日又要早起身返城大去睇咩書畫展(今日我day off 架!!!)
聽日又要倒屎咁做去海防博物館.. 唔制呀....嗚嗚嗚!!!

不過我係衰o既, 遲左半個鐘先到.. 不過老實講, 如果唔係我地班CCIV人去, 否則根本就無人去睇...
之後一行四人(其實話就話呢group人都係CS人, 但係根本就唔識的!!)發現城大有個後花園喎!
之後我就走啦,
其餘三人(一男兩女, 其中一男一女係1 pair) 去整理資料... 好似好衰呀可.. 但係全部後期製作都係我一個人喎!

之後去幫潔慈姨望望執番黎果部"新"機, 最初以為已經死左, 後尾....
幾乎殺左一條無辜的生命... 原來只係條ram 鬆左!
一開始, 都好, 有Celeron 800, 只係開唔到機, 所以我就重裝左98 之後其他野, 食完飯先算..

今日知道咩野係"谷咕" - 你地估下係咩黎o既!!

之後返屋企打機.. 正.. 好耐無咁free 過啦!

========================
回 靈魂
日本妹咁易俾你搞呀... 人地見你係中國人俾個中國人你搞架咋! 有錢都未必得呀
我雖然明白同清楚你係賤格, 擺明係你手多多搞人啦!

回 賤健
咁應該"update kernel"嘛.. 哈哈哈哈!
整..... 做得咁辛苦, 居然唔使!?

>>October 23, 2004 at 8:12:00 AM GMT+8

2004 年 10 月 20 日 星期三 【晴】

星期四無無聊聊番兩個鐘聽佢吹晒水, 最慘又未印得切notes, 齋聽真係有d 頂唔住..

之後等賤健黎, 佢話問SQL喎, 其實SQL簡單query 都仲可以o既..
不過後尾發現只係access 操作問題, 咁, 我以前做過o既, just recall o者..
之後兩條友走左去食飯, 食完就走去新之城(旺角華潤百貨舊址)打機, 當然都係打PM3 啦..
去到果陣佢仲未著番部機, 但係等完World Combat 之後佢就著番部PM3, 睇住佢開機...
嘩... 頂.. Redhat Linux!? Kernel 2.4.1x?(p.s. 2.6都出左啦..) Nvidia Display? X-Window?? 我暈倒.. 原來只是一部家用的電腦...

打到手都軟埋之後兩條友再去深水埗同isaac 滙合..
三條友行左一陣, isaac 買風扇, 賤健買左個IrDA<-->USB..
isaac 今日示範點樣係街到無線上網tim (多得d 膠仔唔記得鎖MAC Addr或者用WEP)
之後佢走左, 我同賤健都走返屋企lu~

未試過咁早返屋企....

=================
回 靈魂:
咁我未必會去o既, in this case
ANA 香港-->日本(停一晚,但係有免費酒店)-->JFK $5410, 我覺得呢個抵...

>>October 22, 2004 at 11:35:42 AM GMT+8

2004 年 10 月 19 日 星期二 【晴】

放逐．攝影．札記

地點：尖沙咀海傍

今天，天氣晴，可是，天空總是灰灰的。


原本是風平浪靜的一日，可是，天空，突起了異樣


不過，要過去的，始終都會過去


不知多久以後，一切，最終也會返回平靜

人生就如鐘樓
鐘樓，再古老也不能停頓一分一秒，縱使機件已太舊

人生，再難走也得要繼續生活下去，即使路有多難走 - 一樣無奈。
===========================================
後記：呢次只係得一部DV係身，所以效果唔好。不過我第日都想咁 - 借影抒情，唔知在座有幾多位睇得明我的弦外之音?

其實今日只係走左去尖東諗住睇法國戰機表演，因為新聞紙話d 戰機會係維港上空表演一下先去南區，點知咩都無得睇．．　淨係見到八架飛機用唔夠五秒鐘時間humm一聲就飛過左我頭頂.. shit... 不過，雖然睇唔到表演，但係無無聊聊吹吹海風，感覺也是蠻舒服和寫意的。

只係俾個巴士司機之後影響我心情 - 整佢個仔．．　我按左鐘佢唔開門俾我地落車，淨係掛住放個輪椅客落車．．咁你都可以開個尾閘未我落左車先呀! 之後佢上返車，我係咁chok門鐘，佢都仲未識開門，我大叫"開門呀司機!"，佢先識得開門，當然落到車．．我就即刻粗口問候佢祖宗十八代...

問問機票的價錢(很貴..)，趕返城大上韓文堂
miss 無返，搵左人代課，當然無咁開心過癮啦..

之後搵ck, 同埋係mega sales 唔見錢(買左MP3機同USB Wireless Client) (當然係知道平過市價先買架啦我!)
一個人，回家，結束旅程.

最後，祝榮哥快d 好返!

>>October 20, 2004 at 3:57:09 PM GMT+8

2004 年 10 月 18 日 星期一 【晴】

我很累了...
===================
話說尋日同一個好耐無見的frd 見面飲酒..
結果今日遲左起身...

仲有, 尋晚(應該係今朝)兩點半居然有個frd 搵我.. 老實講我已經唔係好記得我講過d 咩.. 因為當時係半昏睡狀態..
我真係想學家豪咁講: 而家幾多點, 做咩打過o黎, ...... (中間唔記得左)....., 你係咪發左癲, 你係咪發左癲....

或者啦, 心情原本都好番d, 但係總會有更多更多的沖擊....
結果我今日居然隻剩飯...

上到韓文堂, miss 教我地唱"愛上女主播"主題曲..
歌詞.. 好似專為我而設咁.. 真係..... 唉.. 感觸...
感觸之後, 心情唔好..
我仲有一個大缺點就係心情唔好會做就香港經濟(亂買野)... 雖然全部都係電子產品, 加上今日學校mega sales.. 如果唔係身邊有個朋友叫住我, 同埋我無咁多cash, 我諗今日起碼唔見一千蚊...
只限心情唔好...

返到屋企, 另一個打擊.. 我係澳門o既表哥過左身.. 雖然唔係同佢好熟, 見過幾次面,
但係, 人生就係咁脆弱........

今日應該要做一樣野, 但係唔記得左...
就係要去睇機票.. 無錯, 我又走人... 又係美國, 不過今次係去搵我老豆 - 波士頓.
去到其實係帶野俾佢, 同幫佢手做野.. 當然可能去散下心, 因為剛剛考完sem final. 當然去唔去得成都係一個謎....
或者如果可能有機會俾我係果邊搵到學校, 我, 認真, 我以後都唔會再返香港. 我以後的意思係起碼十年內都唔會返黎.. 香港.. 始終有太多太多傷心回憶..
既然生活得咁唔開心, 不如係一個新地方, 新o既開始, 如果有得我揀, 我真係會打算住係美國有歐陸風味的1d sub-urban(唔知點解我好鍾意Mountain View呢個地方的感覺, 自從過一次), 努力讀書/工作, 得閒坐係cafe 到靜靜地看看人, 看看街, 看看書, 飲住一杯Cuppaccino, 聆聽住雀仔聲, 感受著異國風情, 觀賞著藍天白雲, 加上不寒也不熱的和風, 一個人默默地生活, 為生活而忙碌, 每天平淡地, 返工放工, 晚上留在家享受寧靜, 心無一點漣漪... 簡單, 平凡, 但幸福. 感覺好似我不愛MTV入面果種, 雖然我打算會係長住...(不知怎解, 我打到這樣有想落淚的衝動)...

或者這只是一場春秋夢, 夢醒了還得要表對現實...
我那有這麼多錢去外國讀書... 我那有這麼多錢享受(要不我就不用做part-time了)
而且太多太多的掣肘了 - 我真的可以兩袖清風地不顧一切的離開嗎? 沒可能... 起碼, 我媽以後怎辦? 或者等我無人無物先再算啦...

不過最現實也是最應該要做的, 就是學孤獨.. 我不是開玩笑..
淫友又因為一d 野, 佢呢一刻唔會明白我心入面果種感覺.. 佢有時只係吹晒水... 雖然吹水內容思想正確, 但係在我身上, 我根本行唔通..
而且離開了圓玄, 就算在圓玄也沒有多交心的朋友..
在大學也更加只有一個明哥一個, 可是明哥是有婦之夫, 怎會明白心入面果種痛楚?

所以要學習, 一個人生活, 一個人吃飯, 一個人搭車(連講電話也沒有人同我講果隻)
一個人周圍去, 一個人上網(我意思係icq/msn也不開, 一個人睇網頁, 就算傾, 也無人交到心..)
遲d 我阿媽去旅行, 可能要一個人煮野食(差唔多時間學煮野食啦我都), 一個人睡覺(即係間屋靜英英果種感覺-好舒服)... 但最先決要學的 - 學習心如止水... 我也知很難..... (有點像我夢想在外國的生活...)
我要努力的學, 學習我如何活著 - 未來的人生..

>>October 19, 2004 at 12:09:19 PM GMT+8

2004 年 10 月 17 日 星期日 【晴】

汁著。放逐。。。
=============
今日只係需要返一個鐘lecutre, 不過我會遲到的關係，所以其實只係得番九個字lecture..
完左之後，開始今日的自我放逐.

首先去葵興換CDR碟，因為燒壞碟.
之後去佐敦睇野.. 搭地鐵果陣諗好多野.
之後搭車返大埔，
跟榮哥車，俾隻hard disk 佢.
最後約左一個大家都好多煩惱的舊朋友出黎飲野，吹海風
大家講左大家心目中最煩的事出黎。。

所以而家心情都平復左好多....
只係，　有一種唔知點的心情。不是傷心，也不是難過..

不過，一個人面對，好痛苦，好累...
==================
回魚子:
呢d 野你自己研究下啦..

>>October 19, 2004 at 5:01:28 AM GMT+8