2004 年 6 月 14 日 星期一 【晴】

又訓得唔好, 又無胃口.. 唉.. 就黎打柴啦我..

不過, 唔到你唔信, 一碟好食o既野會令你開心番..

話說我同表姐同表姐夫去一間係石排灣街市煮食檔叫做祥興的一檔到食野(註: 我上年日記都有記載呢間野.. ) 佢煮左一味西檸雞... 我一食入口, 心情就好番啦.. 因為實在太好味啦.. 仲有番胃口.. 真係奇怪...

好心情還留到放工時tim~

聽日去isaac 屋企!? ok 啦..
心情唔好, 其實唔會想見咁多人..
點解? 我覺得要強顏歡笑囉.. 好辛苦.. 對住咁多人無理由好唔開心咁啦...
所以, 考慮下先啦...

>>June 16, 2004 at 2:37:52 PM GMT+8

2004 年 6 月 13 日 星期日 【晴】

我想講, 我好辛苦..
心情... 又開朗又辛苦...
睡得不好, 也吃得不好..
因為心裏又多了負擔.. 多左條刺..

leave, 我真的唔想留下,
我真的想讓心靈離開傷感.. 我真的想豁出一切, 做一個4月16日出生的人 - 笑看人生..
可是我似乎又走了回頭路, 找回從前失落的自己..

不過我已經下了決心, 不會令自己在回頭, 我要做一個笑看人生的人.. 一個日日都串咀的開心人, 一個日日都爆粗爆賤的開心人..
我以後也不要再做以前的我, 無論付出多大的代價..

或者我已經視""感覺""如""洪水猛獸"'...
=====================
今日係聯校畢業典禮, 典禮前譚sir 約左我返去同d 中五吹下點擇科咁啦...
咁我都係吹晒水咁啦..吹下吹下..
吹到d 人覺得開心咪得囉..

之後就搭校方安排的日式coach 去會場 - 文化中心..
一個二個, 帶晒衫去換... 我唔理啦, 反正一陣都係返工o者..

悶係悶架啦, 不過個畢業禮悶極都係得一個鐘..
之後六個(計埋我)7S班代表(哈哈, 其實只係得六個人去咁多)
去左旺角食飯飯... 有"圓碌碌"喎, 當然上車啦..
不過我都係鍾意企車頭, 其他人走左去坐..
其間有個自遊行的太太上車, 估唔到個司機一來好人, 二來普通話還不錯, 對答流利..
之後個遊客因為要唱錢, 所以都問我... 同佢傾左一陣..

呢個遊客最後講: 你們兩個人的普通話都不錯, 聽得懂, 好過昨天問路人一句都聽不懂..
哈哈.. 聽得多孫燕姿的歌嘛.. 國語當然唔會太差...
之後我說: 是嗎? 謝謝...
個遊客仲話要食M記, 我叫佢咪搞啦.. 唔好食..

一行人, 最後去左意粉屋食.. 還可以啦..

之後佢地五個人繼續旺角之旅, 而我就一個人上171 返工..
返工搭JU4806, 放工又係JU4806.. 真有緣.. =)

>>June 14, 2004 at 2:06:35 PM GMT+8

2004 年 6 月 12 日 星期六 【晴】

今日一早就出左將軍澳到做野...
去間廠東的屋企整電腦, 其實說得這樣複雜, 倒不如說是幫自己朋友..
因為那廠東的太子仔也是我的朋友, 很開朗, 吹得水之人.. 好開心..

佢部機, 要怪就怪個windows xp installer 唔知點解讀唔到個NTFS parition,
我居然用knoppix 3.1 同 3.3 都可以讀到.. 到係windows xp 本身讀唔返, 真係搞屎棍...

所以我都醒目, 帶定隻HD 去用knoppix 抄data 走架啦...
不過始終, 百密一疏..
最緊要果個folder 唔記得左抄到, 啞晒..

不過總算搞掂晒, 但係lunch 就搞到四點先有時間食....
係我裝緊windows 果陣, 賤咀就打電話黎, 吹下水解下悶咁啦..

結果五點就順利走得人, 哈哈哈..


我覺得我日記越寫越短..

>>June 14, 2004 at 1:28:18 PM GMT+8

2004 年 6 月 11 日 星期五 【晴】

我已經覺得我變左...
我唔敢講係變好左定係變得無咁好..

以前我會"往前追, 不後退", 但而家我會"不一定往前追"
可能人大左, 想退一步海闊天空..
有d 野可能退而後其次會無咁辛苦

咩context? 你自己走過黎問我啦...
================================
今日簡直係吹晒水...

原本諗住整防毒問題, 好快o者, 最多咪刪左佢裝過,
我真係咁做, 點知, 刪左裝唔番.. 一行就無左影.. 自己close 左..
我諗十成九都係個WinME 發癲, 硬膠左, 諗住攞隻WinXP Home 同佢upgrade 左佢..
dee... 個cdrom 壞的, 第二隻都係咁..... 硬膠晒.. 結果要搬機走咁濟.....

Ben 哥又係到吹晒水, 佢d 錢又咪俾女攞晒
我係為興趣做事, 佢就係為錢...
所以我好難明佢做事邏輯..
聽聞佢成日俾女攞左去, 唔怪得佢要成日賺人地一大筆先收手...

之後marco 約我走去睇相機, 結果佢去佢個frd 做果間百老匯果到買左部Nikon 2200, 千六蚊搞掂..
之後同佢一齊返屋企.. 佢請我食左串魚蛋tim~~
佢講番佢工作o既野, 好interesting....

>>June 13, 2004 at 12:54:11 PM GMT+8

2004 年 6 月 10 日 星期四 【晴】

崔智友生日快樂...
佢都已經29歲.. 快d 搵住好人家嫁啦... 做frds 的, 見到自己偶像開波都會好開心,
等於孫燕姿自爆有個男友, 感情穩定, 全部frds 都會覺得好開心一樣..

=============================
番左黎香港都有一段時間的marco 終於打電話來找我,
搵我, 唔係食喝玩樂.. 講真我都未有咁o既閒情逸志去玩..
佢都問左一個幾好的問題... 有無數碼相機係會係張相上面有日期呢? (好似以前菲林傻瓜機咁果隻).. 以我所知就係Sony.. 不過我真係唔鍾意Sony 相機.. noise 太高.. 不能接受..
而marco 呢期都返緊工, 所以無時間睇相機, 叫我幫佢睇.. 當然無問題啦..
反正我果到有一路車正落旺角..

其實今日返公司都無咩好做, 只係改下小問題, 改下link, shortcut 同printer link 咁啦,
似乎個migration 成功得可怕... 太寧靜, 無咩可能咁平靜.. 只係驚有咩大風暴..

當然係風平浪靜果陣走人啦.. 唔通等出晒事果陣走頭咩..

之後就係幫marco 睇相機的時候.. 其實點睇.. 只係走去個相機舖到問, 問邊部有呢d fuction. 個店員話只有nikon 同sony 得, 我諗nikon, 算啦.. 不過nikon 新機快門反應的確係快左.. 無好似以前Coolpix 880 果d 咁鈍胎... 唔錯唔錯..

之後就一個人搭火車返屋企lu~

>>June 13, 2004 at 11:53:05 AM GMT+8

2004 年 6 月 9 日 星期三 【晴】

今日, 係值得記念的一日..
係我有史而來, 工作時間最長的一日, 十一個鐘.
返十二點放十一點, 皆因今日要migrate server...
由舊mandrake linux 7.x server 換成另一部 fedora core 1 的server..
即係要將d 資料開始轉番晒過去.. 而且要同以前perform 得一模一樣..
呢次係一部server換兩個server(一部file + 一部print), 所以一定要好好睇睇..

結果早上只係搞番user 權限問題, 反而要等其他人放工我先可以開始抄data 走, 結果係等到七點先可以開始, 我老表好彩之前識搵時間問我野, 不過其實係我唔識o既野囉.. ANSI C...
開始migrate 果陣, 最初諗住係先將data 抄去一個hard disk, 再用果個hard disk 抄落新server, 但係都係算數啦, 結果我都係直接將舊hard disk 插落server 到抄, 因為快好多..

抄抄下又發現中文file 名又唔係好讀到, 好彩後尾發現只係samba 讀唔到, 問題唔大..
今日還可以算順利, 搞搞下就唔經唔覺十一點啦..
今晚八點果陣就係我表姐屋企食飯..

但係勤工獎我唔會有得攞, 因為, 我走果陣, 仲有一個同事同我表姐努力工作中... 唉.... 咁做野法, 真係等於賣左自己俾間公司...

走果陣, 睇住一班171走, 等左勁耐先有107..
上到車就打左個電話俾一個係灣仔返工, 又係咁晚收工的同學, 但我上到火車佢先得閒聽我o既電話, 而且佢仲要唔係好識路返屋企... =.="

>>June 13, 2004 at 11:19:26 AM GMT+8

2004 年 6 月 8 日 星期二 【晴】

你媽showhappy 的日記系統...

我第四次打呢日日記... 過份.. 頭三次自己按錯掣, 第四次系統問題....

=================================
今日終於要返黃竹坑啦.. 應承左人地o既野總要做的..
比原定計劃遲左一個幾禮拜.. 無法子啦...

早上老豆叫我去飲茶, 我都估到唔係淨係得我地一家人架啦, 結果的確, 只係估錯同咩人一齊飲茶.. 我最初估係佢地的晨運朋友(佢地而家日日走去晨運, 但係我根本就未醒), 原來係同鄭太的朋友一齊, 係咩太同乜太(我真係唔識).. 結果我趕住走, 食得好少野..

返到公司都十二點咁濟.. 今日係視察環境.. 同埋運""軍備"": 一部notebook, 但係有d 野無係手, 例如個data folder無帶, 結果今日幾乎係咩都無做過, 只係set 左mail 部份,
所以早走, 去大圍搵我老表,
佢就快上上海,

我左計右計, 最後發現170去最平, 所以等170, 搭左粒幾鐘....

去到之後幫佢搞少少野就走啦...
都係server野啦..

佢俾左支暗瘡膏同埋一包用完即棄的面巾俾我, 因為我個暗瘡生得太勁啦.. 一發不可收拾.. 哈哈..

==========================
回 Wong J:
我見無人reply,以為你地考完AL後唔記得左呢到.

>>June 12, 2004 at 12:17:14 PM GMT+8

2004 年 6 月 7 日 星期一 【晴】

唔記得左講tim..

尋日除左見到Kai子, 仲見到一個靚女, 同一個韓國人..

成個Lecture Thr., 五十人都有, 得兩條女....
男女比例係3:1? 邊有咁少呀... 10:1就差唔多...
有一條女唔睇得o既, 不過另一條女超有style.. 唔係好靚, 但係有style,
我保證, 一入到呢一科, 一定令到武林又再風風雨雨, 連番血戰..... 從此多事...
我!? 我當然係會袖手旁觀啦.. 我係一燈大師嘛...
最多攞部DV 拍低佢囉, 加埋粗口旁白點話.....

韓國人呢, 我諗係professor 類的物體,
佢用一d 我聽唔明的英文同我同wong j 傾計, 我一估就估佢係韓國人,
點知佢真係.... 結果我同佢同韓文打左個招呼..

唔記得左講, 我見到一個老朋友..
佢係同我一齊讀mcse 的葉公子.. 其實佢大我幾年, 只不過係身體有病所以搞到而家先入U.
佢而家係大陸做野, 我同佢就真係大把野傾.. 不過咁就悶死wong j..

講番今日啦..
今日原本諗住番工o既, 但係結果因為做西服(suit), 打算係謝師宴著,
結果搞到下午, 仲去乜鬼o者..
姨媽同埋佢d 朋友今日去左我屋企囉..
無野啦, 好早訓..

=========================
回 乾
正當我以為無人睇之際, 多謝你的出現..

>>June 9, 2004 at 2:33:03 PM GMT+8

2004 年 6 月 6 日 星期日 【晴】

中大Info. Eng Leadership Camp 2004

其實係一個日營(day-camp),
但係真係好睏, 因為我唔夠訓.. 今日八點鐘就起身...
wong j 又遲到, 結果我地兩個要搭校巴上去(原本有專車上去)... 不過好彩, wong j 識路, 知道點去..

去到會場, 原來我地已經係最後兩個入去.. 搞晒笑..

第一個講者係黃仲翹博士
俾我的唯一感覺係, 你吹咩水呀!
佢話, 當年做錯左, 當年千年蟲問題果陣應該企出黎話, 唔係你地想像中咁大件事.
車.. 如果你唔係為左個人同身邊人的利益, 你早就出黎講左啦.. 吹晒水咁..
佢就真係吹水吹好耐呀.. 吹到過晒鐘

第二至四個人係我都唔知邊個,
但係有料到.
題目有無線、data coding (呢個幾乎佢係無講過野咁濟, 完全俾我覺得係無準備過!)、同埋2d image->3d graphic (呢個堅料呀!)

食飯果陣, 大會請來一個博士講領袖素質問題,
老實講, 有d 我都唔係太同意.. 太過商業化.. 我們可以保留一些人性嗎?

之後兩個工作坊, 除左光果個之後,
第二個簡直係.....
第二個係講network....

分組滙報, 我一定要介紹今日同組的一個, Kai子!
嘩.. 頂... Kai 到你唔信.. 今日一朝早Kai 到尾. Wong J 就知道啦...
簡直係全場爆笑.. 我覺得佢有d 低低地... 唉... 真係慘..
佢問題係, 係唔應該講野o既時候係咁講野..
死晒!

>>June 7, 2004 at 2:44:07 PM GMT+8

2004 年 6 月 5 日 星期六 【晴】

盟軍諾曼第登陸(D-Day)六十周年

今日一起身, 收到個壞消息..
原來根本就識人有飛攞, 只係我唔知, 搞到要自己買飛.. 唉..

啞晒..

今日就係飲飲食食..

係酒樓食完就搭車返香港..

返到香港先知, marco 有約人出去食飯.. 哈... 真果句, marco 今年返左黎咁耐我都未見過佢... 你話幾頂..
我諗我係上面聽到一個聽唔的電話果個係wong j 打黎同我講啦...

>>June 7, 2004 at 2:12:17 PM GMT+8