2004 年 1 月 10 日 星期六 【晴】

今日.. 過得我都唔知點形容的一日...


==================================
早上, 表妹同姑姐八點鐘就走,
我沒有向她們道別, 因為我仲係張床上, 醒係醒左, 但未起到身..
再訓番就係十點幾啦... 得番阿媽係到, 老豆就同佢地一齊上廣州, 之後玩番兩三日先返落黎..

有人問數, 所以搞到一點幾..
估唔到MSN 都可以做下補習.. 最慘就係個鏡頭唔知點解lateral inverted.. 反而netmeeting 無事...
哈...

原本約左marco 兩點, 但係最終都搞到三點先去划船..
終於登陸對面個島啦.. 不過真係好辛苦.. 仲搞到遲左返大尾篤..
唉.. 一日都係我, 唔夠力, 所以架船係S字形行...
搞到入黑先返到碼頭...

好驚呀.. 第日有人叫我去划船都真係要諗清楚...

之後今晚九點就攞server 去VVVF兄到, 話時話好耐無見佢..
三個人(加埋我徒弟) 都有計傾.. 唔錯唔錯..

=============================
今日聽到小月考得唔係咁好唔開心,
希望佢可以快d 痛定思痛, 繼續努力啦...
呢幾日我連網都無上.. 真係咩風都收唔到..

=============================

>>January 11, 2004 at 3:10:16 PM GMT+8

2004 年 1 月 9 日 星期五 【晴】

係唔係見我好少上網呢?
我呢幾日都成日唔係屋企.. 點解? 因為係廣州o既表妹同姑姐落左黎, 要同佢地去遊山玩水嘛...
我轉頭先寫番星期四同五的日記啦..

==================================
今日係佢最後一日係香港玩, 所以盡量去多d 地方.. 可惜我成十一點先起到身...

第一站係旺角女人街, 去shopping.. 我呢個表妹佢係咁買, 仲係咁講價..
個場面睇我都嘩然... 佢都買左唔少野..
咁我自已都有收穫, 一條頸巾(出街用的), 同埋一條'膠'珠手鏈(我都想係真水晶, 無奈48蚊仲想點..)

行左我諗都有一個鐘, 之後去一間日本餐廳食野, 任食每位只係51蚊, 如果食拉麵就唔係咁抵...
不過幾乎睇唔到"食淨每磅要五十蚊"... 不過我呢個神仙肚, 多多到放得落啦.. 問題我放唔放ja ma..
其實尋日先食日本野, 今日又食, 係唔係有少少過份? 不過算係無選擇之中最好的選擇...

之後行家樂, Tready Zone,
就上山頂(又上山頂..) 原因係尋晚去唔切臘像館... 同埋信不信由你奇趣館,
你咪話, 呢兩個地方都好掂.. 會用左你好多時間去睇... 機神絕對推介..
尋晚就係山頂搭纜車落返黎, 不過計過好貴, 今日試下搭15號.. 點知要好長時間同埋表妹搭到幾辛苦, 所以... 返落黎都係用返纜車..
我地首先去臘像館影相, 學生價好平, 只係55蚊位.. 都有幾多人物, 包括同我同一日生日的演員Charlie Chaplin (查利卓別林, 英國演員), 佢個眼神好blue(憂鬱).. 係唔係4月16日生日的人都係blue o既呢....
之後仲有皮禮斯布士藍 (007果個), 成龍, Kelly, 之類啦..當然佢地個招牌人物瑪麗蓮夢露係到, 愛迪梅菲行開左, 唔係到(得番個牌..)
歷史/領袖人物有希特拉(吓!), 鄧小平, 克林頓, 江澤民, 仲有英國皇室, 居然有薩達姆..
可是沒有我見的艾森豪威爾, Tom Hanks, 史匹堡....

之後去信不信由你奇趣館... 好正, 好多得意野睇, 好多trap 失驚無神整估你, 好好玩,
呢個就貴d 入場費啦.. 一位99蚊(包動感影院), 不過呢個動感影院就差過海洋公園果個.. 無咁勁...

返到大埔, 老豆話去姑姐到食飯(富善邨).
食到都幾晚.. 之後返到屋企佢地就執行李, 都訓左啦..
我又搞到一點幾先訓..

============================
回 我個妹:
唔好未打杖就先話死.. 咁樣就真係死梗..
maths.. 最慘呢幾日我唔得, 唔係我都幫到你..

>>January 11, 2004 at 1:50:37 PM GMT+8

2004 年 1 月 8 日 星期四 【晴】

原本想連最後果三堂都唔番, 但係阿媽係都要叫我返學.. 仲諗住skip 中文堂tim... 唉...
佢地去左金紫荊廣場, 灣仔..
講起又好笑, 簡sir 居然話搞錯左上堂時間, 又無上半堂.. 唉.. 咁我返黎真係唔知為咩...

=================================
唔緊要啦, 又咪係失蹤於306 上網...
返到屋企, 居然撞到佢地又返屋企.. 我仲估佢地行埋山頂tim, 不過佢地話好累, 所以無去到..

我話去黃金, 幫小月睇隻case..
而且我仲未買到d 電容, 不過今日都係搵唔到,
而隻case, 我並唔係搵唔到果個形號 (Acer Aspire P III 年代機..) 問題係佢淨係要塊面板(膠).. 我搵到一間, 可惜個cdrom 位爆左... 個老闆問: "你想我賣幾多錢俾你?".. 老實講, 我做左咁多年電腦都唔識答...果塊膠.. 真係... 反而成部機就有得賣... 成部機? 送俾你都唔要啦.. acer 機... (唔係o既, CPU 呢d 野無分咩機都係果粒架jei....)
佢話一有case 就搵我...所以我留低左張卡片俾果間舖頭, 而我都攞左佢張卡片... 個老闆仲問我係唔係在microsoft 做(因為有MCSE 個logo)..... 我都想.. ^_^

最初諗住之後去銅鑼灣, 聽日先上山頂, 但係佢話想去山頂多d, 所以上左山先..
老實講, 我都好似成十二年無上過山頂.. 對上一次, "老襯亭"好似仲係到, 不過我係知道係金鐘有車搭去纜車站囉... 係有.. 12S 嘛, 不過去埋仙跡岩飲埋杯野都仲未有車.. 可想而知...
估唔到o既係我地等12S期間發現有另外的遊客想上山頂... 傾傾下... 發現一切搭的士上到山頂都好平(事實的確係..) 結果每位只係十蚊...
由於去到實在太晚, 食埋飯都咩都唔使睇....
唯一可以睇就係機神重點推介 - 香港夜景.. 真係好掂...

不過返到屋企都成十二點...

==========================
仲有差d 講留左...
靈魂兄生日快樂..

>>January 15, 2004 at 4:07:43 AM GMT+8

2004 年 1 月 6 日 星期二 【晴】

日日返學, 有d 唔多習慣.. 一時間...
好一日day 6.. 有一堂空堂, 不過係306過, 玩到唔知時間tim..
(因為而家上午d人考試所以唔打鐘)..

===============================
好奇怪地, 突然間係廣州的姑姐同表妹話聽日落黎香港玩.. 好突然呀..

===============================
day 6.. 三堂電腦, 有兩堂老師開會, 所以有兩堂可以吃喝玩樂... 好開心...
之後放學無野做, 好早就返到屋企...

===============================
回 我個妹你..
呢排唔多得閒, 日日都唔知點解無寫到日記,... 所以...
有時係會咁, 但係時間會解決一切問題...

>>January 9, 2004 at 7:23:05 AM GMT+8

2004 年 1 月 5 日 星期一 【晴】

中六的同學, 努力呀.. 考試啦..
我地中七的同學, 要更加努力呀..

======================
調左上302室, 感覺其實幾好.. 因為一伸直條腰就可以望到回歸塔同海景.. 好舒暢..
其實圓二環境(望海果邊)真係幾好架..我中六第一日已經咁講..
可惜富善果邊... 唔爭氣.. 飛仔又多, 又雜.. 令到果種貴氣蕩然無存... 間學校想好都幾難啦..
不過班低form 唔會識諗呢d 野架啦... 老實講我都係中六之後先鍾意山水樹景(因為鍾意攝影),
所以去韓國先會enjoy.. 其實韓國真係無咩野玩, 一味係景色靚...

當沉醉係呢個景色.. 還是要上堂.. 唉...

中文堂.. 班女仔出黎講文化篇章.. 其實都幾搞笑... 起碼有少少氣氛先..

UE... 三堂作文.. 作到我都.. 唉.. 無point 好寫.. 所以篇文好散同好亂..

==============================
我仍然可以依時走.. 算係咁啦...
之後去銀行搞埋d god sand 野... 搞左一陣..
返到屋企已經好累... 所以訓左兩粒鐘...
搞到幾乎夜晚訓唔著....哈...

上網最高興的是, 我擔心左幾日的基哥終於搵我...
咁我都無咁驚...
仲約我去打球tim!
==============================

>>January 7, 2004 at 12:04:50 PM GMT+8

2004 年 1 月 4 日 星期日 【晴】

今日都發生左好多事.. 因為第一日返學...


========================
其實今日過得尚算平靜.. 只係多事發生而已...
無人話過多事發生就會心神不靜架嘛....

課堂, 依然係悶到七彩,
唯一可以講下的就PE 堂的跳彈床.. 好好玩.. 雖然係有少少驚...
成個人彈下彈下, 係地面世界做唔到, 都可以係彈床到彈到出黎..

電腦堂, 依舊係吹水過,
TMD老趙, 我都以為係TAS, 但係失驚無神改為教書.. 三堂.. 佢講野又慢, 加埋兩堂都唔知有無用到...

==========================
今日我又開始我的補習生活, 雖然不及我們的補習天皇Wong J,
但係還得要去補習...
同乾兄去沙田補這個MC Chan... 真係俾MC Chan笑死.. 佢話用phy 知識去整估情敵.. 救命...
不過意想不到的就係撞到一個人, 更以想不到的, 就是那個人跟我說了小月的消息...
其實到這一刻我還是半信半疑.. 可能性實在低了一點..
那個人說.... (我還是不應該在這裏說)...
可是, 如果是這樣的話, 不失為一件好事.. 可說是一個很好的結局... 只是一時之間有點震撼, 還有未完全過去的感覺帶來的驚惶.. 可是很快就沒事了.. 因為我明白自己想怎樣的..

只要睡一覺, 明天就可以當沒事發生過...
================================
她的世界之中,
我只是一顆偶意劃過天際的流星,
發亮過, 燦爛過, 照耀過, 可是一瞬即逝,
就離開了她的天空,
一切又回復原貌.

================================
回 我個妹你,
我無去睇馬呀.. 我都唔識買馬..

你呀, 今年要揀科架啦.. 仲玩咁多..
不過到中四又係一年好玩的一年.. =)

>>January 6, 2004 at 3:17:26 PM GMT+8

2004 年 1 月 3 日 星期六 【晴】

返學前的一日,
又要返去辛苦了...

=========================
今日星期日, 咩都唔想做...
成十二點咁濟先起身, 早餐都無食就正接同老爸去食午飯.. 因為佢約左frd 去馬場睇馬..
我媽又一早出街玩.. 幾乎今日都係我一個人過...

淨係在屋企上下網, 吹下水咁啦...
=========================

>>January 5, 2004 at 10:31:24 AM GMT+8

2004 年 1 月 2 日 星期五 【晴】

今日係好開心的一日,
因為見到好多平時好少見的friend...

=======================
今日我, 鍾泉, 沾叔, Choice, 黎學車(居然佢會出現), 龍儒,
一早就去富豪Neway 唱K...
我就, 起唔到身.. 無法啦.. 尋晚唔知點解訓得唔好,

所以我要成十一點幾先到... 唉~
不過一去到就見到鍾泉係到傾電話, 仲傾左好耐先入番去..
搞笑就係佢成日都唔知有無唱左3 首歌..
我自己就唱左1 d 我好想唱的歌, 例如: 非走不可, 猜情尋, 兄妹...
不過neway 好早就趕人走.. 真係r 晒頭... 我都未夠喉...

唱完之後, 鍾泉走左, 我地就去左沙田單車公園租車踩... 龍儒好黑仔.. 佢換左一架車之後, 都仲有不少毛病... 相反我地幾個d 車都無問題.. 只係我換左一次(因為個手柄太短..)...
踩左沙田, 馬鞍山, 踏左三個鐘.. 搞到最後上斜無晒力.. 腳都軟埋.. 真係.... 未試過咁激動.. 不過我都有成兩三個月無踩車(自從架車俾人偷左之後..)

之後一個二個都累到無打算繼續搵野玩... 立即返屋企..

去到大埔, 黎學車最後都被"奪命追魂call" 奪去性命, 沾叔同choice 去食野, 我一個人就去銀行攞錢報補習班.. 還是phy 吧... 搞左一陣, 之後上K17, 居然又撞番黎學車...

==============================
返到屋企, 食飯之後上了一陣網...
居然收到一個令人講粗口的消息, 是某個人開始拍拖了....告訴我的那個人叫我不要說出去, 所以我不打算說出去..
但是我真是很想大大聲說粗口... 因為... 媽的, 我真的不敢相信, 可是已經證實了(另一個人証實的...) 天啊.. 不過算啦, 其實不關我事的, 只是... 而且我對感情都已經放棄了.. 還可以說些甚麼..
幾米也說: "對於愛情, 我無話可說" (幾米 - 你們我們他們 最後一頁)
現在的年青人真是, 特別係果個人.. 我也不知怎說.. 最多真係講句睇佢幾時散.. (我1 d 都唔睇好..)
你話我毒又好, 點都好....

還有, 就是不經意看到她的icq info...
其實只是好奇, 還有我定時會update 我的朋友的icq info 而已..
然而, 她的info 有點摸不著邊際的感覺, 完全可說是看不明白.. 其實不關我事的,
只不過我在想, 如果他朝有日她能忘記過去, 接受一個愛她的人, 就算不是我, 也不失為一件好事, 善哉, 善哉.... 作為朋友, 也會替她高興的... 阿彌陀佛, 善哉, 善哉..

我自己又如何呢? 開始對感情這種事沒有興趣, 也沒有感覺..
以前見到人們溫馨的場面, 我會有落淚的衝動, 可是現在, 卻沒有任何感覺.... 心情非常平靜..
我之前早就說過, 我"愛的力量"(<---有點誇張)會有一日用完... 之後我就唔會再有感覺..
這一日終於來臨了...
但我不會永遠都唔再想, 等我恢復返自信先啦... 等某個人會俾到信心我, 我先會再付出..
不過呢個人會出現嗎? 我不樂觀...
不要緊吧, 生是一個人, 死也當然是一個人啦.. 而且不用牽掛.. 蠻好, 蠻好....
==========================

>>January 3, 2004 at 3:55:19 PM GMT+8

2004 年 1 月 1 日 星期四 【晴】

今日, 是一天令我突然發現自己應該開始節儉...
開始過這個瘦日子.
原因, 主要是我老爸退休..
=================================
今日早上還是補課, 補的還是純數.
但係補課人數少左..
神奇的是, 我都唔知邊個上左我身, 連locus 都識計.. 真係...

今朝原本約左禽獸, 俾番本野佢, 點知.. 起唔到身, 一醒已經... 太遲啦...
結果.... 唉... 最後我都係寄左本野俾佢.. 唔知佢收到未呢?
講起寄野, 又係火滾.. 成村人係到排晒隊, 得一個counter, 仲要係一個阿伯佢處理...
慢到, 行步路都慢個人, 好心佢地請多個人, 開多個counter 啦.. 搞到我下午補課遲到..
=================================
補課少問題吧..
最大件事, 就是我爸退休金的安排問題, 其實不關我事的,
最主要是, 就算那些錢給我, 我也沒有用, 何況我根本不想這樣一下子有錢... 加上錢不是我的..
但我要知道他們的安排, 免得日後會有咩問題咁啦..
開始發現, 以前我可以搵幾多洗返幾多, 但當然, 我會就住的,
而家就覺得, 唔可以咁啦... 因為屋企人已經無經濟支持架啦... 更加要慳錢...
屋企人無野做, 我又未可以做野, 咩都開始要就住就住,
例如出去玩, 可免則免啦, 我諗聽日都係考試前的最後一兩次啦...

仲有, 今年應該避免大部份高消費項目, 例如唱happy bour 的K, (唱lunch 都只可以幾個月一次),
最大消費的拍拖, 就算心靈上再次頂得順, 都最快要過到八九月先得, 因為最快要果陣先會搵到個聚寶盆... (對我黎講拍拖係一個非常之用錢的動作.. 就算真係AA制咁樣衰, 咁你出街都要搭車架!)

所以要省錢啦... 各位想叫我去玩, 我就得要就住啦....
就算我而家搭車, 過海一定係地鐵(有半價平嘛..) 以前果d 咩307 ->694, 大家都係忘記佢啦...
307都應該少搭(雖然尋日搭左, 但係計個條數差唔多先搭..)
就算尋日無免費K12的情況下, 計過, 搭72A會平d, 之後連88k都無搭, 由火車站行去表哥到... 我都要行成三個幾字...

錢, 我又唔係想要好多, 但係時候去量入為出..

============================
晚上都係上下網, 還有要打日記啦..

============================
回 Wong J & 乾..
呢d 野~~ 哈哈哈~

回 凱軒, Kylie:
thx.. n u 2 la.

回 賤健:
嘩... 太鼓.. 60蚊, 兩個人玩, 最多六次...
大鼓之達人5 - 新機有好多新歌 - 例如命運交響曲.. 好正架... 不過最淺都五粒星.. 慢慢玩...
我硬係覺得太鼓個display 同你實際拍的時間係有出入... 係一定要聽音樂先得..

回 徒弟:
就係要靠你.. 所以你快d 接手我d 家庭客.. 等我可以繼續開拓..

回 我個妹你:
係架, 放低野, 當然唔係會一朝一夕o既事, 時間可以話係唯一的方法...
追求, 講起呢樣野, 有個同學同我講, 話唔想好似我咁, 睇到個世界好似好灰..
其實佢地覺得我慘, 可能我經歷話俾我聽要去理智呢?
到某一刻, 可能我會重新接受感情呢...?
總之呢一刻係無可能知道下一刻, 但呢一刻我明白我自己唔係咁想呢樣野發生囉..
明天會更好, 不是嗎???

>>January 3, 2004 at 2:15:58 PM GMT+8

2003 年 12 月 31 日 星期三 【晴】

今日原本打算唔出街, 點知老豆我阿媽突然話去表哥到...
仲有一樣野唔記得左講, 今日開始我老豆正式榮休... 都o岩o既, 辛苦左大半世人,
係時候到我去繼續維持呢個家..
(不過最快都要讀完大學)
=============================
今日一行人去到, 坐一陣, 食飯, 今日真姨還有出現,
可是銓少有野做, 無一齊黎..

一月一日, 當然要有特別o既, 無錯.. 就係發神經咁去左銅鑼灣打機...
兩條友, 殺左出去, 打左五十蚊機... 有搖鼓, 太鼓... 還有一些其他遊戲啦..
玩到六點幾七點左右, 我地就走啦.. 我走左去搭307 返大埔,
上到巴士就打俾銓少.. 佢係人地到set 這個SATA RAID.. 對我來說, 這個是真的新鮮的... 好彩到最後, 用左一程307的時間去解決左佢o既問題, 問題就在於佢部機個RAID Controller (On board Promise PDC?????) 俾人熄左, 所以一開機detect 唔到任何drive, 更楻論要行RAID.... :'-( 滴汗ing...

返到屋企, 還是上網吧..
不過大家有沒有發現我很少上ICQ?
是的, 我呢排真係好少上icq... 唔知點解, 而家唔係咁鍾意玩icq..
可能係一上icq, 就好多人都會擁埋黎, 跟住就會好忙...
所以近來, 要找我的話, 反而Email 會是最快, 其次是msn messenger..
我的email address 是 [email protected]..
===========================
晚上, 久未露面的樺哥終於搵我啦... 除左一句happy new year 之外, 就是問我借Win XP碟.. 沒所謂啦, 反正我也要他幫我到郵局寄信.. 就是那張放在我家多日還未寫的卡.. 昨天就決心將它完成..
===========================
回 我阿妹你:
多謝你的祝福... 我而家都好開心呀, 特別係識到你同你阿哥,
仲有你呀, 唔好諗埋一面... 看得起, 放得低, 世界自然大..
我而家都要珍惜我已有的幸福.. 包括你地的友情.. 唔再去追求一d 無謂o既野..
我也很榮幸有你這個好細妹~
有咩事搵我啦!

>>January 2, 2004 at 3:07:04 PM GMT+8