2004 年 2 月 29 日 星期日 【晴】

返學至星期三, 我們就正式放假了, 直接面對高考..
驚? 的確有點.. 可是我有信心我應付得來的.. 因為mock是一支強心針(除了純數...)
今天我想用書面語寫日記..
=============================
為何mock 是一支強心針.. 很簡單.. 我覺得我已經回復狀態..
電腦科很有機會重獲第一之位(上次簡直是..... 居然機神的電腦科要包尾.....)
雖然只知第一卷的甲部及卷二, 但已經與他們兩個有一段距離.. 蠻好... 但我們是良性競爭的.. ^^"

今天是我們中七的惜別會.. 不捨得? 當然有..
我們班也很齊心, 一起搞了一個很好的環節去回眸兩年的歲月,
還有合唱環節, 謝謝我們的老師... 的確, 我在圓玄二中度過了兩年很開心, 很值得回憶的光陰..(除了感情生活之外.. ^^" ) 我學會了很多, 得到了很多..

在禮堂離開的時候, 我正面的看到了她..
對她的感覺最終還是騙不了自己, 最多只能選擇對感覺的逃避..
或者使自己不去想.. 要忘記感覺, 畢竟不是一朝一日的事..
還有, 我是蠻長情的人... 對感情.. 我有我的執著.. 但是現在的我不會再為了感覺去追求甚麼.. 很辛苦... 畢竟愛情的事, 不是單單感性的, 還要用理性去處理.. 現實都是一個很重要的因素..

正因這種複雜.. 我已經不想了..
不知她有沒有看到這個日記.. 不過看不看到, 又如何.. 反正她知道我還有感覺, 她也明白, 我是不會再追.. 她也不會接受我.. 我覺得我們倆是天南地北...太多想法, 生活上的不同...怎樣也不能拉在一起..

這一刻, 就算誰說喜歡我, 我也不會接受誰.. 因為我真的負擔不起...

今天的天氣也是這樣辛苦.. 很悶熱..

>>March 3, 2004 at 2:31:04 PM GMT+8

2004 年 2 月 27 日 星期五 【晴】

今天... 由於尋晚太夜番到屋企,
今日俾阿媽禁出街.. 但係睇黎都係唔出唔得...

==============================
今日一起身已經係十點.. 真係舒服.. ^^'
要做埋尋晚未完成o既事.. 但係.. 我連唔到佢個linux 到.. 原來個110 port 瓜左, 後尾銓仲要返去轉返用Router.. 所以睇黎夜d 先有得搞..
搞住惜別周d 片先啦.. 佢地尋日真係好努力咁擇片.. 而我.. 唉.. 算啦...
大家都知我忙同體諒我.. 真係多謝各位...
同埋寫番尋日日記..

3AV236話榮哥今日[手查] KP6453.. 搞到我即刻撲出黎.. 但點知係一架歐三躉.... 有d 失望...
不過我都有野搵榮哥, 佢叫我幫佢去買一隻hard disk.. Maxtor 80G.. 好easy o者.. 佢俾左錢我先咁囉...

之後有人打電話俾我..
呢個電話.. 有d 好笑...
佢話我有個巴士迷frd (都係學校內面的) 追佢個frd 追到佢個frd 好煩, 其實個女仔係鍾意第二個..
因為有次佢玩野攞把界刀出黎, 同個女仔講, 如果我而家劃花你塊面, 你第一時間諗起邊個... 個女仔答左一個男仔名, 唔係我個frd.... errh.. 感情d 野好難講o既...

不過佢仲要話: 等我搵你果件試下先....
嘩... 我真係唔知點應佢.. 我果件? 我何時多左件? 還有, 她不是我果件...
我知佢講邊個o既, 某程度上我唔信佢會咁做.. 所以我咪話: 你咪試下囉.. (睇我打唔打你一鍋甘..) <--呢句無講到出o黎... 我未試得切個電話就cut 左啦.............

所以妳見到佢果陣要小心呀.. 哈~* (...)
佢問你呢個問題你答江山或者翁永漢, 再唔係黃潔儀就ok架啦...

=================================
一陣可能要出多次去觀塘..

結果我真係出多左一次去觀塘..
今次主要係set sendmail, sendmail, 真係好難set, 好多relay/spam... 呢樣野最初都估唔到.
仲有, 尋晚開唔到POP3... 原來只係... 唔記得係xinetd 到開番.. 叮.. 叮.. 叮.. 叮.. 叮..
跟住兩條友就走左去觀塘花園餐廳(註: 以前大埔都有, 但係而家易手, 變成紅蜻蜓餐廳...)
個燒汁T骨扒真的蠻不錯..
可惜我還咳得蠻厲害, 還是不吃薯條了.. 兩個人, 一面吃一面咳.. 還想怎樣..

之後搞多一會兒, 就跑回家了, 之後當然給媽鬧了一大頓...

>>March 2, 2004 at 3:04:35 PM GMT+8

2004 年 2 月 26 日 星期四 【晴】

呢兩日係唔係搵我唔到呢...嘿嘿.. 我識invisible 架嘛! 只要按按一下Online, 再按Invisible 就可以了..^^
其實我不是在icq invisible, 是跟本就沒有online 的時間和閒情.. 因為呢兩日忙過不停..

========================================
26日, mock 的"最後的戰役"..
機鎗掃射聲中我們尋找遮蔽的戰壕
兒時沙雕的城堡毀壞了重新蓋就好
可是你那件染血佈滿彈孔的軍外套
卻就連禱告手都舉不好

最後的戰役就係CS 卷三..
今日好好彩... 好輕易咁就可以做到recurrsion..
可是第三題做不了.. 很難的一個pointer 題目..
合格.. 我也不知怎說..

考完試, 今日急急腳開始兩日來的辛苦工作旅程..
大角咀果面要加一兩個client 去access netowork scan, 呢個我真係唔係好記得個setting..
之後要set 番新員工tony 的user account,
還有很多細碎的事.. 呢d 交俾我徒弟做了.. 我四點幾就走人.. 去新高登抬一部舊機俾老銓set 佢第二間公司的linux server+routing..
呢部機... 係Compaq Celeron 300, 原本得4.3G Hard Disk同64M RAM, 但我地加到20G HD同埋128M RAM.. 不過不幸的事發生了.. 當我地嘗試裝RedHat 9.. 佢居然kernel panic... 叮.. 叮.. 叮.. 叮..
大家都唔知發生咁事之際, 就去食飯就算數. 第二日先繼續..
兩條友, 一路咳, 一路整.. 唉..... 痴線.. ^_^"

27日, 搞晒事..
原本諗住大朝早就去觀塘set linux, 中場去深水埗幫第二個客做野...
但係打極電話去老銓到都無人聽, 所以去左深水埗到做左果單野先..
好少事o者, 只係一部機中左成四隻病毒... 痴線... 條友成日係部機睇咸網.. 實死啦.. 連隻Norton 都俾隻病毒搞掂埋.. 真係無晒計.. 最頂係安全模式之下隻LCD Mon 頂唔順... Out of scan range.. 痴線.. 唔使問啦.. 係聯想機....

都整左四個鐘左右(其間去左一次黃金買野), set 埋佢個barcode 系統,
講就好似好勁.. 真係唔知就嚇死, 知就笑死.. 只係用access 印番d barcode 出黎...

四點幾就去買一張display 同一條lan card. 因為我最初以為係display card 壞, 因為佢load 到VGA 果part 就死左... 但事實証明, 係條ram 有事.. 叮叮叮叮.... 成日斷錯症...
死人老銓.. 遲大到, 不過又唔可以怪佢o既.. 佢都病左..
等緊佢的同時係佢公司樓下果間蛋撻皇, 不過個所謂葡撻簡直就係不知所謂...
之後裝完(但未set 完之際就去左花園餐廳醫肚..) 食完就再set, 十一點幾就走囉...
不過仲未set 完.. 返到屋企成十二點半... 唉......
sendmail 真係好難set...
==========================

>>February 28, 2004 at 8:15:33 AM GMT+8

2004 年 2 月 24 日 星期二 【晴】

呢幾日連網都無上.. 幾乖呀我...
要考試嘛.. 不過得番聽日CS Paper III (寫程式), 唔理lu... 照上lu~* 因為要幫我老表set server..

=================================
好不幸地, 星期日一起身已經覺得唔多妥.. 已經知道係時候病..
所以都立即去睇中醫.. 話時話我都好耐無見過個中醫師...
睇完之後, 藥都未食, 就發現自己已經開始發燒.. 即刻探熱.. 仆啦呢次.. 38.5度.. high晒野..
即刻叫個中醫落多兩味中藥去退燒..
仲溫咩書呀.. 訓都黎唔切啦.. 勁累.. 勁無力.. 雖然係谷自己去溫.. 但根本係有心無力..
結果Pure Maths 就咁壯烈咁犧牲左...
不過好彩就係星期一已經退燒, 仲返到去考pure maths....
唔只係因為我病搞到pure maths 死.. 仲有... 唉.. 用左十幾年計數機, 居然俾部計數機玩, 仲要比人串.. 話說我入 (-Y ^ (2/3)) / (1+Y) 入部3650到諗住代Y值計就快手啦.. 點知.. -Y ^ 2 同 (-Y) ^ 2 係唔同.. 咁就送左十分走啦.. (條curve sketching 諗住可以有十分..) 咁就又有機會合格變一定唔合格... 吹賬!

結果第二日撞到有機sir, 佢話" 你地真係考得好差".. 玩完啦呢次...

mock 呢次個英文除左個listening 之外, 其他都可以用一個癲字黎形容...
考完英文之後, 就博老命咁溫physics.. 我唔想死多科AL.. 但係已經太遲啦.. 我用一日開盡turbo, 用盡285匹馬力, 都只係搞掂E&M同matter II...
不過physics 問題又唔大喎~ 好得意就係我見番兩題係同尋晚溫書的題目一模一樣.. 擺明老趙抄past paper 啦.. 頂佢... 一題我唔記得左做法(噢....) 一題就連答案都記得埋.. 太開心啦...
paper 2 就.. 頂.. 出晒我無溫果d.. 死晒... 不過呢次反而夠時間做到3題essay.. 可能係MC 真係淺啦...

結果今日走左去睇西醫... 問題係我而家老豆退休, 無醫療保險, 以前睇西醫係半價, 而家係全費... 所以我都好耐無睇醫生.. 都好幾個月.. 但因為喉嚨已經feel 到發晒炎... 都係時候整整佢..
年紀大, 機器壞, 無法...

================================
Silent All These Year 中譯節錄:
時光飛逝, 我還會等待嗎? 等待能有個人了解我
時光飛逝, 如果我美貌不再, 我世界也慘淡一片.
時光流逝, 我會哽住淚水, 直到甚麼也沒有剩下. 又一個受害者, 你知道我們都太容易受傷..

"Years go by will still be waiting for somebody else to understand,
Years go by if I'm stripped of my beauty and the orange cloud raining in my head
Years go by will I choke on my tears till finally thereis nothing left
One more casualty You know we're too easy easy easy...."
================================
呢期有一隻新病毒:
W32.Bizex.Worm, 係icq 到send http://www.jokeworld.biz/index.html, 呢個網頁本身係帶毒..
除左周圍send 野俾人, 呢隻野仲會開port (Trojan)同埋 會傳送你個人資料俾一個網站..
大家要小心啊!

>>February 25, 2004 at 11:14:22 AM GMT+8

2004 年 2 月 20 日 星期五 【晴】

尋日好似係一個以前的同學生日..


=============================
唔知係唔係年紀大... 轉數都慢左.. 定係隻router 整鬼我..
尋日我居然坐左一日去set 一隻FTP Server, 話就話IIS, 唔熟o者(而家比較熟VSFTP.. ^_^ )
但係.. 連係連到入去, 但就係收唔到data.. 一打ls 就傻左..
第一個直覺係以為Active FTP 同 Passive FTP o既問題..
上網找左一陣資料, 了解左FTP的運作..
之後再check.. 無理由架... 好無厘頭o者.. 裝埋CommView 睇到人地係街到入到o黎...
set 左好耐, 首先將IIS 換為 ServU FTP, 點知仲衰.. 連connect呢下都有問題.
之後就搞隻router.. 做左一個終極測試.. 刪晒所有firewall rule.. 我以為咁樣係咩都過得啦.. 無firewall.. 點鬼知, 人地入到o黎, 佢出唔到去.. 跟住就開始懷疑個firewall 係限制對出的.. (咁有鬼用咩! 我而家係要保護自己, 唔係要保護人地....) 之後開晒所有port. 即刻咩事都無...
痴線架.. @_@... 隻firewall係PCi BR04AR... 唉........

不過今日又發生問題..
好怪, 一時得一時唔得, 可能尋晚成日restart router, 整死左佢... 叮.. 叮.. 叮.. 叮.. 叮..
所以今日都坐左係到半日..
但我今日有溫書架!
就係溫MI同Polynomials.. MI其實有d 運吉... 因為我飛左backward induction...

Polynomials.. 睇番d therom 囉..

下午同老豆行左兩個鐘街.. 好耐都無同老豆咁得閒去行街..
行大埔, 周圍遊.. 仲有食野囉...
睇下電話, 行下街..
行行下突然諗番起有一個人係我F.5 放榜之後講過一個比喻, 一番說話..
但印象好模糊, 我到而家仲未諗番起.. 呢種感覺好奇怪.. (好似失憶症病人咁..)

差d 唔記得左講今日係家長日..
我無去, 得我老豆去..
後尾我老豆同我講番班主任祥哥講o既野, 真係唔知啤好定笑好...
祥哥問我老豆係唔係半工讀, 係唔係出面搵好多錢... 啤晒.................
我老豆仲要話要貼錢出去做.. 邊係喎~! 我未試過咁失威... 只係純利少o者... 為興趣嘛!

仲有今日AV組果個人同蔡生又講起我..
我真係.. 無話可說.. 俾人睇穿左..
蔡生問: 呢期陳業豐點呀? 果個人答: 無野呀.. 行得走得跳得 (咁我的確成日都係咁答呢個問題...)
蔡生話: 佢無野? 心入面流緊血啦....

我返之後啤晒...
蔡生果然係有料到... 知我心入面仲有野.... 我已經好努力咁要自己做到無野.. 將佢留係我心入面..... 估唔到俾人識穿....
不過又無咁誇張... 止左血啦.. 只係傷口有條得閒就痛而又合唔埋口o既裂痕o者...

之後蝗蟲又講呢個問題..唔知啦.. 我真係想Silent all these years.. 唔想再係感情上出聲..
今晚日記的新訪客, 兆興的女友芝給了我很大的鼓勵再去對感情有信心.. 但係我真係再付出唔到... 我覺得感情係一個離我很遠的東西.. 孤獨是這麼親近... 我真係唔想再去煩, 唔想再搞.. 好想Silent All these years..... 好鍾意呢隻歌, 特別係"Sometimes, I said, sometimes, I hear a voice and it's been here.. silent all these years..."一段..

==================================

>>February 21, 2004 at 2:52:34 PM GMT+8

2004 年 2 月 18 日 星期三 【陰晴不定】

我呢幾日諗起兩日歌.. 都係孫燕姿..
一係Slient All These Year.. 其實都唔係真係燕姿的, 原唱係Tori Amos..
因為我突然間有一種感覺, 唔想講野.. Slient All These Year, 這些年來都沉默... 真係唔想講咁多野...
另一隻歌就係害怕, 都係孫燕姿的...

"忘　我沒有很努力要自己去遺忘
那些和日記一起收藏的過往
孤單在思緒之中變得很漫長
想　我沒有很刻意讓自己不去想
那些和照片一起靜止的模樣
我學著堅強　堅強到不用學著不想　學著遺忘
還是害怕夜深人靜時總想起你
還是害怕不經意的聽見你的消息
然而當愛已經沉澱得太清晰
當擁有已經是失去　就勇敢的放棄
還是會害怕一個人時就很難忘記
還是害怕突然寧願當初沒有決定
然而當愛最後的出口是分離
我會這麼相信　走下去"

走下去.. 走下去...

學校突然間擺晒檔, 搞中國民間活動.. 當中有d 係賣野, 為內地圓玄希望小學籌錢..
但有得求籤.. 我又想玩下... 某程度上我係開玩笑地求姻緣.. 姻咩緣呀.. 考試仲求姻緣..
求左一條咁o既籤..
============================
第九十七簽 中平 康順釣魚

簽文：
憑欄晚眺倚南樓 滿目風光景色幽
一葉小舟頻下餌 漁翁釣得有魚無

解簽：
凡取魚者。用網則一拋而得魚多。用釣逐個而得魚少。今登樓晚望。滿眼佳景。見此艇小如一葉。則浮浮而不甚堅穩也。頻頻下釣。則勤苦而不得休息也。而仍未知有釣魚否。則魚之難釣可知也。此簽似無大碍。而事之吉凶。未可定。恐勤苦難成。
財難得 病愈遲 謀望事
謹慎宜 問婚姻 另擇良
畜與蚕 得利微 孕平安
行未至 宅平穩 修善昌

問風水此地非平穩
問遺失尋之恐難得
問自身恐勞苦不安
問天時恐勤勞無功
問出行辛苦恐無利
--------------------------
簡單d o黎講, 就係啤晒..
即係追過第二個囉(另擇良嘛...), 仲要努力左都唔知有無成果果種囉..
所以我以後唔會再去諗感情o既事.. 對我黎講, 太複雜.. 我已經無膽去等待.. 無膽去落鈎釣魚囉..

算吧~
電腦考試, 真係...
阿sir 都唔知係唔係放棄我地.. 居然出past paper.. 卷二係一條2001年, 另一條居然係2003...
淺到.. 都唔知點做... 你會以為佢係陰你....
睇番2003年.. 原來有一條係題目係講VoIP (Voice over IP).. 我一睇就知點做... 哈~ (你估全港有幾多考生識QoS呀? 考試報告話好多人唔識做... 唔係掛...)

第二日考P. skill 出晒事.. 全世界我諗唔係好多人做得晒..
連我呢d 平時會剩幾個字時間坐係到的人都做唔晒.. 痴線... 真係high 晒野...
到第三日中文科...
不過不失咁啦.. 不過感覺好唔踏實...

=============================
星期二居然幾乎遲到, 仲搞到遲入隊.. 好彩佢提我返自己班隊就算..
簡直係... 鬼咩.. 呢幾日好眼訓...
唔夠精神.. 無咩力量咁... 考試係咁架啦..
日日返到屋企都要午睡.. 平時我係唔使訓直到晚上...
我真係好累...

=============================
回 靈魂:
當然啦~ 我講野一向都咁精架啦..

>>February 20, 2004 at 8:53:28 AM GMT+8

2004 年 2 月 16 日 星期一 【陰晴不定】

少年不知愁滋味..
睇黎我都呢一刻開始先有一種愁的感覺...
以前我的愁, 煩都停留係感情問題上.. 呢次, 我第一次感受到咩係真正o既愁..

===============================
我呢次真係愁一樣我從未試過愁o既野 - 前途..
突然間, 有一種好大海茫茫的感覺.. 好大霧.. 睇唔到前景...
點解會咁!? 因為尋晚乾同我去補習的時候, 佢同我講, 中大果科Internet Eng. (我最想入果科) 可能會取消, 因為大學cut 資源... 其實因為果科易入我先會揀架jei.. 某程度上, 我見到佢個課程都覺得淺左d... 無咩野好搞.. (咁咪好囉.. 唔大風大浪..), 而家就可能要改選擇, 出去同人砌過!
但係, 同人砌, 你估咁易咩!?

今日譚sir 終於講校長推薦計劃的詳情.. 一間學校最多推三個學生, 其實幾時輪到我..
我係YY2 都可以話係高層人士的潛艇.. 係YY2, 我唔係咁想好似係M記咁鋒芒畢露.. 因為根本唔係一件好事... 細過o既我會o既, 因為覺得唔多唔少會有著數, 但而家覺得會更危險.. 寧願收埋自己就算數.. 有榭自然香.. 唔使講的.. 只不過都博下啦... 照報囉..

眼見其他同學好努力咁溫書.. 我!? 咁讀CS係比讀Chem 輕鬆得多.. 好易上手..
電腦, 只係人做出來的把戲, 比起粒子等上天做出來的東西, 容易理解很多.. 因為往往都會有解釋.. 但Chem... 真係好難明點解會咁...聽日就俾人剝啦(Mock exam..).. 以前都無咩大壓力, 但係呢次, 我想盡全力去考... 我唔想失去感情之外, 失去埋自己可以控制的前途.. 自途係我自己的.. 點都要對自己有交待..

今日見到佢.. 突然間覺得佢好靚.. 唔知點解.. 以前又無話呢種感覺..
諗番起上次考試, 佢一直都有係我身邊出現..
從電話上, 從icq 上陪伴著我.. 其實係好暖o既..
但係而家得我一個, 無話咩好定壞o既... 而家咪可以認真咁溫書囉...
所以感情呢d 野無話有就好, 無就唔好..
有女朋友會有o既好, 但係無都會有無o既好..
呢d 野上天會安排的.. 雖然我唔信基督, 但係我信有個主宰.. 將所有野安排得好好...
呢個主宰我會覺得係因果關係. 呢d 就係命運...

無奈? 係架.. 無得行一條自己覺得好o既路, 可能會自怨自艾, 我都試過.. 但你呢一刻覺得好o者, 唔係一定真係好架嘛...
天下間無野係絕對好定唔好.. 所以唔好咁執著囉.. (所以賤咀呀.. 唔係一定要溝女先得架.. 呢d 野早有定數..)
好似睇電視, 講屯門車禍果單野, 車禍對個人的影響好大, 果個人都而家仲有陰影, 但係車禍同時間令到佢地家人關係好左... 我尋晚補習又係.. 追唔到巴士好似好唔抵, 但係追唔到咪搭到下一班226囉.. (我最鍾意果款車...)

曾幾何時, 我對感情都執著過... 人不風流枉少年... 少年時總會任性過, 感情用事過,
曾經我都覺得我o既優點就係有感情, 係一個完整o既人.. 但係而家卻離開感情... 就等於發明食肉減肥法的醫生死前都係癡肥一樣.. 一樣咁諷刺... 尋覓半生, 得到的卻是無奈.. 算吧~
唔係話成熟左o既, 只係人大左, 開始無咁感情用事, 因為開始明白唔係講feeling 就大晒... 仲要有現實的環境..

=============================
你唔信命運?
總有一刻你會信的...
=============================
老表, 生日快樂..

>>February 18, 2004 at 11:15:53 AM GMT+8

2004 年 2 月 14 日 星期六 【晴】

星期日.. 原本應承左一個朋友寫php.. 佢個死仔包要交功課, 但係又唔識, 最慘又要趕住交, 原本諗住係教佢自己做.. 點知都係用落手做一part仔.. 不過都係寫唔切..

==============================
因為今日下午去左老表公司, 繼續調查佢公司網絡離奇死亡事件..
假假地我都係網管... 無理由搞唔掂...
上次假切左Switch 有問題, 今日終於証實lu...

------------------
尋晚睇鐵達尼睇到好夜.. 十二點幾.. 係好感動, 但係我呢次無咩感覺囉..
我記得我細過果陣睇過一次, 但係以前點知發生咩事呀.. 最多咪知道係撞船...
------------------
三點幾就搭車去大圍.. 星期日我去沙田/大圍通常唔會搭火車.. 因為屋企去火車站果程要俾錢, 4.9 + 2.5 = 7.4, 而72A 本身只係5.3 .......

做左好耐, 試左好耐..

八點九去到大圍火車站, 等到九點先有車.. 返到屋企, 都只係40分鐘... 唔係慢得火車好多...

===============================
回 魚子:
吓!?
唔知你啦...

>>February 16, 2004 at 7:50:44 AM GMT+8

2004 年 2 月 13 日 星期五 【晴】

2月14日, 情人節,
對我來說和普通的一天全無分別.. 因為我根本沒有情人.. 所以情人節來得全無意義.
反而7月14 (農曆)我會更加有興趣囉.. 起碼我要落街燒街衣.. 2月14, 無人樣有關呢個節日o既野會做....

=============================
不過2月14呢個節日其實都幾得意.. 因為來由起碼有兩個版本.. 唔知邊個先係真,
但anyway, 呢個係一個好好搵錢的節日.. 因為平時好平的花今日都會升價百倍.. 係一個好好的商機, 只要你頂得住別人的幸福所造成心中的酸..

今日一起身第一件事就係幫銓借Hub.. 打番去我公司到, 因為我公司有士啤hub.
咁好易借到o者, 大家都係表姊兄弟.. (銓係我表哥, 也是我表姐的表弟..)
不過咁樣壞一壞就令到間公司唔見成萬銀.. sorry 呀.. 我都唔想.. (p.s. 又唔係我整壞, 但係我無好準確咁肯定係switch 壞, 雖然我估到...)

之後下午同賤咀傾電話..
佢係咁叫我去溝女.. 點溝呀.. 老實講, 真係唔想搞.. 好辛苦架..
我已經好多感情壞賬.. 唔需要增添多d...

五點幾果陣去跟榮哥.. 榮哥而家星期一至六要係食飯前果轉改行72,
所以我今日只係用左1蚊就來回黃金啦.. 哈~ (因為上車唔俾錢, 落車作狀入左一蚊..)

同3678一齊遊河, 感覺唔錯..
值得一提係今日黃金好少人.. 鬼咩, 情人節邊個得閒行黃金呀..
不過我就替班sales 慘.. 情人節都要留係黃金場到, 無得走...
今日見到沙田就有兩pair 人上車, 同樣係雍雅山房落車..

之後3678 請食雪糕, 就返屋企啦..

============================

>>February 14, 2004 at 3:20:55 PM GMT+8

2004 年 2 月 12 日 星期四 【晴】

今日突然間心情輕鬆左好多..
因為, 我決定左以事業為重.. 唔再諗呢d 野..

=============================
今日睇到佢係佢留言板的回覆.. 突然間唔知點解心情輕鬆左好多..
雖然文字仍然是老生常談.. 但係突然有呢種感覺.. 哈~ 蠻好..
真係輕鬆過腦輕鬆.. 算唔算叫放棄左!? 我呢一刻係心如止水囉...

驀然回首, 回想追蹤感情的歲月..
不經不覺, 這幾場南柯一夢已經六年..
六年來, 風風雨雨, 從何說起?
然而, 到這一刻, 成敗不能論英雄. 情其實哪可分勝負?
凡事有得必有失, 六年來, 失去的, 得到的, 如何算得清?
但愛使人成長, 六年前的我, 已經跟今日的我大不同..

之後o既事, 之後再算吧..
當下即是, 現在的事才是最重要.. 我的前途, 我的事業, 和我的朋友(就是你們)和家人.
但開心的就是, 花了幾年的時間, 我總算可以脫離了感情的負擔..

我, 由一個對感情充滿期待和幻想的人, 變成一個對感情不聞不問的人..
很奇怪吧~ 係呀... 世事就係咁得意... 滿以為自己就算點都會追求落去, 可是就是會有驚人的轉變.. 好唔好, 兩睇啦... ^_^
=============================
係306, 我真係俾人串得多..
有一次蔡生話我, 呢舊石頭黎架.. 點"界"呀.. 因為次次佢講靚女, 我總會話對靚女無興趣.. 我會睇內心先... 樣, ok 就得..

由於屋企無水用, 所以同乾同興三個人食...
放學就急急腳去大圍我老表間公司果到睇下咩事.. 其實尋晚補完習已經去過一次,
不過今日又有事.. 真係神奇... 其實開始懷疑係Switch 有事.. 鬼咩.. 幫間公司起網果條友唔知有病定有鬼, 通常24個點就買一隻24 port switch 就算, 但居然佢用4隻8 port switch.. 咪玩啦, 咁樣出事機會咪高左囉.. 而且會火燒連環船架, 我覺得... 而且switch <--> switch 會慢過一個switch內部通訊.. 我再一次發揮臨危受命的功用..
問題係咩呢? 隻linux router 過一陣就會出現: eth0: too much work on interrupt
我地換過晒d lan card, 線.. 連機都換埋..
但係晚上又再次發生呢個問題.. 唔使問, 我諗係hub/switch有事, 因為網上有個FAQ都有講到switch有事會導致呢個問題發生..

=====================================
晚上同一個剛剛識的網友傾計..
不過感覺上不太咬弦...

佢最初都係讀電腦的, 但佢話讀電腦的人最終會永遠無可能有好既人際關係.. 所以轉左科..
呢一點我就真係唔係好認同.. there exist 有讀電腦的人係無咩朋友, 但係not all 囉.. 似乎有一竹篙打一船人的感覺.. 因為就算一個人電腦點勁, 都唔會淨係得電腦囉.. 我!? 識我的人都知我除左電腦迷, 仲係巴士迷, 軍備迷, 電影迷, 攝影迷... 多方面發展架嘛..
起碼我自問我人際關係, 朋友果面係蠻可以..
我有知己, 有朋友, 好多類人都有..
我只係感情處理上好笨拙同粗心, 就好似企鵝係冰面上行路.. 成日都因為自己感情過份著緊而弄巧成拙...
但係識frd, 做frd.. 我唔成太大問題囉.
而對一d 街外人, 都未致於唔識表達自己囉..
不過我同佢最大分野就係, 佢會睇人眉頭眼額, 會睇幾時應該做咩, 唔做d 咩...佢係一個好聰明, 好識做的人.. 而我係會對外人先會咁囉.. 對自己人, 我反而expect 佢會對我係打開心窗.. 例如賤咀vs賤人果陣, 大家都會好開心見成咁講自己的感覺囉.. 佢會覺得唔洗估, 直接講係問題..
咁, 觀點角度唔同啦... 好難一概而論...

我係一個直接的人.. 簡單的人..
如果個個人都咁簡單, 你話唔好咩!? 可能我真係簡單啦.. 係呢方面..

我想聽下各位的聲音, 係呢方面..
==============================
回 賤健..
hee~ 呢d 野.. 講天份o既..
睇下你同阿坤叔有無計傾啦~ =) XDDDDD

好呀.. 我同佢地講聲呀!

>>February 14, 2004 at 4:23:58 AM GMT+8