2003 年 11 月 7 日 星期五 【晴】

今日發生左一件好神奇的事..
就係令到一個唔係咁熟落的朋友交心...

================================
突然間今日家豪係早上打電話俾我話約我食飯...
好突然呀~~ 我仲以為咩事..

約到出黎, 原來佢見我前果排好唔開心... 問我發生咩事.. 想開解下我..
真係有心!! 原來佢係咁好人.. 我有d 後悔無早d 識呢個人.... 嗚嗚嗚....
但係結果... 係佢講佢件事俾我知囉.. 因為我根本已經無事啦嘛~~!
我對佢已經唔係咁在乎.... 最多係普通朋友關係... (心淡嘛..)

但係我卻更認識家豪...
一個以前住我樓上的同學...
以前住咁近就無聯絡, 反而佢搬到去馬鞍山就一見如故.. 哈~
我同佢都覺得呢個世界真係好玄...

同佢傾左好耐, 搞到補習都差d 遲到...

話就話兩堂一齊上, 但係可能同家豪飲野果陣飲咖啡.. 同埋呢堂d 野比較淺,
所以唔係覺得特別辛苦...
坐我隔離果個女仔係咁望我份notes.. 哈~ 好心佢抄screen 抄快d 啦!

返到屋企...
食完飯沖完涼....

TOTO姐居然打電話黎問我感情問題...
我真係好surprise......

============================
回: 靈魂
唔做住啦.. 好攰..

回: 賤健
所以我工作苦悶囉...
但係唔做又唔得...

>>November 9, 2003 at 4:20:39 AM GMT+8

2003 年 11 月 6 日 星期四 【晴】

難得今日有兩堂空堂..
不過李sir 俾左份prolog exercise 俾我地...

===================================
其實prolog係一個玩推理的語言...
例如你俾d 資料佢, i.e. 我係邊個的爸爸, who is whose father, 之後再定義"仔"就係老豆的仔之類,
之後問佢, 邊個係邊個o既仔...
嘩.. 眼都花~~~

但係諗深一層.. 如果電腦識得love呢樣野, 你話幾可怕??
prolog都可以love (x,y)之類, 之後問x love 邊個..
到時我諗我會同一部電腦結婚好d....~

==============================
空堂後就出走大角咀..
不過突然佢地話見客, 要晚少少先.. 所以去左深水先.. 幫佢地買隻barcode reader..
之後去到都搞幾耐.. 果客都走囉..
聽番佢地講見客果陣勁扮野, ben 哥扮pack 貨, 有d 人扮聽電話... 搞事....

今日的任務係兩部機加ram, 同埋set SANE Network Scanning...
加ram 呢d 就濕碎野啦.. 好快搞掂..

但係SANE...
首先要裝hpoj-sane果個driver, 令到個linux認到個printer 其實HP Officejet 6110, 之後要佢認埋其實佢有scan 功能的.. 我又唔知一裝要改埋print 野... 哎呀.. 搞左好耐..
搞掂server, 又到client 有事.. 隻Xsane Win32 dump左stack...
唔知點解隻sanetwain又download唔到.. 但係好彩... 突然間又download到.. 咁先有得收工ja..~~~
好彩.....

之後一行四人去大角咀食飯..

===========================
BY Beacon College, CY Chow:

readln(num);
if (num >3) > (num > 4)
then else writeln('OK')

你話ok 唔ok?

===========================

>>November 8, 2003 at 5:11:59 AM GMT+8

2003 年 11 月 5 日 星期三 【晴】

哎呀.. 唔記得晒星期二至三所發生的事tim~~~
算吧..

====================================
用今日去寫番呢兩三日所發生的事吧..

星期二三都係返學放學之類的,
星期四..
放學後去左黃金買呢個DDR Ram.. 而家d ram 真係貴
Samsung DDR333 256M $305
好貴...

之後落大角咀/深水步整埋少少野.. 做少少準備工作..
例如insmod scanner.o之類啦..

原來Tim 叔叔番左黎香港...
我都係今日先知.. 好神秘...
=========================================

>>November 7, 2003 at 7:08:07 AM GMT+8

2003 年 11 月 2 日 星期日 【晴】

去完廣州.. 又開始返學..

=========================
今日"佢"無返..
都好... 可以令自己清靜d...
其實對佢都開始淡...

只係責任上, 都仲係幫佢攞報紙..
但係唔多想打電話問下佢點....
可能我一開口就係問"你死得未呀? 未呀嘛.. 再見.." :->

-------------------------------
放學後, 由於lunch唔記得攞PE衫返屋企, 所以放學要返一返屋企先..
之後由於經紅磡攞番scanner的關係, 所以搞到七點先到大角咀做野..

工作都係set 番password, 同埋老細部notebook...

結果做到九點幾, 返到屋企十點,
食完飯沖埋涼就.. 十二點.. ..ZzzZZZzzZZZZ

==================================
回 魚子:
痛苦不會向我招手, 但係"幸福"不要我, 將我一步步推向痛苦..

回 賤健:
嗯... 隨它去吧..
仙跡岩? 唔好啦.... 我係M記都已經見到好多熟人..

>>November 5, 2003 at 3:19:01 AM GMT+8

2003 年 11 月 1 日 星期六 【晴】

我原本仲諗住會訓得唔好..

點知一起身已經係九點... @_@"

================================
所以搞到十點先出去買野....

第一站係荔灣廣場..
我同表妹去睇呢個QQ的產品, 原本諗住電話繩o既.. 但係睇得一樣, 順便睇埋其它野, 結果買埋銀包同企鵝公仔...
原本仲諗住買衫, 但係太貴, 同埋唔係咁o岩心水...

之後睇下碟咁啦.. 目標係全部孫燕姿大碟.. 不過.. 好難搵喎...
好多間都無... 孫燕姿唔好咩.. 咁多地方都無...

之後去食午飯.. 搞到遲晒到...

食完飯, 我同表弟同表妹去天河買書同碟...
好野.. 一個購書中心, 滿足晒我買碟同買書的希望...
七隻yanzi, 八本幾米...

仲有果班表弟妹果d 書.. 買左成幾舊水~~~

之後落埋電腦中心.. 只係幫鼎坤買隻叫"情歸故里"的game....
四十蚊...

係黃沙站, 佢地返屋企,
我都返屋企...

廣州之旅完結...

=================================

>>November 5, 2003 at 3:06:16 AM GMT+8

2003 年 10 月 31 日 星期五 【晴】

上廣州.. 理應開開心心..
但始終.. 因為她的事, 真的不太開心..

======================
直到, 我在火車上看到簡sir 俾我的那本"佛教與人生"..
佢講左一個point..

佢話,
世界不停係到變, 想執著都無用, 因為根本就係到變..

佢舉左個例, 話一對男女戀人, 到分手的一刻, 其實男女雙方都不停在變.. 可能女方已經變到唔值得去愛, 既然如此, 做咩咁執著.

無錯~ 講得非常好~!
以前我因為想唔變,
所以, 唔係咁察覺到個個都係到變, 包括自己..

加上我本身就係悲觀主意者,
我會覺得世界上所有野都係向壞方向改變.
所以我同自己講, 我更加唔應該執著....

開始諗番起以前睇過一句:最大的悲觀竟然是最大的樂觀, 都好合理..
因為situation無得再壞.. 唔樂觀都唔得..
我諗我就係呢個情形.. 反正都無得再差.. 可以不理這個situation吧!

所以去到廣州反而是真的開心的..
最緊要是"只要食得落, 訓得好, 天天都笑得開口, 便已足夠"
真係無謂執著.... (或者係一種心淡...)
-------------------------------------------
今日第一個目的地係去食靈芝雞...
咩係靈芝雞? 唔係靈芝同雞一齊煲... 而係隻雞由細到大都係食靈芝的..
所以唔係去酒樓食, 因為酒樓無.. 係要搭車去到一個叫鐘落潭的地方, 果到就係養雞的地方...
問你怕未~
所以一隻雞都搞到成六七十蚊.... 但係肉質同口感都係同香港賣的雞無得比..
因為雞係通山跑的.. 總好過香港果d 食飽訓訓飽食...
(喂... 係食果d, 唔係叫果d..)

食完飯行埋雞場果個山頭, 之後又搭車返廣州市..
去到廣州市又係食飯.. =.="
都話中國係飲食文化架啦!!!

食完飯去左我姑姐到, 聽下歌就訓左啦..

聽日... 一定要瘋狂購物~~

=============================


>>November 5, 2003 at 2:34:51 AM GMT+8

2003 年 10 月 30 日 星期四 【晴】

星期五..


=====================
痛苦的校園生活,
之後也是痛苦的, 不過是工作..

原本打算放學立即去,
但結果.. 同簡sir 傾左好耐..
關於我自己的事...

簡sir 聽完我講, 就從枱底找了一本叫"佛教與人生"的書給我, 叫我睇.. 會舒服好多..
等我聽日上廣州係車上睇都好..

所以結果搞到好晚先去大角咀..
所以搞到好晚先有得食飯.. 一路整機一路打盹.. 很大個呵欠...

明天還要去廣州呀... 很累..

========================

>>November 2, 2003 at 2:55:27 PM GMT+8

2003 年 10 月 29 日 星期三 【晴】

有了智偉的安慰, 心情好了一點.
餘下的只是不甘心...

=====================

今天心情好了一點, 但是, 還不想去面對她...
起碼我會開口說笑, 開口串人...
可是我已經很少開口了..

我想不到她給了我一封離別信...
真是傷信...內容都是那樣的, 還有的就是一支送給我的筆..

重讀著你的告別信 抑壓而暗湧
雖不信寫的話 竟可以這麼重
但再哭亦無用

* 徐徐又當這信是你 緊貼我抱擁
可惜信太單薄 怎可填密落空
愈信傷早抑壓 痛便愈沉重 *

# 難平衡自己 忐忑的起伏
難原諒我心 反覆的變動
是我個性舞擺 換來這封信
曾令你瘋 舊情要一別而盡 #

@ 仍多麼需要你 仍多麼需要你
如今天失去了 怎麼退怎麼進
如果可不要信 寧死都不要信
但看我手 再激動仍只得傷信 @


==================

我看我也要回回信...
所以吃飯時跟蝗蟲去買信紙.. 原本打算空堂寫的,
可是一到306, 跟Toto姐說了件事, 蔡生笑了一會兒,
笑我傻..... 唉... 宿命, 不是跟大陸很多選擇有關的..
而是命運.. 人總要認命..

原本放學要去聽講座的, 可是跟Kylie說了自己的事,
還有去到G2連人影也不見... 所以沒去到, 反而跟Kylie去遊車河,
車是KN4207.. 神奇的是, 我們居然在新興花園站見到蝗蟲跟Vicky,
在運頭塘又見到蝗蟲... 真是有緣...哈~

心情不好, 再跟Kylie搭火車去太和, 其間撞到勳爺..
去到商務印買幾米2004月曆..

到大廣又見到大魚.. 傾了一緊,

還在路口見到Toto 姐.. 又行了一會..

七點才回家..

========================

返到家, 還是忙著Server的...

========================


>>October 31, 2003 at 2:33:43 AM GMT+8

2003 年 10 月 28 日 星期二 【晴】

結束還是原諒
愛永遠, 擱在遠方
多日來, 沒有寫日記.. 一日的事, 以前的不再重要.
======================
完了,這次真的完了
昨晚, 大家都已經說得清清楚楚,
自作多情的時刻, 完了.
--------------------------------
機神．波拉 28/10/20 22:54 那些事, 蝗蟲跟我說了,

我了解你的想法的... 我也明白和體諒的...

如果對住我唔知點, 那麼

我不作聲靜靜地等．．
大家別作聲....

(註: 蝗蟲說她表示只想跟我做朋友, 面對我有事不知所措之類.. )

機神．波拉 28/10/20 23:10 你明白，我的心意嗎?

mE........ 28/10/20 23:12 也許.......


機神．波拉 28/10/20 23:12 我明白你的．．．

我想，我會做適當的事情..

mE........ 28/10/20 23:17 好的...thx~

機神．波拉 28/10/20 23:18 可是，
有時候，我想在你身邊..

但，我會盡量控制我自己的.
你沒有必要接受我，

但是，讓我對你好吧...

mE........ 28/10/20 23:25 你對我已太好了...
我不想傷害你
但...其實我同你係好唔同o既人...
我地追求o既野都唔同
做朋友當然無問題啦~~
但你要清楚明白我地之間o既關係...
如果唔係我地之間就無關係
做返朋友一般o既禮儀
也很好了
你明白的...


你對你自己好點吧

機神．波拉 28/10/20 23:31 那麼，我只是想對你好，

其實到了這個時候，
沒有別的．我根本沒有甚麼希望，所以也沒有失望.

只是，
算吧．．　明天要好好的過，

你做回你自己吧，

我明天也不會太開心的樣子，你當沒事發生過就可以...

機神．波拉 28/10/20 23:32 只要你記住，

波拉利思，永遠在你身邊，
只要你有困難的時候，隨時可以找它

mE........ 28/10/20 23:32 ok...
其實你將希望放o係其他野上...
都可以架....
做人要積極呀


mE........ 28/10/20 23:34 朋友....
我不好意思受你的恩了

機神．波拉 28/10/20 23:34 希望．．? let it be..

我已經心力交瘁．．
我已經好累．．所以我今朝咪同你講，呢一刻，我只想?
一個學生
工作，我已經很累.

別擔心我吧..
我是企鵝來的，能在寒風中堅忍..

別緊要.

只要你要人幫手，我就會出現

mE........ 28/10/20 23:35 唔緊要啦~~
你應該知道我其實也是個強者...
haha`~

機神．波拉 28/10/20 23:36 只要你記得，還有我會對你好，

我就足夠了..

mE........ 28/10/20 23:37 多謝
夠了...
但不必太在意我便可以了

機神．波拉 28/10/20 23:38 去到這一刻，

其實很多東西，已經沒有挽救的餘地.

mE........ 28/10/20 23:39 唔做一對
都可以好好相處o既
但這是我今天必須清楚交代的
因為我知道我做錯太多了

機神．波拉 28/10/20 23:40 但起碼，

我要時間，才可以沖淡一切。
不在意你? 我想．．　除非我死了..

我意思不是說你做錯.. 別忘了，
只是說，我一年前不應該作這個決定.

機神．波拉 28/10/20 23:42 我需要時間去重組和冷靜下來

我想，這一段時間，我不會找你麻煩的. 希望.

我有甚麼事，你別認帳
說你什麼也不知道






mE........ 28/10/20 23:45 我想 我也不找你幫我拿報紙....
多謝你幫左我o甘多

mE........ 28/10/20 23:57 謝了
我可以說對你的感覺很矛盾
很抱歉沒有好好跟你說清楚
對不起
你對我好..我說大家是朋友
而做回朋友相應的態度
也許是我錯誤的表達自己...
我想我是不適合你
你是個好男仔...
我知你的另一半會很幸福
但我想我是受不起的...
受了你的恩太多...
在這裡只好祝福你會過得更好......
生活快樂...

現在的你好好為學業努力吧.....

之後個故事係點...........順其自然啦...




機神．波拉 29/10/20 19:23 嗯..

無論如何, 你也要幸福.... 應承我...
有什麼不如意的事, 就找我吧...

我不敢說我會等你, 但是,
只要你活得開心, 我便以足夠.. 就算我好像不開心..
但, 我是可以堅強的..
以後的事, 以後再算吧..

我也要對你說對不起, 給了你這麼多麻煩,
還不知以後還會不會繼續給你麻煩....^-^

最後一點, 就算你不喜歡我, 我不介意,
讓我靜靜地等待你, 和故事的發展吧.. 應承我, 好嗎?

=======================

我要學會一個人生活,
我要學會忘記她
我要... 我要過得了心的那個關口,

而我心早前造成的傷痕, 已經變成裂痕..

所以今天的我, 多了失樂,
學會離群獨處..

本身我並不想哭出來, 可是那個kitty wong(訓導老師.)
引了我的淚水出來..
第一次在學校流下眼淚....

這次是最辛苦的一次苦戀..
為了她, 我改變了自己愛的模式.. 以前只懂想別人做自己女友,
現在的我, 只想怎樣對她好...

這次之後, 我真的怕了, 心裏有條永不會埋口的裂痕.
不會再付出甚麼.. 我是自私的.. 我的確要保護自己..
接連五次的失敗, 我已經對自己和感情, 徹底失去信心..
感情對我來說, 只是苦..
跌過, 碰過, 傷過, 哭過, 再試過,
百感交集, 只是沒有甜蜜的感覺, 只有殘酷的回憶.

我不是型男, 也不是美男, 更不會甜言蜜語...
所以愛情不屬於我...
我不會再走進這個對我而言是痛苦的愛情世界,
餘下來, 只有一個人獨處.... 一個人欣賞世界的萬物....
======================
可是工作還得要繼續,
所以就算多傷感, 還得要去深水步一次, 換換主機板..
上次那一塊真的不是BX板, 只是LX板..
這次換一個好一點的!

幸好的是, 我坐了3ASV.. KV5308.. 對3ASV來說, 是很快的一程..
而且見到對頭有架Daimler A的古老巴士行過...

跟大魚說了很久的電話.. 心情...

最後幸好智偉給了我一個電話, 令我心情神奇地好...
多謝你, 智偉..

我這一刻, 慶幸大部份朋友真的對我好...

=============================

>>October 31, 2003 at 2:27:28 AM GMT+8

2003 年 10 月 24 日 星期五 【晴】

又是一天的Universal Working day..


=======================
今日要走三轉..
第一轉係去柴灣set 番d 野,
教freddie佢地點樣改密碼之類..
搭車法係74x-->KTL-->TKL-->ISL-->47M小巴.. KTL車序15, TKL,ISL車序都係22..
我點解要寫車序你轉頭就會明白..

去到果面, 做到兩點幾就走.. 原本打算食石頭飯, 後尾都打消左呢個念頭..之後搭118落大角咀.. 其間同靈魂兄提及女的問題...

去到大角咀視察一陣環境, 同佢set 個server應該無問題, 只係賺得少囉.. 不過我半玩的..

最後落黃太到整機..
你咪話, 佢時得時唔得, 我係觀塘線來回穿梭幾個站.. 足足搭多一次車序15, 見到一次15.. 最後上左車序16.... 很有緣吧~
佢個女的補習miss.. 都算係幾靚果種.. 原來佢20歲, 未有男朋友(!! 各位同學有興趣請在此報名 !!)
我自己就無興趣啦~

之後一行四個人去尚德食飯..
食到好晚才返屋企..
==================

>>October 31, 2003 at 2:24:40 AM GMT+8