2004 年 2 月 1 日 星期日 【晴】

第一日返學, 始終習慣左十二點先起身,
所以好辛苦.. 不過我又唔會唔返學果d.. 不過今日都算係黑仔啦.. 唉..

==================================
話說今日返學, 半來都無咩好講o既..
今日兩老返左大陸, 得我一個, 所以出街食lunch..
一行三人去左元祿食野...

上上下phy 堂.. 我條手珠鏈斷左.. 我諗, 呢次死啦.. 肯定有野發生..
但之後個phy test 並沒有事.. 反而仲做得幾好.. 雖然無溫書..
放左學之後就出事啦...

同J, 家豪, 兆興去孫方中球場踢波, 因為要試下家豪做龍門的反應,
我自己都想練下射波.. 射到一個波, 射就射得幾靚呀.. 仲入埋tim 呀... 但係著住皮鞋, 一個唔覺意, 因為對鞋闊得濟.. 大家都知射波係要有橫向動作(唔通真係直篤咩..), 呢個時候我就腳側落地, 訓左係地下到.. 之後就好痛啦.. 唔使講都知係"扭柴"啦...
結果五點鐘我就早走, 一步一步咁行番屋企...

唉~ 一個人.. 又唔行得快.. 以前行六分鐘, 而家行要成十幾分鐘..
年紀大, 機器壞.. 我真係第一次扭柴.. 唉.. 嚴重一d o既抽筋都只係一次咁多...

都唔知星期四果場落唔落到場 (就算無傷其實都唔輪到我落場.... 我都唔識踢....)

好早就返到屋企..
上左網, 幫銓set 番d 野.. 都係簡單野啦..

但係就遲左少少食飯.. 但卻早得濟去到補習...
同上個禮拜一樣.. 都係去左打機.. 但係呢次去80M.. 吓!? 架AVW1模型呢!? 呢次帶埋錢黎買.. 居然.. 連陳列品都無埋.. 天呀... (限量3000部架...)

去到EEG ... 交左學費...上堂..
呢堂好似特別長...

==========================
又落雨.. 聽日返學就好麻煩!!!
隻腳仲要搞成咁...
==========================

>>February 3, 2004 at 1:43:03 PM GMT+8

2004 年 1 月 31 日 星期六 【晴】

唉．．　聽日就要返學 ．．．
有d 唔想番tim...

==============================
今日由於唔想動.. 所以..
只係落左三分鐘街.. 攞舊報紙落街賣 .....

今日完成左座談會紀要, 同埋半份 AL CS 2000...
不過其實仲有d未做完囉...

其實今日都無咩野發生過....
所以就此停手... (唔會停筆架.. 我又唔係用手寫板...)
--------------------------------------
今日睇到一齣港產片..就係大隻佬.. 估唔到而家港產片又幾有含義...
================================
回 小月:
唔係呀.. 我只係好奇怪, 只係一個random process(求簽), 會俾佢講中..
中國文化果種"類比論証"太神奇啦. 仲神奇過孫燕姿 ..

但我覺得佢講都似乎係以前o既事..
我地應該向將來望...
我唔係幸災樂禍架.. 其實...
我也感到不幸... 我亦唔想見到 ..
我對呢d野都好無奈...
......
但我信上天會給最好的我們...

==============================
可能... 我地兩個, "有一天我們的名字, 都換了新的地址 ..."; 或者可能會係埋一齊, 又或者, 我一個人生活落去...話唔埋..
但我相信上天會俾最好o既野我 ...
請相信人生..
================================

>>February 2, 2004 at 4:41:51 AM GMT+8

2004 年 1 月 30 日 星期五 【炎熱】

其實今日都幾暖下.. 只不過我這個在白天發冷的人, 喜歡穿很多衫出街...


==================================
今日係最後一日去拜年.. 去好遠的地方.. 半山區...
所以今天的利是收獲也有點恐佈...

佢地全部都係我媽的朋友, 同學...
只不過有一個的老公特別有錢(在西環開海味店的...)
值得一提一件事係各位係紅隧口搭車一定要小心..
因為今日有個我諗係上面落黎搵食的乞丐搵飯食, 係咁煩住我阿媽...
阿媽好驚.. (唔係驚佢有牙, 係驚佢有菌!).. 我俾左五毫子咁多, 加一句"(普通話) 去..去..去.."打發左佢走... 唉.. 如果唔係過年過節? 我打電話報公安都似....

上到103, 去到果個人的屋企..
今日幾乎唔想去.. 因為以為果個晒命怪會出現, 好彩最後佢無出現.. 如果唔係我就煩死啦!

係半山行番落去西環, 媽個朋友的舖頭...
佢老公係到, 又有利是收..
之後去酒樓飲茶, 我就飲到好悶, 因為佢地成班人用潮州話溝通, 雖然, 我都係半個潮州人, 但係我唔係好識聽.. 佢地講得好快.. 所以我搵地方行 - 去左恒生銀行一轉.. 因為有個巴士迷入左70蚊俾我, 我賣本年鑑俾佢... 我去check 一下, 加上我想入左今日利是錢收入..

之後原本諗住去視君姨屋企.. 但係想同表哥睇數碼相機, 所以最後轉左地鐵去旺角...
又存到地鐵里程積分啦~~~ 其實點都平d.. 5.1 vs 9.4

去到旺角, 老表係cybercity (機舖是也...)
又有野值得一提.. 旺角地鐵站見到孫燕姿超大張廣告... (Fossil 錶...)..正 ^^...
今日不在狀態. 玩太鼓也不行了... 救火game 還可以, 可以去到第二關大佬, 但今日見到兩個人可以1 play爆機.. 真是...

打機不再行, 可是相機我就在行了...
話晒都跟胡sir 學過一排 + 自己係巴士迷成日影巴士, 所以我都識o既...
我介紹老表買Canon A80... 正! Noise 低, 又清... 只不過快門反應唔夠A40快.. (唔記得check有無B快門tim...)
數碼相機, 兩個牌子唔買得:
1. Sony... 你咪以為Sony 大牌子就買得過啦.. 呀.. 你錯啦.. 部份機係就係用Leica鏡, 但係佢d 機noise 勁高, 黑少少影相, 你都咪使旨意會清.. 你會見到一點點又紅又綠的點....
2. Nikon, 佢d 菲林機真係掂, 但係一去到數碼, 個快門反應慢到你唔信... 最切我用都影到花晒...
不過單鏡反光數碼就仲正過Canon (感覺上.) Canon 單鏡機用full auto mode 會偏暗... 學校部EOS300D同埋我個frd 果部EOS菲林機都有同樣問題, 反而Nikon 我用過兩種都無呢個問題... 但用得DSLR.. 點會全auto 架! 最少都AV或TV mode 啦.. 有時我會用埋manual focus... pan 野用的..

機神推介兩個牌子:
Canon, Olympus. 不過Olympus 我覺得都有少少偏暗.. 我自己都係Olympus..

=============================
原本諗住搭火車返大埔..
但係見到JG2524, 就一支箭咁跑去站頭上車.. 好開心.. 好耐無坐過搭過72x的豬扒了..
估唔到2524 仲勁過9604.. 正正正! 不過司機無去盡, 唔係一定過到前面果架73x o既AD..
我估架車去盡會有80km/h...
=============================
返到大埔, 去左搵影印舖老闆.. 一方面攞番d 影印.
第二係吹下水咁啦..
俾左本書阿ling 姐, 因為佢話佢pascal唔得.. 加上我又開始唔要過期的電腦書..
係呀.. 各位有咩電腦書想要可以問一問我先, 如果我有又唔要的話我俾各位的...
(Linux 書就.. 唔俾各位住啦.. 借就可以o既...)
=============================
小月今日去左求纖..
居然準成咁.. 我又想去試下...
=============================

>>January 31, 2004 at 3:02:06 PM GMT+8

2004 年 1 月 29 日 星期四 【晴】

今日有三個我認識o既人生日, (禽獸, 一個我老豆的朋友的女, 同埋 一位已經去左科大讀書的師兄....)
祝佢地生日快樂...

================================
先介紹一下我係日記的用語:
叮.叮..叮...叮....叮..... ： 係唔知點應對的時候..又或是無野好講果陣.. 呢個係來自冬季戀曲 朴龍河(相奕)有一次NG唔記得左下一句講咩果陣, 只好"叮.. 叮.. 叮.. 叮.. 叮.."
啤.....：係王J講的, 當你好對一件事好無奈o既時候, 所發出的聲響.. 必要時會配合啤一聲的動作。動作可以見到面果陣問我點做, 係非常之有趣的...
--------------------------------------
呢期我口頭禪: 嘩hai... 又幾nice 喎.... nice value 幾高<---呢句係linux 的...
================================
今日晨咁早就起左身.. (其實有幾早呀... 只不過係九點半.. 不過老實講, 出到去果陣我平時仲係張床上發夢..)

今日試過最貴同最平o既來往會展方法
最貴: 原本諗住搭307($18.3, 九折優惠), 點知下一班車要成四個幾字.. 所以走左去搭74x, 轉681..
上車時間係10:09, 落車時間係10:47 (38分鐘.. )
價錢: 74x: 8.4 + 681: 13.8 (九折優惠) = 22.2...
返來時:
天星小輪-->K16往紅磡車站-->火車往大埔-->K17
只係 $2.2 + 0.0 + 7.3 + 0.0 = $9.5!
不過時間就.. 13:51上船, 15:12先到大埔.. 不過中間要扣除十分鐘去搵個K16的車站...
所以全程用左68分鐘.. 好耐..... @_@ 過九龍公園徑而家一定要行隧道過.. 好麻煩...

今日去咁遠做咩? 皆因要去幫我係廣州的表妹買這個陳慧琳的唱郵集.
只可惜沒有帶相機.. 因為當我離開場館時, Kelly也離開場館.. 只要有相機在手, 來一個回馬槍.. 哈哈.. 就可以幫佢影到一手相...
更可惜的是我沒有一早去排隊攞籌.. 如果我攞左先去買個唱郵集的話, 會有佢親筆簽名的....
始終幫人幫到底, 送佛送到西嘛!

返到大埔, 做左一樣好開心o既事..
就係聽番尋晚搜番來的搞笑節錄.. 真係笑到人仰馬翻... 笑到好辛苦....
條友擺明打去電台搞gap...(即係搞事...)
唔得, 睇唔過眼.. 等我都打去搞下gap先...

之後上網都係幫人搞下network 問題, 搞下gap...
只係我一個老表又set network 有問題要跟進一下.. 沒有甚麼..
發現WinRoute 的確幾強.. 本身又係DNS server, 又係router, 又係DHCP Server, 又係mail server, 又係好多好多野... 正.. 不過我會用linux 做囉.. 只不過環境唔許可...
============================
其它, 照舊上網...
----------------------------------------
除了可以幫妳修理一下電腦,
到這個時間, 還可以為妳做些甚麼? 我不曉得...

============================
無留言..

>>January 31, 2004 at 1:06:44 PM GMT+8

2004 年 1 月 28 日 星期三 【微冷】

各位, 要記住記住記住, 防毒防毒防毒..
因為呢兩三日我自己都收到幾封同一隻病毒的電郵: W32.Novarg.A@mm
記住, 要裝好防毒啦!
詳情: http://securityresponse1.symantec.com/sarc/sarc-tw.nsf/html/[email protected]
=================================================
今日終於叫做暖番d.. 起身果陣唔會覺得一種寒意..
所以只可以叫清涼.. 唔係寒冷...

今日原本諗住溫書, 點知屋企人話去天水圍同元朗拜年喎.. 咁咪去埋一份囉..
第一程個64k.. 唉.. 一上車個司機手車覺得佢幾辣.. 點知架KD1896(ATS81)...
一上嘉道理農場果條大斜路已經覺得架車唔多妥, 點解咁慢o既? 無理由一波碌上去咁差架喎!
去到黎屋村站就終於出事啦--突然間行行下死左火...
好彩架車係第二次試撻無事.. 如果唔係就要過車同埋企到去元朗...
架車先2001年落地, 三年就... 唉.. 無辦法啦.. 日日咁上山下鄉, 就算年紀唔大,機器都會壞..
我諗起以前果d 無冷氣單層巴士, 十幾年前又係咁行64k, 又係行行下成日都死火.. (果陣我都唔知幾多歲)...

去到元朗, 先去老豆個frd 間酒樓食飯.. 就係元朗人家酒樓.. 不過人口出奇咁勁..
又唔係話特別平, 更加唔係特別好食.. 都唔知點解咁多人..
不過唔多人我老豆個frd咪無野做囉.. 所以還是管他的...

之後搭269D 入天水圍天瑞 (點解唔係輕鐵? 因為巴士平4毫子囉..)
反而呢架KC 牌o既3ASV就幾順喎...

入到天水圍, 都係探我老豆的一個朋友..
果個朋友個仔都係鍾意孫燕姿, 所以有計傾...
係佢到攞左兩張wallpaper.. 同埋一d 搞笑錄音(係商台"嘩嘩嘩打到o黎"o既節錄.. 真係笑到我反肚....)

之後幫佢睇下上次整唔到果個MSN 唔可以用mic 同人地話音的問題.. 呢個問題唔關個sound card事, 似乎係網路傳送的問題.. 可惜時間唔夠, 否則...............

返屋企, 原本諗住試坐西鐵(天水圍-->錦上路), 但時間所限, 改為276A-->火車返大埔..

返到屋企到係無聊上網, 仲有溫下matter 咁啦...

===========================
之後同Gary 傾一陣電話..
Gary, 係我有一日認識的網友, 當時佢係icq 搵到我, 問我關於php o既野...
佢呢期話要寫一個很大的system, 問我點算.. 我答應幫佢手寫.. (算唔算係搵生意呢!?)
個system 係關於shipping/logicstic的.. 我呢次主要係指導佢做, 所以唔會收好高報酬..
唔知點解, 同行我會收得平d.... 例如如果我識人開電腦舖, 生意好到整機都整唔切, 咁我整一部機五十蚊咁樣幫手都無問題... (當初我老豆有個一切退休的朋友曾打算打本俾個仔開電腦舖, 問我老豆夾唔夾.. 我話唔好, 因為level 始終唔同, 我開始fade out 整機工作, 因為太細徽細眼.... 但如果以幫手性質/合約方式咁又唔同...)
朋友就.. 無計啦.. 不過真係要等我得閒(似乎仲難...)

Acer 機... 俾番佢整啦... 仲有, 講漏左d 野.. Acer 開始為旗下的配件改名為BenQ(名都衰啦.. 病Q..)...
不過都係一丘之貉.. 一樣係咁差.. 見到千祈唔好買呀..
我聽一個人講話佢買左隻BenQ的CDRW機, 點知換左兩次都係壞, 最後換LiteOn (LiteOn正呀 !!)

除左Acer 機, 我以後唔會幫聯想機重裝Windows, 除非成套driver 齊晒係到.. 如果唔係...

================================
回 小月:
我知你想買邊隻Notebook.. SONY VAIO系列唔知邊部嘛...我專登去睇過架...
係百老匯見過係約12000-15000, 始乎Config 而定...
而家咩價位就唔多清楚.. 不過應該變動唔大..

你自己部acer.. 算啦... 你要敬老架啦...
我上一部電腦(Pentium 166MMX)用左足足五年先至換而家呢部Pentium 4 2.2G..
快左十倍有多... 咪住.. 你唔要部機果陣call 我.. 我會將佢循環再用..
話時話你粒CPU係咩? 有幾多M RAM? 你咪話.. 可以set到一隻好勁下的linux server 架~
不過留多d 位係會快d o既.... 可能.... 一開機果陣開少d program 就得囉... 所以而家連icq 都唔多開... (icq 好食ram..)
仲有呀, 唔係人老機器壞.. 人老唔代表機器會壞, 因為唔係機器老, 通常機器老先會壞..
原句係: 年紀大, 機器壞..

基本上, 我呢三日日記, 除左日常生活的事, 其它都是關於你的..
所以留三個言.... 都唔算太過o既.. 反正留多d 言又唔會收我錢o既.. =) XDDDD

>>January 30, 2004 at 10:59:31 AM GMT+8

2004 年 1 月 27 日 星期二 【晴】

一日.. 無聊的一日..


==================================
首先第一件事就係去銀行--攞番網上理財個password..
我諗我都拖左成個幾禮拜先去處理佢... 以前用網上銀行可以話係無野做到..
而家唔同啦, 今日一睇, 發現可以做一樣好緊要o既野 - 交錢, 仲覆蓋晒我所有要交公司, 例如HKBN, CTI 1666, HKCSL, NW Mobility...
最重要係HKBN同CTI1666.. 因為兩者如果係7-11交係要俾手續費, 如果唔係就要出旺角交.. 就係排隊都會出事... HKCSL可以係7-11 免費交.. 最方便反而係新世界.. 因為當我一收到email 單, 就可以走去大埔中心間outlet 刷一下EPS就可以...

行緊番屋企果陣見到榮哥同埋佢架8389 返緊太和, 同佢打左個招呼..

之後上網.. 同一個人傾MSN 傾左大半日(仲諗住溫下書..)

不過特別有件事,
我個妹話唔開心.. 原本諗住出去, 但我又唔多想, 所以..
最後佢上左我屋企(搞到成屋都係人.. =p )
吹下水, 講下笑...
(金句: 當我仲識串人果陣即係代表我無事, 所以當我仲識串你果陣, 就應該俾我串下啦..)
內容都係校園生活趣事啦.. 最具代表性係佢地學校 form 1 豆丁自認德哥大佬.. 去兇一個form 4....
之後下場係.... 大家都估到啦...

佢走左之後, 我就繼續上網...

之後...
上網, icq... 見到佢上網, 可是我自己也有野做, 見到佢又busy..
所以無理到...

================================
車走走停停 路人潮擁擠
過往畫面讓心在下雨
我不會刻意迴避你 還愛你
念著念著卻想哭泣

這世界有沒有地方 能永遠都晴朗
沒有倔強 愛不再讓誰受傷
身旁沒你 地球失去重量
我多想能朝你方向 飛吧飛吧
你沒對我說再見 所以我沒有走遠
等待你等得忘了時間
快樂卻早已跟隨著你 Leave~Leave~Leave

曾一起努力 曾一起相信
甜的苦的各自回憶
用我最大的決心 要自己
愛了放了沒有恐懼

我還在這裡等你帶我Leave~Leave

孫燕姿 Leave, 收錄大碟 <>

============================
今日睇到佢日記.. 同埋佢個留言...
見到佢好似唔係好開心, 幸福...

=>我諗起陳小春係獻世個MTV一開始果句說話:
"也不知道俾咩你, 咁我仲可以俾d 乜野你, 你到底想要乜野....."
我好想俾幸福佢..
無奈往往我會用錯方法, 做錯行動.. 加上.. 我已經唔識得點樣去付出....
就算係, 再次跟自己的感覺去行動, 也不是現在, 也會是考試後的事...
我唔可以承擔感情失敗之餘, 無左一生人的前途..
=============================
回 小月:
換機咪得囉.. 咪用acer 機啦..!
不過我識o既人, 印象中得你一個用acer.. 我有個用acer機的friend 早前都已經換左機... 係我砌的..
整呀.. 你都識啦....

>>January 29, 2004 at 2:58:01 PM GMT+8

2004 年 1 月 26 日 星期一 【乍雨乍晴】

以後都唔整acer 機.. 叮叮叮叮叮...
就算係都要收特價! (特貴價!)

=================================
今日.. 一點三個字, 到九龍城個客到開始整..
重裝野...諗住最多三個鐘就咩都搞掂...
好... 各位睇清楚啦..
一上到去, 發現隻CDROM係壞o既.. 咁我就即場啤一聲(其實個客同我講左隻CDROM係唔得, 只不過我唔記得左.. 同埋想check 真d 先..).. 係諗唔到其他方法可以重裝系統之後, 就搭紅小落左黃金買CDROM..
到黃金果陣, 有人問我hard disk recovery service 俾出面做要幾錢.... 我同佢講左一陣之後, 結論係好可能係硬碟電路板有問題.. 佢之後就話想自己試下做喎... ok 啦.. 行左一陣新高登, 都俾我搵到一隻同佢一樣型號的hard disk.. 我俾左間舖的電話佢就走啦...

我自己都係新高登執左隻舊CD-ROM.. 個老闆話用得, 而且只係35蚊.. 仲要係Panasonic.. 抵!
但係同個客買無理由買舊野架嘛.. 所以去左April 姐到買NU 52x... april 姐派利是. =)
居然仲撞到劉年喎! 原來佢尋日先係大陸落番黎.. 唔怪得慍佢唔到啦..

之後去黃金場買一樣好神奇o既野.. 就係機箱清潔劑... 諗住俾塊面板小月之前都要整整佢先..
不過係個客屋企試過就唔係咁神奇啦.... 黑色污垢就勉強得囉....

落埋永盛.. 點解d 電容咁難買架! 我又長頭髮果陣等到短頭髮, 由短頭髮果陣都等到頭髮都長番晒...... 10V/16V 1000uF 105度 o者....

-------------------------------
返到九龍城, 諗住有隻新CDROM好快o者.. 點知..
第一次刪NTFS partition, 起FAT32 (用fdisk 做..)
一format 到59%:
Not Ready
Format Terminated
叮叮叮叮叮 <== 第一次見呢個error.. 究竟係咩未ready 呢..? 唔信斜, 再來:
format c: /s

部電腦又發癲 :
Not Ready
Format Terminated.

算.. 再fdisk 過, 不過呢次就10G / 4G 咁做..
又無事喎.. 諗住快快手手搞掂架啦.. 裝windows ja ma...
點知.. 又出事啦..
裝番晒Office, IE6 之後, 一開IE..
一load 到flash 的網頁 .... 即hang.. 而且怪就怪左個task manager 會多左個<不詳>
莫非係病毒!? 唔會架.. 新機, 加上已經裝好Norton 仲update 埋.. 跟住試下刪晒IE6 (變番IE4), Norton, Office.. 情況依然係咁......
之後把心一橫, 又fdisk 過同format 過... 呢次做番14G 一個drive 過..點知呢次format 無事!
根住裝番98... 呢次要醒目d 啦... 每裝一隻driver 試一試個IE 先..
點知發現.. 係跟機driver 碟上果隻display card (NVIDIA Vanta) driver 有事..... 一裝再掂flash 就死...
頂.. 搞左我成日.. 就係一隻 display card driver....... 痴線!
之後去nidvia.com download番個新driver 就無事... 真係笑談旺角話....
之後裝番晒d 程式就叫告一段落...

不過時間已經係九點半.. 佢屋企人, 同埋個客個姨一家人(其實都係我個客..^_^ XDDDDDD )已經食完飯(咁佢地食緊飯都有俾d 我食o既.. 唔係點頂咁耐...)
所以同佢地玩兩手大Dee (無人計錢玩的...) 就走啦...

估唔到今日同架車幾有緣.. 就係GZ5181, 275字軌車..
今日唔知點解今日落左75x...
來回兩程都係佢喎~ 架車幾快... 極速 72-73 @ 2200rpm

===========================
今日搭兩程75x 都見到幾靚的女仔... hee...
去果程... 我就咁望左一眼.. 幾乎以為係佢... 點會呀... 佢點會呢個時間出現係呢到呀...
望真d 唔係... 但係都幾靚.. (唔好問我邊個靚d...)
返果程果個就好ok... 個style 係好純果種...

但係而家, 就算係我身邊出現(即係就算識).. 我都無興趣搞...
發現自己無咩資格去愛一個人... 因為我已經唔係好記得點樣去愛一個人.. 或者我有頭到尾根本就唔識..
呢期o既我, 只會講cost-effective... 感情? 真係唔敢afford 太多...
驚掛~ 無奈得濟囉...

不過呢幾日.. 突然覺得, 有一種我將會後悔的感覺...
對現在做的決定(理智)而後悔... 唔知呢...
time will prove everything..

========================
回 Kylie:
大埔區年檢得一個地方o者.. 以前就沙田...
我都係矮左.. 明明165, 166.. 得番163.8.....
你.. 要小心身體呀.. 而家.. 唔好驚而唔去醫... (我唔記得左個成語點打)
其實而家都唔係驚.. 放心交給醫生去治理吧...
我都問過個醫生.. 佢話五度都未必好大件事o既.. 未必使覆檢..
但係傾斜本身可以好大件事囉.. 佢話可能會生唔到BB...
唔緊要啦.. 無得驚架啦.. 一切事情留番俾醫生去諗啦, 如果唔係佢地無必要攞咁高人工..

你有咩事... 我諗......

>>January 28, 2004 at 11:47:03 AM GMT+8

2004 年 1 月 25 日 星期日 【乍雨乍晴】

今日係黎學車先生 生日..


================================
沾叔尋晚原本約我地十一點係大眾書局等.. 十一點!? 我還未起身..
今日我都成十一點半, 播冬戀先起到身...
冬戀真係好慘, 但唔慘又唔好睇.. 就會變左無記低智能愛情片.. 原本個結局係要俊尚手術失敗死去的.. 咁會好感動囉.. 但係而家我睇真係喊唔喊得出都成問題..可能會覺得合情合理.. 而家反而太過神化...

話分兩頭, 我十二點就落到去適雅餐廳.. (八號花園對面, 扒王隔離)
一去到.. 大部份人我都係識, 但係有兩個女仔好生面口, 究竟係邊個呢? 我諗左一陣, 我終於知係邊個囉. 不過好奇怪喎, 車哥原來唔識佢地兩個, 呢次飯局搞手係沾叔... 龍儒又唔識佢兩個.....
唔記得講車哥係攜眷出席.. ^_^

食完飯, 肥儒要補習.
我地一行人殺落i-game (李福林下面)玩.. 不過真係無野好玩, 人係少.. 少過開心好多..
淨係玩過下Time Crisis 2, 3; Photo Hunt, 仲有我落機舖平時都唔玩但係而家無聊到會玩的: Typing of the Dead.. (各位識管啤一聲啦...)
你咪話, 佢唔係打英文字架, 係日文拼音, 例如咩ku, ka, 之類啦, 當然長起上黎就好長啦... 但唔順手嘛.. 第二中段就輸左lu~ 唉.. 打左成十年字都仲係....
果到d 賽車game, d [車太] 完全無feed-back 同auto centre.. 點玩....

去完i-game 仲唔夠喉, 去埋開心... 阿嫂實係到諗: 乜呢班人咁架.. 成日落機舖....
不過我玩左一兩轉車就走啦.. 連World Combat 都無玩...
因為要去政府一年一度大驗車.. (體驗)..

check 過, 身高正常.. 不過點解好似矮咗o既.. 163.8cm... , 體重, 偏輕.. 47.3 kg..
血壓.. 正常... 不過係唔係低左d 呢.... 連發育都正常.
不過唯一唔正常就係脊骨... 側了4度... 唉... 連我都有問題.. 不過我就唔使再check... 因為基本上都無得點再發育... 但係我同個醫生傾左一陣, 話如果斜d 就可以好大件事...

之後就去食飯, 補習.
兩仔爺去海港, 叫左一個沙爹肥牛鍋同埋豆苗.. 正.. 不過唔算平囉..

之後諗住行去搭K17, 不過見到8389, 仲以為係榮哥, 點知係賭神...
之後行過去搭K17....

去到早得濟.. 諗起新基地... 太鼓... fing 手..
fing 緊手果陣乾打俾我... 就搞到fail 左...
之後唔岔氣.. 玩太鼓.. 哈哈... 都係三隻歌:
1) 貝多芬 命運第五交響曲
2) 新世界交響曲
3) 跑馬日一定要聽果隻
頭兩隻幾乎爆Combo... 太開心啦.. 又有人睇喎... 一次過滿足表演慾同打機慾.. =) XDDDDDDDDDD

結果遲左上英皇..........

補完習, 同乾一齊返屋企..........

==================================

>>January 28, 2004 at 8:28:40 AM GMT+8

2004 年 1 月 24 日 星期六 【乍雨乍晴】

自從尋晚嘔完之後, 今日都仲係無咩胃口.. 所以留左係屋企成日..


================================================
成日流流長, 點過呢?
不外乎都係上下網咁啦.
四點幾落左街, 諗住行一陣, 一個男人行街市.. 有d 過份..
點知越行就越遠, 過左八號花園, 仲去埋太和..
去太和仲有咩好做呀.. 四點幾.. 梗係跟榮哥車啦...
等左一陣就見到榮哥架8389 出現.. 好彩係佢o者.. 如果係賭神我就會調頭走...
榮哥都派利是俾我 <----意外收穫
利是入面有幾多錢唔重要.. 最頂癮係個九巴的利是封.. 我都係第一次見到..
榮哥問我關於MP3, MD機o既野.. 當然無問錯人啦....

去完大火, 返大中的第二程車, 居然見到大魚的父母.. 但係大魚本人就無出現..
我又估唔到佢兩位又會派利是 <---- again 意外收穫..
多謝晒~ 又有錢去打機啦~!!! (p.s. 幾時輪到大魚佢自己去派利是呢!? )
榮哥隻hard disk 有d 事, 睇下我得閒的話就幫佢睇下有咩正貨先!

返到屋企都成六點...
上左一陣網..
我有哪些網站會去!? 還是那些hkitalk, ushb, 各位的日記/留言板之類啦..

==================================
看來我已經可以離開她的世界..
佢會搞得掂架啦.. 我信得過佢..
seems that someone has entered her world? seems..
but no need to know, no need to sure.
coz' it's not important at all, for me, for her.

今晚居然有人話我狠心.. 果個人話我對自己同對佢都好狠心...
神奇過孫燕姿....我未試過俾人話我狠心, 拖拖拉拉就成日俾人話..
但呢d 野...
==================================
咖啡淡了　是因為冰塊溶了
沒怎麼了　淡了就是淡了
擱在桌上還要不要
不再愛了　是因為感情壞了
你怎麼了　壞了就是壞了
沒有什麼大不了

* 我們不快樂　快樂後不再快樂
就在最後的一秒　抱了　吻了　哭了
快樂不快樂　沒什麼快不快樂
就在最後的一秒　我們的關係　就這樣了

天亮醒了　是因為心情好了
沒怎麼了　我會愛上另外的人
愛情　大概都這樣了

--鄭秀文 <<快樂不快樂>> 收錄大碟: Ladies First
p.s. 一隻化過化骨綿掌的歌... 就係呢種無奈, 搞到我好無奈.. 同自己講, "就這樣了"

===========================
回 靈魂:
無拖你落水呀.. 你有濕到咩!? hahaha.. =)
唔係拖你落水.. 只係吹下水o者..
希望你快d 再戰江湖啦.. 做兄弟真係好想睇到你幸福.
===========================
如果有睇開我日記的觀眾.. 就會留意到我心理上有好大的轉變...

>>January 26, 2004 at 10:07:45 AM GMT+8

2004 年 1 月 23 日 星期五 【晴】

終於有一日可以寫番同一日日記啦..

今日我係12:00先start up... 唉.... 年紀小嘛.. 要訓多d..
=============================
因為今日唔係我出去, 係有人o黎.

首先第一個到達o既係, 我老表一家! (恭喜晒..)
之後係我契媽同契爺, 只不過佢地幾乎係派完利是就走..
咩都無做過, 只係在我們家食左d水餃之後無耐就走啦...

再跟住係琿表姐一家人到...

坐左一陣, 大家都話悶, 我同我表哥, 表姐同佢個女同佢老公去左大埔中心行街,
我表姐同佢個女去左美國冒險樂園玩, 我同表哥, 表姐夫去左開心打機..
反而我地等左好耐先有得打World Combat..
表姐夫最初無加入.. 有一個人好似好勁咁跟我地兩個..
可惜我還是做leader.. 哈哈哈! 最後那位仁兄很快就被敵人幹掉了, 也沒有玩下去..
反而後尾表姐夫加入, 不過已經去到好後的關數, 所以... 很易被敵人打中的...

返到屋企食飯, 唔知點解, 食左兩啖飯就胃氣上升, 即嘔.. 唉.. 年紀大, 機器壞...
得閒要整整個"D10A285" (副偈) (p.s. 我係一架Volgren Volvo Super Olympian.. ^_^, 所以係用D10A285引擎的.. ^_^" )
之後勉強食左一碗飯, 可是現在感覺還是肚空空.. 但又有野頂住個胃...
即係果種無胃口但又好肚餓的感覺.... 救命!

================================
小月終於從上面返黎... 才上了去兩日半... 掛住佢? 少少啦...
雖不致於茶飯不思, 但夜深人靜, 總會弄得好一大段時間才能入睡..

================================
回 Someone
開始估到你係邊個啦...
2,4,6? 我知.. 但6 就唔係一件好事啦.. 陸續有來喎, 即係失敗同傷心陸續有來? 咪玩啦... 啋過你..
你仲要祝我久歷風霜? 我已經係啦.. 真係閘住反彈無回頭! 其他還ok 的...

>>January 24, 2004 at 1:26:04 PM GMT+8